Post: #1
Title: ما كلنــا بنحــلم بيـهُ
Author: حبيب نورة
Date: 07-13-2006, 11:23 AM
Parent: #0
هميم السلام وشاهق المني في عودة
الولد القبيح
أبنوسي
أمير التبلدي
قووولو معاي
يااااااااااااااااااا رب
|
Post: #2
Title: Re: ما كلنــا بنحــلم بيـهُ
Author: معتز تروتسكى
Date: 07-13-2006, 11:40 AM
يااااااااااااااااااا رب
هذا البوست سيكون تحت رعهايتى كلما احزن
ساعود لاسطر له حرف..
ليس بالضروره ان يتواجد هنا لكننى احتاجه فى اماكن اخرى..
اقلاها يفتقده بريدى...
نوره ازيك..
حبيبى
|
Post: #3
Title: Re: ما كلنــا بنحــلم بيـهُ
Author: حبيب نورة
Date: 07-13-2006, 11:48 AM
Parent: #2
يا ررررررررررررررب
|
Post: #4
Title: Re: ما كلنــا بنحــلم بيـهُ
Author: معتز تروتسكى
Date: 07-14-2006, 02:45 AM
Parent: #3
هميم السلام وشاهق المني
للولد القبيح
أبنوسي
أمير التبلدي
لاتنقصة جزالة ؛ ولايبحث عن تصنيف ..
الى الانسانى المتبل فى ذكرى الشوق ؛ورحاب الابتسام...
أمير التبلدي..
شاركنا طعم اللقمه والدم..
ايامه تلقائية وفاضلة..
انجزت اشتعالها الباكر فى التدفق المرهف ناحية العطاء الاستثنائى..
ضراعو الخضراء ساريتنا
بنقيل فى ظلالها ...
له الود حتى يتعب...
وتانى يااااااااااااااااااا رب
لمن نرجع..
|
Post: #5
Title: Re: ما كلنــا بنحــلم بيـهُ
Author: معتز تروتسكى
Date: 07-14-2006, 07:04 AM
Parent: #4
اتذكر ايامك الخوالى ياعولاق مخلينى الا مع السجم الاسمو يسن ده
يسد نيتك الهي..
|
Post: #6
Title: Re: ما كلنــا بنحــلم بيـهُ
Author: حبيب نورة
Date: 07-14-2006, 10:06 AM
Parent: #4
yaaaaaaaaaaah
والله نفسي أكتب عن الجواي
لكن صدقني يا معتذ ما قادر
العبرة سدت حلقي
وعديل كدة البوست دة عايز أسيبو
عشان بيفكرني بي أيام جميلة
أيام لها أيقاع
ياااااااااااااااااااه
أمير سعيد
الكلك حضور!!!!!!!!!!!!!!!!!!!!!!1
|
Post: #7
Title: Re: ما كلنــا بنحــلم بيـهُ
Author: معتز تروتسكى
Date: 07-15-2006, 02:41 AM
Parent: #6
ياااااااااااااااااه
أمير التبلدي..
مافى حتى رساله واحده..
المشتاغووون
حبيها وتروتسكى
|
Post: #8
Title: Re: ما كلنــا بنحــلم بيـهُ
Author: معتز تروتسكى
Date: 07-15-2006, 01:10 PM
Parent: #7
راهنت الدنيا على شوف الكون بمنظار ثابت زى شحتفة الروح ...
الروح طلعت فسحة وغابت فى اعماق الزول الراد لمن جاتو كوفارة من عشقو الجاط ...
العشق نار تاهت من نار جهنم ... وزعوها على مدار الساعة بالحرفنة ... اتشاكلت مع بعض الالهام وحكاوى الليل القاعد للناس كية فى حلوقهم ... الليل الساكت تقول اخرس .. يحاكى القلب واللوعة والجرسة ايضا معه على تزييف الشحتفة وغلغلة الاحساس المجرم ..
اتاريها مرات الروح بتشرد والزول صاحى حتى حدود الامكنة ... تتوه من مدار التيه وتقفز على زانة الرادار والطيش .. وتلتقيها .. تتعارك معها حتى الرحيق .. وفى غيب الكون الزول طاشى من عقلنة الوعى الى روحو الهاربة من نبضو على ايجاد الكبت وتفسير معانى التيه والوله ... قرأت فى حلم جاط بضفائر الوعد الخاطئ ان الانسان مجرم بالفطرة حتى يتيقن من التوبة على معالم جزيرة قبرص... عندها سوف يكون على مرمى حجر من الاحساس بكشف الارتهان ... وفينى ايضا ارتهنت جزء من مسارب خلية تاهت من نبض الكلام الحى .. واللغة العاشرة فى السكة يااااا وجع البعد ...
