Post: #1 Title: كايس لي شكله مع اي واحد منكم Author: محمد زكريا Date: 09-21-2009, 11:08 AM
ااي كده بس قفلت معاي من الصباح قمت قالو الدنيا عيد قالو لي ما حضرت الصلاه مالك , وين , كنت جاي من سفر وسايق الليل كلو وصلت البيت الساعه اربعه ولحدي ما نمت كانت الساعه سته صباحا صحيت عاينت الساعه كانت حداشر ونص امشي وين هسه ما عارف رقدت تاني وفتحت الانترنيت. واتضايقت اكتر ضرب لي بكري سمندلاوي قال لي تعال اتغدي معانا, قلت كويس....... انا بحكي لكم ليه زاتو يا شباب الكلام ده كلو ما لكم دخل بيهو المهم انا لحدي هسع قافله معاي والمساء داخل ولا حفله ولا ربه ولا عرس ناس فلان وبحذركم وبحذركم...قفلت ..قفلت اول واحد يجي خاشي هناح اطقشو ليكم بونيه بجيب اجله ما تحاولو تختو لي تعليق ولا تهنئه عيد ولا ولا, وما تسالوني زاتو مالك المزعلك شنو ح اديكم في التنك, ح اتفشي في اول واحد فيكم, وبعدين اي واحد داير كاسوري اليخش بس براي قافله معاي من الصباح, قال عيد قال ..... والرسائل بتاعت العيديه العجيبه دي شو دي ياخ بتالفوها كيف ولا بتجيبوها من وين؟؟؟؟؟؟؟؟؟؟؟؟؟ والله هيييييييييي انت يا البتقرا ولا الداير تغش وتعلق, اوعك تهوب بيجاي....ارشك..اديك كده....اااا افكك بالموبايل ده هسع قال رساله تهنئه بالعيد قال شنو شنو شنو,قوم سيح فكونا من الكلام الما بودي ولا يجيب ده, انا ماشي السينما بلا كعك بلا شللوت زهجه وقفله وعنكبه وجنكبه وما سوري ولا اي حاجه
Post: #2 Title: Re: كايس لي شكله مع اي واحد منكم Author: ياسر بيناوي Date: 09-21-2009, 11:14 AM Parent: #1
Quote: انا ماشي السينما بلا كعك بلا شللوت زهجه وقفله وعنكبه وجنكبه وما سوري ولا اي حاجه
اها يازول شوف الما قافلة معاهو وانت زاتك سبقتني علي البوست دا ودا ذاتو سبب وجيه علشان الواحد يتشاكل معاك وضميرو مستريح
ما خالص الود ولا حاجة
Post: #3 Title: Re: كايس لي شكله مع اي واحد منكم Author: محمد زكريا Date: 09-21-2009, 11:37 AM Parent: #2
Quote: سبب وجيه علشان الواحد يتشاكل معاك وضميرو مستريح
ياسر لا سلام ولا عيد شنو ولا شنو والسنه الجايه تكون يااااااااااكا انت زاتك ولا اي حاجه تانيه انا مش حذرت اول واحد بجي داخل بطقشو بونيه و بلفها معاه...الجابك شنو؟؟؟ هاك البونيه دي اتعشاء بيها , جاتك في عينك تورم جضومك وتكسر سنونك, ده لو سنونك كاملين لحدي هسع يعني كمان في زهجتنا دايرين تشاركونا وضمير و..شنو شنو قال سبقتني قال , يسبقوك في سباق ابونقدح ياخ اسوي ليك شنو اتاري في ناس زيي برضو قافله معاهم ..لكن ما غصاني قوم لف ياخ غايتو البونيه الجايه دي الا تقع تدردق هناك فحط بزهجك وبي جازك لا تحياتي ولا اي حاجه
Post: #4 Title: Re: كايس لي شكله مع اي واحد منكم Author: عفاف ابوكشوه Date: 09-21-2009, 12:08 PM Parent: #3
الاستاذ زكريا
عيد سعيد
كدي قول يالطيف
انا كايسه اتواصل معاك
واطلعك من القفله دي
عندك مانع ؟؟؟؟؟؟؟؟؟؟؟
مودتي
Post: #5 Title: Re: كايس لي شكله مع اي واحد منكم Author: محمد الشيخ أرباب Date: 09-21-2009, 12:21 PM Parent: #4
الاخ محمد زكريا
ابعد من ياسر الساعة دي . وخليك مع استاذتنا عفاف تعمل اعادة صياغة لنفسيات العيد
تحياتي للجميع
Post: #6 Title: Re: كايس لي شكله مع اي واحد منكم Author: Hatim Elmaki Date: 09-21-2009, 12:29 PM Parent: #4
الاخ زكريا كل عام وانت بخير اركب تعال بالجيكيا وان زاتى قافلة معاي وناوى اعضى واحد واشاكلة تعال انتيوربين وندورها دافوري زاتتتتتتتتتو اصلوالزهج حاصل
اسمع قالو عندكم دسكو صاح ماتمشى ورهيفة تنقد
Post: #7 Title: Re: كايس لي شكله مع اي واحد منكم Author: فيصل محمد خليل Date: 09-21-2009, 12:31 PM Parent: #6
كتا حاشاكلك
لكن بطارتي نزلت
من الجماعة الفقاره ديل
بقيت الكمساري لما يجيني اقول
ليهو وراء
Post: #8 Title: Re: كايس لي شكله مع اي واحد منكم Author: فيصل محمد خليل Date: 09-21-2009, 12:31 PM Parent: #6
كتا حاشاكلك
لكن بطارتي نزلت
من الجماعة الفقاره ديل
بقيت الكمساري لما يجيني اقول
ليهو وراء
Post: #9 Title: Re: كايس لي شكله مع اي واحد منكم Author: mayada kamal Date: 09-21-2009, 12:33 PM Parent: #6
بكري بجيب الاشكال دي من وين معقول في ناس بتعمل لسيادة هذا النوع من الثقافة
*** تخريمة ملاحظة لسياتك من يوم ما شرفت هنا البورد خاشي غلط روووووق المنقة واكيد المنبر حيحلي ليك والحياة حلوة برضو بس انت انظر للنصف الملئ من الكوب
Post: #13 Title: Re: كايس لي شكله مع اي واحد منكم Author: محمد زكريا Date: 09-21-2009, 01:24 PM Parent: #9
