Post: #1
Title: هضربه من استراح الى العيد سبيلا ...!
Author: داليا الكباشى
Date: 09-27-2009, 08:04 AM
Parent: #0
دق المنبه ...
الساعه السادسه و 45 دقيقه بتوقيت الخرطوم ...
بروده الجو حولي جعلتني التف على نفسي لدقائق ... المكيف دا بالجد بارد .. قلت لنفسي .
حاولت استيعاب ما يجري هنا ...
طق طق طق ... يا دكتوره داليا عايزنك شويه ...!!
ندهت الممرضه من خارج الغرفه ...
نظرت الى الموبايل , 4 مسجس ...
(كل سنه وانتي طيبه يا وهم والسنه الجايه عروس في بيتك ..) صديقتي منى ..
(كل سنه وانتي طيبه يا داليا والسنه الجايه اكثر ازدهارا ونجاحا في مجالك) بابا .. كم عظيم هذا الرجل .. رغم حزنه في بعده يحاول دوما تهدئه اشواقنا له ..
(داليا كيف اصبحتي انتي جايه الساعه كم؟؟ جيبي معاكي زياده خبيز ) ماما .. الحاجه دي ما عنده موضوع .. هو العيد بتين جا لمن كملوا داك ؟؟؟
(وبعدين يا حياتي , حاولت اتصل بيكي كتير لكن الشبكه كعبه , انا مساهر لحدي الساعه 4 صباحا , كل سنه وانتي طيبه وتصبحي على خير يا عمري .. بحبك )
ايوه .. استوعبت الان .. لقد حاول مرارا وتكرارا الاتصال .. رداءه الشبكه ليله العيد لا تجاريها رداءه ...
لربما ارثي لحالي وانا استقبل العيد وانا اون كول في مستشفى ,
لكني ارثي لقلبه وهو يستقبل العيد (المسيخ) (حق الغربه) ... اصعب ما فيه اجترار الشريط الدماغي ...
بسببه تتحول في لحظات الى كائن غير موجود .. مش كائن شفاف , لا ... ما موجود عديل ...
تعود في بعده انا يتحايل على (يوم العيد الصباح) ,
يسهر حتى ساعه متأخره من الليل .. يحاتي التلفزيون .. تزعجه مقطوعات العيد الكئيبه ....
يقبل على الحيطه .. يشخبت فيها ...
يرسم اشياء يراها هو وحده ... يستمع لتكتكه الساعه ...
يحتضن الموبايل .. يعافر ازراره ... Error in connection
يرسل رساله ... يعود الى صمته ...
يلتفت يمينا .. يعتصر (الشال) المعبق برائحتي .. بقايا رائحه الوطن , بعض روائح ناس بيتم .. غير موجوده ... لكن خيالهو المشتاق يستحضرها ..
يفلته (بخلعه ) .. لا يريد ان تنفد الرائحه ... الزاد والمستزاد ...
نغمه الموبايل .. الليل الهادي ... شرحبيل ....
الو ...
الو د. ماجد صباح الخير .. كل سنه وانت طيب .. معليش بس دايره استعجلك عشان اسلم النبطشيه ..
ايوه ... الساعه اسي 12 ونص ... طيب ما في مشكله .. مستنياك ...
رقم اخر ...
الو ... كل سنه وانت طيب يا بابا ... مكالمه سريعه ... زوغه من جرسه مفضوحه بكلمات منمقه ... تدقف رسميات شديده , الحاج دا والله كفاهو ... النزوح واجب وطني ...!!
انت يا البتقرا كلامي دا ...
مستنيني اضرب ليهو صاح ؟؟؟
اعرف ماذا يفعل الان ...
يستحلب النوم ... يزوغ من صلاه العيد ... انها فوق احتماله .. او جمبو بشويه ..
سعره امس اتعبته ..
قال لي مره .. يوم العيد الصباح بحن على روحي.. بلقى نفسي شاحب, مرهق , في احساس غمه مخلوطه بي جوع في بطني ... بنوم لحدي تاني يوم ..
حاله الزوغه اللااراديه تدفعه للنوم .. او ان شئت (لدوخه ) ... اشبه باخذ حقنه منومه .. احساس الخدر المصاحب لها سرعان ما يسحبك لبئر نوم عميق ...
