Post: #1
Title: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-22-2009, 01:52 PM
اصدر رئيس الجمهورية قرارا بترفيع اللواء مهندس امن/ الرشيد فقير صبري الي رتبة الفريق مهندس امن بعد ان اسند اليه منصب نائب رئيس جهاز الامن الوطني والمخابرات وكان الفريق مهندس امن الرشيد الذي هو من مواليد حي الشجرة بالخرطوم العام 1958 قد تلقي تعليمه الابتدائي بمدرسة القوز الاولية التي تخرج فيها العام 1972 ثم القوز الوسطي حتي العام 1975 والمقرن الثانوية حتي االعام 1978وفي العام 1984 تخرج من جامعة الخرطوم كلية الهندسة والمعمار بمرتبة الشرف وعمل في القطاع الخاص لفترة قبل التحاقه بخدمة الجهاز 1990
|
Post: #2
Title: Re: من هو نائب المدير العام الجديد لجهاز الامن الوطني والمخابرات!
Author: محمد إبراهيم علي
Date: 09-22-2009, 02:59 PM
Parent: #1
| Quote: اللواء مهندس امن/ الرشيد فقير صبري |
كيكي مطلوب حضورك انت وبوستيك بتاع المهندسين داك عشان نعرف اولاد هندسة الخرطوم ديل نقول ليهم يا زملاء ولا يا جنابو انا غايتو عندي صاحبي كدة من زمان شاكي فيهو تاني بقول ليهو يا جنابو عديل لمن نعرف ليها اخر
بس ما تطلع انت برضو في الامن القطري ولا الاسفيري 
علي كل حال سندعو من اليوم اي خريج هندسة من جامعة الخرطوم تحديدا جنابو الى ان يثبت العكس
للعلم انا مهندس بس خريج السودان يعني براءة
زهير عثمان كل سنة وانت طيب
|
Post: #3
Title: Re: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-22-2009, 03:16 PM
Parent: #2
أخي محمد أبراهيم علي
كل سنة وأنت طيب
وتحياتي
يعني من جامعة السودان أو المعهد الفني القديم مافي أمنجية مساء الخير ياباشمهندس ؟!
|
Post: #4
Title: Re: من هو نائب المدير العام الجديد لجهاز الامن الوطني والمخابرات!
Author: محمد إبراهيم علي
Date: 09-22-2009, 03:23 PM
Parent: #3
تحياتي اخي زهير
| Quote: يعني من جامعة السودان أو المعهد الفني القديم مافي أمنجية مساء الخير ياباشمهندس ؟! |
في بالكوم ولو داير اسماء نديك بس هي مناكفة لكيكي
بس مش غريبة علاقة الهندسة بالامن ؟
وتسلم ياغالي
|
Post: #5
Title: Re: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-22-2009, 03:29 PM
Parent: #4
كلها تندرج تحت مسمي الهندسة لوكانت أمنية ولا غيرو
|
Post: #6
Title: Re: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-22-2009, 03:29 PM
Parent: #4
كلها تندرج تحت مسمي الهندسة لوكانت أمنية ولا غيرو
|
Post: #7
Title: Re: من هو نائب المدير العام الجديد لجهاز الامن الوطني والمخابرات!
Author: عبدالكريم الامين احمد
Date: 09-22-2009, 03:34 PM
Parent: #4
Quote: كيكي مطلوب حضورك انت وبوستيك بتاع المهندسين داك عشان نعرف اولاد هندسة الخرطوم ديل نقول ليهم يا زملاء ولا يا جنابو انا غايتو عندي صاحبي كدة من زمان شاكي فيهو تاني بقول ليهو يا جنابو عديل لمن نعرف ليها اخر
بس ما تطلع انت برضو في الامن القطري ولا الاسفيري
علي كل حال سندعو من اليوم اي خريج هندسة من جامعة الخرطوم تحديدا جنابو الى ان يثبت العكس
للعلم انا مهندس بس خريج السودان يعني براءة |
هلا يا زهير وحبابك يا محمد وعيدكم سعيد...
