Post: #1
Title: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 09:28 AM
اول حاجه ... الليله عيد ميلادي ...!!!! كل سنه وانتي طيبه يا دلوشه ...
سلامات ناس البورد زكل سنه وانتو طيبن وتامين ولامين ...
طيب نجي لموضوع البوست اللي فتحتو عشانو .. (هو كان شنو ياربي ؟؟؟ لووول) ...
جيت اقول العيد جا ...وكل الناس بتشتري وبتحضر ومزحزمه اخر زحمه .. بالذات ستات البيوت ...
الزعيف .. الملايات .. الجداعات .. لبسه حمودي .. طرحه صفويه ما ماشه مع التونيك .. نرجع سعد قشره نغيرها .. الجير ما انضرب في الحوش ..الخ الخ الخ ...
الخبييييييييييز ... وما ادراك ما الخبيز ... العجين .. قطعو ... تشارك الجيران ولمتهم حول الصواني ,, والصواني زااااتها لمن تتطاقش جمب الفرن البلدي اللي في الحله ...
.الكعك .... حلوى مميزه .. منظر الدقيق وهو يفور لحظه سكب السمن البلدي الحار المخلوط بالسمسم .. الابخره التي تتصاعد لتداعب انوف المارين ... لتذكرهم بمقدم عيد الفطر ..
صوت (بطبطه ) العجين .. وصوت القطيع .. واحلى حاجه منظر الصبيه وهم يتدافعون حول الفرن .. صينيه طالعه وصينيه مارقه ... الاولاد بيتكلوا هناك عشان يشاغلوا البنات ..
دوما كنت اعشق لحظه تسكير ( من سكر البيطعمو بيهو الشاي) الكعك .. كنت التهم جزء غير يسير منه .. التعبئه في جرادل الطلس المموهه برسومات غامضه بالاخضر ..
واحي التي كانت ترفعها فوق دولاب المطبخ ... حمايه لها من ايدينا العابثه ....
لطالما ارتبطت تلك الاحداث في ذهني وانفي برائحه العيد ..
والله بزعل جنس زعل يا اخزاني من الناس البيشتروا جاهز .. وكمان الزحمه والتدافه في اماكن الخبيز الجاهز ليله العيد ...!! بحن عليهم والله .. انهم يفقدون طعم الكعك .. طعم العيد ..
كل سنه وانتو طيبين ...
|
Post: #2
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: هواري نمر
Date: 09-18-2009, 09:40 AM
Parent: #1
اول شي...
كــــــــــــل سنة و انت طيبة
وعقبال مية شمعة..
وربنا يحقق ليك كل امانيك..
ثانيا..
العيد مبارك عليك و كل سنة طيبين طيبين
و بالصحة و السلامة
و ان شاء الله من العايدين
تالت شي..
انت الابري ما رسلتيه لينا
جاية تقولي كعك العيد...
ياخي رمضان ده كلو شربت بس تلاتة كبابي حلو مر...
معقولة بس ؟؟؟
اها المرة دي..
الكعك ما بخليه...
الا ترسلي لينا
هههههههههههههههههههه
شكرا علي البوست الجميل و ربنا يحقق كل الاماني
احترامي...
|
Post: #4
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 09:47 AM
Parent: #2
هواري يا نمر ..
Quote: اول شي...
كــــــــــــل سنة و انت طيبة
وعقبال مية شمعة..
وربنا يحقق ليك كل امانيك.. |
وانت طيب وتسلم يا زوق ... لكن ميه دي ما كتيره ؟؟؟
Quote: الكعك ما بخليه...
الا ترسلي لينا |
يا زول ما تخش معاي في تحديات زي دي ... الحلو مر اللي رسلتو ناس الرياض لحدي اسي بيشربوا منو بالقطاره عشان ما يكمل , وكمان حا يدسو منو للعيد الجاي لوووووول
والله بس زول يشيل ليك وانا ما عندي مشكله اصلو رمضان دا كلو انا قضيتو في المطار ...
كل سنه وانت طيب وتسلم على المرور الجميل ..
|
Post: #3
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: عبد الرحيم حسب الرسول
Date: 09-18-2009, 09:41 AM
Parent: #1
الرسول عزيز آآ بت الكباشي
عليه الصلاة والسلام
عامر وكل سنة وانت طيبة وبألف خير
|
Post: #5
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 09:49 AM
Parent: #3
عبد الرحيم حسب الرسول ....
Quote: الرسول عزيز آآ بت الكباشي
عليه الصلاة والسلام
عامر وكل سنة وانت طيبة وبألف خير
|
وانت طيب وربنا يحقق امانيك .. لكن عليك الله تشيل تاني ..!!
|
Post: #7
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: حبيب نورة
Date: 09-18-2009, 09:53 AM
Parent: #5
كل سنة وانتي طيبة
عيد حزيييييين كالعادة
وجميع الأهل كمان
خـالتي نجـاة ... السـنة دي خبزتوا ؟؟؟
|
Post: #10
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:04 AM
Parent: #7
حبيب نوره ...
عيديتك مقبوله ... ارفع الاحزان .. الدنيا عيد ...
