Post: #1
Title: علي الهـواء مباشـرةً أكتب ضد المرأة
Author: حبيب نورة
Date: 12-03-2004, 11:06 AM
Parent: #0
علي الهواء مباشرةً أكتب ضد المرأة
اليوم تنهـزم الكلمـــات , الـيوم لا يجدي
الصـبـر نفـعا , ولا كل تجلّدي , لقد وصــلت حـد
الاكتفــاء الذاتي من الـخداع , خـداعـي لنفـسي , لا اجد مـبررا لكل هذا , الان فقط!!! أكتـشـفت انني الاكـثر غباءا في الـتاريخ , نعم.. أقولـها بكامل ارادتي , اقولـها وانا بكـامل قواي الـعقلية والجسدية,
فقـط طـفح الكيل و أعـياني الانتـظار , ومللت
الــترقّب , لقد تعـبت من وسـاوسي واوهامي ,
ان لـقلبي علي حقـا!! , وهذا الحق يلزمني
بأن لا أجـهده في عـواطـف غـبـية وبلهاء ,
عواطـف لا يسندها اي منطـق ولا قانون .
لقد تعبت من التسـكع في مرايا عيـنيك التي
لاتراني , الي متي سـأظـل أغــنيها أغنـية موســـم
المـــطر؟؟ , التـي ما ان تحفـظها , الا وتـذهب
لتغـنيها في حضـرة غيري ,؟؟ الي مـتي تنـزف
دمائي لتسـقي ديـار الحــبيب البــعيد البــعيد؟ ,
الي مـتي هذا التـشـظّـي المـتماسك يتدخـل في
تفاصــيل الـتفاصـيل , والنـتيجة انفـجار داخـلي يخــلف وراءه شـراييني , كـجدول ماء تغافـلت عـنه عــين مزارع متـكاسل ,؟؟؟.
ماذا جنـيت من حــزب النـسـاء الذي رشــحته في
كل الـبرلـمانـات , هذا الـحزب الذي تخـصـص في
ســرقة المنام من مقـلة منـهكة في منـتصـف الـليل الـعاشـر ,وبعد كـل هـذا حـين يــسألوني عـنه , اقـول أنه القـوي الامـيـن ,!!!!
عـفوا أذا شــوقـا الـيك دخـلت من بـاب الـخــروج,!!!
عـفوا اذا تلصـصـت علي أعمـاقك لاكتـشـف في فـجائـية انني في داخـلك مـجرد أراجوز لايصـلح الا لأضـحـاك الاطـفال في حلبة السيرك ,!!!
اليــوم تنــهزم الكـلـمـاتّّ!! وتمـوت كل القـصائد , ماأغـبي هاتـيك الكـلمات , الـيوم
فقـط أكتـشـف بـلاهة الــشعر , ويسـقط في نظري
ابو الـعلاء ابو الطـيب وجـريـر , شــكسبـبير!!!
وهذا لو كان يعلم انه سـقط من ذاكرة الانـجلـيز ,و لو دري بأنه أضــاع عمره كله سـدي , لتمـني ان يموت ألف مرة قبل ان تمتد انـامله , لأرتكــاب جريــمة الــشعـر , (كونفـوشـيوس) حكـيم حكـماء الصـين !! أفني
عـمره في ترديدالمـأثورات التي تمـجّد الـحب
وتنـادي للجـمال, أي جمــال هذ؟؟ ,أما كان الاجـدر به ان يبزل
كل هـذه الجـهود في شـئ يفيد المجتمع البشري
؟؟ بلا شـك انه كان سيكون مثلي الاعـلي لو
تفرغ للكيمـياء او دروس الـطب البـشري في
حلقـات ابن النـفيـس !!! الـيوم يجـب ان نبكي
نـزار !!نـزار المدعو شـاعر المرأة , المتوّج ملـكا لقـبيلة العشـــاق , الذي
كان يطربني قبل سـويعات , لماذا اصـبح فجأة
كل شـعره مثل دروـس الرياضيات الحـصـة الخامسـة قبل انتهـاء الـدوام ؟؟
اليوم تنـهـزم الكلـمات ّ!! اليوم يـجب ان
أجـري تعـديلا صـغيرا علي عـلم النحو !!, من الذي سـيقـف ضــدي ؟؟ ّأذا عـلم النـاس بأني
أنـوي فقـط ان ألغي نـون النـسوة وتاء
التـأنيـث من كـراسـة الـنحو ,لا يـجب ان يعـترضـني أحـدهـم , فأنـا لا أجـد لـها مكـانا
من الاعــراب !!
أعـتقد انـني الان سأصـبح مفردة جديدة في
عالم اللغات , ما اجمل الاسـتقلال , فانا
منذ زمن بعـيد انادي بالوحـدة , ووجدتـني
محاصـر بكل ما من أجـله ايقـاف المسير ,
من الذي يلومني ان انا حملت راية التـمرد,
وطالبت بالانفـصال الـتام وحـقي في تقرير
المصـير ؟؟ أخوتي !! غنوا لنا غنوا لنا
اليوم نرفع راية أستــقلالنا غنـوا لنا.
