تعـالوا نسـتبيـــح حـرمــة البـاندويـث شوقــاً ونوقـّع علي شريان الحنين

حبايبي....
أدعينا وقلنا ما حنشتاق في عمرنا
وقبل ما تمر ليلة واحدة بي حرارة الشوق غمرنا
كم لهينا وقلنا يمكن ندفن الحب في سهرنا
الحياة صعبت علينا وبي أثر فقدك شعرنا


حتة خــاصة
لو شال الريح الغيمة الفكرة .....ونشّف عرق الخاطرة النيل...
بطلع قنديل... لو فات الضو لي حضن الصحرة بجيكم مطرة...
و الافراح لابد من ترجع.

معزور الفرح اللملم نفسو
وقبّل وشّو
و أصبح جافي
لي متين يرجانا ونحن نكابر وليلنا مشاتر....وجعوا خرافي

الاخوة شركــاء الحلم
باشمهندس أبو بكر وبقية حبات المجرّة
أرجو ان تظلوا كما كنتم بأناقة تلك الشمس حين هطول الضؤ
في الحلم والرؤيا ,,, فكونوني أنا عائش بزكراكم

مدخل رئيس
تناغضوا مع حجم الجرح.... وتجاوزوا عمق الأنين
دونكم والبكاء
تساموا ألي معني النزيف
أختاروا الحريق وطعم الثلج وكونوا مناخاً أستثنائيـاً..
تصالحوا مع الحزن و أبكوا للفرح

مدخل ملتوي
وحشتوني بجد

وكلمة شوق للأنسان الفيكم

عفواً أيها الامير
فكل المداخل تؤدي أليك
لن
أبتديك
ولكن أدعوك للتوقيع علي مزاق القهوة
وقع علي أخر الفناجيل
أجدني أنت
و أقتفي أثرك وراء النجيمات... أحتضنك في كل المساحات.. قصيدة شعر.....و أوتار غيثارة تهتزّ نهديها موسيقي ..من قمّة رأسها
حتي أخمص لحنها الاخير....

لم تتعب خطاي المجهدة من رهق الترحال
و أني لا اظن أن قلمي قد سأم كل هذه المشاوير
وبين هذا وهذا يطل غدي الذي هو أنتم
حقيقة سعدتٌ بهذا الانتماء الانيق
ودهشت من أقتراب موعد أقترابي أحتراقي
أحس بطعم الشمس في جبيني
و تلهبني عاصفة ثلجية من ذاك الاستواء
البارد
لا أريدها عودة ألي سيبيريا ولا أكتواء بنار القهر الرفاق النفاق
ولكني أريدها بحجم أحتسائي البراكين
وشكل مسير الزلازل
وبرتقالة وجدول ماء وألف سنبلة وقنبلة
مع أني أحاول الهرب من تهويماتي
في أصرار مثير من أجل عيون الحقيقة
ونفس الغيمة التي أستعصت علي دفتر شعري
أكتب علي جبينها الهطول
وتلحُّ علي مطرتئذٍ خريفاً وينبوع أرتواء

أحتاجُ أن أجدّد موعدي مع البريق
أحتاجُ أن أعيد ألي عصمة العطر هاتيك الرحيق
وليكون موسم نفحٍ كاثوليكي
لا يعرف طلاق النسائم
وان فعل أعدتهُ صاغراً ألي عطر الطاعة
بقرار ياسميني غير قابل للنقاش

ايــتها الاختيــــار الذي لا بديل له الا أيــاك , غيرك انت لا أفتقد الا انت , وفي سبيــل الوصــول

أليك ,سأدمر كل المتــاريس , و أدك الارض تحت أقــدام الجــزر الرملــية التي تعيق النهـــر حتي

لايكون مصيــره الارتـــماء في أحضـــان المتــوسط ,معانقا الدلتـــا في هيـــام
الزمــن هو تيرمومتر صادق جدا لقياس درجات الالم , الزمن هو الاخر , المنديل الذي نمســـح به دموعنا ,لا اقول ان هذا مجرد تناغض , ولكن هذه هي الثنائية الطبيعية للحياة , مثل الفرح والحزن.. واليأس والامل...
عندما أحاول في سود الليالي ,ان اتلصــص لاسرق شيئا من الحـلم , ساعتها لا أدري بأن للأقدار أعينا مفتوحة ..متربصة , وقبل ان تمتتد أناملي للسطو علي شيئا من رحيق الامنية ,سرعـــان ما تدوي صافرات الانذار, وينتبه الحراس , وبلا محــاكمة يلقي بي في غيـــاهب المأساة !!! .