وبيني وبينكم كيزاننا في هندسة الخرطوم ديل مسخوها وجابو لينا الهواء التقيل..
الغريبة الشباب ديل ايامات الكلية كلهم كاتلين حيلهم وضلهم ميت وليس هم قيادات او ذوي نشاط معروف ومرصود يجو علي اخر العمر يطلعو لينا كلهم امنجية وكمان زعماء للعمل الامني علي عموم السودان...
...
وغايتو الظاهر في كورسات بتاعة امن بكون دكيناها احنا ولاشنو ماعارف
يوم الالم يا محمد ابراهيم في الكورسات بتاعة الامن الكنا ما بنحضرها دي
طوااالي ح اقدم اوراق اعتمادي مش للامن القطري بل (الس اي ايييييه) عدييييييل كده ههههههههه
|
Post: #8
Title: Re: من هو نائب المدير العام الجديد لجهاز الامن الوطني والمخابرات!
Author: محمد إبراهيم علي
Date: 09-22-2009, 04:07 PM
Parent: #7
كيكي كل سنة وانت طيب
الموضوع يحتاج بحث وتقصي وتحديد نوعية الكورسات السرية المافي المقرر وكيفية سماح جامعة الخرطوم بمنحكم شهادات بدون ما تمتحنوا دي المواد وده تشكيك في نزاهة الجامعة
وبعدين لو لميت في المقررات اديني خبر لاني ناوي اجرب حظي كده وامتحن لانو شايف اسمي مناسب كده وقدامو لقب الفريق مهندس /محمد ابراهيم علي يعني فيهو جرس امني كده
انا شايف كيزانا بتاعين الاتحاد مركزين علي سد مروي (الحضري والصادق محمد علي الشيخ ) والاتنين بتاعين كهربا!!!!!!! وبعدين في واحد (محمد خليفة) وده خريج مدنية متابع برضو موضوع مساكن السد وكده طبعا انا مستغرب من الموضوع ده بس طبعا في كوم كبير متخصص في الهندسة الامنية وده كان تخصص سري في الجامعة عشان كده نحن ما سمعنا بيهو
|
Post: #10
Title: Re: من هو نائب المدير العام الجديد لجهاز الامن الوطني والمخابرات!
Author: عبدالكريم الامين احمد
Date: 09-22-2009, 08:14 PM
Parent: #8
| Quote: انا شايف كيزانا بتاعين الاتحاد مركزين علي سد مروي (الحضري والصادق محمد علي الشيخ ) والاتنين بتاعين كهربا!!!!!!! وبعدين في واحد (محمد خليفة) وده خريج مدنية متابع برضو موضوع مساكن السد وكده طبعا انا مستغرب من الموضوع ده بس طبعا في كوم كبير متخصص في الهندسة الامنية وده كان تخصص سري في الجامعة عشان كده نحن ما سمعنا بيهو |
هلا يا محمد
انت عارف كيزان الهندسة بتاعننا ديل خربهم التصنيع الحربي والناس ديل بعد التخريج كلهم اتلملمو في التصنيع الحربي وبدل يدوهم زيادات كورسات في الانشاءات القصة كلها بقت استخبارات وشمشمة وتجسس
وتاهيل في الجزئيات دي علي مستوي عالي
وعشان كده غووش خريج التصنيع الحربي ومحمد عطا والجديد ده زاااتو لو فتشو كويس بكون من هناك..
السد ده زاااتو ناسنا ماشاء الله مدخلين حميريهم مع الكتبة هناك...
الكورسات دي يا ابو حميد ضروري نفتشها ونكسر باقي الدنيا ما مضمونة وممكن السودان الجديد يكون عاوز ضباط امنجية
|
Post: #11
Title: Re: من هو نائب المدير العام الجديد لجهاز الامن الوطني والمخابرات!