ما عاد هنالك مـتـسع لـجـرح !لقد خـضــت العـديد
من المعارك النـسائية , وجرحت اّلاف الـمرات
وهاأنذا أمـوت في فراشـي خالـيا من غـير حـب ,
كما تمـوت الـشاة , سـأمضـي الان في طـريق جديد
غـير هذا الذي أمتلا بزكرياتي ومتـاعي القديم, الـيوم أمضـي وامـزق الخرطـة التي
تؤدي الـيك , فما عاد هـنالك سـور ولا سـجـان ,
اليــوم تنـهـزم الكـلـمـات.
في القـرن الـسابع عـشر , اشـهر عـصـور الانحـطاط
الادبي في اوروبا , وقـبيل عـصـر النهــضـة ,
نـشـأت حـركـة عبثـية عدمـية ,بقــيادة (تريستان
تازارا) الذي بدوره ألـقي عـلي عاتـقه ,
مهـمة الدعـوة لـحركته الجديدة ,وجمع حوله
كل انـبياء القلم في ذلك الحين والذين
راقـت لهـم الفكرة , وكان الهـدف الاسـاسـي من
الحركة هـدم قيـمة الفـنون والـشعر والاداب ,
حيث جاء في بيـانهم الرئيس الاول ( ان الفن
زبل ودجل , والحـياة نصــب وأحتيال , و
الاثنين دميمين مقيتين ) ولا يخـفي انها
حركة هدفها السـخرية والوقـوف ضـد القـيم ,
واسـموا هذه الحركة بأسم حـركة (الدادا)
والدادا كلمة عـثر علـيها احـدهم صـدفة في
القاموس , من الكلمات البائدة , ولم
يجدوا لها معاني معروف , وبلغ ايمان
(تازارا) بفكرته مبـلغا لكي يـقول في قمـة
مـجد حركـة الدادا (بان الدادوي الحقـيقي يجب ان يكـون ضـد الدادا ) في منتهي
التطور الفكري لحركة هدفها الاسـاسي الوقوف
ضـد اي شئ جميل , والسـخط والتـزمـّر ,.. اليوم التاريخ يعـيد
نفـسه , واجـد نفـسي اصـفق لهـذا الرجل, وأحني هــامتـي , وأخــلع القـبـعـة أحتـرامــا .
أثـارت روضــة الـحـاج ذات يـوم لوعـتي وهي تقـول
الشــعر وتجتـث فـيني الـوريد, وتزبـحني زبـحـا , وانـا الـــيوم ســاردد معـها:
اليـوم دعــنا ان نـتــفـق
لافــرق عـنـدك ان بقـيـت وان مـضـيت ..
لا فــرق عـنـدك ان ضــحكـنا هكـذا كـذبا
وان انــا وحــدي بـكـيـت..
فانـا تركـت احبـتي ولـديك احـباب وبـيت
وانا هـجـرت مدينـتي والـيك يا بعضـي اتيت
وانا اعتـزلت الـناس والـطـرق والدنـيـا
فما انفـقـت لي من اجــل ان نبـقي ؟
ومـاذا قـد جـنـيـت ..
وانا وهبـتـك مهــجتي جـهـرا
فهـل ســرا نويــت ؟؟
الــيوم دعــنا نـتــفـق ...
دعـني أوقــع عـنك ميـثاق الـرحــيل
مرني بشـــئ مـستــحيـل
قل شــروطــك كـلها.. الا التـي فيـها قضـيـت
ان قـلـت وان لـم تـقـل!!!
انــا قــد مــضــيت ..!!!
الــيـوم تـنــهـزم الكـلمـــــــات
|
Post: #2
Title: Re: علي الهـواء مباشـرةً أكتب ضد المرأة
Author: أحمد الشايقي
Date: 12-03-2004, 11:59 AM
Parent: #1
حبيب نورة
لو فهمنا شوية في موضوع الدادا دا نبقى معاك
(دادوية)
أصلو نحنا الان (دادات)
كلامك جميل صراحة
لولا انه ملون بالقتامــة
يا راجل في واحدات بقولو نفس الكلام
والما منتبه ليهم
(انت)
شخصيا
أها انظر مرة اخرى
تحياتي
|
Post: #3
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-03-2004, 12:17 PM
Parent: #2
الشايقي الحبيب
نشكركم كتير
Quote:
لو فهمنا شوية في موضوع الدادا دا نبقى معاك
(دادوية)
أصلو نحنا الان (دادات)
|
وبعدين !! القال ليك انا فاهم حاجة منو !؟؟!!