وعليك الله تشيل تاني ... الدنا عييييييييد...!!!
|
Post: #36
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: نوفل عبد الرحيم حسن
Date: 09-18-2009, 01:47 PM
Parent: #7
داليا كل سنه وانت طيبه
طبعا انت عارفه الحاصل وكده
مافي داعي نكرر كلام وجن قدام الناس كده
فياخي طلعي لي حقي في الخبيز بعيييييد
| Quote: (الرسول فيكم كان ما شلتو واحده .. الدنيا عيد !!) |
عليه الصلاة والسلام ... لكن ما بشيل واحده بس
يعود علينا وعليكم بالخير والبشر ان شاء الله
|
Post: #49
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 06:51 PM
Parent: #36
نوفل ... والله صوره ود اختك العسل دا كان ما شلتها بيسحروهو ليك البورداب العينهم حااااره ديل ... لوووووول ...
Quote: طبعا انت عارفه الحاصل وكده
مافي داعي نكرر كلام وجن قدام الناس كده |
وصلت ..!!! ولك مثلها ...!!!
كل سنه وانت طيب ... وينعاد عليك وفي يدك بنوته حلوه ...
بس شيل تاني عليك الله ... الدنيا عييييد ...!!!
|
Post: #6
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: مزمل خيرى
Date: 09-18-2009, 09:51 AM
Parent: #3
كل سنة وانت طيبة يادكتورة وعقبال 100 شمعة
وشكرا على كعك العيد .
|
Post: #9
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 09:56 AM
Parent: #6
مزمل خيري ....
ما قلنا 100 دي كتييييييره ... الخرف المبكر ما بنقدر عليهو ...
تسلم على الزياره وعليك الله سيل تاني الدنا عيييييد ...!!!
|
Post: #8
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: هواري نمر
Date: 09-18-2009, 09:53 AM
Parent: #3
| Quote: والله بس زول يشيل ليك وانا ما عندي مشكله اصلو رمضان دا كلو انا قضيتو في المطار ... |
يا داليا..
مالك قلبتي ظابط جمارك و لا شنو؟؟؟ لووووووووووووووول
تسلمي كتير..
بس انت لمي بتاعي في علبة ماكنتوش..
لغاية ما ربنا يهون ونجي السودان..
عاطر امنياتي بعيد سعيد
احترامي
|
Post: #11
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:14 AM
Parent: #8
Quote: مالك قلبتي ظابط جمارك و لا شنو؟؟؟ لووووووووووووووول
|
تصدق قربت ؟؟؟ كلو رسيل حلو مر وكده ....انشالله يكون وصل بس ...
| Quote: بس انت لمي بتاعي في علبة ماكنتوش.. |
ما عندك مشكله بس القى لي علبه ماكنتوش الاصليه حقت زماااان ديك اللي فيها روميو وجولييت والعربه الجاريها الحصان وطاقيه الراجل الطويله لفوق ديك , مش كوالتي استريت حقت اليومين ديل..
تسلم يا عزيز وعليك الله شيل تاني .. الدنيا عييييييد ...!!!!
|
Post: #12
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: معاوية عوض الكريم
Date: 09-18-2009, 10:18 AM
Parent: #8
انا غايتو خبيزة واحدة ما بتكفينى
خلينى اكُب فى جيبى دا 
_______________________
بعدين تعالى هنا انتى سجلوك في المريخ ما ظهرتى
سجلوك في الهلال ما ظهرتى .. تانى اعادو تسجيلك
برضو ما ظهرتى
والله بقيتى زى وارغو
|
Post: #15
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:22 AM
Parent: #12
Quote: انا غايتو خبيزة واحدة ما بتكفينى
خلينى اكُب فى جيبى دا
|
يا زول حبابك ... تاااااااااني كمان شيل .. الدنيا عيييد ...
تخريمه : انتو سيره البحر دي لازم تجيبوها ؟؟؟
|
Post: #19
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: معاوية عوض الكريم
Date: 09-18-2009, 10:32 AM
Parent: #15
| Quote: تخريمه : انتو سيره البحر دي لازم تجيبوها ؟؟؟ |
لازم نجيب سيرتو
عشان الكعك يبقى طاعم
والعيد يكون عيدين زاتو
http://www.youtube.com/watch?v=JQR3Jvl5wn8
|
Post: #13
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: صديق الموج
Date: 09-18-2009, 10:20 AM
Parent: #8
داليا عدم العروض جفا هاك ضيوفك ديل يلوكو فى خشمهم ساكت مشى حالك لما ارسل ليك تانى
|
Post: #17
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:27 AM
Parent: #13
صديق الموج ... صديقي الذي افتقد دوما ...
| Quote: داليا عدم العروض جفا هاك ضيوفك ديل يلوكو فى خشمهم ساكت مشى حالك لما ارسل ليك تانى |
عيديه مقبوله ... تسلم ..
بس عليك الله تشيل من الليلنا دا ... اخت ليك بسكويت نشادر معهو لشاي الصباح ....؟؟؟
|
Post: #14
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: doma
Date: 09-18-2009, 10:20 AM
Parent: #8
كل سنه وانت طيبه يا دلوش
عيد ميلاد سعيد والسنه القادمه نشوفك عروس وست بيت
لكين كعكم دا بنكهه دواء الكعك (مخلوط الكافور والورد المجففين ) ؟؟
وجني وجن البتيفور البقولوه داك .
|
Post: #16
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: منال
Date: 09-18-2009, 10:22 AM
Parent: #14
العيد عندك يا داليا
كل سنة وانتى بالف خير وصحة وسلامة
انا الليله يا داليا تلفونى سرقو
يعنى لا اقدر اعيد على زول
ولا زول يعيد على (وش ميت من الزعل )
|
Post: #24
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:41 AM
Parent: #16
منال .......