Author: علاء الدين يوسف علي محمد
Date: 09-22-2009, 10:23 PM
Parent: #10
الرشيد فقيري
مدير شركة قصر اللولؤ الهندسية سابقاً
يسكن بشرق النيل ولا يزال في منزله الذي بناه طوبة طوبة و أنا أشهد على ذلك
بناه على مرّ سنين طويلة حبّة حبّة يشهد له بذلك سكان شرق النيل
ياخي دة لمن زهج الناس من صبره الطويل على تشييد منزله وهو مدير شركة من كبريات الشركات الهندسية اللي لو كان بيستغل سلطاته كان بيتو تشطيب و تسليم مفتاح يتم في خلال شهر
رجل مهذب للغاية خلوق كريم متواضع لدرجة إنو يقيف معاك و ما تحس إنو هو أي حاجة
دي شهادة زول بيعرفو معرفة شخصية
معرفة منطقة لا أكثر
الرشيد فقيري هو الرجل المناسب في المكان المناسب
ربنا يوفقه في مركزه
|
Post: #12
Title: Re: من هو نائب المدير العام الجديد لجهاز الامن الوطني والمخابرات!
Author: عادل نجيلة
Date: 09-22-2009, 10:57 PM
Parent: #11
Quote: الرشيد فقيري
مدير شركة قصر اللولؤ الهندسية سابقاً
يسكن بشرق النيل ولا يزال في منزله الذي بناه طوبة طوبة و أنا أشهد على ذلك
بناه على مرّ سنين طويلة حبّة حبّة يشهد له بذلك سكان شرق النيل
ياخي دة لمن زهج الناس من صبره الطويل على تشييد منزله وهو مدير شركة من كبريات الشركات الهندسية اللي لو كان بيستغل سلطاته كان بيتو تشطيب و تسليم مفتاح يتم في خلال شهر
رجل مهذب للغاية خلوق كريم متواضع لدرجة إنو يقيف معاك و ما تحس إنو هو أي حاجة
دي شهادة زول بيعرفو معرفة شخصية
معرفة منطقة لا أكثر
الرشيد فقيري هو الرجل المناسب في المكان المناسب
ربنا يوفقه في مركزه
|
يعني يا علاء حتكون واسطة قوية ..
|
Post: #13
Title: Re: من هو نائب المدير العام الجديد لجهاز الامن الوطني والمخابرات!
Author: عبد المنعم عبدالله
Date: 09-23-2009, 01:15 AM
Parent: #12
سلام عليكم وعيد سعيد
Quote: الرشيد فقيري
مدير شركة قصر اللولؤ الهندسية سابقاً
يسكن بشرق النيل ولا يزال في منزله الذي بناه طوبة طوبة و أنا أشهد على ذلك
بناه على مرّ سنين طويلة حبّة حبّة يشهد له بذلك سكان شرق النيل
ياخي دة لمن زهج الناس من صبره الطويل على تشييد منزله وهو مدير شركة من كبريات الشركات الهندسية اللي لو كان بيستغل سلطاته كان بيتو تشطيب و تسليم مفتاح يتم في خلال شهر
رجل مهذب للغاية خلوق كريم متواضع لدرجة إنو يقيف معاك و ما تحس إنو هو أي حاجة
دي شهادة زول بيعرفو معرفة شخصية
معرفة منطقة لا أكثر
الرشيد فقيري هو الرجل المناسب في المكان المناسب
ربنا يوفقه في مركزه |
انشاء الله اعينك برتبه عقيدبعد كل هذا الاطراء
وبعدين لو الكلام زي ما بتقولو عن هذه القيادات
مين الكان بعزب في بيوت الاشباح وبقتل واسجن في المعارضين
يعني السمعه السيئه اللحقت بالجهاز دي اشاعات ساكت
ولا عملوها عفاريت
|
Post: #14
Title: Re: من هو نائب المدير العام الجديد لجهاز الامن الوطني والمخابرات!