شوية شخبطة كدة والموضوع أنتهي  
وتسلم من جديد علي المرور الأنيق
|
Post: #4
Title: Re: علي الهـواء مباشـرةً أكتب ضد المرأة
Author: ناجى الزبير الملك
Date: 12-03-2004, 01:07 PM
Parent: #3
Quote:
وبعدين !! القال ليك انا فاهم حاجة منو !؟؟!!
شوية شخبطة كدة والموضوع أنتهي |
شوية شخبطة ....ده برضو علينا ....
لوووووووووووول
بخـــــــــــــــــــــــــــــــــــــاف
يا انت لو جيتك ....
الملم فى خطاوى الشوق وازور بيتك .....
يقولوا على حبيتك ....
.......
...
الكتابة هى مرأة الدواخل ....ربما
لكن
.... أبقى حقيقياً دوما.....ولن تندم
...
|
Post: #5
Title: Re: علي الهـواء مباشـرةً أكتب ضد المرأة
Author: Ishraga Mustafa
Date: 12-03-2004, 01:11 PM
Parent: #4
حبيب نورة
مالك ياود امى الليلة
|
Post: #7
Title: Re: علي الهـواء مباشـرةً أكتب ضد المرأة
Author: Abdel Aati
Date: 12-03-2004, 01:17 PM
Parent: #5
Quote: حبيب نورة
مالك ياود امى الليلة |
غالبا مصقوع؛
او طاشم ؛
او مشوكش ؛
اوكلهم مع بعض !!
|
Post: #10
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-03-2004, 01:23 PM
Parent: #7
أستاذ عادل
الله يستر علينا من ناس الشريعة
البوست دة لو ما حولتوهو للأرشيف
بعد تطبيق الشريعة ممكن يعرضني لعقوبة الجلد
بأعتبارها شهادة من أولي الأمر فيكم
Quote: غالبا مصقوع؛
او طاشم ؛
او مشوكش ؛
اوكلهم مع بعض !! |
وبعدين في داعي للفضايح دي هسة ؟؟
|
Post: #9
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-03-2004, 01:20 PM
Parent: #5
إشراقة اللطيفة
والله فترت يا بنت أمي
الرأس بقي عبارة عن مصنع مآسي
و حاجات تانية حامياني
|
Post: #6
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-03-2004, 01:16 PM
Parent: #4
ناجي الحبيب
يا أخوي انت مالك !!
نعتبرها شخبطة مع بعض عشان ما تكون ملزمة
و بعدين الغنية الحلوة دي
انا جبتها من وين
مش انت الأهديتها لي شخصياً
انا بس قلت أخليهم كلهم يسمعوا معانا
وتشكر يالهميم
|
Post: #8
Title: Re: علي الهـواء مباشـرةً أكتب ضد المرأة
Author: Ishraga Mustafa
Date: 12-03-2004, 01:19 PM
Parent: #6
Quote:
غالبا مصقوع؛
او طاشم ؛
او مشوكش ؛
اوكلهم مع بعض !! |
غايتو ياعادل القى ليك مخرج
وياحبيب نورة قولينا مالك عليك الله
|
Post: #12
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-03-2004, 01:28 PM
Parent: #8
والله يا اشراقة يا بنت أمي ما عارف
أتبشتنت و أتبهدلت في صمّة قلبي
غايتو تاني الا اسكـّرو
بمعني أقفلو ما تفهمونا غلط
|
Post: #15
Title: Re: علي الهـواء مباشـرةً أكتب ضد المرأة
Author: Kostawi
Date: 12-03-2004, 01:36 PM
Parent: #8
قطع شك ده ما شاكوش
مرزبة يا كوستاوي أخوي?
ده كلو كوم
والقلم السنين ده الكوم الجد جد
Thanx
|
Post: #26
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 04:31 AM
Parent: #15
كوستاوي
اشكرك علي لذيذ المرور
يديك العافية
و اشوفك حلم عشم ممدود قدح كسرة
|
Post: #11
Title: Re: علي الهـواء مباشـرةً أكتب ضد المرأة
Author: Rawia
Date: 12-03-2004, 01:24 PM
Parent: #6
حبيب نوره ازيك
نوره مالها
|
Post: #13
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-03-2004, 01:30 PM
Parent: #11
راوية
انا ما قلت ليك بكتب علي الهواء مباشرةً
وبعد دة كلو ما جات المسينجر
خليناها علي الله دة
|
Post: #18
Title: Re: علي الهـواء مباشـرةً أكتب ضد المرأة
Author: Rawia
Date: 12-03-2004, 01:53 PM
Parent: #13
| Quote: خليناها علي الله دة |
لاحولا
دا كله
كن كدا انت مبؤؤ منها
يمكن في سبب حسه
|
Post: #27
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 04:33 AM
Parent: #18
راوية
لسة
ولسة
و لسة
ووووووو
|
Post: #16
Title: Re: علي الهـواء مباشـرةً أكتب ضد المرأة
Author: ناجى الزبير الملك
Date: 12-03-2004, 01:39 PM
Parent: #6
| Quote: نعتبرها شخبطة مع بعض عشان ما تكون ملزمة |
دى زوغة .... بتتحسب ....خلى بالك ....من البنية الحلم ...
