((((((((يـا بنت يـا شجـــرةةةةة))))))))))

قبل مداينك ما تبقي طشاش ونبعك قبال ما ينشف حلق الناس
العاشوا عطاش وقبل ما يفارق خد الوردة فراش ... كانت قصة
قصة زول في دربك ماش ..... قصة شوقاً أبي ينحاش
اصلوا الدنيا
كدة من اول
لو صدقت الفرّة الفي وش الزمن الكشّر بي مأساتو
تبقي مجرّد زول ممسوخ في فكرة انك زول وبعيش وسط الناس
والخوف
الهردت خشمك قولة أنو الفال
مساحة حلم وحقيقة
الهردت غنواتك معني نشازك في تقييمك للانسان الساكن فيك
في يوم بشبه شكل الريح الزعلان من نسمة عزك البقاية وطن
لي قصيدة

سرحن عيني في حس فرحة حسك بي جياتي
ومرقت عليك جوة الصحرة
لقيتك مخرج من الحزن الفي جواي ومدخل ليك
الشمس الجرحت خدي وسقتني الحر
الحر البلهب شبح سراب العالم هاوية
والناس السكنوا هناك كانت عطشانة
رويانة وعود ما طرحت ضو لا هزمت فيني النو

شفتك شجرة
في عمق الصحرة واللا ضل
شجرة كبيرة
وخضرة
تسر الناظرين
زي البقرة
سكنتك فيك يا ضل
يا بنت يا ضل
ولما لقيتك انت شرختي سراب الكون بي المطرة
رويت بي شوفتك زي ما شبعت عيني بي نضميك انشودة
يا بنت يا شجرة

لقيت الغصن الطالع من كبدك جوة
سرق النوم من عينوا الوعي وحتي اليقظة الاّه من شوقك ليها
ونزلت تفاحة
يا تفاحة
شكلك زي العايزة تمرقي خطانا بعيد من حواء
وادم يا حبان راقد في نص شوال التوت وجمبوا الغصن العريان مكسوف
ونامت أجفاني شوية كتير
وحتي كمان يا دنيا حلمت
وغنيت
لو تغرس بزرة بتنبت شجرة بتكبر شجرة
وشجرة وشجرة شجرتين شجرة بتصبح غابة

كانت خضرااااااااااء
معني خضارك فيني العالم لما يكون في الدنيا ضمير
ضمير العالم بنتاً شجرة
بحبك شجرة ويوم ما خنتك لا خنتيني
بتعرفي كنتك وما كنتيني
ولسة بتحلم بي الغابات حواء
مناها تعود لي شجرة وشجرة وتطرح تفاحة
بدل ما تطرح قابيل وهابيل
وبنت الجيران

وتصبح مشكلة لي اتنين ما عرفوا نهاية سعيدة
الا لمن شافوا اخر حلقة من مسلسل هاشم في العيد
أييييييييييييييك
هاشم في العيد؟؟
العيد دة منو دة يا هاشم؟ والله كان طيب هاشم يا زولة
بحلم بالعيد وشكل العيد وصوت االذان
لكن يوم عيدي يا شجرة
ما كورك أذان
لا صلي الناس لاضقنا حلاوة
وبرضو بنحلم بيك يا شجرة

ومرت أزمان وفاتت دنيا الناس في زحمة شارع مسكون بي وجعك
اأأأأأأأأأأأأأأأأأأأأأاه الوجع الوجع الهم يا أنتي
يا أنتي الوجع الهم الكعب الموت للدنيا
مرت أزمان والدنيا لسة موعد ويقظة ونعاس وجوطة وبس
جيت من اخر ميناء مودع لي الربان
تاني السجان؟
لا
المرة دي لازم امشي هناك للواحة
اقضي الليل في حضن الشجرة
جيت ومادي عشمي بمارس كيف تشحد ضل
لقيتك يا اّه من شوفتك
نفس المعلم الكان جايبني عليك يا سمحة
سحابة بخيلة ولفحة حر
وصحرة كبيرة ونخلة هناك في نص الوادي
زمان وصوها ولاد الحلة
لو جاك الزمن الشين يا نخلة
اوعي تفارق منك تمرة اوعي تدلي سبيطة وسعفة
والنخلة كانت حافظة وصية ناس الحي
زي ما وصوا جدودنا ولادنا علي الدم ومهيرة وعزة
ما خانت اصلوا كلام ووصية
وين الشجرة
؟

