متــي تــأتي القــيامــــة؟؟؟؟

اكاد اجزم الان باندثار معني ان أحلم , فلا أغمض اعيني الا لتتفتح علي تعهــّر صون موسيقاي , التي ما عادت ترتدي الا عباءة ألحـان مومسٌ تناست رقيب النغم الاجتماعي
ووجع سياط الفن يا هذي ,,,,,,.

أخـــافني ........ اخافني وكلي تنازع افكار تواثبت علي بدون سابق عقلانية , و أحكمت الخناق علي مخيلتي , وسقطت ُ في ارض جنوني بلا بلا بلا !!!!! ما معني ان أعيش بلا و بلا !!!!!! ؟؟؟؟؟؟

أحتضـــــارٌ أندثــارٌ ,, وتنازعت أقدارُ أسفي حاضري وفقدتُ هوية انتمــائي لزمني ,,

وان توقفت ساعة الحائط في سجني ,,, لا انتظر الا توقف دقات ما بين أضلعي و اعلن تمردي علي الايقاع ,, لاجد لي موطأ قدمٍ في دفتر التاريخ , رجلٌ بلا ماضي و لا

حاضر ....

لا اريد ان اكون أحرص الناس علي حياة ٍ قد سئمتها , انا الان معنوياً خارجها ,,,,

ربما تصرُّ فسيولوجيا جسدي علي التشبّث بها , ولكن تلحُ نفسيتي علي الزج بي

خارجــها أكلينيكــــــــياً وتعتزمُ الرحــيل....

يا ألهــي .... متي تاتي القــيامة ؟؟؟؟ و أقرأً عند الباب لافتة السلامة ,,, ؟

اريد ان اوزع حلوي خلاصي , و أرتبك ُ خجلاً وانا أقدم الشربات ,, حاولت ان

ألملمُ شتات انسانيتي ,,, و أطرحُ نفسي كـــائن حي , و أعلن للناس أنني علي قيد

حلمي ,,,,,,................ و أنبضُ بأملي .... ألفيتني في زمرةٍ من الناس الذين

يتراقصون في بلاهــة ٍ ويرددون الاغاني الغبية في هستيرية تفضحهم ,,,,,,,

و تعلن للمــلأ ان هذا هو صوت الناعي الحزين...

متي يكون بعث ظرف زماني الذي مات منتحـــــراً حتي يحافظ علي شرف التاريخ

الذي نخشي حــملهِ من زمنٍ منفلت وطــائش ,, لا يراعي صلة القرابة و تقديس

حقوق الجيرة ,, فيغتصب ساعاتنا ,,, لتولدُ الثواني يتيمةً ,, وتعيشها طفولة مشردة

قاسية ,,, فينشأ مجتمع التوقيت فينا ,,, بلا أخلاقيات ,, و لا ضوبط ولا قيم ولا

أخلاق ,,, ومع ذلك لا زلتُ أسائل زمني ,بل زمنكم بل زمننا جميعاً ,,, متي

تأتي القــيامــــة ؟؟؟؟؟؟؟

لا زلتُ أجــردُ سبحة الايام ,, وتستوقفني في هذا العمر الباهت أصدارة شعرية

صاغها محمد نجيب بعنوان ( ضد الاحبـــــاط ) و اعتقد انها محاولة انفكــاكية

متفائلة حسب تصوري وحسب مقاييس ذلك الزمن ,, ولكن فوق دفاتر شعر

الرجل ,,, عشعش الاحــباط , لانه ثقيل الدم ,, وفي برودة ( ألاسكــا ) و لا تنفع

معـه أي وصفة ً كيمائية او طبية ,,, وانا أعتقد في مثل حالتي , أحتــاجُ الي

روشتة ألهية ومعجــزة من السماء لا تحملها الي الا توصيات ربانية ...

اهربُ من ( دكتور جيكل ــــ الي مستر هايد ) أردد مع صديقي ذات ليلةٍ

في ربيع الحبِ كنا نتساقي ونغني ,,,, لأتفــاجــأ بضياع الامس وحسرات كل

السنين في دواخلي

... ويتواصل دفق العبرات

جميلة لغتك يا حببيب نورة

أحاول ان أتملّص من كلماتي
لا أريد مزيداً من الزيف

هل أستطعت؟؟؟

حيبب نورة

غايتو نضم كُباااااااااااار.....الله يساعدك

سجيمان
انت الجابك بيجاي شنو
الليلة ما اليوم العالمي للعب النظيف

Quote: متي يكون بعث ظرف زماني الذي مات منتحـــــراً حتي يحافظ علي شرف التاريخ الذي نخشي حــملهِ من زمنٍ منفلت وطــائش ,, لا يراعي صلة القرابة و تقديس حقوق الجيرة ,, فيغتصب ساعاتنا ,,, لتولدُ الثواني يتيمةً ,, وتعيشها طفولة مشردة قاسية ,,, فينشأ مجتمع التوقيت فينا ,,, بلا أخلاقيات ,, و لا ضوبط ولا قيم ولا أخلاق ,,, ومع ذلك لا زلتُ أسائل زمني ,بل زمنكم بل زمننا جميعاً ,,, متي تأتي القــيامــــة ؟؟؟؟؟؟؟