....شكلك داير زولة ترتاح ليك وكت محنة ...
وتمسك ايديك ...وتغزل من أساك ,,,, فرح
تكون مرسى ,,,,
تشاركك ,,,,فيــــــك
وتحلم بيك ,,,,
أجمل زول بتملى العين ’’’’
ومسند لى مدى الأيام ،،،، ونور إلهام
زولة تحددك جــــــــــواك ,,,
تشوفا معاك بترسم فى مسامتك ....بريدك كيف
وفى صوت الخيال سامعاك وتنده ليك ,,,,اقيف
جواى نتحازى ....
....ونتسالم ....
....ونتحابى ....
................................
الله يكون فى عونك ....ساااااى
Quote: بعدين الغنية الحلوة دي
انا جبتها من وين
مش انت الأهديتها لي شخصياً
انا بس قلت أخليهم كلهم يسمعوا معانا |
ووووو
|
Post: #28
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 04:36 AM
Parent: #16
ناجي الزبير
يا أخوي مالك داير تتور علي الوجع؟؟؟
Quote: أجمل زول بتملى العين ’’’’
ومسند لى مدى الأيام ،،،، ونور إلهام
زولة تحددك جــــــــــواك ,,,
تشوفا معاك بترسم فى مسامتك ....بريدك كيف
وفى صوت الخيال سامعاك وتنده ليك ,,,,اقيف
|
ياخي والله سهرنا الليل وكملنا
لا البنية جات
ولا مرقت شمس
اسكت بس!!!!!
|
Post: #14
Title: Re: علي الهـواء مباشـرةً أكتب ضد المرأة
Author: lana mahdi
Date: 12-03-2004, 01:34 PM
Parent: #1
حبيب نورة
نقلت عيناي بين عنوان البوست و بين اسم كاتبه عدة مرات
لم اصدق ان ثمة صلة
افقدت المراة هنا نصيرا؟؟
يا للحزن
|
Post: #29
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 04:37 AM
Parent: #14
أستاذة لنا
( تشكرون )
بس ممكن سؤال ؟؟
تخيل وانت راجع في المغيرب
بي الأماني اللون ضميرك
تلقي طيرك حاضنو غيرك .....
وووو....
اها رايك شنو ؟؟!!!!
|
Post: #17
Title: Re: علي الهـواء مباشـرةً أكتب ضد المرأة
Author: Mohamed A. Salih
Date: 12-03-2004, 01:40 PM
Parent: #1
يا حبيب نورا
لو فعلا مشوكش كتر من اكل الكبسة ولاتبالي. عندنا واحد اخونا زمان في جامعة الخرتوم خبطوه بي شاكوش فبدأ ياكل في الرز. علي حسب كلامو الحكاية نفعت.
|
Post: #30
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 04:39 AM
Parent: #17
محمد صالح
شكراً كتير
لكن الرز شن بسوي لي جنس الشاكوش دة !!
ترنا بناكل في كبسة آل سعود و نمشي ماشين
والحال ياهو زاتو الحال
تتجازي يا أنت هههههههههههههههه
|
Post: #19
Title: Re: علي الهـواء مباشـرةً أكتب ضد المرأة
Author: محمد الامين احمد
Date: 12-03-2004, 02:01 PM
Parent: #1
Quote:
بان الدادوي الحقـيقي يجب ان يكـون ضـد الدادا
|
ده كلام صاح..... و نشكر المواطن على حسن سلوكه
تحياتى
|
Post: #31
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 04:41 AM
Parent: #19
محمد الأمين
نشكر المواطن علي حسن سلوكه
و يبقي الحال علي ما هو عليه
وعلي المتضرر اللجؤ للقضاء
دة القدرت عليه بدل ما تقيف معاي هسة؟؟!!!
