حكــواتـــي المدينــــــــــة( فرطلوجيــــا!)

في قعر الحتــّة ... وشارع بيتنا
لمّة ناس الحلة بكان ما بربط حاج الطاهر
حمارو الشايل فيه القُفّة الخلت ناس البيت
يرفعوا بيها شعار العفة
بكان ساساق الشفــّع خلف التيوة
وانا بي راسي الحفيان لابس الخرق البالية ... ولنج!!
جعان من برة ملان الداخل
بلوك في لساني الشكر الحامد لا مولاي !!

ود مختار سيد الدكان.......... ود الضو..... العم قسم الله
وشيخ الزاكي ....جبارة جبربر جبابيرو جيب طرّادة
بتول السسترة فاطمة عمر.......... وحاجة زكية الخاتية النضمة
الشينة الباقية رتينة...!!!
سوق الشجرة و زنكي اللحمة و قهوة جورج
حوش المهدي والبوابة
سينمة الخواجة
ابو صلاح
الفرح الصاح
المسالمة
المظاهر
ود نوباوي
العباسية
الموردة نفر
الاسكلا

أم در ياناس كانت دغريـــّة!!
النيل ود حلال أُمو بت أعم أبوه!!
الجروف عينها مليانة والنخل روحو محدثاهو
يفلِّق الروس بي التمُر!

في قبل المدن الأسمنتية تظاهرة باذخة تنادي بأستبعاد قائمة
طويلة من منتجات الشوكولا البلجيكية من محال السوبرماركت
بحجة أحتوائها علي سعرات حرارية عالية تزيد نسبة الكوليسترول
في الدم وتساهم في زيادة السمنة و البدانة المفرطة!!!!!!!

أبكر في صف الرغيف واقف من أرحم الراحمين أرحمنا
ولا بقدر يفتح خشمو عشان الجماعة ح يطلعوا دينو
قبال ما تمرق صواني العيش من الفرن البلدي المتهالك!!!

سيدي فرتكان ربنا يحفظوا و يعليه ويخليه وقدر ما يدور يديهُ
يتّخذمن أباحة الطلاق ستاراً لتعدد الزيجات
والمريدين لا يفتأون يقدمون القرابين للأله الأعظم هُبل
بينما فتيح ود عجب سيدو يقضي طيلة النهار في ممارسة العادة السرية
وعندما تسأله يرد عليك في فصاحة و فلسفة
دة تحسين نسل!!!!!!!!
عليك الله العبيد ديل أمشي بيهم وين؟؟
ولي ياتو مصير؟؟؟؟؟
انا أري في المسألة شبهة تطهير عرقي !

او أبادة جماعية مثلها مثل تلك التي حدثت لجماعات الهنود الحمر
سكان امريكا الأصليين!!
و أهو كلو عند العرب صابون
اللوكس عند الناس اللوكس وعمنا فنيك من شندي!!!!

مسكين ود عجب سيدو
ما سمع بي ثقافة ( البيو كلير) و(الماكس) و (الديانا)
الزمن دة المرة تلقاها شعرتا قُرمادة و حبوبتها سعادة!
و أبوها عبِد وعيشتوا جبِد !!
يجيبوا ليك بت مبروطة و مجلوطة وما ساعلة في (حليمة بولند)!
و وووووب علي انا من حكاية جدنا العباس دي !!؟؟؟

بتاع الكارو يقاسم سائق ( الليكزس) الفاخرة قلب الطريق
سيد الطعمية ينصب صاجه المجقجق أمام كافتريا البيرقر و
البيتزا هت السياحي!
المستشفيات التي لم تنجح الا في تأهيل صحة الكدايس الميري
و الهبرو ملو و فواتير العلاج في مشافي لندن و الأردن و فترات
النقاهة والأستجمام في شواطي بومباي و ماليزيا...!!!






.....!!!!!!!!!!!!!!!!!!

