Post: #1
Title: 17 عـام وهـلال زرقـان يبحـث عـن شـباك المـريـخ ..
Author: حسين يوسف احمد
Date: 06-10-2007, 03:18 PM
Parent: #0
اليـوم تنطلق بطولة الوطن ..
بطولة السودان في أدوارهـا الختامية ..
وبهـذه المناسـبة نتـذكـر معجـزة الزعيم
الكبرى ، معجزته التي لا نظير لها على الاطلاق
فقد عجـز صغير العرضةشمال وطوال 17 عام من تحقيق
فوز صريح على الزعيم في هذه البطولة ..
والمعجزة ليس في فشل ( هلولة ) في احراز الانتصار
فقط ، إنما المعجزة في فشل ( هلولة ) في هز الشباك
الحمراء صراحة ، حيث عجز كل عواجيز ورواكيب هلولة
في الوصول للشباك الحمراء ..
والهدف الوحيد الذي أحرزوه ، سجله مدافع المريخ
إدريس الجريف بالخطأ في مرماه ..
وكان عبارة عن مكرمة مريخية بعد الثلاثية النارية ..
ولأنها بطولة تحمل اسم الوطن ..
ولأن المريخ مريخ الوطن ..
ولأن الزعيم خير من يمثل الوطن ويطوق جيده
بالبطولات وليس الوصافات ، كان أمرا طبيعيا ألا يتلاعب
المريخ في بطولة تحمل اسم الوطن ..
فكان أن حرم كل مهاجمي هلولة من الوصول لشباكه طوال
فترة الـ 17 عام الماضية ..
و 17 سنة دي طبعا عمر الموهبة الفلتة جيمي ناتالي ..
17 سنة جاءت أجيال وذهبت أجيال لعبوا وتلاعبوا بهلولة
ولم يصلوا لشباك الزعيم ..
وبحسبة بسيطة نقـول :
17 سـنة × 30 لاعب = 510
يعني بالميت كدة 510 لاعب هلالي عجزوا عن الوصول لشباك
الزعيم في بطولة الوطن ..
وعشـت يـا مـريـخ العـزة ..
عـشـت يا مريـخ فـوق الجميـع ..
|
Post: #2
Title: Re: 17 عـام وهـلال زرقـان يبحـث عـن شـباك المـريـخ ..
Author: عمر الفاروق
Date: 06-10-2007, 04:23 PM
Parent: #1
غايتو لمن تكونوا عايزيت تكوسوا ليكم إنجاز من ماف بتقطعوا ليكم جنس حاجات !!!
البدّوروهو تقولوا ليهو مُحُمّد والما بدّوروهو تقولوا ليهو سُجُمّت ..
يعني الهلال اللي في كل كورة في الممتاز بيبصّر فيكم تقولوا ما وصل في كأس السودان!!!
عاد ده كلام ده !!!
ولمن نغلبكم ضربات جزاء برضو تجو تقولوا ما غلبتونا صراحة وما غلبتونا ضمني وما غلبتونا نائب فاعل و أخوات كان !!!!!!
ما زمان غلبتونا في سيكافا ضربات جزاء ونططتو لمن الله غفر ليكم وضميتهو لي تاريخكم !!
وياما غلبتونا في كاس السودان وضربات جزاء وعبده قابل بيدخلها ضمن المباريات التي فاز بها المريخ على الهلال..
يا حسين ده حنك ميت وكلام تعبان وماف حاجة إسمها ده تاريخ وده إنجاز ..
اخر وصول للهلال في شباك المريخ كان عن طريق قودوين وهذا ما يعرفه التاريخ ..
لكن تجي تقول لي في البطولة دي والبطولة ديك فما تستعجل لأنو ممكن تبقا عليكم والهلال يعملا فيكم في بطولة الممتاز وهي الأقوى والأجدر والأحق ..
لأنكم ليكم 5 سنوات ما حققتو فيها الفوز ..
