Post: #1
Title: نداء للزملاء الفنانين والعازفين ,اوسلو تناديكم
Author: محمد زكريا
Date: 09-15-2009, 11:28 PM
Parent: #0
تصدقوا وتامنو والله من السنه الفاتت اوسلو ما جاها فنان سوداني واحد, وانا وسمندلاوي ما خلينا هاوي ما جربناه عشان يعمل لينا حفله
اتخيلوا انا من شده ما البلد فاضيه بقيت اغني في المهرجانات اما حفلات السودانين والله ما فضل ليهم الا يبكوا
ام الجكس علي شويتهم خلوا لينا البلد ورحلوا والله بقينا جحمانين عديل كده للغناء السوداني
يا ايها الفنانين, الموسيقين والعازفين عليكم الله انا زول زميلكم ارجوا المساعده
محتاجين حفله في العيد ده
واقول ليكم حاجه تاريخ الحفله اختاروه انتو
وكمان عشان اشجعكم ح انسق لكم في المدن والدول الاسكندنافيه المجاوره
العيد ده لو ما عملنا حفله كبيره ناس اوسلوا ح يقتلوني عديييييييييل
فالرجاء المجامله المجامله وحق الحافله والساوند بره والله بتلقوني وقت الحوجه
يلا مين فيكم يلبي النداء يا اصدقائي الاعزاء
ياخ خلوني بس القاكم واشوفكم للدنيا والزمان
بعدين اخونا بكري سمندلاوي جابو ليهو بنت اموره قبل يومين
وانا احتمال اعرس بعد العيد مباشره
اها بنحتاج مجامله ولا لا
|
Post: #2
Title: Re: نداء للزملاء الفنانين والعازفين ,اوسلو تناديكم
Author: GeerTor Tong
Date: 09-16-2009, 00:56 AM
| Quote: وانا احتمال اعرس بعد العيد مباشره |
دا كلام شنو يا محمد زكريا؟ وانا اقول خلاص اخوي ود زكريا
دا جادي وبقيت أجهز عدد من بنات الخليج اتاريك إنت جاهز نور ومويه؟
ما ننتفق في الحالة دي عشان انت كنت ح تركبني التونسية.. الحمد لله لسانك... اقصد كيبوردك إنطلق
بالنسبة للفنانين ما تخاف يا عم في عبد العزيز خطاب في لاهاي وبرضو لو تخوني الذاكرة نانسي عجاج برضو
سمعت خبرها هناك في لاهاي وعدد كبير من السودانيين في لاهاي وبروكسل..
ادينا حق الإعلان والدعاية عشان نلم الناس من هسع...
بس ما ترسل لينا باليورو كفاية علينا الدولار
مبروك مقدماً العرس وما وريتنا ياتو عيد؟
تسلم
قير تور
|
Post: #3
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-16-2009, 01:31 AM
Parent: #2
Quote: دا كلام شنو يا محمد زكريا؟ وانا اقول خلاص اخوي ود زكريا
دا جادي وبقيت أجهز عدد من بنات الخليج اتاريك إنت جاهز نور ومويه؟ |
والله يا قير ياخوي ده كلام العوانس وبس ومكنات لزوم الشباب يتحمس
يازول انت خليك جادي وماتهظر معاي في الحاجات دي, بقوم الصق ليك في رقبتك
Quote:
بالنسبة للفنانين ما تخاف يا عم في عبد العزيز خطاب في لاهاي وبرضو لو تخوني الذاكرة نانسي عجاج برضو
سمعت خبرها هناك في لاهاي وعدد كبير من السودانيين في لاهاي وبروكسل.. |
ياراجل انت عاوز تجيب لي فنانين ولا مجرمين حرب؟؟؟ بالله هم ديل قبضوهم متين؟ عقبال البقيه؟؟
والله مش فنانين مرحب بيهم لو بغنوا في حماك زاتوا
تشكر علي المعلومه برضوا
Quote: وما وريتنا ياتو عيد؟
|
عيدالثوره, يعني ح يكون ياتو عيد يعني , شايف ليك عيد جاي ما معروف اسمه شنو.
