الصلاة في مصلاية كمنجة .. عقلانية جن الحروف الكلكــي !

أهداء لي أيي زول عشقوا البلد!

مرتاح مكوِّع فوق ضل كمنجـــــــــــة
حتـَّة في مسامعو ... صفق الوتر الضليل !!
متلفـِّح ورقــــــــــة التوت يستر بي نغيمــا نشاز حر الضنــي
نقرش النسام يدوزن في العصب ... أيقاعو كان تُم تُم خفيف!!
رقَّص الدنيا وهبش... عالي التضاريس المخصمة المزازيك والغنــا!

مقطوعة جيتك ....
أشتر رحيلك قطع مصارين الوتر
يحرق حشا النوتة ويعطِّش غابة كمنجــــــــات الحنين
كُبـــِّي مزيكة أنينك يحرد الناي النواح
شدي اوتار حنينك ..... الليل بقول ما داير صباح
خلي كل الكون سجينك نهتف نقول حي علي الفلاح!

أضبطي الأيقاع علي شهيق وجع النصوص
خلي الحروف كورال نشيد....... زمناً نشيد من جزيل حزنو
أوركسترة فرح!
خاتفــــــــــــــة لونين من زفيرك
حارقة دمك أنو زفــــَّة الغنيات جوقــة جروح لمن تجيك سيرة المحن!

نغمك يخش يغشي المسام ... يبقي الكلام صفقة ونغم
أيقاعو كان تُم تُم خفيف
رقصك يرد أعتبار طمبور حزين .. أوتارو كان لابسات سواد
مشدودة لي زمن الحداد!

حاجة تطرب ....!
أليمة زي وجع طلقــــــــاً صناعي في رحم فاصل موسيقي!
صولة جيتك!! سلم الشوق الخماسي ... رابع مستحيلات النشاز
مثلث أضلاعو شوقين وانت!
وتاني حسك يمرق علي الخلا ويقول
أول حروف أسمك ...دو ري مي
يابت القوافي الطاعمة دي !

مرتاح مكوِّع فوق ضل كمنجــــــــــــة
تشاغلك بي نديـَّات الثمر
تعزف بي فروعا نغمة تطرب العالم نسيم
تحلم تقيِّل في مسرح الزولة الموسيقي .... متوسد الناي حلم
تتمني في زمناً جميل !

حسك طبلة .... وماك دلوكـــــــــــــة !
لو قسمتي علي ربع التون بديك الفاصل الجاي !
ولسة الليل شافعاً بحبي
اللحظة السمحة بتعدي في سرعة تُم تُم خفيف !
زي سوبرانو بِطل من صوتك ... بايع روحو عشان مزيكـــــــــــــة !

ونحن نلم في كراسي الحفلة !
ولمة ناس راجيين الجرتق ... شايفك مرتاح
مكوِّع فوق ضل كمنجــــــــــــــة !
متلفح ورقة التوت تستر بي نغيما نشاز حر الضني
نقرش النسام يدوزن في العصــب

أيـــقاعـو كان تُم تُم خــفــــــيــــــف !

التعديل ساهي !!

يااه ..يانغم فيني إنسياب
وين ماشي بيّ ؟؟
ماسألتك..
وجاوبتا..
أهلاً بي مشاويرك..حبــاب
شوقي غرقان في الذنوب..
مرّة... ماصلى الغياب
ياريتو بس لو لحظة تــــاب
مرتاح ..مكوّع في ضل كمنجة ؟؟
مانحنا ريدتنا الرباب
ماقلتا ليّ ؟؟
إشتقتا لي حفلة مجيك ...؟؟
عزمنا أشواقنا الصحاب
وحتغني ليلاتنا الشباب

تماضر العسل

ياااااااااه من جيتك فيني بتطرب
ويااااااااه من شوفتك زمن المغرب
أحتفالية حروفك مهرجان قصيد
و بفضل فرحي بيك لسة مراهق
ربنا يديكي العافية قولي آمين!

هل كنتا بتعرف سر المغرب ؟؟
خاويت الشمس المنشرّة
بين خيط الضلمة ووعد القمرة
لا قِدرت من وهجك ..تشرب..
لاقِدرت من ضيّك ..تهرب !

تماضر

انا كنت بشوفك قبال تطلع
وانا بشرب قهوة مع شمسك
لكنوا رحيلك كان أسرع
و الحزن البشبه لي أمسك
زي نخلة طويلة بتتفدع
لكن للقمرة محال تمسك

لسه بشوفك جوّاي
خيطين من نور ..
شمسين..
ماكنتا بتقبّل تتقسّم..
بس كنتا..غصباً عن شوقك..
إتنين..



ليه ؟؟

يا طمطم !!!!

Quote: ليه ؟؟

شان يفضح صمتك خيط النور
وتمددي نوري علي البلور
وتهدي السور
و تبقي تغني ورانا طيور
انا شوقي وشوقك
حكاية أتنين
من حلمين
ح يبنوا قصور

بس أصبح ..فرحك مبتور..
أنا ليه أعيش فيك السكات ؟؟
والفيك..بيستنطق..صخور..
مش قلتا ليك..إنّك براك ؟؟
إتفردتا على ..مرّ الدهور..
ماشان سماحتك في الكلام..
بس..
شان..
بريدك..
بي ..غرور ؟؟


دقيقة..
عاوز تسالم؟؟

خلاس..
مِحِل تقبّل..إغشاكا نور..

يا طمطم

ما تزيدي هديلك نجضتيني
انا خايف الوجع الكان مستور
لو قلتي تزيدي و تديني
انا شايف انو بكون مغرور
خايف نيرانك تكويني
يا البرضو غيابك عندي حضور
وبين قوسين كدة

( نجاضة)

نجاضة نارية أنتي
لمن فتي
ولما أتحكرتي
وكمان بالغتي
خايف البوست يصبح في الخور!!
ما عارفة الريس عندوا أمور؟؟؟

فتا ؟؟
صحيح..بس فتا إليك..
أصلو الدرب الجاي بيوديني عليك..
والماشي وكت أغشاو ..بلقى قليبي المتحكّر فيك..
ومابيناتم..هل بتصدق ؟؟
ألقاهو كمان برضو البيجيك !
بس قول ليّ ..
كيف الفوتة..والجية..ومابيناتم..
ماليها النور..
البعضو عينيك ؟؟

قول ليّ..
ماتخاف..
أصلو القول مكشوف..مابعرف مستور
كان طاهر وعفيف..والحرف زهور ..
بس كيفن ..تلقاو في خور ؟؟

طمطم

بصراحة كدة أحححححيييي

من النار الماتت وحية
من طلاتك ومن الجية

يا بت أمي والله فترت
باكر ح أجيك ملان حنية
النبي ما تنجضيني
خلاس انا فترت

فتررررررررررررررررررررررررررررررررررت


وحاتك وانت عزيزة عليا!!

يا زولة جميلة و سودانية

برضو باكر ؟؟
ياخي ليه وعدك مشاتر ؟؟
خلاس..
ألاقيك..أمس..
بس سجّل عندك..
إنو الكلام عندك خِلِس..

يا طمطم

برضو باكر ما أمبارح
دة من الأول ومن الآخر
عشان العالم ما يكون جارح
لا يكمل قولي و يبقي مشاتر

بس لاقيتك أنا أمبارح
سبقتك شوق إنتا و باكر
أصلك فيني وضيّك سارح
إنتا بتعرف إنك قادر..
تجمّل حتى القول الجارح.

طمطم

طعمك لون الغنية أنيق
وشكلك فرح الحزن الجانا قريب

وجعك سماحة الزمن الضيق
و شعرك زي الألم اللاقي طبيب

زمنك مطر الفرح الصب حريق
ونجمك فينا ومابي يغيب!!

" ... ونحن نلم في كراسي الحفلة !
ولمة ناس راجيين الجرتق ... شايفك مرتاح
مكوِّع فوق ضل كمنجــــــــــــــة !
متلفح ورقة التوت تستر بي نغيما نشاز حر الضني
نقرش النسام يدوزن في العصــب

أيـــقاعـو كان تُم تُم خــفــــــيــــــف ! ... " .

* يا حبيبها ،
تلكم النورانية ،
الليمونية ..

