نرحب بعضو المنبر الجديد د.الفاتح سليمان من مدني التي ترتب الفوضي - يوجد أصدقاء وزكريات

من أي ميناء يطل عليك فرسان الأرق؟؟

ياراكبا في زورق الرؤيا
مفتوحة كل الجهات - الان - في وجه الملاحة

مدني
مدينة عتيقة
والمعتق دائما ما يرتب الفوضي
تقع مدني في منحني بحر قرمزي
وهي محطة للعابرين يلتقطون فيها الانفاس
مدني عينا لا ترف إذا تقدم نحوها الرائي
وعينا لا تشف غيومها حتي يقهقه ذلك الشيطان

يدها جد دافئة ... فرت من كل حروب السودان وإحتفظت بإلهامها
لتكون للضيف نجمة ... أو سمكة
وللغريب عمة
أو ملكة

لها منذ سنين هواياتها الخاصة
وألقها الممتد
في الصباح الباكر ترسم فوق ملاءتها هدهدا وزنابق
وبعد الزوال تهئ قهوتها بالقرنفل والجنزبيل والمسك
لكنها في المساء الرمادي تمحو الذي رسمته

لتحيا كل ليوم من جديد

ولأنو الوليد الإسمو الفاتح دا من مدني جد جد

فتح علي طاقات الزكريات

مليووون مرحب بدكتور الفاتح
نورت الديار ابقى داخل لاجوه

الغالي عماد الدين عبد الله
جميل انو تكون اول المرحبين بي بيناتكم

محمد ادم دا ود البيت عشان كدا ما حاسبنو

لك التقدير والاحترام....





الفاتح ....

لي أصدقاء في الفترة التي قضيناها في جامعة الجزيرة

وفرقتنا الغربة اللئيمة

أذكر منهم
الاستاذ / عصام حسن عثمان المحامي

- أ عبد الله محمد الشيخ القسم الاول

- ناجي مهدي زمراوي المدنيين

- د. ولاء الدين إبراهيم ود أزرق

- واثله محمد رحمة الله البحوث


- أيمن جنوبية المنيرة

- معتز حمد الطويل جزيرة الفيل

- إيهاب شقرور الدباغة

- شوق دينار العشير

- محمد عوض زايد جزيرة الفيل

- بكري سعد الزمالك

- سامي الحضري القسم الأول

- محمد الشيخ عصفور دردق

- سارة العركي بانت

- ريم الصادق عمارة الدرجة

- أشرف جعفر تلفزيزن الجزيرة

- نفيسة بت شفيقة شندي فوق

- رشا

- شازلية

- ناهد

- التيمان حسن وحسين حنتوب

أ منتصر

- بهاء الدين جبارة

- محمد الفاتح حمدين المطار

- أحمد بدر الدين العش الدباغة

كوري عووضة

وآخرون

تحية للشباب الجميلين ديل كلهم



جامعة الجزيرة ومدني


ولاء الدين وراشد بدر ومستشفي مدني ذاكرة وحاضر قريب بعيد


ذكريات خالتي مريم تكرمنا بالشاي بالقرب من موقف المواصلات لها كل الامنيات وهي تعاني هذه الايام لكن الشباب ما بقصروا
بتشابهوا في عمل الخير في مدني والابيض وجوبا ويالا وكل حتة في بلدنا .......

حتات كتيرة الواحد مربط بيها شديد في مدني
اما الابيض والجامعة لانو اخوك كردافي يعني قريت هناك..... فدايرة ليها لياقة وكلام سمح عشان نجي ونستاذن الناس هنا ونقعد نحكي


شكرا تالت

مرحب بيك الفاتح
اتمني ان نسمع صوت مدني

Quote: ذكر منهم الاستاذ / عصام حسن عثمان المحامي - أ عبد الله محمد الشيخ القسم الاول - ناجي مهدي زمراوي المدنيين - د. ولاء الدين إبراهيم ود أزرق - واثله محمد رحمة الله البحوث - أيمن جنوبية المنيرة - معتز حمد الطويل جزيرة الفيل - إيهاب شقرور الدباغة - شوق دينار العشير - محمد عوض زايد جزيرة الفيل - بكري سعد الزمالك - سامي الحضري القسم الأول - محمد الشيخ عصفور دردق - سارة العركي بانت - ريم الصادق عمارة الدرجة - أشرف جعفر تلفزيزن الجزيرة - نفيسة بت شفيقة شندي فوق - رشا - شازلية - ناهد - التيمان حسن وحسين حنتوب أ منتصر - بهاء الدين جبارة - محمد الفاتح حمدين المطار - أحمد بدر الدين العش الدباغة كوري عووضة

