Post: #1
Title: ثقافة البول ( للناطقين بغير الأسلاماوية)
Author: حبيب نورة
Date: 03-06-2007, 09:03 PM
Parent: #0
ألووو؟؟ معاي منو؟
معاك شيري من أستراليا
بتقري وين يا شيري؟
انا بقرأ في علوم التقانة !!
وكيف قاعدة في أستراليا و بتقري في التقانة في نفس الوقت!!
لا انا ما جيت مع بابي عشان أقضي الويك أند معاه
اها وعمرك كم يا شاطرة ؟؟ طبعاً 18 ودة الاستاندارد بتاع الشات
حسب توصيات ناس الآيزو و المواصفات !!
لو سمحت لقيت أيميلي دة وين؟
لا انا جيت ماري بي حلة ناس هوت ميل لقيتك واقفة جمب العمود ف عجبني
خطك قلت اسلم عليك !
 والله انت ظريف وكول خالص خالص ممكن تديني ال c v
معاكي حبيب نورة
مييين؟؟؟!!
معاكي حبيب النور مضوي !!
أوووه سوري يعني معاي أمي متصلة من هولندا لحظة ح أرجع ليك
يا ربي بتكون أمها بتعمل في شنو في هولندا ؟ تكون عاملة بحث عن مجاعة
البطاطس واللا عايزة تعمل دراسات عن تأثير ردم الشواطي علي طيور
النورس البحرية !!!
البت صورتها مدنكلة في الشاشة قدامي وانا جاني ليك الحنين طاير
وحسيت بي آلام وضوع والظاهر انو البت عملت لي الطلق الصناعي 
ويلكم باك!
ويلكم الله والرسول
انت عندك ويب كام!!
لا وحاتك قبل شوية كان عندي وجع راس أديتوا ليك حبتين الليلات بلدول
وكبيبية شاي حمرا محل طار ما أنعرف !!
وجع راس شنو ؟ انا قاصدة الكاميرا!!
الكاميرا في لكن دقيقة أنولع الكشافات وظبطي القعدة
شوية كدة يقوم يخش علي الشقي امير التبلدي الولد الابنوسي القبيح
سماحة شوقي ليه !! اها انا عزمتوا ليك يتونس معانا
طبعن كل شي بالكتير فضلت خيركم وشوية كدة قلت ليهم انا برجع ليكم
ماشي عندي جودية في حوش بكري مع خالد المحرب و شيقوق داير أصالحهم
اها لفيت العمة و أديت المهمة لحدي ما جاني ابنوسي مخلوع !!
قال لي البت عزمت لي خمسة ما صويحباتها وقعدنا نتونس عادي
وفجأة  البت قامت قالت لينا هيييييي انا ماشة أبول !!
قال لي انا قلت يا رب الواطـــة دي تنشق وتبلعني؟؟
قلت ليه خلاس ولا يهمك نحن نأدلج ليك المسألة ومن ديك وعيك
بقينا نسمي الكتابة في البورد ( البولورايتنغ) في (بولونيزاون لاين)
يعني البول اصبح علم يدرس ( البولونيا) والحاجة المحلة للأفراز الكتابي
داخل الاطار السايبري او ما يطلق عليه تواليتياً !
( الأوتورايت بولوجي)
|
Post: #2
Title: Re: ثقافة البول ( للناطقين بغير الأسلاماوية)
Author: حبيب نورة
Date: 03-13-2007, 05:18 PM
Parent: #1
ألووو
|
Post: #3
Title: Re: ثقافة البول ( للناطقين بغير الأسلاماوية)
Author: خالد المحرب
Date: 03-13-2007, 05:34 PM
Parent: #2
والله ياحبيب نوره لوعندى قروش كتار
اجى كل ويك اند اقضى معاك فى جبره
احجز الرياض جبره دايركت 0 انعل ابو
الفلس هو الحارمنى اتواصل مع الاحبه
شكرن جزيلن على وزن شنو دى ياحبيب
|
Post: #4
Title: Re: ثقافة البول ( للناطقين بغير الأسلاماوية)
Author: حبيب نورة
Date: 03-13-2007, 05:50 PM
Parent: #3
خالد المحرب
منعول أبو الشجن زاتو
حنيني أليك
وعدم الكسرة ناداني
و شوك جراح
في نص السكة حارسني
خليها علي ربك
و تسلم و يسلمو
| Quote: شكرن جزيلن على وزن شنو دى ياحبيب |
والله يا أستاذ خالد
حسب قاموس اللهجة البولوعامية!!
شكرن جزيلن انا بعتبرا خلاصة لتجارب كثيرة من أنماط
المحاولة لألباس الشكر ثوب الحمد اللامحدود!!
يعني عوضاً عن التنوين المعروف مجازا!
نحن رأينا أنو النون افضل من ( اً)
و دليلنا في هذا
نون والقلم !!