أها صليتو على التُم تُم ،
أم على الكمنجه ؟


شنو الحاصل عليك و عليّ اليومين دي ؟ !!
أهو كلكي الحروف اللابس ملكي العقلانية ؟
أم بطئ خرير النهرِ ، وغرق البحر ؟

salaam
ya habeeb
ya al
habeeb
>> التجاني يوسف بشير >> انشودة الجن


انشودة الجن


رقم القصيدة : 69245 نوع القصيدة : فصحى ملف صوتي: لا يوجد




قم يا طرير الشباب غنِِ ِ لـنا غنِِ ِ
يا حلو يا مستطاب أنشــودة الجن
وأقطف لى الأعناب وأمـلأ بها دنى
من عبقري الرباب أو حرمِ ِ الفن ِ
صِح فى الرُبى والوهاد واسترقص البيدا
وأسكب على كل نـاد ما يسحر الغيدا
وفـجر الاعـواد رجعـاً وترديدا
حتى ترى فى البلاد من فرحةٍ عيدا
وامسح على زرياب واطمس على معبد
وأمش ِ على الاحقاب وطُف على المربد
وأغشى كنار الغاب فى هدأة المرقد
صور على الأعصاب وأرسم على حسي
جمـالك الهياب من روعة الجرس ِ
واستدنِ ِ باباً باب وأقعـد على نفسي
حتى يجف الشراب فى حافةِ الكأس

for you

dr mustafa

دكتور مصطفي

ياخي شكراً علي القصيدة الرائعة

Quote: قم يا طرير الشباب غنِِ ِ لـنا غنِِ ِ يا حلو يا مستطاب أنشــودة الجن وأقطف لى الأعناب وأمـلأ بها دنى من عبقري الرباب أو حرمِ ِ الفن ِ

تسلم كتير

منوووووت
يا أيها السادر في ليمونيتك المموسقة
الممتنع عن نداءات النشاز

Quote: أها صليتو على التُم تُم ، أم على الكمنجه ؟

يا هذا
صلينا علي الحنين صلاة الغائب!!
وكان يأمنا صلاتئذٍ شيخنا داؤووود
ألا هل بُورِكنــا؟؟؟!!!!!!!

يا حبيبها ،
تلكم الليمونية ،
النورانية ،


يا داووووووووووووووووووووووووووووووووووود ،
يا داوووووووووووووووووووووووووووووووووووووووود ،
يا شيخنا الحميم !

هذا كلامٌ كما البسكويت !!
لذيذٌ ،
ممتعٌ ،
و لا يُقاوَمُ إلا بالمزيدِ منه !!!

أخالك يا صديقي
ماذلت في عنفوانك القديم
الذي يستدعي نزق القصيد
و يعلن عن قيام جبهة ثوار الكلمة الدغرية
من أين لك بهذا!!
أحايين عديدة
تصيبني بالخدر اللذيذ
أتراها لسعات الخدار الليموني الممتع؟
أم هي رشفةٌ من خرير النهر حين بداية الحياة السرمدية
في بويضة الخرير
اظنك رحم لا يعقم من أنجاب الدهشة
و أكيدٌ أنا من دهشة الدهشة حين تلتقيك!!
فقل لي بربك أين المفر!!
النهر أمامي
والليمون خلفي!
لم يتبقي غير الثلج!!

أنعلنها لومنة ؟؟

أم تراها أضغاث نورنة لاتسمن ولا تغني من صباح!!!؟؟

التجاني يوسف بشير >> الصوفيّ المعذّب


الصوفيّ المعذّب

i think this is 4 u ya habeeb
dr mustafa


هذهَِ الذَّرَّةُ كمَْ تَحــمِلُ في العالَمِ سِرَّا

ذاتِها عُمْقاً وغَوْرا

قِفْ لَديْها وامْتَزِجْ في

وانْطَلِقْ في جَوِّها المَمْـلوءِ إِيماناً وبِرَّا

في الذَّرارِيِّ وصُغرَى

وتَنَقَّلْ بينَ كُبْرَى

تَرَ كُلَّ الكونَِ لا يَفْـتُرُ تَسْبيحاً وذِكْرا

***

وانْتَشِ الزَّهْرَةَ والزَّهْـرةُ كمْ تَحْمِلُ عِطْرا

نُدِّيَتْ واسْتَوثَقَتْ في الأَرضِ أَعْراقاً وجِذْرا

خَضِلٍ يَفْتأُ نَضْرا

وتَعَرَّتْ عَنْ طَريرٍ

سَلْ هَزارَ الحَقْلِ مَنْ أَنـْبَتَهُ وَرْداً وزَهْرا

وسَلِ الوردَةَ مَنْ أَوْدَعَها طِيباً ونَشْرا

بينَ أَعماقِكَ أَمْرا

تَنْظُرِ الرُّوحَ وتَسمعْ

***

الوجُودُ الحقَُّ ما أَوْسَعَ في النَّفْسِ مَدَاهْ

والسُّكُونُ المَحْضُ ما أَوْثَقَ بالرُّوحِ عُراهْ

في حَناياهُ الإله

كُلُّ ما في الكونِ يمشي

هذهِِ النَّمْلَةُ في رِقَّـتِها رَجْعُ صَداهْ

هُوَ يحيا في حَواشيـها وتحيا في ثَراهْ

وهْيَ إِنْ أَسْلَمَتِ الرُّوحَ تَلَقَّتْها يَداهْ

لَمْ تَمُتْ فيها َحياةُ اللَّـهِ إِنْ كُنْتَ تَراهْ

***

أَنا وَحْدي كُنْتُ أَسْتَجْـلي مِنَ العالَمِ هَمْسَهْ

وأَسْتَبْطِنُ حِسَّهْ

أَسْمَعُ الخَطرَةَ في الذَّرِّ

واضْطِرابَ النُّورِ في خَفْقَتِهِ أَسمعُ جَرْسَهْ

وأَرى عِيدَ فَتىَ الوَرْدِ وأَسْتَقْبِلُ عُرْسَهْ

وانْفِعالَ الكَرْمِ في فَقْـعَتِهِ أَشْهَدُ غَرْسَهْ

رَبِّ سُبْحانَكَ إِنَّ الـكونَ لا يَقْدِرُ نَفْسَهْ

صُغْتَ مِنْ نارِكَ جِنِّيـهِ ومِنْ نُورِكَ إِنْسَهْ

***

رَبِّ في الإشراقةَِِ الأُولَى على طِينةِ آدَمْ

أُمَمٌ تَزْخَرُ في الغَيْـبِ وفي الطِّينةِ عالَمْ

ونُفوسٌ تَزْحَمُ الماءَ وأَرواحٌ تَحاوَمْ

سَبَّحَ الخَلْقُ وسَبَّحْـتُ وآمنْتُ وآمَنْ

وتَسَلَّلَتُ مِنَ الغَيْـبِ وآذَنْتُ وآذَنْ

رَبِذَ الخَطْوِ إِلى مَنْ . .؟

ومشىَ الدَّهرُ دِراكاً

***

في تَجَلِّيَّاتِكَ الكُبْـرَى وفي مَظْهَرِ ذَاتِكْ

والجَلالِ الزَّاخِرِ الفَيَّـاضِ مِنْ بَعْضِ صِفَاتِكْ

والحَنانِ المُشْرِقِ الوَضَّـاحِ مِنْ فَيْضِ حَياتِكْ

والكمالِ الأَعظَمِ الأَعْـلَى وأَسمَى سُبُحاتِكْ

ذائِداً عنَْ حُرُماتِكْ

قدَْ تَعَـبَّدْتُكَ زُلْفَى

فَنِيَتْ نفسي وأَفْرَغْـتُ بها في صَلَواتِكْ

***

ثُمَّ ماذا جَدَّ مِنْ بَعْـدِ خُلُوصِي وصَفائيِ

أظلمتَْ رُوحِيَ ما عُدْتُ أَرَى ما أَنا راءِ

أَيَّهذا العِثْيَرُ القائِمَُ في صَحْوِ َسمائيِ

للمناياَ السُّودِ آماليِ وللموتِ رَجائيِ

آهِ يا يومَ َقضائيِ

آهِ يا موتََ جُنوني

قِفْ تَزَوَّدْ أَيُّها الجَبَّـارُ مِنْ زادي ومائيِ

مُثْقَلٌ بالبُرَحَاءِ

واقْتَرِبْ إِنَّ فُؤادِي

***

يا نعيماً مُشرِق الصفـحَةِ يَسَّاقَطُ دُوني

نَضِرَتْ في قُرْبِهِ نَفْـسي وزَايَلْتُ غُضونيُ

فَمَشَتْ غائِلَةُ (الشَّـكِّ) إِلى فجرِ يقيني

قَضَتِ اللَّذْةُ فاسْتَرْجَعَها لَمْحُ ظُنونيُ

واسْتَردَّ النِّعْمَةَ الكُبْـرَى مِنَ الدَّهرِ ْحَنيني

مَنْ تَرَى اسْتأثَرَ باللَّذْةِ واسْتَبْقى جُنوني ؟

***

أُذُنيِ لا يَنْفُذُ اليومَ بها غَيرُ العَويلْ

دَقِيقٍ وجَلِيلْ

َنظري يَقْصُرُ عنْ كُلِّ

غابَ عنْ نَفْسيَ إشراقُكَِْ والفجرُ الجميلَْ

واسْتَحالَ الماءُ فاسْتَحْـجَرَ في كُلِّ مَسِيلْ

رَجَعَ اللَّحْنُ إِلى أَوْتارِهِ بَعْدَ قَلِيلْ

واخْتَفَى بينَ ظلامِ الـمِزْهَرِ الكَلِّ العَلِيلْ

*****

دكتور مصطفي
ما أجملك
وما أعجبها من كلمات
مثلها تماماً
الصلاة في سجادة كمنجة
قمة جن الحروف الكلكي!!

Quote: مرتاح مكوِّع فوق ضل كمنجـــــــــــة

ولى متين ؟؟؟

يوسف الولي
لي متين!!!
لحدي ما تطلع شمس الغنا!!
وتفك نورة المحنة دي!!

