Post: #1
Title: للفـاطرين فقط والصايمين صيام الضـــب!!
Author: حبيب نورة
Date: 10-14-2004, 03:12 PM
Parent: #0
الواحد أصلاً ما حينسي الايام الكنا فيها مع أولاد الحلة
و شارع بيتنا في رمضان... نتلمّ كلنا عشان كلو واحد
يقدّم أقتراحو بي خصوص الفطور في نهار رمضان حيكون
شكلو عامل كيف... منو الح يجيب العيش الحار من الفرن
منو البمشي الدكان للجبنة و المربي و يجي شايلها في
الكيس الاسود
أجمل مافي فطورنا دة أنو بكون مدنكل للغاية لانو الجماعة
بسيبو حاجات من العشاء في التلاجة.. ودي عشان تتحصل عليها
لازم تكون عندك قوة عين و بتتمتّع بي كافة حقوقك الدستورية
انا غايتو ناس بيتنا كانو عارفني ما زول صيام ولا قيام
واضح و صريح حتي الشفع كلهم معتمدين علي أعتماد كلي في
أكلهم و شرابهم لانو مافي زول شغال بيهم خالص خالص..
والله الواحد أشتاق للناس ديل حليلهم وحليل حلّة فطورهم
وبواقي سحورهم... وتضامناً كدة انا السنة دي شكلي فاطر
فاطر... يا جماعة... هي الزكريات دي بي قروش 
|
Post: #2
Title: Re: للفـاطرين فقط والصايمين صيام الضـــب!!
Author: معتز تروتسكى
Date: 10-14-2004, 03:19 PM
Parent: #1
جيت لى عمايلك يامسخوط تانى..
اوع تقول لى لى اسه بتفطر بالدس.
لووووووووووووول منك انت..
اسمع تتذكر ..
ولا سيبك...
يافاجر...
ده انا غلبان...
وجايك ..
ودينى لاافضحك..
|
Post: #3
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-14-2004, 03:27 PM
Parent: #2
طبعاً انا قلت للفاطرين فقط
الصائمون يمتنعون!!
والله انت زولي من زمان
قاتل الله الصين الشعبية
هسة كان أتلاقينا في صينية صفرة
محبوبتك صينية... عشان كدة أعمل حسابك من الحب الصيني
شان ما يتكسّر وهكذا
يا صاحب
وثاني أثنين أذ هما في الأفطـار
تري صاخت أقدام حصانك أمام رائحة الشواء في نهار رمضان؟
أخشي أنك تنتظرُ ذات نطاقينِ أخري تأتيك به!!
عشم أبليس في الجنة
|
Post: #4
Title: Re: للفـاطرين فقط والصايمين صيام الضـــب!!
Author: معتز تروتسكى
Date: 10-14-2004, 03:40 PM
Parent: #3
كمان ياهو الفضل..
اب سن بضحك على اب سنين..
وانا عندى كلى..
|
Post: #5
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-14-2004, 03:51 PM
Parent: #4
هسة جايينا أمير تبلدي
قال عندو مصران وشهادتو في جيبو
ولسة ح نشوف
|
Post: #6
Title: Re: للفـاطرين فقط والصايمين صيام الضـــب!!
Author: معتز تروتسكى
Date: 10-14-2004, 03:54 PM
Parent: #5
بتكضب الله
ولا
بتكضب الحكومه
كان بتكضب الله براك قايتو لووووول
وكان بتكضب الحيكومه..
يعنى معارضه ...
اااااااااااااااااااااااا
كويس بكلم ..
وفى الحالتين انا الضايع
|
Post: #11
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-15-2004, 01:16 PM
Parent: #6
Quote: وكان بتكضب الحيكومه..
يعنى معارضه ... |
اها... جابت ليها كلام في السياسة؟
ياخي انا فاطر واللا جنجويد!!
|
Post: #8
Title: Re: للفـاطرين فقط والصايمين صيام الضـــب!!
Author: Adil Ali
Date: 10-14-2004, 04:04 PM
Parent: #4
حبيب نورة.... الله يجازي محنك يا ممسوخ.... أوشكت أن تقول "رمضان سوّاها فينا"!
معتز تروتسكي... صوم صيامك وما تباري الزول دا.... وإنت لا عندك كلى ولا حاجة.... وإذا داير تقول عندك سكري، في طبيب سوداني في إنجلترا إسمه طارق أرباب إكتشف علاج لمرضى السكري.
مع الود،
ع ع
|
Post: #10
Title: Re: للفـاطرين فقط والصايمين صيام الضـــب!!
Author: معتز تروتسكى
Date: 10-14-2004, 08:56 PM
Parent: #8
عادل نتعال النحدثك...
كنا عفوا كان هو براو بسوى شنو فى رمضان..
