Post: #1
Title: ضل راجل ..ولااااضل برج الفاتح !
Author: داليا حافظ
Date: 09-17-2009, 09:32 AM
ضل راجل ....ولااااضل حيطة ..
مثل قديم لم يخرف بعد ..مثير جدا للإهتمام ..
وشرحو فيهو خيارات كتيرة ..ماذا تختار عزيزي او عزيزتي من الخيارات الجاية ..
حاشية :
إختيار برج الفاتح لكونه صاحب اكبر "ضل حيطة" في السودان ..
|
Post: #2
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 09:33 AM
Parent: #1
شفرة الحل ..
عزيزي ..
خيالك فيهو شيء يحير ..
|
Post: #3
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 09:37 AM
Parent: #2
خيار أول
هل يعني المثل ان تكوني عزيزتي في ضل راجل أحسن من أن تكوني في ضل حيطة "مجازا" وهل المجاز ده
معناهو ان الضل يعني الحماية فانت في ضل راجل يعني في حمايتو ..بما أن الضل حماية من الشمس ؟
همسة :
لو إخترت الخيار ده حتى لو صاح ما حتفوز في المسابقة ..شوف غيرو ..وبرضو الحرية مكفولة للجميع ..
|
Post: #4
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 09:39 AM
Parent: #3
خيار تاني ..
أم ان المثل يعني ان خيال الراجل أفضل من خيال الحيطة ..وبالتالي افضل للمراة ان تحصل ولو على
خيال راجل ....وهي مقاربة فيها سر لا يعلمه إلا قائل المثل "رحمه الله" ..
*"عاين ده خيار عادي بفتقر للخيال ..فطو "
|
Post: #5
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 09:42 AM
Parent: #4
خيار تالت
أم المقصود الافضل التشعلق بخيال رجل ..بدلا من أن تجد المرأة نفسها فجأة تحت ضل حيطة تبكي
وتقشقش "مخاخيتها " فوقا الحيطة ذاتها ويتلوث المكان ..ثم يقصر الضل ويقصر وتلقى روحا في
الصقيعة ..
"إذا قرفت فطو ولو ما قرفت برضو فطو "
|
Post: #7
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 09:44 AM
Parent: #5
أسئلة فرعية ..
ما شايف أنو المثل ده فيهو غمز ولمز كتير ؟
فهل هو ضد المراة ؟..أم يستهين بالرجل ؟ أم يقلل من شأن الحيطة ؟
|
Post: #8
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 09:48 AM
Parent: #7
بخرة مطبقة زي الأوكرديون ..
وبصوت خااافت
و بدون معاني مستترة
ضل الحيطة أكبر وثابت ويمكن التكييف معه وفق الفصول ..ضل الراجل بتقبض كييييف؟
وكيف نراهن على شعبية ضل راجل في ظل العمارات السوامق ...؟
ثم لماذا تباري المرأة الضللة أصلا يعني هي ...؟
حاشية : أوعا الشرك يقبض ..
|
Post: #6
Title: Re: ضل راجل ..ولااااضل برج الفاتح !
Author: صديق الموج
Date: 09-17-2009, 09:42 AM
Parent: #3
داليا كل سنة وانت طيبة
شيطانه لقيتك
الفاتح ده بيت القصيد ما برجو..
لووووووووول،،،،
|
Post: #9
Title: Re: ضل راجل ..ولااااضل برج الفاتح !
Author: محمد الأمين موسى
Date: 09-17-2009, 09:49 AM
Parent: #6
حسب علمي إنو الفاتح ده واحد مروق وباني ليهو برج في نمرة اتنين وهو راجل ونص... يعني سيك سيك معلق فيك!!!
|
Post: #12
Title: Re: ضل راجل ..ولااااضل برج الفاتح !
Author: عواطف ادريس اسماعيل
Date: 09-17-2009, 09:56 AM
Parent: #9
ست الحسن ..
يسعد مساك ..
عندي سؤال واحد ...
افرض مثلا !! مثلا يعني !!