معجب جدا مستمتع خالص
شكرن جزيلن

خالد المحرب
فاقدك
ومشتاق ليك
بشدة
وتعرف كيف يا أجمل طيف
ضيعنا سنين
وسنين
ودنين
ما بنتقابل
و أكيد ح نتقابل

الى حدود الكلمات تأخذني الدهشة ..
و الاستمتاع رفيقي و أنا اتابع هذه الدوزنة ..
على اوتار الاحاسيس ..

كوع....طوع روح انغامك
واسرق صوت الوتر الخامس
جوع ... روع ..وتر السجدة
وسلم قلبك شفعا هامس
رتل سرا شعبك ...شفع
شجر الناس ..الكاس ..العطشت
فترت .. عترت تبقى متارس
لي الاحزان..للجوع الكافر
وبرضو تدافر ترمي اللقمة
تتف الجغمة النيل الهارس
كبد الليل..السيل الطول
وهد الحيل اترصا سنابل
في الحيشان الكبرت سحتا
سحقا سحقا لي الرجعية
وكل وليه.. وكل مدارس
تدي النور لي شفع تقرأ
سجم الجن ..الحرف الكلكي
وجن الجن البفضل حارس
وتر الروح ان طق المفصل
في الجزلان او سكر الشارع
بي (البن بان)..الزان الطالع
من حيشان الهم ان صفق
وادي الكف لي زولا فارس
يا مطموس بي سحر اخوانك
يا مدسوس في رحم الفكرة
وناقر جرس الريح العطشت
مين الرسمك انت الداقس؟
شد اوتار مصلايتك غني
حتحت شعر الاسمو كمنجة
ورص نعلاتك ضد المرقة
وادخل في الاوتار بي ذاتك
انقر طار البلد الحرقت
نقز.... نقز.. اعرض وبشر
بالشبال جرتق نخلاتك
اصلو الحال من بعضو بفسر
يا موهوم بي كل الحاصل
يا مجنون بي باقي صلاتك
اركع... اسجد ضد الفاصل
وضد الجن ان جاكا مقبل
وسبح بس بي باقي صلاتك
وطوع نغم الريح ان ركّت
ركبت راس العوج الصالح
وفجت باقي الليل الدامس
ورجع تاني الوتر الاول
كان الكم؟ تتذكر ياخي؟
امكن كان الوتر الخامس
ما الاوتار اتلخبت صوتا
وحتى النغم القلنا اتدوزن
عاكس فينا الحس الخامس
زي ما راحوا الاربعة ديلك
وكنا بنحلم بي المستقبل
واستكشاف الحس السادس
كوّع ياخي...و واصل جنك

عبد الله وداعة

انت كدة علي طول
تجيني و تبكمني نهائياً
وحاة الله فتشت لي مود الكتابة ما لقيتوا
خليتني برة الفورمة
تسلم يا غالي

علي طاهر

والله دة أنت المايسترو بتاع الفرقة الموسيقية دي!!

تسلم يا سيدي والله

معليش..لو كان القول ..مرّات بتأخّر..
أصلو بسافر ..وجوّه الحلق ..مرّات بتعثّر..
لما تقابلو الغصّة..
تعكس سكة حسو..
وأنا أتمرجح ..مابين قولاً لابس أشتر..
ومابين قولاً قلتو بحسو..

يا بت النيل الطاعم يا بت الزمن الأخضر
أنا أصلي مسافر زيك ورحيلي كتير بتأثر
ما بين جنحين تتلفّت وما بين أحساس بتعثّر

مرات انا حزني بدسّو
جواة القلب البهتف ليك يا أسمر
ومرة ومرة بخلي العالم كلو يحسو



شكررررن جززززيلن يا خُناس !!

القلب الرادك أنا شاكلتو
وشوق جادّعتو
كيف بيريدك ..وإصبح زولاً سادي أناني
أصلو بريد في ذاتو ..أنا كالمتو
مش إنتا..النبض الطالع منّك ..ياها رويحتي..وماتتنكّر ..أنا غالطتو
ولما إتبيّن ..إنّك ذاتك..فيني بتنبض..جاني مؤكد.. وأنا سالمتو..
قولة إنّي بريدك..ماها الكلمة..الجاية..مطاطية..أنا شاغلتو
شان إتوهّط ..وإفضح..ريدو..كمان غازلتو
وماهو الغزل ..الخالي الحِشمة..ولا جاملتو..
كنتا بسيطة ..وصفتا العِشتو..أنا واجهتو..


تقدر إنتا تشاكل قلبك ؟؟
قلبي بخاصمك كان شاكلتو

يا طمطم

القلب الرادك انا ودّعتوا
ما أظن يرجع لي و سلمتوا
غالطني حنينك و غالطتوا
قال لي يا طمطم وين فتوا

Quote: شان إتوهّط ..وإفضح..ريدو..كمان غازلتو

أتوهطي انتي انا قلبي عشانك كلمتوا !!!

قلبك أنا هامستو..(هاتي وريدك ) أنقر ..ماوشوشتو ؟؟
وكمان ساءلتو..قلبي بريدك ..ما إشتقتو ؟؟
في دماي ..كالمتو..
بي ..كل.. البيّ ..صارحتو..

إنتا ..البيَّ ..وحشتو ؟؟

حبيبه وتماضر

واسو الصف

استووا يرحمكم

جنن زعمط حزن الهم الغم

السم

التم الناقص وجا يغازلكم

مستوارات العارض قطن

كل خميرة العشق الاول

ريد البت البركت تحلب

في جاموس الحاصل هسا

والاتدسا

ولافح مرق البحر الاعوج

وجا يكاتلكم

العن كل الشوق الجابكم

موهومين

انداد السجم

الساكت

ساكت وما بتكلم

وقايل روحو كمان كلمكم

واصل ياخ الجن الكلكي

وحب مصلاية وهمك برضو

وخلي الوتر القطّع ايدو

في الانغام مرة يضحكم

او يحكمكم

و واصل جنك

جيتك..واست ياخي صفوفنا
إنعل ياخي الصف الما إشتاقك
وديش القلب الناقصو ..وصالك
مستورة صلاتي ..القِبلة مدارك
مصلايتي وحاتك
إنتا ودارك
( وإنصر دين )
قلبي الإختارك

مقطوعة طاري الحرف البنزف

مين النقّر هسع طارك؟

ومين الحشّر وشك انتي

في الاشواق واتوجه دارك؟

لو ما العرفة البينا انكتبت

كان خاصمتا القلب الدارك

واندسيت في جوه حنينك

وبس كاويت بي ريدي مدارك

ويقطع وشك

اقطع وش القلب الرادك
أصلي زمان جافيت الريدة
مين الهبّش هسع ذاتك ؟؟
عطّن شوقك في شرياني
وانعل كل الفيني ودارك
ماخاصمتا القلب الهامل
الساب الدنيا كرورا وشالك
بس خاصمتا العندي معاكا
وقاعد قسماً..فيك مافاتك

ويقطع..ريدك

جيت عاينت وغرت شديد

من نضميكن لما

صلاتكن فوق وترين

والقوس النازل

ميل في تونات

السجدة السابعة..

فضلت مساهر

ليل ماناحت فيهو

كمنجة..

اتأخرت هناك في

حضرت بادي

قلت احج في روح

النيل الطالق

روحو

واختف

جمرات الفجر

رغيبة..

غفيت في آخر

شوط مرسوم

اتشوطن

فيني الحجر الاسود

ألبس غيرتك في نعلاتك
قبل دخولك شوق الجامع
سيبا ..هناك براها الجاتك
روحي تأذّن ومرّة تكبّر
قلبي وراك..الراجي صلاتك
ماتتأخّر ..ياخي بفوتك
وكت الريد..وتروح حاجاتك

نعلاتي يشيلن

دبش الغيرة

ضريسة شارع

وحالي الصار

منصوب بي فعل

مضارع..

مرفوع القوس

في الوتر

الرابع ..

ياتو كمنجة

بتعرش سقف الجامع..

بي قوة ساجع..

ياها صلاتكن فايتة

صوامع الحلة نشيد..

انا طالع ..

طالع..

طالع..

أكان باريتكن في

ها السكة ام نفسن

طالع ..

باكر بصبح فيها

مواجع..

وينك طالع ؟؟
وسايب الشوق من بعدك ضايع
وينك طالع ؟؟
وإحنا الريد ساوِينا مراتع
إمّا تقيف ..وتهدهد حرفو الصايع
أو برضو تقيف وتجضّم فيهو الشافع..
إمكن إهدا ..وتبقى كبيرو وإفضل سامع..
وإجري إذاكر..وإنجح ..وإبقى الزول الرايع..
خلاس بارينا الولد الإسمو حبيبها ..دخلنا الجامع
كيف حتغادر قبل صلاتك ؟؟ووترك خاشع !

عبد المنعم

انا آآآآه من رقة جيتك
طاهر و ابيض
وضوك من موية الشجن السلسبيل

خدرت البوست بي نضميك
شكرن جزيلن

Quote: مرفوع القوس في الوتر الرابع .. ياتو كمنجة بتعرش سقف الجامع..