ماجد ازيك كل سنه وانت طيب .. مافي حاجه الاحوال مستقره .. المرضى كويسين .. يلا سلام نبطشيه سعيده ..
لملمت اللابتوب والورق ... اختطفت البالطو سريعا وخرجت ...
الجو في الخارج حار جدا ... كئيب جدا ... وعيد جدا ...
ركبت اول امجاد قابلتني ... صاحبها (داخل) في جلباب نظيف .. وطاقيه (قيافه) .. يدخن بشراهه ..
(الناس دي ما صدقت رمضان انتهى ) قلت لنفسي ..
لو سمحت ماشه الجريف شرق ..
اتفضلي يا دكتوره ... بعد ان القى في وجهي تهنئه عابره ..
تقطعت بي العربه .. تمخر سبل الطريق ..
الشوارع خاليه .. الا من بعض العربات الفارهه .. الناس ديل بيمشوا وين يوم العيد الصباح ..؟؟
كم امجاد ..ورقشه ... صاحبها (تاكلا) في (ضل) شجره ...
شكرا جزيلا ...
ناولته ورقه العشره جنيهات .. (يا رب ما يفتح خشمو ويشيلها ويمشي ... انا ما ناقصه اي زول اسي ) ...
شكرا يا دكتوره ...
الحمد لله .. يبدو ان (حبوبه) كلامها صاح ,, الدعوه يوم العيد الصباح مسموعه ..
(والله كويس) .. هلا يستجاب دعائي ..
دايراهو يرجع سريع ياخ ....!!!
الباب مفتوح .. كعاده ناس بيتنا ... عجله عاصم اتسرقت بسبب الحركه دي ..
داليا كل ثنه وانتي طيبه .... قابلني حمودي ... بهجه هذا البيت هذا (الشافع) ...
احتضنته بقوه ... احتضنت فيه بواقي الغائب .. جرت على خدي دمعه (سغيله) ...
دسست في جيب حمودي ورقه عشرين الف ... دي اسمها عيديه يا حمدي .. تدي عمار عشره الف كويس ..
كويث ... والله شكلا يا داليا .. والله انتي (موعلمه عديل) ...
ضحكت .. مسحت وجهي ...
دلفت الى الهول الداخلي بخطى مثاقله .. زكمتني رائحه البخور ..
و (قدت) (اضاني ) اصوات الموسيقى المتعاليه من التلفزيون ... نفس مقطوعات العيد الكئيبه ...
يا ربي ما بطلع فوق القاهو قاعد اسي ..؟؟ اشفقت على دماغي ودخلت ..
واذا بالمفاجأه تخلع قلبي من (لغاليغو) ...
امي (غازه) يدينها في نصها وتنظر الي شزرا ...!!!
طبعا نسيتي الخبيز ...!!!
اخخخخخخ ....!!!!
|
Post: #2
Title: Re: هضربه من استراح الى العيد سبيلا ...!
Author: سارة علي
Date: 09-27-2009, 08:11 AM
Parent: #1
ازيك يا داليا وصباح الخير..
كنتا دايرة اهضرب معاك..
لكن وقت الهضربة الجدجد جا...
الساعة تلاتة صباحا وماشة انوم...
ولو صبحتا حية بجي وريك هضربتا بي شنو..
ــــــــــــــــــــــــــ
دلال عزالدين..اكيدعارفاني حاهضرب بي شنو صح؟؟
اصلا هضربتنا بقت مشتركة
|
Post: #3
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 08:24 AM
Parent: #2
اوووو خالتو ساره يا عسل ...
| Quote: ولو صبحتا حية بجي وريك هضربتا بي شنو.. |
يا خالتو حبابك ... اي مكان اي زمان ... نحن لاقينك يا خالتو ساره وين ؟؟؟
|
Post: #4
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 09:18 AM
Parent: #3
فوق ...
لانو مع ناس تمبس ديل ما بناكل عيش ... لوووول ..
|
Post: #5
Title: Re: هضربه من استراح الى العيد سبيلا ...!
Author: محمد كابيلا
Date: 09-27-2009, 09:23 AM
Parent: #1
Quote: الشوارع خاليه .. الا من بعض العربات الفارهه .. الناس ديل بيمشوا وين يوم العيد الصباح ..؟؟
كم امجاد ..ورقشه ... صاحبها (تاكلا) في (ضل) شجره ...
|
يا دكتوره
كل سنة وانت طيبه...