Quote: انا الليله يا داليا تلفونى سرقو
يعنى لا اقدر اعيد على زول
ولا زول يعيد على (وش ميت من الزعل ) |
معلييييييييش يا منوله .. الجاتك في موبايللك سامحتك ...اكييييييد في سعد قشره ..
غايتو ناس البورد تجي تعيديهم هنا والباقين تركبي تمشي ليهم بالدرب ....
بس قبل ما تمشي شيلي تاني .. الدنيا عيييييد .
|
Post: #18
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: صديق الموج
Date: 09-18-2009, 10:27 AM
Parent: #14
داليا ضيوفك طبعهم شين يتلفتوا زى كدايس المطاعم
عين فى الزبون وعين فى الماعون
كدى اديهم يتحنطروا كان يخلو اللفيت ده،،،
|
Post: #21
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: صديق الموج
Date: 09-18-2009, 10:35 AM
Parent: #18
داليا يا اختى نسيت اقول ليك انت جديدة على المنبر وبيناتنا
مافى مدسة، ،خالتك دوما دى ايدها خفيفة لمى الطقم ده ما تقوم
تلفح ليها كاسه تقول تسويها كوز طايوق تخربوا عليك..
دى قطيعة ما تكلميها باقى انت فولة ما تنبل فى خشمك بث،،،
|
Post: #27
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:57 AM
Parent: #21
Quote: مافى مدسة، ،خالتك دوما دى ايدها خفيفة لمى الطقم ده ما تقوم
تلفح ليها كاسه تقول تسويها كوز طايوق تخربوا عليك..
دى قطيعة ما تكلميها باقى انت فولة ما تنبل فى خشمك بث،،، |
هووووووووي اسي خالتي دوما بتجي وكلامك دا بتنكرو وبتجيب ليها تعديلات وحركات ...
اسحب كلامك دا اسي اااااابا صديق ..
|
Post: #31
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: doma
Date: 09-18-2009, 11:18 AM
Parent: #21
Quote: داليا يا اختى نسيت اقول ليك انت جديدة على المنبر وبيناتنا
مافى مدسة، ،خالتك دوما دى ايدها خفيفة لمى الطقم ده ما تقوم
تلفح ليها كاسه تقول تسويها كوز طايوق تخربوا عليك. |
لووووووووووووووووووووووووووول
عاد يا ودج الموج
امانه ما اتلومت فيني انا ام الفنجريه .
يابه هوي طايوقي بعلبتو احمد الله .
ارجاني في الضرا واتحزم واتلزم بلاقيك بعد العيد .
|
Post: #25
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:45 AM
Parent: #18
Quote: داليا ضيوفك طبعهم شين يتلفتوا زى كدايس المطاعم
عين فى الزبون وعين فى الماعون
كدى اديهم يتحنطروا كان يخلو اللفيت ده،،، |
انت كدي الطبع الشين خليهو .. انت الختيتو دا شنو ؟؟؟ نحن نقول العيد والكعك والصواني وانت تجيب لينا حاجات الخواجات دي ؟؟؟؟
تخريمه : مشتاقين والله اااابا صديق ..
|
Post: #20
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:34 AM
Parent: #14
خالتي دوما شخشيا مشرفاني .؟؟ اسفرت وانورت واستهلت ثم امطرت ....
| Quote: عيد ميلاد سعيد والسنه القادمه نشوفك عروس وست بيت |
بحياتك ووجودك يا ماما يا عسل ..
| Quote: وجني وجن البتيفور البقولوه داك . |
البتي فور دا يا خالتي دوما زاااااتو خشم بيوت ... العجب الغريبه بالقرنفل .. عليك الله يا خالتي دوما تشيلي تاني الدنيا عييييييد ...!!!
|
Post: #22
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: معاوية عوض الكريم
Date: 09-18-2009, 10:38 AM
Parent: #20
دوما وابدا ؟
|
Post: #29
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: doma
Date: 09-18-2009, 11:07 AM
Parent: #22
معاويه عوض الكريم سلام
العيد امبارك عليك يا وليدي
النبي بعد العيد دا ينقضي دايره لي منك خدمه قانونيه والله جاده
في ناس ظلموني ظلم الحسن والحسين
بدورك تمرق لي حقي من عويناتم
|
Post: #30
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: معاوية عوض الكريم
Date: 09-18-2009, 11:16 AM
Parent: #29
| Quote: قرايبى ... ماما دوما ... ومعاوية عوض الكريم |
غايتو !
__________________________________
كل سنة وانتى طيبه ..
خلاص خلينا نمشى نتملي لحم ونجى
هي نسيت .. دا العيد الصغيّر هو ؟
|
Post: #23
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: عبدالوهاب علي الحاج
Date: 09-18-2009, 10:38 AM
Parent: #20
عمو داليا
كل سنة وانت طيبة
والسنة الجاية تتحقق كل الاماني
|
Post: #26
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 10:49 AM
Parent: #23
Quote: عمو داليا
كل سنة وانت طيبة
والسنة الجاية تتحقق كل الاماني |
عموووو وهبه يا عثثثثثثل .... مشتاقين
كل سنه وانت طيب واحلى عمو في البورد دا والبوردات المجاوره ...
انت ما تشيل تاني , انت نديك في كيس عدييييييل كده ..
برضو شيل تاني ..
|
Post: #28
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: هواري نمر
Date: 09-18-2009, 11:02 AM
Parent: #26
اها انا ياقي لي 40 دقيقة و الامساك
احسن اشيل بسكويته تاني..