ما شايف شجرة ولا مرقت تضحك تفاحة
لقيت الفاس في باقي الضل الفضل شاحب
واقف عابس زي ما كانت عابسة الغيمة
وحالفة عديل ما تنزل قطرة فال لا يفرح شفع لا أطفال

بكيت الشجرة
بكيت الضل والمني والخضرة
وتاني بغني
وتاني بغني
لو تغرس بزرة بتنبت شجرة
وشجرة وشجرة وشجرة شجرتين شجرة
بتبقي حرررررررييييييييييييييييقة

ستمر من هنا حتماً!!!
ومن ثم سيثمر النبع
وتسيل الأغصـان!

Quote: ومن ثم سيثمر النبع وتسيل الأغصـان!

دي على وزن... أولادي في الزريبة وغنامتي في المدرسة!


استمتعت جداً يا حبيب نوره.. بعد نومة الظهر.. بجي تاني


بنت الحسين

عليك الله ما تنسي تحلمي بي بكرة يا مريومة

Quote: استمتعت جداً يا حبيب نوره.. بعد نومة الظهر.. بجي تاني

وانا لساتي منتظرك
ودي علي الوزن الثقيل يا بنت الحسين
بس انتي تجي وكلو يبقي في محلو

Quote: عليك الله ما تنسي تحلمي بي بكرة يا مريومة

أحلم بيهو كيف ! وإنت بعد ما تنبت الأشجار تقلبها حريقة

Quote: بتبقي حرررررررييييييييييييييييقة

لكن ... حلمت بسعادة حقيقة! .. وشفته جمال .. لا مثله ولا مثاله...

عازمه أخوي، سينما وغدا عشا...


ناوية أحكي ليكم عن الفلم...


وأخلي محمد عبدالرحمن يمشي يحضره....ويجي يشاكلني على قروشه الضيعها...


قلت أنفذ وعدي في أسرع فرصة.... أقصد وعدي بالعودة.. بجي تاني..
لحدي ما أجي..

سلم على نوره

Quote: ودي علي الوزن الثقيل يا بنت الحسين

الانتظار أصلا ثقيل!.. كيف يبقى على الوزن الأثقل؟

بنت الحسين

حبيب نوره ...
شكرا للابداع .. وجزل الكلم
لقد حلقت بنا عاليا ..
ومزيدا من التفرد

اولاً يا الجيلي
مرحب بيك في المنبر الحر
و أكيد حتكون أضافة ثرّة لغابة أقلام البورد
وربنا يقدرنا ويقدرك علي الحمل دة
وتشكر علي المرور الأنيق

مريومة
ازززززززززيك
عارفة كان عندي ليك كلام شديد
بس جيت لقيت البلد مقفلة
اها في زحمة اللغات
ضاعت ملامح الحروف
مات الكلام
الا شوقي ليك لسة ف محلو
الغريبة بعد دة كلو!!
تتصوري؟؟!!

تحياتي بقدر عمقك في دواخلي

حبيب نوره:
لك باقة من الأزهار.. وغابة من الأشجار.. لك ولنوره

ولتكن شجرتك تلك نبتة.. تنبت في هذا الجو المشحون بالهكر وغيره من الملوثات..
تمنح الناس الثبات ..وبعض من الحب والنور..

تحياتي..