Author: علاء الدين يوسف علي محمد
Date: 09-23-2009, 05:56 AM
Parent: #13
Quote: انشاء الله اعينك برتبه عقيدبعد كل هذا الاطراء
|
يعني الواحد لو جء قال كلمة الحق يبقى دهنسة و إطراء و طمعاً في رضا من يداهنه
ولو سكت يبقى معارِض كبير زي سيادتك
ينعل أبو يوم نوعية معارضتكم الغبية دي
دلاهة على التاني
مدِّد رجلينك ساي يا عمر فوق رقاب العاهات ديل
|
Post: #15
Title: Re: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-23-2009, 11:48 AM
Parent: #14
في البداية التحية للكل
محمد أبراهيم علي ليك رسالة عبر بريدي
Dear Zuhair Salam ,i did get your e-mail from sudaneseonline discussionboard,please I am not amember in sudaneseonline but I want to ask MohamedIbrahim Ali who was discussing with you about the engineers who becamesecurity officers, if he is Moamed ibrahim from fadasi who joined sudanuniversity of science and technology in 1986 (with TARIG SHAWGI fromsinnar and HASSAN ALI MOHAMED AHMED FROM ALTIMEERAB) ,if he is him pleaselet him to contact me because i want to ask him from some old friends,mayhe knows informations from them.kind regardsDr. Fath-elrahman Abuagla
وبعدها نرجع للكلام بقية
|
Post: #16
Title: Re: من هو نائب المدير العام الجديد لجهاز الامن الوطني والمخابرات!
Author: محمد إبراهيم علي
Date: 09-23-2009, 12:19 PM
Parent: #15
شكرا عزيزي زهير
راجع الخاص رجاءا
|
Post: #17
Title: Re: من هو نائب المدير العام الجديد لجهاز الامن الوطني والمخابرات!
Author: عبد المنعم عبدالله
Date: 09-24-2009, 01:58 AM
Parent: #16
السلام عليكم
قال الاخ
| Quote: يعني الواحد لو جء قال كلمة الحق يبقى دهنسة و إطراء و طمعاً في رضا من يداهنه |
يا يااخينا قول بسم الله الدنياعيد
| Quote: ولو سكت يبقى معارِض كبير زي سيادتك |
نوعيتك دي ما اظن عندها مقدره ذي دي (سكوت)
Quote: ينعل أبو يوم نوعية معارضتكم الغبية دي
دلاهة على التاني
|
والله يا الاخو انت تعترك في غير معترك
مليون لسعه ولا نقطه عسل واحده بس عشان قلنا
ليك انشاء الله اعينك عقيد!
يعني لو كانت لواء ولا فريق كان ربك استر عليناساي
من نحلك الشايلو معاك ده؟
| Quote: مدِّد رجلينك ساي يا عمر فوق رقاب العاهات ديل |
مع وجود نوعيتك دي مسانده لعمرالبشير وتدعي علاقات خاصه
مع كبارات رجال الدوله,الله استر علي البشير من لاهاي والسودان من التجزئه
قديما قالو
عدو عاقل خيرا من صديق جاهل
ولك الود
|
Post: #18
Title: Re: من هو نائب المدير العام الجديد لجهاز الامن الوطني والمخابرات!
Author: amin siddig
Date: 09-24-2009, 02:20 AM
Parent: #17
الفقرة التالية شكلها سقطت سهواً :
أبوهو راجل طيب ، و هو من أسرة بسيطة ، يمشي مع الناس في الأسواق ، و راجل أختو ود بلد ، و زمان لمن جيرانهم نطا ليهم الحرامي قام سكاهو معاهم ، و أهل منطقتو بيشهدوا ليهو بالوقفات الكريمة ، و هو زول أخو أخوان ، و بلبس جلابية و عمة بي كل تواضع ، و ما بيتعفف من أكل الويكة ، و مرة قام مشكوراً بقفل باب شارع جيرانهم و هو مارق ، و لمن مشى الحج جاب لي عماتو سبح .
|
Post: #20
Title: Re: من هو نائب المدير العام الجديد لجهاز الامن الوطني والمخابرات!
Author: علاء الدين يوسف علي محمد
Date: 09-24-2009, 04:41 AM
Parent: #18
و بِسمع مايكل جاكسون ، و بِدُق سيستم ، و بعّام حفلات تلقاهو ينقل في الكراسي و الصواني و يدق الصيوان.
