يا مـوصـلي ... عليك الله لحـِّن لي القصيدة دي!

ما أختبار عشان أنا واثق من أمكانياتك
لكن حوجة واحد لي شرف اللقيا


قمـيرةً بتطلع طعـومة و رحـيق!

بكـتـِّف شهيقــك خطـــــــــــــاوي الزفــير

وبطـلع صبـاحــــــــــك بقدرِ أنبهـــــــارك

بطعــم البريــــــــــق

قمـــــيرةً بتطـلع طـعـومــــــة و رحـــيق

تحــوم في المجــرّة

يصيب النجـــوم البليغـــــــــــة السكـــــــات

تجــرتـق حروف الكــلام واللغـــات

وتبعث وتحــيي الدياجـــــــــي المـوات



عيونك تصــالح .. مطيرة و حريــــق

تعالي بتغادر دموعنـــا العيون

ويرحـــل عزاب الحفــــــــــاة العراة
* * * * * * * * * * * *
حدودك تمـاس المعاني العصيـــــــّة

سكاتك هتافك

غيابك حضور الغنيوات النديـــّة

وتصدح تغنـــــِّي البنيـــــّة النبِيــــــــّة

ملامح نشيدك .. و أحلام نشيدة

تعــــــــالي بتقـيد في الدياجـــي القصــيدة

و فوتــي بتقـرِّب خواطر بعيـدة

و يسرق جليدك ملامــــح الحــريق

وتبقي الطـريق !
* * * * * * * * * * *



نديــّات عيونك نداوة الفصــول

وحتّي الفصول.. شروقـن أفول

وكت تابي لينا المطيرة الهطــول

و يقصــد غمامك سماياً سحيق

و يطلق زفيرك سراح الشهــيق

و أكون زي مرافي بعيدة منال

تداعب تدغـدغ خواطــر الغريق

لا حول
حرم كان مالحقت هسع يقوم حمزه سليمان يخطفها
زي ما مصطفى خطف مني
1- البت الحديقه
2-على بابك نهارات الصبر واقفات

يديك العافيه ياحبيب نوره

Done

عاد الليلة انا ما ساعل في زول
ح أضطر أغيرحتي مشيتي
الموصلي بي جلالة قدروا!!
لا دة كلام كبير والله
لكن ألحق
ما بخليك والله
بعمل ليك وجع وش مستديم
ووعد الحر دين عليه
وانا كمان نفسي أديك شغل كتير
بس صراحة كنت مستحي شوية
قلت معقول استاذ يوسف يفضي لي انا؟
أتاريك السماحة كلها
والذوق والانسانية
يعني شوية بكش لزوم المسارعة في أتخاذ الاجراءات الموسيقية وكدة
ياخي انشاء الله تسلم يا رب!!

حبيبة نورة وحبيب الكل:
تعرف شوييييييييية كده وكان ركّبت ليك فيها لحن أغنية الراحل مصطفى سيد احمد وجمال حسن سعيد " أظنك عرفتي "
بس جلّت بي بونت

عمر الفاروق
ياخي شكرن جزيلن
انا كنت خايف يجي واحد يركب لي فيها لحن الكنداكة
سيري سيري الاراكـا
لكن طالما ذوقك رفيع قدر دة
انا بتوقع كمان أستاذ يوسف يكون فهموا للكلام دة
أعلي علييين
في زمن الحروف السافلين
وتسلم تاني
مرسي أوي

فوق

سن رايس
يرفعوك وليداتك
قول آآآآمين

أها ياعمر خلصت عرس صاحبك وجيت
نعم نفس الجرس ولكن اسلوب المفردات والفكرة مختلفتان
حبيب نوره
أقترح

غيابك حضور الغنيوه النديـــّة
أو
غيابك حضور الغنيوات نديـــّة
بدلا عن
===========================
غيابك حضور الغنيوات النديـــّة

=========
مع حبي

جداً يا موصلي
أقتراحك مرفوض بي شدّة!!
ياخي انت عايز ليك شورة
القصيدة قصيدتك
والكلام كلامك
والنغم نغمك
والطعم طعمك
حتي السكر زايد شوية

Quote: غيابك حضور الغنيوات النديـــّة وتصدح تغنـــــِّي البنيـــــّة النبِيــــــــّة ملامح نشيدك .. و أحلام نشيدة تعــــــــالي بتقـيد في الدياجـــي القصــيدة

يااااااااااااااااااه انت وين من زمان
افصح ابن اوضح سنتظر الجديد اذن مبروك يا موصلى¨
لك كل الورود يا حبيب نورة

حاج التـاهر
انت الوينك؟؟
بركة الجيت جيّة زمان الفرحة لي ناساً حزاني
شرفتنا والله يا غالي
تسلم تسلم كتير .....!!
ومرفق بعضي وكلي!

