Post: #1
Title: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-13-2007, 07:47 PM
Parent: #0
خبر عااااااجل
تنعقد في هذه الايام بدوحة الخير جلسات مؤتمر الروعة
وكونغريس الحنين .... هذا و قد أكتملت مراسم الجلسة
الأفتتاحية وسط ترقب و متابعة جماهيرية عالية المستوي
تفاصيل أوفي بالداخل !!!
|
Post: #2
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-13-2007, 07:56 PM
Parent: #1
ألووو
معاي منو؟؟
معاك حبيب نورة!
خالد المحرب .... أبو حريرة ؟؟؟ ... ود النعيم؟؟!!!
كلكم مع بعض في جنة واحدة ؟؟
سبحان الذي أسري بشوقه هسة من المسجد الحرام الي الدوحة!
سمحة اللمة لما تكون مع الحبان لطافة الشوق لما يلاقي ذوق أنسان
وانا لسة ما فُقت من غيبوبة البت السكرتيرة وبي رتبة مديرة
في مكتب ود أخت هاشم خلف الله
لقيت نفسي زايدين لي البنج و مدخلني غرفة الهناية المركزة
شكيتكم علي الله يا خالد المحرب و أبو حريرة و ود النعيم ... كان دايرين تلحقوني
والي الدين ( طبعاً الكلام دة يا محرب بجيب ليه كلام)
لكن كدي أنسعلك أنت مشيت المؤتمر دة شكل بطرس غالي كدي و اللا العبارة أيه !!
تبّت يدين ما مدت الفال شان نسالم .... شان نلقِّط حاجة من منظوم حنينكم
من عصير الروعة فيكم ... كيفن خطاي الليلة بالشوق ما تجيكم ؟؟؟
انا برحل ليك... ياسفراً ما أتعرفت ليه دروب... قسوة حنيتك...
مزاق الالفــــة الجفوة الهم... تركيبة غريبة....زي ما حضن النيل الازرق
أبيض مــويـــة!
وقال للناس ديك الخرطــوم ... بترجــف من قبلات النيل ..
عجبني وسرّ بالي الحنين المكثف دة !
وشحدت ربي يخدِّر ضراع الايام اللمتكم .... ويديم الخير علي دوحة الخير الجمعتكم
ويعليكم ويغطيكم و ينجيكم و يخليكم ................ ولي قدام يوديكم !
|
Post: #3
Title: Re: في دوحــة الخير ... مؤتمر الروعة و برلمان الحنين !!
Author: عفاف أبو حريرة
Date: 04-13-2007, 09:56 PM
Parent: #2
| Quote: !وشحدت ربي يخدِّر ضراع الايام اللمتكم |
حبيب نوره
يخدرن كرعيك يا الكعب يا المسيخ
وزعلانه منك
|
Post: #4
Title: Re: في دوحــة الخير ... مؤتمر الروعة و برلمان الحنين !!
Author: خالد المحرب
Date: 04-13-2007, 10:51 PM
Parent: #3
حبيب نوره انت من على البعد اكمت المفقود بالنسبة لى
كانك معى انت انت
|
Post: #5
Title: Re: في دوحــة الخير ... مؤتمر الروعة و برلمان الحنين !!
Author: nadus2000
Date: 04-13-2007, 11:27 PM
Parent: #4
الحبيب اللي نورة حبيب
يا أخي لما تعقد هكذا مؤتمر، وتستمر مداولات المحبة والجمال، في دوحتنا، دون أن يكون، حتى حق تولي مهام الضيافة والدعم اللوجستي....والله اتلومت ولومتنا معاك...في المؤتمرين ديل.
وللمذكورين أعلاه من المؤتمرين...فما دام قال فيكم الحبيب الكلام دا، فأنتم قطعا أهلا لكل الصفات
فمرحبا بكم...ونزلتم أهلا...وقولوا لينا وين بكانكم...
