وهذه مداخل للخروج...... ( يا غيمة شكلك حيرقان ) .....

وهذه مداخل للخروج...... ( يا غيمة شكلك حيرقان ) .....


04-07-2007, 06:36 PM


  » http://sudaneseonline.com/cgi-bin/sdb/2bb.cgi?seq=msg&board=246&msg=1189064026&rn=11

Post: #1
Title: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 06:36 PM
Parent: #0

مدخل بلدي أوي
نــفـســك وردة وطـــبلـة حـــرب ... ,شــفتـك قــلـت كــلام مــدســـوس ظـــاهــر جــواي , غـــنـيـتي غــنـاي , شــــكـل الدمــعـة , وفــرّت ســـن البــســمـة المــالـية خــشــيمـك وجــعـــة !!! ,صـــوتـك حــلـّة مـحـشـي الــسكـر فـيهـا زيــادة نـغــم , صـــوتـك كـــان صــاحـبي الحــيطـة بـالحــيطـة بــعـيد مـنـي ,حـــس الســاقـية الفــيك يــا نــورة ومــويـة زيــر الشــــوق !!! جـــابـني عــليـكـي وقــال لــي أمـشـي تـعـال لـي بــكــرة مـــلان فــرحـــة أحـــزان!!
Post: #2
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 06:39 PM
Parent: #1

وهذه مداخل وشيكة الأنفلات خارج نطاق الزمن الموعود



عفواً أيها الامير
فكل المداخل تؤدي أليك
لن
أبتديك
ولكن أدعوك للتوقيع علي مزاق القهوة
وقع علي أخر الفناجيل
أجدني أنت
و أقتفي أثرك وراء النجيمات... أحتضنك في كل المساحات.. قصيدة شعر.....و أوتار غيثارة تهتزّ نهديها موسيقي ..من قمّة رأسها
حتي أخمص لحنها الاخير
Post: #3
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 06:41 PM
Parent: #2

مدخل زي ا دي !



بينما يستعد ( حبيب نورة) للف عمامة الصلح ....تصرّ سليمة بائعة اللبن علي أشهار القسوة

كاطار رئيس يشخبط في لوحتي أزداوجية قراية الحليب

في ظل أزدحام كل مثانات المواشي بجنون البقر !!!
Post: #4
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 06:44 PM
Parent: #3

مدخل يدخل في الأظافر ! (زي الواطــة دي !!)



لم تعودي شبقاً في عادةٍ سرية .. ولكن تجاوز حلمي أمشاج الحنين

وخطاوي الحبل السري في رحم الأزمان !!
Post: #5
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 06:47 PM
Parent: #4

خارج النص

لله درّ ( مريم العزراء و تماضر الخنساء) وهو تؤذّن في الناس بالدخول في المسينجر ... فيخرج النور من ثنيات الاراضي

المنخفضة الأكثر أدراراً ( للأفــــــزان) فتطلُّ شوقئذٍ تحدثُ أخبارها !!
Post: #6
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 06:51 PM
Parent: #5

مدخل خاص

ثوري أنفعلي أنفجري لا تقفي مثل المسمار

ولا تقولي أقرأ ... أقرأ ... أقرأ ............. فما انا بقارئ !

قُر ينفخك!!
Post: #7
Title: Re: وهذه مداخل للخروج...... ( يا غيمة شكلك حيرقان ) .....
Author: تماضر الخنساء حمزه
Date: 04-07-2007, 07:05 PM
Parent: #6

كل المسامات ..الليلة (سدَّاها الفَراش)..
Post: #11
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 07:15 PM
Parent: #7

خنـاس !!

وهذا مدخل للفراش !!
خلاس يا وردة
كلمي ناس البيت
قولي ليهم الفراش جايي يشرب معاكم شاي المغرب
وعلي فكرة
جايينكم سيرة!!
حسي حسي يا أم العروس و وزعي الببسي يا أم العروس!!!
Post: #8
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 07:07 PM
Parent: #6

مدخل زي الزِّفِت !!!