ياخي الكلام دة بقي حلاتو !!!

الحلوين
عبد المنعم
عبد الله وداعة
خُناس
طبعن انا مستمتع جدن
شكرن جزيلن!!

عبد الله وداعة

Quote: حبيبه وتماضر واسو الصف استووا يرحمكم جنن زعمط حزن الهم الغم السم

ياااااااااااااااااااااااه!!!!!!

طمطم

مدي الأيد عشان أسالمك
وانا بمشي أتوضأ و أجيك !!!

طيّب ..
أديني من كلي المعاك..
مدّة إيد ..
وماتبقى ذي واقف براك

بديك معاي
بعض الكلام الكان زمان
كل الشجن كل الحنان
شان تبقي في العالم براك
زول فيك كل لمسة حنان
ضمير ما شفتوا في أنسان
خليني بس أقعد حداك

خلاس..
أصلي بس بعشق عيون..
شايلة من روح الملاك
طيبة مابتعرف خداع..
وراسمة من حِنّك براك
ريدة والحلم المشاع
مشتولة في زولاً هناك
لاخان ضميرو ولاهو باع.

تسجيل اعجاب براحة كدة من غير شوشرة
شكراً جميلاً

بشير بشير
أعتمدنا خطوتك
في سكة أحلامنا
الدروب معبدة
والمحطات مستنية
سافر
سافر
سافر
انا في رجاك

خناس
ما بين الليل و جيتك
عالم جديد من الألق
وانا زي هناك مجدوع بعيد
بتلوّي في الشوق والأرق

شايف الناس تتجادع ساكت
وردة بوردة
و حزن بحزن
قلت أنش القلب الساكت
و أجدع
زي ما الناس جادعين
هاكم
طيرة و غنية و تفاحتين
وسعوا لي في القعدة معاكم
أصلوا حواسي إتمردوا فجأة

داير أطلع
و ما دايرين

فاضلابي
أندفق طيبة وشجن
ما تخلي باب
يفتح وجع
خلينا للهم والحزن
حزاني لكن برضو عالمنا جميل
ناشفين
لكن ملامحنا خدراء
شكرن جزيلن

Quote: وسعوا لي في القعدة معاكم أصلوا حواسي إتمردوا فجأة داير أطلع و ما دايرين

يافضلابي النوتة قريتا

معانا كمنجة

وحال قوسين

من قزح الشالع

من عبار الديمة

ومارق بين

لونين..

فكّ عيار احساسك

من جبروت اغلالو

يناتق شوق

زي رايش طايش

لامس جفن العين

فجينا مساحة تون

شان تدخل كونتربوين


بين وترين..

او هارموني

داخل عصب الحضرة

تطلع وين ؟

عبد المنعم
شكرن لي جيتك و انضمامك لي فرقتنا
أعزف معانا بي أناملك الخدراء
خلي النيل يكب فوق النشاز
ماشاء الله عليك
وانت بتطلق سراح الشجن
و بتلغي تكشيرة زمن
مليان حزن
مبسوط بي قلمك الحنين دة

تسليم يا حبيب نورة الشاعر

شفت عجاجكم برة البوست

و قلت معاكم حقو أدافر

طالما الحب لازال مجاني

نكتب ما معروف البحصل باكر

فضلابي

فاضل كم من باقي حنينك
فاضل كم من كل أنينك
فاضل كتير وانا لساتي أنتظار
جواتي بنده ليك
ما تغادر جواي
أرحل مني الوجع الكافر
وتعالا نغني
لي يومنا وباكر
تسلم كتير
أوشفك حلم
عشم ممدود قدح كسرة
حلم بنوتة بالسترة
كلام ناساً حنان بالحيل
ولي قدام

خناس

شينة القمرة بدون

الليل واقف

متراس..

وتسهك في الفضة

عيون الشافت

ماس..

حبرين اتلاقو علي

الكراس

واتشخبط قلبي

الحاس..

دكتورة الشجر

القرضة

تداوي الراس

يسلم فاضلابي من

الكباس

عبد المنعم..



جننتا القلب الرادك
واقف نص الملعب ورافض إشارك
حكم الأشواق..لعيبة تعارك
وبس ذي جاني سؤال متدارك

صحيح الناس تتجارى ..
قلوبها حنينة ومرّة حجارة..

بس وين الكورة الريدة ؟؟
وعلى أيه الناس تتبارى ؟؟
وليه الطبع الزين دايماً بتضارى ؟؟

عبد المنعم أبراهيم

Quote: شينة القمرة بدون الليل واقف متراس..

وشينة الدنيا بدون أحساس
وزول وناس
وواحد تاني خليه في سرك
قاعد وباقي ليا أساس
جوة الراس و في الكراس!

وين?

لي جوة أكيد يا منعم

أفتح لي قصادك شارع

لو حاولت أفوتكم و أمشي

ببعد و قلبي قصادكم راجع

حبيب نورة


مبسوط انا من كم

يوم مانمت مساهر

باريتا حروف الكلكي

مشاعر..

مصلاية جن مبسوطة

مساير..

صليناعليها صلاة الغايب

وحاضر..

Quote: وين? لي جوة أكيد يا منعم أفتح لي قصادك شارع لو حاولت أفوتكم و أمشي ببعد و قلبي قصادكم راجع

فاتحلك تنقير للريدة

وشارع..

وحاجزلك بيتين في

قلبي قصيدة..

واقفلك بهناك في

الضوء الساطع

ضابحلك نهرين

والبحر الشاسع

شان روحك يازول

شايلك شافع

عبد المنعم أبراهيم
هضرب بي حمي الزمن الجاي
خليك في غناي
أحساس و شعور
في كرش الناي

Quote: مبسوط انا من كم يوم مانمت مساهر باريتا حروف الكلكي مشاعر.

تسلم كتيرررررر

فاضلابي
لي جوة مصاريين القول الصامت
ولسة بنادي
تعال يا زول
فترتة حروف الكلمة الخيل

والله انتو ناس مجانين جنس جن ......... وانا زهجان منكم جنس زهج ... لكن كا تقولوا لي ليييييي ؟؟؟؟

يا طه
انا بعد بسم الله
بخش في طه
الآية الفيك الما بتختاها
غناوي الروح
حرير الكلمة الشوق
شجون يادوبك ح تبداها

Quote: والله انتو ناس مجانين جنس جن

بس ما تقول بسم الله!!!

الليل في أواخره و عيني لسع ساهرة
و روحي حرامي
ناسي الموت و ناسي الآخرة
تتلب في الجروح تسرق و ما كافيها
يا ليل ليه بدون حراس كده مخليها?
لقيتها تعد غنايم من جميل الحزن
و در دمعات غمايم هابرة زي المزن
نهرتها: غوري
قالت ليا ما بإيدي
و صرت لي
شتمتني
و نعلت سلسبيل أيامي
و اليوم الجمعني معاها
و لفت مني تنفخ ناري: زيدي و زيدي!
عارفين يا شباب
دايمن زمنا مشاتر
يا منعم و يا حبيب نورة
عارفين إلا تعملوا ساتر
جايكم زمن
لاحولاااااا
بس يا ساتر!

Quote: الليل في أواخره و عيني لسع ساهرة و روحي حرامي ناسي الموت و ناسي الآخرة تتلب في الجروح تسرق و ما كافيها يا ليل ليه بدون حراس كده مخليها

لا حولا

من زولن روحو حرامي

تنط في روحو..

ما ضهبانة، مجنونة تفتش

ساعة الهجعة عشان

تسرقلهاحس

شريان..

حيرني سؤال الروح

الفيها حراميها

البحميها..

مامعيوبة الروح إن سرقت
ماإتولدت زمناً أشتر
خليها تنط في بيوت الدم
اللابس نفسو وأحمر
خليها تشيل عدم الإحساس
تدينا الحِس الأخدر
خليها تشيل العِرق القاسي
وتخت شرياناً أرحم
تملاو بي حب الناس
والفيو إحساسو أهم
ماأصلو الطيبة مشاتل
مزروعة في جوّة الدم

هوي انا صاحي

تلاتة ليالي

عشان الروح ماتهيب

تالا الروح..

وقلبي مفتح وشاخر

حبة دم معصوم

في وريدي التاني

اتسلفت

عيونك غمضة

قدر مسدار

ما يعصي جفين..

يا شايلة حروفك

زي محجان

حتحت خروم الريدة

حرازة..

مالك محزونة قدر

ما كبت غيمة..

ملياني مشاعرك شوك

سيال..

او سدرة خوف

من نبق اللحظة

الحالي..

جننتك مش؟

الجن ده معاك إجباري
فرحان..ماأصلو خياري
سلفتك أنا روحي
شان تعرف شوقي الماهو خرافي
وسلفتك غمضة عين
رغم إنو النوم جواها ومافي
وسلفتك حتى العافية
إن شاءالله البيَّ تعافي

الجن ما ختا

قزاز افكارو بدون

كاسات

في قعدة قوية..

الجن عاقل ونجيض

بس علا حروف

الكلكي النية..

يابنية هدتلي

العافية عشان اتمدد

بين أهدابا

وشبكة عين

كحلية ..

من دغش احلام

وردية ..

