مسابقــة سودانيز اون لاين الكبري!!

Post: #1
Title: مسابقــة سودانيز اون لاين الكبري!!
Author: حبيب نورة
Date: 01-31-2007, 08:20 PM
Parent: #0

طبعاً بعد أذن الباشمهنس بكري أبو بكر

أثراءاً لروح التنافس الشريف ..... وتحفيذاً لمزيد من البزل و العطاء الثر ...
أقترح أقامة مسابقة شاملة لكل مجالات الكتابة في غابة أقلام المنبر الحر ...
الشئ الذي من شأنهِ ألقــاء صخرة في بركة الركود التي أثّرت كعوبةً وشنـاة!
بكثير من النشاطات الأدبية و الثقافية والعلمية و البحثية و غيره!!!

* لذا يجب أن تكوّن لجــنة محايدة للفصل والتحكيم وفرز المشاركــات
يتم تعيين رئيسها و مجمل الاعضاء بالتصـويت الحر .... مثلاً فلان الفلاني
للمجال العلمي ..... و علان للمجال الأدبي وهكذا ...!

* يجب أن تكون المشاركات لم تنشر في أية وسيلة من وسائل النشر من قبل
صحف سيارة ـــ مجلات ـــ كتب ـــــ أو أي موقع أنترنيت .

*حجم المساهمة متروك لتقدير رئيس و أعضاء اللجنة التحكيمية .

*أقترح أنشاء بوست منفصل من قبل رئيس الموقع أو رئيس لجنة التحكيم .. يتم فيه
فرز المشاركات أو مناقشتها أو تنزيل روابط المشاركات أو أيي شئ تراه اللجنة.

*يتم أستبعاد أي مشاركة تمت بصلة من قريب اون من بعيد لسياسة ( الكوبي آند بيست)
التلصـصية ... او تسلّل صاحبها عبر بوابة (القوقل) و الغفير نايم!!
بحيث تكون المشاركات خاضعة للمجهود الفكري الذاتي ...

* الجوائز*

+ الجوائز أغلبها معنوية كشهادات مثلاً تعلق علي حوائط (مايكروسوفت) الفاخرة
او حسب أقتراحات أعضاء المنبر أو بتبرّعٍ من جهةٍ مـا .

+ أنا أقترح منح الفائزين مكـتبات في موقع سودانيز اون لاين ... وهذه يجب أن
يلتزم بها السيد رئيس الموقع مسبقــاً .

والله ولي التوفيق

Post: #2
Title: Re: مسابقــة سودانيز اون لاين الكبري!!
Author: حبيب نورة
Date: 01-31-2007, 08:25 PM
Parent: #1

vote

VIP MEMPERS

Post: #3
Title: Re: مسابقــة سودانيز اون لاين الكبري!!
Author: الطاهر ساتي
Date: 01-31-2007, 08:25 PM
Parent: #1

اثني

Post: #4
Title: Re: مسابقــة سودانيز اون لاين الكبري!!
Author: حبيب نورة
Date: 01-31-2007, 08:30 PM
Parent: #3

الطاهر ساتي

تسلم
لكن تعال لي بي ترشيحاتك
عشان نكون عمليين شوية

Post: #5
Title: Re: مسابقــة سودانيز اون لاين الكبري!!
Author: حبيب نورة
Date: 01-31-2007, 08:46 PM
Parent: #4

أنا شخصياً بقترح الآتية أسمائهم

اللجنة الأدبية

1 منوت
2 جورج بنيوتي
3 دكين
4 تماضر شيخ الدين
5 منصور المفتاح
6 ست البنات

اللجنة الرياضية
1 راكوبة
2 تاج السر حسن

اللجنة العلمية
1 دكتور مصطفي محمود
2هشام هباني
3معتذ تروتسكي

رئيس اللجنة
هشام شيخ الدين

Post: #6
Title: Re: مسابقــة سودانيز اون لاين الكبري!!
Author: Elmosley
Date: 01-31-2007, 10:11 PM
Parent: #1

الحبيب حبيب نوره إقتراحك جميل جدا وعملي
وبالمناسبة دي ممكن في ردك علي هنا تنشر قصيدتك الكاربه المره نشرتها في واحد من بوستاتك
ياسلااااام

Post: #8
Title: Re: مسابقــة سودانيز اون لاين الكبري!!
Author: حبيب نورة
Date: 02-01-2007, 05:31 PM
Parent: #6