|
Post: #20
Title: Re: علي الهـواء مباشـرةً أكتب ضد المرأة
Author: tabaldy
Date: 12-03-2004, 02:07 PM
Parent: #1
روشتة
شاكوش كل ستة ساعات
شات تلاتة مرات في اليوم
ايميل مرتين عند اللزوم
لو ما نفع امشي لي الفكي ابراهيم تلفزيون
بجيبو حي شمارك
اجيك تاني ومعاي فوق لي الشوق مزيكا رايقة زيك
ولي الحين داك
سلام
ابنوسي
|
Post: #32
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 05:47 AM
Parent: #20
التبلدي
والله من قبيل كنت خايف تجيني هنا
وتقول كلام يحميني النوم
مالك علينا هسة يا قبيح
Quote: روشتة
شاكوش كل ستة ساعات
شات تلاتة مرات في اليوم
ايميل مرتين عند اللزوم
لو ما نفع امشي لي الفكي ابراهيم تلفزيون
بجيبو حي شمارك
|
و بعدين انا ما داير منك أيي روشتات
كفاية جيتك ومسّخت علي الدنيا
يا فضيحة يا ممسوخ
زي ما قالت البنت مزيكة ههههههه
ومنتظرك تجيني بي مزاج زيها كدة
اوعاك تتأخر علي
|
Post: #21
Title: Re: علي الهـواء مباشـرةً أكتب ضد المرأة
Author: عبدالمنعم عبدالله
Date: 12-03-2004, 06:03 PM
Parent: #1
ناس ياتو ناس ؟
ما انتو ناسى
يا حبيب نوره
كنت قايلكم انتو كل الناس
بس حا اواصل السوال
|
Post: #22
Title: Re: علي الهـواء مباشـرةً أكتب ضد المرأة
Author: Rawia
Date: 12-04-2004, 05:03 PM
Parent: #21
| Quote: وبعد دة كلو ما جات المسينجر |
لسه
|
Post: #34
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 05:52 AM
Parent: #22
راوية
لسة ولسة ولسة
وخايفين نقسي
وننسي ننسي ننسي
|
Post: #33
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 05:49 AM
Parent: #21
عبد المنعم
تسلم اخوي
منتظر سؤالك الما عندي ليه أجابة!!!
|
Post: #23
Title: Re: علي الهـواء مباشـرةً أكتب ضد المرأة
Author: sara fadul
Date: 12-04-2004, 05:13 PM
Parent: #1
الله يكون في عونك يا حبيب نورة
مشوكش عرفتها لكن يعنى شنو طاشم ومصقوع؟؟؟؟؟؟؟؟؟
|
Post: #35
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 05:56 AM
سارة فضل
دستور يا يمة.. والما بقول دستور... سنة وستة شهور
|
Post: #24
Title: Re: علي الهـواء مباشـرةً أكتب ضد المرأة
Author: عبدالمنعم عبدالله
Date: 12-04-2004, 05:18 PM
Parent: #1
نورا حلابت الغنيمة
هوى اقيفن نورا فيكن
نورا نورا ياتا
نورا هى نعمة
نعمة فيكن
ياتا هى عقد و بس
|
Post: #36
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 05:59 AM
Parent: #24
منعم يا حبيب
وكتين يضيع عرق الجباه الشم شمار في مرقة
لا بتنفعك الا نورة حلابة اللبيني
علي الاقل بتسندك كان وقعت
تسلم يا الحبيييييييييييييييب
|
Post: #25
Title: Re: علي الهـواء مباشـرةً أكتب ضد المرأة
Author: نصار
Date: 12-04-2004, 05:26 PM
Parent: #1
شكلها جات الماسنجر عشان كدا اخينا اختفي
اسع بكون مزنوق و بخضع لمساءلات لا يعلم بيها الا الله
و تحت تحت اتسرب انه المفاوضات فرملت في نقطة محرجة
لحبيب نورا
لانها مصرة أنه يسحب البوست دا و هو خجلان يقول و ما
عارف يقنع الناس كيف و ليه لحس كلامة..
اتخيلي الحكاية كانت مناورة تكتيكية و شكلها اتحولت
لمشكلة استراتيجبة لووووووووووول
اظهر و بان يا حبيب خلينا ناخد وندي كعاك
|
Post: #37
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 06:01 AM
Parent: #25
نصار يا شقي
اسكت يا فضيحة
Quote:
اسع بكون مزنوق و بخضع لمساءلات لا يعلم بيها الا الله
و تحت تحت اتسرب انه المفاوضات فرملت في نقطة محرجة
لحبيب نورا |
والله مفاوضات الشرق الاوسط بس
و الأيميل أتعرض لي هجمة شرسة
أخير منها هجمة الهكرز
جنس رسائل أسبام بالطريقة الصاح
وانا طبعا شكلي ح أهدي اللعب شوية
|
Post: #38
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-05-2004, 06:17 AM
Parent: #37
أهداء خاص جداً
اليوم أخلعُ تاج عرشك من دمي
كلمات و ألحان و غناء حبيب نورة
اليوم لا يجدي الفرار
أنّي يكونُ وبحرك يا خداع ورائنا
ومدافع الاعداءُ تفتعـــلُ الشجــار
اليومُ لا تجدي الشعارات القديمة.. والعظيمة
الليل لا يقوي علي حربِ النهار
هذا زمانك يا أزاهرُ فامرحي
لا تخشي حين الريحُ تزأرُ بالموات
الشعرُ سيفٌ لا يهدّدُ بالسكات
لا ينبغي أن تتركي التزييف والتدليس
يشرعُ في الدمار
كان أنبهــار....
و رداءة الازمانِ لا تفتأ تملّكني الخيار
أنكـــأ عميقات الجراح
نارُ الخـــيانة في فؤادي تحترب
كزبٌ .. كزب
بعضُ المشاعرِ في الزمان خديعةً
وبعضٌ لعب..