محمد ادم

مشتاقيين واسمي مافي في اللستة

Quote: محمد ادم مشتاقيين واسمي مافي في اللستة

وعثمان عبد الله
إنت أخرون ذاتك


مشتاقيين تو

لسان حالك الاخ محمد ادم

مالو اعياه النضال بدني
وروحي ليه مشتهية ودمدني

الشكر لك اخونا محمد

العزيز قاسم مهداوي ( المهداوي للدعاية والاعلان ......


وجزيل الشكر والتقدير للباشمهندس بكري ابوبكر الذي سيكفينا مشقة الترحال والسفر لنتواصل عبر الخطوط والحروف والكلمات ......
واهو منبر ترحيب وعزاء ونقاش وعزاء ....فكرة
معليش يا اخوانا مفروض نعزي الناس الجمبنا ديل اول ونجي نكمل باقي السلام
لانو عارفين انو لازم لمن تجي من سفر مفروض تزور الاهل والجيران والاولوية لبيت العزاء وتاني الوصايا وتاني ممكن تخرم للصحاب والشباب الموجودين
لانو القعدة مفروض تكون طويلة

الفاتح .....

مرحبآ بك على متن السفينة

Quote: مرحبآ بك على متن السفينة

ومرحب بك علي ضفاف الامواج العاتية ..
مرحب بالفاتح ومحمد ادم .. الجار المتمرد ..

المقدر جدا بها عيسي لك كل الاحترام

احوالك طبعا لازم نسالك هنا وبرة المنبر لمن نلقاك عن صحتك

عساك طيب وكل الاسرة


ومقابلاتك والوصايا بتاعت الدكاترة انا عارفهم مرات بكونوا مرين حبة بس
مالوا نسمع كلامهم مرات ومرات ننساهو

بالمناسبة الو مرة نتلاقا كانت في ندوة العدل والمساواة لو متذكر نشوفك كيف ذاكرتك ولا الكبر خش

المهم التانية في الفطور في القاهرة ...

الجايات قدام

الفاتح

Quote: بالمناسبة الو مرة نتلاقا كانت في ندوة العدل والمساواة لو متذكر نشوفك كيف ذاكرتك ولا الكبر خش المهم التانية في الفطور في القاهرة ...

الذاكرة ماقدر دة كمان .. بس اكيد لو قابلتك حنتعارف ويبدو انك
من بورداب القاهرة فمرحب بيك مرتين ..

الغالي جدا فيصل
باخ ليك ود خاص جدا وانا من العجايز المتابعين المنبر
قاعدين نشجع الكورة بتاعتك

تحية ليك خاصة ليك وياريتك تكون دايما مروق


صور حلفا مش انت المنزلها

حفظ شديد في الكمبيوتر

انا داير اتعلم الرطانة

وابقي منتسب من اوسلي ومروي لعندكم هناك


خالص تحيتنا لاسر شهداء كجبار محمد فقير وصحبه


وح نتونس قريب هنا عبر المنبر

الفاتح......

يا عمك
مرحبا ومبروك الولوج الى دهاليز الشبكة العنكبوتية
بس ملاحظ ان البوست .... ايقاعى خالص وبلا اى كمنجات
ولكن : ربما غدا ارحم واجمل







قا

مرحب بالدكتور الفاتح إبن مدني البار

يكفي أنه من أرض المحنة وقلب الجزيرة ومنبع الثقافة والإبداع

مرحبتين ..وشد حيلك...وخلي بالك .اصلو أطباء بلادي سمعتهم موش ولا بد في هذا المنبر ..لكن مازلنا نعافر مع الناس ديل ..