حبيب نوره

لا تقليل من الموصلى ، ولكن القصيده براها ملحنه

يعني -ورغم موهبتي الفقيره وشتارتي- الا انني اكاد اسمع لحنها في اذني

القصيدة جميلة وبها نفس (سريع) جميل ، طبعا اخوك لا فكرة له في النقد ولا التذوق لهذا اعزرني

اعود اقول بان القصيده بها سرعه محببه في الايقاع . اكتب عليك الله ، فانا اصاب بالحزن عندما اري موهبة سودانيه يغطيها الكسل او عدم الاهتمام .

يا حبيب ابشر بعهد جديد
شكرا للموصلي ولكل فنان باحث عن الجمال

تولوس
كلامي ليك لسة ف محلو
منتهي الفراش أحساس الزول القاش!

ربنا يعليك و يغطيك و ينجيك ويخليك ومحل ماك عايز يوديك


اشوفك حلم
عشم ممدود قدح كسرررررة
حلم بنوتة بالستررررررة
كلام ناساً حنان بالحيل

ولي قدام...!

رقم صـفر
وينك يا حنييييييييييين؟؟
ياخي غيابك طال والله
ومع ذلك ومع ذلك
بتفضل أكبر و أهم صفر عرفتوا في حياتي
يكفي أنك تكون يمين الشوق!!
عشان يكبر يفيض
خليك بس زي الجمـًر
الديمة زايد في الوميض
شكرن جزيلن ياخ
أخجلت تواضعنا
والله دة بس من ذوقك و أصالتك

رقم صفر والله كلامك صاح قصيده زي النار
تولوس تسلم ومابتقصر

حبيب نوره حرم ضكران تب وود بلد

تسلم يا استاذ يوسف
وانا في الانتظـــار

Quote: حدودك تمـاس المعاني العصيـــــــّة سكاتك هتافك غيابك حضور الغنيوات النديـــّة وتصدح تغنـــــِّي البنيـــــّة النبِيــــــــّة ملامح نشيدك .. و أحلام نشيدة تعــــــــالي بتقـيد في الدياجـــي القصــيدة و فوتــي بتقـرِّب خواطر بعيـدة و يسرق جليدك ملامــــح الحــريق

وتبقي الطـريق !


يااااااااااااااااااا ه يا حول الله
يا زول انت من زمان وين دا كلام عجيب والله
ليك التحية

حبيب الحبيب

الله لا كسبك
يا اخي ان من الابداع ماقتل

الصلاة على النبى

رحيم سوداني الحبيب

Quote: الله لا كسبك

الله لا كسّبك أت دة!!
دة كلو عشان نحيا من قديم
لو قلت ليك نحيا من جديد
بكون ظلمتك
عشان الجميل كلو في أمبارح
بكرة بقت شعارات في رؤوس الساسة الأغبياء
عشان يحشوا بيها كروش الصناديق الانتخابية

وتسلم من قديم!!!!!!!!!!!

حاج التاهـر
دي خارطة الدروب السندسية!!
تعال معاك البنية النبيـّة
وانا متبني من هسة القضية




راجيك ميلاد جديد
وشهادة تسنين للفرح القادم

حبيب نورة
القومة ليك

ما قايلك فقري قدر دا

استاذنا الموصلي
لقيتك افقر منو

الشطرة الاقترحت تغييرها وزنها مختل شويييييية

وأثني اقتراحك الأول لتصبح ( غيابك حضور الغنيوة النديـــّة)

تحياتي

سنجـاوي
أهو دة الكلام الصاح
الجايي ملفوف بي أقتراح
شان تشفي في القول الجراح

معقولة يا سنجاوي قدر دة!!

ياخي خاف من الله..........!

تسلم يا سيد الذوق
والاقتراح محوّل لجهات الاختصاص

done

سنجاوي والله حبيب نوره ده أنا متابع شعرو تحديدا
وكنت مكسوف اصارحو بالعلي أها قام براهو فكَ خجلتي
لك الود

حبيبنا
و تاج راسنا
أها!!!

عندي ليه هدية خصوصية
برسلها ليك فجأةً كدي
لكن البوليصة عليك


أها!!!

هيع انا ابوك ياهديل
تسلم

أبشر يا أبو هديل
أبشر بالخير !!!

يا مافيشة و ساكنة عوالم في وجداني
يا رويانة نداوة و ألفة
يا مليانة قصيد و أغاني

أبعدي مني بتبقي قريبة
زيدي في هجرك ياكي حبيبة
كوني الشوق الامل الطيبة
جرحني بعادك
ورغم عنادك
أنتي سنيني و عمري التاني
يا مافيشة و يا ساكناني

أها أكمل!!؟؟!!

