راوية عب حمييييييييد أنثي برتبة جنرال

اليــوم تنــهزم الكـلـمـاتّّ!! وتمـوت كل القـصائد , ماأغـبي هاتـيك الكـلمات , الـيوم
فقـط أكتـشـف بـلاهة الــشعر , ويسـقط في نظري
ابو الـعلاء ابو الطـيب وجـريـر , شــكسبـبير!!!
وهذا لو كان يعلم انه سـقط من زاكـرة الانـجلـيز ,و لو دري بأنه أضــاع عمره كله سـدي , لتمـني ان يموت ألف مرة قبل ان تمتد انـامله , لأرتكــاب جريــمة الــشعـر .
(كونفـوشـيوس) حكـيم حكـماء الصـين !! أفني
عـمره في ترديدالمـأثورات التي تمـجّد الـحب
وتنـادي للجـمال, أي جمــال هذ؟؟ ,أما كان الاجـدر به ان يبزل
كل هـذه الجـهود في شـئ يفيد المجتمع البشري
؟؟ بلا شـك انه كان سيكون مثلي الاعـلي لو
تفرغ للكيمـياء او دروس الـطب البـشري في
حلقـات ابن النـفيـس !!! الـيوم يجـب ان نبكي
نـزار !!نـزار المدعو شـاعر المرأة , المتوّج ملـكا لقـبيلة العشـــاق , الذي
كان يطربني قبل سـويعات , لماذا اصـبح فجأة
كل شـعره مثل دروس الرياضيات الحـصـة الخامسـة قبل انتهـاء الـدوام ..

كل ما هناك عن راوية عب حميييييييييد
ولا أريد أن أخوض في عراكات لغوية لا تسمن ولا تغني من أحساس

ما عارف لي شنو بكتب!!! بس لازم أتنفّس... الكتابة دي هم لذيذ
اها نسمع سوي...
صعيد الامنية الطاهر قطع صلواتنا ليك ياخوف بعد تكبيرة الاحرام .. وضوك بالنية دمعة شوق .. تسابيحك .. تشهد عبرة الغنوات وقولة آمين .. معاك مابنخشى .. جور الناس .. كلام الناس .. ولا الضالين ..
بسلم وابتديك نافلة عشان ما ابقى ناقص دين ..
غيابك يانشاف فكرى رحيلك فرت جناح الغيمة لى بلدا رزازا كضب ..
بنده ليك
يامطيرة صبى لينا فى عينينا ..
( تحت خطين )
كمل صوتى وكان فى موية كان اتوضيت وصليت صلاة الاستسقاء .. بس الابريق وقع من ايد الشيخ .. الدنقر يلملم حبات السبحة بعد ماشال الريح مصلايتو ..
سعال ياناس ؟؟؟؟؟؟
احمد وينو من وجعة هجايم الليل ؟؟؟
احمد وينو من دفقة مجارى السيل ؟؟؟
جواب للبلد
احمد غايب مافى الركايب ..
احمد غايب فوق بلد المصايب ..
ولا جانا كلب سنونو صفر .. ولا حلب الناقة ..
ولا ده ولا ده ..
ولا اسمو حسنين ولا اسمو عمر ..
جانا خبر رحيلك من عرش السما السابع .. قالوا نجيمة حوامة غافلت المجرة ولفحت توبا .. ومرقت كايسة الضو .. لكن انا مصر اعرف النيزك المتهور ده قاصد انو يرجم نجيمتنا السمحة ويلحقا ( نجمات طه ) ؟؟ ولا القصة قضاء وقدر اسود ؟؟
وراجيك فى السما السابع .. فى سدرة نهاية العتمة والضلمات ..


عفواً جداً
راوية عب حمييييييييد

أبنوسي

ياسين ..
رجاء .. محاولة الاتصال بنا ..
عن طريق الاخ المجاهد ..

تروتسكي ..

[email protected]

متواجد حاليا ..

العزيز معتز
سلام واحترام

حميدة
اول حاجة رمضان كريم
تصوم وتفطر علي خير يا أخوي

Quote: المدعو ياسين .. رجاء .. محاولة الاتصال بنا .. عن طريق الاخ المجاهد .. للضرورة .. عشان ما نقعد نتفاهم معاك هنا في المنبر ..