الاخ الغالي د الصادق عبد الله شكر ليك وحاجة الواحد يفرح بيها انو يكون في ناس قبلوا في المعافرة


اخوك بتاع معافرات قديم في المنبر كانت متقطعة عبر المشاركات هنا في مواضيع الدنيا الرايحة دي

عبر اخوان واخوات هنا ما قصروا وصلوا صوتنا ،،،،،،


لكن ما تشيل هم انشا الله نكون ناس حقايق وكان علي الملاوة بنقول انو عندنا فيها تجارب مقدرة بس نضيف منها ممكن نكون نافعين .....


خارج النص مرة في واحدة من مطالباتنا مع الحيكومة النحس دي في موظفكبير قال والله الدكاترة ديل صبورين وهم قوم قل سفائهم عشان كدا زلوا
من المزلة كان كاتبها صاح المهم قلنا ليهوا ما عشان نحن مهذبين وما سفهاء بس بنحب نخت الدفرنشيال دياقنوسيس ممكن ما نصنف الناس من
البداية وبنصبر لحدي ما نشخص وممكن العلاج يكون مرات البتر ,,,
شكرا ليك يا دكتور وراجين الكتير ،،،، يدينا مع بعض بنوصل عبر الاعلام الاسفيري دا لحاجات كويسة نوصل بيها صوت موثر ونافع للناس ..


الفاتح ...

المحترم محمد نجيب عبد الرحيم
لك اجزل التحايا

تسلم وربنا يقدرنا اننا نكون قدر سمعة مدني ثقافة وابداع

والجزيرة سودانا المصغر لمت كل الناس

كلماتك شهادة لمدني تزيد من المهام والامانة والواجب المفروض الناس تردو لاهل مدني الجميلين من كبري البوليس لحدي جزيرة الفيل
وبركات والبحوث حدود مدني الصغري وحتي شرقها حنتوب .


شكرا ليك
الفاتح

مراحب د/ الفاتح ...

غايتو كده حسستنا أننا فعلاً كبرنا وبعدنا من مدني فنرة طويلة ...
آخر عهدنا بـ طلاب طب الجزيرة في مدني.. كانوا ناس د/وجدي جلي ، د/ أمير كمال، د/ أماني عبد الرحمن
ومن الزراعة ناس حباب الأحمر....إيييييه .. أظن الكلام ده بعيييد...

عموماً ... حبابك ... إضافة مقدرة للبورد ... ولـ ناس مدني في البورد ... حبابك ..

..

مرحب بيك د. الفاتح في هذا المنبر الوطن (المتلاطم الأمواج)؛ وإنت مشرفنا في القاهرة؛

وتشكرات يا محمد على المبادرة بالترحيب.

مرحب بيك د. الفاتح.
ولمدنى يطيب القيام والجلوس.
لواد مدنى كل الحب والذكريات
المترعة والمشبعة بندى الأصدقاء
والصديقات الأعزاء.

مرحب بيك فارساً بين ظهرانينا
مدافعاً ومنافحاً عن الحق، ولو كره
البعض.

محمد آدم،كيفنك أخوى؟؟
معاكم على أواخر أكتوبر كده.
تحايا لعصبة الأمم الهناك.

الاخ العزيز عبد الله شمس الدين
تحية واحترام


نتلاقا هنا تاني شي جميل
انا لاقيتك في الزحمة المنبرية دي في بوستك بتاع التباس مسطلح اللجو لو بتذكر

الزول القال ليك انو كان شاهد علي الحزن الكبير في ميدان مصطفي محمود وكانت المشاركة باسم د الفاتح عثمان


عساك طيب ونشوفك في القاهرة الزحمة دي ،،،،


مدني بلد جميلة وظلم زوي القربي الواقعة فيهو امر


مواطن مدني تساوي فيها بالظلم مع كل المواطنين الذي يغمر كل السودان فاصبح اهلها اشبه بالنازحين وسط معسكر تم بيع كل اراضيه للسماسرة وقبض التمن

وتحول من مدني الي دريم لاند وما جر بعدها ودفعت دراهم كما يقولون في انارة لتكشف سو الطرق وجفاف الشجر والحفر :::

لياتي والي جديد لا يجيد غير سن مطاردات الطيبون من اهلنا وخاللاتنا بائعات الشاي ،،،،،


غايتو فضاء اسفيري لعله يكشف مواضع الم وامراض تسكن جسدها

يدينا مع بعض لانعاش ذاكرة الناس بالتدهور الذي نمر به ويزيد من الم المواطن في كل مكان وساكني مدني كمثال


الفاتح

Quote: تحايا لعصبة الأمم الهناك.