Quote: بكري بجيب الاشكال دي من وين معقول في ناس بتعمل لسيادة هذا النوع من الثقافة
*** تخريمة ملاحظة لسياتك من يوم ما شرفت هنا البورد خاشي غلط روووووق المنقة واكيد المنبر حيحلي ليك والحياة حلوة برضو بس انت انظر للنصف الملئ من الكوب
اهاااا انا مش حذرتكم ما تجو داخلين البوست ده, الا الداير ضرب علي راسه زيك ما بقدر يصبر انتي بالذات الله جابك لي بي هنا مع انو كنت قاصد الرجاله بس رغبتي شديده انو افط ليكي الناس دي كلها وانط ليك بالجوز واعضيك في راسك الفاكراه انو مافي احسن منك بكري بدي الاشكال دي باسورد عشان تقيف ليكم في حلقك والاشكال دي هي السودانيه وصاحبه الوجعه و الحق الاصلي في وطن من لا وطن له الخ قالت الاشكال دي ...لا خلااااااص يا. الاشكال دي هي الكانت بتعاين ليك من بره وممغوصه وما قادره تجي تديك في نافخوك لكن لانه ياالقاعده في برج عاجي تصنفي انواع الثقافات وتدي البتستحق السياده للبتريحك كلامي ده اسموا كلام الشارع العامي, وكلام الشارع السوداني البسيط المكافح وهي الثقافه الوحيده الما ممكن تتمنع بالتسلط ولا بالقوه وهي من حق اي انسان بسيط زهجان من قرف اي واحد عامل فيها مثقف ولا مركب المكنه دي
ولحدي هنا كفاكي عشان ما امرمط بيكي الواطه بعدين ملاحظتك باني غاشي غلط صاح لانو المكان فيهو ناس شكلها زاتو غلط وغياظين زيك وما تقفليها معانا بالله جنك منقه
Post: #14 Title: Re: كايس لي شكله مع اي واحد منكم Author: mayada kamal Date: 09-21-2009, 01:35 PM Parent: #13
أقول يا محمد ذكريا انت وكت بتعرف تتكلم في انواع الثقافات وكلام الشارع السوداني طيب ما تكتب لينا جملتين مفيدات نستفيد منها بدل ما انت قاعد تخسر في باندويثات بكري في الكلام الفارغ البتكتب هنا دا اسع اول انطباع انت بتديه للناس انك زول مصادم مع انو المصادمة في حالات كويسة لكن ما بي اسلوبك دا يا وهم انت
Quote: الاشكال دي هي الكانت بتعاين ليك من بره وممغوصه وما قادره تجي تديك في نافخوك
وليه ما قادر ترد علي ايميلي يا (اخ) مكتوب في بروفايلي ومركزي معروف
Quote: ولحدي هنا كفاكي عشان ما امرمط بيكي الواطه
تمرمط بي منو الواطة يا انت احترم نفسك ..... واحسن ليك ترتقي بمستوى خطابك واسلوبك وما تستعدي الناس
Post: #17 Title: Re: كايس لي شكله مع اي واحد منكم Author: محمد زكريا Date: 09-21-2009, 02:54 PM Parent: #14
الاخت مياده انتي ما شايفه انو الاخت عفاف جات وما شاكلناها برغم وعيدي بانه البجي اول بنط فيه بالجوز, عارفه ليه؟ لانو اولا انهاامراه ثانيا اسلوبها راقي ثالثالانها سعت لتخفف لي ازمه ما يسمي جزافا بالعيد السعيد واخيرا لانو دمها خفيف اما بعد كلامي كان واضح من البدايه وعنوان البوست زاتوا واضح والدخول ما اجباري يعني الداير علقه بجي داخل اختياري ويختار شكل البونيه ومسكه الكربون او يجيب الحاجه البتحميه او نتخانق كده لامن الله يغفر لينا من الضرب والرفسي اشكال الحمايه تكمن في الاسلوب البجو الناس داخلين بيهو فهمتي؟ ولا القسم فهم يعني لو كان اسلوبك ظريف كنت اديتك حاجه ظريفه برضو, ولا ما اشتغلت بيكي خالص لانك ما من الناس المقصودين(الرجاله) باندوث بكري ما يهمك لانه عايش بالكلام البنكتب, وخليك من التلويح ده في اي محك تتزمقي فيه
Quote: يا وهم انت
عشان كده جني وجن الشكل مع النسوان
Quote: ومركزي معروف
والله ياخ انا شخصيا ما عارف ممكن تعرفينا سعادتك في المركز رقم كم وحزام اسود ولا احمر
Quote: تمرمط بي منو الواطة يا انت احترم نفسك ..... واحسن ليك ترتقي بمستوى خطابك واسلوبك وما تستعدي الناس
عيييييك والشكله قامت, اتمني ما يكونو الاضافر طويله والسنون تامه.. ياشباب لو قمت فاتح صوف والله ما خوفا مني لكن الزوله دي شكلها من النوع البفكك باي حاجه بعدين من هسع تاني الداير شكله معاي يورينا مركزه شنو بالاول ونوع اسلحته
والله القسم فهم غايتو مخزي البوست ده الشيواوا بتاعت باريس هيلتون بتفهموا احسن من ناس المركز بعدين انا اسلوبي بعد ده كلو مهذب جدا بالمقارنه ولا شنو يا حكام هففف والله ارتحت جنس راحه
Post: #10 Title: Re: كايس لي شكله مع اي واحد منكم Author: فيصل محمد خليل Date: 09-21-2009, 12:34 PM Parent: #6
كتا حاشاكلك
لكن بطارتي نزلت
من الجماعة الفقاره ديل
بقيت الكمساري لما يجيني اقول
ليهو وراء
Post: #11 Title: Re: كايس لي شكله مع اي واحد منكم Author: ombadda Date: 09-21-2009, 12:52 PM Parent: #10
أعجبت بأسلوب محمد زكريا فى الكتابة فى المنبر.. يحكى الواقع بلا زيف أو محسنات لفظية..إنعدام الرياء والتملق..الصراحة
والوضوح.. وأهم شىء التمرد على ثوابت ا لبورد البالية...أسلوب جديد فى الكتابة والتعبير أرجو أن يتفهمه الجميع...