وبعدين يا أخوي
في شنو بيني وبينك عشان تتفاهم معاي
انا بهمني مجاهد
و أتفاهمت معاه اوكي
و ح أمشي ليه في المكتب او البيت
مع انو الموضوع ما بستاهل
لكن نعمل العلينا
وياسين أكبر من السخف دة علي فكرة حاول تستشف دة من خلال الارشيف
وعلاقاتي مع بقية الشرفاء الاعضاء
غير كدة ممكن تفتح بوست طوالي عشان انا واثق من حبيب نورة
بالمناسبة: غصباً عني بلقاني بحبكم كلكم وبرضاي
والتحية للوارفة راوية التي نتفيأ ظلالها لحظتئذٍ
سلام

العزيز حميده
شكرا على مرورك
اقدر لك تماما
عدم تحويل البوست لشكله
كفـــــــــــــــايه

تبلدي
تسلم علي الغني السمح دة
اريدك والله

العزيز امير
لفته طيبه منك
واختيار حلو للغنيه
والمفروض انا اعتذر ليك
مش انت
لانى اول مره ادخل ليك بوست
مسخته عليك ونكدته عليك
وانت فاتحه مخصوص تبكى فيهو حب
انت اتخيلت انه انتهى
لكن تأكد هى سحابه صيف وحتعدى
بالنسبه للحصل
كلى اسف
لا اقدر على التحكم فى سخف البعض
وتسلم لى
اشعر بفخر انى بعرفكم
وانو فى شباب زى الورد فى بلدى زيكم

حـبيب نوره
أنها ابداع حقيقي .....قرأتها ثلاثه مـرات
لم تشـبع نهمي!!!!!

حبيب تورة

رمضان كريم



فعلا راوية جنرال ونص كمان

سجيمان
الله أكرم
تصوم وتفطر علي خير

Quote: فعلا راوية جنرال ونص كمان

راوية دي كلية القادة والأركان زاتة

الغالى عادل سيجيمان
شكرا ليك على كلمتك الطيبه

وتصوم وتفطر على خير

أمين السيد
والله أخجلت تواضعنا
أنشاء الله نكون عند حسن ظنكم
لكن الأجمل من كدة
أختنا راوية
فهي ملهمتي البوح الشعر
وها انذا أتورّطُ في جريمة التواصل
شكراً جداً

Quote: قالوا نجيمة حوامة غافلت المجرة ولفحت توبا

أمين السيد برضو

Quote: حاضنة الجدول... قصبة ألفــة نجيلة ريد ما بتخاف من عين المحل القاسي .. تجدع فوقا تياب الصحـرة وتكشف حالا

حبيب نورة

مررت من هنا على مهل ..

أبو جهينة
و انا مررت خلفك علي عجلةٍ من أمري
أتأمل في روعة الوصول في معيّة المطر
سلمت لنا.. و فيك الخير والله
ح تفضل أيقونة الوصال في الزمن الرحيل
و عشمي ان أكونك... و أشتهيك في لذّة الميعاد
حضور جميل و أنتظار علي أحر من جمر الأشواق

و لصاحبة الغياب الحضور
الآن أدركت كم هو أنيقٌ الرحيل
أهدي شوية كلامي حين شوق

قميرةً بتطلع طعومة و رحيق


بكـتـِّف شهيقــك خطـــــــــــــاوي الزفــير

وبطـلع صبـاحــــــــــك بقدرِ أنبهـــــــارك

بطعــم البريــــــــــق

قمـــــيرةً بتطـلع طـعـومــــــة و رحـــيق

تحــوم في المجــرّة

يصيب النجـــوم البليغـــــــــــة السكـــــــات

تجــرتـق حروف الكــلام واللغـــات

وتبعث وتحــيي الدياجـــــــــي المـوات



عيونك تصــالح .. مطيرة و حريــــق

تعالي بتغادر دموعنـــا العيون

ويرحـــل عزاب الحفــــــــــاة العراة



حدودك تمـاس المعاني العصيـــــــّة

سكاتك هتافك

غيابك حضور الغنيوات النديـــّة

وتصدح تغنـــــِّي البنيـــــّة النبِيــــــــّة

ملامح نشيدك .. و أحلام نشيدة

تعــــــــالي بتقـيد في الدياجـــي القصــيدة

و فوتــي بتقـرِّب خواطر بعيـدة

و يسرق جليدك ملامــــح الحــريق

وتبقي الطـريق



نديــّات عيونك نداوة الفصــول

وحتّي الفصول.. شروقـن أفول

وكت تابي لينا المطيرة الأفـول

و يقصــد غمامك سماياً سحيق

و يطلق زفيرك سراح الشهــيق

و أكون زي مرافي بعيدة منال

تداعب تدغـدغ خواطــر الغريق

ابــداع يا حبيب نوره

راوية
تشكرات أفندم تشكرات

Rawia

who gives us the Rain?
who removes our Pain?

