صـك ببراءة أبلـيس

كلامك كان خاطر غنية مجروحة بتنزف بي نغم القصايد ديك ,هموم الســفرة
للمجهول وحس الناس بتنده في اللي طال غايب , وشال منك خريطة الشارع

الجاييك , صلاة شوقك بصليها خمسة اوقات , لا خمسة شوية انا بلغي التخـفيـض

وبرجع تاني لي سدرة المنتهي ولو اتحرقت , واقول ليهم رجعوها خمسين تاني

عشان اقدر أوريك حجم ايماني بيك كقضية . ايوة صاح نحن بنغلط ونسب الدين

لي ابليس حيطتنا القصيرة , الراجل دة مسكين شديد , اتحمل كل أخطاء التاريخ , لو نامت قمحة علي الابيض تتــشرد زيو وزاد الابيـــــــــض في غيـو ومدد

رجلو اليسري , والكسرة جات منكسرة في طبق حاجـــــة زكــــية وما حـــاقت في

خشـوم الامل الغـش , برضـو أبليس هو المسؤول , ولو عثرت بغلة في العراق

وما وجدت معتصماه ولا أسلاماه , أبليس هو الســبب , لو أصــطدم نيزك متهــور

بالصحراء الكبري , وكسر رجل النخلة الشافعة العمرها يادوب تلاتة سبيطات

برضو هو المسؤول هو المسؤول , وأعتقد جازما كما يقولون هو صـــاحب اليد

الطولي في تدهور الحالة النفسية لطائر البطريق في الدائرة القطبية

الشمالية , التي حدثت نتيجة لظاهرة الانحباس الحراري وذوبان الجليد

بسبب التغيير الكبير في المناخ , وكذلك تشير أصابع الاتهام لابليس في

حالة العقم الذي أصاب دجاجة حاجة زكية وانقطعت عنها البيضة الشهرية

ووصلت الي مرحلة يأس لا تجدي معها نفعا كل محاولات الاطباء البيطرين ولا

دهاقنة مزارع الدواجن , ولم تعد تغني في عمق المساءات , في الليلة

ديك لا هان علي أرضي وأسامحك ولا هان علي أعتب عليك.

اتعودنا اننا نتمسك بي سلبيتنا ونرجع ورا , ولسة ماسكين في أمبارح

أمل كضاب , بننحني في وجه العاصفة وندفن الرؤوس في رمال الانهزامية

مع توفر أمكانية ألانطلاق بسرعة الصاروخ لي عالم بي رؤية متفائلة ,

لكن نعامل شنو لي كلب الحلة البنبح في شفع حلتنا , وخلي حرامي الليل

يسرح واسرق كيس العيش , واولاد المدرسة بكرة يمشوا حفايا لابسين الشوك

وتشرق شمس الصباح متسخة كالعادة , ملطخة عتمة و ما فيها صوت الحقيقة

الكانت مبدأ , وعبادة ناس لي فكرة انو يقولوا الحق ولو كان السيف فيهم

واقع واقع , وما علينا ,,, بس يا ريت نشيل الحمل الثقيل من أبليس , ونخلي

القول الشال خطــواتنا رمانا بعيد من درب الغيمة , ونجمة شبق الليل لي

عالم خالي الطرف من شكل اللون الاسود ,و مفهـــوم ادم انو اتغــشي بي كلمةزيف

Quote: وكذلك تشير أصابع الاتهام لابليس في حالة العقم الذي أصاب دجاجة حاجة زكية وانقطعت عنها البيضة الشهرية ووصلت الي مرحلة يأس لا تجدي معها نفعا كل محاولات الاطباء البيطرين

ح
ب
ي
ب
ن
و
ر
ه
.
.
يا راجل يا شفاف تمتكلك ناصيه القوافى بطريقه
تجعل كلماتك دسمه حد الشبع لك كل الود

ياخي حنقول شنو؟؟
تسلم يا صادوح
بس انا بطمع في
حاجة صغييييرةةة
اكون حبيبكم كلكم
ما نورة براهااا

نحبك والله ونعشق حرفك الراقى بس نوره ما اظنها حتقبل الكلام ده
ولك كل الود

والله تسلم يا صادوح
لكن يا جني جنس تكنلوجيا!!
أسكت ساهي شكيت محنك !!

ياخي تسلم يا صادوح
لكن ما قلت ليك
هي عاد جنس تكنلوجيا؟