النســوان ديل !! ربنا ينتقم منهن!!

womens are complex creatures



If you praise her, she thinks you are lying
لو شكرتهن بقولن كضاااااااااااااب


If you don't, you are good for nothing
اكان قفلت خشمك يقولن دة اصلو ما نافع!

If you agree to all her likes, you are a wimp
اكان وافقتهن علي رأي واحد يقولن عديم شخصية!

If you don't, you are not understanding
و لو ما أتفقت معاهن انت ما بتفهم التكتح


If you visit her often, she thinks it is boring
المرة كان زرتها كتير بتقول عليك خفيف كيس نايلو بس!!


If you don't, she accuses you of double-crossing
ولو قطعت كراعك منها بتقول عليك انت شايف روحك في الفاضي

If you are well dressed, she says you are a playboy
اكان لبست و قشرت ومرقت الشارع طوالي انت في نظرها
طالع علي حل شعرك وفي أنطلاقتك ولو سعلوها منك بتقول
بِس خليني منو دة!!


If you don't, you are a dull boy
و لو لبست عادي بتقول عليكم الله شوفو المبهدل دة!!

If you are jealous, she says it's bad
لو غرت عليها من الهواء الطاير تقول انت زودتها شوية

If you don't, she thinks you do not love her
لو ما غرت عليها بتقول ما بتحبها وما شغال بيها كلو كلو!!


If you are a minute late, she complains it's hard towait
لو مشيت الدكان و أتأخرت دقيقة تحاسبك عليها حساب منكر
ونكير وتديك محاضرة في أدب الألتزام بالوقت والزمن

If she is late, she says that's a girl's way
ولو أتأخرت هي بتقول ليك دي أمور نسوان ما تتدخل فيها!!

If you visit another man, you're not putting in "quality time"
اكان مشيت زرت ناس أمك بتقول ليك انت بتضيع وقتك في
الفاضي و شوف ليك شغلة أقضاها!!



If she is visited by another woman, "oh it's natural,we are girls"
ولو لفحت توبها كايسة لي القوالات والصواطات فتحت خشمها تقول
ليك دي حاجات عادية انت مالك معقد الأمور!!


If you fail to help her in crossing the street,you lack ethics
لو وقفت ليها بي عربيتك عشان تقطع الشارع بتقول عليك
عديم أخلاق و منحط وتافه!!!


If you do, she thinks it's just one of men's tactics for seduction
واذا وقفت, فانت موقف تتفرج


If you stare at another woman, she accuses you of flirting
لو ساهي جات جمبك بنت و عاينت ليها تقول عليك زول ثقيل
ومارق لي الريبا و التلاف


If she is stared by other men, she says that they are just admiring
ولو مرقت مشخلعة و كابة العطور وكلو تمام و شافوها رجال
الحلة بي الطريقة دي تقول ليك ديل معجبين!!


If you talk, she wants you to listen
لو أتكلمت دايرك تسمع بس!!!


If you listen, she wants you to talk
لو كانت تستمع دايراك تتكلم للصباح!


In short
باختصار

So simple, yet so complex
بسيطات , ومعقدات

So weak, yet so powerful
ضعيفات, لكنهن قويات

So confusing, yet so desirable
يكرهوك الدنيا زاتة لكن محبوبات


can't live with them..
ماتقدر تعيش معهم

can't live without them ...
ولا تقدر تعيش بدونهم
النسوان ديل
الله يضرهن!!!!!!