Post: #12 Title: Re: كايس لي شكله مع اي واحد منكم Author: مامون أحمد إبراهيم Date: 09-21-2009, 01:21 PM Parent: #11
Quote: لا تحياتي ولا اي حاجه
والله دى ضحكتني شديد !!!
الله يجازي محنك يامحمد زكريا.
يازول كيفنك .
ماتدفر بإلله !
لوسمحت .
Post: #15 Title: Re: كايس لي شكله مع اي واحد منكم Author: Dr.Elsadig Abdalla Date: 09-21-2009, 02:03 PM Parent: #12
والله رغم اللغه العدائيه ...عجبني البوست وضحكت كثيرا ..وما حا أقول ليك أي حاجه ..لا عيد مبارك ولا غير مبارك ...المهم معجب بالبوست وبس ..وحا نديك طله مره مره..
Post: #18 Title: Re: كايس لي شكله مع اي واحد منكم Author: سلمى الشيخ سلامة Date: 09-21-2009, 02:56 PM Parent: #15
امشى كدا ولا كدا عامل صحبك الجميل الاسمو بكرى السمندلاوى دا امشى ولا دايرة اعرفك زاتو مش لو بقيت خريج معهد الموسيقى ولا بتكتب عن اجمل فنان اول حرفو محمود عبد العزيز قوم لف لو زهجان نحنا الزهج زاتو وبعدين عيد شنو البتتكلم عنه دا؟ هو اصلا العيد لو ماكان فيهو غسيل عدة ونضافة بيوت وعفش مترتر فى الحوش ما عيد وعيد لو مافيهو امك تقشقش فى دموعها وهى بتحضنك ما عيد ولا ابوك يجى داخل وراهو اخوانك الصغار من الصلاة والبيت ينترس بالناس يتدافرو والعيد مبروك عليكم تملا المحل ما عيد العيد لو مافيهو "يا بت قومى جيبى الكعك والحلاوة لعمك ولا خالك "دا ماعيد ولو ما فيهو فطور بالعصيدة الحارة وملاح التقلية البوخا يلوى ، والشعيرية والسكر الابيض سايح فى وشها والفطير مترتر فى السرويس الكبير متوهط الصينية وصحن فول قاعد حيران كدا وجبنة بيضا من غير سوء تمد ليها يدك وانت بتعاين لصحن العصيدة وتحس انه الفول بحدر ليك ويسالك النمل كان ما مديت ايدك امشى كدا ولا كدا عيد قال عيد فى عينك ولا بحبك ولاحاجة ولا مشتاقة الاقيك تصدق يجيك الخير بث
Post: #30 Title: Re: كايس لي شكله مع اي واحد منكم Author: محمد زكريا Date: 09-22-2009, 10:29 AM Parent: #15
لصادق عبدالله ياخوي
Quote: والله رغم اللغه العدائيه ...عجبني البوست وضحكت كثيرا ..وما حا أقول ليك أي حاجه ..لا عيد مبارك ولا غير مبارك ...المهم معجب بالبوست وبس ..وحا نديك طله مره مره..
والله البوست تعبير عن وحده ونار الغربه والحاله البائسه في يوم مفروض فيه الفرح واجب جهجهتنا الوحشه وطلعت فوق راسنا وخلتنا نهلوس باشواقنا واهاتنا وشياطينهاضحكت فينا البشر لك الحب اينما كنت وعيد سعيد
Post: #29 Title: Re: كايس لي شكله مع اي واحد منكم Author: محمد زكريا Date: 09-22-2009, 10:18 AM Parent: #11
الاخ خلف الله مصطفي الشهير ب امبده
Quote: أعجبت بأسلوب محمد زكريا فى الكتابة فى المنبر.. يحكى الواقع بلا زيف أو محسنات لفظية..إنعدام الرياء والتملق..الصراحة
والوضوح.. وأهم شىء التمرد على ثوابت ا لبورد البالية...أسلوب جديد فى الكتابة والتعبير أرجو أن يتفهمه الجميع...
ياخ المكان كان للشكل وتجي تقول لي الكلام الجميل ده, انا ما بستاهل لكن الشكر ما بكفي لو قلته لك وحقيقه اخجلتني من تهوري والعفرته والحوشه والزفه العملتها براي دي يعني ارمي سلاحي علي طول....عارف الناس دي ما ح تغطس حجري بعديها علي اي حال العيد عدي وفات ونصف الحزن راح وكلامك شال نصف الالم الباقي شيء سامي ونبيل ان نقل كلام طيب وجميل لبعضنا البعض في وبدون اي مناسبه وعيدك سعيد كما اسعدتني كلماتك
Post: #28 Title: Re: كايس لي شكله مع اي واحد منكم Author: محمد زكريا Date: 09-22-2009, 10:04 AM Parent: #10
Quote: كتا حاشاكلك
الاخ فيصل محمد خليل انازاتي كنت لكن صوره البروفايل خوفتني وحيرتني شديد,الكبيره دي بتاعتك ولا شهداء كجبار؟؟؟؟؟ وقلت اتصالح معاك بس يتصالحوا معاك كيف ياخ ابتسم عشان نعرف وما تحدر لينا كده , ده لو دي صورتك والعيد معايد وعاش الحب بين الناس من غير سبب
Post: #26 Title: Re: كايس لي شكله مع اي واحد منكم Author: محمد زكريا Date: 09-22-2009, 09:33 AM Parent: #4
الاستاذه عفاف
Quote: الاستاذ زكريا
عيد سعيد
كدي قول يالطيف
انا كايسه اتواصل معاك
واطلعك من القفله دي
عندك مانع ؟؟؟؟؟؟؟؟؟؟؟
يالطييييييييييييييييف الليله تالت يوم في العيد وخلاص روقنا واخدنا هدنه فترت من الشكل زاتو طلتكم بالصوره بتاعه الزغروده دي بس تدي الاحساس بالعيد حد يمانع المروق من القفل,,احساسك جميل ومواصلتكم كانت من زمان لمن عبداللطيف ابوكشوه من سوبا قرينا سوا في الخرطوم القديمه وين الراجل ده؟كل سنه وانتم طيبين
Post: #16 Title: Re: كايس لي شكله مع اي واحد منكم Author: أمين فاروق Date: 09-21-2009, 02:48 PM Parent: #3
أبو الزيييييييك يا خترى
عضلات تبش ..
