وهبه ودكين .. هل نطمع في تصالحكما بمناسبة هذا العيد ؟ علشان خاطر اصدقائكم ومحبيكم رجاء

عيد يعني الصفح والتسامح ,
عيد فرصة ان تعتذر لاخيك ومن اخطأت في حقه .
العيد الجاب الناس انت ما جابك ؟؟ سؤال استنكاري في اغنيه !
اتمني صادقا ان اري الصفاء والتسامح والود قد عاد الي الزميلين وهبه ودكين , خاصة وان ما بينهما مهما عظم في راسيهما
لا يعدو كونه سؤ فهم او استعجال بغير قصد ,
اتمني ان اجد استجابة سريعه من الاخوين المذكورين قبل ان الجأ لوسائل الضغط بورداب الخرطوم وبورداب الدوحه ,
وهبه بما اعرفه عنك من صدق واخوة صادقه تعال هنا وافتح قلبك لدكين ,,
دكين بما عرفته عنك من اصدقائك والمقربين منك انك اهل لكل خير والمحظوظ من كنت صديقه تعال وافتح قلبك لوهبه ..
وما قصدي هنا يشهد الله الا ان يعود صفاء وهبه ودكين لاني احبهما لوجه الله ,,,
والقلوب عند ربنا وهو عالم بالضمائر ,,

الرجاء اي زول عنده كلام طيب يدخل يقوله ,,
واي زول عنده راي مخالف لهذا البوست يشوف درب اخر ولا يرد هنا ,
دائرين نلم حبائنا ونفرح بوحدتنا " علي الاقل الوحده المنبريه "

دائما ما اجد نفسى انحاز للرائعين


العوض
يدهشنى انك انت انت
وبكل هذه الروعة ...



مودتى بلا حدود .

الحبيب الزعيم العوض المسلمي

تحية وتقدير

وكل عام وانتم بخير

بارك الله فيك أخي ووفقك لمثل هذه المساعي الطيبات

كن دائما بخير

حباب البشير ود دفع الله وكل عام وانت والاسره بخير ,
اها يا البشير خليك معانا لحدي ما تشهد باذن الله جلسة الصلح هذه ,,

Quote: عيد يعني الصفح والتسامح , عيد فرصة ان تعتذر لاخيك ومن اخطأت في حقه .

العوض كتر خيرك
والله يا اخوان الدنيا دى الزول حايفارق فيها
غير خاطره فلماذا الاستعجال
عوض وفق الله مساعيك واناشد الاخوان الى التصافى،،،

طيب يا مسلمى اذا وهبه ودطين اتصالحوا نحن نقرا شنووو ؟؟
عندك لينا حاجه نقراها ؟ كلمنا من هسه ما عندك بالله
خلينا مستانسين كدا ..


وبعدين الوسيط دايما لازم تكون عنندو اوراق ضغط
وبسبق الاتفاق تفاوض ... التفاوض دا فيهو قبضضض وفيه
دفففففع وفيه اجنده ... واحده ظاهرة والتانية خفيه ..









ــــــــــــ
وبما انو وهبه الطرف الاكثر تضررا من الصلح دا عليه
لازم يجبر ضرره بالشكل اللائق ويعوض تعويض مساو لتلك
الخساير الفادحة التى ستلحق به .. بغير ذلك ح يحمل هذا الصلح
اسباب انهياره فى داخله ..
* دينا ... مفاوض من طرف الزميل وهبه ..
بالمناسبه يا مسلمى الغرف والخدمات والضيافة تبع المفاوضين تعبانه
والبيرديام ضعيف اتصلح معانا ياخ !!
ولا بندق ليك بالمفاوضات دى فى العارضة ..

Quote: وهبه بما اعرفه عنك من صدق واخوة صادقه تعال هنا وافتح قلبك لدكين ,, دكين بما عرفته عنك من اصدقائك والمقربين منك انك اهل لكل خير والمحظوظ من كنت صديقه تعال وافتح قلبك لوهبه .. وما قصدي هنا يشهد الله الا ان يعود صفاء وهبه ودكين لاني احبهما لوجه الله ,,, والقلوب عند ربنا وهو عالم بالضمائر ,,

ياخي ماتخلي النار دي مولعه
ودخاخينها في السماء
ونحن مبسوطين كده






ـــــــــــــــــــــــــــــ
وفقك الله ياراقي في ما وراء القصد

اولا لك التحايا يا ابوالشباب على مسعاك الدائم للخير والتوفيق بين الناس وحلحلة الشبك ...


ثانيا .. انا مع المديدة الحارة ...



رشو يا ديكو ...

أنا برضو مع المديدة حرقتني


رش البطة يا وهبة


صمرقع شديد





ـــــــــــــــــ
شكرا العوض وياها المحرية فيك
وكل سنة والجميع طيبين
وان شاء الله يا بورداب الخرطوم
عيد SHIBKA معاكم ما ينفعكم

للتوفيق بين المقترحين اقترح هدنة ووقف اطلاق نار مراقب بقوات مشتركة من بورداب الخرطوم والدوحة بقيادة الجنرال العوض المسلمي













النجيضة على قول ودالصايم :

ياجماعة الصلح خير والدنيا دي ما بتسوى.

شكرا يازعيم على المبادرة الرائعة .!!
ودائما كبير والله ..