قبل اليوم يبدأ
بس اوعي يكون كعكك عامله فيه سمن كتير
عشان بعطش...
احترامي...
|
Post: #32
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: saif massad ali
Date: 09-18-2009, 11:35 AM
Parent: #28
عيد سعيد وكل سنة وانتي طيبة
|
Post: #44
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 03:20 PM
Parent: #32
سيف مساعد ....| Quote: عيد سعيد وكل سنة وانتي طيبة |
وانت طيب ... النبي اكان ما شلت تاني ... الدنيا عييييد وكمان انت جبت هديه وكده ما عايزين نرجع صحانتك فاضيه .. النبي تشيل تاني ...
|
Post: #33
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: صديق الموج
Date: 09-18-2009, 11:41 AM
Parent: #28
Quote: لووووووووووووووووووووووووووول
عاد يا ودج الموج
امانه ما اتلومت فيني انا ام الفنجريه .
يابه هوي طايوقي بعلبتو احمد الله .
ارجاني في الضرا واتحزم واتلزم بلاقيك بعد العيد . |
الله يصرف داليا بالله لى كوز الطايوق كلمتك بيه؟
التستنانى الجبانه.
انا قصدى بت قضيم الله يكسرنى حته حته حته حته
حته حته حته حته حته حته حته حته حته حته حته حته
حته حته حته حته حته حته حته حته حته ماقاصدك وامسحيها
لى قى وشى الشين ده وسافى التراب..
وام عصبات ديك التصبر لى،،،
داليا غلطان انا الكلمتك ان شاء الله تعدمى اسم الكبايه لوووووووووووول،،،
|
Post: #34
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: سيف بخيت موسي
Date: 09-18-2009, 12:27 PM
Parent: #33
داليا ياعزيزة
كل عام وانت بألف خير
وعيد مبارك عليك، وعلى الأصدقاء زملاء المنبر وجميع ضيوفه
شاكر جدا على هديتك القيمة ، والامانة وصلناها لأصحابها
تحياتي وامنياتي لك بلاحدود
|
Post: #46
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 03:35 PM
Parent: #34
سيف بخيت يا صحبي ...
| Quote: شاكر جدا على هديتك القيمة |
دا اقل واجب يا امير ... زيارتك السودان كانت لطيفه رغم قصرها والبركه في الفطور اللي لم الناس .. وتستاهل اكتر من كده ...
تحياتي .. وعليك اللله شيل ... الدنيا عييييييد ..
|
Post: #35
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: doma
Date: 09-18-2009, 12:50 PM
Parent: #33
Quote: نا قصدى بت قضيم الله يكسرنى حته حته حته حته
حته حته حته حته حته حته حته حته حته حته حته حته
حته حته حته حته حته حته حته حته حته ماقاصدك وامسحيها
لى قى وشى الشين ده وسافى التراب..
وام عصبات ديك التصبر لى،،، |
لووووووول ود الموج بري ايابه يتكسر عدوك المابيك
تبرا انت من سف التراب
التراب اليكيل خشم المعاديك يا عشايا .
اللوم بجي بالغفلات وحات ابوك .
وبت قضيم حاشاها السرقه
السراريق الله عالمبهم .
|
Post: #38
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: حافظ حسن ابراهيم
Date: 09-18-2009, 02:19 PM
Parent: #37
داليا كباشي سلام .... والله اول بالتبادي انا ما جابني الكعك و ريحتو و الله انا جاي اقول ليك كل سنة و إنتي طيبة و ياربي
تطفي شموع لمين حلقك يوجعك .... لكن تحت تحت كدا لو لقيت لي جردل بلاستيك (جردل بلاستيك دي بتاع خبيز للناس الما برئين زي هواري و صديق الموج و من لف لفهم) ... المهم مش موضوعنا لكن والله الواحد لو لقي ليهو بلاستيك خبيز ما بيابهو ... اصلاً فصلاً نحنا السنة دي ما خبزنا لانو أمي مشت توضع بت خالتي وين كدا ما عارف....
ثانياً يا داليا ... كدي هسي وين أولاُ لكن مش مهم ... تانيا يا داليا والله انا زعلان منك ... طبعاً هسي تكوني نططي عيونك (الاهبل دا انا بعرفوا من وين عشان يزعل مني)... لكن اقول و ليك و ربنا يكفينا شر القوالة الدنيا قبايل عيد ... بس اقول ليك وقت فطور نادية السر ... انا سألت شول قلت ليهو ... يا شول انت داليا كباشي دي هنا ... سألت منك لانو الريده حصلت من بوستك الاول داك لو متذكراهو ... شول ,,, الله يحرق شول ... المهم شول دا طوالي قال لي يا ها دي...طبعا انا كزول خفيف ووزن الريشة جيت عليك طاير طير .. لكن و الشهاده لله انتي كنتي بتتكلمي في التفلون ...
انا: سلام يا داليا انا حافظ
داليا: اهلين (بعدين يا ماما دوما مع أهلين دي في وش البنية دي كان في تعبير ... أها المطلوب شنو؟) ...أهلين وواصلتي في التلفون
بس انا براحة لميت يدي و اتخارجت و سبيت و صبيت جام غضبي علي شول....