في كاس السودان المريخ شرد يوم إلتقى الجمعان وقال واي واي ما دايرين يوم أن كان الهلال الأكثر جاهزية ..
المريخ جدير ببطولة الثواني عشان ما يطلع من المولد بدون حمص ..
يا كافي البلا الهلال كم مرة إتنازل ليكم عشان تلعبوا في الكونفدرالية ؟؟؟
يا حسين اخوي ده وهم وهم وهم وهم ..
|
Post: #3
Title: Re: 17 عـام وهـلال زرقـان يبحـث عـن شـباك المـريـخ ..
Author: محمد البشرى الخضر
Date: 06-10-2007, 05:04 PM
Parent: #1
يا معلم
الله يسألك إنت جادي
كتبت الكلام دا و قريته مرة و إتنين وإمكن تكون شاهدته قبل نشره و أضفت رد و إنت مصدق الوهم دا
ليه لا
إذا إنت عندك إستعداد تصدق إنه صدام حقق 100% في الإستفتاء على رئاسته
و أن إحتلاله للكويت بداية معركة تحرير القدس
و حكاية عمك المزارع الجاب الأباتشي الأرض بي أب عشرة
ما أستبعد إنك تكون مصدق وهمك دا
جيد ليك
و جيد للمريخ إنجازات الصحاف
|
Post: #4
Title: Re: 17 عـام وهـلال زرقـان يبحـث عـن شـباك المـريـخ ..
Author: حسين يوسف احمد
Date: 06-10-2007, 05:25 PM
Parent: #3
17 سـنة يا الفاروق ..
17 سنة في عين العدو ..
17 سنة يوم وراء يوم بالصبر جميل
منتظرك أنا ..
لاخمينا أوهام وضلالة وناسين إنكم 17 سنة فاشلين
وإنتو اللي بتبحثوا عن انجازات بدليل إنكم بتنشروا
في معلومات مغلوطة ..
وهسع يا الفاروق إنت بتقول كاس الممتاز 5 سنين نحن ما شلناهو
والحقيقة أربع سنوات ..
الخامسة جبتوها من وين ؟؟؟
ولا عندكم عشق مع ( الخمسات )
وبلاش إنشاء بالله ، أجب على الآتي :
متى فزتم على الزعيم في بطولة السودان فوز واااااااضح وصريح؟؟
دعك من ذلك ، لأنها صعبة عليك ..
من هو آخر لاعب هلالي أحرز قووووون في شباك المريخ ببطولة السودان ...
ولو دايرها بحسابات كل اللقاءات .. ( سودان على ممتاز )
ما عندك مشكلة ، وبرضو أجب على الآتي :
ما هو آخر فريق إنتصر على الآخر ؟؟
أكيد الزعيم ، الزعيم الماخمج ..
يعني يا الفاروق كدا وووب ، وكدا وووبين ..
لو فصلتو البطولات :
نقر ونعترف بكل شجاعة إنو هلولة متفوق على المريخ في الممتاز
ولا أذكر آخر مرة فزنا عليكم ..
وبالمقابل :
أذكر تماما إنو هلولة 17 سنة لم تفز على المريخ ..
هل لديك الشجاعة للاعتراف بذلك ؟؟
أمـا أخونا اللي بهناك اللي عايز
يقلبها سياسة ..
فنقول له :
عفوا ..
لا تخلط الامور ..
للرياضة مجالها .. وللسياسة مجالها ..
وقبل أن يتكلم عن القائد الشهيد صدام حسين
عليه أن يراجع تاريخ الهلال مع العراق ومع القائد
الشهيد صدام حسين ، وابنه الشهيد عدي صدام حسين !!!
وعـاش المـريـخ فـوق الجميـع
|
Post: #6
Title: Re: 17 عـام وهـلال زرقـان يبحـث عـن شـباك المـريـخ ..