أها محرقااانى شديد... من ورا العمودعشان ما تردمني ساي
"كل سنة وأنت ... زي ماداير"
Post: #19 Title: Re: كايس لي شكله مع اي واحد منكم Author: salah ismail Date: 09-21-2009, 03:47 PM Parent: #16
شكله بث؟؟؟
Post: #43 Title: Re: كايس لي شكله مع اي واحد منكم Author: محمد زكريا Date: 09-22-2009, 02:52 PM Parent: #19
الاخ صلاح اسماعيل
Quote: شكله بث؟؟؟
ثكله بش, مث شكله بث دي خلوتيه و لا انا اخدت لي ضربه قاضيه في الراس
Post: #20 Title: Re: كايس لي شكله مع اي واحد منكم Author: Muna Khugali Date: 09-21-2009, 03:56 PM Parent: #16
خلاص يا ود زكريا.. أنا بقعد جنبك وكان شتمتني..بتكون غلطتي..
هو القال منو في عيد؟؟ عيد بلا فستان جديد.. ولا مويه في المواسير.. ولا عيديه نديها الشغع.. وباعوض وضيان واستنقعات أمطار؟؟ عيد يجي كيف يعني؟؟
بقعد جنبك والبشاكلك بشاكله معاك!
Post: #21 Title: Re: كايس لي شكله مع اي واحد منكم Author: محمد زكريا Date: 09-21-2009, 04:44 PM Parent: #20
الكايسين للشكل بختكم ...كترتو والله لكن برضو ما مرحب بيكم انا انجميت شويه بعد الشكله الاخيره, غايتوا فكيتها في الناس الجو بالاول بعدين ده شنو ده والله انتو يالسودانين بتاعين مشاكل بالجد اقول ليكم بحذركم وبرضو جايين داخلين بكل قوه عين, وكل واحد شايل ليه سلاح بعرف جنوا براهو ولا دايرين تتلمو علي وتخمتوني في التراب ده, بعدين ياال حواء الشكل الليكن شنو كمان ؟؟؟؟؟؟؟؟؟؟ انا الحريم طبعا كن شفتهم في الشارع صارات وشوشن بخليهو ليهن, لامن الجاين كايسين للمشاكل. يا البتفتشن للمشاكل, غايتوا الما خاف منكن ما خاف تاني تب, كايسات سبب .. هووووووي اخيرلي النجري ============ لكن بالجد بالجد فرقتوا علي شويه وخففتوا علي الوحده في العيد, في ناس فهمت وناس لا لكن باعتبار البوست مخصص للشكل فما ح اقدر اشكركم, الا افتح بوست شكر لكل المتداخلين اقصد المتشاجرين معي هل تصدقوا انوا ما حسيت بطعم للعيد الا بعد دخولكم البوست و ضحكتوني بشكلاتكم..يجازي محنكن لكن نعتبر ده فاصل قصير ونواصل داخل حلبه الملاكمه الكلاميه.. اوكي معيط شعر ما معانا =========== اما الشباب تعالوا لي بيجاي هاااا عاميلن لي فيها رجاله وما خايفين ااااااانا ابشنب, اصبروا لحدي ما اجيب اللنيشانكوا بتاعي واجيكم كمان متفسحين في البوست بتاعي وتقدلو شمال ويمين اااي اصبر لي يا انت بعمل تمارين استطاله واجيك يعني ح تطير وين من ضربه النسر الافقيه شايفك يا لابد ورا العمود بكفكف يد قميص واحد وبدنكل لي سفه, شنو ح تبلعني ليها؟؟؟اصبر بس وانت يااااااالطافي عين وفاتح خشمك وبتزبد فاكرني بهرش منك, جيتك..تقوم جاري انتو امرقو بس لي بره شويه الحريم ديل ما يشوفوا الدم الطاير منكم يقوموا يغمروا كمان ========== لو حولا انتو كترتو كده جيتو من وين؟؟؟؟؟نفتح ولا كيف (وش محتار)ّ بعدين لو سمحتوا بجيكم واحد واحد, والماعنده شنب ما يقرب الخط ده التحلنا يا رب
Post: #22 Title: Re: كايس لي شكله مع اي واحد منكم Author: سمندلاوى Date: 09-21-2009, 05:51 PM Parent: #21
Post: #39 Title: Re: كايس لي شكله مع اي واحد منكم Author: محمد زكريا Date: 09-22-2009, 01:33 PM Parent: #22
اخي وصديقي وزميلي وووووووو بكري سمندلاوي قلت لي لاوزت, قلت احسن ما نكتب اي حاجه, وناتي بحذر شديدين والله حرفنتك دي فاتت الفي عزف الكمنجه, حريف في اي حاجه؟ كمبيوتر, كمنجه وكتابه بدون كيبورد وكب الزوغ ما شاء الله كميه من الكافات لكن قول لي انت الرسومات والوشوش و(الاشكال) دي بتعملها كيف؟؟ ما عندك (وش خروف) زياده علي وزن اي حاجه طبعا ما تخاف انت اول زول فرق علي العيد بالعزمه الكاربه ديك, شكر وتحيه لاميره بيتكم المصون عشان كده مستحيل اتضارب معاك ليوم الدين ما تجي نعمل لينا ربه كاربه كده؟؟؟؟؟؟
Post: #23 Title: Re: كايس لي شكله مع اي واحد منكم Author: salah ismail Date: 09-21-2009, 06:07 PM Parent: #21
لكن بالجد بالجد فرقتوا علي شويه وخففتوا علي الوحده في العيد, في ناس فهمت وناس لا لكن باعتبار البوست مخصص للشكل فما ح اقدر اشكركم, الا افتح بوست شكر لكل المتداخلين اقصد المتشاجرين معي هل تصدقوا انوا ما حسيت بطعم للعيد الا بعد دخولكم البوست و ضحكتوني بشكلاتكم..يجازي محنكن لكن نعتبر ده فاصل قصير ونواصل داخل حلبه الملاكمه الكلاميه.. اوكي معيط شعر ما معانا ------------------------------------------------------------------------------------------
بطل الحركات دي وطلع العندك...فرقتو علي قال!!!!وخففتو علي...ما دايرين نفهم اي حاجه.. قال شكل.. شكل.. الله جابك بي هنا عشان تشوف الاباليس الكانو مربوطين شهر كامل من غير اي سبب....ضحكتوني بشكلاتكم..هئ هئ هئ..تحسبو لعب؟؟؟ استعد لي رمضان الجاي .. لاغايه الوقت داك قرونك بتكون قامت.. وضنبك بتق.. واضنينك طالوا .. عندك شغل كتير بتاع حداشر شهر.. هنا مافي برلمه وحركات..يلا البس هدومك.. دي وابدي شغل..اوكيييي..معيط شعر ما معانا..قال..انت قايل المداخلين معاك ديل ناس..؟؟ your initaition is over>>....let's get started body>>!!!