تزكار من الساكن ديمة معاني غناي
الغايب الحاضر معتز تروتسكي

๑۩۞۩๑لايوقه انتي ولا الحنين ... ابنوسه يا سمرا وغلط๑۩۞۩๑

ما تقيفي في نٌص الطريق
واصلي المشي
ما تخافي شي
ما تقولي جيت عابر سبيل
انا كل شي
خليكي محتفظه بوضوك
ارجيني ما تقيمي الصلاه
جيتك مستف بالنزيف
شقيان وحالتي مبهدله
جرحي القديم انا لسه حي
خطواتي جات متوسله
أديني بس حق الفطور
ما تخلي بينك وبيني سور
انا روحي فيك
شوفيني في خطوة مشيك
اوعِك تجيني تقولي لي
انا مالي بيك ؟
ونسيتي كل البينا كان
احلام زمان
يوم جيتي في نصة نهار
غنيتي ذي شدو الكنار
مش قلتي لي :
يا انتظار.....
تلقيني وين عجبتني فيك ..!
في اللحظه ديكِ حلمت بيك
انك معاي
وتري وغناي
عمري اللجاي
ونسيت اساي
وحلمت بي اطفال كتار
شايلين ملامح جنتك
راسمين مداين للفرح
حافظين مقاطع غنيتك
يا دنيتك
يا منيتك
ودخلت ضيف في ملتِك
سجلت اسمي مع الحضور
والدنيا كانت فصل صيف
وكان الحضور
نفرين وبس !
انا والزمن
وانا كنت فيك تلميذ نجيب
مستني يفهم حصتِك
استني يا استاذه دي
ما فهمتها ...!
ما مشكله ...!
بقراها في درس العصُر
دقيتي لي جرس البيوت
انا امشي وين ؟؟؟
لو كنتي يونس ببقي حوت
لو كنتي شاهد ببقي موت
ياوجعي من الم النزيف
بنياني لسع ما اكتمل
جرحي البينزف ما اندمل
حيجيني كيف فصل الخريف
سبتيني أسأل في الحروف
لمتين وامكن وكيف وهل
تقلعني قبال ما تصل
يا سكة العمر البخيل
ياطيف جميل زارني ورحل
حبك صروح
بعدك بزيد فيني الجروح
بسأذنك
يفضل معاي
يكتب عناي
يسكن غناي
وينتشي
وما جيت عليك عابر سبيل
انا كل شي

تتطوع لك الاحرف فتصير الياء والالف والهمزه تعني كل الحروف وتلخص كل الكلمات المفرحه
ماتبقى من النبض يهتف بك
الخطاوي الفيني منك .. ومشتهنك
ياموعود بي فرحك باكر
وشايل ريدك جوه الخاطر
شفتك نجمه
وهجك نور ليل العتمه
ضحكك فرحه
صوتك خلي الناس منشرحه
وانا من شفتك..
كان اِحساس جوايا بيجري
كان احساس بين دهشه وفرحه
دهشه لاني لقيت جواكي
نفس الصوت الكان جوايا
ودهشه لاني لقيتك صدفه!
وفعلا كان ميعادك صدفه!
كنتي بتعبري شارع فيني
شارع كان ساكناهو الحسره !
وكل الكان بيمر بالشارع
ما بيخلي معاي غير ذكره
وجيتي مليتي الشارع روعه
بهجه ونور
حب وسرور
وانا موعود بي فرحك باكر
وشايل ريدك جوه الخاطر

ربنا يرد غربتوا و يرجعوا لينا بالسلامة

يا موصلي
شوووف دي كمان

حتــــّة منك

ســاعة مخــاض وهجك ... شمش

وأنا بين نصـاصـي الليل

وحـــتّة من ضــي الصبــاح حـالف أمِش!

راجيــكي قابض علي الجمر الما بنهبـِش

جـاييكـي بي سكــة الوعد الما بِطِــش!!


**********************

حتـــة منك .... فِجـــّة جوة الشوق

النبضــو أنت

حتـــة جــواي ....برّة شلعــت لمـّا بِنت

ضلمـــة سطعــت في حضــورك و لمــّا غِبت

يا مطــرة بلّت ريق نشـافنا بادية تهطل حـتة حتــّة

************************

حتــة منك سـاكّة كُلـِّي داقــّة وتر الكون نغــم

تمسح قسـاوة اللحظـة فال تلغــي أيي أحساس بالألم

حتــة تنثـال في عروقــي مازجـت روحين و دم

حتـــة منك تعـتريـني غـنيــة و أنشــودة و طعــم

حبيب نورة ازيك ..
رسلت ليك رسالة في الماسنجر قريتها ؟
تحياتي
ناصر الحاج

ناصر الحاج
تسلم يا سيدي
لكن مشيت لقيت المسينجر خلا
رسل العفش من جديد

بيب نوره واصل
ونحن مابنشبع من هذا الجمال
وعاشت الالفة بين أحاسيسي
وشعرك

يا موصلي
عايزنوا تآلف للبعيد

وبرضو راجيك انا

Quote: يا مافيشة و ساكنة عوالم في وجداني يا رويانة نداوة و ألفة يا مليانة قصيد و أغاني أبعدي مني بتبقي قريبة زيدي في هجرك ياكي حبيبة كوني الشوق الامل الطيبة جرحني بعادك ورغم عنادك أنتي سنيني و عمري التاني يا مافيشة و يا ساكناني

وينو الباقي
عموما لو ماتمت كده تمام الفكره جمبله وواصحه

حبيب نوره
يا رفيق دورى الدرجة التانيه (بأقلام القراء) .. فاكر زميلتنا (جودى) .. ح انزل ليك قصيدتها .. غايتو يا حبيب لو مسكت فى الشعر وخليت (الكورة) ح نقيف ليك انتباه لابسين (الأزرق) الجميل .. بس ما تجينا لابس أحمر و(تبوظ) جمال اللحظه !!