ما ممكن الإحتفاظ بالضلين معا عشان لو الضل الأولاني مشى يكون في الضل التاني ؟؟؟
أرجو الإجابة بشفافية ( وش بدون تعبير )...
كل عام وضلك عامر ...
|
Post: #15
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 10:19 AM
Parent: #12
| Quote: ما ممكن الإحتفاظ بالضلين معا عشان لو الضل الأولاني مشى يكون في الضل التاني ؟؟؟ |
طوفة ويييينك ياخ ؟
كل سنة وأنت طيبة ..
المثل اصلا ماقال ضل راجل أو ضل الحيطة ..هو فضل ضل الراجل
تفتكري لو القال المثل ده كان شاف برج دبي او أبراج كولالامبور كان جاب سيرة الضللة ..(في شفافية
اكتر من كدة )..
يعني لازم تحرقونا يعني ..
|
Post: #18
Title: Re: ضل راجل ..ولااااضل برج الفاتح !
Author: عفاف الصادق بابكر
Date: 09-17-2009, 10:26 AM
Parent: #15
| Quote: تفتكري لو القال المثل ده كان شاف برج دبي او أبراج كولالامبور كان جاب سيرة الضللة ..(في شفافية اكتر من كدة ).. |
في الحالة دي .. كملتي الشفافية ..
حيرتونا زاتوووووووووو ..
داليا - كيفنك يا الغالية ..
بت الصادق
|
Post: #10
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 09:50 AM
Parent: #6
المثل ده زي "ود الموية " والاهداء لوليد المبارك ..
كل سنة وانتو طيبين ..
|
Post: #11
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 09:54 AM
Parent: #6
الفاتح ده بيت القصيد ما برجو..
افراح الموج ..
والله لا الفاتح لا برحو ..الفكرة حيطتو ..
لولييين
خلي خصوبية الخيال ياخ
|
Post: #13
Title: Re: ضل راجل ..ولااااضل برج الفاتح !
Author: محمد الأمين موسى
Date: 09-17-2009, 09:59 AM
Parent: #11
| Quote: ما ممكن الإحتفاظ بالضلين معا عشان لو الضل الأولاني مشى يكون في الضل التاني ؟؟؟ |
يا عواطف حبوباتنا زمان قالن: صاحب ضلين كضاب!!!!
|
Post: #16
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 10:21 AM
Parent: #13
| Quote: يا عواطف حبوباتنا زمان قالن: صاحب ضلين كضاب!!!! |
وقال برضو يا محمد
عينك في الحيطة تطعن في ضلها ..
|
Post: #14
Title: Re: ضل راجل ..ولااااضل برج الفاتح !
Author: حبيب نورة
Date: 09-17-2009, 10:08 AM
Parent: #11
v sweeeeeeeeet ya manga
how r u
|
Post: #17
Title: Re: ضل راجل ..ولااااضل برج الفاتح !
Author: خالد علي محجوب المنسي
Date: 09-17-2009, 10:25 AM
Parent: #14
العنوان أجمل ما يكون
لكن دخلت مافهمت أي شئ
هل فهمنا خرب
الله أعلم
تحياتي داليا
|
Post: #21
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 10:40 AM
Parent: #17
Quote: لكن دخلت مافهمت أي شئ
هل فهمنا خرب |
كدي أقرا البخرة يا خالد إمكن تساعدك شوية لووووول .
ــــــــــــــــــــــــــــــــ
أو البركة في العنوان ..
|
Post: #19
Title: Re: ضل راجل ..ولااااضل برج الفاتح !
Author: عصام علي أحمد
Date: 09-17-2009, 10:27 AM
Parent: #14
دلو
الكلام ده ينطبق علي رجال زمان
البكسروا العناقريب
|
Post: #22
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 10:53 AM
Parent: #19
| Quote: الكلام ده ينطبق علي رجال زمان |
الحكمة مافي رجال زمان يا عصام الحكمة في ضلهم ..
|
Post: #20
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 10:29 AM
Parent: #14
تحلى أيامك
فروحة كيف؟
|
Post: #23
Title: Re: ضل راجل ..ولااااضل برج الفاتح !
