Post: #1
Title: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: humida
Date: 09-20-2009, 03:32 PM
بعد تعادل المريخ ( 3 نقاط ) .. مع كانو ( 11 نقاط ) .. اصبح كانو في صدارة المجموعة الاولى ..
الهلال و كانو .. سعوا للصدارة لتجنب الفريق الاقوى في المجموعة الثانية .. هارتلاند ..
..
..
قبل قليل انتهت مباراة هارتلاند X مونوموتابا يونايتد .. بفوز الاخير بهدفين مقابل هدف .. و تجمد رصيد هارتلاند في ( 10 نقاط ) ..
و في انتظار نتيجة مباراة مازيمبي X النجم الرياضي الساحلي .. الآن النتيجة واحد صفر لصالح مازيمبي .. و تبقى شوط المباراة الثاني ..
..
..
نتمنى الفوز لمازيمبي .. لتصدر المجموعة .. و تجنب ملاقاة فريق هارتلاند ..
و السبب الآخر .. عشان ناس ART .. ما يكون في فريق عربي غير الهلال في الدورة .. و نشوف بعدها حيعملوا استديو تحليلي و لا لا ..
مع العلم انه مباراة مازيمبي X النجم الرياضي الساحلي .. اتعمل ليها استديو تحليلي الآن ..
|
Post: #2
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: humida
Date: 09-20-2009, 03:39 PM
Parent: #1
|
Post: #3
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: عبدالكريم الامين احمد
Date: 09-20-2009, 03:42 PM
Parent: #2
هلا يا حميدة
واي نتيجة تخارج لينا النجم الساحلي فهي مكسب..
وهارتلاند ومازيمبي مبصرتهم بشوية شغل كده بتجيب تمنها
وعيدك سعيد
|
Post: #7
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: humida
Date: 09-20-2009, 04:15 PM
Parent: #3
| Quote: وهارتلاند ومازيمبي مبصرتهم بشوية شغل كده بتجيب تمنها |
انت عارف يا عبدالكريم .. المشكلة في المباراة الاولى في امدرمان .. لازم الهلال يغلب فيها بفارق اهداف كتيرة ..
لانه مباراة التعويض في ملعب مازمبي ..
و الله اتعود في السنوات الاخيرة انه يلعب الكور الصعب في ملعبه ..
|
Post: #4
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: عبدالوهاب علي الحاج
Date: 09-20-2009, 03:43 PM
Parent: #1
حميدة
كل سنة وانت طيب
هارتلاند ليس بالفريق المرعب وياريت لو كنا لاقيناهو في نصف النهائي
من متابعتي للمباراة ناس هارتلاند قصدوا يتغلبوا عشان يلاقو الحمام الميت (كانو)
اما بالنسبة لينا تأهل النجم الساحلي يعتبر كارثة ... جني وجن الناس الحمر في الكورة بسووا لي العصبي
ماعارف لو المباراة انتهت بالتعادل الصدارة حتكون لمنو ؟ هارتلاند ولا مازيمبي .. نتابع
|
Post: #5
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: Abdelmuhsin Said
Date: 09-20-2009, 03:44 PM
Parent: #4
|
Post: #6
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: humida
Date: 09-20-2009, 04:11 PM
Parent: #4
| Quote: من متابعتي للمباراة ناس هارتلاند قصدوا يتغلبوا عشان يلاقو الحمام الميت (كانو) |
الهارتلاند احسن ليهو يقابل كانو في نيجيريا .. المباراتين بتكون وسط جمهوره ..
و كانو بالنسبة ليهم معروف ..
..
..
في حالة تعادل مازمبي .. برضو بتصدر المجموعة بفارق الاهداف ..
|
Post: #8
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: بابكر التوم
Date: 09-20-2009, 05:18 PM
Parent: #6
حميدة ...
كل سنة وانت طيب ....
بصراحة الواحد متشائم جدا من عدم تصدر المجموعة التى كانت فى متناول يدنا بالهزيمة من زيسكو عن قصد بعتبرها ..
والتى ساهم فيها اعلامنا الرياضى الذى صور للهلال وصولة للنهائى ليكون بمقبرة المنافسين استاد الهلال وتناسوا بان الفرق...
الاخرى لها حسابتها كما فعل هارتلاند النيجيرى واوقعنا بمازمبى القوى بالجد والطامة الكبرى بانة اعتاد للعب بالسودان وشاهدتة
فى سيكافا نفس السناريو حدث فى 2007 والتراخى فى تونس امام الترجى وكان الهلال يمكن ان يتصدر وخرجنا ....
اتمنى ان يستعد الهلال جيدا لمازمبى فى ظل عقم هجوم الهلال داخليا وهزائمنا فى ادغال افريقيا اليوم اظهر مازمبى قوة هجومية كاسحة ...
ومساندة جماهيرية تشبة الهلال داخليا ولديهم نفس ثقافة الفوز فى ملعبهم الله يكضب الشينة ،،،،،
|
Post: #9
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: عمران حسن صالح
Date: 09-20-2009, 05:30 PM
Parent: #8
| Quote: و السبب الآخر .. عشان ناس ART .. ما يكون في فريق عربي غير الهلال في الدورة .. و نشوف بعدها حيعملوا استديو تحليلي و لا لا .. |
دي طبعاً عامل لي ضربة مرارة ومعاها القلب
|
Post: #10
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: عادل جبارة
Date: 09-21-2009, 00:13 AM
Parent: #9
حميدة
كل عام وأنتم بخير , وعيد مبارك
حكاية الأستديو التحليلي ساهلة ... سمعت عصبية الشوالي في التعليق ؟؟؟
مهما كانت الظروف يجب أن تكون أمانة التعليق حاضرة ..
الحمد لله النجم طار ومازمبي ما صعب للدرجة ديك
أمنياتنا للهلال ومنصورين بإذن الله
|
Post: #11
Title: Re: هارتلاند مهزوم ( 10 نقاط ) .. و مازمبي يتصدر مؤقتا .. ( في انتظار نهاية المباراة ) ..
Author: Elsamani A.Malik
Date: 09-21-2009, 07:46 AM
Parent: #10
شباب كل سنة وإنتو طيبين,
كنت أتمني لو تصدر الهلال المجموعة ليلعب المباراة الثانية من دوري الأربعة في المقبرة.
سيد البلد لو وصل النهائي الكأس حقنا حقنا لو لعبو المباراتين برة " من منطلق أن فريق البطولات لايخشي الظروف بل يرتاد أصعب الطرق".
وصدقوني لا يوجد الآن في البطولة فريق أكبر من سيد البلد.
حان للبرنس أن يأتي بالإنجاز الأكبر في تأريخ الهلال.
|
|