نواصل

ومن ثم
حدث ولا حرج
عن السحساحــة و عدم الراحــة
وناس الخمش الشديد
والعيشة ال براحــة
من غير ما نتناول الحديث عن وحواحـة الفرقة لي نيلين
....!!!
تصوّر!

زول مجبود لا غادي
وقلبوا ومصارينوا مقطعة فوق هنا!!
حالة أخير منها السنة أم محل
وسواقة اللوري في الوحل
وعن جوباك حياة في الدايات
و مصاريف الشفع
وهديمات وكريمات البنيات
و طبقنا أب ريقـاً ناشف
وحالنا الكاشف وواقف
يا زول محلك سر!!

يا ود الحلال صبر شنو هسة في الحر دة؟؟
ما دة زااااتو المجنن بوبي
الولية تنبح
أها الرمادة دي في خشمك كان عملتي لي صداع نصفي
مالك يا ولية هسة علي البنكرياس كان سعلوك؟
عليكم الله لو قلت ليكم قهر وفراق أهل
وما عايز واحد يجي يقول لي بشتنة ورقاد واطـــة كلو كلو!!
علي الأقل تكون في مراعاة للضغط والسكري العامل شلل للمخيخة
البادرة دي!

يا حاجة ناس الموية جوووووووووووك!!
عاد يا بت أمي أتحزّمي و أتلزّمي
قبلك ووحّدِك!!!!!!!!!!!

شكيتكـ علي الله

أحمد عبد الله
مالك علي يا زول هسة؟
عليك الله انا قبيل ما قلت ليك الفيل
لو غلبك صورتوا ممكن
لكن تقعد تتزاوغ لي كدة
دة الكلام المابنفع معانا

الفرطلوجيا
هو علم كشف الحال
ومحاولة تعرية كل الممارسات السلبية في جسد المجتمع
و أظهار ملامح ( الجواباكيزم)
ويسألونك عن الجوباك ؟
انا كجوباكيست متخصص
بقول ليكم الجوباك في البلد الغفيرا نايم
في الفضايح وفي الهجايم
في البلد السحابا صايم
طالما ريحة التراب غبشة
طالما لون البلد دوشة
طالما طعم النهار كوشة
لازم يكون شكل البلد
زيو زي زولاً ما عارف مصير كرعينو
اولاد المصارين الفقاري عندهم رأي في الحلم زاتو
لمتين يجافيهم حتي التنويم المغنطيسي في أحلام اليقظة
عشان شنو بكون الأمل باهت؟؟؟
و ببقي دوام بخيت وسعيد عليك الهم
لمتين حس الفرح ينطم؟؟
وليه الناس بدل تضحك
تبل الكون مغس ودموع
وجع اهل الفرح فوق كم؟؟؟


زمن الحمير


المعجزات كلها في بدني ،

حي أنا لكن جلدي كفني ،

أسير حيث أشتهي لكنني أسير ،

نصف دمي بلازما، ونصفه خبير ،

مع الشهيق دائما يدخلني، ويرسل التقرير في الزفير ،

وكل ذنبي أنني آمنت بالشعر، وما آمنت بالشعير ،

.في زمن الحمير


نواصل الفرفرة......

حبيب نورة
Ramadan kareem
هدية من الاخ تروتسكي وهو يغريك السلام منذ اخر اتصال بيننا وطلب منى ان اضع لك هذه الاغنية..

العزيز بوب
تسلم والله
الليلة جيتني بي ريحة الحبيب الغايب
فرحك عنيد
عناد زولاً فارق لي الديار الحلوة ديك
مع أني زعلان منوشديد والله
قول ليه أظهر تاني ما ح أقول ليك تروتسكي اب صلعة
انت لسة صغير علي الهوا يا أب جلحات

اها عليك الله يا بوب خليه يحاول يرجع من جديد
بي بركة قبايل العيد

مع أجمل المني وكل سنة وانتو طيبين

حبيب نورة...

سُكنة بنات السُرَه في عين الولد...