ما أجمل أن تكون عودتك الغــنيمـــة
سأكونُ أول ثــائرٌ
يطرب لأيقــاع النزيف
ويقيمُ حفلاً للهزيمة
سيميتني فقط .. أنتحـــار قصائدي
وتهزني كل الاناشيد القديمة
سأطهــّر الاشعار من كل العبارات السقيمة
اليومُ لا أخــشي أنهــيار
أن أندثــار حروفي الحمقــــي
للشعـــــر أكبر أنتصـــــار
سأريح الكلمات من هذا التسوّلُ والتشرّد
والمهانة
أن الحروف تخونني
الشعرُ ضيعها الامانة
يكفي سفينةالكلمات أرتحالٌ في الخيانة
أما أنا
فكمنجتي وحديقتي ستنجبُ كل يومٍ زهرةً
لا تنضب الالحان من أوتاري
سأضمّ صدر الموج و أعلن الابحــار
من قال أني متعبٌ ؟
أنّي ترمــّلُ نهر النيلِ جــزوة نــار؟؟
من يشنق الغيمات يردي سحائبي ؟
من يخنق الغيمة الحزينة
يقتل الامطـــار
أني رحلتُ وكنتُ أنوي سكنةً
في الغابةِ الخضراءِ في الاشجار
يا طائري
يا نورسي.. أني سئمتُ من أغتسالي بالصقيع
أني فقط
سأغيّر التقويم أختارُ الربيع
فرقٌ بسيطٌ ... بيننا !
بالأمسِ كنتي حبيبتي.. و ملازي
واليومُ أحتاجُ التوازي
وكلانا يمضي... وترحلُ الاقدار
لم تحكم الاقدارُ فينا بالنوي
أســفاً زماني.... فأنت لم تختار
لن يوقف الدنيا سقوط شــعـــــار
حلمي تساقط من سماءَ خواطري
وهوي سريعـــاً
مثل ما قد طــار
اليومُ أخلعُ تاج عرشكِ من دمي
أعد الوضؤ لتافـــه الاشعار
أمضي بعيداً انتي لست حبيبتي
بيني وبينك... ألفُ ألفُ جــدار
|
Post: #39
Title: Re: علي الهـواء مباشـرةً أكتب ضد المرأة
Author: نادية عثمان
Date: 12-05-2004, 07:24 AM
Parent: #38
حبيب نورة
ربما غضبت نورة عندما عرفت انك هاهنا فى قلوب الحسناوات مقيما ابدا !!
هل تدرى اننى مازلت انتظر وانت تنظر لى من البعد العاشر
اتمنى ان تصل سريعا ونلتقى هاهنا فى هذا الركن الهادى ونحتسى أكواب من البرتقال
وبعض من (مديدة الحلبة بالسمنة البلدى )
ونحكى ونحكى عن سبب هذا البوح الحزاينى المجنون
وصحى فقرى شديييييد ياحبيب الحبيبة رغم كل شئ نورة فقط ولانورة سواها!!
|
Post: #40
Title: Re: علي الهـواء مباشـرةً أكتب ضد المرأة
Author: عشة بت فاطنة
Date: 12-05-2004, 11:04 AM
Parent: #39
حبيب نورة برية من الشقا، بس باين عليها سحابة صيف والجلسة الرومانسية دي ما شبه الالم ، ..
انشاالله يجو عايدين
|
Post: #42
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-07-2004, 07:52 AM
Parent: #40
عشوشة
حمد الله علي السلامة
ليك سنين ما بنتي
انشاء الله المانع خير
ما قصرتي والله
يديكي العافية
و أنشاء الله يجو عايدين
|
Post: #41
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-07-2004, 07:49 AM
Parent: #39
نادية
أزيك يا غالية
والصورة والله مبالغة
أجمل تزكار وكدة
لكن أقول شنو ؟ البنية بشتنتني شديد
منها لله زي ما بقولو المصريين
تشكرات أفندم تشكرات
|
Post: #43
Title: Re: علي الهـواء مباشـرةً أكتب ضد المرأة
Author: Sidig Rahama Elnour
Date: 12-07-2004, 08:11 AM
Parent: #41
حبيب نورا
لا تهادن سلطةً ، أو تصافح مجرماً
أو تجاور أنثى تلبس تواصلها ثيابياً من...
تراجيديا العذاب
لا توؤسس في الدواخل سلطةً تمتهن الحضور
وتصنع أحشائك موائداً للصوص الحب
أو تحيلها جيفةً كي يشبع الشؤم الغراب
أنت إن فعلت ذلك ....
لقتلت نفسك ميتاً
ودفنت قلبك صاحياً
مثلما تحيا أسراب السراب
لا تهادن ، لا تهادن ، لا تهادن ...........