سورري..مساخه مني بس.... وش ساخر
|
Post: #4
Title: Re: نداء للزملاء الفنانين والعازفين ,اوسلو تناديكم
Author: GeerTor Tong
Date: 09-16-2009, 07:24 AM
Parent: #3
| Quote: يازول انت خليك جادي وماتهظر معاي في الحاجات دي, بقوم الصق ليك في رقبتك |
انا كنت جادي لكنك صعب شوية فخفت وبعد بقول انو الموضوع صعب لانو الشمس عندكم بيغرب في نص الليل
وشمس الخليج بغرب قبل ستة او سبعة ساعات منكم...يعني انت اغلب اليوم ممكن تكون بره البيت.
| Quote: ياراجل انت عاوز تجيب لي فنانين ولا مجرمين حرب؟؟؟ بالله هم ديل قبضوهم متين؟ عقبال البقيه؟؟ |
تصور مريت جنب السجن وقالوا بانو منو ومنو كدا اللي هم معروفين مجرمين حرب موجودين في السجن الكبير دا
وكمان شفت محكمة العدل الدولية والجنايات... لكن ما خبروني
شكراً برضو فانت واحد من اهل اروبا على وزن اهل مكة ادرى بشعابها...
تصور يا ودزكريا انا زاتي قلت في نفس الكلام دا لكن خفت تقول لي الزول بيعرف اللي في بالي واللا شنو؟
بس ما ورتني الثورة الحارة كم؟
مع تحياتي
قير تور
|
Post: #13
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 11:37 AM
Parent: #4
Quote:
انا كنت جادي لكنك صعب شوية فخفت وبعد بقول انو الموضوع صعب لانو الشمس عندكم بيغرب في نص الليل
وشمس الخليج بغرب قبل ستة او سبعة ساعات منكم...يعني انت اغلب اليوم ممكن تكون بره البيت.
|
اااها ده عزرك ,( بره البيت النهار كلو) ياراااااجل
انت كن نطيت قول نطيت, كتار غيرك نطو..... افو
انا عارف المهمه دي ما ساهله علي الرجاله, حولها للجندريات وريح نفسك
بمناسبه الجندريات دي بتعرف الكدندارات؟ ,المناسبه شنو ما عارف
| Quote: بس ما ورتني الثورة الحارة كم؟ |
زمان كنا فاكرين الثوره حدها قريب, لكن اهو حصلت العشرين وانت ماشي
بالله ابعدنا من الشارع السياسي ده ياخ
وش متملق
تحياتي
|
Post: #15
Title: Re: نداء للزملاء الفنانين والعازفين ,اوسلو تناديكم
Author: GeerTor Tong
Date: 09-17-2009, 12:02 PM
Parent: #13
Quote: زمان كنا فاكرين الثوره حدها قريب, لكن اهو حصلت العشرين وانت ماشي
بالله ابعدنا من الشارع السياسي ده ياخ
وش متملق |
يا ريت 20 وبس... تصور الصحافيين ودوهم الحارة (100)
وانا الما قادر استوعب الحارتين 20 و21 ودا السبب اللي خلاني ما فكرت
في (الثورات) زاتو
قير تور
|
Post: #5
Title: Re: نداء للزملاء الفنانين والعازفين ,اوسلو تناديكم
Author: قاسم المهداوى
Date: 09-16-2009, 07:31 AM
مورتن ازيك
ورمضان كريم
|
Post: #6
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-16-2009, 11:28 PM
Parent: #5
قاسم المهداوي
سلامات ياخ وكيف القاهره معاك, والله ايام
نطيت ليك في كم بوست لكنك ما هببت لي ولا رحبت بي يكون اسمي ما وقع ليك
تعرف ناس كتيره ما عارفه اسم مورتون والعكس مع محمد زكريا
تحياتي للاصدقاء
|
Post: #7
Title: Re: نداء للزملاء الفنانين والعازفين ,اوسلو تناديكم
Author: قاسم المهداوى
Date: 09-17-2009, 00:22 AM
Parent: #6
يا مورتن
تحايا واشواق ورمضان كريم
تعرف يا ود ذكريا انا اتذكرك جيدا ولم تغب عن ذاكرتى لحظة وقبل اشهر قابلت صديقك( محمد )على ما اذكر
فى احدى مقاهى القاهرة بالصدفة وتعارفنا ومن خلالة اخذت رقم هاتفك يا سيدى عزرا مكرر لو انى لم ارد عليك عارف تكون وجهة نظرك
تتطابق ومضمون البوست لهذا فقط اكون اكتفيت بى مشاركتك ولكن صدقنى لم ولن اقصد اى شىء
عموما شكرا عميقا هذا الفضاء وعملية التواصل
مودتى وتقديرى يا مورتون او مورتن
|
Post: #8
Title: Re: نداء للزملاء الفنانين والعازفين ,اوسلو تناديكم
Author: ibrahim alnimma
Date: 09-17-2009, 00:34 AM
Parent: #7
قطعت قلبنا عليك بالله انتو مقطوعين للدرجة دي؟؟؟؟
شد حيلك ياخي الغربة دي شكلها دخلت في العظم ...