قال

خضر عطا المنان

قال !!!!

تـاج الســر
وينك يا راجل!!
بركة الجيتني بيجاي
بعيداً عن هلاريخــية بغيضة لا تفتــأ تفتعل في نفوسنا الفعل القبيح!!
وانا طوعــاً سأتنازل عن الدخل لصالح الفرح القادم
وخلينا نعيد تأســيس الأنســـان من تاني
وما تبقي أنانــي
لو ليك الشوق في يوم ودّاني !!
ــــــــ
علي فكرة
كنت عايز أجيك موشّح بي الأحمر
لزوم الفلنتاين وكدة
لكن خفت أخرب مزاجك
وتفتكرها حلبة مصارعة ثيران أسباني!
علي العموم الأزررررررررررق بررررضو حيفضل أنيق
وانا ح أجيك المرة الجاية بي علبة ألواني
و أرسم في كرويات دمي الحمراء
النيل الأزرق .... وهلال زرقــــان!!!!
ما كلو أزرق في أزرق!!!!!!!!!!

أستاذ يوسف
الكلام دة لساتو جنين
وانت الحبل السري!!
يا أما ح تسمع صرخة الميلاد
و بالتالي خروف السماية وهكذا
وأما ....!!

علي فكرة أما الأخيرة دي لسة ما خشت قاموسي
طالما كنت بتعامل معاك!!!!

يا مافيشة و ساكنة عوالم في وجداني
يا رويانة نداوة و ألفة
يا مليانة قصيد و أغاني

أبعدي مني بتبقي قريبة
زيدي في هجرك ياكي حبيبة
كوني الشوق الامل الطيبة
جرحني بعادك
ورغم عنادك
أنتي سنيني و عمري التاني
يا مافيشة و يا ساكناني
=======================
تعرف ياحبيب نوره انا مقتنع تماما بانك مزود
بذخيره كبيرة من المفردات والتفاصيل
لكن في وجهة نظري
دي قصيده كااااااااامله مامحتاجه لي اي تفاصيل
كدي أقراها تاني حتلقى الجنين ديناصور

Quote: لو كنتي يونس ببقي حوت لو كنتي شاهد ببقي موت ياوجعي من الم النزيف بنياني لسع ما اكتمل جرحي البينزف ما اندمل حيجيني كيف فصل الخريف سبتيني أسأل في الحروف لمتين وامكن وكيف وهل تقلعني قبال ما تصل يا سكة العمر البخيل ياطيف جميل زارني ورحل

ياسلام ياحبيب نوره
دى مادايره درس عصر
يازول ات رايع نحن متابعين لهذا الدر النفيس

خالد المحرب
حرّم انت راجل ذوق
دة شنو الفهم دة يا أخوي!
وجيدأ جيت يا البخيت!!

Quote: مادايره درس عصر

والله الما دايرة درس عصر
ريدتك الهردت مصاريني !

يا موصلي

Quote: كدي أقراها تاني حتلقى الجنين ديناصور

وعلشان خاطرك
انا عملت ليها أضافات شوية
و ح أنزلا ليك كلها بعد شوية
بس ما تتكلم معاي لمدة كباية
شاي حمراء
وسجارة
بين قوسين لايهم اللون!!

أستاذنا الموسيقار موصلي
وحبيبنا كلنا ناصر الحاج
وخالد المحيرب
وكل الحلوين الطاعمين

أها انا كملت القصيدة
و أدونا رأيكم لنشوف!!

يا مافيشـــــة!!
يا مافيشة و ساكنة عوالم في وجداني
يا رويانة نداوة و ألفة
يا مليانة قصيد و أغاني

أبعدي مني بتبقي قريبة
زيدي في هجرك ياكي حبيبة
كوني الشوق الامل الطيبة
جرحني بعادك
ورغم عنادك
أنتي سنيني و عمري التاني
يا مافيشة و يا ساكناني
*****************

فكـِّي قيود البسمـــة .. النسمــة
خلي غرورك .. يسطع نورك
يملآ الدنيــا شعـاع النجمـــــة
حاولي تجـيبي الفـال من تـاني
حاسِّـي حنيـنك شكـلو نســــاني

*****************
كـيف الضحـكــة بقت مافيشــة؟
أصـلو العـالم فرحـة نعيشــا!
خلاصــة الدنيـا! حلم و أمـاني
وغيمــة حـنونـة في يوم تغـشاني
يا مافيشــــــــة وما سايبـاني!!

وفي الأنتظـــار علي موقد من الجمــر!!!