تتواصل المسيرة السلحفائية للزمن الحرون, ويزيد رصيد احلامي صفرا جديد, وقد كانت ذات يوم, في حجم كل هذا العالم ان لم تكن بعرض السموات والارض,ولكن كلما اضفت رقما جديدا في شهادة ميلادى,كلما تضاّءلت هي , واظنها ستصبح عملة قديمة بطل التداول بها,وكأنّي حطام انسان توقفت عليه اّلة الزمن, ولما عادت اليه الحياة, بعث في زمان اخر لا يعرف عنه شيئا ولما صاح به رفاق الكهف ان اذهب الي سوق المدينة وابتاع لنا شيئا نأكله, وجد ان ما يحمله من متاع اصبح لا يصلح الا للوضع في متحف اللوفر بباريس شأنه شأن الجيوكندا, او تمثال بعانجي في متحف السودان القومي ......

حبيب نورة

اني اغبطك و اخشي عليك
الاولي علي هذه الاناقة
و الثانية حينما ادركت
ان الذي تجترحه ليس
كتابة
او انك لا تجترح شئ
فهذا نزف من شريان
يمد القلوب العامرة
و النفوس الشفيفة
بما يعادله عندنا نحن
الدم

الله يديك العافية

نصـــّار
والله انا ما عارف ايي حاجة
الجرح فيني واللا انا جواة النزيف!!!
اسكت ساهي
المهم انا بصر أنو دي أعراض وجع لزيز
ورهق ممتع وملاريا وزوابع رعدية
بتنزر بي وابل من الحريق


قل لهم أنه الوجد الذي حرق الروح

بنيران الضجر

ذاك الذي اضاع ملح صلواتنا

لأجل غيمة تلاشت

وضيعت منها الرذاذ

لأجل وردة دللت عطرها

في مزاد الريح

واهدت سحرها لماء السواد

فتعالوا ياأيها الغاوون

يادراويش«رامبو» جميعاً

نذهب بعيداً جداً من تاريخ النهر

وقريباً جداً من وعي الشمس

بفصول القهر واقاليم الظلام

تعالوا عند حدود فضيحتنا

ـ بالضبط ـ نقرأ على استواء الجدل الإلهي

اوراد الفجر

ونلف جثامين معجزاتنا بصمت عريض المنكبين

نهشم بالرحيل ما سيجه لغو البياض

ونخلف وراءنا.. حلمنا وسلمنا.. حبنا وحربنا

نساءنا وخمرنا.. خلينا وليلنا.. جوعنا وفقرنا

والأصدقاء والوطن

تعالوا جميعاً ياجرحى السنديانة

نؤرخ لسوءتنا الكبرى

نغلف هزيمتنا الأخرى

بموت كثيف الرماد

تاركين خلفنا اولادنا.. حبيباتنا

حاناتنا.. اسواقنا

عربات ليلنا وقاطر نهارنا المشحون

بسلع الخوف والهواجس والمثقبة

بعلب الجنس ومخلفات المغفرة

بإنفعالاتنا الناقصة وانوثتنا المهمشة

بأغانينا المشوهة وبالجنون وبالشجن

تعالوا نذهب جميعاً

لنطرد من دمنا هذه الغربة

ونحيل مرة لغيمتنا الفتها ودفئها ووجهها الطريد

غيمتنا التي هشمت مرايا نهديها

وباعت للنشيد العسكري فستان همسها

وباعتنا حبل الصبر المديد

تعالوا..

تعالوا..