منو وليهو:

جبابيرو؟؟؟ وحات طرد البلابل في حشا " الشهدا"

لا قيتو بس ما عرفتو/ قال مزنوق !

أفوق من عطر الحلا الدفقتو وارجع ليك..

جورج المطرة الصابة
عفواً ان كانت سويعاتنا سباليق تندلق منها كل أفراحنا!!!
شكراً لكل هذا الحنين المعتّق
يا آخر أنسكابة من نبيذ الشوق المجرتق
أحييك و أنت تكبرت الزمن السحيق
وتمنح لحظاتنا حفرة دخان أخري
تعفّر الساقين والكلمات بما فوق العطر
ودون زفير الأزاهر الشاهقة كما فرحي بك!!
أحييك وانت تفاجأني (جورجئذٍ) بما أسميه نصيبة زمان
تنفح غابر الأزمنة بهنيهةٍ بت لزينة
أحبك وانت تخوض في دماي بدفق الصندل والقرنفل
يا بنفسجة رايحة في كل الشوارع والمحطات
لا تفتأ تبحث عن قافلة من الزنابق
ضلّت طريقها الي عيناك
فأنفجرت دموعك من شدّة البوح الندي!!!

حبيب نورة
وانت تتجول في ثياب حكواتي يموت في الجوبيكتزم
لترسم صورة طرباقوية. للمدينة المجنونة..
يا وليد في زول قاليك انت احسن سوداني بيكتب وبخيل؟

الفرط لو جيا

والغربه سترة حال

جاييك بالعده ... كديك عده ... ما تم العده
غبيان وبكركب ... زي ما داير

بعد صنه
مسافة ابري قلم

أبو عاقلة
ياخي كل سنة و انت طيب
وتقبل تحايا الانسانة العظيمة ست البنات
وين يا اللخو؟

Quote: جاييك بالعده ...بعد صنه مسافة ابري قلم

وانا راجيك بعد فرقة
مسافة أبني وطن
راجيك بعد ساساق
دفعت فيه خطايا تمن
وما عايز اشرح ليك المسألة في أطارها الفرطلوجي
عارفك ح تكون معاي في نفس القطار
وتطل من نفس النافذة
وتحمل نفس المناديل......
ولكن حاول ان تكون الحبيبة مختلفة بعض الشئ
حازر ان تكون الا نورة في داخلينا متجزرة التفاصيل!!
راجيك

دكتورة بيان
الله يجبر بي خاطرك يا أمي
ياها المحريّة فيكي

Quote: يا وليد في زول قاليك انت احسن سوداني بيكتب وبخيل؟

وفي حد قال ليك انتي أعظم أم سودانية بكتب بي حبر الوريد؟؟
ربنا يديكي العافية
وحقيقة نفسي أتوحّد معاك (فرطلوجياً)
علي الأقل ممكن نعيد صياغة الشين والكعب
شكلٍِ مكياج خفيف كدة
وشوية بدرة و أحمر علي الشلايف المشققة دي!!