أيهاب الشفيف العفيف الظريف الوريف
يا لطيييييييييييييف من جياتك عشم
تسلم والله علي هميم الهطول و أوبة الفال
في الكراريس والدفاتر.... والندي الجانا
بي بشري وعزاب..... وتكبر شجرررررررررررة

خالص التحايا
حبيب نورة
سلام ياصاحبى بقيت بعيد منك لاعنوان لاخبر والدخول بقى مسارقه رسلته ليك عنوانى لاساله جينى منك لاخبر طمنى عنك وانت عارف انى منك..
كان الواحد داير يعبر اكترمن كده لكن لانو بقيت بكتب ببرنامج خاص..
ربك يهون القواسى ونستقر..
معتز وحبيتو
ياحبيب نورا

المعتزززززززززز
أزيك يا غاللللللللي
والله مشتاقين جداّ جداّ
وينك يا حبيب؟؟

وبعدين انت العنوان دة
رسلتوا متين؟
كضباً كاضب با معتز
انا عملت واحد هسة مخصوص
شيلو ونشوف الخبر شنو
جيب لي رسالة انشاء الله فاضية
سمح؟؟

حبيبو رسلته ليك رساله

وصل يا معتز
يديك العافية

Habib:

This is a wonderful piece of poetry, so keep it up my friend.

بحرررررررررررري يا حبيب
فيك الخير يا اصيل
وبحري بالليل بجيها
عشان حمّودي فيهاااااااا

حبيبا سلامات؛ ويييييييييييين كدا ماظاهر؟؟
كلامك دا الليلة ماقادر استوعبو خالص ؛الراس مشغول والكلام المقلبن دا ماقادر عليهو.نورا أخبارا شنو؟شكلكم كدا طولتو ما( قعدتو).

ود حماد يا حبيب
والله شوية كنت عيان
والحمد لله هسة مية المية
ياخي الكلام دة مالو هسة ؟
ما حلاتو !!!

Quote: ؛الراس مشغول والكلام المقلبن دا ماقادر عليهو.نورا أخبارا شنو؟شكلكم كدا طولتو ما( قعدتو).

ياخي طولنا شنو ؟ نحن كلو كلو ما قعدنا
طوالي واقفين ... نحن عشان الطين
وانت واقف براك والهم عـصـف
سلمت أناملك يا ود حماد
وبعدين انت ما قلت لي خليك من السياسة
اها من ديك وعيك جيت علي جنس الكلام المقلبن دة
وبعد دة تقول لي الراس مشغول وجايط!!!

حبيب نورة

ابداع مافي كلام وانا صدقني معجب جدا بطريقتك المتفردة ومزيدا من الابداع ، وبعدين مريم ده مشت حضرت الفلم وشكلها حاتورطني معاها وتخسرني فلوسي ربك يستر غايتو

محمد عبد الرحمن
ياخي يديك العافية
تسلم يالهميم
وشعور أكتر من كدة مافي والله

حبيبا جيتك صادي تاني؛ تعرف نصيحتي النصحتها ليك ديك...أكتشفت أنها نصيحة رهيبة جدا وشكلي كدا حا اقوم أنصح بيها نفسي؛ انت قرط علي كدا وماتتراجع الشغلانية الايام دي جايطة شديد وفي حالة (مطالعات) حاصله في البورد والعكاكيز مرفوعة فوق؛ والله كان ما النت دا حاجز ألعالم دي كان تلقي الدم للركب.
انا كان كنت بعرف لجنس كلامكم المقلبن دا ماكنت دخلت في معمعة (القشاره)السياسة دي.
أسمع ماشي أسوي لي كباية شاي وراجع اقرا موضوعك دا للمرة التالتة يمكن البلامة دى تزول وافهم ألحاصل شنو.
أها ودعتك الله وأبقا عشره علي نورة.

و


ش ج ر ة

بجيك بى جوقة الحروف بس انت عارف الماسكنى شنو..
حبيب نورا..
انا ابحث يابت يابينا..
معقولها تقاسمها..
يا اما جنون..
يا اما تشل الصفق..
وتخلى لى الفروع..
ونقابل فى الجذور..
والتربه..
واللحاء والماء والاكسجين والبقايا..
يبقى تقاسم سلطه وثروه..
وحتى مابخليها ليك..
فى البت الشجره..
نوره..