لو ما كنت دكتوره كنت بتكونى روائية خطيرة جداَ ..!!
كل الود
محمد كابيلا
|
Post: #6
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 09:29 AM
Parent: #5
Quote: لو ما كنت دكتوره كنت بتكونى روائية خطيرة جداَ ..!!
|
اخخخخخخخخ ... جلت يعني ؟؟؟
كل سنه طيب ... مرورك الاجمل ..
|
Post: #7
Title: Re: هضربه من استراح الى العيد سبيلا ...!
Author: فادية اليمني
Date: 09-27-2009, 09:35 AM
Parent: #5
بت الكباشي
كل سنة وانت طيبة ياستى
وربنا يخلي ليك ناس بيتكم الحلوين
ويسعدوا بيك يارب
هضربتك من امها لكن 
سرو راجين هضربتك يا السمحة بعد تفضى من ناس دينا
|
Post: #9
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 09:47 AM
Parent: #7
فدويه يا صحبتي ...
كل سنه وانتي طييييييبه ... ياخي حبابك والله بلد التداعي في البوست نووووورت ..
تصدقي موبالغه .. اس يدايره ارسل ليكي نمرتي في الخاص .. اعملي لي اي حركه ...
| Quote: هضربتك من امها لكن |
يا زووووووله ... متشكرييييييييين ... تعالي ... تداعي معنا ... انا وفلان .... لووووووول
| Quote: سرو راجين هضربتك يا السمحة بعد تفضى من ناس دينا |
ياخي انا احلف انك احرف بت في البورد دا .... لوووووول
|
Post: #8
Title: Re: هضربه من استراح الى العيد سبيلا ...!
Author: احمد العمار
Date: 09-27-2009, 09:47 AM
Parent: #1
كل هضربة وانتى طيبة يا دكتورة
أحمد العمار
|
Post: #10
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 09:59 AM
Parent: #8
Quote: كل هضربة وانتى طيبة يا دكتورة
|
وانت طيب يا ابو حميد .. شايفه الحظوظ هناك ضاربع فوووووق , الله يوصل على خير ..
|
Post: #11
Title: Re: هضربه من استراح الى العيد سبيلا ...!
Author: جلال جبريل
Date: 09-27-2009, 10:10 AM
Parent: #10
وحالتك جاية متكربة يادكتورة؟
كل سنة وإنتي طيبة
|
Post: #17
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 11:52 AM
Parent: #11
جلال جبريل ... سلامات .. كل سنه وانت طيب ...
Quote: وحالتك جاية متكربة يادكتورة؟
|
شووفت كيف ؟؟؟؟؟ البت خلاااااااس يعني خطيره ... غايتو ربنا جاب العوقب سليمه ورجعتا تااااااني جبتو وجيت .....
تسلم على المرور ..
|
Post: #12
Title: Re: هضربه من استراح الى العيد سبيلا ...!
Author: tmbis
Date: 09-27-2009, 10:19 AM
Parent: #8
| Quote: لانو مع ناس تمبس ديل ما بناكل عيش ... لوووول .. |
.. والله يا داليـا ما كان بتاكلو عيش فعلا لو البوست دا الواحد شافو مع الكركارة بتاعت يوم الوقفه بالليل .. يا الصباح بدري في أول يوم
| Quote: الشوارع خاليه .. الا من بعض العربات الفارهه .. الناس ديل بيمشوا وين يوم العيد الصباح ..؟؟ |
عليك الله اساليني دبل .. لانو السؤال دا محيرني من زمان خالص
كدي بالله حاولي إنك تقنعيني إنو ناس جــوه برضو عندكم نفس الحركة بتاعت الناس دي مافيشة ..
ما ملاحظـة إنك ضغطي علينـا كدا .. ؟؟
عندك قندهـار .. عندك جبل اوليـاء .. اقعي البحــر بكون فيهو جو مبالغه .. عندك ناس بيتكم .. ديل كللهم ما كفوك يعني ؟؟ 
غايتو كل البتذكرو من العيد دا في أول يوم .. الصباح بدري .. بدري جدا
كنت قاعد في العتبة بتاعت البقالة بتاعت الناس .. وقبليها مواصل سهــر ..
