Post: #1
Title: عشان تلامسوا أزمتنا الحقيقة حقيقةً شاهدوا هذه السهرة الآن ...!!!
Author: الرفاعي عبدالعاطي حجر
Date: 09-21-2009, 00:23 AM
Parent: #0
مصطفى ابوالعزائم
كمال حسن بخيت
سيداحمد خليفة
محمد لطيف (ممكن يكون ظلم نفسو في حضوره لهذا اللقاء)
محمد البلال الطيب والله طيب جد جد .
وفنان السهرة نجم الدين الفاضل ...
ياالله منها سهرة تؤكد أزمة المثقف الصحافي السوداني .
كان الله في عون السودان .
ساعود بس واحد من الحاضرين يمهد الطريق .
كل سنة وأنتم جميعاً بخير.
.................................................حجر.
|
Post: #2
Title: Re: عشان تلامسوا أزمتنا الحقيقة حقيقةً شاهدوا هذه السهرة الآن ...!!!
Author: عمران حسن صالح
Date: 09-21-2009, 00:31 AM
Parent: #1
سلام وكل سنة وانت طيب أستاذ الرفاعي ..
طبعاً يمكن ما تلقى زول متابع الآن .. الناس شبعت من المتابعة الليلة بعد سهرات تلفزيوناتنا ، ولأن الوقت تأخر وكمان يمكن تكون حلقة مُعادة ..
بس بيني وبينكـ ولأني شبعان حد التخمة من لقاءات تلفزيوناتنا اليوم مع عمالقة الغُناء والشعر ، بس سمعت واحد دخل في نص كلامو شي ليهو علاقة بالدين فعلق الطيب ما تجيبوا لينا الهواء فعرفت أن الحلقة مستحمية وسألت نفسي وأنا أقلب صفحات منتدانا :
طيب يا الطيب نحن راجين شنو ؟؟
نحن ما راجين البجيب ليكم الهواء ده عشان نغير راينا فيكم ولا كمان نرجى من وراكم خير ...؟؟
وبطني طمت فنقلت سمعي وعيني إلى صفحات منبرنا ..!!!
|
Post: #3
Title: Re: عشان تلامسوا أزمتنا الحقيقة حقيقةً شاهدوا هذه السهرة الآن ...!!!
Author: الرفاعي عبدالعاطي حجر
Date: 09-21-2009, 00:38 AM
Parent: #2
عمران ازيك وحفظك الله وحقق امنياتك ودعواتنا لسودان خيّر ديمقراطي
لكن من يبنيهوا اذا كان دا فهم صُنّاع التغيير وقادة الفكر ورجال
التنوير والضمير الحي والسلطة الحقيقية ...ياااخ حاجة تفقع المصارين
وتطمم البطن وتقود الى الاستياء.
شكراً لمرورك المقدّر .
حقا صدق من قال كلام جرايد .!!!
............................................................حجر.
|
Post: #4
Title: Re: عشان تلامسوا أزمتنا الحقيقة حقيقةً شاهدوا هذه السهرة الآن ...!!!
Author: khalid abuahmed
Date: 09-21-2009, 00:43 AM
Parent: #2
الاخ الكريم الرفاعي..
كل عام وانتم بخير..
الآن أشاهد في السهرة والله فضيحة بكل ما تحمل الكلمة من معنى..مع احترامي لهم جميعاً إلا أن مسوى النقاش ضحل للغاية.. وطريقة المداخلات همجية وهي عبارة عن ونسة متلفزة لم تراعي أشياء كثيرة على الاقل قللت من مكانة رؤساء تحرير الصحف التي يطالعها الشعب السوداني صباح كل يوم.
لم يكن فيهم إلا الكرنكي ومحمد لطيف.
الموضوعات المطروحة للنقاش للأسف كانت بعيداً عن هموم الساحة..وخاصة موضوع ميثاق (الشرف) المزعوم..والرقابة الأمنية..لكن أكثر من آلمني (كيل) المديح لبعضهم البعض فيه إساءة لهم جميعاً..في نظري أن رؤساء التحرير في هذه الجلسة هم الكرنكي ومحمد لطيف باعتبار الكفاءة المهنية وسعة المعرفة..و\بعا الزميل الاستاذ محمد لطيف برغم انه متزوج من قريبة الرئيس عمر البشير إلا أنه له مواقف ممتازة ويوصف بأنه الأقرب للمعارضة ولم تهمه قرابة الرئيس لزوجته.. وهذه نقطة تحسب عليه إيجاباً..والأمر الآخر محمد لطيف كتاباته مقروءة جدا جداً وتحليلاته لها وزن معتبر.
أما الكرنكي طبعا ناجح جدا في عمله رئيس تحرير صحيفة لنظام ارهابي وشمولي ويؤدي دوره بنجاح وتميز، وفي اعتقادي ان صحيفة (الرائد) أسست له شخصياً.
مع احترامي لكل الزملاء الصحافيين
|
Post: #5
Title: Re: عشان تلامسوا أزمتنا الحقيقة حقيقةً شاهدوا هذه السهرة الآن ...!!!
Author: الرفاعي عبدالعاطي حجر
Date: 09-21-2009, 00:51 AM
Parent: #4
اخي استاذ خالد كُن بخير
وكل سنة وانت والجميع بخير
وااسفي ان يكون هؤلاء لسان حال الفكر والصُنّاع للقرار بل منتجي الوعي
لكن هو السودان اليوم ... ربما قلت أن محمد لطيف ظلم نفسه بحضوره
هكذا جلسة ... الكرنكي هو ابن النظام القامع والبشع ومساحيق التجميل
لن تعطيه اشارة المرور لإنتاج وعي معافى اسوأ من البقية حضوراً وفكرة .
عموما تقديري على مرورك الكريم .
.............................................................حجر.
|
Post: #6
Title: Re: عشان تلامسوا أزمتنا الحقيقة حقيقةً شاهدوا هذه السهرة الآن ...!!!
Author: ابو جهينة
Date: 09-21-2009, 00:52 AM
Parent: #5
ياالله منها سهرة تؤكد أزمة المثقف الصحافي السوداني .
كل سنة و إنت طيب يا رفاعي و ليك وحشة و الله و سألت بلة منك بالأمس
|
Post: #7
Title: Re: عشان تلامسوا أزمتنا الحقيقة حقيقةً شاهدوا هذه السهرة الآن ...!!!
Author: الرفاعي عبدالعاطي حجر
Date: 09-21-2009, 00:59 AM
Parent: #6
Quote: ياالله منها سهرة تؤكد أزمة المثقف الصحافي السوداني .
كل سنة و إنت طيب يا رفاعي و ليك وحشة و الله و سألت بلة منك بالأمس |
تسلم يا ريس وكل سنة وانت واسرتك وكل البورداب في الرياض بألأف الخير
تحياتي شكراً لمروركـ .
..................................................................حجر.
|
|