|
Post: #14
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 11:52 AM
Parent: #8
ابراهيم اخوي لعلك طيب
Quote: قطعت قلبنا عليك بالله انتو مقطوعين للدرجة دي؟؟؟؟
شد حيلك ياخي الغربة دي شكلها دخلت في العظم ...
|
والله جنس مقطوعيه خليها ساكت
ياخ تصدق الفنانين مهميشننا ليك تهميش عجيب خلاص التقول ما كنا ضربنا معاهم عدادات ولا كنا زملانهم يوم
تلقاهم لافين في اوربا تجيب ليهم سيره النرويج يقول ليك لا لا دي عامله زي الفريزر
هي الغربه براهاما مقصره, وكن دخلت العضم وبس ما كويس
والله دايرين لينا فقط واحه نستجم فيها ولو الي لحظات ونواصل العذاب
شكرا علي المؤازره
تحياتي
|
Post: #9
Title: Re: نداء للزملاء الفنانين والعازفين ,اوسلو تناديكم
Author: Elmosley
Date: 09-17-2009, 01:35 AM
محمد انت نجض الحاجات كويس ونا بجيكم في الضحيه
اها شن قولك
|
Post: #10
Title: Re: نداء للزملاء الفنانين والعازفين ,اوسلو تناديكم
Author: ضياء الدين ميرغني
Date: 09-17-2009, 05:13 AM
Parent: #9
والله بالغت نحن عندنا فائض فنانين وعازفين هنا ما عارفين نوديهم وين؟
اجهزوا انت وسمندلاوى وحامد موسى والطويل الاشقر ونحن على استعداد
لو دايرين العيد دا بنجيكم ما عندنا مانع بس انت سوى النجيضة.
هههههههه
ضياء
|
Post: #11
Title: Re: نداء للزملاء الفنانين والعازفين ,اوسلو تناديكم
Author: احمد العربي
Date: 09-17-2009, 06:30 AM
Parent: #10
المبدع
ودذكريا
يا زول اركز الغربه دي اصله حاره
فتش مخزون الكاسيت بتلقى ليك شيتا اصبرك
غايتو نحنا ناس الوان ومنحوتات سااااااااكت
اكان بسدو فرقه وبيحيو حفله من هسع حدد مواعيدك
وزخات المطر
عاطر الود
جرسه موفقه
|
Post: #12
Title: Re: نداء للزملاء الفنانين والعازفين ,اوسلو تناديكم
Author: سمندلاوى
Date: 09-17-2009, 08:25 AM
Parent: #11
| Quote: بعدين اخونا بكري سمندلاوي جابو ليهو بنت اموره قبل يومين |
يازول هوووى بطل تهميش وكدا ....
ياتفتح بوست تهانى وتبريكات والاااااا نقط نقط نوقااااط.......
خلينا من ناس اوسلو الكعبين ديل .......
|
Post: #22
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 01:41 PM
Parent: #12
Quote:
يازول هوووى بطل تهميش وكدا ....
ياتفتح بوست تهانى وتبريكات والاااااا نقط نقط نوقااااط.......