الحبيب الموصلي يوسف الصديق
شكرن جزيلن
جبرت بي خاطري الله يجبر بي خاطرك

و شوف القصيدة أهي دي واللا وحدة تانية
أصلي مش فاكر بالضبط كدة

قميرةً بتطلع طعومة ورحيق

بكـتـِّف شهيقــك خطـــــــــــــاوي الزفــير

وبطـلع صبـاحــــــــــك بقدرِ أنبهـــــــارك

بطعــم البريــــــــــق

قمـــــيرةً بتطـلع طـعـومــــــة و رحـــيق

تحــوم في المجــرّة

يصيب النجـــوم البليغـــــــــــة السكـــــــات

تجــرتـق حروف الكــلام واللغـــات

وتبعث وتحــيي الدياجـــــــــي المـوات

عيونك تصــالح .. مطيرة و حريــــق

تعالي بتغادر دموعنـــا العيون

ويرحـــل عزاب الحفــــــــــاة العراة

حدودك تمـاس المعاني العصيـــــــّة

سكاتك هتافك

غيابك حضور الغنيوات النديـــّة

وتصدح تغنـــــِّي البنيـــــّة النبِيــــــــّة

ملامح نشيدك .. و أحلام نشيدة

تعــــــــالي بتقـيد في الدياجـــي القصــيدة

و فوتــي بتقـرِّب خواطر بعيـدة

و يسرق جليدك ملامــــح الحــريق

وتبقي الطـريق

نديــّات عيونك نداوة الفصــول

وحتّي الفصول.. شروقـن أفول

وكت تابي لينا المطيرة الهطــول

و يقصــد غمامك سماياً سحيق

و يطلق زفيرك سراح الشهــيق

و أكون زي مرافي بعيدة منال

تداعب تدغـدغ خواطــر الغريق

Post: #7
Title: Re: مسابقــة سودانيز اون لاين الكبري!!
Author: معتصم دفع الله
Date: 01-31-2007, 10:46 PM
Parent: #1

سلام يا حبيب نورة ..

فكرة جميلة نتمنى أن تثمر بنتيجة أيجابية لكل إبداع ..
معاك نشجع الفكرة وونتظر الكثيرون ليتحفونا بكتاباتهم وأعمالهم ..
ونعود بواقع منبري جميل ..

كل الشكر ..

Post: #9
Title: Re: مسابقــة سودانيز اون لاين الكبري!!
Author: حبيب نورة
Date: 02-01-2007, 05:35 PM
Parent: #7

معتصم دفع الله

ياخي الشكر أجزله علي الاستجابة الجميلة
تسلم يا غالي والله

Post: #10
Title: Re: مسابقــة سودانيز اون لاين الكبري!!
Author: محمد سنى دفع الله
Date: 02-01-2007, 05:40 PM
Parent: #9

اقتراح جميل جدا يزيد من الإبداع
وخلق تنافسا حقيقيا
ويجعلنا نتتطلع الى الأجمل

Post: #11
Title: Re: مسابقــة سودانيز اون لاين الكبري!!
Author: shazaly gafar
Date: 02-02-2007, 09:47 AM
Parent: #10

الحبيب : حبيب نوره

تحية بطعم (الفكرة )

وتثنية بحجم التطلُّع اليها وهى (تقدِل)

فى باحة الجمـــال ..

شاذلى

Post: #16
Title: Re: مسابقــة سودانيز اون لاين الكبري!!
Author: حبيب نورة
Date: 02-03-2007, 03:30 PM
Parent: #11

الأخ شاذلي جعفر
والله بيكم بنقدر نضيف كل ما هو جميل
أصلاً الجمال جواكم
و ياريت تلبي باقي الاقلام النداء
ونبنيهُ من تاني
ونبنيه البنحلم بيه يوماتي

Post: #15
Title: Re: مسابقــة سودانيز اون لاين الكبري!!
Author: حبيب نورة
Date: 02-03-2007, 03:27 PM
Parent: #10

الاستاذ محمد السني دفع الله
معقولة بس !!
أسمح لي أنحني أمام قامتك الرفيعة
وأقبل الايادي كمان
شكراً كتير لي أستجابتك الرقيقة
ومعاً من أجل سوداناوي أجمل و أفضل

Post: #12
Title: Re: مسابقــة سودانيز اون لاين الكبري!!
Author: مهند الجيلي بادي
Date: 02-02-2007, 01:45 PM
Parent: #1

حبيب نوة الحبيب ،،

معااااااااااااااااااااااااك
وزي ما قال ود أبو عاقلة

قلب علي قلب نفتح درب

مرفق :
كل الحب
بـــادي

Post: #13
Title: Re: مسابقــة سودانيز اون لاين الكبري!!
Author: Mustafa Mahmoud
Date: 02-02-2007, 01:54 PM
Parent: #12

as always
very organised beautiful post
keep the good work

اقتراح جميل جدا يزيد من الإبداع
وخلق تنافسا حقيقيا
ويجعلنا نتتطلع الى الأجمل

thank you
dr mustafa mahmoud

Post: #14
Title: Re: مسابقــة سودانيز اون لاين الكبري!!
Author: يازولyazoalيازول
Date: 02-03-2007, 09:27 AM
Parent: #13