وللقصيدة بقية ستنزل في هذا الموقع
أكتب عنها على الهواء مباشرةً وفوراً وبلا تردد ...
|
Post: #44
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-07-2004, 08:17 AM
Parent: #43
صديق
راجع ليك
شوية كدة
بس
أوعدني انك ح تكتب باقي القصيدة
أذن أتفقنا يا حبيب
باي
brb
|
Post: #45
Title: Re: علي الهـواء مباشـرةً أكتب ضد المرأة
Author: ناجى الزبير الملك
Date: 12-07-2004, 01:21 PM
Parent: #44
حبيب نورة ....انت أختفيت مالك
انت مريخابى ....واللا شنو ...
لووووووووووول
|
Post: #46
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-08-2004, 05:19 AM
Parent: #45
ناجي الزبير
هو في أيه؟؟؟
|
Post: #47
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-08-2004, 05:45 AM
Parent: #46
اليوم تنهزمُ الكلمات
|
Post: #48
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-09-2004, 05:31 AM
Parent: #47
|
Post: #49
Title: Re: علي الهـواء مباشـرةً أكتب ضد المرأة
Author: لؤى
Date: 12-09-2004, 05:40 AM
Parent: #1
حبيب نورة
مالك عاوزنى أصنّفك ؟؟
|
Post: #50
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-09-2004, 05:50 AM
Parent: #49
لؤي
........!!!!!
هو انا لسة ما أتصنّفت ؟؟
بركة الشوفة..... تسلم
|
Post: #51
Title: Re: علي الهـواء مباشـرةً أكتب ضد المرأة
Author: Rawia
Date: 12-09-2004, 05:57 AM
Parent: #49
Quote:
اليوم أخلعُ تاج عرشك من دمي
كلمات و ألحان و غناء حبيب نورة |
|
Post: #52
Title: Re: علي الهـواء مباشـرةً أكتب ضد المرأة
Author: ناجى الزبير الملك
Date: 12-09-2004, 06:49 AM
Parent: #51
.....
حتى اللقاء
....
|
Post: #54
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-10-2004, 06:53 AM
Parent: #52
ما قصرت كلو كلو
تسلم يا ناجي
|
Post: #53
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-10-2004, 06:43 AM
Parent: #51
مالك يا راوية؟
حاسدة واللا بقرانة ؟؟!!
|
Post: #55
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-10-2004, 07:36 AM
Parent: #51
Quote: ماذا جنـيت من حــزب النـسـاء الذي رشــحته في
كل الـبرلـمانـات , هذا الـحزب الذي تخـصـص في
ســرقة المنام من مقـلة منـهكة في منـتصـف الـليل الـعاشـر ,وبعد كـل هـذا حـين يــسألوني عـنه , اقـول أنه القـوي الامـيـن ,!!!!
|
|
Post: #56
Title: Re: علي الهـواء مباشـرةً أكتب ضد المرأة
Author: معتز تروتسكى
Date: 12-12-2004, 05:24 AM
Parent: #55
المقطع الثانى عشر:-
محبوبتى اجيبى فقد فاض الدمع وضاق
الكون بمن كان روحه فيك والوجدان
اننى اسالك بحق السماء كيف
ومتى ادمنتى صمت النسيان
ان تكونى معى بقامتك الا لايجدى
فيا شيئا ولايزيد سوى الاحزان
وان تكونى لغيرى زمانا اذا ماذا
اقول فيك والغدر اجتاحك كالطوفان
وداعا كثيره بل سادعك للاقدار تعبث
بك تدخلك سجنها وسادعك للازمان0
مــــــا حبيب كـنت يــــــوم *** وكـنت قايلك انســان خرافـى
وكنت شايل دفقات عواطف *** شايل احساس فى الدنيا مافى
طلعت مره ابحث عن خطاك *** عرفت فى اثارها انك جافى
والوهم كان حبك *** عشتا فيهو رضيان وصافى
بالزمن شفت المحال *** والزمن ورانى فيك كل الخافى
انا يا الكنت انا *** وانت ياالخليتى زى المافى
سنين راحت والامل دون رحمه *** على شوكك مشيتو حافى
وانخدعت فى قصة كبريائيك *** عشان سؤال تفتش عليه اخر المنافى
ازيل بيهو الاهات *** وترقص لينا القوافى
واعود من تانى فى الصدفه القاك *** تجهلنى ولى عواطفى قايلك انت الشافى
اطلع انا الغلطان *** واطلع معاك معاك انا انسان جافى
اتوه فى الحيره من تانى *** والريد بى جواى شى خرافى
تتوه من ريدك *** وتقول ماوضح اخر القوافى
معقول تتوه وانت فى ايدو *** ولوتاهو كل الناس عليك ماخافى
بس ماكان عليك قايلو بصعب *** ماقايلو عليك حاجه فى اخر المرافى
خليتنى بحاول انسى *** ولازم انسى انسان خرافى0
|
Post: #57
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-12-2004, 05:43 AM
Parent: #56
معتز الجميل
يا صاحب صاحب
شكراً للتضامن الرائع
وفعلاً...!!!