Quote: يا مافيشـــــة!! يا مافيشة و ساكنة عوالم في وجداني يا رويانة نداوة و ألفة يا مليانة قصيد و أغاني أبعدي مني بتبقي قريبة زيدي في هجرك ياكي حبيبة كوني الشوق الامل الطيبة جرحني بعادك ورغم عنادك أنتي سنيني و عمري التاني يا مافيشة و يا ساكناني ***************** فكـِّي قيود البسمـــة .. النسمــة خلي غرورك .. يسطع نورك يملآ الدنيــا شعـاع النجمـــــة حاولي تجـيبي الفـال من تـاني حاسِّـي حنيـنك شكـلو نســــاني ***************** كـيف الضحـكــة بقت مافيشــة؟ أصـلو العـالم فرحـة نعيشــا! خلاصــة الدنيـا! حلم و أمـاني وغيمــة حـنونـة في يوم تغـشاني يا مافيشــــــــة وما سايبـاني!!

حبيب نورة ازيك
كلمات حقيقي رقيقة و معبرة .. في انتظار ابداعات الورشة بتاعتكم دي انت و ا ستاذ الموصلي
خالص تحياتي

اوكي يا ناصر
انا لسة منتظرك
انت و أستاذ يوسف

حبيب نورة
والله انت شاعر فحل وشعرك غنا جاهز..
واستاذنا الموصلى شاعر فى إهاب فنان:

Quote: حبيب نوره أقترح غيابك حضور الغنيوه النديـــّة أو غيابك حضور الغنيوات نديـــّة بدلا عن =========================== غيابك حضور الغنيوات النديـــّة

يا سلام..

نورالدين منان

الاستاذ المرهف
الصديق منان
ذوقك له خصوصية وخاصية الاعتبار الشديد
لك الود
-------------------
حبيب نوره
التكملة زي العسل
ونوره بختها

منان

تسلم يا أستاذ منان
والله دة من طيبة أصلك

مشكور يا أستاذ منان
حضورك الشفيف دة براهو بالدنيا
مرسي يا غالي

Quote: ما تقيفي في نٌص الطريق واصلي المشي ما تخافي شي ما تقولي جيت عابر سبيل انا كل شي خليكي محتفظه بوضوك ارجيني ما تقيمي الصلاه جيتك مستف بالنزيف شقيان وحالتي مبهدله جرحي القديم انا لسه حي خطواتي جات متوسله أديني بس حق الفطور ما تخلي بينك وبيني سور انا روحي فيك شوفيني في خطوة مشيك اوعِك تجيني تقولي لي انا مالي بيك ؟ ونسيتي كل البينا كان احلام زمان يوم جيتي في نصة نهار غنيتي ذي شدو الكنار مش قلتي لي : يا انتظار..... تلقيني وين عجبتني فيك ..! في اللحظه ديكِ حلمت بيك انك معاي وتري وغناي عمري اللجاي ونسيت اساي وحلمت بي اطفال كتار شايلين ملامح جنتك راسمين مداين للفرح حافظين مقاطع غنيتك يا دنيتك يا منيتك ودخلت ضيف في ملتِك سجلت اسمي مع الحضور والدنيا كانت فصل صيف وكان الحضور نفرين وبس ! انا والزمن وانا كنت فيك تلميذ نجيب مستني يفهم حصتِك استني يا استاذه دي ما فهمتها ...! ما مشكله ...! بقراها في درس العصُر دقيتي لي جرس البيوت انا امشي وين ؟؟؟ لو كنتي يونس ببقي حوت لو كنتي شاهد ببقي موت ياوجعي من الم النزيف بنياني لسع ما اكتمل جرحي البينزف ما اندمل حيجيني كيف فصل الخريف سبتيني أسأل في الحروف لمتين وامكن وكيف وهل تقلعني قبال ما تصل يا سكة العمر البخيل ياطيف جميل زارني ورحل حبك صروح بعدك بزيد فيني الجروح بسأذنك يفضل معاي يكتب عناي يسكن غناي وينتشي وما جيت عليك عابر سبيل انا كل شي تتطوع لك الاحرف فتصير الياء والالف والهمزه تعني كل الحروف وتلخص كل الكلمات المفرحه ماتبقى من النبض يهتف بك الخطاوي الفيني منك .. ومشتهنك ياموعود بي فرحك باكر وشايل ريدك جوه الخاطر شفتك نجمه وهجك نور ليل العتمه ضحكك فرحه صوتك خلي الناس منشرحه وانا من شفتك.. كان اِحساس جوايا بيجري كان احساس بين دهشه وفرحه دهشه لاني لقيت جواكي نفس الصوت الكان جوايا ودهشه لاني لقيتك صدفه! وفعلا كان ميعادك صدفه! كنتي بتعبري شارع فيني شارع كان ساكناهو الحسره ! وكل الكان بيمر بالشارع ما بيخلي معاي غير ذكره وجيتي مليتي الشارع روعه بهجه ونور حب وسرور وانا موعود بي فرحك باكر وشايل ريدك جوه الخاطر

هسي في ذمتك دا كلام نصاح دا؟

يا موصلي ما تتوصي حبيب نورة دا مشاريع براه لي غناء مصطفي وجديد

نزار حسين
ربنا يديك الفي مرادك
بس الكلام دة ما حقي
انا جبتوا هنا عشان
فيه حاجة مني !!!!

