Post: #1
Title: غنـُّوا معـانا
Author: حبيب نورة
Date: 11-11-2004, 04:22 PM
Parent: #0
11/11 عيد ميلادي ال...
لساتنا بنحاول ان نطرقع أصابع الزمن غنوات....... نهبِّش و نعافر جواتنا فجـجـاً وجع..
نتوحــّم علي مسدار.................... تجينا الصحرة يوم جرتق مراكب النيل... خراب وودار
كلما نشخبط في أعمارنا هميم الفرح..... انا و صديقتي التي تكثــــِّف حضور ( الأدرينالين)
في دمائي .... وتستأنف حفرياتها في كيمـياء كبدي...
أستدعيهِ اللحظــــةَ... وانا أستحضر ساعةَ عبثي في أزقــَّة الحارة الضيقة... وكيس الدندرمـة
يدجـــِّج خشمي طفولةً .....مع أصرار أمّي الغريب في دفعي للأستحمام غصبـــاً...
وقد فعلتها بالأمس القريب...!!
يوجعني هذا التزكار و أحتارُ في كيفية تمزيقهِ قبل أن يشترط علي الزمن تعليقهُ في أستار مسامي
وقد كنتُ أرسمُ أحلامي في فسيح الخريف ..... ومتّسـعٍ من قوس قزح...
ولكن ( دينـا) صبيةٌ من بسكوت أصرّت أن تقاسمني قطعة الشوكولا في
عيد ميلادي الكئيب...... فكانت بطعم الحليب وشجني القديم....
أذن غنّوا معانا
|
Post: #2
Title: Re: غنـُّوا معـانا
Author: حبيب نورة
Date: 11-11-2004, 04:25 PM
Parent: #1
غنوا معانا غنوة العيد والفرح ..... الليلة عيد ميلاد فرحنا
وكل اسوار المداين ....لونوها.....بي قوس قزح وظفوا الاّلات واللا لا سيبوها تعزف نغمة الحرية تصدح...
بعد كل هذه الجراح التي أدمت قوس كمنجتي ,, ها انذا
أبتدر لغتي بالغناء , وأحاول العزف علي اوتار تراخت بفعل
ايدي الاقدار العابثة ,,,,أظن انه من الغباء ان أغني و أردد
صوتٌ قادم ٌ من شفيف الحنــاجـــر ,, وتحيط بي خمسة و
عشرين عاماً من النشاز ,, أحـاول ان ألحق باخـر قطار للغني
و تصمّ أذناي اصوات التصفيق و هتافات الجمهور الكــريم ,, و
لكني حين اّخذُ مكــاني وسط جــوقة المغنيين ,, أكتشف ان
الشرخ المأساوي اصاب قصبة الناي الموسيقية ,, فبحّ فيه
النغم ومات اللحن مأسوفاً علي شبابه ,, الذي لم يخلف وراءه
سوي زكرياتِ بواكيٍ ,, ومزمـــارٍ يتيم !!!!
خمــسة وعشرين عاماً من البكــاء ,, تركت وراءها منديلاً و
وســادةً مبتلّة باّهـــــات الايام الحـــزن ,,, أنه ربع عقد من
الزمــــــان والناتج صفر ,,, أعظم أصفـــار التأريخ ,,,,,
صفر بزلت فيه مجــهود خمسة وعشرون عــام من الاحتراق
والمحصلة الطبيعية لجزوة النـــار ,, رمــادٌ في منفضة سجائري
وفي الحقيقة انه نتــاجٌ مبرّر ,, ولا يحتاج لكثير أيضاح ,, ولكن
السؤال هل كانت النار برداً و سلاماً عليّ مثلما كانت علي
أبراهيم ,, وهل تراني اتيتكم منها بقبسٍ او وجدت علي النار
هدي ؟؟؟ ام تري تعاملت معي النار بسياسة الحريق والفقوس
ولم تنسي ما فعله ( نيرون) في رومـــا ذات يومٍ ملتهب ؟؟
تلك الخمسة والعشرون أضافت الي الكثير ,, وبالمقابل كانت
خصماً من رصيدي في الكثير ,,, تعلمتُ فيها معني قداســة
وطهارة أدمعــي ,, فمـا عدت أعتمــرُ , او أيمم وجهي شطر
عينيك ألا بعد أن أغتســل بشوقـي عيوناً تنتحـــب !! وأيضاً
تعلمت منها أن العمــرما سيأتي ولا يعنيكم ما مضي , و كل
اّتٍ اّت ,, وانا احتسبت كل الماضي , ولكني لن اتنازل عن
بضعة ثواني في غدي ,, وذلك لسببٍ واحد ,, أنّي لي يا
سيدي حق التصرف في اشياءِ لا تخصني ؟ و لا ازيد علي ان
اكون حــارسٌ أختصاصي لها ,, فان عمري ما قد فات و ما
سيأتي ملكٌ لها ,, ملكُ فقط لحبيبتي ,,,....