طبعاً كيف الكيف كان لو جيت أنا أو غيري بعرفة أو غيرها و قلت:
سفاح و حرامي عذّب و إعتقل و دقّ و كهرب و قرض بالزردية و لبع بالسيخ و و و و و و
كدة أنا تمام و هُم تمام ودة الكلام التمام غيرو كِضِب ساي
الشافِع لمن يبكي عشان ينفِّذوا ليهو رغبة مُلِحّة البعض بيقوم يقول ليهو خلاص بعد تسكت بنعمل ليك كدة بعد شوية يقولوا ليهو بعد تنوم بكرة الصباح بنمشي
دُنيا دبنقا
|
Post: #19
Title: Re: من هو نائب المدير العام الجديد لجهاز الامن الوطني والمخابرات!
Author: علاء الدين يوسف علي محمد
Date: 09-24-2009, 04:23 AM
Parent: #17
| Quote: نوعيتك دي ما اظن عندها مقدره ذي دي (سكوت) |
طبعاً يا مُعارِض يا عارِض أنا لأنو ما في موقف مُعارضة لأنو الوضِع دة ما بطّال معاي يبقى لا حاجة لي بإن أن أُثبِت لك أو لنفسي بأني قدر المسألة دي فـ "سكوت" راضي بيها تماماً
يلا يا حبيبنا إنت في موقف مُعارضة "قيام" قوم ورِّينا رقيبتك هل عندها شعر لِمتِل الكلام دة ولّ أحسن تِنطمّة و تقعد في كرسيك و تمِد رجليك قدُر لحافك
مش قالوا على قدر أهل العزم تأتي العزائمُ
أها ورِّينا إنت عزمك يا المُعارِض
ورِّيني إنت عملك شنو مع المعارضين و نتاجك شنو ليكم عشرين سنة تبحتو
Quote:
مع وجود نوعيتك دي مسانده لعمرالبشير وتدعي علاقات خاصه
مع كبارات رجال الدوله,الله استر علي البشير من لاهاي والسودان من التجزئه
قديما قالو
عدو عاقل خيرا من صديق جاهل |
إنت أكيد فيك حاجة غلط
مُعظمكم فيكم مُركّبات نقص حادة فيكم الطلع و ما قادِر يرجع عمل مُعارضة فيكم الماخِد شاكوش و ركّب عقدتو في إنو مُعارضة و الشاكوش ممكن يكون في مرة و ممكن يكون في وظيفة أو منصب أو مكانة شان ما تسرح ساي.
أها الغلط الفيك بدأ بأنو مجرد ما جيت وقلت إنو الراجل أنا بعرفو جيت إنت قلت أنا بدّعي علاقات مع رجالات الدولة
مع إنو أنا لا قلت بعرِف قوش المشى لا عطا الجا بعدو
بالله مش إنت ما نصيح!!!!؟
أها الخطر منو على ناسو !!!؟
أنا بإدعائي الكاذب مُتمسِّحاً في نظام ضاربة جذوره في الأرض و مااااااااااااااا فارقة معاهو وقفتي من عدمها ولّ المُعارضة المفكّكة الفيها زي أمثالك بعقليتهم الفطيرة و تفكيرهم الناقص البيشخِّص أي حاجة و يُطلِق الكلام على عواهِنه و الإفتراضات على هشاشتها بعباطة وبلاهة
و تقول لي الإنقاذ قعدت عشرين سنة ليه
مدِّد رجليك ساي يا عمر
بلا عيد بلا بطيخ معاك
إنت قايل ممكن تاكلني أنا حنك بمكنة عيد و ما عيد!!!؟
أوزِن كلامك و شوف ما رميت إليه همزاً في حديثك المائع و عيد تركيبو بعدين فكِّر في عيد و ما عيد
إنتو غير الهمز و الغمز و اللمز الجايب خبركم شنو؟
|
Post: #21
Title: Re: من هو نائب المدير العام الجديد لجهاز الامن الوطني والمخابرات!
Author: Nuha Ahmed
Date: 09-24-2009, 06:19 AM
Parent: #19
| Quote: مدير شركة قصر اللولؤ الهندسية سابقاً |
الشركة دي بتهندس شنو
|
Post: #22
Title: Re: من هو نائب المدير العام الجديد لجهاز الامن الوطني والمخابرات!