Author: منصور عبد الرازق
Date: 09-17-2009, 10:56 AM
Parent: #20
تحباتى
اولا القصة كلها قائمة على افتراضات , نتناقش اولا فى مدى صحتها
الأفتراض الأول , كون انو فى زول , داقاهو الشمس و وحارقاهو حريق
والأفتراض التانى , تقدير الزول الداقاهو الشمس لى حجم الضل اللازم للتضليل
والأفتراض الثالث ,شمس الزمن ده وسخانتها , هل يكفى للخلاص منها مجرد (ضل ) ؟؟
ثم تساؤل منطقى اضافى بناءا على الأجابات
الم تتطور حوائج (الناس الضارباهم الشمس ) الى اكثر من مجرد ضل , مكيفات مثلا
تتدرج من مكيف الموية , للفريون , للأسبيلت , للمركزى , وصولا (لثلاجة موز تتمنى ان تخش جواها ويقفلوا عليك الباب من
برة , والمفتاح يضيع كمان ؟؟!!)
ملاحظة عابرة من غير شمس ولا ضل
طرح لطيف لموضوع كبير اشكرك عليه
|
Post: #25
Title: Re: ضل راجل ..ولااااضل برج الفاتح !
Author: محمد زكريا
Date: 09-17-2009, 11:12 AM
Parent: #23
هيييييييييي المثل واضح وصريح مافي داعي ل اللف والدوران والفلسفه
ضل راجل ولا ضل حيطه= المراه تعرس ليها اي راجل بدل ما تكون عزابيه
الضل=الستره من الحر
انا زاتي بفضل انو ضلي تقعد فيهوا اي حاجه بدل ماهو مرمي ساكت بدون فائده
رايكم شنو في الضل الكبير = ممكن يشيل اربعه متظللات
تحياتي
|
Post: #26
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 11:41 AM
Parent: #23
| Quote: الم تتطور حوائج (الناس الضارباهم الشمس ) الى اكثر من مجرد ضل |
حوايج الناس إتطورت يا منصور ..لدرجة الواحد ما عارف أخر مرة شاف ضلو متين ..
|
Post: #24
Title: Re: ضل راجل ..ولااااضل برج الفاتح !
Author: Ishraga Mustafa
Date: 09-17-2009, 11:01 AM
Parent: #20
| Quote: معناهو ان الضل يعني الحماية فانت في ضل راجل يعني في حمايتو ..بما أن الضل حماية من الشمس ؟ |
كل سنة وانتى طيبة يا داليا وكل ايامك اعياد
المثل ده سوادانى؟ ولا مصرى ولاّ مشترك فى حلايب؟
وقفتنى حكاية الضل دى وحمايتو من الشمس للبيقعد تحتو؟
وقفتنى لانو الايام دى قايم علىّ ظار التأمل فى الضل..
العلاقة بين المرأة والرجل فيها وليها تعقيداتها
لكن متيقنه من حاجة واحدة, اللحظة اللى تنكشط الرحمة من العلاقة دى بتبدأ النقة واقنعنى واحمنى وبطلقك والخ....
غايتو ماعندى اى مشكلة فى حماية {راجلى}
لانو ده اللى بيميزهو من غيرو من الرجال اللى ممكن انق معاهم واقول ليهم اقنعونى...
--------
قالت ليهو اقنعنى
قال ليها { هو انا لو بقدر اقنعك كنت عرستك { شوفى وش قدر البطيخة بالله}
|
Post: #27
Title: Re: ضل راجل ..ولااااضل برج الفاتح !
Author: داليا حافظ
Date: 09-17-2009, 12:09 PM
Parent: #24
كل سنة وانت بألف خير يا د/ إشراقة
| Quote: وقفتنى لانو الايام دى قايم علىّ ظار التأمل فى الضل.. |
وانا قايم علي ظار التأمل في الامثال
ودستوووور يا ضلنا ...
|
Post: #28
Title: Re: ضل راجل ..ولااااضل برج الفاتح !