مرفق
من بوست الدكتور عادل المكي سجيمان

كلام سجيمان

لا تنكحوا هؤلاء النسوة
د.عادل الصادق المكي
ان بقيت بخيت.....ربنا يديك....مرا هدية ورضية.... السماحة ما ضروري لانو بعد شوية...... ما حتكون سمحة..... حتكون عادية....... نصيحة لك..... النسوان البقولن ديل اوعك تعرس واحدة فيهن.....الفنانة.... و الحنانة....و الحردانة,,,,,المدرسة.. والمدبرسة......والمفلسة النوامة..والحوامة......واللوامة,,,,,البوبارة......والكوُبارة.....والخبّارة
,,,, الممحوقة.....والمطلوقة.....واللايوقة"
اها.... نمسكن واحدة واحدة
الفنانة...... حتمرق معاها وتقعد تحوم.....في الحفلات...وتشوف كرسي قدام. ..وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين....
الحنانة........طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلو انت تحاحي في الشُفع ما يلمسو الصبغة....
الحردانة...... دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب.... تطقطق...في اصابعيك.. ومدنقر في الواطــة وداير تراضيها ترجع البيت....... لكن احسن حل لك يا تسكنو مع ناس ابوها...يا تجيب ناس ابوها عندكم ....عشان توفر المشاوير والجري..........
المُدرسة..........اول حاجة دي ما بتقدر تفرق بينك وبين الطلبة...... وحتقعد..... تعيد وتكرر في الكلام مليون مرة..زي برنامج من الامس الفي التلفزيون ....وممكن جدا تسرح وتقول لك فاهم يا شاطر؟

المدبرسة........تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب
المفلسة.........ما دايرة أي شرح
النوامة......... تجي من الشغل نص النهار وزهجان.... تلقاها....تانية المخدة وخاته ايدها تحتها....وتشخر... وريالتها سايله...وحالتها بالبلا.....وتكره اليوم الفكرت انت فيهو في التكاثر........
الحوامة.........طول اليوم فوق كرعيها...في الحلة من بيت لبيت.....وتدخل البيت.. قبال ما انت تجي من الشغل بخمسة دقائق....وتجري تولع النار.......وتطبخ لك القطر قام....واول ما ينتهي الغدا .....تدخل في
سفنجتها....استعداد لرحلة جديدة ......
اللوامة.....دا نوع مزعج جدا.....لو جبت سيرة اخوك ساكت....تفتح فيهو...
الله بيسألني.......سنتنا ديك وقت انت خليتنا بلا قروش وسافرت.... يدخل
ويمرق علينا مدلدل ايدهو...كويس موز ساكت ما بيجي شايلو.......ولو جبت سيرة امك...... هي والله امك دي اصلها ما بتريدني.....من توشفني تزعل والنيران تطلق فيها...وتمد قدومها.....ووليداتي ديل السلام.... يا الله ويا امين
تسلم عليهم......
البوبارة.......دي تحملك فوق طاقتك...تشريك الما بينشري....وجيّت ناس في البيت...تجري علي علبة الدهب...وتتعنكش كلها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب
الكوبارة........ دي تكبر أي موضوع...وتسوي ليهو توم وشمار..... وتقول لك ناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي ...مااااااات ...ماااااااااات........ يسمعوها في الشارع....والمصيبة لو انت كنت نايم وسمعتها..... تقوم مخلوع.....وتمرق من الاوضة لحدي نص الصالة..... .......اما لو كان عندك قلب مرضان....اللحظة ديك....من المهد الي اللحد
الخبّارة...... البي تدور الخبار..... لو في نضم تلقاها سكتت
الشفع....ونهرتهم عشان تسمع.......الجيران مالهم بيهرجو وصوتهم
عالي......ولو كانت بتكوي لك في هدوم.....قطع شك......قميص ولاّ
جلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان......وحرمكم المصون واقفة فاتحة خشمها وتصنت للجيران........
الممحوقة ..............دي ان جبت دكان كامل وختيتو لها في البيت تكملو في
يومين......تصوطو كلو فوق تحت...........لكن ممكن توديها لاصحابك الزعلان منهم لو عندهم مناسبة تطبخ لهم.... عشان....لما المناسبة تنتهي يشحدو وانت تتبسط........
المطلوقة...........واضحة وضوح الشمش
اللايوقة..........دي حكاية تانية.... تمسك في موضوع يحلك منو الجليل
الرحيم......يا...دا ....هوي يا دا..... الليله يا يمة.... طرشت؟...وقدر ما
تطنش هي مصرة.....وممكن تجي جنبك وتخجك.....خجة جامدة عشان تنتبه......
للنقة....
(سجيمان)

ربنا يهديهن

يا أيمو

Quote: ربنا يهديهن

ومالك قايلا كدي
انا حتي أفتركتك عايز تقول
ربنا يهدّهِن!!!

