Post: #2 Title: Re: نور تاور ـــ في السماء فكرة وجوانا قضية ـــ Author: عادل جبارة Date: 02-25-2007, 04:48 PM Parent: #1
أول واحد جيتك ناطي والله روعه ياحبيب
Post: #4 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 04:55 PM Parent: #2
وتفضل هامة لا بيحصل تركع لا ف يوم ح تخضع
لو جات القوة الدولية
شكرن يا عادل تسلم
Post: #3 Title: Re: نور تاور ـــ في السماء فكرة وجوانا قضية ـــ Author: الرفاعي عبدالعاطي حجر Date: 02-25-2007, 04:54 PM Parent: #1
Quote: نوباوية
ماك مكريــَّة!! يا الشارية الفكرة الدغرية دايرنك تبعثي روح الكون دايرنك و أنتي المحـَريـَّة ماك محـَريـَة
يالروعة المنادي والمنادى الجميل بحق حبيب نورة سلمت ونوراكا,تعرف عندك وفي موضوعاتك احس بإنسانيتي دونك افتقدهاارجع أليآ لك المودة مدى الاشباع , وتعرف تاني انا اغيب وارجع اجد بالمنبر حردانيين ومفصولين ومحتجين ولكن تجدني غير ملم بمايجري غالبآ عمومآ هذه الرائعة نور تاور اذكرها واشتاق لها فهي تدخل دونما استئذان وتستقر في الخاطر لذا هي دومآ حضور ليتني اقرءها مرة اخرى لك المودة حبيب نورا ولنور تاور مليون تحية وعشم .
Post: #5 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 05:01 PM Parent: #3
يا رفاعي مشكور والله علي الكلام الجميل دية
ـــــــ نور تاور قنبلة زرية في وش الدنيا المحنية
Post: #6 Title: Re: نور تاور ـــ في السماء فكرة وجوانا قضية ـــ Author: عادل جبارة Date: 02-25-2007, 05:56 PM Parent: #5
نور تاور .. كاتبة تحمل قلم وقضية .. دائما حين أقرأ لها أقف عاجزا عن الرد مثلما عجز جيلي عن إيجاد الحلول لهذا الوطن الحبيب !! حبيب نوره بدون مجاملة وعلى الهواء مباشرة أنا معجب جدا بكتاباتك ( ومعاي أخوي الكاشف / هاشم خلف الله ) وهل تصّدِّق قبل قليل كان يسألني كيف نحصل على رقم هاتفك ؟ نظم رائع وإنشاد شعري ولفظي عميق .. لك مودتي أخي العزيز ,,,
Post: #7 Title: Re: نور تاور ـــ في السماء فكرة وجوانا قضية ـــ Author: Abdel Aati Date: 02-25-2007, 06:46 PM Parent: #6
العزيز حبيب نورة - أم حبيب نور ؟-
يا اخي والله ان من البيان لسحرا والشعر صدى الفكرة وحديث الروح ..
اتمنى ان يوجد من يلحن هذه القطعة .
التحية للاستاذة نور تاور معلمة وصديقة واختا واما
أسمح لي ان اهديم الاغنية التالية عن فتاة من جبال النوبة ..
الكلمات سودانية والاداء اثيوبي
لك ودي عادل
Post: #8 Title: Re: نور تاور ـــ في السماء فكرة وجوانا قضية ـــ Author: Abdel Aati Date: 02-25-2007, 06:49 PM Parent: #7
Post: #13 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 10:01 PM Parent: #8
وكمان شكرن علي الغنية السمحة شكرن جزيلن
Post: #9 Title: Re: نور تاور ـــ في السماء فكرة وجوانا قضية ـــ Author: salma altijani Date: 02-25-2007, 06:49 PM Parent: #7
نوباوية
ماك مكريــَّة!! يا الشارية الفكرة الدغرية دايرنك تبعثي روح الكون دايرنك و أنتي المحـَريـَّة ماك محـَريـَة
يا حبيب نورة كلامك سمح بلحيل
والاستاذة نور تستاهلو
Post: #14 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 10:05 PM Parent: #9
سلمي
في السماء فكرة وجوانا قضية
نوباوية و أصلية!!
Post: #12 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 10:01 PM Parent: #7
شكراً عادل عبد العاطي
سد المال
دستة وجع الليلة يا كافي البلا ومخدة في برش الصلاة
وعقدوا علينا حبل كتال
خوة قرقار الما بتستر حال!!
يا خوف يا ديش!! شن ودّي العسكر سوق العيش؟؟
دُق الأضينة و أديه حق الركشة!! لا تخاف لاتدنقِر دمعك متحدِر سيدك متقدِّر مطرود من بلدك لامــأجِّر لا مكنتــِر!!
