ميثاق شرف الصحفيين

ميثاق شرف الصحفيين


09-14-2009, 08:27 PM


  » http://sudaneseonline.com/cgi-bin/sdb/2bb.cgi?seq=msg&board=240&msg=1252956450&rn=12

Post: #1
Title: ميثاق شرف الصحفيين
Author: DKEEN
Date: 09-14-2009, 08:27 PM
Parent: #0

وقع عليه تيتاوي نيابة عن الصحفيين..


مبروك يا الطاهر ساتي
Post: #2
Title: Re: ميثاق شرف الصحفيين
Author: DKEEN
Date: 09-14-2009, 08:29 PM
Parent: #1

(عدم المساس بالامن القومي ..الامن والشرطة )
قال البشير...



مبروك يا عثمان ميرغني
Post: #3
Title: Re: ميثاق شرف الصحفيين
Author: DKEEN
Date: 09-14-2009, 08:32 PM
Parent: #1

(حيكون عندنا جو حر ونقي)
قال تيتاوي
Post: #4
Title: Re: ميثاق شرف الصحفيين
Author: DKEEN
Date: 09-14-2009, 08:33 PM
Parent: #3

تاني والله إلاتكتبو في الدار
Post: #5
Title: Re: ميثاق شرف الصحفيين
Author: عبدالوهاب علي الحاج
Date: 09-14-2009, 08:43 PM
Parent: #4

ذكرتني بوستات د. مصطفى محمود
ما فاضل ليك الا تكتب
التجاهل
التجاهل
التجاهل




___
متابعين
Post: #6
Title: Re: ميثاق شرف الصحفيين
Author: DKEEN
Date: 09-14-2009, 08:46 PM
Parent: #5

فضل ليك يومين ياعبد الوهاب
صومن واصبر عليهن وخليك راجل فالح ..وكن عند حسن ظن ربك بك وعلى قدر الفاضلات ليك من ايامك..
Post: #7
Title: Re: ميثاق شرف الصحفيين
Author: عبدالوهاب علي الحاج
Date: 09-14-2009, 08:48 PM
Parent: #6

Quote: فضل ليك يومين ياعبد الوهاب

التجاهل
التجاهل
التجاهل
Post: #8
Title: Re: ميثاق شرف الصحفيين
Author: انور التكينة
Date: 09-14-2009, 08:54 PM
Parent: #7

Quote: (حيكون عندنا جو حر ونقي)
قال تيتاوي



أكان كدى ده لحق قضية لبنى


محير الله فى حكمو
Post: #9
Title: Re: ميثاق شرف الصحفيين
Author: عبدالوهاب علي الحاج
Date: 09-14-2009, 09:31 PM
Parent: #8

Quote: تاني والله إلاتكتبو في الدار
وين بتاع الميثاق دا ؟
شتت ولا شنو ؟

انا غايتو آمنت تمام في المنبر دا يمكنك الكتابة في الصحافة والقانون والسياسة والادب وممكن تنظّر في المسرح والفنون ممكن تتكلم عن الفن التشكيلي اي شئ اي شئ قشة ما تعتر ليك
فقط لو بقى اصحابك كتار





____
ما قلنا متابعين يا عمكـ ... ما مالين عينكـ ولا شنو ؟
Post: #10
Title: Re: ميثاق شرف الصحفيين
Author: البدري عبد الله
Date: 09-14-2009, 11:12 PM
Parent: #9

اخونا عبد الوهاب

تحياتي

الدنيا قبايل عيد... .. خت الكورة واطة
Post: #11
Title: Re: ميثاق شرف الصحفيين
Author: الطاهر ساتي
Date: 09-15-2009, 00:12 AM
Parent: #10

تفسير الماء بعد الجهد بالماء
الميثاق ده موجود نصا وروحا فى دستور الدولة وقانون الصحافة وميثاق الشرف الصحفي






.......
العبرة فى التفيذ والالتزام به
Post: #12
Title: Re: ميثاق شرف الصحفيين
Author: عبدالوهاب علي الحاج
Date: 09-15-2009, 11:29 PM
Parent: #11

انت يا زول البوست دا خليتو ولا شنو ؟






___
ما قلنا ليك متابعين
Post: #13
Title: Re: ميثاق شرف الصحفيين
Author: DKEEN
Date: 09-15-2009, 11:36 PM

احيينا ياوهبة..

يسعدني اني لبختك في قفاك وخليتك تزوزي بي قدر ده ..
Post: #14
Title: Re: ميثاق شرف الصحفيين
Author: عبدالوهاب علي الحاج
Date: 09-15-2009, 11:51 PM
Parent: #13

Quote: يسعدني اني لبختك في قفاك وخليتك تزوزي بي قدر ده ..

يازول اطمئن تب انا تاني ما عندي شغلة غيرك في البورد دا
الدخول في الشبكات هين يا دكين و.....
قلت لي مدبلجة هاهاهاهاهاههاهاها
ياخ احبك ذاتو ....