متي تأتي القيامة ؟؟
اخبرني المرحوم ان القيامة كانت قبل 20 عاما خلت ..قامت وانتهت..
وماتشعر به هو هامش بين الحياة والموت .. والوجود والفناء ..والاولى والاخرة.. وهناك قبل وبين الموت الهلامي اخبرته الممرضة البيضاء الملئكيةالمتدثرة بالبوبلين الابيض التي غسلته حتي استحى من وضعه...اخبرته انها لا تدري .. ماذا ينتظر هؤلاء الغبش البوساء سليطي اللسان .. وهمست له ايضا ان السلطة والثروة سوف توزع في الجنة حتي ولو فات قطار القيامة .. اذا استطاعوا ان يخرجوا انفسهم من بين هامش الحياة والموت ...

حسن المك يا شفيف يا عفيف
تسلم وتشكر علي المداخلة الرائعة
لكن لسة السؤال قائم
متي تأتي القيامة
ونسأل الله السلامة

يا حبيب نورة الحبيب

مالك عايز تقوّما تانى !! أهو ود المك قال ليك قامت قبال 20 سـنة

يستهوينى عالمك .. أدخله بهدوء و أخرج منه بهدوء أكثر

تثيرني الاسئله الطاعمه /الموحشه/الحقيقيه/الصادقه/اللئيمه/البدينه و تهش قدماي للتجوال في اقاليمها .
وعندما قرأت هنا عن قيامتك ، ونشيجك حولك والعالم ، وانفلاتك في عراء البعيد من حدس ، توجست خيفةً ان اكتب ، و لكن ها قد نفضت بعض الرماد من يدي ، وتوهّمت انّي اعرف موعدها و...
تأتي عندما تزحف ظلال الاحلام لمغيبها
القيامة
تأتي في موعدها عند منحني شارع الابتسامة ترحل حزينه لتضيع في هباء المجرّه .
القيامة
تأتي في البارحه عندما يخيب ظن القلب بالاحلي ويلتفت للخلف ويمرّن وقته علي الفجيعه
القيامة
تأتي عندما لا يجد الصمت ما يقوله لك .

و
سلام حتي مطلع الامر

عاصم الحززززين
أما انا فقد توجست خيفةً قبل أن ألج هذا الرواق
لكي أرد عليك ....أسرتني هذه اللغة الكاسرة الجارحة
الطبيبة المهيبة الرهيبة العجيبة..... عفواً لن أزيد
علي ان أخلع القبعة و أنحني أجلالاً لهذا القلم.....

يا علي يا حلاوي يا شفيف
ازيك ياخ
لكن انت كان كدة ما متابع
ياخي مافي قيامة تاني غير قيامة ود المك
كل الناس عارفة انو في قيامة واحدة لكن
الجماعة صنعوا لينا وبي أقتدار حاجة كدة
خاصة و أمسك الخشب يا حلاوي

حبيب نورة اللطيف:

قيامة كل منا تأتي ؛
عند موته


ملحوظة:
ما ورد اعلاه ليس فتوي فقهية

عادل

احسن كدة يا عبد العاطي
عشان بكرة ما يطلعوا فيك فتوة توديك في
داهية و اعمل حسابك من ( فتـوّة) البورد

الأستاذ حبيب نوره ..

أعجبنى موضوعكم جدا .. وأسلوبكم جدا جدا .. " ودمكم الخفيف " جدا جدا جدا ..

كنت أود التعليق على موضوع القيامة .. الا أننى وجدت نفسى " دقسان " بأدقس .. عمك يادوب جاى من شغل الليل وغلب الليل ..

لكن الى ألأمام يا حبيب ..

عمك العجوز ..

أرنست أرجانوس جبران ..

أستاذنا وعمنا و شيخنا وكلنا ونحن
سوداني عجوز
اولاً انا ما أستاذ ولا حاجة
انا واحد بحب الشخبطة في الحيط
يعني انا مجرد مشاغب مسكوا الطبشيرة
وكتب في الورقة شقاوة الحال
وبعدين انت يكفيني شرفاً حضورك وتوقيعك
الانيق انا تاني عايز شنو اكتر من كدة
ربنا يديك العافية ويديمك يارب

الأستاذ حبيب .. حبيب بلاع الدبيب ..