يا حبيب نورة سلام وكدا

ياخي الصورة زهجتني عديل كدا في القراية

الواحد بقي زي البيقرا ليهو في جدول موية ولا خور من طول الكتابة

عشان كدا صغرتها ليك

يلا شيل الصورة الصغيرة وغيرها بالكبيرة

خلينا نستمتع بالقلم الدسم دا

http://www.sudanhosting.com/upload/protected/83.jpg

سمح يا أساسي
سغرناها ليك

أنت يا أساسي
وين صاحبك فلان؟؟
طوّلنا منو والله
سلم عليه لو بتمشي المكتب
الوصية في الزمّة

منو فيهم ما اصحابي كتار

يا حبيب
ياخى تعبيرك حنين ودفاق
انا هنا استبيح الحرمة شوقا

أول الحكي يا حمزة سليمان
كلمتين
لوعة وحنين
تاني الحديث
جرح السنين
و زي توقيع كدة علي دفتر الصهيل
عزابي معاك بحبك قبل ما أعرفك
لكن حتة الهدنة الوقعنا عليها وحرمنا دماء الباندويث
انا ما بعترف بيها
بشرّط الصحيفة وبخلي فيها بس !!!... بسمك اللهم
وخلي بكري يخش شعب ابو هاشم
واللا شنو يا حنين ؟؟؟

لو جبنا أسمو الهوا بقسمو

ما اشتاق ليك كيف دام اتوجهت عليك وفت وقلت :
غيابك حقيقة أصل وجودك بعيد هناك في قلب قاسمتو مع بقية حب وحنين ..

لسّاني بقعد لي أنصاص الليالي إنتظار لحبيبة قد تطل من ركن الشاشة , ولما تطل اقعد ارجى واترجى وصالا , وتحرن , ولامن تحرن ...
كلهن حرن يا قبيح كلهن ,
نفس الطلاسم والوجع ويخلق من الشجن شوق سنين ..
ناديتو من خلواهو الدرويش جالسني وقلنا كتير عنها شبيه افتراض خيال , سائلني عن محياها , وريتو مواصفات شاشة ال جي 17 بوصة , ضحك منها شبكة الشبكة .
حكيت ليهو رحلة الشوق , تتمدد كلمات الحب لي صفر واحد , يدخل السلوك , يتسامى ويشيل خليط روحنا والشوق , يصلها الشوق وترتد الروح وترميك بدن لا هو قادر يصلهاولا ملّ تكرارات الترجّي .
مش يمكن تكون حبيب نورا ؟ قالا الدرويش بإعتبارية إنها حبيبة افتراض , وما لقيت ليهو منطق اقدر عليهو بيهو , وفعلا مش حبيبة يمكن تكون انت ؟!! ,أو يمكن تكون هي زي ما بتمنى تكون ؟!!! .
لكن الحقيقة الواضحة زيها قمر دورين , الحقيقة انهاصنعت جواي انسان , مشاعرو تشتاق ويشتاق , سهرو كتر سهدو سهر , زهدو سكر , يزفر حنين ويشهق حين تطل دهشة .
قال الدرويش اهل الله , ناس الله , القوم يصلوا لي لوعة مشابهة , شوق لي حبيبنا المصطفى عليه وعلى آله أفضل الصلاة والسلام , بس فرقهم شوقهم بوصل ويوصل بيهم عندو , وضرب الدرويش مثل بيهو في الحين داك , إنو شوقو يضرب جواتو في جنباتو ويصل صداهو الصوت لي جدر السمع , فيخال لي حلبات الذاكرين ان النقر ناقز من بطن النوبة , وما عرفوا انو الجسد القدامهم خواء من كل روح , جسد روحو وصلت بيهو في تسامي لي أطراف من إشتاق ونشتاق ليهو .
هكذا يتسامى الشوق جواتهم فيقفون ضد نيوتنات فيزياء ثالثة ثانوي , ويثبتوا أن لا أصل للمادة , كما الشوق .
أناديها نص الليالي , تطل وتقول فارق التوقيت عندنا ما بسمح بي اكتر من نص ساعة . ماشية تجيب لبن من المزرعة , حليب طازة زي فطرة حبها , تشرب حليب , ونشرب رحيق ريدها ونلعن سرّا وجهراً فوارق التوقيت وسكني الجزر .
مرة سألت منك وينو الممسوخ , سرحت , وقبل السؤال بيني بين الشاشة كان ما يسمح بغمض جفني من الشعاع , وبعد السؤال وقعت في ضهر الكرسي وإنزلقنا , انا والكرسي , يمكن مترين , ولامن جيت صادي فقدت كل لذّة تجاه حبي الشاشي وعملت ساين اوت برة شوق المشاعر , مشاعر الشوق .
كدة يا قبيح تسكن معانا جوانا حتى في لحظات خلوة حلوة ؟
لحظات حسبتها قد تسقي ناشف أديمي ؟
ما كفّاك رحيل وشوق ؟
تقاسمنا حتى اللحظات دي ؟
صدق المثل اللي قال إنك ود ممسوخ فعلاً .
وقبل ختام الشوق :
في أي خبر من فتحي ساتي (الحاج متولي ) ؟
مشتاق ليهو لسة , وما ليهو علاقة الشوق هنا بي نضميك الحلو عنها الساكنة الضفة التانية .

