Post: #1
Title: نورة كانت معاي.. بت موبيتل... وكلام دقاق
Author: حبيب نورة
Date: 10-29-2005, 03:07 PM
السوق العربي الخرطوم
في نص الزحمة كنت غريب جداً
حاسي انو الناس دي كلها عارفة أني رايح من مواصلات أم درمان
نفسي أسأل الكومسنجي
لكن أختشيت من البنت اللاصقة فيني دي
موردة موردة
موردة نفر
الزول القاعد قدامي في البص
كرهني عديل كدة
بقرأ في الجريدة بي سرعة سبعة درجات من مقياس ريختر
نورة كانت معاي في البص علي أمدرمان
أكتر حاجة عجبتني في الخرطوم
بنت موبيتل الخضورية دي
ما شافعة نصاح والله
عندي هترشة كتيرة جداً
عايزة ليها كباية شاي حمرا
وسجارة
لايهم اللون أبداً!!!
راجع ليكم
اهم حاجة انو نورة كانت معاي
|
Post: #2
Title: Re: نورة كانت معاي.. بت موبيتل... وكلام دقاق
Author: حبيب نورة
Date: 10-29-2005, 03:11 PM
Parent: #1
باكر ضواي
مشكلة في كمبيوتري وكدة
راجع ليكم اكتر هترشة
علي حد قول شيري
|
Post: #3
Title: Re: نورة كانت معاي.. بت موبيتل... وكلام دقاق
Author: محمد حامد جمعه
Date: 10-29-2005, 03:14 PM
Parent: #1
يا نور النوار يا نورة يا فرح الافراح ... يا بلورة .. اه ... اه ... بتاعة ابو عركى الرويانة ديك .. ( عندى الغنية دى بالمناسبة لكن اخوك كيشة فى تحميل الغنا يا مان ) شفت ضلامية 2005 دى ... بدعة مش كدا
عشان كدا عندى ( مكتبة ) ميت بيها براى ...
حبيب نورة ...
كيف حالك وازيك
يا مطموس تكون فى الخرطوم وما تجى تحضر نفسك قدام (العميد ) يا ملكى يا اهالى ...
المهم
لقيت البلد كيف - كلام خالى من دمغات السياسة - وكيف ديم القنا و(الماظ ) و(ترحاس ) والحبشى الظريف ... برهانى ...
اخر الكلام ( انى فكر ود شالو .... الديم )
شاو
|
Post: #4
Title: Re: نورة كانت معاي.. بت موبيتل... وكلام دقاق
Author: حبيب نورة
Date: 11-04-2005, 12:49 PM
Parent: #3
محمد حامد
تعظيم سلام
كل سنة و انت طيب
شكرا والله علي عركي
وكل الناس الحلوة
والله لو عرفت أوصلك ما كان قصرت
مع أني شغال بي الريموت كونترول
أسكت ساهي لازم تقرير مفصل عن أيي خطوة
و بي صراحة انا ما داير بوردابي واحد يشوف أبو النور
البورداب عينهم حارة بعيد عنك
|
|