علي حد قول أحد صعاليك الشارع التاني
وهو يتحمل المسئولية القانونية كاملة ومتكاملة
قال لي انت عارف....!!!
فلانة قالت لي
الزمن دة الرجال كلهم بقوا خيابة وما عندهم شغلة
في كثير من الممارسات
مثلية؟؟!!
يا زولة انتي بتتكلمي كيف؟؟
وحاتك يا غالي... وانت عارف انا شغلي اتأثر كيف بأنحراف الرجالة
أهااااااا
وعليك الله التومة دي ما مرة مجنونة؟؟
بِس عليك الله
خليني منها الناقصة المتباقصة...!!
قالو ليك عملت الدرامات مع راجلها عشان سمعت تحت تحت أنو
مضامن مع مظاهرة في لندن تدعو للحرية في الممارسات الجنسية!
ياخي الزمن أتغير يا مان
والأفكار زاتة أتطورت
انت عايزني أركب ليك سفينة نوح
والجماعة قطعوا التيكيت لي أول رحلة فضائية لكوكب المريخ؟؟
ما ممكن يا هناي
أكسي كيوز مي..!!
عارف انا في الحتة دي زي العايز أشير لي أنو أمكانية التغيير أصبحب متاحة فعلياً
ودة كلو راجع في النهاية لي حاجات كتيرة نحن بصدد التوغُّل جواها
يعني انا ما بقدر أتنحّي جانباً و أعمل فيها ما شايف حاجة
والحقيقة واضحة زي النهار السمح
انت ممكن يا هناي تعتبر نفسك ك (جوباكيست) بعيد عن المهاترات دي
لكن في نفس الوقت تحاول أن تحلق (فرطلوجياً) داخل نفس الأطار
يعني ما تعمل لي بي سياسة دة حار ودة ما بنكوي بيه!!!
يعني تعيش جواة المأساة وانت بتضحك
ما تدس البسمة بحجة وجع الضرس!!!
وما تضاري الوجع بدعوي الأسراف في الأنين

خليك كدة و كدة!!!

سأعود

يا ود أمي الرجال ماتو في كررري
يا حليل الرجال البكسرو العناقريب!!!
حاولت أن أتغلغل داخل نفسية الزولة التي تقاسمني هنيهتي
ولو قليلاً بمقدار ما يتبقي في فنجان قهوتي
ولكنها رفضت أن تمنحني بضعة مداخل للخروج!
ساعتها ٌأقتنعت بأن التحليل المثالي للمجتمع النخبوي يبدأ من قاع المدينة!
عليك الله رجال شنو يا ياسين؟؟
خليني منهم هسة
شووووووووف....!!!
لو في رجالة عليك الله نص فتوات البلد ما لاقيات البدق ليهن الباب؟
لو في رجالة يا أخوي كان الجماعة لسة باقيين ليكم في الزرارة الأخيرة؟
زمااااان لمن كنا نطلع الشارع
مارقين لي صفاح او بيريك نجاح
وحاتك كان الشارع كلو يزغلل عيونو
هسة دي الرجال بقوا محكرين في الشوارع البتجيب أولاد مرحلة الأساس
الظاهر عايزين يعيشوا حياتهم علي أساس متين
تحت شعار الخلاص في مدارس الأساس
ووووب علي من البورة وعرس الكورة
الواحدة في سن التاشر لما يجيها عريس
بتسعل شكلو شنو!!
ولمن تخش سن العشرين بتقول عندو شنو!!
ولمن تخش نص الملعب وتمرق من مرحلة جكسة في خط ستة
بتقول ووووب علي هو وينو؟؟
يعني بصراحة كدة مرحلة تعال بي العندك مال أبوي بسندك
يا بت الحلال هسة في داعي للهجمة والرجمة دي؟
ما تخليها مستورة
يا ود أمي الساتر الله
لكن ديل مكشوفين حال
كبفن عايز الزمن يغطي قدح أفكارهم
كدي عليك الله كبي لي ( التِّنِي)
سجمي انت هسة شارب سبعة فناجين وتقول لي عايز التاني؟؟
هههههههههههه
جببنتك زكرتني جبنة العشش زمان
تلاتة فحمات و سبعة قوالات و سيبك من كمية الصواطات!!
خلاس خلينا من سيرة المابتسموا ديل
سمح!!!
لكن راجع ليك
هوي ها
ماشي وين ما تشرب البركة؟؟!!!
أجي يا البركة البعد الفنجان السابع!!!

Quote: أجي يا البركة البعد الفنجان السابع!!!