Quote: ولا تقدر تعيش بدونهم النسوان ديل !!!!

دي أكتر حاجة صدقت فيها يا الحِبيِّب...

بس الله يكتِّرِن ويزيدِن ويباركِن...

واللللللللله ياذى اليضرَّهِن... قول آمين...

مودتي... والإقتباس لتأكيد عدم الرضا...


أبو الحســــــــين...

ابو الحسين

Quote: بس الله يكتِّرِن ويزيدِن ويباركِن... واللللللللله ياذى اليضرَّهِن... قول آمين...

عليك الله في زول قاليك رد علي
و أم العيال قاعدة قدامك
كان تخليها تمش
عشان تدينا رايك بصراحة !!

ههههههههههههه
والله بالغت
لكن لما اجيك راجعه واكمل باقي المادخلات لي رد
فتك بي عافيه

فدوي الشريف
تعالي يا بت أمي
انا أصلاً عامل أحتياطاتي
مرفق مع البوست (حجر) وكدة
لزوم فك العارض
آآآآآي تعالي
تجيك ليلة القدر يا أختي

مسابقــة سودانيز اون لاين الكبري!!

ما زمان قيل:
من الرجل؟ أسأل المرأة

وحتى لا أغرّد خارج السرب
أسأل الله أن يهلك نصفهن
وأن يحجب عنهن ليلة القدر

أيمو!!!
لوووووووووول@ الطريفي بمرق النصيحة
لو السيف في رقبتوا
آآآآآآآآآمين يا رب العالمين
أنشاء الله ما تجيهن غير ليلي حسن
دي واحدة جارتنا كدة
كانت من ما تجي خاشة عليكم
بتديك المموجز الاخباري
وحاتك يا غالي
الولية لمن تمرق منكم
ما تخلي زول ما تديه حقوا
كراعا ناشفة تقطع الخميرة من المخبز التركي
صواطا وقوالا
شيالة حال ودقاقة رجال
وناقصة و متباقصة
بررررررررري يا يمة!!!!

شر لا بد منه

التوقيع:
عزابي حر

سليمان

Quote: عزابي حر

طيب يا أخوي ما توقع أتفاقية السلام
واللا خايف تلحق جون قرن؟؟؟؟؟؟

الله يحفظهم ويغطى عليهم ويسترهم ويرحمهم ويسعدهم فمنهم الأم والأخت والأبنه

وكلنا من ارحامهن بس يخففن الحاجات الفوق دى شويه ناس بوبار وشمار

والكلام الحار مع الشكر والتقدير

أخي العزيز حبيب نورة

مودتي

الله يجازيك موتني من الضحك أنا قايلاك زول مسكين وحانة على قعدتك حفيان لكن طلعت تفتيحة جد .. بوست

ظريف جدا وفعلا النسوان يحيرن المابحتار ويعقدن المابتقعد .

عواطف
نعلك شديدة

Quote: قايلاك زول مسكين وحانة على قعدتك حفيان لكن طلعت تفتيحة جد

أنتي قايلا المخليني ماشي حفيان شنو؟؟
انا حفيت لمن حبّيت ... ولمن حبيت
لو ما أبوي أبي انا كان جناي حبي
عارفة !!
دة الجميل الوحيد الحافظوا لي أبوي
في ظل سياساتو الحكيمة في الزمن داك
بركة يايابا الأبيت
هسة انا كان حبيت
ومسكني ليك شلل أنطراري!!

الحارث أخوي
يا أخوي متين أنضميت لي محور الشر!!
انا من قبيل خايف يجيني واحد معارضة
ويزكرني أيام اليسار
يا ستار علي يا ستار
اها يا اللخو أنشاء الله تبقي عضو فخري
في اللجنة التنفيذية لأتحاد المرأة السودانية

