الملاريا هلكت دم أهلنا بالجزيرة يا حكومة الهنا كما قادرة تبيدي الناموس (كـتـفـيـه) ...!!!

ـــــ
منذ أن دخل رمضان في (العضم) مثل ما بيقولوا أهلنا في السودان بدأت تظهر أعراض الملاريا علي هؤلاء العباد في تلك البلاد , وما أن هلا العيد وإلا جاء بالجديد فلا جديد لدينا في الوطن سوا السقام والأمراض , فصلاة التراويح والعيد التي صلوها علي (جلد الناموس) لم تشفع لهم عند الناموس الذي يخترق كل الحُجب ولا يستمتع إلا بالإزعاج ومن ثم مص الدم كأنه من ناس الحكومة .

ــــ
فإن كانت هي زائرة المتنبي فنحن أصدقائها بلا منازع ,
وما أن تسمع بشخص أصابته ملاريابالرغم من البعد المكاني , وإلا دارت الذاكرة عجلاتها بسرعة البرق , وإرتعشت العظام ويا للهول من الهلوسة .

Quote: الملاريا هلكت دم أهلنا بالجزيرة يا حكومة الهنا كما قادرة تبيدي الناموس (كـتـفـيـه) ...!!!

عماد أخوي كل عام وأنت بخير
وعيدك سعيد بعيدا عن الملاريا

ــــ
وإنت طيب أستاذنا آدم صيام


تلك هي بلاد (أبو ظرطة) كما أسمميتها أنت وتسلم إنت والقلم


دم إبناء الوطن مباح حتي من الناموس والدولة تتفرج بل تتلذذ



عيدك مبارك يأخي آدم ..

ــــ
الشاهد في الموضوع :

ما إتصلت في فترة العيد علي قريب أو صديق ... الخ إلا وقال لي (فلان) عنده ملاريا خد كفر ليهو .

مافي قروش مبيدات ولا شنو؟

ولا حتجي بعد ما الباعوض يبيد اهلنا.



عماد: كل سنة وانت طيب وأماني محققة ان شاء الله.

ـــ
هلا يا أميمة وكل سنة وأنت بخير يارب .

مافي قروش مبيدات ولا شنو؟

وقروش البترول هذا أين تذهب ؟! للمؤتمرات الفارغة و ..و ...و , وهل كان صادق أبوجاز عندما قال بيشتروا بيها المعارضين , ضعاف النفوس ؟!

في كل الأحوال المواطن هو المسحوق


لكن الله فيّ ..!


تحياتي ...

الحبيب عماد الطيب
السلام عليكم
وكل سنة وانت طيب
لقداسمعت لو ناديت حيا ولكن لا حياة لمن تنادي
مشروع الجزيرة نحروه ونحروا انسانه عن عمد وترصد

واسال في هذه الايام المباركات فرجا قريبا

Quote: الملاريا هلكت دم أهلنا بالجزيرة يا حكومة الهنا كما قادرة تبيدي الناموس (كـتـفـيـه) ...!!!

وريسنا يقدل فى المدينة؟!!!!!!!!!!

المستحق الكتيف ريسنا مش الناموس ياعماد ولدى

عيدكم مبارك والقابلة ريسنا مكتف بركة اللا نام ولا اكل الطعام

تحياتى

الجزيرة محتاجة رش بالطيارات

والحكومة دى أقنعو منها شوفو العون الذاتى

زى ما عملتو الكهرباء والموية

ما بيغلبكم الباعوض

الله فى

الأخ emad altaib

كل عام وأنت وجميع الأهل بخير وعافية
أنا قلته يمكن الناس ديل مربين الباعوض ده
وفاكينه في الخلق كده
وبرضو ما تنسى الدكاترة والصيادلة ديل يأكلوا عيش من وين يــــاااااااااااااخ


كل الــــود

____________
بالجد حاجة تحزن كان الله في عون أهلنا البسطاء في كل مكان في الســـــودان

ــــ
الأخ الأمين موسي

وأنت طيب وجميع الأهل ومن معك .