Author: علاء الدين يوسف علي محمد
Date: 09-24-2009, 11:25 AM
Parent: #21
بتهندِس دي مش أخت ودهندِس؟
|
Post: #23
Title: Re: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-24-2009, 01:24 PM
Parent: #22
كل الاخوان المتداخلين
معنا أو ضدنا
لكم التحيا
الموضوع ما موضوع معارضة ولا مولاة الموضوع هو أن نعرف من يدير أمنناالقومي والرجل حسب أفادات الاعضاء له سمعة جيدة أبسطها عفة اليد
|
Post: #24
Title: Re: من هو نائب المدير العام الجديد لجهاز الامن الوطني والمخابرات!
Author: علاء الدين يوسف علي محمد
Date: 09-24-2009, 04:02 PM
Parent: #23
أخونا زهير
سلام
يمكن تكون دي أول مرة أداخلك
شهادتي في الرجل هو نفسه لا يعلم بها و لا أظن أنه سوف يعلم
و علاقته بالإنترنت و منتدياته كعلاقتي بهندسته
هل أكتم ما أعلم عن رجل وضعتموه تحت مبضعكم و بعض جرّاحيكم عبارة عن تمرجِيّة ساكِت؟
لا واللهِ اقول حديثي قبلتموه أو تركتموه
من يناقش بِجِديّة و احترام نناقشه بذات الجِدِيّة حتى و إن خالفنا الرأي حتى يُقنِعنا أو نُقنِعه أو يَقْنَع كلانا من الآخر
و من أراد أن يعبث نعبث به
|
Post: #25
Title: Re: من هو نائب المدير العام الجديد لجهاز الامن الوطني والمخابرات!
Author: عبد المنعم عبدالله
Date: 09-26-2009, 03:20 AM
Parent: #24
Quote: أنا بإدعائي الكاذب مُتمسِّحاً في نظام ضاربة جذوره في الأرض و مااااااااااااااا فارقة معاهو وقفتي من عدمها ولّ المُعارضة المفكّكة الفيها زي أمثالك بعقليتهم الفطيرة و تفكيرهم الناقص البيشخِّص أي حاجة و يُطلِق الكلام على عواهِنه و الإفتراضات على هشاشتها بعباطة وبلاهة
و تقول لي الإنقاذ قعدت عشرين سنة ليه
مدِّد رجليك ساي يا عمر
|
ياخي كل ما في مداخلني بحق شخصك ربما قد تكون مزحه (رتبه عقيد)
نعم قد تكون مزحه ثقيله علي نفسك
انت من وضعت نفسك عرضه لهذا العيار من النقد الثقيل
و قد ثنيت شخص يعمل داخل موسسه تحوم حولها كثيرا من السمعه السيئه
وانا قد اكون مازحتك في تثنيتك له ربما لانه يعمل في جهاز اشتهر بهكذا سمعه
ولان الشخص المثني كما جاء في البوست يعمل بالجهاز منذ 1991
والله لو كان تعيين حديث لما تداخلت
ومصدر استغرابي في شهادتك انه يعمل بالجهاز منذ العام 1991
يعني 18 سنه داخل جهاز تنسج حوله كثيرا من السمعه السيئه
وتسالت هل القتل والتعزيب والسمعه السيئه التي تطارد الجهاز هي
اشاعات ولا عملوها عفاريت؟
فكان بامكانك ان تنفي عن الجهاز السمعه السيئه او حتي تنسبها للعفاريت
والله عندها ما كان كل هذا الحبر المراق
,ولكن خليت الفيل وطعنيك بقي كلو في ظل الفيل
وعن بقيه حديثك والله لا يهمني لاني بالجد اجهل مقاصد ما تتحدث عنه
|
Post: #26
Title: Re: من هو نائب المدير العام الجديد لجهاز الامن الوطني والمخابرات!
Author: salah awad allah
Date: 09-26-2009, 11:08 AM
Parent: #25
ذاكرة الشعب لن تنسى .... وإن تناسى جلادوه ؟؟؟!!!!