يادوووووووووووبي حسييييت بالعيد.. عيد في عينك..
Post: #24 Title: Re: كايس لي شكله مع اي واحد منكم Author: ياسر بيناوي Date: 09-21-2009, 06:42 PM Parent: #23
Quote: ياخ اسوي ليك شنو اتاري في ناس زيي برضو قافله معاهم ..لكن ما غصاني قوم لف ياخ غايتو البونيه الجايه دي الا تقع تدردق هناك فحط بزهجك وبي جازك لا تحياتي ولا اي حاجه
شوف يازول بونية شنو وكاراتيه بتاع انا عندي عكاز مضبب وسفروك ( كان ضرباك هو سلاح ... وكان جلاك عود وراح )
يعني كان لميت فيك بجهجك
ملحوظة ( ممكن نبقي اصحاب في ايي حته في الدنيا الا البوست دا اعداء )
وبرضو ماخالص الود
Post: #25 Title: Re: كايس لي شكله مع اي واحد منكم Author: Dr.Elsadig Abdalla Date: 09-21-2009, 11:43 PM Parent: #24
والله يا أبو الزيك أنا أرشح بوستيك الجبان ده عشان يكون أظرف بوست في العيد ...
--------------------------------- طبعا الجبان دي نظام هرشه وكده...وكان راجل أطلع بره الكمبوتر ده
Post: #46 Title: Re: كايس لي شكله مع اي واحد منكم Author: محمد زكريا Date: 09-23-2009, 01:57 PM Parent: #25
الصادق ياخوي (الجبنه لمن تكتر بتبوظ الفوله) سمعت بالنظريه دي قبل كده
Quote: والله يا أبو الزيك أنا أرشح بوستيك الجبان ده عشان يكون أظرف بوست في العيد ...
--------------------------------- طبعا الجبان دي نظام هرشه وكده...وكان راجل أطلع بره الكمبوتر ده
والله نفس كلامك ده وعنوان البوست شالوا اللعوب بلاير وفتح بيهو بوست بايخ ده اسمه تشهير ماترشيح , لكن يا زول ااااااي انا الجبنه زاتها وبفته عدس كمان وكمان ما هماني اقعد ادوبي ... انا الهراش انا الخواف الربه عيالو والبفتح جري وقت يشوفكم جايين حيالو........اهممممممممم هيع اناالكلس الشافوا خلوا وطعنو خيالو
اه عجبتك ولا لا ياخوي
Post: #27 Title: Re: كايس لي شكله مع اي واحد منكم Author: محمد زكريا Date: 09-22-2009, 09:55 AM Parent: #16
Quote: عضلات تبش ..
أها محرقااانى شديد... من ورا العمودعشان ما تردمني ساي
"كل سنة وأنت ... زي ماداير"
امين فاروق يازول يابتاع المغامرات الخطره الليله تالت العيد وفي اعراس كتيره رايك شنو نمشي نفرتق لينا واحده سوا ولا اقول ليك ياخ نروق المنقه علي قول فلانه كل سنه وانت طيب نعمل شنو نقولها و بس السلام ختام لابد
Post: #31 Title: Re: كايس لي شكله مع اي واحد منكم Author: خدر Date: 09-22-2009, 10:31 AM Parent: #27
اول حاجة ارفع تلفونك او ارجع للارقام البتلقاها اتصلت بيكـ بعد داك تعال شاكل الناس
كل سنة وانت طيب
Post: #32 Title: Re: كايس لي شكله مع اي واحد منكم Author: خدر Date: 09-22-2009, 10:31 AM Parent: #27
اول حاجة ارفع تلفونك او ارجع للارقام البتلقاها اتصلت بيكـ بعد داك تعال شاكل الناس
كل سنة وانت طيب
Post: #33 Title: Re: كايس لي شكله مع اي واحد منكم Author: mayada kamal Date: 09-22-2009, 10:33 AM Parent: #27
انا اتغاضيت عن الرد على ردك الفوق لي لكن يبدوا انك مصر لسسسسسسسسع!!!!!!!!!!!!!!!!!!!!!!!!!!
Quote: نروق المنقه علي قول فلانه
فلانة دي ابوها ضابح ليها خروف وسماها ......