قلت يا ود كدي واصل كفاحك لحدت ما تنعس تدوخ تنوم .. بس المشكلة كانو معاي ناس ما خلوني اواصل في الفكرة دي ..
الشمش بدت تحاول تكشف .. ودا بعد صلاة الصبح مباشرة .. شايف ليك الناس ماشه تصلي ..
أنا بتذكر أول صلاة صليته بتاعت عيد .. أول سنة لي هنا دا .. ومنا وعيييك
بعدين بالمناسبة ..
العجبني في المسالة دي إني كنت وسخـان وجني وجن حمام العيد الصباح بدري في البلد دي والهدوم اللابسه معولقه وبتاعت بيت وبرررضو شايل التلفون علشان اسمع صوت امي .. والتلفون بيعمل لي نفس الحركة البايخـه دي ..
تفتكري اللحظة دي الواحد ممكن كان يتصل على حبيبتو وهو مبهدل كدا دا .. يا يرسل ليها رسالة ..؟
إنتو البرسل ليكم رسايل منو في العيد الصباح .. وأنا ما برسلو لي ..؟
حقو الواحد يعمل شريحـة لي الحالات الزي دي .. ويخت ليكم الرقم هنـا دا ..
اي واحد يا واحده يلقى الناس مافيشين .. يرسل لي طوااالي .. أنا بكون قاعد ..
يعني امشي وين .. أنــا؟؟
|
Post: #13
Title: Re: هضربه من استراح الى العيد سبيلا ...!
Author: Dalal Ezzaldin
Date: 09-27-2009, 10:48 AM
Parent: #12
Quote: دلال عزالدين..اكيدعارفاني حاهضرب بي شنو صح؟؟
اصلا هضربتنا بقت مشتركة |
مشتركه خالص .. يافرحه ما تمت
|
Post: #16
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 11:44 AM
Parent: #13
دلوله ... مافي سلام لي ست البيت يا عسوله ؟؟؟
| Quote: مشتركه خالص .. يافرحه ما تمت |
انشالله افراحك دايما تامه ... تسلمي على المرور ..
|
Post: #14
Title: Re: هضربه من استراح الى العيد سبيلا ...!
Author: مريم بنت الحسين
Date: 09-27-2009, 10:59 AM
Parent: #12
داليا.. كل سنة وانت طيبة
والله مع وقفة خالتو كده، وقولت "طبعا نسيتي" .. قلبي قال شح! دخلتيني في عالمك للدرجة دي!
بنت الحسين
|
Post: #18
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 11:55 AM
Parent: #14
مريوووووووومه صحبتي ...
كل سنه وانتي طيبه وتحياتي لي نادر ابو الوليدات ...
| Quote: والله مع وقفة خالتو كده، وقولت "طبعا نسيتي" .. قلبي قال شح! دخلتيني في عالمك للدرجة دي! |
والله فرحت جنس فرح بكلامك دا .. خاصه انا فلان بنستخدم كلمه (شح) دي طواااااااااالي ... شفتي القلوب شواهد كيف ؟؟؟
تحياتي يا حبيبه ...
|
Post: #15
Title: Re: هضربه من استراح الى العيد سبيلا ...!
Author: محمد عبد الماجد الصايم
Date: 09-27-2009, 11:37 AM
Parent: #12
| Quote: (وبعدين يا حياتي , حاولت اتصل بيكي كتير لكن الشبكه كعبه , انا مساهر لحدي الساعه 4 صباحا , كل سنه وانتي طيبه وتصبحي على خير يا عمري .. بحبك ) |
هسي كان غالبني أكتبا ليكـ هنا في المنبر يعني!
الرسايل دي اخترعوها تطلع من زول واحد ويقراها زول واحد!
المهم
كل سنة وإنتي طيبة!
خبيزي خاتاهو في أيد أمينة؟
|
Post: #19
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 12:03 PM
Parent: #15
Quote: هسي كان غالبني أكتبا ليكـ هنا في المنبر يعني!
الرسايل دي اخترعوها تطلع من زول واحد ويقراها زول واحد! |
اخخخخخخخ ... وهو انت قيت يا رمضان ...!!! وانا كنت مخبيه عليك لحسن تزعل وتتئمص وما تقيش تاني ... ما تيقي .. هو انت ما بتقيش ليه ؟؟؟؟
Quote: كل سنة وإنتي طيبة!