لي ضل مرصوف

بي ريحة بن

عصرية..

يازول الجن أهو داك
من الفيك إتبرا وجاك
خلاس إستغفر ربو
قال البيك مامنو
والكلك الفيك سويتو براك


إنت الجن خليتو يآمن !!
مين التاني وراك ببراك ؟؟

Quote: الجن ما ختّا قزاز افكارو بدون كاسات في قعدة قوية..

والله الكلام دة عجبني

ما عارف ليه

وكيف انا كتبتو

كانت دايرة منعم سليمان

Quote: إنت الجن خليتو يآمن !! مين التاني وراك ببراك

تبراني العافية

وفوقا هديل قمرية

وكم قوقاي..

وتبراني طبول

العزة

وحس شتما

شاشاي

ويبراني العامل

ابيض نيتو

وما نساي..

يبراني البكرج

والقلاية وطعم الشاي..

تبراني مشاعرك

ياموهوبة

شعر حجاي

تبراكا الكلمة السمحة
نغم دوباي
إبراكا قليبي الوقفت فيهو
تصلي دماي
وتبراكا محنة تضفّر شوق
شاشاي
إبراكا ..النبض ..الشلتك
فيهو معاي

plllllllz

Dream what you want to dream; go where you want to go; be what you want to be, because you have only one life and one chance to do all the things you want to do
The happiest of people don't necessarily have the best of everything; they just make the most of everything that comes along their way
When you were born, you were crying and everyone around you was smiling. Live your life so that when you die, you're the one who is smiling and everyone around you is crying
When the door of happiness closes, another opens, but often times we look so long at the closed door that we don't see the one which has been opened for us

تعالوا هنا يا خيانة ....
خنساء وحبيب نورة ومنعم وعبدالله وفاضلابي ومنوت ومصطفى في فد مرة
ضاربين همبريب القعدة وناسين أحبابكم برة
شكيتكم على الله ، كان عوستوها حروف الغنا سويتوها مجرة
تفتح باب الكون العالي ، وتعزف لحناً كلو مسرة
شن راجين بعد نصابكم كمل ، ما تقيموا صلاتكم ، وأدعو الوتر يفك الزرة
مزرورين في سوق الغنية بلحن مشاتر
مدعوكين في ناصية لزمة مُضرة
كدي فكوها ، وواصلوا عشان نلحق باقي الجرة ...

حبيب نورا يارئيس الخيانة الكابي الزوغة بالجاحات السمحة اصبر لي يا دلو

التعديل أملته سقوط كلمة (باقي)

حبيب نورة و محبوب عشاق جنون الحرف و الكلِم

Quote: رقَّص الدنيا وهبش... عالي التضاريس المخصمة المزازيك والغنــا

و نضمكيك دة مش تضاريس .. دي جغرافيا و أطلس

ياخي إنت مترع و روعة

أبو جهينة
ربنا يديك العافية
ويا زول حصل أجر الجماعة
دة بوست بي سبعة وعشرين درجة!!

إنعل ياخي الوكت الفاتك..
وكِملت فيو صلاتنا
بتقدر شمسك إنتا تغيّر في أوكاتنا ؟؟

أيوه بتقدر..

أصلك شايل زمن الروح في ذاتنا

Quote: تعالوا هنا يا خيانة .... خنساء وحبيب نورة ومنعم وعبدالله وفاضلابي ومنوت ومصطفى في فد مرة ضاربين همبريب القعدة وناسين أحبابكم برة شكيتكم على الله ، كان عوستوها حروف الغنا سويتوها مجرة تفتح باب الكون العالي ، وتعزف لحناً كلو مسرة شن راجين بعد نصابكم كمل ، ما تقيموا صلاتكم ، وأدعو الوتر يفك الزرة مزرورين في سوق الغنية بلحن مشاتر مدعوكين في ناصية لزمة مُضرة كدي فكوها ، وواصلوا عشان نلحق باقي الجرة ... حبيب نورا يارئيس الخيانة الكابي الزوغة بالجاحات السمحة اصبر لي يا دلو التعديل أملته سقوط كلمة (باقي)

كان غاتس وين الكان

مدعوك في ناصية بيت

جيرانم..

وبكشّف قال ماشايف

حضرة زولو حبيبو..

كم مرة ندهتك لمن

شفتك واقف جم

خيرات بت كسلاوية..

وانا طالع من

بسبوسة شوق..

يازول يازوق

ادخل لا جاي

Quote: كان غاتس وين الكان مدعوك في ناصية بيت جيرانم.. وبكشّف قال ماشايف حضرة زولو حبيبو.. كم مرة ندهتك لمن شفتك واقف جم خيرات بت كسلاوية.. وانا طالع من بسبوسة شوق.. يازول يازوق ادخل لا جاي

يا منعم يا ذوق ياخي ما تخليني أكب رندوق
أنا بفكر أني أخاصمك عشان كاتلني الشوق
وأتنفس حلم الرؤيا جداول لم تغطس فيها الشمس شروق
خيرات البت السمحة وفاهمة واقفة منارة تضوي بروق
ما تستعجل بتديك الفيها نصيبك حشا وكلا من كلماتك بيها تزوغ
بس بتفتش في أوقاتها الصعبة شوية شان تبني الساس المايل وتخت الريدة مروق
أصبر أصبر أنا جايك عشان أتحسس حس كلماتك لمن فقعت بينا عروق
من باحات القلب الوراء الكلها شقوق في شقوق

ولي تروتسكي الغايب و حاضر
نقول علي فكرة
يا ولية كبّي
خلينا ندفن في كاساتنا ليالي الشوق
يا جماعة انا يادوب سربت لي كاشين
انا أخوك ياشعدية!!!!!!!!
في صحتك يا تروتسكي
وصحة بكري الرافع الراية
يعني شنو مافي حاجة؟؟
يا مرة انا هيّن واللا ليّن ؟؟
وحاة أمي انا كان أتديّن أتبيّن
كبي لينا كاس قبال ما ناس النظام يجو
يخموك خمـّة السرق ما مرق
تروتسكي
مالك يا صنديد يا جبل الحديد
مالك يا عشا البايتات
يا زول انت مالك ماشي
ماذال الليل طفلاً يحبو
عرقي العيش سواها فينا
لكن لا شكـرنا ر قدنا طينة
ما كفاية يوم الخميس الفات
يوم ضبحنا التيس
والمرارة والشية ديييييي تقول يا غربتي
اليوم داك حاجة التاية
حجزنا برمة مريستا كلها
و انا دقيت سدري
وقلت الليلة العدل علي
حرّم زول واحد ما يدفع
اها صاحبك أبنوسي قام من الكاس التاني
يعني دي حالة؟؟؟؟؟؟؟؟؟
انت ما قلت حوض رملة

ضل الزمن الروح يا تماضر
لونو غريب أزرق و مشاتر
و أنا ده
غفيرو
حارسو أمبارح و هسي و باكر


حارسو زمن يا خنسا ..
فترت
هو البتغير لامن يحب
و أنا بي وراه
مالك .. و عب

فاضلابي ...


ضل الزمن الساكن روحك
خلّي إسالم ضي بسماتك
سيبو إعشعش ..إقالد ذاتك..
تعرف ..إنّو..الشمس الفيك..هي البتحرّك نورو شراعك
أنا لو منّك بكسر ضل الزمن الأشتر
ويصبح نورك..حاضن ناسك
ولو ..يابعضك..
سبتا النبض الفيك..يحكيلي.. حكايتك
بشوف ..رقراق التقوى ..الفي عينيك..رغم شقاوتك
تلقى رويحتي....بتسبر غورك..
وألقى الفيك مني ..جد..مشتاقك
آخر ..حتة ضل جوّاكا تودّع..
جد منكسرة..
ونورك..باهر
أنا..لو تعرف..فيك..تذكارك.

خناس

Quote: إنعل ياخي الوكت الفاتك.. وكِملت فيو صلاتنا بتقدر شمسك إنتا تغيّر في أوكاتنا ؟؟ أيوه بتقدر.. أصلك شايل زمن الروح في ذاتنا

آآآآميييييين !!!

صديق رحمة

Quote: تعالوا هنا يا خيانة .... خنساء وحبيب نورة ومنعم وعبدالله وفاضلابي ومنوت ومصطفى في فد مرة ضاربين همبريب القعدة وناسين أحبابكم برة شكيتكم على الله ، كان عوستوها حروف الغنا سويتوها مجرة

الهم أنشرّ !!
و هم الشوق لي لحظات سمحة
مالي العالم جوة وبرة
كدي فكوها ، وواصلوا عشان نلحق باقي الجرة ...

فاضلابي
انا كدة ح أضطر أفكفك حاجات كتيرة جواي
لكن خوفي من سرقة الحلم اللذيذ
اصلاً الايام دي
مافي مجال للبوح
الا في كراريسنا دي

Quote: يا منعم و يا حبيب نورة عارفين إلا تعملوا ساتر جايكم زمن لاحولاااااا بس يا ساتر!

واااااااو
منتظرنك في مصلاية التماس
بس ما تعمل ألتماس!!