البسمع جوطة الغيمات في نص السما
كل واحدة دايرة تصرف الصرفة الأولي من صندوق الهطول
ويقوم يشوف حالة الزمن المحل!!
بجيه طمام بطن
ما ساعل في مطرة ليمون!
و بتنزل عليه سورة حيرقان
تختم كتابوا مع الخدار!!!
Post: #9
Title: Re: وهذه مداخل للخروج...... ( يا غيمة شكلك حيرقان ) .....
Author: تماضر الخنساء حمزه
Date: 04-07-2007, 07:11 PM
Parent: #8

البسمع كمان صوت الرذاذ ..
بعرف أكيد إنو المطر..
مولود علي إيد الغيوم..
ملفوف ..معتّق بالندى..
Post: #12
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 07:20 PM
Parent: #9

خناس ( وهذا مدخل للمطــر)

بما أنو أنثي السمـاء الأستوائية كائن ولود
و غيمها لا يستعمل الواقي المطري
أذن أخير ليكم تسكنوا جمب محطة الدايات
عشان المطرة تكون حبت في البلاط و هطلت في الراهبات
وبي كدة نكون قضينا علي شلل الأفكـار تماماً!!!
Post: #10
Title: Re: وهذه مداخل للخروج...... ( يا غيمة شكلك حيرقان ) .....
Author: عاصم ابوبكر حامد
Date: 04-07-2007, 07:13 PM
Parent: #1



حبيب نورة

سمعت بحاجة اسمها


الجن الكلكى اللابس ملكى ....

انت راكب واحد من ديلك




والله انت مجنون وبتاع قعدات (........)

عرفتها .....
Post: #13
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 07:25 PM
Parent: #10

عاصم أبو بكر( وهذا مدخل للقعدات)!!

بما أنو الدنيا دنيتنا و القعدة قعدتنا و الجبنة جبنتنا!!
فمفيش مشكلة أديك من البِكري !!!
الليلة نشرب للفنجان الطيش
نورة لو تكلت عشمها علي ملعقة سكر!!
و حبة هبهان!
أخير ليها من بانجقلي الأنتظـار المرير!!

واللا شنو !!!
Post: #14
Title: Re: وهذه مداخل للخروج...... ( يا غيمة شكلك حيرقان ) .....
Author: تماضر الخنساء حمزه
Date: 04-07-2007, 07:41 PM
Parent: #1

يوم السماية ..إتأجلت
إتغالطوا..
الحسبة ذاتا إتلخبّطت..
إتراهنوا ..
دخلوا الأجاويد
إتصالحوا
سبحان من خلاها نفس الحسبة ذاتامؤكّده
مامهم إتصالحوا
المهم ..في قلبي ليكا الريدة ديمة مجدّدة.
Post: #16
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 07:51 PM
Parent: #14

وهذا مدخل مشاتر!!

يوم السماية أتشاكلو
واللحمة زاتة أتبشتنت
قالوا الوِليد شايل شكل خالو
ناس عمتوا وحبوبة صرخت نبزت

انا بت الوطن و السلاح رطن !!
كيفن تقولوا علينا ما بنستاهل شرف
أنو الوِليد ما يسموهو علي أفضل سلف
سمو علي زينة الرجال سمو علي عمو خلف

وتدور الدوائر ... ومن هؤلاء النسوة المتشحات بالسواد و الرماد!!
بس ما تقولوا لي ديل ناس نحن وستِ محنة!!
خير اللهم أجعلوا خير!!!
ووووووب المولود رجعناه للحضانة الأصطناعية
طلع جني سبعة!!
Post: #15
Title: Re: وهذه مداخل للخروج...... ( يا غيمة شكلك حيرقان ) .....
Author: abubakr
Date: 04-07-2007, 07:46 PM
Parent: #1

دي مداخل بشان نقعد وما نخرج دة بكان سمح نجلس مع الجالس الملوكي وتمدورو .. مش كدة ياعصام
Post: #17
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-07-2007, 07:56 PM
Parent: #15

مدخل لي أهل العوض ومنو العوض !!