خبيزي خاتاهو في أيد أمينة؟ |
امينه دي مين بأأأ يا اخويا ...!!! لووووووووول
النجيضه : خبيزك ياهو العوقنا التعويقه دي وخلانا نقطع خبيز من اول يوم ... غايتو انا اسي داساهو يا تجي تشيلو سريع يا ارسلو ليك في مسج ....!!!!
|
Post: #23
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 07:14 PM
Parent: #12
تمبس ... اقسم بالله ردمتني جنس ردم .... حا ارد عليك بطريقه اربعه اتنين اربعه , يعني ون تو ون تو ... فاهم حاجه ؟؟؟؟
| Quote: والله يا داليـا ما كان بتاكلو عيش فعلا لو البوست دا الواحد شافو مع الكركارة بتاعت يوم الوقفه بالليل .. يا الصباح بدري في أول يوم |
الله ستر ... الله شافنا ... الله دا كرييييييييييييييييييييييم ...
| Quote: عليك الله اساليني دبل .. لانو السؤال دا محيرني من زمان خالص |
وساكت وكاتم في البك ؟؟؟ لا يا اخويا ؟؟؟
| Quote: ما ملاحظـة إنك ضغطي علينـا كدا .. ؟؟ |
معليش ... تعيش وتنضغط في غيرها ..
| Quote: عندك قندهـار .. عندك جبل اوليـاء .. اقعي البحــر بكون فيهو جو مبالغه .. عندك ناس بيتكم |
انت حركات البورداب الواحده دي ما بتعرف غيرها ... قندهار , الجبل , بعد شويه حا تقول لي امشي فندق فالكون ولا بيت الفنون ؟؟؟؟
بعدين اقع البحر كيف يعني ؟؟؟؟؟؟ انت قايل اهلي قنعانين مني ؟؟؟ وبعدين عندي ناس تانيين ما بيستغنوا عني .؟؟؟؟
Quote: نت قاعد في العتبة بتاعت البقالة بتاعت الناس .. وقبليها مواصل سهــر ..
قلت يا ود كدي واصل كفاحك لحدت ما تنعس تدوخ تنوم .. بس المشكلة كانو معاي ناس ما خلوني اواصل في الفكرة دي ..
الشمش بدت تحاول تكشف .. ودا بعد صلاة الصبح مباشرة .. شايف ليك الناس ماشه تصلي ..
أنا بتذكر أول صلاة صليته بتاعت عيد .. أول سنة لي هنا دا .. ومنا وعيييك |
يا سلاااام عليك ...!! بعد شويه حا تقول لي انا زاتي الكنت بتصل عليكي يا داليا يوم العيد ... والقصه حقتك دي عني انا ...؟؟؟!!! \
لا عليك الله قولها ...!! مسسسسسسسسم ... غايتو جنس شف ... كون نفسك واكتب افكار من راسك دا براك بدل ما تتغول على افكاري ,
الواحد في البلد دي ما يبقى ليكم خيالو واسع اصلو ؟؟؟ .. اها رايك شنو القصه دي زاتها خياليه ؟؟؟؟
Quote: لعجبني في المسالة دي إني كنت وسخـان وجني وجن حمام العيد الصباح بدري في البلد دي والهدوم اللابسه معولقه وبتاعت بيت وبرررضو شايل التلفون علشان اسمع صوت امي .. والتلفون بيعمل لي نفس الحركة البايخـه دي ..
تفتكري اللحظة دي الواحد ممكن كان يتصل على حبيبتو وهو مبهدل كدا دا .. يا يرسل ليها رسالة ..؟ |
مسسسسسسسسم .... غايتو , اسي عليك الله انت فيك فايده ؟؟؟ انت للصباح ما ضربت لي امك ؟؟؟ يا يمه ولاده اليابا والتابا ..!!
وبعدين الناس الحوالينك ذنبهم شنو ؟؟؟ ما تستحم وترحم نفسك ونرحم الحوالينك .. لوووووووووول .. (عليك الله ما تشاكلني , انا بحاف) ..
| Quote: نتو البرسل ليكم رسايل منو في العيد الصباح .. وأنا ما برسلو لي ..؟ |
ناس كده ... انت مالك ؟؟؟ .. مسسسسسسسسم .. غايتو اسئله تعسفيه خلاس ..