وبعد التامن والتاسع يا قمر السبعتين...
جوباكك ما عينة اريتو جوباك السرور (لسان حال حبوبتي)

فرطلوجيست ما عندو اي دخل بالموضوع
موضوع الجعجعة بعد العجه
اااخ لو ما العيد جا
الناس الفقرا يتمنوا رمضان يطوووووول
لا خوفا من الله ولا صلاح
الا سترة حال والغني عن السؤال
قلت لي الليله يوم كم ...
ناس بيوتا جالوص زي السكر
بتخاف المطر ... والرعد الخطر
عشان مافي الصالح
متطلبات الناس تختلف بطبيعة الجوباكيزميات المتوفره في اقرب نقطة تفتيش
بنيت في الموج قصور آمال كفرطلوجيا فرطت فرطه شينه
لم تشوف محيط الدايره كلو غلط
وكلو شين في شين
تبداها من بتاع الكارو ولغاااااااااااااااية زريبة العيش
شايل سوط عنج مقطرن ومقنطر
مفروض يكون للقاعد ورا الحمار
مع انو الحمار ماشي وشايل تقيل
ياخي ساديزميات ميات
وبغض النظر عن مد فتريته او غربال امباز
الحمار طلع قروش
واللستك يلف كما لف الحمار
ولم تركب راسك ... مشكلة كبيره جدا
جوباكيست منظم
نجلس علي قارعة الطريق لكي نري الحمار الذي يتقدم سيادته غصبا عنو
سخرنا ... ومن تحت تحت علِم بفرطلوجيتنا المفرطه
قرر .... ان يمشي الحمار خلف ... طول ما هو عايش
وطبعا صاحبنا لف ميه وتمانين درجة ولقي نفسو في الزلط .... مزلط
فقد التوازن
وطبعا نحن متنا من الضحك .... الشوبار ليك شنو
انت لو ما عارف ارخميدس الشلاقه ليك شنو
يا حبيب ياخي الكارو ابو لستكين دي بشبه لي (ويل للمطففين)
كان انت سمين ... الحمار تعب
وكان الحمل زايد ... اتوقع دردلوب في اي لحظه
داير ليهو زول حريييييييييف


جوباكيست حب يتعرف علي فرطلوجيست
فكانت النتيجة
غازات سامه
واوزون مقدود

وبتشم ريحة الفضيحة

أبوعاقلة

Quote: جوباكيست حب يتعرف علي فرطلوجيست فكانت النتيجة غازات سامه واوزون مقدود وبتشم ريحة الفضيحة

جوباكيسم شديد الخصوبة يا صاحب
فرطلوجياً مقنع لحدٍما!
بديني أحساس
زي ما يكون أكسجينة حايمة بالجوار
في النهارات السخانة
زي ما تكون بنفسجاية من غير أنتظار
في البلودات الجبانة
قرنفلاية في قعر النهار
في سكة الناس الخيانة

حالياً !
انا متاضمن مع حالة الأكتئاب الضارية
في جماعات طيور البطريق
و حالات الأنتحار الجماعية
في صفوف أسراب النوارس
عشان شنو يعيشوا؟
في شان شنو يغرد القمري؟
وانت راجع في المغيرب بي الأماني اللون ضميرك
تلقي طيرك حاضنو غيرك!!


راجعين........!!!

تولوس

Quote: جوباكك ما عينة اريتو جوباك السرور (لسان حال حبوبتي)

فرطلوجيا يا زول يا قاش
بي طعم الفراش
وهمس النسيم الماش

تسلم يا جيّة زلال توتيل

برّد برّد برّد برّد
الجو مهنضب العالم
والعرق يخر
كر يا بت امي
البوهيه ساحت
انا جني وجن العرق الملون
والمناديل البقت لوحات تشكيلية
والجوينتيلوجك عبارة عن عملية قيصرية لسد قد الاوزون
ولو غربلنا الاوزون ... هل تختلف الغطغطه
صاحبنا اشتري جريده للمكتب مع انو كان ماشي الشغل
جوباكيست في الشغل علي احسن ما يكون
بعد الكهربا قطعت والدنيا سخنت
الجريده اشتغلت هبابه
وظهروا اربعين شمشاريست
لغاية ما الجرس دق
وتاني يا الجريده قومي اشتغلي شمسيه
لشمس الساعة اتنين
والمحطه الوسطي زحمة
ناس تدفر ... وناس تطفر
وناس تفتش في وليده
الممرات زيت ينقط
والخشوم ريحة تسالي
يا ترتوار المدينة
كلم العربات تخش كالمغنطيس
او تفوتك وشايله عرقك في اللديتر
كلو حار
برّد برّد برّد برّد
الزول شغال شغل
باقات مويه وزيت مطفح
وتلج مطفح
وكيل مطفح
ويلا طفحوا طالما كل حاجه بقت تتطفح
وبراحه براحه الفضيحة طفحّت
من مجاري البول
والحيط المشخبت