يا عد اللهي ول شمش الدين العصبة الهناك أكلت يوم أكل الثور الأبيض

حبابك ألف ومستنينك في السيدة نفيسة ، بالسيدة زينب

مع سيدنا الحسين ، عند الشيخ البدوى

اكرم تشكر يا جميل علي الترحيب



القاهرة بشبابها


والمنبر بالزحمة بتاعتو


ح نلقا لينا فرقة معاهو ؟؟غايتو نشوف

شكرا زي ما قلت لمحمد ادم والمهداوي للاعلان والهندسة بكري

طير من هذا مرت عليك المقولة دي ؟؟؟ احتمال طائر عابر بحر متلاطم زي ما قلت

الفاتح

الاخ العزيز حاتم

خالص التحايا الجميلة ليك

اخوك شايف روحوا عجوز هس تجي تختها لينا بناس عجايز
المهم
انا من ناس مدني ودرست في كردفان ورجعت مدني تاني الامتياز ومنها مرقنا حوامة شديدة لحدي الليلة ما رجعنا ليها
كان مننا او منهم

ناس جامعة الجزيرة اهل بيت من سكة ناس الامن الزمان ديك بتاعت الاعتقال المفروض يدخلوه الارقام القياسية 94 لو عندك منها ذكريات

القبضو فيهو جامعة كاملة لحدي اليوم،،،


الاعدادية والنشابة وحنتوب احتمال تكون جديدة لو انت عجوز شديد ،
ناس محمد ادم ديل بنوجعهم حبة يالايام بتاعتها ،،،

ناسك ديل دفعة كم ؟؟؟ونخش ليك في نقاش معرفة وكدا ـ،،،،

تحية ود ليك

الفاتح

الفاتح ... سلام ...

أولاً .. آسف أنا كنت فاهم إنك درست في الجزيرة ...
ياسيدي ... ناسنا البنتكلم عنهم ... زمنهم بعيد ...
تقريباً في 1987-1988.. تخرجوا من الجامعة .. بدري جداً مش كد ؟؟؟؟


تحياتي ..

..

اهلا بيك الفاتح عثمان

وايد علي ايد نحارب بيها حكومة الزيف


التي ارهقت العباد وفرطت في البلاد

ونشرت الفساد


اهلا بيك كوه معرفة وفهم وسط ضلام يمارس هنا لحجب الحقيقه


اهلا بيك وباهل مدني ونحن شركاء في الهم وفي المكان


مدينة مدني عظيمه ومتقدمه في وعيها يكفي ان ليس بها احياء تكرس للقبلية

والعنصرية يعني لا بها حي شوايقه ولا جعلية


يكفي انك تقول من مدني وماشي السوق تقابل محمد عز الدين في شجرة المعرفة تجي راجع بكتاب وجواب


لاسئلة ليست لها اجابة تقابل يحي فضل اللله زائرا محمد عز الدين وبشري الفاضل برضو واحمد الفضل

وشاعر المدينة محمد محي الدين

الحديث كثيييييير



مدني يراد لها الضياع والان الجبهة الاسلامية القبيحه تواصل في هذه السكه


فاهلا بك واهلا باحد اهل الاشعاع والعلم

يكفي انك تقول من مدني وماشي السوق تقابل محمد عز الدين في شجرة المعرفة تجي راجع بكتاب وجواب


لاسئلة ليست لها اجابة تقابل يحي فضل الله زائرا محمد عز الدين وبشري الفاضل برضو واحمد الفضل

وشاعر المدينة محمد محي الدين

الحديث كثيييييير



صبري الشريف سلامات كتارمن هنا لحدي عندك

وتشكر علي الترحيب


تعرف الشجر الجمب وقيع الله دا كان فوقوا سر تمشي جمبوا تكون مدنقر في الواطة في الكتب المفروشة لحدي ما تمر ويمر بيك مليون نفر يقولوا ليك شفناك وانت ما سلمت علينا