Quote: يعني امشي وين .. أنــا؟؟
|
اقع البحر ... كااااااااااااااااااااااااااااااااااااااك ...
|
Post: #20
Title: Re: هضربه من استراح الى العيد سبيلا ...!
Author: عاطف عمر
Date: 09-27-2009, 12:10 PM
Parent: #1
Quote: نظرت الى الموبايل , 4 مسجس ...
(كل سنه وانتي طيبه يا وهم والسنه الجايه عروس في بيتك ..) صديقتي منى ..
(كل سنه وانتي طيبه يا داليا والسنه الجايه اكثر ازدهارا ونجاحا في مجالك) بابا .. كم عظيم هذا الرجل .. رغم حزنه في بعده يحاول دوما تهدئه اشواقنا له ..
(داليا كيف اصبحتي انتي جايه الساعه كم؟؟ جيبي معاكي زياده خبيز ) ماما .. الحاجه دي ما عنده موضوع .. هو العيد بتين جا لمن كملوا داك ؟؟؟
(وبعدين يا حياتي , حاولت اتصل بيكي كتير لكن الشبكه كعبه , انا مساهر لحدي الساعه 4 صباحا , كل سنه وانتي طيبه وتصبحي على خير يا عمري .. بحبك )
ايوه .. استوعبت الان .. لقد حاول مرارا وتكرارا الاتصال .. رداءه الشبكه ليله العيد لا تجاريها رداءه ...
لربما ارثي لحالي وانا استقبل العيد وانا اون كول في مستشفى , |
في ذمتك الرسائل كانت بنفس هذا الترتيب ؟؟؟
________________
كل سنة وانت طيبة
مقدرة مذهلة على التصوير بالحروف
|
Post: #21
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 05:45 PM
Parent: #20
| Quote: في ذمتك الرسائل كانت بنفس هذا الترتيب ؟؟؟ |
انت ما تعصر علي شديييييييد كمان ... لوووووووول
تشكر جدا وكل سنه وانت طيب ...
|
Post: #22
Title: Re: هضربه من استراح الى العيد سبيلا ...!
Author: صديق الموج
Date: 09-27-2009, 06:50 PM
Parent: #21
| Quote: (وبعدين يا حياتي , حاولت اتصل بيكي كتير لكن الشبكه كعبه , انا مساهر لحدي الساعه 4 صباحا , كل سنه وانتي طيبه وتصبحي على خير يا عمري .. بحبك ) |
ياخى انعل ديـ......مادام لقيت الشبكه كعبه ما تركب طيارة تجى..
انا جنى وجن المشاعر المؤجله!!!!
|
Post: #24
Title: Re: هضربه من استراح الى العيد سبيلا ...!
Author: داليا الكباشى
Date: 09-27-2009, 07:36 PM
Parent: #22
عمو صديق كل سنه وانت طيب ...
Quote: ياخى انعل ديـ......مادام لقيت الشبكه كعبه ما تركب طيارة تجى..
انا جنى وجن المشاعر المؤجله!!!! |
أولتش حاقه انا بأأأأه ....؟؟؟؟؟
|
Post: #25
Title: Re: هضربه من استراح الى العيد سبيلا ...!
Author: Dalal Ezzaldin
Date: 09-27-2009, 09:54 PM
Parent: #24
السلام عليكم ورحمة الله
شكلكم نايمين نجيكم مره تانيه ان شاء الله
|
Post: #26
Title: Re: هضربه من استراح الى العيد سبيلا ...!
Author: ombadda
Date: 09-27-2009, 10:58 PM
Parent: #25
Quote: مقدرة مذهلة على التصوير بالحروف
|
-------
د. داليا
كل عام وأنتى بخير
|
Post: #27
Title: Re: هضربه من استراح الى العيد سبيلا ...!
Author: داليا الكباشى
Date: 09-28-2009, 11:24 AM
Parent: #25
Quote: لسلام عليكم ورحمة الله
شكلكم نايمين نجيكم مره تانيه ان شاء الله
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #28
Title: Re: هضربه من استراح الى العيد سبيلا ...!
Author: داليا الكباشى
Date: 09-28-2009, 11:27 AM
Parent: #27
Quote:
Quote: مقدرة مذهلة على التصوير بالحروف
-------
د. داليا
كل عام وأنتى بخير |
د.امبده ....