اولا بالتبادى حكاية الدكاتره البطقعوا ليك مرض من مافى ساى ديل ازعلنى منها...
اخوك تخصص وماتقول كمان دكتور فى السكه..
وحاتك افتح لى عياده فى رمضان ده اغنى كيف ..
اداير اى شى اكتبو ليهو ...
رمضان ده زى مابقولوا عليهو (يوم السوق)..
لكن انا جد عندى كلى اسعل حبيبو ده من زمان ما اسه لووووول.. 
نرجع ليك ليك للويليد الاسمو حبيب نورا ده...
هو ده محتاج لى رمضان عشان يسويها فيهو ..
ده هو بسويها فى رمضان ...
ناس المطاعم مافى زول جايب ليهم الرزق فى رمضان الا هو..
حفظو حفظ..
وست الشاى  وبتاع الطعميه والافران ..
ياخى ده معلم بارز من معالم رمضان ..
والمشكله ياريتو كان بفطر براهو .
يفطر معاهو العيال فى الحله كمان.. 
انا اقول ليهو ياحبيبو انا العيان بستحى اكل قدام الناس..
وهو ولا الشغله ..
وهاك يامكيفات...
وبجيك اتم ليك الباقى بس داك مابتقال هنا..
بعملو لى لفت نظر ..لووووول
الود ده بوظنى وبقت مسوخ زيو..
ماشفته انا كنت مسكين كيف
رغم ذلك برضو ما بنحصلو..
هذا شى من حتى ...
وخليهو يكضب كلامى عشان .
اجيب الكلام المغطط..
الليله شيل شيلك ياحبه...
|
Post: #13
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-15-2004, 01:22 PM
Parent: #10
لا حولة ولا قوة يا معتز فضوحكي انت
ياخي المشكلة قلنا ليكم في السجارة بث!
ما أشكالية جوع و كدة يا ابو الشباب
وبعدين الكلام المغتغت دة شن لا؟
لا حولا ولا قوة
|
Post: #12
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-15-2004, 01:19 PM
Parent: #8
ع ع
أزيك ياخي
يا أخواننا الزول ما يفطر في البلد دي؟
وبعدين كلمة ممسوخ دي أوعي يكون قالها ليك الولد تبلدي؟
لآنها دي ماركة مسجلة و يا حليل البنت مزيانا
ياخي المشكلة دي بسيطة جداً
زول ربنا ما هداهُ يسوي شنو!!
|
Post: #7
Title: Re: للفـاطرين فقط والصايمين صيام الضـــب!!
Author: Raja
Date: 10-14-2004, 03:59 PM
Parent: #1
العزيز حبيب نورا..
رمضان كريم..
حلوة حكاويك شدييد.. ومتابعاك من يوم عواسة الآبري بتاعكم.. لكن تقول شنو.. الايد ليها رافع برضو..
انا لما بديت أصوم.. كنت اقعد اتابع اخواني الصغار واصحابهم اولاد الجيران.. وكانو بيجو ياكلو مع بعض.. فكانو بيشهووني الأكل.. فمع بواقي السحور، كانو بيتفننًوا في تظبيط الأكل والحكًيرة ليهو.. فعلى طول كنت اعمل منهم كم سندويتش عشان آكلهم بعد الفطور..
أها كل يوم وبعد الفطور ما كان بيكون عندي نفس لأي شئ زيادة.. والسندويتشات كانت تدخل التلاجة لأتحسر عليها في الصباح،،
...
تحياتي..
|
Post: #9
Title: Re: للفـاطرين فقط والصايمين صيام الضـــب!!
Author: Rawia
Date: 10-14-2004, 08:11 PM
Parent: #7
العزيز حبيب نورا
رمضان كريم
|
Post: #14
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-15-2004, 01:27 PM
Parent: #7
رجوية الغالية
سعدنا والله بي المرور اللذيذ دوّت
زي ما بقولو المصريين
Quote:
انا لما بديت أصوم.. كنت اقعد اتابع اخواني الصغار واصحابهم اولاد الجيران.. وكانو بيجو ياكلو مع بعض.. فكانو بيشهووني الأكل.. فمع بواقي السحور، كانو بيتفننًوا في تظبيط الأكل والحكًيرة ليهو.. فعلى طول كنت اعمل منهم كم سندويتش عشان آكلهم بعد الفطور..
|
النبي فيك يا رجاء كنتي بتخليها بعد الفطور
واللا بتعملي ليها لهطِ تقديم
تأخري الفطور و تقدمي الروشتة زي حاجة بتول جارتنا
بتجيها الكلي أعتباراً من الكم وعشرين من شعبان
وحتي نهاية الستوت بي يومين كدة
غايتو انا ما داسيهُ من زول
كلو و أشربو والله غفورٌ رحيم
|
Post: #15
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-15-2004, 01:32 PM
Parent: #14
راوية عب حميييييييييييييد
( تصومو) و نفطرو.... علي خيييييييييير!!
|
Post: #16
Title: Re: للفـاطرين فقط والصايمين صيام الضـــب!!
