Post: #1
Title: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 01-26-2005, 07:17 AM
أول حاجة البورد وناس البورد أجاركم الله حالة صعبة خالص
لماذا انا دون جميع الناس , احب أن انوّه أن كلامي ليست فيه أية شبهة ألحادية , بل أنا متمسكٌ بأيماني شديد التمسّك , وألا رميت نفسي من قمة هذا الحضيض , الي اعالي خلاصي , لماذا يصر حبل الوجع السري ان يمدني باّهة فشلت كل محاولاتي أستراق الفرح في أبعادها ? ? .
لقد خصّتني أقداري بما فيها من تداعي , وتجدني في سأمي من كل ما يغلفني من أفكار سوداء , حائرٌ ,قد رفض الوحي ان يتنزل علي فأجدُ في كوّة الضؤ خلاصاً , أو ألوذ بغار فكرة لا تبيض عليه حمامة أحباط , ولا ينسج عليها العنكبوت خيبة أمل أدراك المعني البكر ,, أري أن أقدام فرس تحرري قد صاخت في رمال الوهم المتحركة , وكل القوم ( سراقة ) .
أسرجتُ راحلتي أرجو الخلاص , اليوم قررت ان أهجر القوم , وانتظر ذات النطاقين لكي تأتيني ببعض طعام , فأنا مهاجرٌ الي اللا عودة , الي حيث لا وصول ولا تزاكر أياب , من أراد ان تثكله أمّهُ او يرمل احلامه , فليلحقني وراء هذا الوادي .
أحسني مشروع للفشل نجحت الاقدار في صياغة دراسة جداوه بأقتدار , فكان فشلاً ناجحاً بكل المقاييس , ومطابق لمعايير الاحباط انا أنســان بلا خرطة ,وأزمعُ السفر , في زمنٍ تكاثر قطّـاع الطرق فيه , وما عاد فيهِ فضل زادٍ ولا ظهر , فأن تداركتُ اشكالية الطرق الدائرية التي تعيدك الي نقطة الصفر في سرعة قياسية , بالتأكيد لن اجدُ في سراب مساراتي جرعة ماءٍ تعينني علي الرحيل ولا هادي ,, ولا حداء الظاعنات في مسير الليل .
أراهن ? بحياتي ان يكون هناك ثمة واحدٌ قد تعرّض لمثل هذا , تسمرت نظراتي أمام اللوحة المعلّقـة في الجدار , التي خــطّ فيها أحدهم وكتب ,: سأصبر حتي يعجزُ الصبر عن صبري , سأصبر حتي يأذن الله في أمري , سأصبر حتي يعلم الصبر أني صابرٌ علي شئٍ أمرّ من الصبرِ ,, أنّي يكونُ هذا يا هذا ؟؟؟.
|
Post: #2
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: ود الشيخ
Date: 01-26-2005, 09:27 AM
Parent: #1
حبيب نورة
عرفتو الزهج مش
|
Post: #3
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-01-2005, 05:42 AM
Parent: #2
ود الشيخ
والله انا هسة مرحلة الزهج دي أتجاوزتها
حالياً الوضع أسوي بكتير من زهجة عابرة
|
Post: #4
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: سارة حمزة
Date: 02-01-2005, 06:00 AM
Parent: #3
لي قدر ده قول بسم الله
لكن عارف الايامات دي تقول الزهج رشوهو في الجو
|
Post: #5
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: محمد حامد جمعه
Date: 02-01-2005, 06:12 AM
Parent: #4
يا حبيبو ... خليها على الله
الشى عام .... بس اقع الليمون .....للطمام ... اما (القفلة ) فخليها ظروف بتعدى
|
Post: #8
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-01-2005, 06:26 AM
Parent: #5
محمد حامد
ياخي التوقيع بتاعك لذيذ جداً
تور بقر الجواميس الرقادن لخ
قرنك بفتح الهامة و بمرق المخ
المجرجر فوق صقيرا حدي
__________
سهرنا الليل وكملنا
|
Post: #6
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-01-2005, 06:22 AM
Parent: #4
سارة
تشكرات أفندم تشكرات
بسم الله الرحمن الرحيم
|
Post: #7
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: عزاز شامي
Date: 02-01-2005, 06:24 AM
Parent: #1
اخوي حبيب نورة ..
في زول تحبه نورة ويمر بالحالة الصعبة دي ؟؟
ما تنهزم ليأسك واهزمه انت بحلمك بباكر ... صحيح انو باكر ما في يدنا كمان ولكن احنا احرار 100% بأن نحلم...
عمر الدنيا ما كانت لحظة فرح طويلة وإلا كنا مليناها وبرضو فكرنا ننتحر!
وكمان عمرها ما كانت لحظات حزن ممتدة تغشانا العمر كله لأن ببساطة ما كنا فقدنا لطعم الفرح ينور دواخلنا ...
حبيب نورة ..
الأيام الجاية دايما بتكون أحلى .. وكان ما أحلى بقيها انت أحلى في خيالك...
تصدق انو انا الحزن خدمني اكثر من الفرح! وعلمني اني ما اخلي لحظة فرح تعدي من غير ما اتشربها واختزلها لأيام حزينة بتجي .. وتعدي ...