In short
باختصار

So simple, yet so complex
بسيطات , ومعقدات

So weak, yet so powerful
ضعيفات, لكنهن قويات

So confusing, yet so desirable
يكرهوك الدنيا زاتة لكن محبوبات

حبيب نوره
ههههههههههههههه

شيل شيلتك

الجنس اللطيف حيطلعك ظلامي ومعقد

تحياتي

أبو عثمان

Quote: شيل شيلتك الجنس اللطيف حيطلعك ظلامي ومعقد

أشيل شيلتي ؟؟!!
اشيل شيلتي أمشي بيها وين؟؟
انا ياود أمي يشيلوني الاربعة
يا أخوي ظلامي ظلامي
وكمان وداعاً ياظلام الهم
آل شيل شيلتك آل
مش كفاية شيل حال ودق طار ؟؟
عارف زكرتني الولية التومة لمن تجيك من دغش الرحمن
بي عيونا الاربعة ديل
وقسماً يدخلني الجنة انا من أشوفا تمسكني ام هلا هلا
الولية من ما تفتح خشما تشبكني ليك
أها يا ود أمي البنية دي ما خلاس فارت وعارت
بعد دة ما تسوق أهلك و تمشوا تعقدوا عليها
اها الشيلة لازم تكون تسعة تسعة
ود البتول ما أحسن منك
البنية فارت؟؟ البنية أريتا كان طارت وبارت

أجي يا شيل شيلتك؟؟!!!!!!

انا بضيف بعض النمازج من النسوان
ربنا يقطع عيشتهم ديل
المرة المعكوسة و المرة الجاسوسة
المرة المعكوسة أم ساقاً نحيف و خشماً خفيف
دي اول ما تخش عليك
وحاة الله التلاجة تعدم نفاخ النار
ومحل ما تقبل ما بتجيب معاها غير الفقر والعكس
وحاة الله لو أبوك البنك العثماني ودكان اليماني
زي ما بتقول حبوبة
تخش عليك بالساحق والماحق والبلا المتلاحق
تصبح الصباح معلم الله
علي اليمين حق السكر والشاي ما تلم فيه

اما بخسوس المرة الجاسوسة
دي من ما تدق باب بيتك
تقول وووووب علي الليلة الجاكم منو؟
باقي شايفة لي دم فوق خشم الباب
أنتو ضبحتوا واللا شنو؟؟
سجم خشمي متين جبتوا التلاجة
الخلاء علي الديقتال
يا بت أمي طقم الملايات دة جبتوا من خجيجة الدلاية؟؟
وتقعد فضلة خيركم يدوها الموية
وقزازة البارد وتشرب الشاي و تقطع قطيعة السواد في القهوة
وبعد ما تمرق منك
وكيلك الله الديانة ينقروا بابك
سيد اللبن بي جيهة
وست الصندوق بي جيهة
ودة كلو من النجيهة
الله يقطع طاريها

مسابقــة سودانيز اون لاين الكبري!!

العنوان زي تقول حرفتو ..وبدايتو كانت..الرجال..

تماضر الخنساء
علي اليمين
انا لو مارأفةً بيكم
كان عملت عمايل
بس قلت برضو السترة واجبة
دة ربنا آل رفقاً بالقوارير
التقول القوارير دي فيها ريحة بت السودان
ما علينا
رفقــاً رفقـــاً !!!

وهاكم النموزج البسيط دة
المرة المطلوقة و المرة اللايوقة
المرة المطلقوة من صباح الرحمن و قبال ما تلبس الشفع وتسوي ليهم
الشاي بتلقاها مرقت الحلة تكوس المحن
والله لو سمعت ليها عرس في بحر أبيض
الساعة التحوم ليك الحلة كايس شدة التياب
تحلف تقول العريس دة ود أمها و أبوها
ولو سمعت ساكت في نشرة ستة خبر وفاة
علي اليمين لو شفتها تسكلب وتجقلب
تفتكر انو أبو عيالا هو الانقرض
ودة كلو عشان تمرق و تشم الهواء
الأنطلاقة دي نصيبة كبيرة
نسوان الزمن دة الا يديهن العافيةبحبن الانطلاقة
ولمن تسعلهن يقولن ليك دي زيارات تفقدية
في أطار ما يسمي بالأنفتاح الخارجي

والمرة اللايوقة
دي هي أساساً بتكون عارفة ماهيتك كم
عشان هي اول الشهر بتكون واقفة معاك جمب الصراف
تقول الصراف الآلي يايابة
وكمان عارفة ديونك كم عند سيد البيت وسيد اللبن وسيد الدكان
وسيد أحمد بتاع الخدار
وبعد دة كلو لو ربنا قدّرك و وداك السوق معاها
انت كان وديتها جمب سوق الدهب و دكان التياب
تكون انت الغلطان وهي حاشاها اللوم
والله لو ما دقيت سدرك و أشتريت ليها أنشاء الله خاتم جنيه
حرّم تشيل حالك علي مستوي عالمي
وما تخلي ليك جبنة ما تشربها بيك!!!