حبيب نورة يا اخي انت راجل فنان و نضميك سمح

امسك في الموصلي شديدو ما تفك الا لمن نسمع اللحن على الموقع

الصادق خليفة
والله زي ما قلت
الزول دة انا ما برحموا نهائياً
بفضل بساكك في أبداعوا
لحدي ما أقلعوا من ود عين أوتارو
عشان كلنا نقعد نساسق في
النغيم الماشي بي حداهو!!!

يا موصلي
والجميع
انا اليومين ديل في حالة كتابة غريبة جداً
رايك شنو في ــ كـدة صعــّبتيهـاــ !!
بجي بكرة بنزلها ليك
بس تكتمل يا حبيب

يا موصلي
والجميع
انا اليومين ديل في حالة كتابة غريبة جداً
رايك شنو في ــ كـدة صعــّبتيهـاــ !!
بجي بكرة بنزلها ليك
بس تكتمل يا حبيب

أستاذ يوسف
وبقية المتابعين
غايتوا كلفتها ليك سرعة سرعة
لكن براجعا مرة تانية
كــدة صعـّبتيهـــا!!


كان تمشيهــا ....
الخطــوة الجرحت خـاطر السكـــة
ما عرفت أنو انا الجايـيهــا
سـاسـاق الروح ما بين طـلاتك!
وبين أنفـاسـاً ما بتغشيهـــــا
ولهفــة شارع ليك مستنِّي
مشحتفــة روحو وقلبوا عليهـــا


************************

كان تستنــِّي
يجيك الشــارع كلو تمنــِّي
تجـرح نفـرح .. نبقي عديل في ملكك
تقسـي بننســي .. و تبكـي نغـنـي
كان تستنّي تقيفي بعيدة
عشـان خـطواتك برضـو يجـنــّي

************************

كِـدة صعّـبتيهـــا
وجـايع الروح النبضك فيهـــــا
أبقي الغيم البشـلع قِبلي
تغسـل منو القمــرة وشيهـــــا
يكون يا أنتي خزلتـي السكـة؟
هي الفضلت راجياكي عشان تمشيهـا
خُتي في بالك أنو السكــــة
حتبكـي حزينة وما تبيعيهــــا

كِـدة صعّـبتيهـــا

كدة صعبتوها!


وين يا ناصر الحاج؟

just a hard waiting 4 another taste of honey

!

يا أبو الشباب


نايم في العسل واللا أيه!

حبيب نورة ازيك .. الصبر الصبر
تحياتي

سمح يا ناصر الحاج

انا ما مستعجل
لكن برفع البوست بي تكتيك أسفيري كدة

نسانا حبيبنا الما منظور ينسانا!!!

والله انت زول اكتر من جميل وشعرك اجمل

مرسي أوي
دة من ذوقك يا موسيقار

والله العظيم يا حبيبنا

ووحياة آمونة

ده شغل بديع بشكل ما عادى

ولا شنو بالله يا موصلى

يا دوبك شفته والله

بس كدى خلى نشوة القراية الأولانية "تفك"

وعندنا نضمى تانى

====
التعديل ده لزوم إنه نسيت سؤال الموصلى، والسلام عليه فى المبدعين

تشكرات يا مطر

تعال لي بعد ما تفك القراية الأولي
وبهمني رأيك كتير يا حبيب

الاغنيه دي حآديها اولويه لانها جاتني ليها فكره اوضحها ليك الان كيف يكون الفورم موسيفيا
===================
مقدمه موسيقية خفيفة
المطلع (البدايه
============
المغني (الموصلي طبعا)
كده صعبتيها
الكورس والجمهور(لييه) يتم تبادلها كذا مره
المغني (النار اطفيها)
الكورس والجمهور(لييه) يتم تبادلها كذا مره
المغني (كده كده كده لا) === الكورس (كده كده كده لا)
لمغني (كده كده كده لا) === الكورس (كده كده كده لا)
المغني(كده لا) الكورس(كده لا) لمغني(كده لا) الكورس(كده لا)
المغني(كده لا) الكورس(كده لا) لمغني(كده لا) الكورس(كده لا)
(كبري موسيقي)

كان تمشيهــا ....
الخطــوة الجرحت خـاطر السكـــة
ما عرفت أنو انا الجايـيهــا
سـاسـاق الروح ما بين طـلاتك!
وبين أنفـاسـاً ما بتغشيهـــــا
ولهفــة شارع ليك مستنِّي
مشحتفــة روحو وقلبوا عليهـــا
************************
المقدمة الاولي
غني (الموصلي طبعا)
كده صعبتيها
الكورس والجمهور(لييه) يتم تبادلها كذا مره
المغني (النار اطفيها)
الكورس والجمهور(لييه) يتم تبادلها كذا مره
المغني (كده كده كده لا) === الكورس (كده كده كده لا)
لمغني (كده كده كده لا) === الكورس (كده كده كده لا)
المغني(كده لا) الكورس(كده لا) لمغني(كده لا) الكورس(كده لا)
المغني(كده لا) الكورس(كده لا) لمغني(كده لا) الكورس(كده لا)
(كبري موسيقي)