أبوعاقلة

Quote: جوباكيست حب يتعرف علي فرطلوجيست فكانت النتيجة غازات سامه واوزون مقدود وبتشم ريحة الفضيحة

حبيب نورة

Quote: زي ما يكون أكسجينة حايمة بالجوار في النهارات السخانة زي ما تكون بنفسجاية من غير أنتظار في البلودات الجبانة قرنفلاية في قعر النهار في سكة الناس الخيانة[/B

]


الكلام مو خلصان عقب باقى ليه بقية
شـوتو لى قدام وحرم على الديه

رأفت ميلاد

السكة زي شكل البحر
لكه ومطر
والطين محمر والمحطات في خطر
وما فضل زول في رويسو قرار سفر
وقوووووووووم يا قدر
سوقني للبلد البعيد
غربة وسهر
والليل بليد
بدون مطر

ما كتب شكل السما الغيمه
وين يا بلد
سرحة زي دقشة بال مودر حاجه في الزمن الغلط
لازم تمش
هوي يا مرا
يا مرا والنسوان ورا
كبي حاجه
اي خط ما مشكله
البمبر كبير
ومساحه اكبر من تشيل
وخيال ملجم ... صهوة جواد
دبلن ... يا رسن ليل منتشي
طوكيو يا بلد العوينات الصغار
وطني الكبير في ورق جواز
شدرة حراز
وليل ببكي
لسه ببكي علي المدينة الواقعة ضل
والضويو مكنة لحام
جوطه وزحام
وفنان بغني بصوت حزين

ابو عاقلة
نواصل شوية دردشة
بي حميمية أخطر من زيارة كتاحة لي ورشة زهور
الليل أهبل جدا جداً
من غير ما يكون غطاك شوق الحبيبة الغايبة من سنين ودنين
ما تبالغ يا حزن
خليكا في آخر الشوارع
بنت جيراننا الحلفاوية حدثتني ذات صعلقة!!
تعال لي وقت المسلسل
درجة الحرارة كانت متخاصمة مع ينياير في صدر البنية
حارة ومسخنة تحلف تقول هسة مرقت من حفرة دخان خادم بت حرام
وانا مصر أثبت ليها أنو ود الرواسي قريبي
يا ياسين انت الشي دة شنو؟؟
هيي دة أظنوا شيطان واللا نصيبة زمان
وهي مكلبشة في صدري
شكلِ خايفة لكن بي لذاذة كدة
هسة عليك الله في شيطان أكبر منك؟
يا بت الحلال المسلسل انتهي وهسة نشرة تسعة بدت
عاد الا تقولي ليهم كنت في دكان الفاتح العطار
لكن المشكلة ما عندي ألفين ونص أديك ليهم عشان تجيبي بيهم صباع فيرآند لفلي
آخر ألفين ونص شالتهم قريبتك فلانات
شوفي عليك الله دايرة تثبت لي أنها لسة شباب وما قطعت
المرة دي لو لمّي فيها (كولن ولسون)
كان علي الأقل ريح نفسو من الوجودية و اللأمنتمي والجوطة دي كلها
عليكم الله في أحلي من دراسة الجوباكيسم والفرطلوجيا في المجتمع العالمي؟؟؟