Quote: مش يمكن تكون حبيب نورا ؟ قالا الدرويش بإعتبارية إنها حبيبة افتراض , وما لقيت ليهو منطق اقدر عليهو بيهو , وفعلا مش حبيبة يمكن تكون انت ؟!! ,أو يمكن تكون هي زي ما بتمنى تكون ؟!!! . لكن الحقيقة الواضحة زيها قمر دورين , الحقيقة انهاصنعت جواي انسان , مشاعرو تشتاق ويشتاق , سهرو كتر سهدو سهر , زهدو سكر , يزفر حنين ويشهق حين تطل دهشة .

ممكن يا تبلدي تكون غنية ,,,, سمراء و سمرية,, قندول عيش الريف
جواتو خريف,,, لطيف وعفيف ,,, وديع و شفيف,, وممكن تكون أمنية
تهرد أحلامنا بي تكرار الشوق لي جيتك ,,, و انا بين قوسين الدهشة
مسافر في الحجوات ,,,, أصلي قديم من تال الفرح السافر شان يلقاك

وبعدين أقول ليك حاجة ,, انا زاتي بفتش في الولد المسوخ دة جواي
زمان كانت الشاشة بتعرض مع الدراويش في حلقة الديسكو ..وبشربوا
المحاية من أشــّة ست العرقي في مسيد اللهفة ,, بس وين الزمن دة
ووين العبـّار ؟؟ أنتصر عليه الوعـي الجـأئر زي ما هزمت نسمة حنينة
و خنقت هبباي في عمق الصحرة الخوف ...

Quote: هكذا يتسامى الشوق جواتهم فيقفون ضد نيوتنات فيزياء ثالثة ثانوي , ويثبتوا أن لا أصل للمادة , كما الشوق . أناديها نص الليالي , تطل وتقول فارق التوقيت عندنا ما بسمح بي اكتر من نص ساعة . ماشية تجيب لبن من المزرعة , حليب طازة زي فطرة حبها , تشرب حليب , ونشرب رحيق ريدها ونلعن سرّا وجهراً فوارق التوقيت وسكني الجزر .

انت شكلك كدة يا أمير رجعت لي منصب الامين العام لمنظمة شباب اللبن
حـلة كوكو فرع الاراضي المنخفضــة لأني حاسي أنك سكران بي روب
هولندي فاخر شكيتك علي الله ,, لكن لو سألت منك قول ليها الكلام دية


سيان عندي.. موت علي صدرك

او حياة علي جدار الكون..حرب

كيفما كان الصباح.

ملحوظه : كان الوعد ان تبقي فيني
التوقيع المطرة زفاف الموج

حبيب نورة
وحبيب ندى الحروف المبتهلة لجلال الكلام

طفنا معك فى سماوات هذه الأناشيد المفعمة بكل الألق، وهومنا معك بين أفياء وأرجاء سحر الإدهاش

ولا نود أن نعود

ليس الآن، على أقل تقدير

ولك الود

انها رقاع دعوة , لأستشراق أحداث تساقطت من مسام الزاكرة المشروخة , وتقصي اّثـار ما مضي ولكنه ماذال في حاضرنا قيمة ثابتة , وأيضا انا أعني أستحضار المجهول الوهم , وقبل ذلك محاولة أستلاب الذات من الوجود , بحيث تكون القيم , ليست مجرد رموز دلالية , تسيطر علي كنه الحقائق فقط , ولكنها يجب ان ان تؤثر علي شكل المسيرة المتواصلة , مادامت المبادئ هي الزاد والدافع نحوالسعي بين صفا الاهداف , ومروة الطموح .

