الزعيم سودان المريخ يـؤدب الشـباب ، ويتجـه نحـو العـواجـيز !!!

اللليلة !!!!

المـريخ الزعيم أدب الشباب ، واتجـه

نحـو العجـائـز !!!

والـوالـي الغـالـي أوفـى بـوعـده

وجهـز الطيارة الخـاصـة ..


وهسـع الطيارة في طريقهـا لتنزانيا ..

ومـاذدا كمـان بـدأ في تدريب الاحتياطي هسـع ..

جـاكـم بلا يا عجـائـز العـرضـة شـمال ..

يـا عجـائـز مـا تخـافـو ..

مـا ح نلعـب الشـباب ..

بنلعـب ليـكم الشـفع ..

بس المشكلة جيمي ناتالي يمارس قسوتو
ويعيد فلم:

مشاوير جيمي ناتالي مع عمو ريتشارد :

والله الجماعة خلى ينتظروا الراجيهم

عزيزي ياسـر ..

الراجيهم لا بتقال ..

لا بقدرو عليهو ..

بيي بينك :

مـع الشـباب كـده ..


العجـائـز كييييف ؟؟؟

نعود لامدرمان الامان في معركه جديده بروح الشباب

و يا موفق

Quote: نعود لامدرمان الامان في معركه جديده بروح الشباب

يـا دكتـور ..

الوالي الغالي ثقيل ثقالة !!!

صدق جاب علاء الدين طيارة ب:

طيـااااارة ..

اخي حسين
احب المريخ - بطاقتك حلوة بشكل حتى اسم الربوة فيها ظاهر سلم لي على المقرن بالله - ووزع الحلوى على حسابي من مدني للربوة الجميلة
مبروك
الشفيع

العزيز حسين

الدوبيت دا هدية للحبيب راكوبة و....ولكم

مريخنا العظيم لى اى تيم فى الدنيا يصرف يدين
ولى شعر الفرق حلاق يقص ويزين
فى تنزانيا او (طرظانيا) ياها النجمة نورها مبين
كاس مانديلا سامى وتيمو ماجابوهو ساهل وهين

منعم الجزولى

العزيز منعـم ..
حبي وتقديري ..

Quote: العزيز حسين الدوبيت دا هدية للحبيب راكوبة و....ولكم مريخنا العظيم لى اى تيم فى الدنيا يصرف يدين ولى شعر الفرق حلاق يقص ويزين فى تنزانيا او (طرظانيا) ياها النجمة نورها مبين كاس مانديلا سامى وتيمو ماجابوهو ساهل وهين منعم الجزولى

ومن منتدى مبي المريخ ، أهديـك :

ناتالي الصغير خلا الدفاع غربال
من نص الميدان بالكوره صال وجال
لدفاع الصغير بيقول تعال وتعال
يكسر لليمين ووراها كسره شمال
لا خلا المرق لا جوز ولا التمثال
ابوسته المعز عينينه طشت قال
ايداهو الحديد اسمك بيبقى الفأل
والعجب الشديد العجيب عال العال
يوم الجمعة أكيد ح يوريناكشف الحال

للصفوه الكرام ريحتو ليهم بال
واعلام البخور من يومه طارله مقال
تجروا ورا الزعيم بس تلحقوه محال

عزيزي الشفيع ..
حبي واشواقي ..

Quote: احب المريخ - بطاقتك حلوة بشكل حتى اسم الربوة فيها ظاهر سلم لي على المقرن بالله - ووزع الحلوى على حسابي من مدني للربوة الجميلة مبروك الشفيع

وييييييييين يا صاحبي ؟؟؟
أمس أول ما وصلت الربوة ، لقيت ليك
الجاعة هناك وزعوا الحلاوة ..

وخلوا الباقي للجمعة والجماعة !!!!


مبرووووك

يا حسين انتو كان ما جبتو سيرة البحر دا اصلو ما بترتاحو ..
انت ما عارف نحن لدغتنا حارة وسامة ..



ألف مبروك ليكم هذه النتيجة وعقبال التأهل ..

الأخ حسين
مبروك للمريخ وعقبال التأهل
مبروك للسودان
وهاردلك لإتحاد الكره السودانى
أتمنى مواصله الإنتصارات على (إتهال) الكره

يا اخ حسن


مبروك للمريخ العظيم

بس النتيجة كم ؟؟ انا ما تابعت الماتش

عزيزي كوستا ..

Quote: بس النتيجة كم ؟؟ انا ما تابعت الماتش

النتيجة ـ كما عرفت بالتأكيد ـ تعادل
بطعم الخسارة ..
لأنو التعادل كان ما عادل ..

بس معليش في الرد كاتل ح نعوض ..

وزلزال المـلاعب جـاهـز ..
للشباب وللعجـائـز !!!

يا عالم النتيجة كم ؟؟؟

Quote: يا عالم النتيجة كم ؟؟؟

المجنونة قالت لا...


هي كان قالت آآآآي ما كان ودتكم التجاني الماحي في ليلكم داك...


النتيجة صفر صفر

عزيزي عاشق المريخ

نـادر ..

Quote: وهاردلك لإتحاد الكره السودانى

وهذا هو مريخنا الذي نريده ..
مريخ يهزم الحكام واللجان والظروف ..

لقد عاد الزعيم كما نتمنى ..
زعيم يهز ويرز ..

وكما قال أحد الظرفاء :

سنهزم كل الدول الصديقة والشقيقة !!!

وسنبدأ بالعجـائـز !!!!

الرائع معتصم ..
تحياتي ..

Quote: يا حسين انتو كان ما جبتو سيرة البحر دا اصلو ما بترتاحو ..

دي اسـمهـا دق القراف ، خلي الجمل يخاف ..

وحتى كشافاتكم خافت وبدأت تكشف في حالها ..

يانزار ياخوى الجن بتداوى ، سمحة الجبنة البخورا جاوا " جوِّى وعدلت لأغراض التقفية وأشياء أخرى "

الحمـيراء عفـاف ..




ألف مبروووووك ...