************************

كان تستنــِّي
يجيك الشــارع كلو تمنــِّي
تجـرح نفـرح .. نبقي عديل في ملكك
تقسـي بننســي .. و تبكـي نغـنـي
كان تستنّي تقيفي بعيدة
عشـان خـطواتك برضـو يجـنــّي
*******************
المقدمة الاولي
غني (الموصلي طبعا)
كده صعبتيها
الكورس والجمهور(لييه) يتم تبادلها كذا مره
المغني (النار اطفيها)
الكورس والجمهور(لييه) يتم تبادلها كذا مره
المغني (كده كده كده لا) === الكورس (كده كده كده لا)
لمغني (كده كده كده لا) === الكورس (كده كده كده لا)
المغني(كده لا) الكورس(كده لا) لمغني(كده لا) الكورس(كده لا)
المغني(كده لا) الكورس(كده لا) لمغني(كده لا) الكورس(كده لا)
(كبري موسيقي)

************************

كِـدة صعّـبتيهـــا
وجـايع الروح النبضك فيهـــــا
أبقي الغيم البشـلع قِبلي
تغسـل منو القمــرة وشيهـــــا
يكون يا أنتي خزلتـي السكـة؟
هي الفضلت راجياكي عشان تمشيهـا
خُتي في بالك أنو السكــــة
حتبكـي حزينة وما تبيعيهــــا
*******************
المقدمة الاولي
غني (الموصلي طبعا)
كده صعبتيها
الكورس والجمهور(لييه) يتم تبادلها كذا مره
المغني (النار اطفيها)
الكورس والجمهور(لييه) يتم تبادلها كذا مره
المغني (كده كده كده لا) === الكورس (كده كده كده لا)
لمغني (كده كده كده لا) === الكورس (كده كده كده لا)
المغني(كده لا) الكورس(كده لا) لمغني(كده لا) الكورس(كده لا)
المغني(كده لا) الكورس(كده لا) لمغني(كده لا) الكورس(كده لا)
المغني(كده لا) الكورس(كده لا) لمغني(كده لا) الكورس(كده لا)
النهايه بقفله موسيقية حاره
الكورس والفنان مع الاوركسترا
كده لا ---موسيقي====لا
=================

ارجو ان تكون الفكره وقعت ليك ياحبيب نوره عشان تكون اغنيه الجمهور له فيها دور اساسي

======
الحبيب ابا ذر (مطر العشم)
ادينا رآيك ومعاك كل الاحبة طبعا

يا تاج االسر
حبيب نورة زى ما قلت لعب دافورى الشمس الحارقه
عشان كده لما جاء هنا جا نجيض

التحيه لساحر الكلمه حبيبك نوره
وللاستاذ الموسيقار يوسف الموصلى

osly2

شكرن جزيلن يا ذوق

تحية بحرارة دافوري الكلمات الساخنة
وانت تتربع جواي بحجم قارة من الحنين

أستاذنا يوسف

انا بي شوية أحساس بي الكلام دية
قدرت أهضم الرؤية الأولي للنص الموسيقي
يعني محتاج كمان أجي بعد ما تفك القراية الأولي
مع أنو انا في الحالتين واثق من تعمقك جواة الكلام
وعارف أنك قادر تلبسوا هدوم العيد


الحتة دي عاجباني شديد

Quote: كده صعبتيها الكورس والجمهور(لييه) يتم تبادلها كذا مره المغني (النار اطفيها) الكورس والجمهور(لييه) يتم تبادلها كذا مره المغني (كده كده كده لا) === الكورس (كده كده كده لا) لمغني (كده كده كده لا) === الكورس (كده كده كده لا) المغني(كده لا) الكورس(كده لا) لمغني(كده لا) الكورس(كده لا) المغني(كده لا) الكورس(كده لا) لمغني(كده لا) الكورس(كده لا) (كبري موسيقي)

عارف دي ح تكون قيامة عديل كدة
انا هسة أتخيلت شكل الفيديو كليب زاااتو

شوف النظرة البعيدة دي!!

شكلي كدة ح أدخل التاريخ من اوسع أبوابه
لكن غايتو جنس تشويق و تبويظ أعصاب!!

محصلشِ!!!!

بس لو تكرمت تسجل لينا حاجة
و تلصقها هنا علي الهواء
عشان أرسل الكلام دة لي فلانة!

راجياك بي فارق الصبر والله

الحبيب
تصور أنا كنت لي يومين غائب لقيت القصيده
والكلام ده كلو دندنت بيهو
والدش والمويه الدافيه مدوره
خلي الحله تنجض والله
بصراحه متوقع للحاجه دي حاجه مجنونه
يديك العافيه

حبيبنا

خليها تنجض
وانشاء الله تنقد الرهيفة!!

استاذ الاجيال الصبوح الباسم دوما
ذي حبيب نورة في ملايين راجين الحانك وطلاتك
نحن من تبينا قمنا ربينا وصوتك بصمتك فينا
واسمك وكلك جوانا .
ولنا لقاء بعد ان تسعد حبيبك وحبنا حبيب نورة.