الله أكبر
وحي علي فلاح شوقاً يفتر سيدو
مشوار طويل
الله أكبر وحي علي صلاة هما
يغسل زولو أحسن من قبيل


تسلم يا فاضلابي من جديد!!

و لو بالليل النوم ما جاني
مين البمشي يزور أحلامي
باب لي باب يغشاها و يسلم
يقعد حبة يقول ويكلم
مين و الروح مكسور جنحاتها
مين?

الروح مكسور جنحاتها ؟؟
تعرف ؟؟
إنّو الروح بتحلق دون جنحات
لمّا تسالم فيها إحساس الإلفة
لمّن تنكر ..فيها الذات ..
ويصلّي الكل ..جوّاك ...بالعرفة
وأنا ليك ..بشتاق..مرّات
وبشتاق..لي حنين..
عشتو معاكا بالحرفة.

طيب
يبقى غلبتي الحجة
و أنا ما داير تاني أقول
أصلو الراجل في موروثنا
عيب يتألم
لامن توجعو روحو و تبكي
عيب للناس بي جرحو يكلم
و أنا ما داير يوم الناس
للقلناه في قعدة تجيب
يقولو وقعت ده طبعا عادي
لكن كترة البتبتة عيب!

فاضلابي :

مين الختّا العيب ؟؟
وأيه مفهوم العيب ؟؟

أنا ذي ..ذيّك إنسان..
سبحان الرحمن
خلّى صلاة العين..دمع هتّان..
لو كان العيب ..تحكي بألمك..
ماساب العين..الفيك..ذيي..
أنا ربي..يوم ماظلمك..
نفس الإنسان..
ذات ..الأحزان..
وبالدمع ملان.

يا سلام عليكم

فاضلابي وبقية الناس الطاعمين جدا

جر خطين فاضلابي وصنقر

وخت بي ايدك انت الساتر

وما تهتم لي الزمن الجايي

ومافي زمن تحميهو سواتر

كاتل شر البحصل هسا

وماتهتم لي البحصل باكر

بحصل ايه؟ ... ما الدنيا بتمشي

رغم الجن الفينا مشاتر

اتكي الشوق جواكا احضنو

وارمي الضل راكوبة خاتر

وما تتلفت وان ما كفت

ريح الشوق اوعاك تخاتر

كجن كل البلعن جلدك

وجرّ الشوك... رصاكا دفاتر

لي اوهام تحلم بي الجنة

وتبني وجع في جسما فاتر

ناشف عود من لحم العافية

الموية الدافية

وبعض فلاتر

ضد الجوع .. اللوح ...الضحكة

وضيق الحال الاصبح كافر

العن ...عفوا منك ياخي

اسف..... بس منك يا ساتر

واسف جدا

كلما تضيق الدنيا علينا
نلقى الإحساس بيطيّب خاطر
نلقى سماحة الروح الفيك
تدّي الريد الفينا معابر
تستنهض كل خلايا الدم
شعب بطالب حقو مثابر
في كل شريان بترابط
وكل وريد جوّاهو وساير
في كل جنبات الروح تنظيم
وكل تنظيم بيهتف وثائر
ثورة ضد أناي والذات
وحب الغير رافعنو شعاير
وألقى أناي دفّق بونبان
أحزاب وطريقا مُشاتر
تتصارع جوّه القلب الواحد
تعبان النبض وفاتر
شقيان القلب الواحد
واقف بين أحبابو وحاير
لي متين الكل بتصارع ؟؟
ولي متين بحياتو نخاطر !

Quote: يا منعم يا ذوق ياخي ما تخليني أكب رندوق أنا بفكر أني أخاصمك عشان كاتلني الشوق وأتنفس حلم الرؤيا جداول لم تغطس فيها الشمس شروق خيرات البت السمحة وفاهمة واقفة منارة تضوي بروق ما تستعجل بتديك الفيها نصيبك حاشا وكلا من كلماتك بيها تزوغ بس بتفتش في أوقاتها الصعبة شوية شان تبني الساس المايل وتخت الريدة مروق أصبر أصبر أنا جايك عشان أتحسس حس كلماتك لمن فقعت بينا عروق من باحات القلب الوراء الكلها شقوق في شقوق

مالك يا صاحب داير

تفتح صالة قلبي

علي الاحزان ..

عارفك مليان

اشجان من باحة

قلبك ديييك..

حسيتك ..

ممكون ومكتّم

مين الهبشك

في الشريان..

او طقّ هشابة

قديمة بفاس

الذكرى الحاذق..

حاولت اباصرك

تطلع منك فيك

من وحشة شدر الخاطر..

جرّيتك تالا

حديقة السر

شان تفصح بي

مكنونة..

لكنك كنت متربس

باحة قلبك..

بي كلمات ..

أداها "بشاري"

الذوق من روحو

معزّة..

Quote: مالك يا صاحب داير تفتح صالة قلبي علي الاحزان .. عارفك مليان اشجان من باحة قلبك ديييك.. حسيتك .. ممكون ومكتّم مين الهبشك في الشريان.. او طقّ هشابة قديمة بفاس الذكرى الحاذق.. حاولت اباصرك تطلع منك فيك من وحشة شدر الخاطر.. جرّيتك تالا حديقة السر شان تفصح بي مكنونة.. لكنك كنت متربس باحة قلبك.. بي كلمات .. أداها "بشاري" الذوق من روحو معزّة..

أها يا منعم من باحات شوقنا الزادتنا في الأسطر لقافة
دايرني أبداكا من اول فراق أردم عشم كل المسافة ؟؟
ياخي أصبر بس قليل ، قلبي فتش لي مفاتيح البطين
يكسر سجن دم الصبر الفاتح منابر ، يطوي المخافة
يرسم بتضاريسو التعرج يكتل نبض حس الرهافة
يتمدد الشوق الحنين ، يتمدد الشوق الخرافة
وأنا لسع فيني شوق ، لو ختو جبل الهم عليهو زاد لُفافة

طبعا مفترض البدخل هنا يكون فنان عشان يشارك بروح شاعرية

لكن دخلت مرغم عشان اقول ليكم جميعا حفظكم الله يا رائعين

( البوستات يا كدا يا بلاش )

أحمد العمار

مسجون في خط مجنون ...
اوله في كعب الخطوة ...
أصغر من قعر الكون ...
ضيق بشكل فظيع ...
أحلام في مليمتر منسي قصاد شباك الريح الجابت عطرك لي نخرة زول عندو حساسية ...
وهاك يا بوح ...
يا البوخ الطالع من طاقة قلب مكسوف يتكثف في عينيك والهجرة صعيد ...
حوّمتك فيني غمامة ورشه ...
دعاشك صّر احساس الألفة جواز مختوم من كل الناس ضرورة ملحة ...
ونقطي يا ... يا ... انسانة ...
تّمري شفاف القلب بالنقطة اليود ...
بّلي الناشف من ريق الصمت بالكلمة التهرس ...
النظرة الحادة وكِت تغرس ... في شبكية زول احتكرت مشهد ثابت
(شدرة صبار ورمال متحركة ... تدفن في واحة مراهقة ... تفتش عن فرصة إنها تحيا ... تحلب في ا عشان خيلك تسِند حيلك ... ويصبح فعل الكبوة بسيط)
إتنفض واصل ... مجهودك فردي ...
رُشَاشِك فّج رحيل الرملة ليان ...
آثار إترسمت في وش إنسان ... وشفت عيونك في قلب الطل ...
ألوان فنان بتفوح بالفل ... أتلقاها مجاري وصهريج ...
للزمن الجاري بلا رجلين ... للذكري الختت يدها في خدين ...
محنه وسرحت ...
رفعت يدها في وش الغربة ونزلت كف ...
حار ومكربن من غيظا بايت في ريكة هم ...
مين قال ليكي المجري مسرب وانا كشحت المويه رهاب ...
مين جاب ليكي وشاية تنقط في زنكي الراس جوطه وازعاج ...
وخلاكي تكركبي في مخي صاموله وحلجت ...
بوادر أزمة ...
بَنشر صوتك في حزن عميق ...
وانا ضميتك رقعة نار ...
منفاخ من نفس دعاشك وريحة حيط مبلول ...
يا وحلانة في طين البال ...
وملككه جوه شوارع الروح ...
انا سميتك حرية ...
تطلعي زي ما تحب عينيك مشوار عصريه ...
تدخلي نص الليل صياده ونبله ...
حجرك بوسه وقبله ... وطاااااخ ...
فرتقتي أيادي ... أصوات بتنادي ...
حنجرة بلعت كل الآه وخِنقت ...
كباية ريق (انا مضايق ما بتتخيلي كيف) ...
دافر موج النشوة سواحلك ... سدرك قيف ...
شعرك لبلاب الليل الدافن قيفك ...
صوتك بابور الليستر يشفط باقي النشوة الضاجه دفاق ...
حتي الشدر النائم صَفّق ...
لون الليل شفّاف ولزج ... ممزوج بالنور الفي خديك ...
نظرة عينيكي فلاش وبرق ...
يا بت من ضو ...
غرستك إستارتر !
ولعي لمبه ناصية وشارع وغرف القلب ...
لفيني برنسيس ...
يربطني لعابك ...
وما اتدفق الا دواخلك سلطان الكيف ...
اتشوشو وانا بتأهب أدخل جوه مساحة روح ...
نيكوتينة ريد ...
قطران للسوط البتمايل تهديد وغنج
يمحط كل الفرقة ...
يفنس ضهر الغربه شمال وشرق ...
اشفطي ماتخلي الريح تفضحني معاك ...