هنا .. حيث كل التقويم اشتر ... وبصمة الطفل الجريح بمشرط لزج يكاوى الطير الريح على ارسال جيش من غناوى حقيبة الفن يتقدمه ضابط من فن حريف دقس من زمنو ... يقول لهم :
العيون النوركن بجهرا
غير جمالكن مين السهرا
اخفى ريدتك مرة واجهرا
نار غرامك ربك يقهرا
ياتبلدي ...
يا رجل من فرح البدايات الممسوخة وممكنة ...
ذات مرة من المرارت ... حاولت ان اوصل شوقى الى طفلة جميلة زى وهجك ... ما قدرت .. تعرف عملت شنو ؟ .. جانى احساس انو اجضمها ... وفعلا فعلت .. ثم استرحت بعدها ولكن شوقى ازداد هى تضحك رغم الالم وانا اعتصر الالم ... قتلنى البعد المعفن بسيفه اربعة عشر مرة فى اليوم ... كنت فى يوم من الايام طريح كم مرة كدا ... وكم مرة تانية برضو ... يبدو انو وعلى ما اظن بنات حواء الحلوت ديل فيهن واحدة عينة من فصيلة امها بت عم حبوبتها ... وصادفت بؤبؤاً عميقا واردته قتيلا ... وصادرتنى منكم ايها المجانين ...
صديقى فى الغياب ...
لا احتمل ان اقول لك شيئا ... كل الاشياء هربت منى وانا اكوس فى الشارع الجاز عن معنى مفقود ...
هنا اتعاطى الالم كل مرة بالبعد وارتهان الالم المعفن ... لكنى وبحمد الله ارنو على الشفاء الان ... وتبقت اشياء سوف تتم فى حينها واعود حيث كنت معكم ...
تصدق : كُــلى وعين ؟؟ ...
لك فى الغياب كل الاشياء ولك الحضور والنار .
انا فى حالة البشتنة والتيه والوله ليك يا معفن
وياريتك تكون شدّيد...
|
Post: #9
Title: Re: ما كلنــا بنحــلم بيـهُ
Author: حبيب نورة
Date: 07-15-2006, 01:10 PM
Parent: #7
|
Post: #10
Title: Re: ما كلنــا بنحــلم بيـهُ
Author: معتز تروتسكى
Date: 07-15-2006, 01:18 PM
Parent: #9
إجاشـــة تبلدية(1)
حدث الدمعات عنى ..
احدث الاهات عنكـ..اشتهيكـ..اعتليكـ..اذوب فيكـ..اغتسل ابدا بماء انكـ لاتجف ..لاالتراب يصادر الغيمات منكـ ولا الكلام يحول دون ثاقبة الرؤى تعزف نغيمات التفاؤل فى مدينتنا الى عشقت تفاصيل الترمل والعتاب..وقضية الا اكتتاب والانتساب لهامش المطر السراب ..هو المرقع بالدعاوى والفتاوى تهتك المستور من عرض النساء الاتيات من اخر الموضات باللون المعزز للثبات هو الخضاب على تجاعيد المسافة بينك والشروق ..
كانت الارض قطاعا من دم..بل نصالا يحترم فيه الذهاب الى المعارك والموسيقى عذبة فى كل صوت للسواقى والحفيف ..ترقد الاحلام فى قصر المطالب لا وعى يدنسها ولا ينقص الجداول محتمل بين الهواتف والمخاوف والنزوع الى التواضع الذى فيك وفى ارتياد الامنيات..
كانت الارض تباشر ودها المحموم محميا بما تعطى ..بما تشرق ..وللنهج السلام ..للنهج المواكب سترة الحال ..راحة البال ..ومسالة العيال ..كفكفة الحوائج والسؤال الف سلام..
وسع هذا البيت ان يلد انتماء لايقود الى ارتماء فوق حاضرة تشاكس ..او شعارات تعاكس ..او مدرات لئيمة..
يتبع..
|
Post: #11
Title: Re: ما كلنــا بنحــلم بيـهُ
Author: حبيب نورة
Date: 07-15-2006, 01:28 PM
Parent: #10
..........!!!!!!!!!!!!!!
|
Post: #13
Title: Re: ما كلنــا بنحــلم بيـهُ
Author: حبيب نورة
Date: 07-25-2006, 02:54 PM
Parent: #12
الحلوين
أمير التبلدي و الجني المزروع جواة حشا النجمات سطوع و بريق
معتز تروتسكي.....