عليكم النبي مش حاجة بتزعل؟
يا داليا تاني كل سنة و انتي طيبة و الكلام الفوق دا خستكة ساي ... اصلي انا اليومين دا شغال دروس غزل ... يعني بديت بفادية اليمني مروراً بنادية السر و انتهاء بماما دوما ... لكن جو الحاسدين ديل طلعوا لي غزلي دا كلو كسير تلج ... بس منهم لله و انشاء الله كل سنة و هم طيبين
و لامين
|
Post: #39
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: محمد عبد الماجد الصايم
Date: 09-18-2009, 02:26 PM
Parent: #38
دلوش
كل سنة وإنتي طيبة
كعكي خليهو على جنبة كــدا
بجي بشيلو براي .. آي والله!
|
Post: #40
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: عليش
Date: 09-18-2009, 02:32 PM
Parent: #39
youm alwagffas ya3ni?? الليله عيد ميلادي
3eed sa3ed
|
Post: #50
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 06:55 PM
Parent: #40
عليش....
الوقفه عندكم يوم 28 ولا شنو ؟؟؟
|
Post: #57
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 11:45 PM
Parent: #39
ود الصايم يا عمك ...
والله بخليهو ليك ... وكان ما جيت شلتو بديهو لي حميده ,, اصلو بيضربو في لهطتين كده ...
غايتو للزمن داك اتصبر وشيل تاني ... الدنيا عيد ...
|
Post: #41
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: معاوية عوض الكريم
Date: 09-18-2009, 02:33 PM
Parent: #38
ياخ انت كان تعمل فيها تقليه بس
|
Post: #42
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: حافظ حسن ابراهيم
Date: 09-18-2009, 02:58 PM
Parent: #41
| Quote: ياخ انت كان تعمل فيها تقليه بس |
بس أعمل تقلية من وين يا معاوية انا غير السليقة ما بعرف أعمل اي حاجة ... لهو في خلقه شئون و منهم من خلق تقلية و الاخر ملوخية و بعضهم سليقة و انا من ضمن هذه السليقة الخفيفة علي البطن و البال.....
|
Post: #43
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: معاوية عوض الكريم
Date: 09-18-2009, 03:06 PM
Parent: #42
| Quote: بس أعمل تقلية من وين يا معاوية انا غير السليقة ما بعرف أعمل اي حاجة |
|
Post: #48
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 04:02 PM
Parent: #38
Quote: والله اول بالتبادي انا ما جابني الكعك و ريحتو و الله انا جاي اقول ليك كل سنة و إنتي طيبة و ياربي
تطفي شموع لمين حلقك يوجعك .... |
تسلم والله ودي المحريه فيك ... بعدين حلقي يوجعني ليه ؟؟؟؟ انتو قاعدين تسوو شنو ؟؟؟ لوووووول ....
| Quote: جردل بلاستيك دي بتاع خبيز للناس الما برئين زي هواري و صديق الموج و من لف لفهم |
الليله سجم خشمك .. والله الليله يتلموا فيك الا يخلوا اكبر حته فيك قدر كده ... (واشارت باصبعها) ... يا زول انت قول كلامك سااي بلا اسماء اسي الكتاحه تقوم ..
Quote: ثانياً يا داليا ... كدي هسي وين أولاُ لكن مش مهم ... تانيا يا داليا والله انا زعلان منك ... طبعاً هسي تكوني نططي عيونك (الاهبل دا انا بعرفوا من وين عشان يزعل مني)... لكن اقول و ليك و ربنا يكفينا شر القوالة الدنيا قبايل عيد ... بس اقول ليك وقت فطور نادية السر ... انا سألت شول قلت ليهو ... يا شول انت داليا كباشي دي هنا ... سألت منك لانو الريده حصلت من بوستك الاول داك لو متذكراهو ... شول ,,, الله يحرق شول ... المهم شول دا طوالي قال لي يا ها دي...طبعا انا كزول خفيف ووزن الريشة جيت عليك طاير طير .. لكن و الشهاده لله انتي كنتي بتتكلمي في التفلون ...
انا: سلام يا داليا انا حافظ
داليا: اهلين (بعدين يا ماما دوما مع أهلين دي في وش البنية دي كان في تعبير ... أها المطلوب شنو؟) ...أهلين وواصلتي في التلفون
بس انا براحة لميت يدي و اتخارجت و سبيت و صبيت جام غضبي علي شول....
عليكم النبي مش حاجة بتزعل؟ |
اول حاجه (وش محمر من الخجل ) ... وحيات الله انا الناس اللي لاقيتهم اليوم داك ماشالله كتار شديد ( ربنا يزيد ويبارك) ... وسلموا علي اكتر من زول .. عشان كده على النهايه كده
كان تركيزي انتهى خلااااااص (وش عيونو زايغه من التعب) .. بعدين برضو جاني تلفون مزعج شويه من الشغل ..كان في مريض تعبان شويه لكن اسي تمام والحمد لله وافتكر
غالبا يكون دا التلفون اللي سلمت علي اثناءه ... على العموم لك العتبى حتى ترضى ... واللامك دارك يا حافظ ...
يديك الف عافيه ... وعشان ما تزعل ...شيك الشياله كلها .. اها شنو ليك ... ؟؟؟ كل سنه وانت طيب والعفو والعافيه
|
Post: #47
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 03:42 PM
Parent: #37
ياسر بيناوي....
Quote: دلووووش
كل سنة وانتو طيبين |
وانت طيب ... شكرا على العيديه ...
النبي تشيل تاني ... الدنيا عيد ... حبابك ...
|
Post: #45
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 03:26 PM
Parent: #33
اااااااابا صديق ...
Quote: الله يصرف داليا بالله لى كوز الطايوق كلمتك بيه؟
التستنانى الجبانه.