|
Post: #3
Title: Re: غنـُّوا معـانا
Author: sharnobi
Date: 11-11-2004, 04:31 PM
Parent: #1
حبيب نورة
وحبيب كل الفراشات الى تحلم بالرحيق
كل عام وانت بخير
اجد استراجة للروح بين نظمك الجميل
واصل فى تثر تلك الدرر.. على القلوب الهائمة.. واجعل.. من حروفك.. مرافئ.. وحبات الذرة.. التى تتفتح قناديلها صيفا.. فى هذا اليم.. الذى تترائ جزر امانها.. سرابا.. ولنتزود.. فى الفيافى... ببعض من رطب ... اقاعاتك..
لك الود.
وعيد يحمل فى طياته معنى العطاء
شرنوبى
|
Post: #4
Title: Re: غنـُّوا معـانا
Author: سماح سيد ادريس
Date: 11-11-2004, 04:34 PM
Parent: #3
كل سنة وانت طيب وعقبال الشمعة ال..........
|
Post: #7
Title: Re: غنـُّوا معـانا
Author: حبيب نورة
Date: 11-11-2004, 04:57 PM
Parent: #4
السماح يا غالية جينا طالبين السماح
تشكرات أفندم تشكرات
كل سنة وانتي الحلم المريح
|
Post: #6
Title: Re: غنـُّوا معـانا
Author: حبيب نورة
Date: 11-11-2004, 04:54 PM
Parent: #3
شرنوبي الجميل
شكراً والله عشان كلامك الشفيف اللطيف الظريف الخفيف
و انشاء الله أوعدك أني أقولك حتي بي صمتي لو فتر
ملَّ القصيد... او حات فيني النشيد... ببداك جديد
كل سنة والجميع بخير
وما قصرت يا صاحب
مقامك عالي في فضاءات الروح و تجليات ما بعد أندياحي في جدلية
الشوق القديم... و ذلك هو أرثي
أذن غنوا معانا كلكم
و أسرجوا القناديل العطاء الغناء
تسلم يا شرنوبي ولك من الودّ أنبلهُ
|
Post: #5
Title: Re: غنـُّوا معـانا
Author: ودقاسم
Date: 11-11-2004, 04:37 PM
Parent: #1
أيها الولد الجميل
سأغني معك حتى بزوغ فجر الأمل
لينطلق جيلك كله إلى رحاب الوطن الحر
بحثا عن مرافئ الجمال
ومناخات الروح ..
لك مني دعاء بإطفاء مائة وعشرين شمعة ، ومثلها لنورة ..
|
Post: #8
Title: Re: غنـُّوا معـانا
Author: حبيب نورة
Date: 11-11-2004, 05:02 PM
ود قاسم أستاذي العظيم
والآن ها أنذا أخلع القبعة و أسجد في حضرة الحرف الأنيق
ولكم تشرّفت بكم ولكم فتأتُ أغني حين ضجيج الصمت حزناً
مضجراً.... ولكن لسان حالي حين لذيذ الأطلالة يردّد كل وسامة
الحاضر وحسن الذي يهطل من الغيمات....
مليون شمعة ضوّاية... ونورة شمسي الأخري صبيحة الأضلام......
هنيئاً لنا بوجودك المريح ودمت لنا.....................
عفواً دمت لهم و.... للجميع !!
لم نكن يوماً بمثلِ هذه الأنانية الجميلة.. وألا لأحتكرناك...
|
Post: #9
Title: Re: غنـُّوا معـانا
Author: Ehab Eltayeb
Date: 11-11-2004, 08:03 PM
Parent: #1
| Quote: 11/11 عيد ميلادي ال... |
الحبيب وها نحن نردد معك:
غنوا معانا غنوة العيد والفرح ...
الليلة عيد ميلاد فرحنا...
وكل اسوار المداين لونوهابي قوس قزح...