Author: محمد البشرى الخضر
Date: 06-10-2007, 10:43 PM
Parent: #4
أخوكم البهناك ما قلبها ليك سياسة
لكن حب يلفت نظرك للمنهج الفطير في التفكير و خلق الإنجاز بالقوة من رحم الفشل
و العقلية دي صاحبها ما بتفرق معاه لو كان بتكلم في السياسة أو الرياضة أو جني المحصول أو المطبخ الصيني أو شعر الغزل الجاهلي أو حتى هندسة الجينات
في كل الأحوال ياها دي الأرضية البطلق منها و ما عندو غيرها
بالمناسبة موضوعك مفتوح من العصر ما في - ولا على سبيل المجاملة- مريخابي واحد عاقل مر عليه , ولا حتى بتاع توامة برشلونة,
معقول بس
و برضو لا تضيق
|
Post: #5
Title: Re: 17 عـام وهـلال زرقـان يبحـث عـن شـباك المـريـخ ..
Author: عمر الفاروق
Date: 06-10-2007, 06:04 PM
Parent: #1
الاخ حسين :
| Quote: لأنكم ليكم 5 سنوات ما حققتو فيها الفوز .. |
انا قاصد يا حبوبإنكم 5 سنوات ما فزتو على الهلال في الممتاز لأنو من العام 2002 وحتى الان ما فزتو علينا 2002 -2007 دي الخمسة سنوات ..
انا ما قصدت ليكم خمسة سنوات ما شلتوهو لكن إن شاء الله الجملة دي ماشة لي إنها تتحقق قريب والخامس جاي للهلال إن شاء الله ..
وإنتو خلّيكم مع كاس السودان وكده ..
|
Post: #7
Title: Re: 17 عـام وهـلال زرقـان يبحـث عـن شـباك المـريـخ ..
Author: حسين يوسف احمد
Date: 06-11-2007, 11:26 AM
Parent: #5
الفاروق ..
تحياتي وتقديري ..
| Quote: انا قاصد يا حبوبإنكم 5 سنوات ما فزتو على الهلال في الممتاز لأنو من العام 2002 وحتى الان ما فزتو علينا 2002 -2007 دي الخمسة سنوات .. |
أوكي ..
دي أنا معترف بيها ..
يلا من غير لف ولا دوران ..
أجب على الآتي :
متى فزتم على الزعيم في بطولة السودان ..؟؟
ما هو آخر لاعب بالهلال سجل هدفا في شباك المريخ
في بطولة السودان ؟؟؟
السؤال واضح ، مش كدا ؟؟؟
رجاء من غير إنشاء لا بتودي لا بتجيب ليكم قووون
ولا بتهزم ليكم الزعيم ..
كـاكـا :
الرابطـة قوسـتي جابت قوووون
وهلولـة فشـل بامتياز !!!
|
Post: #8
Title: Re: 17 عـام وهـلال زرقـان يبحـث عـن شـباك المـريـخ ..
Author: ALGARADABI
Date: 06-11-2007, 04:12 PM
| Quote: لأنو من العام 2002 وحتى الان ما فزتو علينا |
الأخ عمر لو سمحتا من 2001 لم يفوزو علي الهلال
الأخ حسين
هل لك اي علاقة عمل بصحيفة الصدي؟؟؟
لأنو الكلام ده شايفو كتيييييير هناك
علي العموم أن لم تكن لك بها علاقة عمل , أعتقد أن مكانك شاغر هناك
|
Post: #9
Title: Re: 17 عـام وهـلال زرقـان يبحـث عـن شـباك المـريـخ ..
Author: عمر الفاروق
Date: 06-11-2007, 04:39 PM
Parent: #1
الأخ حسين ..
تحياتي..
| Quote: متى فزتم على الزعيم في بطولة السودان ..؟؟ |
قبل موسمين تقريباً وبضربات الجزاء بعد ما إنتهت المباراة صفر - صفر ..
تخريمة :
متى هي اخر مرة فاز فيها ليفربول على اي سي ميلان ؟
وركّز في الإجابة والسؤال..
|
|