Post: #1
Title: معرض الكتاب المليوني بمدني أين منه حمور وتاج وهشام؟؟؟
Author: محمد الطيب يوسف
Date: 09-16-2009, 08:03 PM
أختتمت اليوم فعاليات معرض الكتاب المليوني بمدينة ودمدني بحدائق وقيع الله ,,, مادفعني للذهاب هو محاولة العثور غير المجدية لسيرة أمدرمانية لحمور زيادة والأحمسة لتاج السر الملك وواحدة من روايات هشام آدم ولكن للأسف لم أجد احداها بل كان الابداع السوداني غائباَ تماماَ عن المعرض
ترى هل تقع مسئولية وصول الانتاج السوداني للقارئ علي كاهل المبدع أم لا
|
Post: #2
Title: Re: معرض الكتاب المليوني بمدني أين منه حمور وتاج وهشام؟؟؟
Author: محمد الطيب يوسف
Date: 09-16-2009, 08:12 PM
Parent: #1
لفت انتباهي أن الحضور كان مشجعاَ رغم الضائقة الماليةوارتفاع أسعار الكتب لا زال السسودان يقرأ ويعشق القراءة
|
Post: #3
Title: Re: معرض الكتاب المليوني بمدني أين منه حمور وتاج وهشام؟؟؟
Author: أمين محمد سليمان
Date: 09-16-2009, 08:17 PM
Parent: #1
يا سعادتك ما لاقي لي سبب أكون مشتاق ليك ، لكن والله مشتاقين !
إنت متين مشيت السودان و بقيت تزوزي في مدني ؟!
بعدين شوف يا سعادتك حمور ده كاتب نمطي و كتاباتو كلاسيكيه و ما فيها إبداع ، و لعلمك أنا من ما قريت الروايات بتاعت سيد إبراهيم الجابه ديك بقيت أكتب أحسن من حمور ، فأرجو منك إنو تدرجني مع الناس ديل و تسأل من كتبي - باعتبار ما سيكون - كأحد مبدعي بلادي عشان ما أخرب ليك بوستك ده ....
|
Post: #4
Title: Re: معرض الكتاب المليوني بمدني أين منه حمور وتاج وهشام؟؟؟
Author: محمد الطيب يوسف
Date: 09-16-2009, 08:29 PM
Parent: #3
بحثت عن غابة صغيرة لنصر حاج وآلام ظهر حادة لعبد الغني كرم الله
ولكن!!!
|
Post: #5
Title: Re: معرض الكتاب المليوني بمدني أين منه حمور وتاج وهشام؟؟؟
Author: محمد الطيب يوسف
Date: 09-16-2009, 08:52 PM
Parent: #4
سعادتك ازي ياخ
يومتا لقيتك بتتكلم عن مشاكل الاي ار تي في امريكا لما انخلعت
قلت ناس الكلاكلة شغلتم في امريكا شنوكمان 
حمور ركيزة اساسية للكتاب الشباب السودانيين في الحراك الثقافي المعاصر ياعمك
|
Post: #6
Title: Re: معرض الكتاب المليوني بمدني أين منه حمور وتاج وهشام؟؟؟
Author: محمد الطيب يوسف
Date: 09-17-2009, 02:24 PM
Parent: #5
..
|
Post: #7
Title: Re: معرض الكتاب المليوني بمدني أين منه حمور وتاج وهشام؟؟؟
Author: حمور زيادة
Date: 09-17-2009, 02:40 PM
Parent: #6
سلام يا محمد ..
النت معاكس لكن بحاول ليك رد سريع ..
النشر ده مهمة دار النشر و ليس مهمة الكاتب .. هسه انا و الله زاتو ما عارف انو الكتاب مشى ياتو معرض او في ياتو مكتبة الا بالصدفة القى معلومة زي انو شارك في معرض في سوريا قبل ايام.
من الصعب ان تكتب ثم تطارد نسخ كتابك لتعرف اين وصلت.
مثلا معرض مدني هذا اول مرة اسمع به .. فأشك أن يكون ناشري في القاهرة قد سمع به ايضا.
دار النشر التي تعاملت معها تشارك في معرضين في الخرطوم. هل هناك دار نشر محلية اشترت منهم كمية ؟ لا ادري .. ما اعرفه ان الكتاب موجود في السودان في دار عزة و في دار جامعة الخرطوم للنشر .. هل يوجد في مكان اخر ؟ الله اعلم.
كمية من انصاف الاجابات التي ربما لا ترضيك .. لكن كما قلت لك سابقا لا استطيع ان اكتب و اطارد الكتاب عبر المكتبات و المعارض بعد ذلك.
|
Post: #8
Title: Re: معرض الكتاب المليوني بمدني أين منه حمور وتاج وهشام؟؟؟
Author: محمد الطيب يوسف
Date: 09-17-2009, 06:36 PM
Parent: #7
حمور كل سنة وانت طيب
ما قصدي انك تطارد كتابك في المكتبات والمعارض لكن بهمني بشكل أساسي توفره بالنسبة لي كمتلقي
وبعتقد انو ده مفروض يكون شرط أساسي تشترطه علي دار النشر فالسودان ليس الخرطوم فقط ونحن كقراء في
أصقاع السودان من حقنا نقرا كتابك برضو ولاشنو
لم يؤلمني غيابك وحدك ياصديق لكنني اضطررت غير آسف لشراء رواية شيكاغو لغياب الابداع السوداني عن المعرض
وبما أن الابداع السوداني لايقل عن غيره تبقي المشكلة مشكلة توزيع عشان كده سالتكم وشكرا شديد لانك رديت وماشخت لي زي البقية
تحياتي
|
Post: #9
Title: Re: معرض الكتاب المليوني بمدني أين منه حمور وتاج وهشام؟؟؟
Author: محمد الطيب يوسف
Date: 09-17-2009, 10:25 PM
Parent: #8
..
|
|