تري ما فعل بك هذا اليوم يا صديقي!!!!
|
Post: #13
Title: Re: غنـُّوا معـانا
Author: حبيب نورة
Date: 11-12-2004, 03:32 PM
Parent: #9
الحبيب أيهاب
كل سنة و أنت طيب
و ربنا يحقق الأماني السندسية
|
Post: #10
Title: Re: غنـُّوا معـانا
Author: معتز تروتسكى
Date: 11-12-2004, 03:21 AM
Parent: #1
نورت حياتي
يااااااااااااااه اول مرة عرف صاحبى ورفيق عمرى من الطفوله (جلك كده) تاريك كنت داسى على وخادعنى يا ممسوخ وانا الصغير صلاة النبى فوقى ماشى معاك من بلوه لى بلوه00الترابه فى خشمى 00شهر كامل فايتنى بيهو 00 ليه ما ورتنى الحقيقه يامخادع 00الليله الاامسخ عليك عيدك ده هو انت من بتين بتعرف العيد ميلاد ولا شبهو 00كويس تغشنى مش وتقول لى انا صغير 00ماداير معاك ومخاصمك يلا محاربك جيب اصبعك خلاص00
(ليه تقول لى انتهينا نحن فى عز الشباب) مقطع تحفيزى ليك حتى لاتياس وتنتحر وتخش النار 00
عيد ميلادك حلو متلك..
* لوتعرف انى من اجلك00
مشيت مشوار سنين وسنين00
مشيت فى ليل للغربه00
على الكلامات ودمع العين 00
وعشتك لما فارقتك00
حروف تتغنى بيك حنين00
بتعرف انت مابتعرف 00
انحن بى حبكم هايمين 00
هايمين00
بتعرف 00
ودارة دورة الايام ونحن مع الزمن اغراب00
متين تتحق اللقيا ومتين يتقابلو الاحباب0
شربنا دموعنا ماروينا00
حملنا الشوق ملانا عزاب00
وقلنا نجرب الصحراء00
جنينا املنا كلو سراب00
بتعرف00
قليل فى حقك المشوار00
بدور من اجلك امشى كمان وكمان00
وتحفى رجولى تقطر دم واصبح فى الطريق عطشان00
محبه كتيره فى قلبى00
ودعوة تمجد الانسان00
وانت نموزجى الطيب 00
نموزج يلهم الفنان 00
بتعرف00
فى عيدك ال200 واكتر من كده كفاك شتت طوالى...
*بتعرف الكلام ده الممسوخ بتعرفو 00
ياخى كل سنه وانت اكبر من كده وترافقك الصحه والتوفيق محل ما مشيت وجيت 00
ونلقاك ونغنى معاك اغانى العيد كلهايايسن 00
آه يا الغالي
|
Post: #14
Title: Re: غنـُّوا معـانا
Author: حبيب نورة
Date: 11-12-2004, 03:39 PM
Parent: #10
تروتسكي
أزيك يا صاحب عز الضلمة
بحبك اشوفك محلّق كنجمة
ياخي كل سنة و انت طيب والسنة الجاية معانا في الجنة
كنت عايز أكتب ليك جواب للولد البلد
بس النيت أبي لي قلت اعمل حاجة في البورد
تجي تبارك لينا و تتخارج
والله انا سعيد بيك يا قبيح
وكمان بهديك من كل قلبي أكبر قطعت شوكولا
عشان عارفكم ما خبزتوا!! شكلو دقيقكم قصّر
| Quote: (ليه تقول لى انتهينا نحن فى عز الشباب) مقطع تحفيزى ليك حتى لاتياس وتنتحر وتخش النار 00 |
وغير كدة كتر لي في المقاطع التحفيزية دي و مين عارف!!
|
Post: #12
Title: Re: غنـُّوا معـانا
Author: ودالعباسية
Date: 11-12-2004, 09:33 AM
Parent: #11
يافردة
كل سنة وانت طيب وعقبال الشمعة 1000
|
Post: #15
Title: Re: غنـُّوا معـانا
Author: حبيب نورة
Date: 11-12-2004, 03:48 PM
Parent: #11
انتي الرجـا والمرتجـا العمرو ما خيّب رجـا
كل سنة وانتي طيبة كمان
ومن غير كروت كفاية جيتك
عندي غابة أزاهر وكل الرحيق
سلمتي يا رجوية عب حميييييييييد!!
|
Post: #16
Title: Re: غنـُّوا معـانا
Author: حبيب نورة
Date: 11-12-2004, 03:49 PM
Parent: #15
ود العباسية
ألف شكر يا حبيبو
تسلم
وكل سنة وانت بخير
|
Post: #17
Title: Re: غنـُّوا معـانا
Author: حبيب نورة
Date: 11-12-2004, 04:25 PM
Parent: #11
غنوا معانا
|
Post: #19
Title: Re: غنـُّوا معـانا
Author: حبيب نورة
Date: 11-12-2004, 04:35 PM
Parent: #18
وااااااااااااااااااااو
جاييك
شكراً ليك ولي رجوية
اشوفك بأي!!!