خلينا من ناس اوسلو الكعبين ديل ....... |
بكري ياخوي انت مالك فضيحه كده ,الايام دي شايف موجه التهميش ضاااااربه في البلد
ياخ هسع انا كنت داير اعمل الشغلانه دي كلها علشان بعدين نقول دي سمايه بت بكري
تجي تفرتق لينا الحفله بنقط
زي قصه القال للمتشعشع شنو انت ياخ بقزازه تمنها خمسه مليون تفرتق لينا حفله تمنها خمسه الف
هههه ههه
يازول الاموره انجي تستاهل بوست يترفع في صلعه ابوهابكري زاطو
رايك شنو في كلام الموصلي ده تفتكر المره دي ح يعملها ويجي ولا زي المرات الفاتت
علي اي حال خليك جاهز لحدي ما ارجع
تحياتي
|
Post: #21
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 01:27 PM
Parent: #11
يا اخوي احمد العربي طلتك تخفف الوجعه
Quote: يا زول اركز الغربه دي اصله حاره
فتش مخزون الكاسيت بتلقى ليك شيتا اصبرك |
احر من الدنقابه وحات الله الخالقني, من شده الخرمه للغناء السوداني بقيت اهلوس بالفنانين الصحراوين وبتاعين اي حاجه ب ميه
Quote:
غايتو نحنا ناس الوان ومنحوتات سااااااااكت
اكان بسدو فرقه وبيحيو حفله من هسع حدد مواعيدك
وزخات المطر
|
ياخ انت قايلنا بتاعين طرب وبس, برضو بنفهم في الفنون الاخري من تلوين ونحت وووكده يعني
بالمناسبه مفهوم السودانين للعازفين والفنانين انهم بتاعين غنا وبس مفهوم غياظ جدا
طبعا انت من هسع واحد من الناس ال ح اختهم في اللسته في مشروع المهرجان الفي تعليقي للموصلي بعد شهرين, اوكي
وزخات المطر؟ هاااا, ياخ اتكلم عربي , زخ زطخ زسخ بنطقوها كيف زاتو ما عارف...وش مستهبل
تحياتي
|
Post: #19
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 01:06 PM
Parent: #10
الصديق ديدي
الفنان الذي اتحفنا في النرويج والدول المجاوره ولم يخذلنا قط
ضياءالدين
Quote: والله بالغت نحن عندنا فائض فنانين وعازفين هنا ما عارفين نوديهم وين؟
اجهزوا انت وسمندلاوى وحامد موسى والطويل الاشقر ونحن على استعداد |
طيب ما تصدروا لينا فنانين وفنانات و واحدعازف اورغ, واحد جيتار ,واحد ايقاعات وواحد بيز
واكبر كميه من جكس الحفلات ان وجد
انحنا جاهزين من زمان وانت عارف النظام
اسمع انا هسع في الدنمارك وح اتصل بيك لمن ارجع , كلم لينا معاك عازف الاورغ بالله
ويلا خلونا نربها في العيد ده
قريت تعليقي للموصلي؟ رايك شنو
تحياتي
|
Post: #16
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 12:39 PM
Parent: #9
ما عارف البخلي الرد بتكرر ليه
يكون بكري ده قصدوا كتره التكرار بتعلم ال............ هوووووي يا بكري اخيرلك انقرع
|
Post: #17
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 12:39 PM
Parent: #9
استاذنا الكبير الموصلي شخصيا
Quote: محمد انت نجض الحاجات كويس ونا بجيكم في الضحيه
اها شن قولك |
يلا يا ناس اوسلو زغردو ويا عوضيه ويا حنان كلمو الجيران, لاني ما بقدر وما بكتب غير اييييوي يوي يوي
ده الكلام البشفي القلب زاطو, ابو الزفت, واخيرا الواحد يقدر يتنفس شويه
طيب بعد الفرحه الما بتتوصف دي اكون عملي شويه معاك ياستاذ
انت قلت ح تجي في عيد الضحيه ان شاءالله, شوف كلام الاول ما بتحول , كويس , جات منك براك, شيل شيلتك الناس دي عطشانه عطش صاح