Author: maha abdella
Date: 10-15-2004, 03:52 PM
Parent: #1
| Quote: والله الواحد أشتاق للناس ديل حليلهم وحليل حلّة فطورهم |
حبيب نوره
كل عام وانت بخير
اليحليلوا كثير يا اخوي
كان بنادونه للفطور ذي
الملكات نشرب العصير
ونضرب العصيده الما خمج
واسع يا اخوي بقينا ماسكين
مفراكتنا ونتجارى والله الوقفه
الياها لقايت الاذان ما ياذن
ياححححححححححححححححححليلم
امهاتنا الحنان
|
Post: #17
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-15-2004, 04:03 PM
Parent: #16
مها بنت عبد الله
كيفنك
كل سنة و انتي بخير
و انشاء الله ترجع الايام الحلوة دي
وتصومي وتفطري علي خير
|
Post: #18
Title: Re: للفـاطرين فقط والصايمين صيام الضـــب!!
Author: maha abdella
Date: 10-15-2004, 04:18 PM
Parent: #17
| Quote: و انشاء الله ترجع الايام الحلوة دي |
دي دعوة شنوا يا حبيب نوره؟
الدنيا رمضان وابواب السماء
مفتوحه ووزارة الداخليه بتاعتنا
لو سمعت دعوتك دي حتحرم علينا المنبر الحر
|
Post: #19
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-15-2004, 04:32 PM
Parent: #18
أسكتي ساهي يا مها
والله ما تقولي دعوتي مستجابة
في دقيقة أضيع مستقبلك الثقافي زاتو
لكن عليك الله
ما جواك حنين للزمن السمح دة؟؟
انا غايتو قليبي خفيف وما بقدر علي الهبباي في عز الصيف
و أمسكي عليك عيونك ديل أمسكيهن
مع الاعتزار للأغنية
|
Post: #20
Title: Re: للفـاطرين فقط والصايمين صيام الضـــب!!
Author: maha abdella
Date: 10-15-2004, 04:41 PM
Parent: #19
| Quote: ما جواك حنين للزمن السمح دة؟؟ |
والله جنس حنين بس حمده في بطنه
Quote:
و أمسكي عليك عيونك ديل أمسكيهن |
الليله يا حبيب نوره اسع تجيب
لينا الهواء مالقيت الا العيون
|
Post: #21
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-15-2004, 04:51 PM
Parent: #20
بنت عبد الله
عارفة انا عندي زي علاقات كدة بي أشياء غريبة
في الزمن دة أقلو
آخرها الحنين
أولها تهويمات كدة غير معروفة
حسب منطقية الدواخل حقتي
او بأعتبار انو في تماهي أجباري لي الذات الجوانية
الفكرة هسة ما واضحة عشان حاجات كتيرة
لكن بظل الأنسان حبيس نفس الفكرة المهترئة دية
عموماً مافي داعي من أساسو
خليني في فطوري دة
Quote:
الليله يا حبيب نوره اسع تجيب
لينا الهواء مالقيت الا العيون |
العيون النوركن بجهره غير جمالكن مين السهرة
يا بنت عبد الله والقلعة و......... جوهـــره
|
Post: #22
Title: Re: للفـاطرين فقط والصايمين صيام الضـــب!!
Author: maha abdella
Date: 10-15-2004, 05:01 PM
Parent: #21
Quote: العيون النوركن بجهره غير جمالكن مين السهرة
يا بنت عبد الله والقلعة و......... جوهـــره |
يا رب غطس البوست
يارب غطس البوست
اها يا اخوي ودعناك
الله امكن ما نتلاقى
وبكره افقد اختك
|
Post: #23
Title: Re: للفـاطرين فقط والصايمين صيام الضـــب!!
Author: Ehab Eltayeb
Date: 10-15-2004, 08:54 PM
Parent: #22
حبيب نورة:
سلامات ..ورمضان كريم
بالنهار فتحت البوست لقيته ريحته تفطر.. قمت جيت عليه اسه بالليل..
وبعدين معتز دا.. فتاك فتة مدنكلة ببواقي رمضان..
Quote: يارب غطس البوست
اها يا اخوي ودعناك
الله امكن ما نتلاقى
وبكره افقد اختك |
مها: البوست ما غطس ..الله يسر عليك انتي..
تحياتي لكم جميعا,,
|
Post: #24
Title: Re: للفـاطرين فقط والصايمين صيام الضـــب!!
Author: ناجى الزبير الملك
Date: 10-16-2004, 04:03 PM
Parent: #23
حبيب نورة ....تقول لى عرفتك خرماااااااااااااااااااااان كيف
انا شايل لى مسواااااااااااااااااااااك فى خشمى .........