Quote: طفنا معك فى سماوات هذه الأناشيد المفعمة بكل الألق، وهومنا معك بين أفياء وأرجاء سحر الإدهاش

اقول ليك شنو يا المطر؟؟؟
اقرأ البرقية دي رسلا لينا من قبرص جزيرة الشيطان
الاخ تبلدي ...

برقية أولى
يوسف غايب

للمصايب

جانا فقر

سجونو قفر

سكونو جبر

سنينو قهر

اسفينين صبر

جانا فقر

حكم الفاقة

علي البتشاقى

حلب الطاقة

وسلب أشواقا

وعم علي

درويش الحب

شال شجنو

ورماهو الجب

طال زمنو

جهاجاهو الحب

يا درويش

ساجننك ليش

يا شاويش

وين سايق الديش

يا شويق

الشوق الشوق

يا

ألم تري كيف فعل حبك بياسين؟؟

بغض النظر عن شكل المرحلة وتهويمات الدواخل
انا بعتبر أنو في زي رغبة للتواصل والانصهار
مع أفرازات جوانية ملحـّة وطامعة في مزيد من
الحب مزيد من الحنين مزيد من الأمل ,, ولا أدري
لماذا اتزكر الان أخوةً رفاق المفردة ورفاق كلمة
الفال فرح الاطفال وأنين الناي في ساعة تطلع نجمة
وتمرق مطرة تبل جوف الدنيا خضار وزهرة نوار

أو، فلنقل:

هي القمر الذي في موعده

أفنى شبابه!!!


... يمكن،،،

ماشي وجاي : قول يا الله .

انت شكلك كدة يا أمير رجعت لي منصب الامين العام لمنظمة شباب اللبن
حـلة كوكو فرع الاراضي المنخفضــة لأني حاسي أنك سكران بي روب
هولندي فاخر شكيتك علي الله ,, لكن لو سألت منك قول ليها الكلام دية

حبيب نورة
انا مش محيرانى قصائدك المزهلة دى بقدر ما حيرتنى ذكرىالنسمة التى كرفتها وانا نازل من كبرى العذبة ومتجه على حلة كوكو ريحة اللعوت مخلوطة مع روث البقر
صوت الباعة
دخان الكماين
واخر ساعة
مع بص الجريف
هداك باين
خليتنى اشيل تلج
وبرسيم لعنزنا
المستوردة من سوق
ابقوتة...
انا بس جائى زيارة
لقرائبى فى الحاج يوسف
لكن كنت راكب بص العيلفون
ولك ودى

Quote: حبيب نورة انا مش محيرانى قصائدك المزهلة دى بقدر ما حيرتنى ذكرىالنسمة التى كرفتها وانا نازل من كبرى العذبة ومتجه على حلة كوكو ريحة اللعوت مخلوطة مع روث البقر صوت الباعة دخان الكماين واخر ساعة مع بص الجريف هداك باين خليتنى اشيل تلج وبرسيم لعنزنا المستوردة من سوق ابقوتة...

أب قووووووووتة يا حبيب
ياخي والله زكرتنا حاجات سقطت سهواً من أجندة
الواحد ,,, ياخي دي مش سقطت سهواً ! دي سقطت
عفواً !!! حليلو حس البرسيم فوق أضان الشارع
المدلّي للبلدات ,,حليل ريحة الصفقة والعرضات
حليل السيرة لي النيلين ...جريد نخل السعــف
رايات ...تفج الليل غناوي بنات...شتم دلوكة
تهرد حواشي الهم رقيص سمحات وفاطمة الجــات

Quote: أو، فلنقل: هي القمر الذي في موعده أفنى شبابه!!!