انا قصدى بت قضيم الله يكسرنى حته حته حته حته
حته حته حته حته حته حته حته حته حته حته حته حته
حته حته حته حته حته حته حته حته حته ماقاصدك وامسحيها
لى قى وشى الشين ده وسافى التراب..
وام عصبات ديك التصبر لى،،،
داليا غلطان انا الكلمتك ان شاء الله تعدمى اسم الكبايه لوووووووووووول،،، |
عليك الله اللخبته والجرس اسي في داعي ليها ؟؟؟؟؟؟؟ بس ماما دوما خشت البوست طوالي كلامك نكرتو ... واسي كا بت قضيم خشت كلامك بتقول مل قلتو ... غايتو
عالم تخاف ما تختشيشي ... للللللووووووووووول ..
سلامتك اااابا صديق انت من سف التراب تسلم لينا وتعيش انت يا رب .... وبالمناسبه دي شيل تاني عليك الله ,, افتح ليك بارد ؟؟؟
|
Post: #51
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 07:03 PM
Parent: #45
سلاما ت الناس القاعدين ...
بس عايزه اقول حاجه ...
زول متابع البوست لكن ما اتاخل لظروف تقنيه ... لكن رسل التهنئه بالتلفون ...
كل سنه وانت طيب والسنه الجايه (تامي) و (لامي) ... وهااااااك الشياله ... عليك الله تشيل ... الدنيا عييييييييد ...
|
Post: #52
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: الفاتح يوسف جبرا
Date: 09-18-2009, 07:48 PM
Parent: #51
| Quote: وعشان ما تزعل ...شيل الشياله كلها .. اها شنو ليك ... ؟؟؟ |
جينا وما لقينا شياله !!!
كسرة :
مش كان تقولى ليا إنو عيد ميلادك ...... !!!
|
Post: #53
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: يسرى معتصم
Date: 09-18-2009, 07:59 PM
Parent: #52
الأخت الفاضلة/ داليا
السلام عليكم ورحمة الله وبركاته
وكل عام والجميع بخير
وعيد ميلاد سعيد وكل سنة وأنتى طيبة
تقديرى
|
Post: #58
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 11:51 PM
Parent: #53
يسرى معتصم ...
سلامات وكلو سنه وانت طيب ... سافرت ولسه قاعد معانا ...
| Quote: وعيد ميلاد سعيد وكل سنة وأنتى طيبة |
انت طيب وبي صحه وعافيه ...
تحاتي للمدام ...
|
Post: #54
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: ابوبكر على
Date: 09-18-2009, 08:08 PM
Parent: #52
كل سنة و انت طيب يادكتورة
و الجميع بخير
مافى منين؟
|
Post: #55
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: وجدان جمال
Date: 09-18-2009, 08:32 PM
Parent: #54
كل سنة وانت طيبة ياداليا
والكعك مباااااااالغة والله
كل سنة وانت طيبة تانى ..!!
|
Post: #61
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: JAD
Date: 09-19-2009, 01:34 AM
Parent: #55
العيد عيدين إذاً يا دكتورة داليا ..
كل عام وأنت بألف خير ..
وأتمنى لك عمر مديد وحياة سعيدة ..
كعكي ومجعولي يستلمه عني الأخ ود الصايم ..
الخال ود الموج .. وخر من السكريات يا شيبة ..
للجميع عملاً مقبولاً .. عيد سعيد للجميع ..
أعاد الله علينا رمضان أعوام وأعوام ..
جاد
|
Post: #74
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-19-2009, 01:59 PM
Parent: #61
Quote: كعكي ومجعولي يستلمه عني الأخ ود الصايم ..
|
انت متاكد من الكلام دا ؟؟؟؟ يعني جواب نهائي ؟؟؟ يعني ما تغير رايك دا؟؟؟؟
| Quote: الخال ود الموج .. وخر من السكريات يا شيبة .. |
والله كلامك دا اخير تسحبو .... خالي دا كان جاك الا تستعين بصديق ...
|
Post: #56
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-18-2009, 11:40 PM
Parent: #52
استاذي الفاتح يوسف جبرا ... المحترم ...
مرورك في حد ذاتو لا يقدر باي ثمن ... تسلم والله ... وعشانك مش شياله .... مقدار كاااااااامل بتاع عجين من اول جديد ...
Quote:
كسرة :
مش كان تقولى ليا إنو عيد ميلادك ...... !!! |
اها اسي عرفت .... يلا الهديه وينا ؟؟؟؟
عليك الله شيل تاني الدنيا عيييييد ...!!!
|
Post: #59
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: حذيفه ابراهيم الكباشي
Date: 09-18-2009, 11:58 PM
Parent: #56
بت عمنا الاسفيري
كل عام وانتي بألف خير والعام القادم في ازدهار وتقدم
..
|
Post: #60
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: طارق جبريل
Date: 09-19-2009, 00:10 AM
Parent: #59
كعكم دة خبر ولا شنو
مالو ما عندو ريحة
|
Post: #62
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: عبد المنعم سيد احمد
Date: 09-19-2009, 02:05 AM
Parent: #60
الزميلة..داليا
كل سنة وانت دائمة الاشراق
ومن دربك ده عديل..على الخطوط الكندية..
طرد..الكعك..لازم يصل يوم الوقفة..
طبعا حتقولى..طرد يعنى شنو.
|
Post: #63
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: صديق الموج
Date: 09-19-2009, 02:52 AM
Parent: #62
داليا مادام ضيوفك ديل بجو ايدينهم فاضيات اديهم يشربوا،،،
|
Post: #68
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-19-2009, 11:12 AM
Parent: #60
طارق جبرين ... ود عمي الاسفيري ...