اوكي ,العيد يعني بعد شهرين, انحنا ح نهييء الامور من هسع وننسق لجنه الحفل والتجهيز
ولا اقول ليك ياخ انحنا ما نعملها مهرجان عديييييييييل كده زي بتاعكم داك
يعني خلا الشهرين الجايين ديل ممكن ننشر فكره بتاعه عمل ضخم نسميه مثلا
مهرجان الموسيقي السودانيه بمدينه اوسلو wow
اها ويكون نظام اسبوع ثقافي متكامل نختتمه بيوم مفتوح
يكون فيه معارض وندعو اليه كميه من المهتمين بالثقافه والادب والفنون من كتاب وموسيقيين وتشكيليين ومسرحيين
احلام زلوط, صحيح لكن ما بعيده المنال ولا شنو؟
الدعم ممكن برضو لكن بالجد هسع دي ما عارف ح يكون كيف
بس لو الناس الحلوه والاصدقاء ختوا الرحمن في القلب ممكن نعمل عمل ضخم جدا جدا بعد شهرين
المهم الفكره ممكن تحتاج الي اراء ودعم كبيرين ان الهدف السودان اسما عاليا
ساعود اليكم لنواصل
|
Post: #18
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 12:39 PM
Parent: #9
مكرر
|
Post: #20
Title: Re: نداء للزملاء الفنانين والعازفين ,اوسلو تناديكم
Author: عاطف عبدون
Date: 09-17-2009, 01:17 PM
Parent: #18
سلمات وعوافي
يا زكريا
بما انو انا لا فنان عشان الدعوه تخصني
ولا من سكان اوسلو عشان احضر حفلتكم
فمن باب الحقد وشبابيك الحسد
بقول لي ضياء صاحبي
علي ضوء الاعتراف دا
Quote:
اما الجكس علي شويتهم خلوا لينا البلد ورحلوا والله بقينا جحمانين عديل كده للغناء السوداني |
وحـــــــاة حبيبتي
انا لو في مكانك ما اغني في مكان مافيهو (جكس)
|
Post: #23
Title: Re: نداء للزملاء الفنانين والعازفين ,اوسلو تناديكم
Author: عبد الرحمن حمد النيل
Date: 09-17-2009, 02:21 PM
Parent: #20
Quote: طيب ما تصدروا لينا فنانين وفنانات و واحدعازف اورغ, واحد جيتار ,واحد ايقاعات وواحد بيز
واكبر كميه من جكس الحفلات ان وجد |
اسممممممع هوييييي ماتشيلوهم كلهم ولا اقول ليك
جيب حبة ابورجيلة العندكم ديل وتعالو اعملوها هنا
Quote: بقول لي ضياء صاحبي
علي ضوء الاعتراف دا
Quote:
اما الجكس علي شويتهم خلوا لينا البلد ورحلوا والله بقينا جحمانين عديل كده للغناء السوداني
وحـــــــاة حبيبتي
انا لو في مكانك ما اغني في مكان مافيهو (جكس) |
عاطف عبدون تحياتي وانا معاك في الكلام دا
مورتون سوال جانبي
ماديرين ليكم بعااامين
|
Post: #25
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 03:09 PM
Parent: #23
عبدالرحمن يا صاحبنا يابتاع الساوند
Quote: اسممممممع هوييييي ماتشيلوهم كلهم ولا اقول ليك
جيب حبة ابورجيلة العندكم ديل وتعالو اعملوها هنا |
لا والله انحنا ما بنمشي حله ناس تانين , عارف ليه ؟
لاننا بنخرط اولاد الحله التانيه والشكله بتقوم والعكاكيز تتطاقش والغبار ما يديك الدرب والحروم يكوريك كتمت كتمت
بعدين يا عبدالرحمن اخوي بقول ليك ديل ناس جحمااااااااااااااانون
المعني يعني اخيرلكم تختونا لي غادي
امانه في رقبتك اب رجيلات بتاعننا دول اكان شافوا ليك جكسويتن ساي ,ما بترطشوا؟
هيع اخوك يالفزع,الا التسهي والتقهي والرياله البتسيل بس تملاء ليكم قنوات امستردام والمدن المجاوره
Quote:
عاطف عبدون تحياتي وانا معاك في الكلام دا