سامع صوت في الباب ... دقيقة يا
في ناس بتجي تقطع حبل افكارك
وتشيل باقي الحبل وتمشي ...

ابوعاقلة يا ماعاقل ابدا

لمن انت تخش بي كل شجونك

تحرق جوه الجوف في بخورك

مابتتمطق الا تمد في كل الجتة

حبة... محبة

وتدي حبيبك باقي جنونك

ما بنحبك ياخي وفرتق

من ارواحنا بواقي الالفة

تش الضوء بي ابرة جيتك

كحل شوفنابـ نبض عيونك

او اعمينا وقرط ياخي

ادي مسامنا السم الهاري

وما تقوم جاري

تشوت ضفاري

بجيكم عاري ضجيج اللهفة

وما بنستحمل ياخي نخونك

العن وش الشر ان زارك

بس تتبارك

يا عوالق في الريد والصحبة

وفي الاجساد دافق اوذارك

كرهتك موت.... بس بيني وبينك

غارز فيني بواقي لحونك

وبرضو بحبك

ساهي

وساكت

متقريفلك

غور بالله

واسكن جوه

وسكّن لونك





يقرفك ياخ..... ما تطول تاني الغيبة وتغتس

انتو حبيبه دا مشى زين؟




يا نورة وحبيبك الغايب

جوانا زرايب الفة بتنده

من ملكال لي حد حلايب

شوفوا الزول ياناس افتونا

ارتفع الشوق لي عشرة صلايب

وضغط الريد زاد شوق ومحبة

ولسه بيسال في ام روكايب

ويا ام احمد وين المحلب

وين الكان لي جرحنا بطايب

شفتو بساسق وكايس نورا
شايل الريد والوصل الغايب
مابغباك الزول إتودّر
وعقلو وراها أصبح ضارب
مرّة تشوفو إصلّي فــ شوقو
ومرّة إلوم الزمن العايب
ومرّة تشوفوا ..خاشع وبتلو
فيهو قليب لو تعرف راهب


لو بتشوفو إشاكل قلبو
وإرجع إطبطب ..إصالح حالو
كان بتقول الريد إتجنّن
حليل الكتبوا وغنوا وقالوا
يوم بتلاقوا بتضحك نجمة
دموع الغيم تلقاهم سالوا
تلقى الكون ..محتار في أمرو
وكل الفيو بي ريدم مالو

ابوعاقلة..

شرقت العين بالشوفة

ورقرق شوقي الطال متمحن

وهارس يوت مروادو كحل

محبوبة..

وخلاني احبها في فنجان

من بن واقراها خطوط عرضية

وطول مستقبل ..

واتقاسمن صحين من فول

احساس مرشوش بي زيت

الالفة..

وكت كايسلك بين صفقات

الخضرة متلفن

واقع زي الخيط

من خرم الابرة ..

وخرمان جد جد

للنكهة الفيها حروفك

نازلة عرق من ضهر

الفيل ،

والدنيا شتاء..

يانيل مساها جروفك

صوت هدام ،

طالع من موج نهدين..

والدنيا مساء..

وحبيبة صاحبي تلف

بي ريقها سجارة

خوف..مجبودة شمال

ويمين..

فكيت سجن الكلمات الخازنة

جرح متنوسر في

سنين..

يا لك من مدهش. شياطين شعرك هي الشياطين..
أروع من أن تدبج الكلمات هنا!



حبيب نورة وتماضر النواضر...
أتابعكما بدهشة وأعجاب!

واصلا...!

عبدالإله ..

تجي تصلّي ؟؟
أوعاك تنكر..
عارفة فروضك ..ناقصة.

زمراوي

Quote: لك من مدهش. شياطين شعرك هي الشياطين.. أروع من أن تدبج الكلمات هنا!

والله يا زمراوي
انا خايف من قبيل
يجي واحد يقول بسم الله
ما أفتح عيني والا القي البوست مشي الخور!!

عبد الله وداعة

Quote: انتو حبيبه دا مشى زين؟

بساسق في الدريب الماشي بحداك!!

ممكن ألقي زول يوريني محل ودرت أبريقي
ما داير أجيكم الا أكون طاهر من الحزن
الفرح دة حاجة مقدسة!!

عارفين
والله خليتوا الواحد أشجانو مشتتة
وما عارف هو شايت وين!
جواي زحمة كلمات
ما عارف ليها مصير
وقدامي كمين خطوات
ما محدد ليها مسير
اها!
قاعد يخربش فيني
كديس الميتافيزيقيا
حرشتوهو فيني
وقعدتوا بعيد
بتعاينو
وتراقبوا الموقف
عارفكم الدايرنها لي ما شوية
آآآآآآآآميييين

عبد الله وداعة
!!!!!!!

أحححححي انا

ابو عاقلة !!!؟؟؟

Quote: ضيق بشكل فظيع ... أحلام في مليمتر منسي قصاد شباك الريح الجابت عطرك لي نخرة زول عندو حساسية ... وهاك يا بوح ...

ياااااااااه
من لذة صمت القول في صياحك!
ويااااااااه
من وجعة شمس الليل في صباحك!!

مرتاح و مصنقر
في المصلاية
وفي القلاية أتنين فنجان من البكري
وعارفك فقري
وبتمرق بدري
علي قدام
مفتاحك أنجليزي
وراس كراس هندسة
فوق زمن
حاجة الناس فيه لي هندسة بشر
أكتر من معمارية
وياااااه !!!!

أحمد العمار
شكرن جزيلن
تسلم يا أمير

خناس

عارفة انا ح أديك الأمامة في المصلاية دي!!
علشان انا بجيز أمامة المرأة!!
خسوساً في صلاة الروح
زولة تعرف تلملم في الأسي و زمنو
تطيب لي الخاطر المجروح!!

وأنا بشوف إمامة الراجل ..تدِّي الفرح إحساسو الطبيعي !

وانا بشوف انك أروع أنسانة في الزمن الحر دة!

حبيب نورة أزيك...ليه ما جيت عرسي
إنت لسة بتكسر فيهو

كبسيبة
والله يطرشني أكان سمعت!
مبروك يا راجل
لكن ما تخاف
بجيكم لمن تبقوا تلاتة

Quote: إنت لسة بتكسر فيهو

عشان أكسر ليكم تلج السماية!!

Quote: يا لك من مدهش. شياطين شعرك هي الشياطين.. أروع من أن تدبج الكلمات هنا!

عبد الاله


وانا كنت ضبطك

في حتة هناك

قاعد قدام الطيف

متدبج حرفك قوس

وتناوش بي سهمك

في اللون العاجبك..



يك التحية

ياشفيف

Quote: عارفين والله خليتوا الواحد أشجانو مشتتة وما عارف هو شايت وين! جواي زحمة كلمات ما عارف ليها مصير وقدامي كمين خطوات ما محدد ليها مسير

العارف سرو يحس الخطوة

قبل يمشيها ..

اظنك غرقان في جرة

ملانة حصاوي

بتحسب فيك اسماء العشق

الحسنى..وخايف من ينساك

الاسم القاصدو يفطك ..

وكديسك خربش سقف الروح

واللوعة مدينة

حائر..تاهتبو الدنيا

زقاق متصوف في

درويش..

ياريش مروحلك ريح

الهجعة

هجير..

متخوزز نحل العين

طنان في جفن الحضرة

يهابي..

ياساتر حيلك صخرة

في وش السيل..

وشالك افعي

علي الادراك...

عقرب في قوس

الزمن اتنحنح

ودار..

اهتز فلك دوار في

عرش الجرة...

ياعارف سرك

يامحتار..

نجمت مدار في

الكون...

كبسيبة الف مبروك

بيت مال وعيال


الوداك تكابس في العرس شنو؟


ياالله ، الله يديك العافية

يا منعم اخوي اطلع من سرك

اسند الروح بي طوب عافيتك

وادخل ساكت ما تتوضى

وابدا صلاة الروح بي برك

من ايديك يممنا الجتة

غسلنا الليد بي باقي بركتك

جيب الراس

الكف

نتبرك

يا مجلوب في رقيبة فرحة

وجالب مسكك تكتب وتمحى

مين الكاتب فينا وشرّك

بالايات الفضحت عشقك

وباقي النور بين سجدة وركعة

وقاصد يكتب في الناس شرك

شرك احسن من دعواتنا

وكل الخير الفينا بيطلع

طلع زيتنا وكتر برك

يا مجنون بي الريد والصحبة

وحب الناس الجد بتريدك

العن كل الشرو بزرك

والعن جني وجنك

يا مجنون

ود وداعة..


شركت حبال ابليس

وهجيت في الصي

تابعت هجيرو

سراب عطشان..

ضهبني حنين في

سدرة روحك

لما ندهت مفازة

غايب..

واتيممت صعيد مكتوب

في لوح مبروك..