ارقد عافية
|
Post: #9
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-01-2005, 06:48 AM
Parent: #7
عزاز
جايي ليك يا نورة غيمة تملا ماعونك خريف
ما دة حسنا وقت الأنتظار
دايماً غنانا بسبق خطاوي الشوق
لكن برضو في نص الدرب تلقانا ناسيين شكل المحطات
ولا جمّة روح ولا بتفرهد زهرة في الصحرة النشاف
!!!!!!!!!!!!!!!...........
يا زولة خليها علي الكريم
ممكن تستقيم...
وممكن كمان ناكل نيم!!!!!!......
|
Post: #10
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: Soumeta
Date: 02-01-2005, 01:11 PM
Parent: #1
إنت قايل شنو؟
أنا عارفة،،
بس تجي نتشاوف و بعد داك نتزاهج،،ده كلام ظلوط ألعتوت ما ك امي،،
حبيب نورة،،شوقي ألكتير جداً ليك،، و لي أبنوسي،، ده برة ألنص،،
|
Post: #11
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: سماح سيد ادريس
Date: 02-01-2005, 02:10 PM
Parent: #10
.......................................
|
Post: #13
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-04-2005, 11:45 AM
Parent: #11
سماح
.......................
!!!!!!!!!!!!!!!!!!!!!!!
|
Post: #12
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-04-2005, 11:40 AM
Parent: #10
سوميتا
والله انا أتحداك في الشوق
لكن علي طول مسينجرك برة الخدمة
اما الدوائر مشغولة
ح نعمل شنو؟
سلام مربع........!!!!!!!!!!
|
Post: #14
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: يازولyazoalيازول
Date: 02-04-2005, 11:53 PM
Parent: #12
والله العظيم انت الروعة زاته ، برغم الزهجة الشديدة
توقفت كثيرا عند (كل القوم سراقة) 
ربنا يحفظك
|
Post: #15
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-06-2005, 06:05 AM
Parent: #14
أستاذ هشام
مرحب بيك كتير يا زول
والله انت الروعة زاتة
أحييك بشاهق أحترامي
|
Post: #16
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: ست البنات
Date: 02-06-2005, 03:09 PM
Parent: #1
حبيب نورة الرهيف ,
تحياتى ,
والزهج الجاك ان شاء الله ينقسم على الدقاشيم وأومات كوازيم !
مالك انت يا اخوى ومال الزهج , البيجيبو ليك شنو ؟
انت يا يابا تبرا من الغم , والهم , وضيق الخلق !
والمنبر اصلو ان ما كتلو زول ماب يريحنا !
ان ما متنا بالزهج و بنموت بالورم !
بس انت ما تمشى تقرا بوكان الزهج , أمشى البكنات الفرايحيى السمحى الما فيها لا هم لا غم !
والقطر الشال حمادة
يتكسر زانه زانه !
يتكسر زانة زانة
ويموت الدار ازانا
والقطر الشالك انت
يتكسر حته حته
يتكسر حته حته
وتسلم لى انت !
وزرعت لى حبة
وفتقت بقت وردة
وظهرت لى محبة
فى كسلا شارع البوسته
وشكيت الناس لربى
الطلقوا النار فى قلبى
الطلقوا النار فى قلبى
وسكنوا الحى الغربى
وشكيت الناس لألله
الطلقوا النار فى الحلة
الطلقوا النار فى الحلة
وسكنوا الحاج عبد الله
ست البنات .
|
Post: #17
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: ابو جهينة
Date: 02-06-2005, 10:44 PM
Parent: #16
حبيب نورة
تحياتي ..
أحسني مشروع للفشل نجحت الاقدار في صياغة دراسة جداوه بأقتدار
بل أنت مشروع ناجح دون أدنى مبالغة ، نجحتْ كل مناحي كتاباتك في التخطيط له تخطيطا مدروسا ..
فقط دع عنك الإحباط و أجعل الأمل دائما في مقدمة يومك ..
رغم كل شيء : هذا البوست به كتابة كثيفة و عميقة
أرقد عافية
|
Post: #19
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-08-2005, 08:02 AM
Parent: #17
أبو جهينة
تسلم يا رائع
والله حضورك دة زاتو بالدنيا
تسلم يالهميم
فعلاً النفسية الكتبت الكلام دة
كانت محبطة شديد
ممكن يكون هسة حصل تغيير
لكن علي أقل تقدير
الحال ياهو زاتو الحال
ونحن يانا نحن
يازول الله كريم
وفيك الخير
|
Post: #18
Title: Re: أحبـاط وطمام بطن....معادلة ( الأنتحار الحلال + الموت الرحيم)
Author: حبيب نورة
Date: 02-08-2005, 07:54 AM
Parent: #16
ست البنات
لو عرفتي كيف انا فرحت بيك
وفرحت ليك
طول عمرك ما بتغيبي
وما بتقطعي مني جياتك المطرة
وحنين الساقي
عز الطين
و يا مطر عز الحريق
يا مصابيح الطريق
الله
Quote: بس انت ما تمشى تقرا بوكان الزهج , أمشى البكنات الفرايحيى السمحى الما فيها لا هم لا غم !
|
وصية في الزمة
انا تاني غير البكانات الفرايحي ما بمش
وتسلمي يا أم زمام
|
|