نور تاور آمنة ومريم محمود الوجع الكافر موجود الزمن البضحك مفقود نور تاور عشمك مولود
كلمتك تسعة وتسعين وصيتك تسعة وتسعين في النوبة التسعة وتسعين وطنية هوية و قضية ميلاد وبطاقة و شخصية يا عمـّة ( مونتي) و ( نسرين)
ميلاد في زمن التهميش ميلاد للأول والطيش عند الله بعيش في الزمن البيش
أنسان متوحد مع نفسو متوهط أرضو متلفِّح وجعو وتعب البال
خوة قرقار الما بتستر حال
Post: #10 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 09:52 PM Parent: #6
مرسي يا عادل
يديك العافية
Post: #11 Title: Re: نور تاور ـــ في السماء فكرة وجوانا قضية ـــ Author: SAMIR IBRAHIM Date: 02-25-2007, 09:57 PM Parent: #10
اختنا الاستاذه نور عرفناها في المنابر السودانية صاحبة رساله عانت الكثير من اجل رسالتها ..
تسلم يا حبيب نورا وحبيب نور ...
Post: #15 Title: Re: نور تاور ـــ في السماء فكرة وجوانا قضية ـــ Author: nour tawir Date: 02-25-2007, 10:05 PM Parent: #11
يا حبيب نورة ياولدى..
أنا تعبت..
كلما أدخل شقى الحآل الحال دا؟
القى لى كلام..
ينّزل الدموع..
و أنتو ماعآرفين البينا سآكت..
...
فى بلاد الله دى؟
القلب بقى رهيف زى طرقة الكسرة..
والدمعة بقت زى العآيرة..
وأدوها صوت..
..
بجيك بكرة..
بعد ازآلة المتآريس..
المتعّلقة بالتحليق..
هذا المساء..
..
وبعدين ّسّلّمت لى على بتى..
ولا لسه؟!
Post: #18 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 10:12 PM Parent: #15
نور تاور تسلمي يا أمي ربنا يديك العافية ويقدرنا علي جزاك وبرجع ليك تاني برضو
Post: #17 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 10:08 PM Parent: #11
ربنا يعليك يا استاذ سمير تسلم علي كلمتك دي
Post: #16 Title: Re: نور تاور ـــ في السماء فكرة وجوانا قضية ـــ Author: ahmed agooz Date: 02-25-2007, 10:08 PM Parent: #1
الحبيب حبيب نورة معليش يا ولدي انا دخلت غلط لانو النفاش دا بشبه نفاشناحق بيت نورة حبيبتي الاسطورة وهي فنانة ومرحومة من جيل العمالقة كانت رحمة الله عليها تشدو باغاني امير العود حسن عطية سوف اهديك احدى اغانيها المهم نحن يلتقي نسبنا في اسم حبوبة نورة تسلم يا حلو
Post: #19 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-25-2007, 10:16 PM Parent: #16
أحمد عجوز
شكرا للمرور
ربنا يخليك
Post: #20 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-27-2007, 08:35 AM Parent: #19
فوق
Post: #21 Title: Re: نور تاور ـــ في السماء فكرة وجوانا قضية ـــ Author: بكري اسماعيل Date: 02-27-2007, 10:11 AM Parent: #20
الرائع حبيب نوره
تحية كبيرة ليك وللبت الدغرية نور
Post: #22 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 02-27-2007, 10:16 AM Parent: #21
تسلم يا أستاذ بكري
فعلاً هي تستحق أكتر من كدة مع أنو نحن زي ما قال أستاذ عبد العاطي ضد حتة تأليه الشخصيات
Post: #23 Title: Re: نور تاور ـــ في السماء فكرة وجوانا قضية ـــ Author: عبدالرحمن عزّاز Date: 03-02-2007, 00:35 AM Parent: #22
.
Post: #26 Title: Re: نور تاور ـــ في السماء فكرة وجوانا قضية ـــ Author: حبيب نورة Date: 03-03-2007, 09:55 PM Parent: #23
عبد الرحمن عزاز
نقطة سطر جديد!!
Post: #24 Title: Re: نور تاور ـــ في السماء فكرة وجوانا قضية ـــ Author: الشفيع عوض شوشتا Date: 03-02-2007, 01:00 AM Parent: #1
Quote: نوباوية
في السما فكرة وجوانا قضية
مأساتك أوجاع الناس كلماتك لحياتنا أساس
رؤياتك لعقولنا هوية
نوباوية
ماك مكريــَّة!! يا الشارية الفكرة الدغرية دايرنك تبعثي روح الكون دايرنك و أنتي المحـَريـَّة ماك محـَريـَة