انا عارف انو الوجايع أكبر و أعمق
ودرجة تحملنا للألم ونصايب الزمان بيت عنكبوت في عز الريح
زماااان يا غالي
كنا بنسرح سوا
نصاصي الليل ونكتب للحبيبة حروف
وضاع من دفتر الأيام غناك للفال سماحة لمـة الأطفال
وكتبت ليك
فــي جـزيـرة الشـيطان ,نـفـت اقـدارنـا الـقـبيـحـة زولـي وحبـــبي الولـد الـشـين
الـسـمح , الـزول دة مـن نـفـس العـجيـنة الصـنعـت الدهـشـة جـوانا , والله مـا
بتـشبـهـك الـمنافـي , انـت زول بـي حـجـم القـومـية فـي اعـماق المـحـجـوب , والاصـالـة
فـي حـروف العــباسـي , وداء الـثوريـة في مـصـارين( لومـمـبا) (ومارتـن لوثـركـنج)
مـحـرر العبـيد في امـريكا ,الزول دة يا ناس فيه شـي من قـسـوة شــلالات نياجـارا
وشــوية شــوية بـديـك احـسـاس انـك في دلـتا النيجـر , هـادي ورايـق زي البـركـان
الخــامد , لكـن ممـكن في اي لحـظة يثور في وش الكعـب , وما بـقعـد في الـواطـة
ومـا برتـاح الا يـرفـع رايـة السـماحة في كل القصـور الرئاسـية .
امنا حـواء قالت لي ادم اكل من شـجـرة التـبلدي دي وما تمـشـي الخـرتـوم ,
الخـرتـوم دي اختـاها , بلـدنا هنا حنيـنة , مليانة خيـر , وبـتمد ليك قـدح
العـديل والزين , وطـرقة كـسـرة من صـاج الـسترة , أخير من رغـيـف المخـبز
الـتركي المـلون زيـف , كلمـة مـرحـب أتفضـل بتبقي خـريف , تبرد لينا حر الصـيف
, كفتيـرة شـايك (البانجـقلي) يا ادم تمامـة الكيف .... لكن يا جماعة الخير
ادم قال ليها , لا لا انا احـسن أركب قطر الـسـجم واسـافر الخـرتوم , وقال
كدة ويا البـقعة جــاك زول , والقـنقـلـيزة ,, تفـاها من خـشـموا , ومسـك في
التـفـاحة الغـطـسـت حـجـرنا , ورمـتنـا من جـنـة عــدن.
,, ودقـيق الـكسـرة الفي الخرطـوم .. ما بتـجازف من غيـر تحنـيس , وعـمـنا ادم
دخـل القـش ومـا قال كـش!! , والوليدات كبروا , البنت العرســوها , والولد
الـسـاكي الكورة , والـشـافع المباري القراية ام دق , لكن الجـني الابنوس
عجبوا ليك منظر الكاكي , يا أخواننا اصلوا بحب الخـضـار , وعلي كم حـلقة
كـدة من ناس برنامـج كـدة كـلامـو كـتيـير , لحـسن مـخـوا , وفي اول متـحرك ماشـي
لي الجنوب , قال اخير يسـافر لي عـرين المطر , ويحـضـن بي عينوا الزايغة
سـحابة خـط الاستواء , الما بتتعب من الولادة ولا سمعت بي حاجة اسـمها تنظيم
النسل , وقبل ما تتم الاربعـين , الا تلقاها في حالة وحـم جديد علي
طينة جروف , واللا مزيكة وازا , اصـلوا المـطرة هناك من اصـول صـينية ,
بطن السـماء فيها دايما منفوخـة , وبتشـكي من وجـع الــرزاز.
الابنوسي مـشي شايل بندقية خرسـاء ما بتتكلم الا عـشان تقول, الله اكبر
سندحرهم ونـشتت شملهم , ونديهم الحاجة , وفلان داك , ومعاهـو (فلانـة كاريـوكـا)
ناس هجـيج مبالغة والله , ومرة كدة الجني الاغبـش ما راح في نـص الغـابة,
ما كلمتكم ؟؟؟ اااي والله راح تلاتة يوم ومافي زول فتش ليه , فتشـتوا
ملايكة الـسماء , اصلها حنينة وبنت ناس !!