دمت بخير وكذلك اولادك

شيخ العوض وكل المداخلين كل عام وانتم بخير


وبعد كده ياوهبه ودكين لوما اتصالحتو تكونوا بالغتو


لانو شيخ العوض دا مابرجعوا ليهو طلب لانو دايما بتكون من اخل الخير للاخرين






خالص الود

العوض .. كيفنك
وعيدك مبارك .. وانشاءالله من العائدين ..
وتسلم يا رائع .. على كل جميل ..
هوووووى يا المتخاصمين الدنيا ضل ..
وانتو اكبر من ده كله .. وإيمانكم قوي
دي ما عايزه نقاش .. قولوا خير .. وباركوها ..
وبعدين بتتلاقو .. وانشاء الله كفكم في كف الحبيب المصطفى صلى الله عليه وسلم ..
قولوا خير .. وانعلوا أبليس ود الكلب ..
والليله اتعشوا مع بعض وزحوا التقيله من صدوركم ..
وبشرونا خير ...

بت الصادق

Quote: علشان خاطر اصدقائكم ومحبيكم رجاء

Quote: هوووووى يا المتخاصمين الدنيا ضل .. وانتو اكبر من ده كله .. وإيمانكم قوي دي ما عايزه نقاش .. قولوا خير .. وباركوها .. وبعدين بتتلاقو .. وانشاء الله كفكم في كف الحبيب المصطفى صلى الله عليه وسلم .. قولوا خير .. وانعلوا أبليس ود الكلب .. والليله اتعشوا مع بعض وزحوا التقيله من صدوركم .. وبشرونا خير ... بت الصادق

وعشان القول الجميل والسمح ده

العوض

رئيس القبيلة وهو البقود الحملة

ندعمك بالقطاعي والجملة

وكل سنة وانت طيب

دعنا نحاول معك من الدوحة


عيد مبارك

شكرا لك اخي العوض المسلمي
وكل عام وانت والجميع بالف خير
اعزائي وهبة ودكين يا اروع ما عرفت من
اخوان اكاد لا اصدق كل هذه المناحرات
تطلع من وهبة ودكين وانا طبعا لا اعرف كيف
كانت البداية ولكن اريد ان اعرف النهاية الجميلة
والاخاء الصادق والتصافي ووالله ومهما عددنا صفات كل
منهما في النبل والاخلاق والكرم فنجد صفاتهما
اكبر مما نتصور ونطمع منكما التسامح والتصافي
وبداية صفحة جديدة لكما كل حبي وتقديري واحترامي
شكرا لك اخي العوض المسلمي وربنا يسدد خطاك ويحقق المقاصد

El -awad Eid Mubaaaaaarak

I Strongly support ur approch in it's a human context.

Next
Dina Eid Mubaaaaaaark

You have said the

وبعدين الوسيط دايما لازم تكون عنندو اوراق ضغط
وبسبق الاتفاق تفاوض ... التفاوض دا فيهو قبضضض وفيه
دفففففع وفيه اجنده ... واحده ظاهرة والتانية خفيه

it is wrong
El- Awad is just
a mdeiator
Mediator means"and individual who conducts a mdiation"
Mediation means" aprocess in which a mediator facilitates communication and negotiation between parties to assist them in reaching a voluntary agreement regarding their disputes.
for more read the
A Nested Theory of Conflicts, by Maire A. Dugan.
So, Brother El-Awad has five Options to conduct this Mediation as follows
1-Competing approach
2- cooperating approach
3-compromising
4-collaborating
5-avoiding
I suggest to him to use the first approch,which is intend to to advocate needs afavorable resolution on an issue vital to both of them
Furthermore, u have to avoid Trivial issue a and build credits for later
.
I am sure u will not to forget, to BUILD and Workd Hard Feelings.
Here are example questions
1-Why do u want that
2-why is that so importaant to everyone of them
-3-what is the problem that u are trying to solve
I urge u to ask them to accept ur neutrality as AMEDIATOR between both of them,before to begins
Then Confidentiality is an important tools in resolving such misunderstanding.
Be aware of any inflamatory words or phrases, try to build in the future
It is good, that u have taken the opprotunity of this Occasion to Mediate.
Make sure to gain COMMITMENT from them, instead of just getting temporary settlement.
Good luck
El hadi

شيخ العوض وضيوفه الكرام
كل عام وانتم بخير
ياجماعة والله الموضوع البيني وبين دكين دا ابدا ما عداء ولا مشاحنات زي ما واصل ليكم
الموضوع انا بنظر ليهو - على الاقل من جانبي - كجلسات علاج وكدا وان بدت للبعض ساخرة وصادمة وموجعة احيانا .. العلاج يتطلب الصبر وانا بالجد شايف الزول دا متقدم جدا وفي تحسن وما في داعي اسوق امثلة ... اما ردات فعل دكين وشتائمه انا ما بتمثل لي اكتر من انديكيتر بعرف بيها انا واقف وين ومشروعي ماشي كيف ...
وانا متأكد في النهاية انكم حتشكروني وهو نفسو حيكون سعيد وصالح للمجتمع ..
الى ذلك الحين كونوا بخير

العيد تسامح ومحبة ونقطة لبداية من جديد

كل عام وانتم بألف خير ومحبة

التحية ليك أخي العوض لدعوتك الكريمة واتمني ان تلقي الصدي والقبول

كل الامنيات الطيبة وعيد سعيد

والله الإتنين ديل ناس لذاذ
أتمنى أن يكون ما بينهما سؤ تفاهم عابر
-------
العوض إنشاء الله في ميزان حسناتك ..
وعيدكم مبارك جميعا وأمانيكم حقيقة !

الصلح خير ..

ولدنا دكين دا اخدته عشان تشاكلوه ..


تعال يا ولدنا راجع ..


التحية لك اخي المسلمي ..


فالمبادرة طيبة .. وفقك الله

Quote: العيد تسامح ومحبة ونقطة لبداية من جديد

وخيرهما الذي يبدأ بالسلام ..
في ميزان حسناتك يا العوض..