بالمناسبة أنا هين، لكن ناس ودرملية وكيكي وبقية بورداب الدوحة لو عرفوا حرم...حراماتم تقع مليون ونص (مراعاة لفروق العملة).
|
Post: #6
Title: Re: في دوحــة الخير ... مؤتمر الروعة و برلمان الحنين !!
Author: محمد سنى دفع الله
Date: 04-14-2007, 00:40 AM
Parent: #5
حبيب نورة
يازول ما تلومت عديل الناس ديل بكانن وين
افصح بي سرعة
ولا انتظر الراجيك ؟؟؟
نحن منتظرين
حل نفسك !!!
|
Post: #7
Title: Re: في دوحــة الخير ... مؤتمر الروعة و برلمان الحنين !!
Author: عفاف أبو حريرة
Date: 04-14-2007, 01:31 AM
Parent: #6
Quote: ]فمرحبا بكم...ونزلتم أهلا...وقولوا لينا وين بكانكم...
بالمناسبة أنا هين، لكن ناس ودرملية وكيكي وبقية بورداب الدوحة لو عرفوا حرم...حراماتم تقع مليون ونص (مراعاة لفروق العملة).
|
شكيتك علي الله يا حبيب نوره اسي ناس الحرمات
ديل انا اسوي معاهم شنو ياني وطاتي وصبحت
يالمسخوت في داعي لي المضره الزي كدي
اكان خالد اتاخر بدعي عليك السنه دي كلها
مودتي ام احمد
|
Post: #8
Title: Re: في دوحــة الخير ... مؤتمر الروعة و برلمان الحنين !!
Author: خالد المحرب
Date: 04-14-2007, 07:47 AM
Parent: #7
فمرحبا بكم...ونزلتم أهلا...وقولوا لينا وين بكانكم...
مرحبا بكم الأخ نادوس والاستاذ الكبير والمسرحي العظيم محمد السني دفع الله وشرف لي أن أتعرف عليكم.. ونفسى اشوف ناس الدوحه واسلم عليكم..
|
Post: #9
Title: Re: في دوحــة الخير ... مؤتمر الروعة و برلمان الحنين !!
Author: عبدالكريم الامين احمد
Date: 04-14-2007, 09:08 AM
Parent: #8
سلام ياحبيب..
وخبر والله..
وين الناس ديل يا السني (ملبد الجماعة ديل وييييييين)؟؟؟؟؟
جنجال
ضرب
اعتصام وكبع اسفيري
حتي نعرف (بكان) الناس الرائعة الجونا وعطرواسماء الدوحة...
....
يظل نادوس والسني في قفص الاتهام الاسفيري حتي يبان خيط ( الاخ المحرب والاخت عفاف)...
الف مرحب ودوما يسعدنا قدوم اهلنا الكرام الينا..
........
|
Post: #17
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-16-2007, 05:55 PM
عبد الكريم
تسلم يا غالي
ربنا يديك العافية
شكرن كتيرن
|
Post: #16
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-16-2007, 05:47 PM
Parent: #7
عفاف ابو حريرة
Quote: يالمسخوت في داعي لي المضره الزي كدي
اكان خالد اتاخر بدعي عليك السنه دي كلها
|
هسة يا أختي عليك الله مهرجان زي دة وعايزة ابو أحمد يرجع!!
دي والله تبقي حسادة
انتي ما سامعة كوراك هاشم خلف الله دة؟؟
تسلط الزوجات الي متييييييي؟؟؟؟
بين قوسين
الماعندها ضرة تطلع برة!!
|
Post: #15
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-16-2007, 05:42 PM
Parent: #6
محمد السني
اول حاجة آسف للتأخير في الرد علي المداخلات الطيبة
يا زول ها!
الجماعة ديل عاملنها مباراة مقفولة
من غير جمهور
لأعضاء الفريق فقط
انت مسجل في التيم دة؟؟؟
خلاس تووش يا كابتن!!
شكرن كتيرن!
|
Post: #14
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-16-2007, 05:36 PM
Parent: #5
نادوس
اول حاجة والله ليك وحشة؟؟
وشنو حركات القادة العرب دي تقوم ما تظهر الا في القمة ؟؟
وبعدين تعال هنا
انا غايتو زعلان من ود رملية مخسوس عشان ما قاعد يتابع
اخبار القضية!