تقول لى ناجى .....
خمِس ده مسواك ما سيجارة
حبيب نورة رمضان كريم ......
|
Post: #27
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-18-2004, 12:43 PM
Parent: #24
يا ناجي
ازيك ياخ
رمضان كريم يا حبيب الكل
والله بقينا نقابض ساهي يا زول
تقول عمرنا كلو لا شفنا لا رأينا
حالة صعبة أسكت بس
|
Post: #26
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-18-2004, 12:39 PM
Parent: #23
أيهاب الطيب
كل سنة وانت طيب ... برضو
كيفنك أخوي
والله انا بوستي دة بالنهار ببطل الصيام
وبي الليل القيام
اخير ليك تختاه ساكت!!
|
Post: #33
Title: Re: للفـاطرين فقط والصايمين صيام الضـــب!!
Author: معتز تروتسكى
Date: 10-24-2004, 04:24 AM
Parent: #23
Ehab Eltayeb
شوفت جنس المحن دى00
والفضايح يافضيحه انت 00
ناكل الفته وماتقش خشمك00
ياخوانا قالو الستره والفضيحه متبارات...
غايتو شكيتك انت وحبيبو ده لى سيد الفول...
|
Post: #25
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-18-2004, 12:37 PM
Parent: #22
بنت عبد الله
الله يديك العافية
|
Post: #28
Title: Re: للفـاطرين فقط والصايمين صيام الضـــب!!
Author: Sidig Rahama Elnour
Date: 10-18-2004, 12:46 PM
Parent: #25
حبيب نورة ( تفطر وتفطر على خير ) والغائب ضمير مستتر تقديرو تصوم
زولة تتضحك فيك ، شوف اللنك ده كيف ؟
http://يا ربي دي تنفع نكتة؟ رمضان كريم [ 1 2 ]
|
Post: #29
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-18-2004, 12:52 PM
Parent: #28
الصديق أخوي
اريتك في وكت ضيقي يا حبيب
ياخي اول حاجة تصومو ونفطر علي خير
بعيدن اللنك والله حلف ما يفتح
دة كلام شنو؟؟
كدي أتأكد من سلامة العفش تاني
|
Post: #30
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-23-2004, 03:55 PM
Parent: #29
أب
|
Post: #31
Title: Re: للفـاطرين فقط والصايمين صيام الضـــب!!
Author: ناجى الزبير الملك
Date: 10-23-2004, 04:05 PM
Parent: #30
ابين...
حبيب نورة .....مشتاقون .....
|
Post: #32
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-23-2004, 04:18 PM
Parent: #31
ناجي الزبير المك؟؟؟
والله بالأكتررررررررر يا غالي
والله حليل مسينجر بكري
كان علي الأقل قدرنا نقول ليك حاجة
ونتونّس معاك خشم خشمين
فيك الخير والله يا عالي يا غالي
|
Post: #34
Title: Re: للفـاطرين فقط والصايمين صيام الضـــب!!
Author: معتز تروتسكى
Date: 10-24-2004, 04:36 AM
Parent: #32
حبه ازيك00
لسه فاطر ولاجربته تصوم00
*اعمل ليك لو ترجع لى تانى
افرش ليك وانظم اغانى
اعزف ليك عود ويغرد كمانى000
ماكنته الودود حنين و000
ومين وراك تصد وراك التجافى 000
يا الوفيت وعود
جيت فى يوم تصافى
واليوم التعود
يوم فرحى زفافى00
اها فوق الربه دى فاقداك00
اها فوووووووووووووووووووووق00
ارح000 النبق النبق 
ربة نهارات رمضان 00
الكنته بعملها ليكم (اقصد انت )
* انت الماسنجر الزى الناس قاعد تقعد فيهو 00
رابط جربوكس كلب00
مشتاق ليك يافاطر 00
طبعا بتكون مرتاح الايام دى عشان ما هبشته بوستك 0
وجيبت ليك الفضايح00
معليش معايش الغربه جبريته
والشغله ماشغلتنا00
بس وحاتك مشتاق ليك 00
وترقب منى رساله00
|
Post: #35
Title: Re: للفـاطرين فقط والصايمين صيام الضـــب!!
Author: حبيب نورة
Date: 10-26-2004, 02:31 PM
Parent: #34
عززززو
يا زول كفاك .شوف ليك شغلة غير البوست الفضيحة دة
ياخي اذا بليتم فأستتروا
خليك ضمير مستتر تقديره شهادة طبية لزوم جلد الصيام وهكذا
وبعدين انا بي عزري الشرعي والدستوري
انت مالك؟؟
جنس محن يا أخواننا!!
أها اتكلم انشاء الله تجي الأول
ومشتاقين برضو
|
|