Did any one other tell u ?
just how special one u r ?
The light that u emit
might even light star
Did u ever one tell u ?
how important u make other feel??.

some body out there is smiling
about a friendship that is so real
Did any one other tell u?
many times when they were sad
your talking made them smile a bit
in fact it made them glad
For the time u spend sending hope
and sharing what u find
make me so very glad
that u r the sister of mine..

Did any one ever tell u ?
just how much it meant
the days they felt a little blue
well my dearest on line honey
Today iam telling u more than ya can ever imagine

I believe that without ya without you sis
we r missing out on a very important part
of life.
once again
I missing u more than ya !!!!
can ever imagine!!?.
AND IAM GLAD WE ARE TOGETHER
HAVE A GREAT DAY
حبيب نورة الخواجة

البورد وحياتك
كشف شوقى البلا حدود ليكى
وكمان انور حبيبى زعلان
لانى مريت فى البورد وما قلت سلام لانور
لكن دى بتروح فى الغسيل
ولا شنو
يا احلى راوية


سلام

عصام كيفنك
كل سنة وانت طيب
شكراً لي الأنيق المرور
والتحيات لله الطيباتُ الزاكيات

الكرام:

أمين السيد.. ود. عادل.. وشقيقنا أبو جهينة وعصام عبد الحفيظ..

مروركم.. وكلماتكم التي نثرتم لا تنفصل عن أصل معدنكم النفيس..

لن أقول شكرا.. فهي قليلة..

كل عام وانتم بخير..

راجعييييييييييين

الحبيب حبيب نورا وكثيرات..

ســلامات ومودة..

في الوقت الذي يصر فيه البعض الذين يثقلون انفسهم بالقبح على ممارسة قبحهم.. تجئ كلماتك الجميلة الراقية التي تؤكد ان لا شئ باق سوى الجمال..

راوية عب حمييييييد انثى برتبة جنرال وباشا كمان..



لي عودة لضيوفك الرائعين..

شكراً كتير أختي رجا
وانتي الرجاء والمرتجا كمان
والتحية للشاهقة ما دون الحروف الظامئة راوية عب حمييييييييييد
و ها أنذا أخلع القبعة و أنتهل نخب الولاء والأنتماء والوفاء
حتي عصارة الثمالة...










تشكرات أفندم تشكرات
و انتي محتاجة لي رواية كبيرة خالص
عشان نقدر نوصل ليك حتّة صغنونة من الجوة الساكن الجوف



ممنون جداً ليك سنيوريتا!!

الأفاضل:

أمير الأبنوسي.. وحميدة.. وصديقي معتز..

أؤمن بأن "ولد الناس" هو ولد ناس حتى لو ايه..

شكرا لكم وانتم تثبتون لنا في كل يوم انكم اخوة واصدقاء نتباهى بهم..

رمضان كريم..

التحيه ليك يا راوية

وربنا يحفظك

حمزة سليمان
أزيك يا موسيقارنا العظيم
كل سنة وانت طيب
عفواً كل راوية وانت طيب

حبيبو 00
ازيك 00وازيك يارجاء على التحيه وبسال عن رسايلكالمقطوعه خير00
وازيكم كل من هنا000
وحاتك ياحبيبو راويه تستاهل كل خير 0
وعندر اى ارقيهالى رتبه مشير 000
فشوف الاختراح ده وعلى اساسو قيم 00
وان كان برضو مقصرين فى حقها لانها انسانه من داخلها جميل00
وكفى 00
راوية عب حمييييييييد أنثي برتبة جنرال 00
بعد ما مسخنها00

عزو
أحزاني لو كترت معاي
بحزن قليل

بسم ايات الله امين
وبسمك
مدخل اول :بيني وبينك الضحكه ورحيق الشاي
وطعم الخبز والستره
ومساء النور
وعمق الالفه بين
الزهر
والنخله
مغنا الطنبور
مقدق العُشره بين الارض .. والانسان
وبيني وبينك الفكره
وجمال الذكري
والنسيان
وحُسن الظن