|
Post: #20
Title: Re: غنـُّوا معـانا
Author: معتز تروتسكى
Date: 11-13-2004, 12:58 PM
Parent: #19
يلا انور وحبيبو برضو انتظرونى امشى واجيب باقى الحاجات واجى 00
مابتاخر اوكى000
|
Post: #21
Title: Re: غنـُّوا معـانا
Author: Alia awadelkareem
Date: 11-14-2004, 06:40 AM
Parent: #20
Quote: 11/11 عيد ميلادي ال...
|
الحبيب نورة
كل عام وانت جميل
مع ودي
|
Post: #22
Title: Re: غنـُّوا معـانا
Author: ابو جهينة
Date: 11-14-2004, 08:12 AM
Parent: #21
حبيب نورة
كل سنة و إنت بألف خير
مررت من هنا عدة مرات ..
إشاراتها الضوئية كانت كثيرة ..
و لكنني توقفت عند هذا المنحنى :
تلك الخمسة والعشرون أضافت الي الكثير ,, وبالمقابل كانت
خصماً من رصيدي في الكثير ,,, تعلمتُ فيها معني قداســة
وطهارة أدمعــي ,, فمـا عدت أعتمــرُ , او أيمم وجهي شطر
عينيك ألا بعد أن أغتســل بشوقـي
شكرا
|
Post: #23
Title: Re: غنـُّوا معـانا
Author: ناجى الزبير الملك
Date: 11-14-2004, 02:09 PM
Parent: #22
حبيبنا الجوانا ...
كل سنة وانت أطيب ما تكون ....
....وعقبال مائة شمعة ...... ....
ووووووووووووووووووووووووو
|
Post: #24
Title: Re: غنـُّوا معـانا
Author: motaz
Date: 11-15-2004, 07:22 AM
Parent: #23
معقولة لكن ؟؟
يكون الفرح في بيتنا ونسمع اخر الناس
الف الف الف مبروك يا حبيبو يا عسل
وكل سنة وانت بخير
وعقبال الشمعة الالف
والعيد مبارك عليك
وربنا يحقق ليك كل امنياتك
وربنا يخلي ليك نورة ويجمع الشمل 
|
Post: #29
Title: Re: غنـُّوا معـانا
Author: حبيب نورة
Date: 11-15-2004, 11:03 AM
Parent: #23
كرت رهيب و ذوق رفيع جداً يا ناجي
الف شكر والله
تسلم علي المجاملة اللطيفة الظريفة
|
Post: #28
Title: Re: غنـُّوا معـانا
Author: حبيب نورة
Date: 11-15-2004, 10:51 AM
Parent: #22
أبو جهينة
والله جد انت رائع
حتي ما عارف اقول ليك شنو
عموماً تسلم يا غالي
|
Post: #27
Title: Re: غنـُّوا معـانا
Author: حبيب نورة
Date: 11-15-2004, 10:33 AM
Parent: #21
عالية
مليون زهرة و قطعة شوكولا
دمتي يا رب
|
Post: #25
Title: Re: غنـُّوا معـانا
Author: حبيب نورة
Date: 11-15-2004, 10:26 AM
Parent: #20
dear moataz
who gives us the RAIN ?
who removes our PAIN?
I belive on GOD and to go on that WAY
DEEPLY THANXXXXXXX
كل سنة وانت طيب يا صاحب
وربنا يحقق كل أمانيك
اصلو دة عيد ميلادك انت
|
Post: #26
Title: Re: غنـُّوا معـانا
Author: حبيب نورة
Date: 11-15-2004, 10:31 AM
Parent: #20
ربنا يخليك يا عزو
كل سنة والجميع بخير
وعقبالك يارب
|
Post: #30
Title: Re: غنـُّوا معـانا
Author: حبيب نورة
Date: 11-16-2004, 01:21 PM
Parent: #26
|
Post: #31
Title: Re: غنـُّوا معـانا
Author: Rawia
Date: 11-16-2004, 01:24 PM
Parent: #30
كل سنه وانت طيب
كل المنى بالسعاده والفرح
|
Post: #32
Title: Re: غنـُّوا معـانا
Author: حبيب نورة
Date: 11-16-2004, 02:01 PM
Parent: #31
ربنا يخليكي يا راوية
ألف شكر والله
تسلمي يا ست الكل
وكل سنة و أنتي طيبة
|
|