جورج الشفيف اللطيف الوريف
ولماذا لا نقل أنه الموعـد الذي
أفني القمر شبابهُ أنتظاراً لهٌ؟؟

حسب علمي أن السماء تبخل أحياناً بالقمر
وتجود بالعتمة !!ومع ذلك هناك بصيصٌ من
نور خلف صرخات الظلام يغني للضيـــاء..

ياحبيب نوره ، الكلام الحنين ده أنا خفت فى البدايه يكون
(شريان الشمال) !!عشان فيه أستباحه/B]

أبو التاج
يا حبيب شريان الشمال شنو و ترعة الرهد شنو ؟؟
أنا بتكلم ليك عن أستباحة الشوق والحنين زي ما
أنت هناك بتتكلم عن أستباحة الوجع اللزيز والجن
العاقل وفي النهاية كلنا مكسرين ومحسـّرين

الـــرائعـــة ســـــت النـــغــم , لــم
أجـــــد غـــير أحـــرفــي قــربــانـا

,,,ألــيـكـي تـغــريـدتـي حـيــن يــكــون النـشــــاز ,,, ألـيـكــي أنـثـــي بــعــمــق الـكـمـنـجــــــات

حـــيـن ألـتقـــائــهـا بـالـنـشــــيد

ـــــــــــــــــــــــــــــــــــــــ


وســـــــال جـــــدول

بــرشــــحــوا نــورة يـــبــقي لـيـك

مــــداد النـــشـــوة يـــســـقـــي

خــــــضــــــار

كــتــب مـــســدار عـــشـــــم

أحـــــلامـــي بـــالــســتـرة

أتــوســــدي حـــســي وأنـدهــي لي

جـــــلـيــد صــــمــتــك

شـــرخ طــبـلـة ضــجــيج الحـــلة

والــســـكــلي الـبـوج بـــرّة

يــصــم اضـنـيـنا لـي بكـــرة وبــعد

بـــكـــرة

جـــيـبــي النـسـمــة شــيلي النــو

شـــيـلـي العتـمـــة جـيـبـي الضــو

كــتـفي غــيـم خــطـاوي الضـــلمــة

الســّقـت وجـــداني بـــالـعـتـمــة

و صـــهــــيل اللـــيل

ضــــــلام الخـــــــيل

أبــت تــرحـــل

تــرفــع قــدمــي للـقــمـــــرة

** ** ** **


بــطــرح ســـــــؤال

وأجـــرح خـــواطــر المـــفـردات

مـين القــطــع للـقـــــمري

تــزكـــــرة الــســـــــفر

خــــلاهـــا تـــزحـــــف

فــــي سـمـــاوات الــــســـــــراب

مـــين الخـــتـم فــيــزة جــناح

قـــمـرية تـحـــلم بـالايـــــاب

مـــيـن الـلـخـــــــان

شــــــرف التــــــــــراب

ولــقــوهو نــائم فـي ســــرير الاغــــــــتــراب

جــيــنـا فـــي لـيـل الاســــف الاحــمـــر

عــشـــان مـــا نــخـــصـــّب

كــــلـــمـــة مـــراهـــقــــــة

تــحـــمـــل تـــنجــــب

أطـــفــال وعـــدك

سـايقـنـا أنـيـن الصــرخــة الاولــي

ســـابـقـنا وريـد الـدم الجــــــاري

و بــحـكــــم نــبـضـــك

لــحـظـــات حـــزنــك

أيــدا خــفــيــفـــــة

ســرقـــت أمـــلي الخــضــر هـــسـّة

و أحــــلام طــفــلـــة

** ** ** **


مـجــدولــة ضــفــاير لـيـل أيــامـي

غـطــت وش القــــمـــر النـــامـــــي

وحــــتي الــجـــــدول

شـــاحـــد الـــغـــيــمـــــــة

تــغـــســّل وشـــّو

نجــــيلــــةألفـــــــــة

و قــــصـــــبـة ريــــــد

بـاكـر بـركــب صــهـــوة مــوجــــك

مـــــا خــــــــايـف

شــــيــمـــة هـــمّــــك تــكــســـح