رقيتها محايتك يامجنون

في ليل وصباح كاتفاهو

خيوط الشم..

جبّيت في شوارع الهم

تابعت اتر في الريح

ولقيتك خازن بحر

الشوف في جراب..

ومصنقر في تبروقة عرفة..

يامجنون...

عبد الله وداعة
الجن الجنني وجنن جنك!!
حنين اللحظة وفرة سنك
الجن الأحمر
الأحمر وكلكي
الضو الشارد منك
كوني أحبك
دة جنناً تاني
كوني افوتك تبكي أظنك
والجن العاقل في كراسي
العقل المجنون الفي راسي
حاول تعرف مقدار جنك!!!

Quote: والعن جني وجنك يا مجنون

يا منعم

Quote: بتحسب فيك اسماء العشق الحسنى..وخايف من ينساك الاسم القاصدو يفطك .. وكديسك خربش سقف الروح

آآآآمين يا صاحب
لمن اشوف تبروقة بتفرح بي صلواتك!
آآآمين يا صاحب
حتي جنون الشوق الفتر لي خطواتك!

عبد المنعم
الكلام دة مغروف بعناية من جواة الروح

Quote: وانا كنت ضبطك في حتة هناك قاعد قدام الطيف متدبج حرفك قوس وتناوش بي سهمك في اللون العاجبك..

شكرن جزيلن

صليتوا ؟؟

خناس

Quote: صليتوا ؟؟

ما صلينا
لكن أتوضينا بي موية عيون شوقنا لي تكبيرة أحرامك
أتنفلنا منك وكنا راجين أقامة سلامك
يا أمامة الفرح الكثيف الليلة زايدين في أحترامك!

" target="_blank">

دكتور مصطفي
شكرن جزيلن
لكن والله ما سامع ولاحاجة

جيت أتوضّى مجيك..
لقيتك غايب..
إتيمّمتا الشوق
ويمّمتا القِبلة مدارك.

خناس

Quote: جيت أتوضّى مجيك.. لقيتك غايب.. إتيمّمتا الشوق ويمّمتا القِبلة مدارك.

طيب ما كان تمدي علي حنين الغايب!!

قدّمتا صلاة الجيّة..
وقلتا الوكت الفايت..
صلّت فيهو بنية..

if u cant hear ya habeeb chq your mike
or just look at this



" target="_blank">

يا بت يا عماد حنين الشجرة
مصلاية الروح في ضل القمرة
لو جيتي بنهزم صمت الليل
لو جيتي بنقسم موج النيل
لو غبتي بنهدم ركن السيل
يموت النيل في هم في حسرة

فرّشتا الروح مصلاية..
سمعتك..
وإنتا بتتلو وعود ..
وإترجيتك..
لمّا تأذِّن فينا خطاوي
وإستنيتك..
جوّاي الشوق إتمدّا خلاوي..

أحساسك جوة الفجــّة

زي ما يكون الشوق متكول في الصف الأول!

إحساسك ..آمي صلاتي
وأنا لو تعرف ..تامي خشوعي
كلما يركع شوقك..بلقى الشوق الفيني إحاكي ركوعك
وكلما يسجد نبض الريد جوّاك..ألقى قليبي هوّ سجودك..

يا لهويييييىىىى

منقوضة صلاة الغايب قلبي

منكّسة ياخي وجايطة صلاتكم

ما تستهبلوا بس بالصحبة

وتدفقوا فينا مبادي صلاتكم

قيقرف كل القلب السابكم

وما اتيمم كل بقعاتكم

مجنونين.وجونكم كلكي

وفي الارواح دافقين شهواتكم؟

لموا بواقي اشواقنا وغوروا

ودسوا طواقي الحب الجاتكم

ملعونين ...بالحب وحنينو

انعل كل الجاكم وفاتكم

وما اتوضى وغسل خاطروا

وصلى صلاة الغايب....ذاتكم

مكروهين

يا وهم الدنيا

اشتر لو نقزتا وفتا

وما صبحتا الوش بي شناتكم

مجنونين

عبد الله وداعة
النجاض النجاض يا وليد
كفااااااااااااي والله

Quote: وما اتيمم كل بقعاتكم مجنونين.وجونكم كلكي وفي الارواح دافقين شهواتكم؟

ولا الضالين

......!!!!

يا حبيبها
الجن الكلكي الراكب محمود
أنتو خليتو فيها عقل ؟؟؟ما خليتو الشوق بندول يتلفت حائر كايس القبلة
يسجد قبل ركوعو الما متضوي ، يفوت ركعة .... ينده في الله
يسب الدين لما تفور أعصابو ، ويتكل سفة ،
خلاص قضيت الصلاة فأنتشروا في الأرض مرتزقين

صديق رحمة
ما تفوت ركعة
الشوق مجدوع في مصلاية
و حنيني بكون زي آية
وصوت الغناية
تشهد أول
وجيتك انت
سلامو عليكم
آآآآآآآآآآميييييين!!

لو تتذكّر يومي الجيت ..وكلامي مشاتر..
وإنتا تصلّح فيهو شتارتو
تمسح نقطة..
تغيّر مرّة فواصلو
تشيل الغلط الفيهو ..وساتر
إنتا عيوبو..وداسي حنينك جوّة هباتو
أنا لو أقدر ..بس أتناسى وجودك
في الكلمات ..النابضة بذاتو
كنتا كتبتا الروح مصلايتك
ووحدك إنتا النفس الدافق فينا حياتو

خناس
الشيخة
السبحة
المصلاية
التبروقة
القبلة
الله أكبر الله أكبر
الشهادة والعمل الطيب !!!

حبيب نورا ..

الصعيد الطاهر..

خناس
صعيد الأمنية الطاهر
قطع صلواتنا ليك يا شوق
وانا ح أبتديك المرة دي نافلة
عشان عارف أحساسك فرض!!

الله أكبر الله أكبر


...........!!!!!!!!!

وجيت إتهجَّى حروف الإلفة..
كان إحساسك.. لون المغرب..
وكان الوكت.. بيأذّن..صدفة..

خناس
كت راجيك الفجر الأول
بس كانت جيتك ساعة المغرب
قلت اليوم في قربك أجمل
وكيف ح يكون لو جيت المغرب!!

وإستيتك ..تلتي الأوّل..
إترجيتك ..فارشة نجوم الليل مصلايتك..
عدَّى التلت التاني..
لقيتك شايل آخر ليلي وجاي..

الصلاة جامعة!!!!

واسيت صفوف الشوق..

بس أنا مستني تكبيرة الأحزان!!

أقوم أرجاك في الدمعة الأولي

عشان لو أسرع شيخنا الباكي

تكون الدمعة عجولا هطولا!!!!

أنا لو تعرف إليكا.. بيمّم..
وِجهة شوق الزول الليك محتاج
أنا لو تعرف بيكا بصمّم
أملا الحزن الفيكا..فرح ..وهّاج..

خناس
جيتك أحلم في ربوعك
فاتتني من الفرحة ركعة!!

قلت أرتاح من دموعك
برضو سال الشوق في دمعة!!

حبيب نورة
لك تحياتي
انا طبعا عضو جديد لنج متابع كل كتاباتك بس كنت بتاوق بي فوق الحيطة لكن هسي جيتكم عديل بي خشم الباب ياخي نضميك سمح بلحيل وممتع جدا وهو ده زاتو الخلانا نجيكم بخشم الباب سلمت يداك يا الحبيب ولك الود والاحترام








ودالعشا

حافظ العشا
تسلم يا عشاي
وكمان مرحب بيك في منتدي سودانيز
وانشاء الله ح تكون أضافة جميلة
ربنا يقدرنا علي أسعادكم
شكرن جزيلن

جيتك ..
ذي نغم فارقنا وترو..
ولسه بعزف فينا لحنو
ذي خريف ضالاو سحابة
جاي إسابق ..فينا زمنو
والقليب عطشان إتاوق
والغيوم الفيهو هطلوا
فرهدت بالريدة فيهو
كل شرايينو ومحلّو
جاتنا من شريانو شدرة
فيها كم ريداً ودلّو
وكم صفق مليان محبّة
الحبايب سكنوا ضلّو
وفي وريدو دفقتا ريدك
العذاب الفينا ..خَلّو
إحنا نسعد بيهو برضو
وفي هواكا رضينا ذلّو
والباقي من أيّام عمرنا
شيلو بي ماضيهو كلّو
ليه قليبك ديمة قاسي ؟؟
ولو قساك شايفنو حِلو
وليه جفاك زايد علينا
وبرضو طارح فينا حَلّو
إحنا نقسم ليك حنينا
والباقي منك مابنملّو

خناس

Quote: جاتنا من شريانو شدرة فيها كم ريداً ودلّو وكم صفق مليان محبّة الحبايب سكنوا ضلّو وفي وريدو دفقتا ريدك العذاب الفينا ..خَلّو إحنا نسعد بيهو برضو وفي هواكا رضينا ذلّو

خناس
عارفك مطرة
غيمة وشجرة
و نزرع شجرة
شجرتين شجرة بتعمل غابة
لكن ما كنت فاكرك ح تصلي بينا الحنين بي ( البقرة) !!