يعني الا نعمل لينا ندوة ؟
شكرن كتيرن!
|
Post: #13
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-16-2007, 05:32 PM
Parent: #4
خالد المحرب
والله فرحت بيكم
وحسدتكم عديل كدة
ربنا يديم الفرحة
شكرن كتيررررن
|
Post: #12
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-16-2007, 05:26 PM
Parent: #3
عفاف أبو حريرة
تحايا
والله قصدي أخفف عليكي شوية
باقي الفراق حررررااااااق
شكرن كتيرن!
|
Post: #10
Title: Re: في دوحــة الخير ... مؤتمر الروعة و برلمان الحنين !!
Author: عبد المنعم سليمان
Date: 04-14-2007, 09:33 AM
Parent: #1
حبيب نورة
لك الود ولنورة مثل حظك مرتين
اعمل حسابك من لعنة الدوحة
وحتجيييك المصائئئئئب
منعم
|
Post: #11
Title: Re: في دوحــة الخير ... مؤتمر الروعة و برلمان الحنين !!
Author: nadus2000
Date: 04-15-2007, 11:50 AM
Parent: #10
Quote: يظل نادوس والسني في قفص الاتهام الاسفيري حتي يبان خيط ( الاخ المحرب والاخت عفاف)...
|
العزيز كيكي
انا والسني كان دخلتنا في القفص دا، البيجيب الناس دي مارقين منو.
بعدين قفص شنو دا البيشيلني مع السني دا.
|
Post: #19
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-16-2007, 06:02 PM
Parent: #11
نادوس
Quote: بعدين قفص شنو دا البيشيلني مع السني دا.
|
والله ألا يكون دة أقرب مؤتمر قمة روعة قادم!!!
|
Post: #18
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-16-2007, 05:58 PM
Parent: #10
عبد المنعم سليمان
كيفك يا زول
والله انا لعنة الدوحة أصابتني من يوم حطت فيها الركاب المحربية!
وهسة انا أخدت الطريقة خلاس من شيخنا فلان الفلاني
الباقي عليك انت
شكرن كتيرن!
|
Post: #20
Title: Re: في دوحــة الخير ... مؤتمر الروعة و برلمان الحنين !!
Author: abubakr
Date: 04-16-2007, 06:34 PM
Parent: #18
ابو جلسة ملوكي .. الحمدلله انك جالس ؟ اها اكان وقفت ما عارف كت سويت شنو ؟ مالك وام احمد ما كفاها غياب ابوشنب ؟
|
Post: #21
Title: Re: في دوحــة الخير ... مؤتمر الروعة و برلمان الحنين !!
Author: هاشم أحمد خلف الله
Date: 04-16-2007, 07:26 PM
Parent: #20
Quote: وانا لسة ما فُقت من غيبوبة البت السكرتيرة وبي رتبة مديرة
في مكتب ود أخت هاشم خلف الله
لقيت نفسي زايدين لي البنج و مدخلني غرفة الهناية المركزة |
حبيب نورة جاني شمارك لكن والله أعمل حسابك قالوا البكابس بيقع واقف , أعدل قعدتك كويس يا مسخوت .
|
Post: #22
Title: Re: في دوحــة الخير ... مؤتمر الروعة و برلمان الحنين !!
Author: عفاف أبو حريرة
Date: 04-16-2007, 08:55 PM
Parent: #21
Quote: .دي والله تبقي حسادة
انتي ما سامعة كوراك هاشم خلف الله دة؟؟
تسلط الزوجات الي متييييييي؟؟؟؟ |
حبيب نوره شكلك كده ح تجيب لي الهوا
تعال نعقد موتمر صلح لما جابت ليها تسلط زوجات
خالد ده طرفي منه اكان عاوز اسبوع تاني ما في مشكله
خلاص اتعودنا00
وانت يخدرن كرعيك من الحنه يعني عريس وجنبك في
شمالك قاعده نوره يارب اها قصرت معاك صافيه لبن
عفاف
|
Post: #25
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-18-2007, 05:46 PM
Parent: #22
أختنا أبو حريرة
Quote: خالد ده طرفي منه اكان عاوز اسبوع تاني ما في مشكله
خلاص اتعودنا00 |
دة علي هامش القمة!!
|
Post: #24
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-18-2007, 05:40 PM
Parent: #21
هشومي
عارف انا ما أنخلعت هناك!!
