طرائف سيد تلول ..جحا النوبه

طرائف سيد تلول ..جحا النوبه


09-28-2009, 04:26 PM


  » http://sudaneseonline.com/cgi-bin/sdb/2bb.cgi?seq=msg&board=240&msg=1254155160&rn=3


Post: #1
Title: طرائف سيد تلول ..جحا النوبه
Author: د.محمد بابكر
Date: 09-28-2009, 04:26 PM
Parent: #0

ارسل لى نسيبى خالد يوسف طه هذه الرساله شاركونى فى تصحيح الترجمه لانه ابو النسب رطانته نص كلتش وانا ما عندى علاقه بالوضوع اصلا.

Quote: فى ليلة من ليالى الشتاء شديدة البرودة .. وكان الناس فى البلد يصلون العشاء والمغرب من وضوء العصر..من شدة خوفهم من الماء للبرودة.....

المهم مات احد اعمامنا الكبار فى السن و نقلو الخبر لسيد تلول وكان لسيد مع المرحوم صداقة ...وافتكر الناس ان سيد سيتاثر بشدة ..... و لكن المفاجأة كانت ان اعتدل في رقدته...(حيث كان متغطى ببطانيتين من شدة البرد..ومابين النوم والصحيان)

و قال: إشان صلالتون إريهداقوسو.... أي ارتاحت من صلاة العشاء.




***********************





(سيد) سأل صاحب المطعم بعدما أكل تمام: كبك كبى شونقر كا دفيمونكا منقا اياتيلو (بمعنى: اذا اكل احد فى مطعمكم ولم يدفع بتعملولو ايه)

رد سيد المطعم سرنقا ارضل حوكتيلو (بمعنى: بنحك نخرتو فى الارض)

فرد سيد تلول سريعا طيب سوتن ايقا حوكا دينا فا بنطونقا دولين

بمعنى: (طيب اسرع حك نخرتى عشان نلحق البنطون).




**************************





وقالو سيد تلول مره مشي لقي واحد قصير وما عندو اولاد يرش سماد في حواشتو .. قال ليهو السماد ده فايدتو شنو ؟ رد عليهو ده بطول القمح وبكتر انتاجو .. فرد سيد قائلا وطيب ما تحل ليك شويه وتشربو.




*****************************


بيقولوا عن سيد تلول

انه فى منطقتهم كان فى سواق معروف انه بيسوق على اقل من مهله .. بطىء بصورة مبالغ فيها

سيد تلول كان ماشى فى الشارع كدارى قام عمنا السواق جاى مارى بجنبه باللورى قال ليه اركب ياسيد

قال ليه معليش مستعجل والله






*******************************

قالوا وزير المالية زار (عبرى) قبل سنوات ورفض الأهالي الخروج لمقابلته رغم ما تردد عن انه سيبلغهم بإلغاء بعض ديون المزارعين حينها قال سيد تلول: مرجارا.. (كضاب).. أكيد هيعمل صلاة الجمعة ستة ركعات ابن اللذين دا




*************************************


سألوا المرحوم سيد تلول : داير تروح وين بعد مماتك

قال: محسكي هدو فاجونا , إيقلا ولا جنلا ؟ .... يعنى المحس حيمشو ين الجنه ام النار؟

قالوا: محسكي إيقلا نقسا!... (المحس حيمشو النار)

قال: أيقن تدن .. ( أنا معاهم ) .. إنقو مكسبن دارن اقرنقيرا جومونا .. (أنا معاهم الجماعة ديل ما بيمشوا مكان إلا فيه مكسب)




***************************************





مرة سيد تلول راكب في لوري اللوري ركابها كلها حريم كبار في السن مافي ولا واحده بنوتة

وفي الطريق وقف اللوري ووقف جنبه لوري تاني مليان بنات مدارس الثانوية راجعيين الداخليات -- قام سيد نادي اثنين من من العجائز بتاع اللوري تبعه ومسكهم من يدهم وجراهم وداهم للسواق بتاع الوري التاني وقال ليه: عباس اننقه ايقا فكجة ديمي تر برو اشريقولتوني..( لوسمحت يا عباس ممكن تفك لي دوول من عندك)




*****************************************





ذهب ذات يوم لصديق له وفي بيت صديقه شجرة ليمون مثمر فعجبه الليمون فطلب جك موية وبه السكر وعندما اتو له بالجك اخذ يقطع ليمونة ويعصرها في الجك ولكن الليمون بدون ماء وهكذا يقطع الليمونة ولا يجد فيها ماء .. وبعد أن قطع زي عشرين ليمونة سيد تلول زهج وقال لصاحبه :

يا محمد صالح اصلو ليمونتك دي قايمة بالتيمم .




******************************************


قال ليك مرة عمك سيد كان مريض مرض شديد وكان مودينو المستشفى جابو البوكسى وطبعا ناس البلد بحبوه شديد كلهم عايزين يمشو معاه المهم البكسى اتملا وهو لسه ماركب عاين للناس كدا وقال ليهم ياخوانا امشو انا بلحقكم.


Post: #2
Title: Re: طرائف سيد تلول ..جحا النوبه
Author: د.محمد بابكر
Date: 09-28-2009, 10:46 PM
Parent: #1

b

Post: #3
Title: Re: طرائف سيد تلول ..جحا النوبه
Author: د.محمد بابكر
Date: 09-29-2009, 03:25 PM
Parent: #2

up

Post: #4
Title: Re: طرائف سيد تلول ..جحا النوبه
Author: الفاتح شلبي
Date: 09-30-2009, 07:07 AM

د.محمد بابكر

خالد يوسف طه


أحييكم على هذهـ اللفتة البارعة

سأهم معكم فى تدوين وتأريخ نكات الفقيد سيد تلول, وعلى ما أذكر كانت هنالك من عدة أشخاص يحاولون حصر كافة نكاته ولا أدري ما انتهت عليه مساعيهم.