استوصـــي ببنات المنبر خيرا يا حبيب نورة



بث ممكن ع الخفيف



___

سلم لي ع نورة

منعم

عبد المنعم
يا أخوي خلاس الجماعة أستقطبوك!
شيل شيلتك كان كدي
والله معاك يا مان

الاخ حبيب ..سلام
مالك يااخوي داخل شمال تقيل كده؟؟
بس عافية منها الوصلتك للحاله دي ..لانه هجومك الكثيف ده
ما براه..اكيد ليه سبب..بس خلي روحك رياضيه.
اميره

أميرة الحبر
مالك عايزة تخليني أتخاصم العتباني
و أبطل أقرأ الرأي العام
بس أوعك تعملي منها قضية
لكن ممكن تديني البوليصة
وانا متعهد بتخليص العفش علي نفقتي الخاصة
وحاة الله أوصولو ليك الاستقبال زاتو

بتوقــيع عدو المـرأة !

complex


really

sure

حبيب نوره
سـلامات
الله يجازى محنك
آهـا أنا برد ليك وبكامل قواى العقلية وبطوعى وبدون ضغـوط محلية ولا أجنبية مش زى أخوى ودالحسين

Quote: بس الله يكتِّرِن ويزيدِن ويباركِن... واللللللللله ياذى اليضرَّهِن... قول آمين...

معاك ألف حق وليكن شعارنا الحرية للعزابة فقط
دحــين ياأخوى الكلام دابينـطـبق على نـوره ؟؟؟؟؟؟
فتك بعافية

يسري أزيك
عامل كيف يا مان!!

Quote: معاك ألف حق وليكن شعارنا الحرية للعزابة فقط

لحدي هنا نحن كويسين

Quote: دحــين ياأخوى الكلام دابينـطـبق على نـوره ؟؟؟؟؟؟

عليك الله هسة في داعي للأسئلة التعسفية دي؟؟
يا أخوي اول حاجة انت زميلي يعني حالتنا واحدة
ف المفروض تكون قلوبنا علي بعض
ياخي مافي داعي لأثارة الخلاف الطائفي في الوقت الراهن دة
واللا أنتوا عايزين جنازة تشبعوا فيها لطم وخلاس؟؟

مسابقــة سودانيز اون لاين الكبري!!


again


مسابقــة سودانيز اون لاين الكبري!!

Quote: والمرة اللايوقة دي هي أساساً بتكون عارفة ماهيتك كم عشان هي اول الشهر بتكون واقفة معاك جمب الصراف تقول الصراف الآلي يايابة وكمان عارفة ديونك كم عند سيد البيت وسيد اللبن وسيد الدكان وسيد أحمد بتاع الخدار وبعد دة كلو لو ربنا قدّرك و وداك السوق معاها انت كان وديتها جمب سوق الدهب و دكان التياب تكون انت الغلطان وهي حاشاها اللوم والله لو ما دقيت سدرك و أشتريت ليها أنشاء الله خاتم جنيه حرّم تشيل حالك علي مستوي عالمي وما تخلي ليك جبنة ما تشربها بيك!!!

للمتزوجون فقط!!

كمال عوض

Quote: للمتزوجون فقط!!

لا وحاتك يا غالي
دة للعزابة مخصوص
عشان ما يجي واحد يقول ما عارف
المتزوجين ديل ما خلاس
البقت بقت يا كيمو
قلنا نلحق ال لسة في البر!!