بتلقي فيها درر وحاجات كدا زي كنوز مرقت من بيوت مدني واهل مدني

اجمل حاجة لمن تلقي كتاب يلفت بالعنوان تفتح عشان تشوف جواها لانو الغلاف بكون اتعتق تلقي واحد كاتب سنة 1965 وموقع اسمو بقلم كوبيا

يعني ممكن يكون اي راجل محترم من اعمامك الفوق السوق او في الحي مروا عليك ،،،


العنصرية دي صدقت فيها

الواحد بتذكر مع بيوت الحكومة ديك لا فرقتنا ولا عرفنا قبيلة ولا دين و كترة او قلة قروش

اي زول من طرف بلم فيك يمسكك الدرب العديل

وهس انا بتذكر في وجوه شباب درسنا معا ( ابداها من ايهاب فتح الله ومعليش ح اكتب من الاقباط مرور ب شول مبيور الربونا ابواتهم وما فرزنا انو شنو قبطي ولا مسلم

شمالي ولا جنوبي ( لكن تمر السنين لنصاب بهاء السكت مع اندهاشات ادخلها لنا الكيزان فتراهم هنا وهناك يجيدون الحشد علي اساس القبيلة

والعرق والتعصب )))))،،،،

الله يرد العافية في مدني

تحية طيبة ليك

تاني لحدي ما نجي نفتح وجع مدني الرك فوق شجرها غربان لا يجيدون سوي النعيق والازعاج ويسقطون فضلاتهم علي طرقاتها


الفاتح

الاخ حاتم يوسف

لا ما في اي اسف الواحد كان بتمني انو يقرا الجزيرة برضو ماهي جامعة عريقة ولا ما كدا وش مبتسم (((لانو بنعرف كمية من شباب الجامعة بكونوا فاكرننا قرينا هناك)))


1987--- 88 فيضان وطين وغرق


الوقت دا كلامك صاح كنا وليدات

وشكلهم الدفعة الخامسة لو حسابنا صاح

ديل بكونوا ناس مظاهرات الانتفاضة لمن كانو في تانية او اولي

تحية ليهم ونحن نجيب في سيرتهم مع انعاش الذاكرة بمدني والجزيرة الجامعة ،،،

الفاتح

Quote: أولاً .. آسف أنا كنت فاهم إنك درست في الجزيرة ... ياسيدي ... ناسنا البنتكلم عنهم ... زمنهم بعيد ... تقريباً في 1987-1988.. تخرجوا من الجامعة .. بدري جداً مش كد ؟؟؟؟

عييييييييييييييك ياحاتم
أنا القريت في الجزيرة - الدفعة 19 زراعة من 97 - 2001

وما أظنك تكون حضرت النشيشيبة - النشيشيبة دي جنب عترة العباسية حي الشهيد معتصم الطيب الفكي الدفعة 20 زراعة
يحدها من الشرق البحر جنب كبري حنتوب ، ومن الغرب التفتيش بتاع عربات الخرطوم
ومن الشمال مصنع نسيج النيل الازرق علي ما أعتقد

ابو الزففففففففت ذاتو

وبنصبح عليك يا كابتن

ابو الزفتين ذاتوووو

بنمسي عليك يا عمك

وين مختفي نحن قاعدين لينا تلاتة تلاتة تلاتة ايام هنا هنا هنا

وانت مافيش

رمضان دا ما كمل بعد كدا نعيد مع منوا ايران ولا نيجيريا رايك

الفاتح

أما بخصوص الزكريات


فكل ركن يحكي عن مفردة
ولكل مكان قصيدة

بدايتنا كانت مع فتة كازبلانكا
وحفلات نادي الجزيرة مع التخاريج
وكوارع لندن بالقبة أشهر من ساعة بغ بن
وفول كشك
ونادي النجوم عمك أبشنب
وكتشينة دار الزراعي
ودار الكشافة
وباسطة الشانزليزيه - سنكات جبرونا مع الفاتح حمدين
ومهلبية بانت مع أبو الشوش