___
ياخ انت ومصطفى محمود وسيف مساعد ومحمد عادل عسولين كيف
Post: #15
Title: Re: ميثاق شرف الصحفيين
Author: DKEEN
Date: 09-16-2009, 06:16 AM
Parent: #14

Quote: انا تاني ما عندي شغلة غيرك في البورد دا


افهم من كده انو انتا كان عندك شغلة اصلا؟؟
Post: #16
Title: Re: ميثاق شرف الصحفيين
Author: DKEEN
Date: 09-16-2009, 06:18 AM
Parent: #15

طبعا باستثناء القوالة والمشاط..

















ــــــــــ
ماتزعل تلتين نسوان حلتنا يمتهن القوالة والمشاط..ولازلن بخير
Post: #19
Title: Re: ميثاق شرف الصحفيين
Author: عبدالوهاب علي الحاج
Date: 09-16-2009, 11:52 AM
Parent: #16

Quote: ماتزعل تلتين نسوان حلتنا يمتهن القوالة والمشاط..ولازلن بخير
يعني افهم من كدا انو عندك حلة زينا كدا ؟
وفيها نسوان كمان ولا زلن بخير ؟
لا زلن بخير دي انا اشك فيها فأنت زي شوال الفحم البهبشك كلو بتوسخ ....
سؤال :
لو واحدة من نسوان حلتكم ديل ولدها فلقك بكتاب عشان بت ما مهمة او كورة او اي حاجة بتتصرف مع امو او اختو كيف ؟ اتحداك تجاوب السؤال دا !!!!!
لوووووووووووووووووووووووووووووول
Post: #18
Title: Re: ميثاق شرف الصحفيين
Author: عبدالوهاب علي الحاج
Date: 09-16-2009, 11:42 AM
Parent: #15

Quote: افهم من كده انو انتا كان عندك شغلة اصلا؟؟
انت شايف شنو ؟
كدي يا زول ما نطلع من موضوع البوست
قلت لي الميثاق مالو ؟






____
متابعين
Post: #17
Title: Re: ميثاق شرف الصحفيين
Author: walid taha
Date: 09-16-2009, 07:43 AM
Parent: #1

ما رديت يعنى!
Post: #20
Title: Re: ميثاق شرف الصحفيين
Author: عبدالوهاب علي الحاج
Date: 09-16-2009, 12:03 PM
Parent: #17

Quote: اتحداك تجاوب السؤال دا
غايتو كان الرد غلبك بجيك بعد المويات (بدبلج) اجابة تمام
بالمناسبة احسن زول بدبلج في البورد دا منو ؟
ياخ انت كيسك فاضي كيف الناس ساي شايلة حس محمد عادل








____
بالمناسبة اي زول جا قال لي دكين دا بفهم وبعرف يكتب سيعرض نفسه للتفتيش والدبلجة
Post: #21
Title: Re: ميثاق شرف الصحفيين
Author: DKEEN
Date: 09-16-2009, 12:54 PM
Parent: #20

Quote: ماعندي شغلة غيرك

قالو عدم الشغلة علم القرد المشاط..
Post: #22
Title: Re: ميثاق شرف الصحفيين
Author: DKEEN
Date: 09-16-2009, 01:00 PM
Parent: #20

Quote: كدي يا زول ما نطلع من موضوع البوست

كااااك
مالك بتحرن لامن نجيب ليك سيرة الشغلة الوحيدة التي فلحت فيها..
انتا وكت ما بتحمل وزر المشاط والقوالة مالك عليهو؟؟
موش تبقى قدر شنباتك ديل ..



ـــــــــــــــــ
هسي لو سالك ولدك قال ليك يابوي صحي انتا قوال؟؟
حتقول ليهو دكين شحد حبيبة صحبو؟؟


:)
Post: #24
Title: Re: ميثاق شرف الصحفيين
Author: عبدالوهاب علي الحاج
Date: 09-16-2009, 01:29 PM
Parent: #22

Quote: هسي لو سالك ولدك قال ليك يابوي صحي انتا قوال؟؟
حتقول ليهو دكين شحد حبيبة صحبو؟؟
هسه عليك الله دي دبلجة تدبلجهافي نهار رمضان
ياخ انت كيسك فاضي
وانا بالجد مستغرب من الناس البجو يطبلوا ليك دكين زول كويس وكتاب شديد ومش عارف ايه ياخ انت فاقد تربوي؟
ياخ انت في تصنيفي من انصاف المتعلمين او من انصاف الاميين او اي نصف من الكوب كان املأ او افضى اليك
اها يادبلوج نتلاقى بعد المويات كان بقينا حيين
Post: #25
Title: Re: ميثاق شرف الصحفيين
Author: DKEEN
Date: 09-16-2009, 01:46 PM
Parent: #24

Quote: يادبلوج نتلاقى بعد المويات كان بقينا حيين
ياهبوب
انا اجيك وكت اجيك
وامشي وكت تهف لي ..
شنو تعال نتلاقى بعد الفطور والحنك الضارب ده؟؟
انتا قايني صحبك؟؟



انتا وكت عامل حساب الصيام موش كان تتلم من الاول ..وتفعل كما يفعل الاباء امثالك الذين فطرون مع ابنائهم
يعني هسي تاكل فارغة هنا وتمشي تقرمش البلح وتقول اللهم إني صايم؟؟



انتا طيرة ولا زول؟؟
..