Quote: بجيك بى جوقة الحروف بس انت عارف الماسكنى شنو.. حبيب نورا.. انا ابحث يابت يابينا.. معقولها تقاسمها.. يا اما جنون.. يا اما تشل الصفق.. وتخلى لى الفروع.. ونقابل فى الجذور.. والتربه.. واللحاء والماء والاكسجين والبقايا.. يبقى تقاسم سلطه وثروه.. وحتى مابخليها ليك.. فى البت الشجره.. نوره.. تروتسكي او كما قال

لاتعليق

و
و
و
و
و
و
شجررررررررررررررررررررة
يا ناجي
لكن اقول ليك حاجة
رجاءاً كلو من ثمر البورد كلو
بس لا تقربوا هذه الشجرررررررررررة!!

ود حماد
انا ذاتي جيتكم صادي

Quote: أسمع ماشي أسوي لي كباية شاي وراجع اقرا موضوعك دا للمرة التالتة يمكن البلامة دى تزول وافهم ألحاصل شنو. أها ودعتك الله وأبقا عشره علي نورة

والله يا باشا
انا الموضوع برضو ما واقع لي هسة
الا اشرب لي كباية شاي معاك
اصلوا نحن بنجي نكشحوا وونتخارج
وما بنعرف قصتوا شنو بعد ساعتين

للجميع فقط
أهدي النزيف

بس ظالمة الدنيا الصبحت غش , ما ظالمة حروف الريد يا حلوة , الحرف البنده ليك من حس الزول العشقك كلمة , ما عندو ذنب في الجاكم وحشة سكة شوق الناس للصدق المعني , طعم الغنية مرير في حلقك , ما ضقت نغيم الاهــــة في مسامع دنيا بتحلم , لم الصوت الجواك يطلع مبحوح بي قسـوة.

بسمع منك كنت ,,كليمة شوقك لي بنية طفولة , بنية زي ما قال الزول المدهـش , سمحة وسمرية , بي لون قمرية وقولة عيدية ,ومدة أيد الغيم بالمطـرة , بتدي المحل الفيك القمحــة هــدية , لما الاقدار يا أحمد تكمن ليك في بطن الحلم وتقلع منك صوتاً قال يا سلمي ,أتوكل علي حلمك أحمد أخوي , باقي الحلم الفاضـل هسة ,بغمز ليك يا أخويا تخش , مرق الشجن الكان مرسال لي اللوعة ,و مديت جـرحـك تاني نزيف , أصــلا شريانك شجرة سنـطـة , بتفضل شايلة الصـمغ الشـوق جواها , وما حايشــوف الدنيا جنـاها , الا الفاس الحــاني يزور أغصــانا .


طفلة وسلمي , سلمي وطفلة , دلالة شـعر الناس يوم جمعة , ولمـّة فرح النـاس في حفـلة , قصـايد الدنيا قربـان لي طفــلة مليانة شجون , يا أحمد أبقي عشرة علي وصية نبض الجواك بهتف , بقول يا سلمي , خت في بالك انونزيفك معني خريفك , لما الشواق يبداك في من أول , خلي قرايتك في عينيها مناهج , شان تنجح وتلقي شهادتك نظـرة بتبقي الفال لي بـاكر.

غريبة الدنيا وظالمة , زي ما سمع الناس الغنية تنادي , ألا حبيبتك ســودانية , رويانة محــنّة وطيبة نـاس , وكلام ونــّاس رقـة أحــساس

ألا حبيبتك سودانية , أحمد ما تنسي كلام جـواك , وما تتنازل وما تتخازل , ما تخلي الخوف يغشاك بالمـرة , أرفـع صــوتك بي أقدامك

قول للبنت الفيك زي طفــلة , ماني مفارق وماني مغرب ولاني مشرق , محل ما تمشي خطاك تلقيني معالم سكـة أملك , يا أحمد ما تفــكـّّّر يوم , أنو التـاريخ ممكن ينسي , أنك بـعت , ... بنتـاً جواك سودانية , أرفع صـوتك فوق للعالم , ما تخلي هتافك يبقي جـبان , يقلع منك صــوتـاً قـــال يا سـلمـي

did any 1 ever tell you? what special feling did u make

up

دى البت الشجره ياصديق..