Quote: الرشيد فقيري هو الرجل المناسب في المكان المناسب
|
|
Post: #27
Title: Re: من هو نائب المدير العام الجديد لجهاز الامن الوطني والمخابرات!
Author: المسافر
Date: 09-26-2009, 12:14 PM
Parent: #26
Quote:
مُعظمكم فيكم مُركّبات نقص حادة فيكم الطلع و ما قادِر يرجع عمل مُعارضة فيكم الماخِد شاكوش و ركّب عقدتو في إنو مُعارضة و الشاكوش ممكن يكون في مرة و ممكن يكون في وظيفة أو منصب أو مكانة شان ما تسرح ساي.
|
ما في تصنيف بتاع جماعة طرش
أنا بحجز مقعد واتوهط..
أسأل زولك ده قول ليه ما كنت قائد معركة الميدان الشرقي بالعكاكيز والسيخ في كلية الهندسة سنة 1982
|
Post: #28
Title: Re: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-26-2009, 12:29 PM
Parent: #27
المسافر
تحياتي
شكرا علي المرور والله الكلام في زوال قالوا قبل كده أظن عمار
|
Post: #29
Title: Re: من هو نائب المدير العام الجديد لجهاز الامن الوطني والمخابرات!
Author: jini
Date: 09-26-2009, 12:33 PM
Parent: #27
Quote: رشيد فقيري
مدير شركة قصر اللولؤ الهندسية سابقاً
يسكن بشرق النيل ولا يزال في منزله الذي بناه طوبة طوبة و أنا أشهد على ذلك
بناه على مرّ سنين طويلة حبّة حبّة يشهد له بذلك سكان شرق النيل
ياخي دة لمن زهج الناس من صبره الطويل على تشييد منزله وهو مدير شركة من كبريات الشركات الهندسية اللي لو كان بيستغل سلطاته كان بيتو تشطيب و تسليم مفتاح يتم في خلال شهر
رجل مهذب للغاية خلوق كريم متواضع لدرجة إنو يقيف معاك و ما تحس إنو هو أي حاجة
دي شهادة زول بيعرفو معرفة شخصية
معرفة منطقة لا أكثر
الرشيد فقيري هو الرجل المناسب في المكان المناسب
ربنا يوفقه في مركزه |
يا علاء بدون انفعال
هل هذه مواصفات امين صندوق ام نائب مدير جهاز امن فى نظام شمولى!
وهل كان الحال وصل الى ما وصل اليه لو كانت الانقاذ تضع الرجل المناسب فى المكان المناسب وفق المعايير المتعارف عليها وهل تتم مساءلة
هؤلاء وفق اللوائح والنظم المتعلقة بمحاسبة المسئولين ام يتم اعفاءهم ومكافئتهم بنقلهم الى مواقع اخرى!
نسمع منك
جنى
|
Post: #31
Title: Re: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-26-2009, 12:51 PM
Parent: #29
جني
كيفك
وفق اللوائح والنظم المتعلقة بمحاسبة المسئولين انت جادي كده
|
Post: #30
Title: Re: من هو نائب المدير العام الجديد لجهاز الامن الوطني والمخابرات!
Author: ادهم عبد الرحمن نصر
Date: 09-26-2009, 12:43 PM
Parent: #27
الرشيد عثمان فقيري
واظن ان هذا هو اسمه الصحيح
كان يشغل منصب مدير دائرة الامن الاقتصادي قبل ترقيته
وتعيينه نائبا لمدير جهاز الامن وهو من ابنا منطقة دلقو المحس
اذكر انه قبل ما يقرب من العامين حاولو تعيينه معتمدا لمحلية دلقو
بعد تعيين عادل عوض سلمان واليا للولاية الشمالية فرفض قائلا :ما بشتغل
تحت زول كان شغال موترجي عندي....
في النهاية امنجي
|
Post: #32
Title: Re: من هو نائب المدير العام الجديد لجهاز الامن الوطني والمخابرات!