الحبيب آحمد عجوز
شرفت البورد والبوست
قول يارب نغنيها قريب في الصحافه
تحياتي

عجوز

فيك الخير يا سيدي

سماحة الطلة والله

قريباً

زولــة

حبيب نورة ....

أغنيتك دى انا داير اترجمها لرطانة كوشية
وبعد ده يلحنا الموصلى ذااتو ويغنيها زكى عبد الكريم
عشان الكلام السمح مايكون محتكر في المركز بس ..



أها ..... اتفقنا ........؟

اتفقنا ونغنيها باللغتين يالطاهر
انت قيلني مابرطن
(هي شافري اكي نيقرا)

يعني ح تخش فيها مسكاقرو!!!

يا زول أشرنكيل عديل كدة

ساتي

اعملا بي الهيلوغرافية زاتة

وطلعا برررررررررة المركز

يا حبايبنا
جبت ليكم الموسيقي التصويرية دي هنا

الصلاة في مصلاية كمنجة .. عقلانية جن الحروف الكلكــي !

أهداء لي أيي زول عشقوا البلد!


مرتاح مكوِّع فوق ضل كمنجـــــــــــة
حتـَّة في مسامعو ... صفق الوتر الضليل !!
متلفـِّح ورقــــــــــة التوت يستر بي نغيمــا نشاز حر الضنــي
نقرش النسام يدوزن في العصب ... أيقاعو كان تُم تُم خفيف!!
رقَّص الدنيا وهبش... عالي التضاريس المخاصمة المزازيك والغنــا!

مقطوعة جيتك ....
أشتر رحيلك قطع مصارين الوتر
يحرق حشا النوتة ويعطِّش غابة كمنجــــــــات الحنين
كُبـــِّي مزيكة أنينك يحرد الناي النواح
شدي اوتار حنينك ..... الليل بقول ما داير صباح
خلي كل الكون سجينك نهتف نقول حي علي الفلاح!

أضبطي الأيقاع علي شهيق وجع النصوص
خلي الحروف كورال نشيد....... زمناً نشيد من جزيل حزنو
أوركسترة فرح!
خاتفــــــــــــــة لونين من زفيرك
حارقة دمك أنو زفــــَّة الغنيات جوقــة جروح لمن تجيك سيرة المحن!

نغمك يخش يغشي المسام ... يبقي الكلام صفقة ونغم
أيقاعو كان تُم تُم خفيف
رقصك يرد أعتبار طمبور حزين .. أوتارو كان لابسات سواد
مشدودة لي زمن الحداد!

حاجة تطرب ....!
أليمة زي وجع طلقــــــــاً صناعي في رحم فاصل موسيقي!
صولة جيتك!! سلم الشوق الخماسي ... رابع مستحيلات النشاز
مثلث أضلاعو شوقين وانت!
وتاني حسك يمرق علي الخلا ويقول
أول حروف أسمك ...دو ري مي
يابت القوافي الطاعمة دي !

مرتاح مكوِّع فوق ضل كمنجــــــــــــة
تشاغلك بي نديـَّات الثمر
تعزف بي فروعا نغمة تطرب العالم نسيم
تحلم تقيِّل في مسرح الزولة الموسيقي .... متوسد الناي حلم
تتمني في زمناً جميل !

حسك طبلة .... وماك دلوكـــــــــــــة !
لو قسمتي علي ربع التون بديك الفاصل الجاي !
ولسة الليل شافعاً بحبي
اللحظة السمحة بتعدي في سرعة تُم تُم خفيف !
زي سوبرانو بِطل من صوتك ... بايع روحو عشان مزيكـــــــــــــة !

ونحن نلم في كراسي الحفلة !
ولمة ناس راجيين الجرتق ... شايفك مرتاح
مكوِّع فوق ضل كمنجــــــــــــــة !
متلفح ورقة التوت تستر بي نغيما نشاز حر الضني
نقرش النسام يدوزن في العصــب

أيـــقاعـو كان تُم تُم خــفــــــيــــــف !

!!!!

حبيب نورة دعني احي الملهمة اولا سبب كل الكلام الرايع ده والله ينصر دينك ياالبنية النبية..ياخي الله يديك العافية .والله ما امتعك الا انا زي ما متعتني.بس امهلني شويييه.ومعاك استاذنا الموصلي .والله يكتر الزيك في البورد.ياخي العنصريين والبذيئيين كرهونا البورد..محمد المختار الزيادي

محمد المختار

ينصر دينك يا مولاي

شكرن جزيلن

Quote: حدودك تمـاس المعاني العصيـــــــّة سكاتك هتافك غيابك حضور الغنيوات النديـــّة وتصدح تغنـــــِّي البنيـــــّة النبِيــــــــّة

مرسي يا طمطم

ربنا يعليكي و يغطيكي و ينجيكي و يخليكي

البوست دة بفتّر عديل كدة

لقـاء السحاب ( ثروت عكس الريح) ــ (حبيب نورة)

مجــانين وكُـفَّـار وكمان أولاد حـرام !!!