U]أنا قلته يمكن الناس ديل مربين الباعوض ده


التربية دي كيف يا أمين يا خوي ؟! إلا يجيبو ليهو (نيدو)

الإهمال يساعد علي تكاثر الناموس ولاّ شنو يا أمين , شفت التربية الحديثة دي كيف .؟!
وبرضو ما تنسى الدكاترة والصيادلة ديل يأكلوا عيش من وين يــــاااااااااااااخ
ما أعتقد أرزاقهم مرتبطة بأمراض أهلنا, ولا أعتقد الدكاترة والصيادلة الذين يمتلكوا ضمائر وحس إنساني يعملون من أجل التكسب من المرض والمرضي , فالسعادة الحقيقية لديهم هي تماثل المريض للشفاء والله أعلم ,

ولو جعل الله أرزاقهم علي المرض الله يكتب لنا الشفاء من عنده فهو خير شافي وعافي ,

وقبيل شّن قلنا ..قلنا الله فيّ...!

أشكرك علي حزنك معنا وعلي الطرافة اللطيفة .

دم بخير وعافية ..

Quote: الناموس الذي يخترق كل الحُجب ولا يستمتع إلا بالإزعاج ومن ثم مص الدم كأنه من ناس الحكومة .

حرام عليك الناموس يمص الدم عشان يعيش اما الجماعة ديل بمص الدم للترف والتمكين فشتان بينهما

ــــــ
هلا يا نجلاء كل سنة وإنت بخير ..
حرام عليك الناموس يمص الدم عشان يعيش اما الجماعة ديل بمص الدم للترف والتمكين فشتان بينهما
_ ما أظن أنا وإنتِ مختلفين الكل منهم (بيستنذف) دم أهلنا وهذا المهم في الأمر .
_ وبرضو ما مختلف معاك في الغاية _الهدف بالنسبة للناموس والجماعة .

لكن في كل الأحوال ما علي حساب البسطاء من أهلنا الطيبيين ويضيع دمهم ما بين الناموس والعُلُوُجّ .



الله يلطف بأهلنا ..



مرحبتين بيك يا نجلاء

ــــ
الأخ الطيب العامري كل سنة وإنت طيب وعامر
الجزيرة محتاجة رش بالطيارات

والحكومة دى أقنعو منها شوفو العون الذاتى



إنت جيت بالمفيد والعملي في مسألة الرش بالطائرات , والجزيرة بأبنائها البررة وهم قادرون علي ذلك أول علي الأقل توفير المبيدات بالجهد الذاتي والعلاقات الشخصية , لكن كان قنعنا من الحكومة الحكومة بتقنع مننا ؟! ما باقية لينا في التولة بالضرائب والجباية والإذلال والتدمير لمشروع الجزيرة .

صحيح كثير من الخدمات الموجودة في أغلب الجزيرة قامت بجهد أبنائها وأبائهم وأسرهم , لكن هذا لا يقلل من قضية ( الناموس ) فهل تعلم إذا مرض بالملاريا شخص واحد في الأسرة ,الأسرة كلها قابلة أن تصاحب بالملاريا ناهيك عن الجهد والتعب في مقاومة المرض من كل الأسرة لأجل مريض واحد هذا إذا كانت مستورة الحال فكيف بالضعاف الذي لا يستطيع أن يوفر حق حبوب(الكلوركين) و(الفانسيدار) ؟! غير الفحوصات والكشف ..الخ


أشكرك الأخ الطيب العامري لمرور والمشاركة .

ـــــ
هلا يا دكتورة مهيرة كل عام وانت ومن معك بألف خير وعافية .


_ أكتفوا ريسهم ما عندي خلاف لكن برضو سوف نظل نطالب ( بتدويخ) الناموس كان ما قادرين يبدوهو


_ يقدل في المدينة الريس وناسنا وأهلنا (يتقلبوا) من الحمي والحرارة ودمهم إتحرق , دي عدالة وين ياربي .؟!



والقابلة كما تحبي ونحب يارب يا كريم

ـــــ
أهلاً يا عمر وكل عام وأنت طيب .


هؤلاء هلكوا الحرث والنسل


الله لا كسبهم ..


الله يتقبل الدعاء والفرج علي المقلوب علي امرهم .

Quote: الملاريا هلكت دم أهلنا بالجزيرة يا حكومة الهنا كما قادرة تبيدي الناموس (كـتـفـيـه) ...!!!

... يا زول ديل و الملاريا من فصيلة واحدة

ـــ
صدق يا أخي دورنقاس

هم جمعامن فصيلة مصاصي الدماء .