علي فكرة
الكلام دة كلو لي ست البيت

بالمناسبه ياحبيب نوره

ست البيت قالت ليك دى اجمل حروف اتكتبت ليها وعشانها

وحاجه فى منتهى الموهبه والعبقريه

تشكرات افندم تشكرات

خــــذني بيمين الحب

هدية للجنرال ، وحبيب نورة ،،

ود قاسم
خذني بيمين الأنتماء
أحبك والله العظيم

حبيب نويــــرة

كيفك ورمضان كريم

وهانحن نؤدي التحية العسكرية



مع تحياتي


أحمد (Hunty)

الشايقي
تسلم ياخي
طابور صفـا
في زمن أنتباه
من الصباح وقفت جموع الدنيا في ساعة صفا
حتي النسيم حضن القلوب شالها و هفهفة
ما كان جفا
كانت دروب من غير محطات لا الزمن قادر يوقفا
ومليون تحية يا شايقي

حبيب نورا
ودقاسم
عصام عبدالحفيظ

العشاق المطاميس ، نثرتوا الورد والروائع في سكة الجميلة ، التي ألهمت كل الجمال الفوق ويمين الحب والتي داعبت أحلام وأشواق المحبين ،المتزوجين المطاليق .
أضم صوتي لآهاتكم ، لكن فقط أقول ليكم كفو عن مناوشتها بالقصائد ، فالجميلة تتطلع لولد مليان عافية وتريان وعي وما غبيان ، يفتح معاها بيت تملاهو سعادة وعيال حلوين
لو فيكم راجل رضع من شطر أمو ، فليتقدم ، واذا فوضت للقيام بأعمال ومهام الولي ، عنواني واضح ، ويحفظها ربي من العيون والجنون

Quote: واذا فوضت للقيام بأعمال ومهام الولي

لك ما اردت ....... وانت تعلم تماما انك احقها

أبو ساندرا
شكراً ياخي
سعدنا بيك
لكن الكلام دة ما صعب شوية
ياخي نحن ناس كتابة وزوغان بس
هسة لزومها شنو الورطة دي

rawia

يا حبيب نورة .. بص بص
.. دي (راوية) .. مش جنرال
دي فريق .. ونص .. نص

Quote: يا حبيب نورة .. بص بص .. دي (راوية) .. مش جنرال دي فريق .. ونص .. نص

لم الاساءه لا اعرفك ولم اسئ اليك يوما

اوتدري ان هذا البوست محاوله من اتنين من الاخوان لمسح اساءه قصدها شخص في بوست احدهما


حسبي الله ونعمه الوكيل

شكراً يا أبو القنفد
فعلاً فريق
وكمان ريال مدريد

راوية
شكرآ جميلآ على الثقة والتفويض ، وجيبي لي تفويض آخر من علوية الشيخ ، وبعدها يقصر الملح

العشاق المطاليق
أها ، شن قولكم ؟ من يأنس في نفسه الكفاءة فليتقدم ، وعنواني في البروفايل ، وأبقو رجال

هوىىى يا رايوة
الحصل شنو
وابو ساندرا الشفبف 000ولّع النار
00000000000000000000000000000
دى ما تشبه القمر بالتاوق من سما
000000000000000000000000000000
000000000000000000000000000000
ومن معزتك انتى لى000000000
التحية للاستاذ عركى
ورعاكى الله وحفظك للسودان الجديد

عصام عبد الحفيظ
أزيك ياخي
تسلم علي الأنيق الشفيف الوريف المرور
جمالا ما حاق في غنا
ونضمي كتير خلاس
نقول شنو ونخلي شنو؟؟؟

Quote: تم تعديله بواسطة عصام عبد الحفيظ

يا ربي الزول دة كان داير يقول شنو؟؟؟

عصام عبدالحفيظ
تحيات ،،، و ، بطل حركات الفنانين والمثقفين دي وما تغلف لي طلبك ، الأمور دي ما بينفع فيها التلميح ، عايزين تصريح واضح وصريح ، ونحن عارفين بتنا وهي أجمل وأروع من غنى أبوعركي ، لو طالب القرب مننا ، قولها عدييييل، وعملنا ليكم تسهيلات ، ممكن تطلبوا يدها بالتلفون ، بالمسيجات ، بل حتى في المنبر ده صراحة ، والواضح ما فاضح ، ولا نامت أعين الجبناء العارفهم انا.

Quote: لو طالب القرب مننا ، قولها عدييييل، وعملنا ليكم تسهيلات ، ممكن تطلبوا يدها بالتلفون ، بالمسيجات ، بل حتى في المنبر ده صراحة ، والواضح ما فاضح ، ولا نامت أعين الجبناء العارفهم انا.

أبو ساندرا؟؟
لوووووووووولز