ازيك يا اباا عللك طيبي ؟؟؟
مشتاقين والله ...
الكعك اكان ما وصلتك ريحتو الطاقه في المنبر دي فاعلم ان لديك نزله ابو كديس , غالبا تسبب بها كترت الفطور الجماعي اللي بره البيت ... لووووووول
تسلم على المرور يا ابوي ... و غسمتك اكان تشيل تاني ... الدنيا عييييييييد ...
|
Post: #77
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-19-2009, 08:48 PM
Parent: #59
حذيفه ابراهيم الكباشي...
ابن عمي الاسفيري ... كل سنه وانت طيب ,,, تلم على المرور... ولانك ود عمي .. شيل كتييييييييييير ... الدنيا عييييييد ..
|
Post: #64
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: Hatim Elmaki
Date: 09-19-2009, 03:03 AM
Parent: #1
كــــــــــــل سنة و انت طيبة
وعقبال مية شمعة..
وربنا يحقق ليك كل امانيك..
العيد مبارك عليك و كل سنة طيبين
و بالصحة و السلامة
و ان شاء الله من العايدين
|
Post: #65
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: صديق الموج
Date: 09-19-2009, 05:45 AM
Parent: #64
داليا شوفى الناقص شنو وادينى تلفون
اهودى الطورطه والشمع وبوكيه التهنئه
باقى بالونات بلحقن ليك قبل الضيوف ما يجوا
ودعتك الله،،،
|
Post: #66
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: abdalla osman
Date: 09-19-2009, 06:17 AM
Parent: #65
كل سنة وانتي بخير يا داليا وتتحقق كل امانيك يا رب.
|
Post: #71
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-19-2009, 01:03 PM
Parent: #66
abdalla osman....
تسلم يا رب ... وعليك الله تشيل ... الدنيا عيد ..
|
Post: #67
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: صديق الموج
Date: 09-19-2009, 06:37 AM
Parent: #65
ياخى نفخ البالون عمل لينا لوز
ما يكون بعد ده ضيوفك ناس دوما وبت قضيم
واميرة الشيخ وانعام حيمورة يقولو الا يضبحوا ليهم،،،
|
Post: #69
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-19-2009, 12:21 PM
Parent: #67
يا اااااااااابا صديق...
هيييييييييييييييييه .... بلالاين بلالين ... والله فرحت فرح ....!!! زي العملت عيد ميلاد جد جد ,,, انشالله يوم شكرك ما يجي يا باااابا ..
Quote: ما يكون بعد ده ضيوفك ناس دوما وبت قضيم
واميرة الشيخ وانعام حيمورة يقولو الا يضبحوا ليهم،،، |
انت عايز تفتني تاني صاح ؟؟؟ كان ليك .... والله ان دارو الضبيحه نضبح ليهم تب ... الفوره الف ... او كما قال تمبس ...
تحياتي وعليك الله ما تمشي يدك فاضيه ...
|
Post: #70
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: يسرى معتصم
Date: 09-19-2009, 12:27 PM
Parent: #69
الأخت داليا
سلامى وسلام المدام
تصدق ولا صورة مانزلت لينا فى الأفطار
زعلان شديد
تـانى توبة من الفطور مع بورداب الخرطوم
إتلومو معاى
|
Post: #72
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: JAD
Date: 09-19-2009, 01:08 PM
Parent: #70
مكرر
|
Post: #73
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-19-2009, 01:12 PM
Parent: #64
Hatim Elmaki.....
Quote: كــــــــــــل سنة و انت طيبة
وعقبال مية شمعة..
وربنا يحقق ليك كل امانيك..
العيد مبارك عليك و كل سنة طيبين
و بالصحة و السلامة
و ان شاء الله من العايدين |
تسلم وانت طيب وبالصحه والسلامه ... عليك الله تشيل في جيبك كمان.. الدنيا عيييييد
|
Post: #75
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: انور التكينة
Date: 09-19-2009, 02:30 PM
Parent: #73
دلوية ...
|
Post: #76
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-19-2009, 03:13 PM
Parent: #75
عمو انور ... (كيه في الما عاجبو ) ..
وانت طيب وتسلم على مرورك الذي يسعدني دوما ...
شيل الشياله كلها .... ما كتيره عليك ... الدنيا عييييييييد ..
|
Post: #78
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: Sidgi mattar
Date: 09-19-2009, 09:17 PM
Parent: #76
كل عام وانتى بالف خير
شوية بسكويت للضيوف وعيدكم مبارك
تسلمى
|
Post: #80
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-20-2009, 04:17 AM
Parent: #78
صديق مطر ...
كل سنه وانت طيب وربنا يحقق الاماني انشالله ...
تسلم على البسكويت والتورته ... وانت مننا نحن شيل كعك ... الدنيا عييييييييد ....
|
Post: #79
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: حبيب نورة
Date: 09-19-2009, 09:18 PM
Parent: #76
غايتو يا داليا
أنا ياسين دة اكون طالبك
تشيلي وتحلّفي وكمان تخصمي بالرسول
يازولة لو جيت السودان بعد مية سنة
تكفِّيني ديني
وكمان ما جايي و إيدي فاضية
عشان تشيلي حالي وتدقي طاري
جيتك بي بطاقتي
اها أتفقنا؟؟
أتفقنا !!