واحدة جارتنا كانت نفسـاء
انا طبعاً ما بخش لي مرة نفسـاء خالص
ما بدخلني الا الشديد القوي !! و في الحالة دي الشديد القوي يكون السماية
أها قمت مشيت أرضاءاً لرغبة واحد من الاصدقاء
اها كعادة السودانيين في الحالات دي
في عرف معمول به بسموهو ( حق اللبن )!
تحت المخدة وانت مارق وما تنسي تشيل بوسة من الجني
وتصلي علي النبي
يعني القصة عادية ومافيها شيتـاّ غلت
اها يا أخواننا معاكم سلامة
يا صلاة النبي فوقك
والشافع يشبه اليابة و التابة
أممممم أحححح
و بي حركة مدروسة تحت المخدة
طوالي ختيت حق اللبن

الولية قومي أتفصمي فيني
تديني حق اللبن انا مالي جعانة واللا عطشانة؟؟
مالي ما برضـِّع واللا ما بجدّع
انا وحاتك يا الغبيان غابة و باقي الناس حطابة!!
انا مالي شطري ناشف واللا حالي كاشف ؟؟؟!!!
يا بت أمي هسة دة كلو الجابو شنو كان سعلوك؟
وحاة الملح والملاح لو ما خجيجة الداية كانت الولية لسة تنبح فوقي
مرقت ومن ديك قطعت ليك فاتورة الحليب
وكرهت ليك حلة كوكو و الطازا و البيست
وهولندا زاااااااااااتة شميتها!!

آل حق اللبن آل

............!!!!

حبيب نوره انا كلمت على فى بوست ابقرش وصيد التماسيح
قت ليه كلام ممكن ترجع ليه لانك انت تتداخلت فيه ده كان
راى فيك0
اما بالنسبه لموضوعك انت محق فى كل كلامك القتو
والله الحريم لابعجبن العجب ولا الصيام فى شباط التانى
انا اشد من ازرك وربنا يقويك بس البس نعلاتك0
ولا واقولك خليك كده احسن0
طبعا انا مرتى عضو فى المنبر لكن ده راى
مانى خايف منها 0 مش منبر بكرى ده منبر من لامنبر له0

خالد المحرب
سلامات
ياخي مشيت ليك بيهناك
قدر ما فتشت ما لقيت العفش
قلت يا ربي رحلوهو؟
غايتوا الله يستر
وشكراً ليك كتير

Quote: If you talk, she wants you to listen لو أتكلمت دايرك تسمع بس!!! If you listen, she wants you to talk لو كانت تستمع دايراك تتكلم للصباح!

لووووووووووووولوز
عجيب يا حبيب..
ترجمتك دي انيس عبيد ما بجيب زيها

Quote: النســوان ديل !! ربنا ينتقم منهن!!

ابو نورة
الهي العظيم، يطبق قاعدته الرائعة ويجعل نصيبكم ضعف نصيبنا..
امين

حليمة
عارفك مريم الشجاعة
لكن شن جاب لجاب!!

غايتوا مخيرااااات

نحن برررررررررة

دكين
أسكت ساهي
أنيس عبيد شنو وترانسليشن شنو
دة معهد حبيب نورة للغات
مفيش أجمل من كدة

Quote: لو غرت عليها من الهواء الطاير تقول انت زودتها شوية If you don't, she thinks you do not love her لو ما غرت عليها بتقول ما بتحبها وما شغال بيها كلو كلو!! If you are a minute late, she complains it's hard towait لو مشيت الدكان و أتأخرت دقيقة تحاسبك عليها حساب منكر ونكير وتديك محاضرة في أدب الألتزام بالوقت والزمن If she is late, she says that's a girl's way ولو أتأخرت هي بتقول ليك دي أمور نسوان ما تتدخل فيها!!

بعد ده كلوا .. والله برضوا لذيذات .. الله لا يحرمنا منهن
أحسن ليك ألبس نعلاتك وأمشي صالح نورة..