رأفت ميلاد

Quote: الكلام مو خلصان عقب باقى ليه بقية شـوتو لى قدام وحرم على الديه

عارف
والدنيا قبايل عيد
وانا بين أواصل أنسكابي جوباكياً
وبين أعمل أسقاط وقتي للفرطلوجيا
حسيت بي أنو المرحلة أوجب
وأجدر بمواصلة مسيري في كرش الفيل
رجال الحلة
النسوان
الشفع
الأعمي شايل المكسر
هيييي سيطرررررة
هو شنو السيطرة؟؟
بصراحة كدة مستوي بردون
اها كيتاً عليكم
بنركب لواري و بنمشي كداري
في حد عندو أعتراض
زكرتني بي ثقافة البول
البول برضو عندو ثقافة
الله يرحم أيام الفتي الأبنوسي تبلدي البوردابي القبيح السمح
كان أحسن واحد بعرف ببول أسفيرياً
دة لمن كان البول بعني أفراز الحنين!!!
هسة يااااااااااه
دخلنا في مرحلة القسطرة
رأفت ميلاد
ياااااااااااااااااااه

.

ابو عاقلة
ياخي الشوق مهنضب الزمن الكريه
الزمن الجوباك
و شكلِ ما بعد العيد كدة
أسمع !! أنت العيد دة منو؟؟
الجماعة شخبطوا كراريسنا ما خلو غير المغس
وراجع ليك مليان وجايع

بس ما تتكلم معاي لمدة كباية شاي

الساعة أتنين
نص النهار و العربات في شارع أفريقيا
تتوجس خيفة من التوغل في كرش الفيل
السوق العربي
ابو جنزير
والشافعة الحلبية المصرة توريني جدارتها في الفوز بلقب
أحرف شحادة في الدنيا
وما قصرت نهائي
وكمان خلت لي تزكار في القميص الحالتو أصلا صعبة
قررت الصلاة
في المسجد
بشرط الأمام ما يكون حاج نور
أنشاء الله اصلي ورا نورة بعد جوطة أحقيقة المرأة بالأمامة
يزحمني الوجع الفرطلوجي
ويمتد في داخلي كقافلة من السباب البزئ
لم أتصالح يوماً مع كل هذه الأشياء المقيتة
ولكن هذا لا يمنع قدومي من قاع المدينة
أحب أن أزيح الستار عن الخوف الذي يسكننا
الللللله
!!!!!!!!!!!!
لكن ما بالغتي يا ست الشاي
هسة عليك الله انا جيت أشرب لي فنجان قهوة
واللا جيت عشان مسخرة؟؟
أعوز بالله من العرض الخاص دة
في الزمن دة ستات الشاي عندهن عرض خاص
وعرض بدون بي اللباس
وعرض تفرجة للناس
جنس مسخرة
ست الشاي جوباكيست من الدرجة الاولي
بالظبط كدة زي عروضها الصيفية دي!!!!!!!!!!


سنعود أكثر فرطلوجيةً!!

Login
Cookies must be enabled to use the login function.
اللقب:
كلمة السر:

sorry
be right back

يااااااااااااه
هسة ما قادر اتواصل معاكم فرطلوجياً!
لكن بوعد بي مزيد من الجوباك باكر دغش
زي تحايا كدة للغايب حضور
أبو عاقلة
الزول دة حبيبي والله