*طالعه من حس الالفه
البيناتنا
مرسومة بي ضو القمر00
أتنحت جواي هواك
قبال يبن لون الصور00
أعاين نجوم جوف السما
ألقاها ليك سكة سفر00
أعاود للحنين يرمينا
بي كل الجمر00
محكوم على والدنيا ليل
اشيل معاك الباقي من
موج البحر00
وشرفه من ارض الوطن
بتشكي من شوك الزهر00
يا طالعه للناس السمر
وخريطة الزمن الجزر00
نفسي في عينيك أسافر
واتحدى بيك رعد المطر00
ولمحتك مره بين الفصول
عينيك ألوان الشفق00
شايله في يديك كتاب
حروفو في كل الصفق00
ويبقى حس الالفه حاضر
معانا زي ضؤ الافق0

يبقى حضورك تربه ومويه..
عشان تعيش البت الشجره..
وخلى الاكسجين على..
نتقاسمو مامشكله..
فقط اسرع بالماء..

حبيب نورة

تحياتي

(كانت خضرااااااااااء
معني خضارك فيني العالم لما يكون في الدنيا ضمير
ضمير العالم بنتاً شجرة
بحبك شجرة ويوم ما خنتك لا خنتيني
بتعرفي كنتك وما كنتيني
ولسة بتحلم بي الغابات حواء
مناها تعود لي شجرة وشجرة وتطرح تفاحة
بدل ما تطرح قابيل وهابيل
وبنت الجيران)

كلام جذوره ضاربة في تربة الصدق ، و فروعه تشابي لسماء الحقيقة ..
أطربتني يا رجل

ابو جهينة يا سيد الكل
ياخي والله انا مبسوط جداً من مرورك الأنيق دية
يديك العافية والله

Quote: كلام جذوره ضاربة في تربة الصدق ، و فروعه تشابي لسماء الحقيقة .. أطربتني يا رجل

معقولة بس أطربكم في حضرت كمنجاتكم الشروق؟؟!!
ياخي
لو شال الريح الغيمة الفكرة .....ونشّف عرق الخاطرة النيل...
بطلع قنديل... لو فات الضو لي حضن الصحرة بجيكم مطرة...
و الافراح لابد من ترجع.

يا صاحب
للكتابة أقول
يا كنا نبيعك يا نسرق
أخترنا النار الضلها بحرق
يا مجلوبة في قافلة رق
ما بستحمل صدرك رصاصة ظلم
يا صابت رحم الفال
يا قطعت حبل الحلم

و اّخر اّخر قولي
لولا مفارقة السيف لغمدهِ
ما كان انتصار الشوق...و رنين أجراس العودة يصمني
وشجررررة
وشجرررررة
شجرتين شجرررررة
برضو حتقوم حريقة
تخنق النسمات!!!!

حبيب نورة

(يا أحمد أبقي عشرة علي وصية نبض الجواك بهتف )
(يا حبيب نورة أبقي عشرة علي وصية نبض الجواك بهتف) و لا تتوقف .. خلينا نمد الإيد نشرب و نغرف .. عشان كل الناس تقرا و تعرف .. إنو الكلمة زى تيار يكسح و يجرف .. و أنو الكلمة بلسم للجرح الغائر ينزف ..

أبو جهينة
أبقي عشرررررررررررة علي البنت الشجرررررررررررة
و أشوفك حلم عشم ممدود قدح كسررررررة حلم بنوتة
بالسترررررررررة كلام ناساً حنان بالحيل ولي قدام