أبو بكر
لما المسافات والسكة تسمح بالرحيل
لينا و بعيد
لما الزمن
يدي المكان
أحساس جديد

ولما أبوبكر يسوي الدرب ساساقة
جابو الزمان وعجبوا المكان!!
نقوم نحن نعتبر باقة العسل مبرر كافي لي مزيد من الفرح !!
Post: #18
Title: Re: وهذه مداخل للخروج...... ( يا غيمة شكلك حيرقان ) .....
Author: abubakr
Date: 04-07-2007, 09:14 PM
Parent: #17

Quote: نقوم نحن نعتبر باقة العسل مبرر كافي لي مزيد من الفرح !!


الفرح الكان بيملي سماوات بلدنا زمااان بندورو يرجع ...
Post: #19
Title: Re: وهذه مداخل للخروج...... ( يا غيمة شكلك حيرقان ) .....
Author: خالد المحرب
Date: 04-08-2007, 05:46 AM
Parent: #18

حبيب نوره ايها المتفرجخ بعد غيبه عن المنبر قنا نبكر بيك
وناخذ فنجان بكرى ع السريع لزوم الموده الرساله وصلت واشكرك
على ذلك. اما الغيبه كانت فترة مشاغيل وحاجات زى دى.
شكرن جزيلن
Post: #20
Title: Re: وهذه مداخل للخروج...... ( يا غيمة شكلك حيرقان ) .....
Author: عبد المنعم ابراهيم الحاج
Date: 04-08-2007, 06:37 AM
Parent: #19

ياخي انا حارسك بهناك

وانت مشيت تشحد في الغيم

(الانتستين) لقيتو وين؟

شايف كاروشتك غسلتها

بي موية المطرة..

اعمل حسابك من مدرسة

الدايات ..بيعدلو الرتينزه..
Post: #21
Title: Re: وهذه مداخل للخروج...... ( يا غيمة شكلك حيرقان ) .....
Author: هاشم أحمد خلف الله
Date: 04-08-2007, 06:44 AM
Parent: #19

حبيب نورة حبيت كلامك وونستك ومداخلك كتيرة لكن صدقني لحدي هسع مالقبت مدخلي

وبقول ليك كلام , دور وفتش ليك مكان الدنيا مابترحم صغير ولا فيها حبة من الصبر

أكتب شنو ؟؟ واقول شنو ؟؟ الدنيا ما حوتاً كبير يبلع بلع في الخلق ولا في وقت

للسؤال أو الإستفسار ؟ أظني لقيت مدخلي معاك ---- كلمني عن الدنيا وعن معاناتها

وعن معاناة الغبش . قالوا في المثل خذو الحكمة من أفواه المجانين .
Post: #22
Title: Re: وهذه مداخل للخروج...... ( يا غيمة شكلك حيرقان ) .....
Author: عواطف ادريس اسماعيل
Date: 04-08-2007, 06:54 AM
Parent: #21

حبيب نورة !!!

مودتي أيها العبقري المبدع ,, أشعر أنك تطوع الكلمات والأفكار فتخرج من بين يديك لوحة تشكيلية

تجمع بين طياتها مختلف المدارس حين تجمع بين الجدية والهزل ,,, الواقع والخيال فما أروعك ,,
Post: #23
Title: Re: وهذه مداخل للخروج...... ( يا غيمة شكلك حيرقان ) .....
Author: عبدالله وداعه الامين
Date: 04-08-2007, 03:02 PM
Parent: #22

