أحتمال أقدر أدفن أسايا في عنقريب الأنداية!!!وووووو؟

يا ولية كبّي
خلينا ندفن في كاساتنا ليالي الشوق
يا جماعة انا يادوب سربت لي كاشين
انا أخوك ياشعدية!!!!!!!!
في صحتك يا تروتسكي
وصحة بكري الرافع الراية
يعني شنو مافي حاجة؟؟
يا مرة انا هيّن واللا ليّن ؟؟
وحاة أمي انا كان أتديّن أتبيّن
كبي لينا كاس قبال ما ناس النظام يجو
يخموك خمـّة السرق ما مرق
تروتسكي
مالك يا صنديد يا جبل الحديد
مالك يا عشا البايتات
يا زول انت مالك ماشي
ماذال الليل طفلاً يحبو
عرقي العيش سواها فينا
لكن لا شكـرنا ر قدنا طينة
ما كفاية يوم الخميس الفات
يوم ضبحنا التيس
والمرارة والشية ديييييي تقول يا غربتي
اليوم داك حاجة التاية
حجزنا برمة مريستا كلها
و انا دقيت سدري
وقلت الليلة العدل علي
حرّم زول واحد ما يدفع
اها صاحبك أبنوسي قام من الكاس التاني
يعني دي حالة؟؟؟؟؟؟؟؟؟
انت ما قلت حوض رملة
مالك هسة قعدت تتّرتــح
تروتســـــــــكي
صلي علي النبي يا الحبيب
زي كأنك ما سمعتني قبيل بقول ليك:

قالت النبؤة تحكي عن المهدي المنتظر ,أنه كشيئ مثل الشعاع المتوهج , المولود في رحم الأفق الصباحي,أنه مثل ثورة و أنتفاضة الشمس علي جور سلطان الظلام,فتستل سيفها وتغمده في صدر الليل البهيم,ويسقط الأخير مضرّجا بالضؤ,وأن قدر لك ان تشهد أحتضـــــار الروح في جسد الشط الخصيب, !! هو مثل النيل يزحف نحو يأسي ,وتشهد عندها,أشراقة اللّوبيا لتبتسم الجروف بخيوط من البطيخ !!عيش الرّيف !!والسّعد الذي هامت به عشقا غنيمـــــات الفريق !!


هكذا وصفت النبؤة محمدا وجدي ,ولكن ما لونه ؟؟أذا كنت تريد ان تحددله لونا حتّي لا يتشابه عليّ بقر بني اسرائيل,فدعني أسألك...هل رأيت السنبل النضر قبل أن تمتدّ أليه جمرات سليل المجاذيب , وأمير العربية المقيم ,عبد الله الطيب ؟؟؟ويصير لونه مشوبا ببعض أبنوس ؟؟أنه هو ,, و أنك تكاد تقتله وصفا أن لم تفعل ...

وان هنالك الكثيرون بمثل هذه الاوصاف,,أقل لك ان تصبر قليلا حتي أحدث لك عنه زكرا,وذلك رغم علمي أنك لا تستطيع معي صبرا..,,,أنه شفيف عفيف , يجتاحك اجتياحا ولا يحطمك , !!يحطمك تحطيما ولكن لا يكسرك ,!!!يزلزل الارض تحت أقدامك , وتستعصي عليك الهاوية ,ولا تزل لك قدما ,أنه كالسيل يجرفك نحوه ومنه ,ولكن برقّة يحتل قلبك ليسكن في مســـام المســـــــام


أنه علي موعد مع الحنيــــــن ,أنيق كنسمةألقت ياسمينة لعوب عليها تحيّة المســـاء وهي في طريقها لحفل زفاف الأريج !!أنه مثل نغمة ....ساقها الحظ السعيد لأنامل موتسارت بعد أن هجر فراشها بيتهوفن و أرتكب معها الخيانة الزوجية بدافع نزوة الطرب !!! أنه طــــائر الضؤ الذي تدلّل علي قوانين السماء, وعندما اّثر العودة ,ضلّ طريقه من الفردوس الي عالم البشر !!! أنه أنه أنه..... وقد صدقت النبؤة الحبيب المنتظر ..


احبك سيدي ,الان اعترف ,احبك كما انت , واتمني ان اظل لك محبا,لا أظن انني سوي مهدي لك الضؤ قبلة, والمســـــــاء قبيلة من النجــوم , والمطــر حربا لهذا اليبــاس ,احبك سيدي احبك سيدي , وأحتــــــــار فيك


عاطفة وحنان يا ناس
الليلة وين يا ضرايا
لساتك ماشي ف دربك
لساتك أنت حدايا
أبقي حدايا
وشيل من دربي غناوي أسايا
أمسح من عيني الهم وبكايا
واللا سيبك
أحسن نبكي الشوق
ندس الهم في ضل الأنداية

تروتسككككككككككككككي
يا زول انت شـكرت واللا شنو؟؟
شكيتك علي الله يا أب راساً خفيف
ما قلت حوض رملة!!!!!!!!!!!!!!!!

حبيب نورة
لك التحية
ولتروتسكي
بيني وبينك .. هو ما يزال حوض رملة
وأظنها زهجة وتفك.. ويجي لي جماعتو
أولاد كاسو.. ويكتب من راسو ما من كراسو


تعجبني كتاباتك جدا

لك التقدير