Post: #34 Title: Re: كايس لي شكله مع اي واحد منكم Author: محمد زكريا Date: 09-22-2009, 11:21 AM Parent: #33
سلمي الشيخ سلامه اختاه يا من احببت حباً لله ساكت, و من زمان كمان
Quote: امشى كدا ولا كدا عامل صحبك الجميل الاسمو بكرى السمندلاوى دا امشى ولا دايرة اعرفك زاتو مش لو بقيت خريج معهد الموسيقى ولا بتكتب عن اجمل فنان اول حرفو محمود عبد العزيز قوم لف لو زهجان نحنا الزهج زاتو وبعدين عيد شنو البتتكلم عنه دا؟ هو اصلا العيد لو ماكان فيهو غسيل عدة ونضافة بيوت وعفش مترتر فى الحوش ما عيد وعيد لو مافيهو امك تقشقش فى دموعها وهى بتحضنك ما عيد ولا ابوك يجى داخل وراهو اخوانك الصغار من الصلاة والبيت ينترس بالناس يتدافرو والعيد مبروك عليكم تملا المحل ما عيد العيد لو مافيهو "يا بت قومى جيبى الكعك والحلاوة لعمك ولا خالك "دا ماعيد ولو ما فيهو فطور بالعصيدة الحارة وملاح التقلية البوخا يلوى ، والشعيرية والسكر الابيض سايح فى وشها والفطير مترتر فى السرويس الكبير متوهط الصينية وصحن فول قاعد حيران كدا وجبنة بيضا من غير سوء تمد ليها يدك وانت بتعاين لصحن العصيدة وتحس انه الفول بحدر ليك ويسالك النمل كان ما مديت ايدك امشى كدا ولا كدا عيد قال عيد فى عينك ولا بحبك ولاحاجة ولا مشتاقة الاقيك تصدق يجيك الخير بث
انا قايم من دربي وللبوليس علي طول انشاءالله يسجونني في الكاراز, يا ناس لاهاي, انا القرضت ناس رواندا احموني ياناس اي حقوق رفق لو سمحتم سلمي دي البيقيف قدامهاال يكون عميان واطرش الشكل انتهي من الليله دي توبه يالله توبه دي الدنيا سابيه ولعوبه =========== سلمي سنحكيها معا يوما ما للشجر عن الشجار ونبكي من الغربه والوحده والام الشوق للديار عيد سعيد بقدر الحب في دواخلنا لاصحابنا واهالينا وحب سيظل ترياق ودواء حين نحتاج نقول يا سلمي
Post: #35 Title: Re: كايس لي شكله مع اي واحد منكم Author: Dr.Elsadig Abdalla Date: 09-22-2009, 11:33 AM Parent: #34
شايفك فاتح لي كده يا أبوالزيك....ده معناتو كبيت الزوغه عديل كده..طيب أنت لمن ماقدر الشكل بتجي تفرفر بي جاي مالك ...
Post: #36 Title: Re: كايس لي شكله مع اي واحد منكم Author: محمد زكريا Date: 09-22-2009, 12:06 PM Parent: #35
دكتور الصادق عبدالله الشكله دي اتفرتقت قبييييييل انت داير تتورها تاني مالك انت كده زي بتاع المديده الحاره.. و كش ..كشحك بالتراب في وشك والشكله تقوم ولا عاجباك الفرجه في الناس البتعافر في بعض وانت واقف بعيييد لابس بدلتك وشايل شنطتك ================
Quote: شايفك فاتح لي كده يا أبوالزيك....ده معناتو كبيت الزوغه عديل كده..طيب أنت لمن ماقدر الشكل بتجي تفرفر بي جاي مالك ...
ياراااجل معقوله بس يا ابوالصدق.. شنو بقيت تحس بالتهميش وسط الزحمه , لكن انت كيف يجهلووووووووووك,كيييييييييييييييف يجهلوك ارجع البوست لي فوق بتلقاني من ناحيه كبيت الزوغه والله فتحت فتح عديل ياخي انا ما ما قايلوا فيهوا تدقدق قدر كدا
ارجع لافوق رديت بالرد التحت ده
Quote: الصادق عبدالله ياخوي
Quote: والله رغم اللغه العدائيه ...عجبني البوست وضحكت كثيرا ..وما حا أقول ليك أي حاجه ..لا عيد مبارك ولا غير مبارك ...المهم معجب بالبوست وبس ..وحا نديك طله مره مره..
والله البوست تعبير عن وحده ونار الغربه والحاله البائسه في يوم مفروض فيه الفرح واجب جهجهتنا الوحشه وطلعت فوق راسنا وخلتنا نهلوس باشواقنا واهاتنا وشياطينهاضحكت فينا البشر لك الحب اينما كنت وعيد سعيد
Post: #37 Title: Re: كايس لي شكله مع اي واحد منكم Author: محمد زكريا Date: 09-22-2009, 12:44 PM Parent: #36
الاخوه والاخوات المتشاجرين والمتشاجرات المعجبين وال......... الفاهمين والما....... (العارف نفسه مرتكز) معانا ما تخشانا والمهمشين في البوست عموما دعوه الي اتفاقيه من طرف واحد معاهده امفشفش للسلام الهامل اعتبارا من اليوم تالت ايام العيد ومن موقعنا هذا نحن المومقعين ادناه نتعاهد علي وقف اطلاق النار واي حاجه بتطقش اهم اسباب الشكل انتهت وبقينا في البحلنا منكم شنو ما عارف, غايتوا, الا تكونو ادمنتم الضرب والحروبات والمشاجرات والحل السلمي هو المطلوب ولو بالمويه البارده او اي حاجه باااااااااارده (اااي قصدي البيره البارده ما تلف وتدور) الداير يتفشي ويتشفي ممكن يديناملخص لييييييييييه داير تتفشي اصلا ما تخليك ممغوص زي باقي الناس المافي زول مهبب ليها سنعد دراسه مختصه بالبحث في اسباب دخولكم الي بوست يدعوا الي العراك والشكل والتسكلب هذه هي بنود الاتفاقيه الداير يضيف بند بدون شكل يتفضل انا مارق شنو يعني لو اتصالحنا ....بعدين الدنيا عيد يا جماعه اصبروا بجيكم واحد واحد
Post: #38 Title: Re: كايس لي شكله مع اي واحد منكم Author: محمد زكريا Date: 09-22-2009, 01:06 PM Parent: #37
الغاليه مني بت خوجلي
Quote: خلاص يا ود زكريا.. أنا بقعد جنبك وكان شتمتني..بتكون غلطتي..
هو القال منو في عيد؟؟ عيد بلا فستان جديد.. ولا مويه في المواسير.. ولا عيديه نديها الشغع.. وباعوض وضيان واستنقعات أمطار؟؟ عيد يجي كيف يعني؟؟
بقعد جنبك والبشاكلك بشاكله معاك!
تقوللي بقعد جنبك بشاكل معاك وتشجعيني وتحمسيني وتخليني اشرط فنيلتي.... وتلبدي اخخخخخ انا,اتلفتت جاي ولي جاي لقيت نفسي براي, اسوي شنو غير احاول البس فنيلتي المقطعه قعدت اتسبب انه الدنيا عيد والحر وما عارف ايه بقيت انا مضحكه العيد اب قلبا كبير وخواف اول امس لو كنتي جيتي بس وزغردتي ساي كنا رقدناهم ليك سلطه كلامك بيشفي القلب الكبير
طيب وحنون عيدك العملاق
Post: #40 Title: Re: كايس لي شكله مع اي واحد منكم Author: محمد زكريا Date: 09-22-2009, 01:57 PM Parent: #38
الاخ مامون احمد ابراهيم
Quote: والله دى ضحكتني شديد !!!