علي بركة الله
|
Post: #81
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-20-2009, 04:37 AM
Parent: #79
حبيب نوره .. حبابك انت وحبيبتك ...
Quote: غايتو يا داليا
أنا ياسين دة اكون طالبك
تشيلي وتحلّفي وكمان تخصمي بالرسول
يازولة لو جيت السودان بعد مية سنة
تكفِّيني ديني
|
يا زول تمام ... شوف الللي بينط منو ؟؟؟
كل سنه وانت سالم انشالله ...
علييييك الله الزول داك قول ليهو دلوشه بتسسسسسسلم عليك وقالت ليك كل سنه وانت معاها يا رب .. ثمح ؟؟؟
|
Post: #82
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: حبيب نورة
Date: 09-20-2009, 05:55 AM
Parent: #81
الزول منو يا دلش؟؟؟
طبعاً قعدت أمعط في شعري المفرود
بي الكريم الداير يعمل لينا مشكلة إختلاط انساب دة
وبرضو ما عرفت الزول داك
يا بت الناس الشعر دة انا خسران فيه فينوس و داكس و جيل
مالك دايرة تصلعي بي!
عندك لي سلة؟؟؟
سلة غزاء العالم !!!
|
Post: #83
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: امير بشير حمد
Date: 09-20-2009, 06:07 AM
Parent: #82
داليا
أهديك العيد
وكعك العيد
والموج العنيد
|
Post: #84
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-20-2009, 06:45 AM
Parent: #83
امير البشير يا امير ...
كل سنه وانت سالم ...
الموج دا منو ؟؟؟ اوعى يكون اباااا صديق ...؟؟؟ والله الليلي كان سمعك واطتك اصبحت ..
حبابك عليك الله تشيل .. الدنيا عييييييد ...
|
Post: #85
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-20-2009, 07:38 AM
Parent: #82
غايتو يا حبيب نوره جنس اسئله تعسفيه .....!!!
ما تخلي الكلام في سرك ياخ !
|
Post: #86
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: محي الدين جبريل
Date: 09-20-2009, 07:44 AM
Parent: #85
كل سنة وإنت طيبة ياداليا وربنا يحقق أمانيك
والسنة الجاية فارزة عيشتك وخابزة براااك ..
قولى آمييين
وبعدين
ماتجدعى لينا شوية كعك ... أصلى شغال من الصباح والجبتو من البيت هرسوه الجماعة المعاى
أصلم زى الدقاقات بتاعة العيش ...
مكتبنا قريب منك أعتقد
محبتى
|
Post: #87
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-23-2009, 07:00 AM
Parent: #86
الاستاذ محي الدين ...
كل سنه وانت طيب والسنه و الجايه على امانيك ....
Quote: والسنة الجاية فارزة عيشتك وخابزة براااك ..
|
ايوه ... دي الدعوات الكاربه ولا بلاش ... شابكيني انشالله اخصائيه كبيره وما بعرف شنو ...؟؟؟؟
| Quote: مكتبنا قريب منك أعتقد |
من الشغل ولا من البيت ...؟؟؟
شيل كعكم وكل سنه وانت طيب .....
|
Post: #88
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: Emad Abdulla
Date: 09-23-2009, 07:26 AM
Parent: #87
قرقوش .. عندكم ؟
.....
أو قراصة بلح .. في ؟؟؟
|
Post: #89
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: شول اشوانق دينق
Date: 09-23-2009, 07:45 AM
Parent: #88
كل سنة وإنتى طيبة يا دكتورة
|
Post: #92
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-23-2009, 07:57 AM
Parent: #89
| Quote: كل سنة وإنتى طيبة يا دكتورة |
شول يا صحبي ... وانت طيب يا رب ...
والله فرحت فرح لمن لقيتك وقلت بركه الرفعت البوست عشان تخش لي ...
يلا شيل كعك كتيييير .. بس اوعى تقع من البلكونه ... لوووووووول ...
|
Post: #90
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: soma
Date: 09-23-2009, 07:52 AM
Parent: #88
الحبيبه داليا
سلامات وكل سنة وانتى العيد
وعيدك كلو سمح و جديد
ربنا يحقق كل امنياتك يا رب
الحمد لله التقينا والدنيا عيد
يعنى الفرحه حاتكبر اكيد
وياهلا ومرحبابك من جديد
خالص محبتى
اسماء الجنيد/ مسقط
|
Post: #93
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-23-2009, 08:01 AM
Parent: #90
Quote: سلامات وكل سنة وانتى العيد
وعيدك كلو سمح و جديد
ربنا يحقق كل امنياتك يا رب
الحمد لله التقينا والدنيا عيد
يعنى الفرحه حاتكبر اكيد
وياهلا ومرحبابك من جديد |
...
تسلمي يا سوما يا عسل ... مرورك احلى عيد .... عليك الله تشيلي تاني ... الدنيا عييييييييد ...
|
Post: #91
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: داليا الكباشى
Date: 09-23-2009, 07:54 AM
Parent: #88
Quote: قراصة بلح .. في ؟؟؟
|
دي زواده الشوايقه لمن كان السفر بالقطر ... انت مالك ومالها ...؟؟؟
انت مسافر يا كيشه ؟؟؟؟
|
Post: #94
Title: Re: **** كعك العيد **** (الرسول فيكم كان ما شلتو واحده .. الدنيا عيد !!)
Author: عبد المنعم سيد احمد
Date: 09-29-2009, 01:50 PM
Parent: #91
لا كعك..لا معايدة
امانى ما اتلومتو عاد
ومعذرة
|
|