زمااااااااااان حبوبة قالت لي
يا وليدي ربنا يكفكيك شر الظلام والحكام وأولاد الحرام
حليلك يمة
ماكي عارفة شيتاً عن بوليس النظام العام
!!!!!!!!!!
الطارة جات والطرحة وينها؟؟
علي حد قول الفنانة فلانات
الكشة الليلة في حدائق أوزون
يا أخوننا الطلبة ديل ما من حقهن يهيصوا و ينبسطوا؟
اها بعد ما لمّوا الشيرنغ
و ظبطوا المواضيع
يعني الا يحتفلوا في ميدان المولد؟
حي انا
وحي قيوم من راية البلد الباركة علي حلماً ضايع!
يا حاجة أركبي
عوض أركب
أب دبورة
والخوف ماسورة
والحرية كمان ماسورة
وتقول لي نافورة
نافورة شنو يا ود أمي في السقط دة؟؟!!!!
يا عسكري
شوووت الكوانين دي
و اكشح الكفتيرة
وشيل العدة
و أجدع الولية دي في لوري في حماك ربنا!
حماك منو دة!!!!
في حشاك شعبنا
وكمان في القفا
واقفين صفا
و قلوبنا أتنين أنتبـــــــــــاه!
أحي انا من العساكر الشماسة
المارقين من أسواق النخاسة
الفاقدين الكياسة
و أحححححي انا من أصحاب البدل والسياسة
والنجاسة
والخساسة
و بوليس الحراسة
الساكنين في الفنادق
أصحاب السوابق
والمشانق
والمزالق
والعوائق
طلقانة يا بلداً راجلك فقد روحو لمن كشرت في وشيهوا حيكومة فراق
قهر و فراق أهل
يا عسكرررري
الله لا غزّا فيك بركة
ولا جعل ليك حركة
وبركة عشان بشنوكم ناس فاولينوا ماتيب
عجبني ليكم و سرّ بالي
عليكم الله دة شنو الجوباك دة
عملتوا لينافرطوجاريا في المجاري البولية و الغدد التناسلية
وقناة فالوب زاااااتة!!!!!



أحححي انا منكم............!!!!!!!!!!!



و نواصل البث الفرطلوجي في نفس الأطار الجوباكيست!!!!

السلام يا حبيب النور
احيانا احس بانك مساحة عشق
ولوحة تبحث لمن بخط ريشته
لوحة عامة
يمكن لكل عاشق ان يضيف بلا تردد
خط
او لو
اومقترح لهمسة تضفى
خط متفرد
ابا هذا
نحن تفاصيل مبعثرة
لعنوان واحد

شرنوبي الجميل
الدمعة ممكن تكون مشروع لي فرح جديد
دة أحساسي وانا بتلقي اللكمات
والركلات في القفا
لكن برضو متمسك بي حقي في البقاء
طالما البقاء كان للأجمل!
أحييك بكل تفاصيلك المبعثرة
و أحيي الأريحية الهميمة دي
وتسلم أنشاء الله يا رب

السنة دي
تشبه اليوم الشال حبوبتي
غبشة ومبشتنة من قومة الصباح
كمية من التلفونات تتطاقش بخصوص البروقرام لي راس السنة
هو عليكم الله نحن عرفنا قعرا؟
فرطلوجياً كدة!
انا حاسس انو الزمن متوقف معاي
ما عندي أدني فكرة
وما عايز أعمل هدنة
لا تصالح وان منحوك الذهب!

آآآآآآآآآآآآآآآه
...........!!!!!!!!!!!!

.

و للفرطلوجيا
مسار جديد
طيارة سودانير والبلد الجوّع ناسا الطير
و مرمغوا سمعة أولاد المصارين البيض
اها!!
يعني شنو البحصل دة؟؟
جواي كمية بتاعت (لماذات) كتيرة محتاجة يفضح صمتها قول
سمح القول في خشم سيدو
وسيدنا نحن ما معروف منو!!
انا غايتو مع الفنانة ديك
سيدي الحسن نادها وكل الملايكة معا
و أرررررررح
هو لكن جنس جوباك
ياخي حريقة في الفرطلوجيا
الما بتأسس لي باكر ضواي
!!!!!!!!!!!!!

من العوائق الجتماعية
والتي تشكّل منحنيً فرطلوجيـاً مهماً في حياتنا
حكاية الستات!!
والتي سأتعرّض لها في تحقيق منفصل
بعد أن ألملم بعض جوانبه
من خلال مشاهدات وملاحظات بعض الاخوان

قريباً

حكـــــــــاية الستــات