علي اليمين كباية الشاي الحمرا الجابوها لي
ما قدرت تخفف لي وجعة البت السكرتيرة
قلت دي الا اخش مجلس الادارة و أخليها تبقي المديرة!
|
Post: #23
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-18-2007, 05:37 PM
Parent: #20
أبو بكر
ياخي ربنا يعليكا و يغتيكا وينجيكا و يخليكا
|
Post: #26
Title: Re: في دوحــة الخير ... مؤتمر الروعة و برلمان الحنين !!
Author: ودرملية
Date: 04-18-2007, 08:41 PM
Parent: #23
سلامات
وعوافي
ياحبيب نورة والسمحين
يازول المؤتمر دا نحن قاعدين في البلد مانسمعبو الحكاية شنو ..
بعدين ابشنب بي عضمو بينا وما نصلو امانة اللوم ما كالنا ..
ياناس مالكم بقيتو قاسيين ..
حباب عز الرجل خالد محرب ..
وياحبيب ليك علي انا من هسي قاطعوا مع نادوس وكيكي حباني الما كلموني بي جيت المحرب ..
اها لي ناس الدوحة دا تلفوني ..
5327127
ياريت يدونا فرصة نقابل استاذ خالد المحرب ..
والله يا حبيب نورة اخوك بطنو طامة من المنبر بقا محل حرابة بس الناس دي ما طارية الموت ..
مشتاقين وكيف صاحبك المجنون ابوعاقلة "قبل شوية شربتا معاهو شاي المغرب" شفتا كيف انا محظوظ..
محبتي ومعزتي ..
وراجيكم في التلفون لو مرة جرسو يرن ..رررررررررررررررن
|
Post: #27
Title: Re: في دوحــة الخير ... مؤتمر الروعة و برلمان الحنين !!
Author: على احمد النعيم
Date: 04-19-2007, 05:26 AM
Parent: #26
Quote: وشحدت ربي يخدِّر ضراع الايام اللمتكم .... ويديم الخير علي دوحة الخير الجمعتكم
|
حبيب نورة كيفنك
شكرا جزيلا على هذه الروح الطيبة، وان شاء الله ربنا يديم الخير على الجميع.
لقد غادرنا ابو احمد الى الرياض امس الاربعاء وترك وراءه فراغا عريضا، فقد كانت زيارته فرحه كبيرة بالنسبة لنا، ولكن كما يقولون عمر الفرح دائما قصير.
التحيه لك حبيب نورة على كلامك الرائع.
|
Post: #29
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-22-2007, 07:09 PM
Parent: #27
ود النعيم
وكمان وكمان بقول !!
ربنا يديم علينا نعمة الشوق النجيض
والله الواحد بقيتوا ليه أكبر من معني
و أعمق من أغراض سايبرية
بندفن في رمالها همنا وو جعنا
تسلمو لي
شكرن كتيرن!
|
Post: #28
Title: Re: في دوحــة الخير ... مؤتمر الروعة و برلمان الحنين !!
Author: حبيب نورة
Date: 04-22-2007, 07:06 PM
Parent: #26
ود رملية
يا راجل دة كلام شنو!
شغال معانا بي سياسة غيب و تعال
عارفك ساعي لأستدرار الحنين وماك عارف انك بتستحلب دموع الشوق مطر
غايتو
خاف من الله يا حبيبو
و انشاء الله التلفون يحلك
بركة شاكر حلال المشاكل!!
شكرن كتيرن!
|
|