الله يجازي محنك يامحمد زكريا.
يازول كيفنك .
ماتدفر بإلله !
لوسمحت .
ماالذي اضحكك يا رجل؟ هل رايت احد المتشاجرين في موقف لا يحسد عليه؟ الا تدري كيف حالي وانا الان اترقب التصدع؟؟ ام ماذا دهاك تضحك في ساعه حرب والنزال ثقال اتدفرني يا رجل.. اتدلقني... انها الحرب اذن ======= لكن ياايها الصاحب الجليل فان الحرب قد وضعت اوزارها وتفرقت الجيوش عائده الي قراها خلف سفح الجبل الازرق حيث حسناوات هنالك ينتظرن ازواجهم بعد حرب ضروس دامت قرابه الثلاثه....الخ القصه قصه عجيبه
Post: #41 Title: Re: كايس لي شكله مع اي واحد منكم Author: محمد زكريا Date: 09-22-2009, 02:26 PM Parent: #40
الدفعه امين فاروق من الخرطوم الاميريه1986
Quote: أبو الزيييييييك يا خترى
عضلات تبش ..
أها محرقااانى شديد... من ورا العمودعشان ما تردمني ساي
"كل سنة وأنت ... زي ماداير"
جيت خاشي من الحرقه الشديده ولا داير تبرز عضلاتك كن كده شكلتي و كلامي معاك في المسنجر ما تفضحنا ساي والردم حاصل حاصل مش لو اتضاريت ورا العمود عندنا سلاح اسمه عابر العمدان صنع خصيصا للختيتين عيد سعيد و السنه الجايه تكون رئيس الدوله يا دفعه
Post: #42 Title: Re: كايس لي شكله مع اي واحد منكم Author: محمد زكريا Date: 09-22-2009, 02:47 PM Parent: #41
الاخ حاتم المكي
Quote: الاخ زكريا كل عام وانت بخير اركب تعال بالجيكيا وان زاتى قافلة معاي وناوى اعضى واحد واشاكلة تعال انتيوربين وندورها دافوري زاتتتتتتتتتو اصلوالزهج حاصل
اسمع قالو عندكم دسكو صاح ماتمشى ورهيفة تنقد
ياخوي اقول ليك حاجه الشكل ما بقدر عليه خليني اقطع تذكره واجيكم, رسل لي العنوان والتلفون في المسنجر عشان الناس دي ما كلها يقوموا يجوك وما القي فرقه معاهم زمن الديسكوهات ذه قضيناه زماااااااااان ده زمن مطاعم وبارات وكونسيرتات وفيستيفالات وبس
Post: #44 Title: Re: كايس لي شكله مع اي واحد منكم Author: محمد زكريا Date: 09-22-2009, 03:05 PM Parent: #42
خدر
انت جاي وشكلك انت الداير الشكل
Quote:
اول حاجة ارفع تلفونك او ارجع للارقام البتلقاها اتصلت بيكـ بعد داك تعال شاكل الناس
ياخوي والله الا تكون اتصلت بدون رقم وزي ما قلت ليك التلفونات الهواء بقت كتيره رقم ما بعرفوا ما قاعد اعرفوا , بصراحه في جماعه عاملين لي ارهاب تلفوني ياخ اقول ليك حاجه رسل لي رساله قول لي ارجع لي ولا اقول ليك رسل رقمك وانا ح اتصل ,اوكي .. اها هسع شنو ؟ نجيكم ولا تجونا؟؟
Post: #45 Title: Re: كايس لي شكله مع اي واحد منكم Author: محمد زكريا Date: 09-22-2009, 08:15 PM Parent: #44
............علي وزن فلانه برضو
Quote: فلانة دي ابوها ضابح ليها خروف وسماها ......
والله خطرت لي كميه من الردود الشيطانيه والبهلوانيه والتفطس من الضحك والتطلع عفاريت جنون منقتك لكن عاينت صوره البروفايل وحنيت عليك, انت برضو اختنا الصغيره, اوكي يابت ابوها بس فكره واحده ما قادر اطردها من راسي اتخيلت الصوره الفي البحر دي وقفتك في حديده البنطون دي, الحديده لو اتفكت وجاء واحد اداك دفره خفيفه كده ح يحصل ايه يعني يا سلااااااااام... دش بي مزاج, وجغمتين من مويه النيل تتطفش الجن زاتو ان شاءالله بس يكون في زول معاكم بعرف يعوم , لانه بنحتاج ليك برضوا لي قدام بدونك الشكل مسيخ وتشوفي عيدك تلاتات تلاتات
Post: #47 Title: Re: كايس لي شكله مع اي واحد منكم Author: nazar hussien Date: 09-23-2009, 02:16 PM Parent: #45
Quote: كلامي ده اسموا كلام الشارع العامي, وكلام الشارع السوداني البسيط المكافح
هو شكله ما فيها عكاكيز مضببة دي شكله دي؟؟؟
Post: #48 Title: Re: كايس لي شكله مع اي واحد منكم Author: GeerTor Tong Date: 09-23-2009, 11:31 PM Parent: #37
Quote: اعتبارا من اليوم تالت ايام العيد ومن موقعنا هذا نحن المومقعين ادناه نتعاهد علي وقف اطلاق النار واي حاجه بتطقش اهم اسباب الشكل انتهت وبقينا في البحلنا منكم شنو ما عارف, غايتوا, الا تكونو ادمنتم الضرب والحروبات والمشاجرات والحل السلمي هو المطلوب ولو بالمويه البارده او اي حاجه باااااااااارده
يلا بعد دا يا ود زكريارسل قيمة: 10% قيمة مضافة للحصول على الشكلة 2% ما بعد الشكلة 10% قيمة التوقيع 99% حق الحاجة باردة سرييييع وباليورو كمان. قير تور
Post: #49 Title: Re: كايس لي شكله مع اي واحد منكم Author: سيف الدولة كامل Date: 09-23-2009, 11:51 PM Parent: #48
يا ولد انا زمان ما قلت ليك نحن لامن كنافي الخرطوم الاميرية
سنة 1972 انت لسه يارشا تاتي يعني بتحبي لكن ظاهر انه انا غلطان
انت لسه ما ولدوك قوم لف بلا شكلة بلا لمة يا شويفع اسع الواحد يجي