لم افهم معنى الاوجه الضاحك ؟؟؟؟؟؟
الرجاء افادتي كي لا تتشابه علي الابتسامات ....!!!
|
Post: #29
Title: Re: هضربه من استراح الى العيد سبيلا ...!
Author: تاج السر محمد حامد
Date: 09-28-2009, 12:45 PM
Parent: #28
دكتوره داليا ..
كلماتك بها أرتوى ..
تمبس
حروفك لها معنى !!
أما المتداخلين فأقول
لهم سلام .. سلام
يالحلوين ..
تحياتى
ومحبتى للون الاحمر
تجعلنى أقول لكم
كل عام والجميع بألف خير
وأنا مرضان مرضان
قلبى يوجعنى يادكتوره
أعمل شنو !!
تاج السر
|
Post: #30
Title: Re: هضربه من استراح الى العيد سبيلا ...!
Author: داليا الكباشى
Date: 09-28-2009, 12:58 PM
Parent: #29
|
Post: #31
Title: Re: هضربه من استراح الى العيد سبيلا ...!
Author: الصادق صديق سلمان
Date: 09-28-2009, 01:16 PM
Parent: #30
يا دكتورة
من شدة ما كلامك حلو وتصويرك ليوم العيد سفرني مدني
فكرت اخش البوست دا ولا ما اخش - المهم في النهاية خشيت
عشان لأول مرة اعقب على كلامك السكر دا.
ياخي طلعتي مصارينا دي من جوة بي الوصف الحلو.
أبومجتبى
|
Post: #32
Title: Re: هضربه من استراح الى العيد سبيلا ...!
Author: ombadda
Date: 09-28-2009, 01:50 PM
Parent: #31
Quote:
لم افهم معنى الاوجه الضاحك ؟؟؟؟؟؟
الرجاء افادتي كي لا تتشابه علي الابتسامات ....!!! |
بضحك على كلام عاطف عمر...حقيقة كتابتك عادية جدا والجماعة ديل ما يغشوك..
دة طبعا مع الإحترام الشديد لشخصك الكريم..
شوفوا زى دة كمان:
Quote:
من شدة ما كلامك حلو وتصويرك ليوم العيد سفرني مدني
فكرت اخش البوست دا ولا ما اخش - المهم في النهاية خشيت
عشان لأول مرة اعقب على كلامك السكر دا. |
ودة:
Quote: كلماتك بها أرتوى ..
|
ودة:
Quote: لو ما كنت دكتوره كنت بتكونى روائية خطيرة جداَ ..!!
|
وش تانى ضاحك لحد القهقة..
-------
|
Post: #33
Title: Re: هضربه من استراح الى العيد سبيلا ...!
Author: Elawad Eltayeb
Date: 09-28-2009, 02:55 PM
Parent: #32
العزيزة داليا
كل سنة وانتي طيبة
وشكراً لمشاركتنا إحساسك صباحات العيد
ربما يرى البعض كتاباتك سهلة! نعم هي سهلة... لكنها ممتنعة
وممتعة
| Quote: لربما ارثي لحالي وانا استقبل العيد وانا اون كول في مستشفى |
كويس ما كنتي أون لاين
زينا كده
|
Post: #34
Title: Re: هضربه من استراح الى العيد سبيلا ...!
Author: جمال السنوسي
Date: 09-28-2009, 03:07 PM
Parent: #33
دكتورة داليا
يعني ما اتلاقينا
برغم التأكيد
والرحلة ما جيتونا
وانا رجعت للهم الجداوي تاني
المهم سمعناكم المرة دي
والمرة الجاية
حنشوفكم إن شاء الله
مع خالص الود والتقدير
|
Post: #35
Title: Re: هضربه من استراح الى العيد سبيلا ...!
Author: Dalal Ezzaldin
Date: 09-28-2009, 04:50 PM
Parent: #34
| Quote: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
بتستفهمي عن شنو يا استاذه ؟
|
Post: #36
Title: Re: هضربه من استراح الى العيد سبيلا ...!
Author: abubakr
Date: 09-28-2009, 04:54 PM
Parent: #34
يابتي انتي رسامة شديد ...واللا مصوارتية حروف ...
|
Post: #37
Title: Re: هضربه من استراح الى العيد سبيلا ...!