Author: GeerTor Tong
Date: 09-17-2009, 12:22 PM
Parent: #27
إزيك يا داليا...
| Quote: ودستوووور يا ضلنا ... |
انتي غلط يا داليا.
الضل اللي كان مقصود هو لمن كان الشمس بتشرق على الرجال
قير تور
|
Post: #29
Title: Re: ضل راجل ..ولااااضل برج الفاتح !
Author: ناجي عز الدين الصديق
Date: 09-17-2009, 12:22 PM
Parent: #24
الفاضلة داليا
كل عام وانتي بالف خير وعافية
هناك ثلاثة نقط جوهرية تتعلق بقضية المرأة في اختيارها ضل راجل او ضل حيطه
1 ـ إن الرجل والمرأة ، يؤلفان شطري الإنسانية ، وهذا وجه تشابههما .
2 ـ إن الرجل غير المرأة ، فقد أعد كل منهما لمهام معينة ، وهذا وجه اختلافهما .
3 ـ إن الرجل والمرأة مكملان الواحد للآخر ، وهذا وجه ائتلافهما .
فلكونهما متشابهين ، ينبغي أن يشتركا في كل شئ
ولكونهما مختلفين يجب أن يتفرغ كل منهما للعمل الذي أعد له .
ولكونهما مكملين الواحد للآخر ، يتحتم على كل منهما أن يرمي إلى راحة الآخر وسعادته .
تخريمه : برضو تقولي ليه ضل حيطه يا داليا
وإلى الملتقى
|
Post: #30
Title: Re: ضل راجل ..ولااااضل برج الفاتح !
Author: Eng. Mohammed al sayed
Date: 09-17-2009, 01:14 PM
Parent: #29
رسمت مقالك في اسكيتش
وجدت:-
شمس.... وشعاعها
***
أبراج ....وظلـها
***
رجال .....وظلهم
***
نساء ....(كالاشباح) بلاظل
بحثت عن ظلهن,من أخذ ظلهن,تراه تواري بين الابراج,أم هو الرجل أخذه,أم هن وارينه لسبب ما
.....................
من يخبرني أين ظلهن في تلك اللوحة , من جعلهن كلاشباح
|
Post: #31
Title: Re: ضل راجل ..ولااااضل برج الفاتح !
Author: الطيب العامرى
Date: 09-17-2009, 03:59 PM
Parent: #30
قال فيلسوف
المرأة تطلب من الدنيا رجل وعندما يأتى الرجل تطلب منه كل شى
|
Post: #32
Title: Re: ضل راجل ..ولااااضل برج الفاتح !
Author: عبدالعزيز الفاضلابى
Date: 09-17-2009, 06:26 PM
Parent: #31
| Quote: خيال راجل ....وهي مقاربة فيها سر لا يعلمه إلا قائل المثل "رحمه الله" .. |
داليا وضيوفها الكرام الفطور منهم والصيام , , القائمين الليل منهم والنيام ,, لكم منى مليون سلام ..
ورمضان كريييييييييييييييييم
اول شئ ياداليا يا اختى ايش دليلك انو المثل ده قالو راجل?
حسب ذاكرتى لم اسمع رجلا يردد هذا المثل قط . بل سمعت بعض النساء يرددنه
لإقناع الفتاة التى يكون لديها موقفا رافضا للزواج ان الزواج من رجل حتى ولو راجل سجمان افضل من عدم الزواج ولذلك جاء فى المثل (راجل) بصيغة التنكير ,, يعنى اى راجل والسلام. فالرجل هو السند وهو العاف وهو المحصن بعد حصن البكارة ,, وهو ابوالولد اما عدمه فهو ضل الحيطة الذى يتركك فى الهجير حالما تميل عنه الشمس ,, او اذا غربت عم الظلام فانتفت الحاجة الى الحائط.
|
|