اتلموا مساخيت الحلة
الله يكون في عونك نورة
وفي الفنجان البشتن حالك.
سرق الغيم من خشم السمحة
وجاب القمحة تكتب تمحى
مع البكري ودفق اوذارك.
لا اتمطق من جيتك مطرة
وساكت يطرا الريده الشتره
وشرب الشوق واتهجى مزارك.
جوه الدم ولقاكي بتسري
داخلة عضام الحبل السري
ولبسك فرحة تنقّر طارك.
يا مقطوعة طاري الفرحة
جاني حنين الليل يتسابق
وينو حنينك سرقو شمارك؟.
مستنيك زي همك واقف
قعدتا براي والرادي بطنطن
بس ابدا ما جاب اخبارك.
وجاب اخبار البلد الحرقت
طهور احمد وسماية زينب
عرس شهيد وحديد اتعارك
تشّ الحق بي عين القدرة
دسّ الجق في خرم الابرة
وقال اشرب يا زول اتبارك
سجمك نورة وسجمو حبيبك
وسجم اللسه بيحلم زيك
يا موهومة وسجم الدارك
Post: #27
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-12-2007, 06:38 PM
Parent: #23

ود وداعة

يا مسخوت
يا مرشوش بي كباية لبن في نص راسك
يا انا
يا كل الكان بيناتنا زمان
زمن الدنيا شليل و حنين
لمن ليلنا بيبقي طويل و سهر

ويااااااه يا انت!!!
Post: #29
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-12-2007, 06:49 PM
Parent: #23

ربنا يخليكم لي يا رب
قولو آآآآآآممممممممييييييييينننننن
Post: #26
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-12-2007, 06:26 PM
Parent: #22

توفي

Quote: أشعر أنك تطوع الكلمات والأفكار فتخرج من بين يديك لوحة تشكيلية


والله دة من ذوقك يا جميلة
نفس الاحساس وانا بقراك

شكرن كتيرن!!
Post: #32
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-13-2007, 08:22 PM
Parent: #22

مدخل دغرررري!!

يا هناية أنتي وين هسة!!!
Post: #28
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-12-2007, 06:43 PM
Parent: #21

هاشم خلف الله

المدخل دة خسوسي!!

أتفرجخ ليك و أردد شعري
يا ليت شعري هل أبيتنّ ليلةً

في حلة بيفرلي هيلز
أني أذن في سابع حلمة!!
Post: #25
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-12-2007, 06:23 PM
Parent: #19

خالد المحرب

وهذا مدخل للحنين!!


أشتقت ليك !!!
Post: #24
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-12-2007, 06:21 PM
Parent: #18

أبو بكر
وهذا مدخل للمتاوقة من بعيد!

الفرح لمن تكون ظروف الدنيا غير
ما بجينا سايق أدمعوا !!!
Post: #30
Title: Re: وهذه مداخل للخروج...... ( يا غيمة شكلك حيرقان ) .....
Author: Mustafa Mahmoud
Date: 04-12-2007, 08:02 PM
Parent: #24

zannoba 4 u



" target="_blank"><...l />
Post: #31
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-12-2007, 08:37 PM
Parent: #30

وهذا مدخل للرقيص!


أبشرررر بالخير اللخدر
قوم لي فوق
يا سيد الذوق
Post: #33
Title: Re: وهذه مداخل للخروج...... ( يا غيمة شكلك حيرقان ) .....
Author: مجدي عبدالرحيم فضل
Date: 04-14-2007, 12:40 PM
Parent: #31

حبيب نورة،،

والله أنا محتار في مداخلتك !

مواضيعك نقله في عوالم الملكوت

كان انوفيليس طائر ولا باتريوت

بنحلق حولك بأجنحة حامل ترياق

وفي النحو قالوا التضاد أبلاغ

وتقوية معني وأظهار بيان و باين

الليله القعده مع الحبيب ماتخلص

داوم علي مصلي . أبوقصي
Post: #34
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-16-2007, 05:08 PM
Parent: #33

مجدي

ربنا يجبر بي خاترك

ما قصرت معاي تب!

شكرن كتيرن!!
Post: #35
Title: Re: وهذه مداخل للخروج...... ( يا غيمة شكلك حيرقان ) .....
Author: حبيب نورة
Date: 04-18-2007, 05:38 PM
Parent: #34

وهذا مدخل تكتيكي!

up