Author: عاطف عمر
Date: 09-28-2009, 07:59 PM
Parent: #1
| Quote: بضحك على كلام عاطف عمر...حقيقة كتابتك عادية جدا والجماعة ديل ما يغشوك.. |
ليه كدا يا دكتور ؟؟
لماذا تضطروننا لنسحب احترامنا منكم بمثل هذه السهولة ؟؟
ولماذا نتشدق بالديمقراطية ( ديناً سياسياً ) وحرية الرأى ( عقيدة ) ونحن نحاكم ضمائر الناس ونقرر من يغش ومن يجامل ومن يصدق ؟؟
لماذا لم تعطنا ( البينفت أوف داوت ) البقولوا عليهو أهل القانون ونكون صادقين مع أنفسنا غض النظر إن كان ذوقنا حسناً أو رديئاً فهذه ( تهمة ) أخف من أن نغش شخصاً. ذلك لأن رسولنا الكريم يقول ( من غشنا فليس منا ) - أو كما قال - فلماذا يا دكتور تريد أن تخرجنا من ملة الإسلام ؟؟
|
Post: #38
Title: Re: هضربه من استراح الى العيد سبيلا ...!
Author: سارة علي
Date: 09-28-2009, 09:32 PM
Parent: #37
امبدة..
انتا مالك الليلة ؟؟
بالع ليك حبوب صراحة؟؟
النبي اتخارج خلي داليا تتم هضربتا وارحكا انتا لمجال اختصاصك ..وحل لي مشكلة الفلو شوت الاخدتا دي..
انتي ذاتك يا دلال ارحكي...
ـــــــــــــ
معليش يا داليا ديل شكلهم صايمين الستوت
|
Post: #39
Title: Re: هضربه من استراح الى العيد سبيلا ...!
Author: ombadda
Date: 09-29-2009, 07:39 AM
Parent: #38
Quote: ليه كدا يا دكتور ؟؟
لماذا تضطروننا لنسحب احترامنا منكم بمثل هذه السهولة ؟؟ |
من أنتم؟
أنت تتكلم بصيغة الجمع..
ومن نحن؟
|
Post: #40
Title: Re: هضربه من استراح الى العيد سبيلا ...!
Author: عاطف عمر
Date: 09-29-2009, 08:52 AM
Parent: #39
Quote:
من أنتم؟
أنت تتكلم بصيغة الجمع..
ومن نحن؟ |
هل هذا هو الشئ الأهم الذي عناك من المداخلة ؟؟؟
رحم الله صديقي ( الطبيب ) المتفرد د.إبراهيم رحوم فقد قال يوماً ( مشخصاً ) واقع الطب في السودان
" إن المشكلة الحقيقية تكمن في أن بعض الأطباء يعطون إهتماماً مبالغ فيه لنتائج المرض ويتجاهلون عن جهل أو تغابياً الأسباب الحقيقية التي أدت لظهور هذه النتائج "
______________________
معليش د. داليا
لا أقصد
وليس من طبعي
أن أساهم في إنحراف بوست عن مساره الذي يريده له صاحبه/ صاحبته
|
Post: #41
Title: Re: هضربه من استراح الى العيد سبيلا ...!
Author: ombadda
Date: 09-29-2009, 11:12 AM
Parent: #40
--------------------------------------
----------------------------
|
Post: #42
Title: Re: هضربه من استراح الى العيد سبيلا ...!
Author: عاطف عمر
Date: 09-29-2009, 04:31 PM
Quote: عاطف عمر
شوف ليك شغلة ما فاضيين ليك... |
أزرعوهم في أرض الحوار ، يموتون موتاً طبيعياً
" الأستاذ محمود محمد طه "
__________________________
متعة لا تعادلها متعة
أنت تعرف حقيقة شخص وإمكانياته
ومن حسنات هذا الفضاء أن كل ( اللاعبين ) يكونون على الهواء مباشرة
مما يمكن القارئ العادي أو الطرف الثالث أن يقيم الأشخاص والألقاب
|
Post: #43
Title: Re: هضربه من استراح الى العيد سبيلا ...!
Author: وليد محمد المبارك
Date: 09-30-2009, 06:20 AM
Parent: #42
اها ا جماعة مع اللخبته الحايمة في المنبر اليومين ديل
امبده ده راجل ولا مره ؟
عشان نفهم بس
|
|