طالما بتمسك الطباشير .. يعنى انك استاذ .. استاذ ونص ..وكمان استاذ من أساتذة زمان .. بالمناسبة .. أتذكر منالوج يقول ..

زهجان .. زهجان *** من التعليم البى سيطان
الحصه أيه .. من حضرة الناظر *** سبعة فى سبعة بكم ياشاطر
ما يرفع يده *** يبقى مخاطر
يجيب السوط ويبقى يغير ..
زهجان .. زهجان من التعليم اللى بالسيطان ..

الحصة أيه .. الحصة أعمال طين ..
ده اليوم اللى نكون فيه مرتاحين
يا فندى ده عاصى وديل لاعبين ..
يجوكم مية يقولوا ديل شاهدين ..

زهجان .. زهجان من التعليم البيسيطان ..

كفاية كدة ..

عمك العجوز
أرنست ..

سوداني عجوز ياخي تسلم يا اّرنيست
فيك الخير لكن انت عارف ما كل واحد
بمسك طبشير بكون استاذ الاساتذة ديل
زي اولاد الشارع البمسكوا الفحمة و
بكتبوا في حيطة السينما الوطنية في
ام درمان واقع غير موجود وبطل فقط
في افلام سونيل شتي و أميتاب باتشان
وجوفيندا حين يمزقون فاتورة الباسطة
لكي ينعموا بفلم هندي مبالغة حتي و ان
كثر الخيانة لكي البتل في النهاية هو
سيد الكلمة الاخيرة.... ديل هم الاساتذة
لانهم قدروا يرسموا صورة خيالية متعمقة
في الفنتازيا وما مدوا رجلين احلامهم
علي قدر دنيتهم الشايلة جواها كل معاناة
و ألم دفين... اها عرفت مين الاستاذ؟؟؟

أليها أهدي

يفتعلُ مد الحروف التجزّر , وينهشني صمت
تفاصيل المفردات عن صدق القول , وطهر
الصراخ ... و أدركُ تماماً أننا لا زلنا ننقّـبُ
عن كلمةٍ تبلغنا اخــر المرافي , بعد ان حطم
سكوتنا اخـر مركبين يسافران وما هنالك ن
مكان ... يتشرنق الحــــزن فينا مـأساةً كاملة
التطور .. ونمارس أسقاط الحاضر من اجندة
التاريخ ,, ليقفذ في وجوهنا الامس بكل اشكال
التداعي
أحسُ بدماء الانتماء تسكنني.. وتفاجـــاني من
الشريان الي الشريان.. ترحلين.. ترحلين عنا
لتبقي .. أحترمُ هذا الغيـــاب الانيق.. وتبقـين
جزوةً تدنـدنُ بالبريق ..النار لا تولد الا الحريق
ولا تبخلُ الازهار بالرحــيق ,الندي ولا انتي

سانتظرك في كل ما يعيدني اليك

لن اسمح للحلم ان يتسرب من بين انامل فرحي

لن اسمح له

ولكي

ايضاَ انا في انتظار ردك علي رسالتي

وأأمل

انو الرد يطلع من حروف ما بتعرف تجامل

ولا بتعرف زيف

يعني قدر الجواك

انا عايز اقرأ

ما اكتر ولا اقل

يا ريت جياتك ترجع زي ما كانت في الاول

أنيقة ومدهشة

وياريت المح جوي الجوف الكان بنده لي

كلمات ود عينيك الشايلة محنة كل العالم

لما نزلتي صورتك في المسينجر

كنت عايز اتخطي الزمان والمكان

واقول ليك زي ما كنت بقول في الاول

بحبك

واتدسي جوة صمتي و احكي ليك

بس خفت من شوقي الجواي يفضحني وانا ماسك في كتف الكرامة

وعزة نفس الحلم

لمن تغيب شمساتو ويظلم خاطر الدنيا وشكل القافية

يا بنت يا مافي يا الأصلك مافي وشبهم مافي

احساس العشق الظاهر وخافي

ما دارن عينيك صقيع خطواتك وانتي بعيدة وما دسن برضو النغم الدافي

يا العشقك كافي

ما بتدسوا سجون ومنافي

يا قلب الحن المدهش وصافي ووافي

ولي قدام

عشم ممدود

قدح كسرة

كلام ناساً حنان بالحيل

واشوفك حلم

سلام يا غالية