تـجــدع طـــوقـــي و تــدمــى النـيـل

و تـبـقـي حـكــايـة شـوقــى نــزيــف

والمـــــنـديـــل

اللمـــــلم دمـــــعــــي

و شــــال مـن وجـــعي الروح ورمـــاه

خــــــايف بـــكــــرة

الهــم الســـاكـن فــي أعــمـــاقي

يــهـــرد جـــــوفــــو

بــدمــــعــــــــة شـــــوق

** ** ** ** **


عـــدت أنـتـخــابـك مـن جـــديـــد

يـــا روعــــةيـــا زخـــــّة مــطــر

يغـــمـــرنــا فــي مـوســم جــفــاف

وبــعـيـدوا تــرشـيحـــك وطــــن

و أنـســي المــنــافـي الـشـــاربــة

مـن رهــق التــبــاريـــح الشــجـــن

مــنفـــي العــــيون البــدمـــعـن


تـصــويـت المـطــرة الجـــاتك لـيـنا

رشــــاش قــدامــي يخـــضــر كـونـي

ويــكــســي عــوالــم روحــي غــنــا

يــطـــرح حــســـك

رحــــلــة صـــمـــت

أيـقـاعــا الوحـــشـة يـطـول مـشـوارا

تـــشــل أقـدام الصــوت الـعـــالي

قـــدرتـــي تـفــوتــي

تخـــلي مـســـاحــة وجـــعــي قــضـية

وحـــتــي زكـــــيـــــة

الاســـرت نـبـض الشـــوق والالـــفــة

وزرعــــت صــخـــر الهـــم حـنـيــة

عـــــانــد خـــيــلـي

لـجـــــام الــزكــــــري

بتــهـــوي حــــوافــــرو

صــــعـــود الهـــــــاويـــة

و لـيــــل الغـــــــربـــــــة

الكـــــلّوا أســـــــيـة

وفــــارغــــة و فـــــارغــــة

وجـــــوطــــــــــة و بـــس !!!!!

عشان ما نهرد جوف العشق الفات
الفات الفات وفي دينوا,, اّهـة
ولوعات... تعالوا نغني ونكبر



ضمــير الغنية الحرة

أشكـال الفرح الكان ساكنّي

وأسرج خيل الهم لي سـفـرو

وساعة جيتك كانت مدخل

للضؤ الشارد منك وليــك

وزي ما زيف وجعي مشاعرك

ومرق الكامن في جواي من حسرة

أمرقي كمان من ساحة عمري

وخشي ضمير الـغـنية الـحرة

*** *** ***


قوّي انتمـائك للضلوع

شيلي منديل فكرتك

وأمسحي السخف الجرح

خد الـشـمـوع

بعزر عيونك لو تدس

غابة الفرح الموشح بالبريق

ولحظة الشوق الرئيسة

الماشة في نفس الطريق

*** *** ***

معزورة البسمة دي ساعت فرّت

جاها الزمن العابس يضحك

يزعل منو خواطر البسمة

ويكــسر سـنك


بشيلك مني وأمشي عليك

أخـاف من ظنك وباقي عليك

ياكي الشجن الساكن جوفي

وياني صحـاري الوجع الكايسة

لطلّة مطرة شوقي أليك

*** *** ***


مسـافر منك شـان ألقـاك

رحلت قبلك في وجداني

شمـوس الوهج التّشـرق ساطعة

وتسقي الليل الحـالك ضــؤ

مســافر منـك شــان ألقـاك

غنــاوي بتطـرب زمـنـا فارق

تهز أوســاط الحـلّة الجــامدة

ضـريرة وسيرة ورقصــة ســيف

دة شنو يا بكري؟؟
الصورة دي علقتها متين؟

Quote: تساموا ألي معني النزيف أختاروا الحريق وطعم الثلج وكونوا مناخاً أستثنائيـاً

نعم كونو مناخا استثنائيا وخلف هذا المطموس صفا واحد حتى الغاية شلمت يا ندى،،،

و أرتفعوا الي قمـة ضجيج الموج
و أعتلو الحنين حتي شاهق الشوق
وبعد ذلك تساموا كما فعلت نخلةٌ
في العراق... ولا للشقاق للفراق