يقرصك في اضانك الكبيرة ده, لكن برضو المسامح كريم وكل سنة وانت
طيب يا جميل, يا زيكو الناس لسه ما عرفتك ,, وين هارون دياب صاحبك؟
Post: #50 Title: Re: كايس لي شكله مع اي واحد منكم Author: salah ismail Date: 09-23-2009, 11:59 PM Parent: #1
العيد انتهي كل سنة وانت طيب يا محمدانشاء الله السنة الجاية ما تلقي ليك زول تشاكلو...وتكون في نص الاحباب والاهل والعفو والعافيه
Post: #51 Title: Re: كايس لي شكله مع اي واحد منكم Author: محمد زكريا Date: 09-24-2009, 10:14 AM Parent: #50
راجع ليكم بي خط جديد, اصبروا بس لحدي ما ارجع ليكم بالمساء , رووووقواالمانجو ( طبعا دي من عندي انا)
Post: #52 Title: Re: كايس لي شكله مع اي واحد منكم Author: fadlabi Date: 09-24-2009, 12:28 PM Parent: #51
velkommen kompis bra at du er her
Post: #53 Title: Re: كايس لي شكله مع اي واحد منكم Author: عزام حسن فرح Date: 09-24-2009, 12:37 PM Parent: #52
في شنو يا زول عامِل غلبه مالك مِن صباح الرحمن
Post: #54 Title: Re: كايس لي شكله مع اي واحد منكم Author: محمد زكريا Date: 09-25-2009, 02:04 AM Parent: #53
نزار حسين
Quote:
هو شكله ما فيها عكاكيز مضببة دي شكله دي؟؟؟
الضب اليعضيك في عنقرتك ,ليه مالها ما شكله؟ انت قايلها شكله في سوق الناقه
يا جني هه العيد وفات الننجمه في الواطه دي
Post: #55 Title: Re: كايس لي شكله مع اي واحد منكم Author: محمد زكريا Date: 09-25-2009, 02:17 AM Parent: #54
قير تور
Quote: يلا بعد دا يا ود زكريارسل قيمة: 10% قيمة مضافة للحصول على الشكلة 2% ما بعد الشكلة 10% قيمة التوقيع 99% حق الحاجة باردة سرييييع وباليورو كمان.
انت كنت قادي حساب ولا شنو ؟ مجموع قيماتك=(121%) هسع دي ما اكتر من ميه في الميه كمان باليورو يعني انت تطلع مطالب 21% طيب ما نفتح ليكم مصنع الحاجه البااااااارده ونختم الاتفاقيه علي كده
Post: #56 Title: Re: كايس لي شكله مع اي واحد منكم Author: محمد زكريا Date: 09-25-2009, 02:33 AM Parent: #55
Quote: يا ولد انا زمان ما قلت ليك نحن لامن كنافي الخرطوم الاميرية سنة 1972 انت لسه يارشا تاتي يعني بتحبي لكن ظاهر انه انا غلطان انت لسه ما ولدوك قوم لف بلا شكلة بلا لمة يا شويفع اسع الواحد يجي يقرصك في اضانك الكبيرة ده, لكن برضو المسامح كريم وكل سنة وانت طيب يا جميل, يا زيكو الناس لسه ما عرفتك ,, وين هارون دياب صاحبك؟
طيب ياعمو سيف الدوله كامل ياخ انا لحدي قبل سنتين كنت بقول لابوي يابابا تصدق دلوقت بس بقول ليه يا حاج و ياوالد لكن امي زي ماهي يا ماما اها انت زعلت لانك طلعت الدفعه القدامنا بسنوات الي ما لا نهايه هههه اخيرليك يا عمو ما تقوللي اضانك كبيره بكلم ليك ماما, ما مسامحك ولا ولا الناس ما عرفتني في شنو؟ انو اضاني كبيره؟ هارون دياب نزلوا ليهوا كم بوست باسمه افتكر نفسه عمرو دياب
Post: #57 Title: Re: كايس لي شكله مع اي واحد منكم Author: محمد زكريا Date: 09-25-2009, 02:44 AM Parent: #56
Quote:
العيد انتهي كل سنة وانت طيب يا محمدانشاء الله السنة الجاية ما تلقي ليك زول تشاكلو...وتكون في نص الاحباب والاهل والعفو والعافيه
صلاح اسماعيل يا ود عمي ان شاء الله مش انشاء الله(اتعلمتها من واحد في البورد) احسن حاجه انو العيد عدي فات وروح, السنه الجايه بلقاك بره النيت ونتعانق ونقع من السلام الشديد والفرح يعم ديارنا ونكون مع اهلنا واحبابنا في نص نصهم زاطو يا رب ياخوي العفو في شنو؟ انت انحنا كن متشاكلين ولا شنو؟؟؟؟؟؟
Post: #58 Title: Re: كايس لي شكله مع اي واحد منكم Author: محمد زكريا Date: 09-25-2009, 02:54 AM Parent: #57
Quote: velkommen kompis bra at du er her
الفاضلابي يا صاحبي الفنان تعال ندكس العالم دي ونتكلم بالنرويجي, هههه, ننبذهم ليك؟؟؟هههه, ياخ نبذه خفيفه بس,هههه, اوكي اسمع دي ,هههه alle kan ikke forstå hva krngler vi om ههه ههه ههههههههها والله كن ترجموها في القوقل شيل شيلتك
Post: #59 Title: Re: كايس لي شكله مع اي واحد منكم Author: محمد زكريا Date: 09-25-2009, 03:13 AM Parent: #53
Quote: في شنو يا زول عامِل غلبه مالك مِن صباح الرحمن
يا عزام بالله لو سمحت دي شكله اسفيريه مافيها سوط عنج ولا جعليات ولا يحزنون ياخ اتخيل صوتك يرعد بلكنه الفتوات مع صورتك دي(في شنو يااااا), حولا..., ده ما فلم رعب عديل كده هسع دي كان كانت شكله في الخلا, فووووو البقيف ليك منو رووووق المانجو داير تشاكل حناكيش الاسفير كمان ================== لكن يا عمو عزام ماااااا ارعبتنا يعني....(وش حنكوش ودشن)