Author: رغيم عثمان رغيم الحسن
Date: 09-27-2009, 01:12 AM
Parent: #24
سلام يا زهير وكل المتداخلين
ليس بعد الكفر زنب
و
ليس بعد الامنجة ذم
وكفى للرجل ما ان يقال عنه انه نائب مدير الجهاز
************************
علاء الحتة دى ما وقعت لى
Quote:
شهادتي في الرجل هو نفسه لا يعلم بها و لا أظن أنه سوف يعلم
و علاقته بالإنترنت و منتدياته كعلاقتي بهندسته
|
هو نائب مدير الجهاز بستقصى معلوماتو بى مهارتو الشخصية ؟؟؟؟
يا كافى البلا لا بتجيهو تقارير عن الاتكتب عنو لا عن غيروا
وانا اقول خليل وصل امدرمان كيف خليل وصل امدرمان كيف
اتاريهو المدير ما بعرف الخلا
وعلاقتو بى دروبو زى علاقتك بى هندستو برضو
|
Post: #33
Title: Re: من هو نائب المدير العام الجديد لجهاز الامن الوطني والمخابرات!
Author: almogira alemam
Date: 09-27-2009, 10:20 AM
Parent: #32
ربنا يصلح حال الامة السودانية وانا حاسى انو فى تغيير للاحسن فى البلد دى وربنا يقدم(( الفيهو الخير))
قصدى الزول الفيهو الخير للبلد واهلها
|
Post: #34
Title: Re: من هو نائب المدير العام الجديد لجهاز الامن الوطني والمخابرات!
Author: زهير عثمان حمد
Date: 09-27-2009, 01:54 PM
Parent: #33
الاخوان علاء ورغيم وalmogira
لكم التحية
وشكرا علي المرور
طبعا يا علاء عنصرية المحس مسيطرة عليك
رغيم قصة أمنجي الزمن أخف أنواع الخيانة
almogira
كتر من الدعاء الست من شوال كمان أمكن الاحوال تتغير !
|
Post: #35
Title: Re: من هو نائب المدير العام الجديد لجهاز الامن الوطني والمخابرات!
Author: سيف الدولة كامل
Date: 09-27-2009, 07:08 PM
Parent: #34
الرشيد زميل دراسة ودفعة اخر عهدي بيهو في المقرن الثانوية
راجل شاطر اول دفعته مهذب ملتزم وكان ضمن كوادر الاخوان المسلمين
البارزين في المدرسة.بالرغم من اختلافنا معه سياسيا لكن كان يجبرنا
علي احترامه بأدبة واخلاقه العالية.الغريبة يا اخوانا مدرسة المقرن
خرجت جهابزه في الامن والشرطة والقضاء ومعظمهم من الحلة الجديدة والقوز
مسكين انا براي دخلتني كلية التربية وبقيت خوجة.
|
Post: #36
Title: Re: من هو نائب المدير العام الجديد لجهاز الامن الوطني والمخابرات!
Author: Nasir Ahmed Elmustafa
Date: 09-28-2009, 11:24 AM
Parent: #11
Quote:
الرشيد فقيري
مدير شركة قصر اللولؤ الهندسية سابقاً
يسكن بشرق النيل ولا يزال في منزله الذي بناه طوبة طوبة و أنا أشهد على ذلك
بناه على مرّ سنين طويلة حبّة حبّة يشهد له بذلك سكان شرق النيل
ياخي دة لمن زهج الناس من صبره الطويل على تشييد منزله وهو مدير شركة من كبريات الشركات الهندسية اللي لو كان بيستغل سلطاته كان بيتو تشطيب و تسليم مفتاح يتم في خلال شهر
رجل مهذب للغاية خلوق كريم متواضع لدرجة إنو يقيف معاك و ما تحس إنو هو أي حاجة
دي شهادة زول بيعرفو معرفة شخصية
معرفة منطقة لا أكثر
الرشيد فقيري هو الرجل المناسب في المكان المناسب
ربنا يوفقه في مركزه |
الرشيد مهندس شاطر ورجل مهزب وخلوق اتيح لي مزاملته في كلية الهندسة ونحن برالمة وهو في سنة خامسة على ما عاتقد في داخلية تهراقا
العلاقة بين الامن والهندسة التخطيط فالامن لم يعد بوليس كما كان في السابق
|
|