الجموع تستاف الحنين وتخم قدسية الرماد النضير

يصر شيطاني علي أستراق السمع الي همسي !!
أدسٌّ شوقاً في الدواخل
ويلحّ علي أيضاً ان أحيل رقيب للتقاعد الأجباري
ولو الي حين...
وكأنه يخشي ان يلقي القبض عليه بتهمة شهر الصيام
***


هذا الصباح
تكاسلت شمسي و عجزت عن التحديق في المقل السماوية
ولكن صوت فيروز الساخن
مع أيقاع بسكوت الخبز الناشف
كان بياض في فنجان قهوتي
وتطاولت خيوط الدخان الي علياء الكيف


** هل هي هدنة مع النفس؟؟
كانت موعودة بكثيف الهطول الهميم



**بعد قليل سنصدر صكـاً ببرائة أبليس
ولو ألي حين..***

شكراً يا صادوح
وربنا يرد غربتك
اها فيما سبق نشره مضطرين نعيد
كلامك كان خاطر غنية مجروحة بتنزف بي نغم القصايد ديك ,هموم الســفرة
للمجهول وحس الناس بتنده في اللي طال غايب , وشال منك خريطة الشارع

الجاييك , صلاة شوقك بصليها خمسة اوقات , لا خمسة شوية انا بلغي التخـفيـض

وبرجع تاني لي سدرة المنتهي ولو اتحرقت , واقول ليهم رجعوها خمسين تاني

عشان اقدر أوريك حجم ايماني بيك كقضية . ايوة صاح نحن بنغلط ونسب الدين

لي ابليس حيطتنا القصيرة , الراجل دة مسكين شديد , اتحمل كل أخطاء التاريخ , لو نامت قمحة علي الابيض تتــشرد زيو وزاد الابيـــــــــض في غيـو ومدد

رجلو اليسري , والكسرة جات منكسرة في طبق حاجـــــة زكــــية وما حـــاقت في

خشـوم الامل الغـش , برضـو أبليس هو المسؤول , ولو عثرت بغلة في العراق

وما وجدت معتصماه ولا أسلاماه , أبليس هو الســبب , لو أصــطدم نيزك متهــور

بالصحراء الكبري , وكسر رجل النخلة الشافعة العمرها يادوب تلاتة سبيطات

برضو هو المسؤول هو المسؤول , وأعتقد جازما كما يقولون هو صـــاحب اليد

الطولي في تدهور الحالة النفسية لطائر البطريق في الدائرة القطبية

الشمالية , التي حدثت نتيجة لظاهرة الانحباس الحراري وذوبان الجليد

بسبب التغيير الكبير في المناخ , وكذلك تشير أصابع الاتهام لابليس في

حالة العقم الذي أصاب دجاجة حاجة زكية وانقطعت عنها البيضة الشهرية

ووصلت الي مرحلة يأس لا تجدي معها نفعا كل محاولات الاطباء البيطرين ولا

دهاقنة مزارع الدواجن , ولم تعد تغني في عمق المساءات , في الليلة

ديك لا هان علي أرضي وأسامحك ولا هان علي أعتب عليك.