شكرا يا حبيب

إقتراحك جميل

أثنى

وبلاش حكاية الرئيس ، بتعمل لى حساسية

أنا عايز أفوز بى إيدى وشديدى

Post: #19
Title: Re: مسابقــة سودانيز اون لاين الكبري!!
Author: حبيب نورة
Date: 02-03-2007, 03:43 PM
Parent: #14

هشام ود الشيخ
أستاذنا و أستاذ الاجيال
ما داير أكبرك لكن بأعتبارك من الرعيل الاول
الذين لم يسبقهم زول في الشخبطة بالطبشير
في سبورة مايكروسوفت
دة كلام يا راجل !!!!
انا أفتكرتك تجي تستلم مهامك الرسمية
وتباشر العمل
بي نفس الهمة الخلتك تدي الخواجة شلوت والخلوق ماليه البلد
وبرضو عشمي فيك يا أبو نبراس

Post: #18
Title: Re: مسابقــة سودانيز اون لاين الكبري!!
Author: حبيب نورة
Date: 02-03-2007, 03:37 PM
Parent: #13

الدكتور مصطفي محمود
تحية شتوية دفيئة
وحقيقة أشكر مرورك اللطيف

أما بعد!!!!!!!!!

Post: #17
Title: Re: مسابقــة سودانيز اون لاين الكبري!!
Author: حبيب نورة
Date: 02-03-2007, 03:35 PM
Parent: #12

الحبيب مهند الجيلي بادي
مشتاقوووون والله
وينك يا راجل
لو ملاحظ لحدي الآن مافي واحد جاء
دقّ سدرو و قال انا أقتراحي شكلو كدة
لي هسة نحن بنجامل في بعض
اها و بعد ما عجبتنا الفكرة!!؟؟؟
كيفن تنزل لي بورد الواقع؟؟؟؟؟؟؟

Post: #20
Title: Re: مسابقــة سودانيز اون لاين الكبري!!
Author: حبيب نورة
Date: 02-04-2007, 01:32 PM
Parent: #17

مسابقــة سودانيز اون لاين الكبري!!

Post: #21
Title: Re: مسابقــة سودانيز اون لاين الكبري!!
Author: محمد مختار جعفر
Date: 02-04-2007, 07:09 PM

أثنى هذا الإقتراح التنافسى فى ظل الجمود
الكتابى الفكرى وعليه يا حبيب ، أضيف
والفنون التشكيلية ..
لك التحية .. محمد مختار جعفر

Post: #22
Title: Re: مسابقــة سودانيز اون لاين الكبري!!
Author: حبيب نورة
Date: 02-04-2007, 08:21 PM
Parent: #21

محمد مختار
شكرن جزيلن
انا والله عجبتني الفكرة
وخصوصاً نحن بنمتلك تقنيين علي كفائة عالية جداً
ممكن يثروا لينا البورد بالكتير الرائع
في مجالات عدة
وكمان شايف الاخ انور كنج ظهر
الزول دة ممكن نستفيد منو شديد في الحتة دي

Post: #23
Title: Re: مسابقــة سودانيز اون لاين الكبري!!
Author: مهند الجيلي بادي
Date: 02-06-2007, 10:07 AM
Parent: #1

up

Post: #24
Title: Re: مسابقــة سودانيز اون لاين الكبري!!
Author: Abdulbagi Mohammed
Date: 02-06-2007, 01:00 PM
Parent: #23

يا زول معاك بس خلينا نتفق نبدأ من وين؟

Post: #26
Title: Re: مسابقــة سودانيز اون لاين الكبري!!
Author: حبيب نورة
Date: 02-06-2007, 02:14 PM
Parent: #24

يا عبد الباقي
سلامو عليكو
انا أفكاري
وريتها ليكم
الباقي عليكم
مع أني شايف
في كس محبط جداً

Post: #25
Title: Re: مسابقــة سودانيز اون لاين الكبري!!
Author: حبيب نورة
Date: 02-06-2007, 02:11 PM
Parent: #23

مهند الجيلي

مرسي
رفع الله قدرك
وللمرة الاخيرة
المرة الجاية
تعال بي أجندتك
عشان نبدأ
ورشة العمل

Post: #27
Title: Re: مسابقــة سودانيز اون لاين الكبري!!
Author: حبيب نورة
Date: 02-12-2007, 09:27 PM
Parent: #25

up