والله أعلم!!!!!!!!!
|
Post: #5
Title: Re: ثقافة البول ( للناطقين بغير الأسلاماوية)
Author: خالد المحرب
Date: 03-13-2007, 06:06 PM
Parent: #4
ياخ انت عسل عديل كده والله
|
Post: #6
Title: Re: ثقافة البول ( للناطقين بغير الأسلاماوية)
Author: حبيب نورة
Date: 03-13-2007, 06:22 PM
Parent: #5
ربنا يخليك و يعليك و ينجيك و يغطيك ومحل ماك داير يوديك
والله دة من طيبة جواك
الجوة الجوف ما بدّسوا سطور ما بتفهم
والساكن روح الزول من غير كلمات بتكلم
|
Post: #7
Title: Re: ثقافة البول ( للناطقين بغير الأسلاماوية)
Author: Ahmed Yousif Abu Harira
Date: 03-13-2007, 06:52 PM
Parent: #6
| Quote: شكرن جزيلن على وزن شنو دى ياحبيب |
أنا قلت الليلة ود المحرب دخل حبيب نوره في الدرب الضيق
لكن حبيب نوره الشفت تجلى وأفتى كما يفتي جمهور الفقهاء في لزوم ما لا يلزم وقال:
Quote: والله يا أستاذ خالد
حسب قاموس اللهجة البولوعامية!!
شكرن جزيلن انا بعتبرا خلاصة لتجارب كثيرة من أنماط
المحاولة لألباس الشكر ثوب الحمد اللامحدود!!
يعني عوضاً عن التنوين المعروف مجازا!
نحن رأينا أنو النون افضل من ( اً)
و دليلنا في هذا
نون والقلم !!
والله أعلم!!!!!!!!! |
ينصر دينك يا حبيبها
|
Post: #8
Title: Re: ثقافة البول ( للناطقين بغير الأسلاماوية)
Author: حبيب نورة
Date: 03-13-2007, 07:02 PM
Parent: #7
أحمد يوسف
لا يفتأ ومالك في المدينة
دة انت الفهم كلو
عارف الحتة الضيقة الدخلني فيها قريبك دة
انا قدرت أمرق منها بالأستناد للخلفية الأسلاماوية اللاظلامية
يعني كدة وكدة
هجين من الأوتورايتنغ بولوجي و اسلامولوجي!!
|
Post: #9
Title: Re: ثقافة البول ( للناطقين بغير الأسلاماوية)
Author: ابو جهينة
Date: 03-14-2007, 11:26 AM
Parent: #8
الأوتورايت بولوجي حبيب نورة
كتاباتك زى ريشة في يد تشكيلي ..
أو بمعنى آخر : لوحة سيريالية ( بدون مجاملة ) ..
أقرؤك .. فكأنك تكتب عني عندما أكون في حالة تمرد على الذات ..
مع ملاحظة أنني لا أكتب متمرداً .. بل بعد أن تستكين عواصف تمردي ..
Quote: يا ربي بتكون أمها بتعمل في شنو في هولندا ؟ تكون عاملة بحث عن مجاعة
البطاطس واللا عايزة تعمل دراسات عن تأثير ردم الشواطي علي طيور
النورس البحرية !!! |
سلمت يا رجل
|
Post: #10
Title: Re: ثقافة البول ( للناطقين بغير الأسلاماوية)
Author: يازولyazoalيازول
Date: 03-14-2007, 11:44 AM
على الخور عدل
|
Post: #11
Title: Re: ثقافة البول ( للناطقين بغير الأسلاماوية)
Author: Sidig Rahama Elnour
Date: 03-14-2007, 12:01 PM
Parent: #10
فليكن دخولي للخور من هذا الباب يا هشام ، باب بولندا 
حبيب نورة يا داب جائي ما قدرت أقراك من كل الجهات ، خلي أدخل واستريح
|
Post: #14
Title: Re: ثقافة البول ( للناطقين بغير الأسلاماوية)
Author: حبيب نورة
Date: 03-14-2007, 03:36 PM
Parent: #11
صديق رحمة
يا زول خش
كل الطرق تؤدي الي بوليفيا
وعلي رأي هشام ود الشيخ
تتعدد الخيران و البول واحد!!
|
Post: #13
Title: Re: ثقافة البول ( للناطقين بغير الأسلاماوية)
Author: حبيب نورة
Date: 03-14-2007, 03:31 PM
Parent: #10
هشام !!
لا ياخ
البوست دة عندو معاني خارجة عن الأطار الخوري
دة أوتو بولو اللا أرادي !!!
|
Post: #12
Title: Re: ثقافة البول ( للناطقين بغير الأسلاماوية)
Author: حبيب نورة
Date: 03-14-2007, 03:29 PM
ابو جهينة
وحياة تربة راجل خالتي
انا بحبك خالص
وبتمني اقابلك قريب جدا
وتسلم يا غالي بكل عوالمك الأوتورايت بولوجية!!
شكرن جزيلن
|
|