اتعودنا اننا نتمسك بي سلبيتنا ونرجع ورا , ولسة ماسكين في أمبارح

أمل كضاب , بننحني في وجه العاصفة وندفن الرؤوس في رمال الانهزامية

مع توفر أمكانية ألانطلاق بسرعة الصاروخ لي عالم بي رؤية متفائلة ,

لكن نعامل شنو لي كلب الحلة البنبح في شفع حلتنا , وخلي حرامي الليل

يسرح واسرق كيس العيش , واولاد المدرسة بكرة يمشوا حفايا لابسين الشوك

وتشرق شمس الصباح متسخة كالعادة , ملطخة عتمة و ما فيها صوت الحقيقة

الكانت مبدأ , وعبادة ناس لي فكرة انو يقولوا الحق ولو كان السيف فيهم

واقع واقع , وما علينا ,,, بس يا ريت نشيل الحمل الثقيل من أبليس , ونخلي

القول الشال خطــواتنا رمانا بعيد من درب الغيمة , ونجمة شبق الليل لي

عالم خالي الطرف من شكل اللون الاسود ,و مفهـــوم ادم انو اتغــشي بي كلمةزيف

حبيب نورة

تحية ( إلى نورك الحبيب ) الذي ينبثق في عتمة هذه الأيام الكوالح ..
تحية إلى قلمك الذي يحاكي همسات سعفات النخيل لشخص يرقد تحت جذع نخلة يستجير بها من رمضاء الهجير ..
تحية إلى معانيك المسترسلة كتدفق الماء من قواديس الساقية و صبي التربال يدندن بلحن سرمدي غاطس في رحم تاريخنا ..
لا أبالغ ..
واصل ربنا يديك العافية ..

أبو جهينة يا حبيب

ياخي فيك الخير يا صاحب
و الله بستنشقك مع فنجان الصباح
صوت فيروز الساخن تحت ضل البنت النخلة

Quote: تحية إلى قلمك الذي يحاكي همسات سعفات النخيل لشخص يرقد تحت جذع نخلة يستجير بها من رمضاء الهجير ..

أيها المعطون في فنجان الحلم
المسافر الي ما وراء الغمام
مطرة ونخلة ونيلك نيلك جري قدامك
ودق الريحة في أطيان بلدنا تساب
حبابك عشرة اونت بصدد ممارسة خم الرماد قدسية مشروعة
وفيك الخير
لأنك عندي كل الخير
وجيهك فرحة الدنيا ..و أنا
سلام

اتكى على مفراكه صواتت الابرى..
واتجه الى اقرب خماره..
يعنى باللبدى كده اندايه..
وارتع..
من النبيذ..
او ماشابه..
وجيك احساس بانك فى الجنه..
ثم اعرج على الحور الحين..
اتذكر السبت..
بعد المويات ..
على حسب كلامك...
والله تعلم..
لوووووووووووووووول منك انا..
وذكرى وقدسيه..
والجمرات من كلمة الجموع دى تتذكر يوم الوقوف ..
بى زمن خم الرماد...
وحاتك انت ماكنته بتخم الرماد..
انا يا البعرفك..
كنت بتخم النار زاتها..

ولكن ماذا أن أسرجت مفراكتي انا و أزمعت الرحيل الي البرش الكبير
قبالة الخلوة وحس الجيران ساعة الازان؟؟
انا زاتي يا عزو
ميمِّم وجهي صوب أبعد خمارة
عشان الأجر يكون كبير وبالتالي نتحصل علي عظمة السكر

Quote: واتجه الى اقرب خماره.. يعنى باالبلدى كده اندايه.. وارتع.. من النبيذ.. او ماشابه.. وجيك احساس بانك فى الجنه.. ثم اعرج على الحور الحين..

ياخي مالك علينا هسة!!
أنعل دين الما قال حبيتك يا تروتسكي
و أحي الثورة و ام بدة كمان

وتعال نرمي جمرة الشوق شوقين
ليك يا صاحب
ولي البنت الشجرة
وكلو بالسترة
أنشاء الله بي بلحة زي ما قال راعي الأغنام أحمد
والذي صار فيما بعد نبياً شهيراً
وآآآآآآآآآآآه يا نورة من سجارة الفطور
وسجارة السحور
بعد أن أكتسبنا أحقيّة الرفس لأكياس تمباكنا و البرينجي
وآآآآآه يا نورة من دربك التور نفس خيل الصبر

حبيب نوره وموضع حبنا

شكرا لك ان عدت له>ه الكتابات النضرة

عادل

تشكرات أستاذ عبد العاطي
نتشرف بي مرورك الكريم والله
سلمت لنا ياخ
عفواً
لا نريد ان نكون أنانيين
سلمت لهم

وراك وراك..
ودينى لاافطرك ..
يافاطر...
اصبر بس..
فى غشوه بى رواقه ابل ريقى بى جقمه واجيك..

يازول أختاني!!

ابيت ..
بس امشى.
الجامعه واجى..
ده لحن الصباح..
ماشفته الجايك..
وانت المسهرك لى اسه شنو؟
ده سحور ولا خم رماد..
يبتاع القنوات اللبنانيه انت...

يا لطيف
أنشاء الله الجبارة تقيف!!