وعرف الامير الخبر , ومرة كدة سمعتوا , يغني ويقول , حليلك بتـسرق
سفـنجـة ومـلايـة ...... وغيـرك بيسـرق خروف السـماية.... تصـدق في واحد
بيسـرق ولاية ؟ ,,,,,,
اها تاني أنقطـع الخبر , ما خليت زول ما سألتوا , شليل وين راح ,
شـليل قالوا شافوا في صـاله المغادرة شايل شنطة هاندباق غبشـاء
بتشـبهوا القبيح السـمح , وبي الدس غفل البنت المضـيفة , وخـش بي الباب
الورا , وتحت الكنبة الاخـيرة رمي جـسدوا التعبان قوة , وسـرح بفكر في
بكرة ,,,, الله ... بكرة مشـكلة ... لكن ما لقيت غير الجزيرة دي يا
ود أمي ؟؟ مالا( سـانت هيلانة ) , ما كويسـة , وكمان تاريخية , نابليون
كان بصـيف فيها , في الشــاطي الاجباري , وبي حراسة مسلحة , معقولة يا
جني تشوت تمثال بعانخي وتعلق صورة ( أتاتورك ) دة كلام شنو ياخ؟
الله من وجعة شوق الناس لي بلدا دغري , انا بحلم بي خريطة مليانة
عواسة , صاج الكسـرة رمز وطني , سيبك من صقر الجديان , وبعدين هي
وين اللحمة عشان يكون في صـقور , .. أها يا اخوي لا قدرت تملأ بطنك فال
, ولا بتقدر تغطي قدحك , شايفك ماشي علي القدح بي سرعة سلحفائية
لا بتوصلك ولا بتخليني ابقي وزير , انا بحلم بي كرسي في البرلمان
, بس انت تكون الرئيس , ورابط هلال السلطة في جبينك , و مكتف بي
الحريرة , وغاطس في الضـريرة عريس , اها انا غير وزارة الرعاية
الاجتماعية دي ما عايز , لكن كيف ؟ داير الزول يعرس الا الجيب مفلس
سيد الشغل قال عايز القعدة والمنظرة , والراس فاضي ما بديه حق
انو يجي ماشـي جمب الدكان ويقول سـلام , لكن نعمل شنو دي قبرص , وديل
ناس قبرص جزيرة الشـيطان .
الجيب فيه خـمـسـة دولارات بس , دولارين لي حلة عـدس فاهمة وخريـجة عدة
مدارس عزابة عليا , وما خدة شهادات في الدراسات الاقتصـادية الحرجة
ومتبنية سياسة التقشق الروسية في الفترة ما قبل (البروسترويكا)
في العهد الاستاليني , والباقي تلاتة دولارات , مقسمة علي الزول بتاع
الصيدلية الببيع دواء المصـران , وحق النيت عشان يقابل حبيب نورة
والله انت زول طيب , حبيب نورة شنوالبتضيع معاه زمنك ؟ انت من زمن
المشاعر المقدسـة دي ؟ صدقني انت طلعت ما مواكب خالص.
الجني الاخضر , سيد الناس ااي فقران , لكن غنيان عفة وروح انسان
فنان , مليان مزيكة , اوتارك مبتورة بس لسة بتعزف , وعشانك انت بس
انا برضو بغني , يا ريت لو البنت سودان كانت معانا , كنا خليناها
تغني لانو صوتا مليان بي بكرة , حسها طعم قراصة , أيقاعا مشوار
عصرية بالدريب الماشي ليك يا السمحة , أها يللا نغني
والله نـحـن مــع الـطـيور المـا بتـعـرف ليـهـا خــرطــة
ولا فـي أيـدا جــواز سـفر
نمـشـي في كل الدروب الواسـعة ديك
والرواكيـب الصـغيرة تبقي اكبر من مدن
والحبيبة تغني لينا الحبيبة تغني لينا
لاهموم تسكن دروبنا ولا يلاقينا الخطر
وين يلاقينا الخطر
لو بقينا مع الطيور الما بتعرف ليها خرطة
ولا فـي ايـدا
جــواز سـفـر
|
Post: #14
Title: Re: ما كلنــا بنحــلم بيـهُ
Author: معتز تروتسكى
Date: 07-25-2006, 03:41 PM
Parent: #13
حبيب نورة
الود (أمير التبلدي)كم نشتاق الى ايامه ولكن وامسياتنا معه دائما ما تكون مبتوره
كما الاحلام لاتنتهي بالتقطع ..
التحيه الى زمنه وزمنك البنفسج بقدر المستطاع ..
وكتبت ليه معاك..ياحبيو..