فعلاً.......!!!؟؟؟؟
ولكن يا معتز!!!
لقد خصّتني أقداري بما فيها من تداعي , وتجدني في سأمي من كل ما يغلفني من أفكار سوداء , حائرٌ ? قد رفض الوحي ان يتنزل علي فأجدُ في كوّة الضؤ خلاصاً , أو ألوز بغار فكرة لا تبيض عليه حمامة أحباط , ولا ينسج عليها العنكبوت خيبة أمل أدراك المعني البكر ,, أري أن أقدام فرس تحرري قد صاخت في رمال الوهم المتحركة , وكل القوم ( سراقة ) .
أسرجتُ راحلتي أرجو الخلاص , اليوم ? قررت ان أهجر القوم , ? انتظر ذات النطاقين لكي تأتيني ببعض طعام , فأنا مهاجرٌ الي اللا عودة , الي حيث لا وصول ولا تزاكر أياب , من أراد ان تثكله أمّهُ او يرمل احلامه ? , فليلحقني وراء هذا الوادي . د
معليش.. يا أخوي دة ما كلام زعل... لكن دة أحساس الزول هسة
ببكي الأنسان جواي.. وبشكي همومو لي شيطان الفكرة... وبكتب يا معتز
لازم أكتب... عشان أكون انا... مع انو المغص ساكن حروفي....
وشكراً للقصائد النواهد..... وما قصرت يا قبيح الله يخليك يا رب.........
Quote: طلعت مره ابحث عن خطاك *** عرفت فى اثارها انك جافى
والوهم كان حبك *** عشتا فيهو رضيان وصافى
بالزمن شفت المحال *** والزمن ورانى فيك كل الخافى
انا يا الكنت انا *** وانت ياالخليتى زى المافى
|
يا سلام عليك يا سلام
|
Post: #58
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-15-2004, 05:10 AM
Parent: #57
و حتي أشعارٍ آخر
اليوم تنهزمُ الكلمات
|
Post: #59
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-21-2004, 06:35 AM
Parent: #58
كيتاً عليها
فووووووووووووق
|
Post: #60
Title: Re: علي الهـواء مباشـرةً أكتب ضد المرأة
Author: A.Razek Althalib
Date: 12-21-2004, 07:17 AM
Parent: #59
الحبيب خال نورة
| Quote: أنا بخاف أسأل عليك |
كلمات الأغنية
ولكني برضو أنا بخاف
تخريمة:
لا تكاوي يا حبيب نورة
وطول بالك ووسع صدرك
وأرجي الراجيك
بتجيب المطر لروحك مالك؟
أرفع ليك علم أبيض
وصنقع لفوق
وهاك الدفرة دي
عبدالرازق عيسى الطالب
|
Post: #61
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-23-2004, 05:04 AM
Parent: #60
الحبيب الخال عبد الرازق
اول حاجة مرحب بيك في البورد
أتمني ليك أقامة طيبة
وتشكر علي كلامك الطيب دة
واليوم تنهزم الكلمات!!!
|
Post: #62
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-28-2004, 03:42 AM
Parent: #61
ماذلنا هنا نردد
اليوم تنهزمُ الكلمات
|
Post: #63
Title: Re: علي الهـواء مباشـرةً أكتب ضد المرأة
Author: غادة نصر
Date: 12-28-2004, 03:54 AM
Parent: #1
صديقنا حبيب نورة
حالة تشويش تام ! اطمئنك غالبا ما تحدث ولفترة قصيرة.في انتظار ان يعود الهدوء وترجع مع المرأة مباشرة علي الهواء
ودي
غادة
|
Post: #64
Title: Re: علي الهـواء مباشـرةً أكتب ضد المرأة
Author: samwal ebrahiem
Date: 12-28-2004, 04:31 AM
Parent: #63
حبيب نورة
| Quote: علي الهـواء مباشـرةً أكتب ضد المرأة |
قول كلام تاني غير الكلام دي
|
Post: #66
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-28-2004, 04:46 AM
Parent: #64
سموأل صاحبي
يا أخوي انت ما مصدق مالك ؟
يا زول حبيب نورة بقي حبيب مستورة
وكان ما خايف الكضب اقول بقيت برّة الصورة
ودة وضع طبعـاً بالغ الخطورة...!!!!!!
|
Post: #65
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-28-2004, 04:43 AM
Parent: #63
غادة
تسلمي يا أختي
لكن والله ما ظنّيت
يا بنت الناس فترنا والله
|
Post: #67
Title: Re: علي الهـواء مباشـرةً أكتب ضد المرأة
Author: حبيب نورة
Date: 12-31-2004, 01:04 PM
Parent: #65
فوق
لآخر مرة
|
|