وعيييك يازكريات

وقهوة أدروب - أبنحلة

قدام مستشفي مدني
نناشد د. ولاء الدين
فنجان جبنه بشمارو

نرحب بالدكتور الفاتح سليمان

عشان من مدني الجميلة بلد الحبايب


ونتمنى ليه اقامة سعيدة بيننا

و

to prove me wrong


وكل سنة وانت طيب

مرحب بالزميل الشيوعي دكتور الفاتح
وسلام لي مدني بلد الحبايب
خسوسا هنادي بت الفضل

خالد العبيد خالص تحياتنا لك عبر مسافات طويلة اتمني ان تصلك لتجدك


انت وكل الاسرة بخير


وصحة عال العال ودايما مبسوطين

تعرف الحزب ومدني وهنادي فضل ديل تلاتة تركيبات بلخبتن الواحد عديل

غايتو ربك يهون علينا نفرتق كل واحدة براها عشان نتحمل انو كيف نرد ليهم الكتير

الحزب معانا كتار برة جوة اهو شغالين ولقدام بنتقاسم هموا مرة مرة

مدني الله يصرف الغربان النشفت ورق شجرها ويرجع ليها الخضرة وحلاوة ناسها

بت الفضل ،،،،،، اتمني ليها كل الخير لها علينا ديون في الدنيا الفانية ما بنقدر نرجعها ليها

غايتو الحمد لله تواصلها معانا وهي قاعدة في السودان بطمنا بانوا القراب مننا بكونوا بخير لو احتجنا ليها

حوبة ،،،

بت نيل لو بديت نحت تمثال لها لعشرات السنين ما اوفيتها حقها

فلتتدم بصحة جيدة وطيبة خاطر

سلام لكل الناس الجميلين المعاكم هناك

الفاتح

د.نجاة محمود

خالص التحايا ليك وانت تشرفيني بتاكيد الانتماء لمدني بلد الحبايب

ابقي طيبة واقامتنا بالتاكيد ح تكون طيبة وسعيدة بينكم هنا ونتمني انها تدوم لو ربنا مد في العمر

اهو احرف نشخبتها هنا في الحيطة فتبقي منها الجميلة وتغسل الامطار من ذاكرة الناس غيرها

وما عندك مشكلة نحن دايما قاعدين نعمل البروووف التاني ((الصاح )) ويا ريت نبقي مع الصاح دايما

ونتمني ليك كل سنة انك تكوني طيبة وكل الاسرة الكريمة ،،،


الفاتح

مرحبا بالزميل دكتور الفاتح

وتحايا بالطرناطة عبرك لكل رفاق ورفيقات

عاصمتنا الباسلة ودمدني .

خالص التحايا واخلصها لك

عزيزنا

عاطف مكاوي

دمت بصحة وكل الحواليك

معليش تعازينا هنا في كل الارواح الصعدت مطمئنة

ربنا يتقبل كل الطيبين برحمته عزرا ان كان العزاء محل الترحيب

مدني ايييهه

الله يداهم العافية ناس مدني

ويكفيهم شر الملاريات وبيع البيوت والمصالح الحكومية

يا ريت لو كنت هناك الايام دي بس الدنيا جبارة والفانية بت اللذينة

لكنهم موجودين في ودازرق والجزيرة والمزاد ومايو وبانت والقبة والمدنيين والبحوث وعووضة وبركات وشندي فوق كلهم اييييك دنيا

الفاتح

نرحب بالدكتور الفاتح سليمان

و حتما فان قلم الدكتور سوف يكون إضافة حقيقة لهذا المنبر

كل توفيق و حبابك الف



الطيب رحمه

خالص التحايا

الاخ الطيب رحمة

لك التقدير والاحترام

ياخ تشكر علي الاطرا لكن قلمكم انتو هو اضاف لينا واضاف للكثير وعي ونقاش وكلام ونتمناه طيبة خاطر

يد علي ايد نوصل الشمس البعيدة

الفاتح

ألف مرحب ..

نورت الديار ..

الاخ حسام الدين

تسلم يدوم نور دياركم

الفاتح