مورتون سوال جانبي
ماديرين ليكم بعااامين
|
اكان انت مع عاطف ده ياصاحبي بعد ده بنصنفك تبع صفوه المركز,
ياجماعه اعتبروها حفله في مدرسه الاولاد ولا في معسكر الكديد, بعدين ياخ في نرويجيات ممكن نتم بيهم النقص,
فلو سمحتو ما تتطفوشوا مننا الفنانين, بعدين ما ممكن تكون فنانه برضوا المانع شنو
اما قصه البعامات البسافروا مع الفنانين دي, عندي قصه بحكيها ليك بعدين لمن تجي
عشان ما تغير رايك من هسع اوكي
مرحب بك كزميل ياصاحبي
تحياتي
|
Post: #24
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-17-2009, 02:36 PM
Parent: #20
عاطف عبدون
Quote: بما انو انا لا فنان عشان الدعوه تخصني
ولا من سكان اوسلو عشان احضر حفلتكم
فمن باب الحقد وشبابيك الحسد |
اخخخخ انا من الحساده والحقد يا حاااااااقد(ياحاقد دي زي بلسان واحد من الجماعه اياهم وكده)
يا عاطف انت تعتبر زعيم المهمشين يالجد, ياخ انت في النرويج سكن في اقصي القطب الشمالي
قال ليك حلتكم غير الدب القطبي وطيور البطريق ولا الابريق العامله زي كانهالابسه بدله جرسونات الفنادق وما معروف هي طيره ولا سمكه
تاني عندكم شيء
عليك الله في الصقيعه بتاعتكم دي لو جاك بعشوم ساي مكان تلبد ما تعرف
يا مهمش بدل ما تدافع عننا قلبت علينا ,لكن مااااااا الفيك اتعرفت
Quote:
وحـــــــاة حبيبتي
انا لو في مكانك ما اغني في مكان مافيهو (جكس) |
حباك ضرس. انت كن عندك حبيبه مالك ومال الجكس ما تغني غناك واتخارج
فنان بداء الحفله والحضور كله رجال وكان صاري وشو, بعد شويه شاف ليهو طرحه قعد يتبسم للعازفين ونسي الغنيه
واحد من العازفين اتضايق قال ليهوا شنو مسحت كده اصلو شفت ليك طرحه ولا مساحه.. وقر قر قر
بيني وبينك حفله بدون جكس زي ال فته بدون مويه جبنه
لكن نعمل شنو قالوا الجود بالموجود والجاتك في اوسلو سامحتك
عاطف اخوي تعال عليك الله انت وبطاريقك ,اقصد حبيبتك يمكن تجر لينا معاهاان شاءالله شويه (سمك خشم بنات)
وخلنا النشوفك
تحياتي
|
Post: #26
Title: Re: نداء للزملاء الفنانين والعازفين ,اوسلو تناديكم
Author: سمندلاوى
Date: 09-17-2009, 10:25 PM
Parent: #24
Quote: محمد انت نجض الحاجات كويس ونا بجيكم في الضحيه
اها شن قولك |
للتوثيق وكدا ......
|
Post: #27
Title: Re: نداء للزملاء الفنانين والعازفين ,اوسلو تناديكم
Author: احمد العربي
Date: 09-18-2009, 00:42 AM
Parent: #26
| Quote: طبعا انت من هسع واحد من الناس ال ح اختهم في اللسته في مشروع المهرجان الفي تعليقي للموصلي بعد شهرين |
تم
اعتمد
|
Post: #28
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-18-2009, 11:27 PM
Parent: #27
ده الكلام الصح
لكن النسالكم
يا عالم وين باقي الزملاء دي ؟ عدادات العيد لبدتهم ولا شنو , طيب قلنا عيد الضحيه وعشان المهرجااااااااان
بنضبح ليكم غزلان تعالوا عليكم الله
|
Post: #29
Title: Re: نداء للزملاء الفنانين والعازفين ,اوسلو تناديكم
Author: محمد زكريا
Date: 09-19-2009, 10:12 AM
Parent: #28
| Quote: للتوثيق وكدا ...... |
يااااارب ,امين ..........يا سمندلاوي الحاخات دي بتعملها كيف؟؟؟؟؟؟حاجه تحيرك فعلا
اها الساوند جاهز؟
|
|