اجاشـــة تبلدية(2)
حدث الابعاد عنا نمتطى الاعياك فيـكـ..وتعتبر عابر الغفوات بادرة لتسميم الخطاوى نحو سفركـ والغياب مرافقا رهق القصائد ..ثم لا..لا للذكريات الوخيمة تمتشق سبل الكفاف لكى تؤول الى المضايق والحقائق شرفة موثوقة الانحناء من فرض البريق المندمل ..نحن غارقون الى الاظافر فى محطات الكلام المرتجل ..فى بحيرات العبور اليكم الى ظلامات الاجل..
انتم خالدون يا أمير..
نحن ملتهبون فيـكـ وانت منصرف لنا..والقادمين مؤسسين بفتح فضلكـ نحو اسئلة لها وحدكـ تمتلك تضاعيف الاجابة ..المستريحة من مشاوير التحلل والرتابه ونازف العشق البرئ....
*رايتك (أمير التبلدي) ..
رغم بعدك انت تحيا في مشارفنا سخيا تنسج السحر لنا انشودة تهفو الى ريح الخلاص المشتمل صفو القصاص بلا رصاص ..ابيا تحتويكـ روافد النصر المعاقر للقلوب ..دافق الامل الطروب..وعطر اغنية بها الحزن يغازل او يذوب...
يتبع...
|
Post: #16
Title: Re: ما كلنــا بنحــلم بيـهُ
Author: حبيب نورة
Date: 07-27-2006, 06:32 AM
Parent: #14
عزو الجميل
واصل الهطول
ولكن لا تجعلهُ الا هميماً
ودعهم يسألون عن الزول المطر بين حناياك
|
Post: #15
Title: Re: ما كلنــا بنحــلم بيـهُ
Author: munswor almophtah
Date: 07-25-2006, 03:52 PM
Parent: #13
ياحبيب نوره السلام والرحمه يا أخوى مين مسكك فى أبناء كردفان ومين ضوقك دليبهم والقشطه...يا شيخ لو مشيت بلدهم الهالوك بنسيك فتاقه يالشيخ مطره واحده تنزل وتجغمها الواطه الفرصه الملونه تمشى فوق ساقك زى وخز الإبر عند الصينين تخرج ألام السنين وكان الله أكرمك وحضرت معهم (بوش) والله إياك السمعت كلام حواء ومصين اللالوبه ومسكتك دار ريح...يا ولد ديك مصانع الجمال ومنابته فى تنوع كتنوع الجروف بخيراتها من بطيخ وشمام وبنضوره وفاصوليه والأخيره هذه التخليك تفصل وتنفصل ليوم الدين من دار بحر لتبقى بدار ريح.....
سلامى وتحاياى لكم أجمعين
منصور
|
Post: #17
Title: Re: ما كلنــا بنحــلم بيـهُ
Author: حبيب نورة
Date: 07-27-2006, 06:38 AM
Parent: #15
أستاذ منصور
يااااااااااه من الزول التبلدي
ويا لروعة أنسان الأرض المفعمة بالدفاق
جميلين وحلوين وسمحين وطيبين
وفوق دة كلو زينين خلقة
انا حبيت الأبيض والضعين و أم روابة
عشان روعة الأنسان دة
كنت بقيس حجم أنسكابي في الأوراق
بكمية فرحي حين شوفتو
وهسة يا حليلو ويا حليل زمن المشاوير المرهقة
وكلام جميل قلناه آخر الليل سوا
اللللللللللللللللللله يا زمن!!!!!!
|
Post: #18
Title: Re: ما كلنــا بنحــلم بيـهُ
Author: حبيب نورة
Date: 07-27-2006, 04:13 PM
Parent: #17
حبيب نورة
عفوا ... لقيت الأبواب مفتوحة
والاشارات خضراء
سلام...
محمدصالح
|
Post: #19
Title: Re: ما كلنــا بنحــلم بيـهُ
Author: تولوس
Date: 07-27-2006, 04:23 PM
Parent: #18
حبيب نورة قلت امشي اجيب كباية شاي حمراءوسيجارة ... وسيجارا حمراء برضو؟؟؟؟
ياخي والله مشتاقين
|
Post: #20
Title: Re: ما كلنــا بنحــلم بيـهُ
Author: حبيب نورة
Date: 07-30-2006, 01:13 PM
Parent: #19
الجميل تولوس
تشكرات أفندم تشكرات
جيتك دي براها بالدنيا
| Quote: وسيجارا حمراء برضو؟؟؟؟ |
يا ود أمي البوست دة محترم و أحرار
ف مافي داعي للحاجات دي .. تعال لي بيهناك
لو عايزة ...... سمح!!!!  
|
|