حبيب نورة

تحياتي

والله كنت قايلك شحاد لكن طلعت رجل عبقري وعظيم , بس عندي سؤال ؟ انت ما عندك بيت

انا من ما جيت البورد ده وانت قاعد في ا مالك ؟ اللهم اجعله خير , ما شايف

أخوك قاشر كيف أخر قمصان وكرفتات 0

خلف الله
البركة في الحوش دة
لمانا ما شوية
وما قصر معانا
والبركة يا أخوي الما لقيتني جمب الجامع الكبير
علي فكرة
شكرا علي المرور

عادل جبارة
مرقت علي المطر حفيـــان و ناديتك
أقيفي معــاي نشيل كتف الغـنا الميّل
ونتخيــــــّل
حلم دونك بيتحقق
وقبلك خيل دماي واقفة
علي شريــاني تتشهـّق

brb

حبيب نورة .....؟؟؟؟؟؟؟

ده كله عن النسوان لا اله الا الله وبعد ده كله

بتحفوا وراهن وبتعرسوهن

سلمي بت صبحي

Quote: وبعد ده كله بتحفوا وراهن وبتعرسوهن

وحاتك يا غالية
ولا شغالين بيهن الشغلة
وكلوكلو مافي زولن ضارب في نمرتن!!


أفوووووووو.....!

حبيب نورة (نورة ده موش اسم بنت برضو؟)

طيب
لو بقينا واضحات
وبسيطات
وتفكيرنا خط واحد
وبحنب الكورة
ونقيل بعد الغدا
وعقلنا كبير
وقلبونا زي الأطفال
ما خلاص...
حنبقى رجال!!

كندي شوفوا حياتكم من غيرنا؟

حيرتكم فينا هي اللي بتخلي للدنيا طعم

Quote: كدي شوفوا حياتكم من غيرنا؟

حياتي من غيرك زلطة

دكين

يا زول ها!!

واصل مسير!

عزاز شامي
نورة دي بنوتة
لكن برضو كلامي لسة في محلو
يا بت الحلال ما هي زعلة
و بتنتهي
كدي نشوف رأي باقي الاخوات!

اها رجعت ليكم

الخواجة الشايقي الذي جاء ليثأر من نساء الشايقية!! (ملحمة)

مصطفي محمود

أشهد أن لا أمرأه إلا أنت

Quote: حيرتكم فينا هي اللي بتخلي للدنيا طعم

ليه حيرة من طرف واحد .. مالرجال البحيرو جد ...اها النسوان سون والنسوان قالن والمراة ..الخ وكل بلاوي الدنيا عندهم النسوان سونها بس الواحد زيما ولدوه ما عندو اي ذنب ولا عمل مصيبة سودة اخر براءة .... ولو واحدة بس وقعت في عينو "الله يرحمك يا بوث ديو يعني كيف حاجة كبيرة تقع في العين الصغيرونة دي " تلقاهو بتلصص يعاين ليها من تحت لفوق .. ما قت هن سبب المصايب اها بتعاين ليهن ليه ...
يا جماعة المعادلة بسيطة طرفيين محتاجيين لبعض خالص خالص .. بس شوفوها من ناحية مصلحة وحتلقو انو شراكة متعادلة مريحة Win Win Partnership ...جربو وجربن (بس ما تجربن مغصوبات ولا كارهات باختياركن )...

أبوبكر

برضو ممكن نلمح متناغضة بيمنديس جواة الطرح دة
كل المحامين كذابين!
وانا محامي
هل انا صادق في هذه العبارة ام كاذب!!!

ما اجملك .... جنك ريدة

تولوس


مشتاقين يا مان

وينك!!!!


ساعلين منك والله
ولو أمكن رسل لي عنوان الموقع بتاع كسلا

حبيب نورة سلامات يا Man

Quote: لو ما أبوي أبي انا كان جناي حبي

شكيت محنك ..
مجنون واحد..

واصل

عوض حمزة

عوض حمزة
مالك علي يا زول

أرجوك أرجوك أعفيني انا الفيني مكفيني أرجوك أرجوك!!

Kaifak ya Habeeb!

Brand new here and really amazed by all this (Craziness!)
Unfortunately I will be writing in English for sometime, as I try to sort things
.I’m sure I will need your services with translation!. Very impressed by how you phrase things.


In fact is it ok if I bring you a song in English to translate to Arabic? (Just wondered if you
would help. (I wanted to surprise someone

جميل يا مروان

شكرن جزيلن

Quote: wanted to surprise someone

وانا في أنتظار مفاجآتك يا جميل

ربنا يديك العافية

نســاء مسترجلات!! يعني دي آخر التطورات!!