:)
Post: #23
Title: Re: ميثاق شرف الصحفيين
Author: DKEEN
Date: 09-16-2009, 01:11 PM
Parent: #17

وليد

اتصرف ياخي معاهم ..حتى ولو وصلت لي الراجحي ظاتو..القصة دي طالت وشكلها حتجر زي قصتي معاك
:)

بعدين انا ماجاني منك اي شي قريب..
Post: #26
Title: Re: ميثاق شرف الصحفيين
Author: زهير عثمان حمد
Date: 09-16-2009, 01:50 PM
Parent: #23

الاخوة الكرام
تحياتي
كما أسلف الاخ الطاهر ساتي ألميثاق موجودمن زمان بس العبرة بالالتزام والتنفيذ والتقيد منا ومنهم



Post: #27
Title: Re: ميثاق شرف الصحفيين
Author: عبدالوهاب علي الحاج
Date: 09-16-2009, 01:52 PM
Parent: #23

Quote: انتا طيرة ولا زول؟؟
بطة لوووووووول
Post: #28
Title: Re: ميثاق شرف الصحفيين
Author: عبدالوهاب علي الحاج
Date: 09-16-2009, 08:03 PM
Parent: #27

وين بتاع الدبلجة دا ؟
Post: #29
Title: Re: ميثاق شرف الصحفيين
Author: أمين محمد سليمان
Date: 09-16-2009, 08:21 PM
Parent: #28

يا وهبه ، الحاصل هنا ده ما صاح منك ! ياخي أقل شي الدنيا رمضان !
Post: #30
Title: Re: ميثاق شرف الصحفيين
Author: عبدالوهاب علي الحاج
Date: 09-16-2009, 08:36 PM
Parent: #29

Quote: يا وهبه ، الحاصل هنا ده ما صاح منك ! ياخي أقل شي الدنيا رمضان !
امين
انت ما عارف خلفية الموضوع
ياريت كان توفر كلامك دا او ترسلو لي في الماسنجر
وشكرا
Post: #31
Title: Re: ميثاق شرف الصحفيين
Author: DKEEN
Date: 09-16-2009, 11:43 PM
Parent: #30

Quote: ياريت كان توفر كلامك دا او ترسلو لي في الماسنجر


اهو ده عمارك..


رسل لي في الماسنجر وقال لي في التلفون واضرب لي تلفون..
Post: #32
Title: Re: ميثاق شرف الصحفيين
Author: DKEEN
Date: 09-17-2009, 00:09 AM
Parent: #31

التكينة وزهير والعزيز الطاهر

اسف جدا لتاخر الرد ..
بس ماذا افعل مع وهبة؟؟
متحير بصراحة ..


بالنسبة لي موضوع الميثاق..
الانقاذ لم تلتزم بميثاق مع حركة تحمل السلاح فهل تلتزم بميثاق مع ناس شايلين اقلام..
بعدين الطرح في خطاب الريس واضح ..
الامن القومي وامن المجتمع دي عبارات فضفاضة يمكن ان تحمل فوق ما تحتمل وتكون ذريعة لتكسير الاقلام الحرة..
اين ينتهى الامن القومي واين يبتدي وان ينتهي امن وسلام المجتمع واين ينتهى..
هي فعلا زي ماقال الطاهر الامر لم يكن جديدا..
ان ماقد تراه السلطة داخل خطوطها الحمراء يراها عثمان مرغني مثلا في صلب الحقوق والحريات..وانها مسالة مثار نقاش وتسوية..
طالما هنالك تجاوزات في السلطة وامور مغتغتة فالصحافة الحرة لايمكن ان تسكت على ذلك..
وطالما هنالك نافذين خلف هذه التجاوزات فسلطة هؤلاء النافذين لن تسكت على الصحافة الحرة..
ولو كتبو الميثاق على افواه المسدسات..

ياخي ديل لم يراعو مواثيق رب العالمين اتراهم يراعون ميثاق تيتاوي؟؟
Post: #33
Title: Re: ميثاق شرف الصحفيين
Author: الطاهر ساتي
Date: 09-17-2009, 00:35 AM
Parent: #32

على الأصل وليس الاستثناء .. نتواثق ..!!


** فلنحتفي بالميثاق الثاني الذي تواثقت عليه السلطة الرابعة مع السلطات الأخرى .. نعم، مانحتفي به هو الميثاق الثاني ، ولعلكم نسيتم أوتناسيتم ماحدث قبل خمس سنوات تقريبا ، حيث تواثقنا على ميثاق كهذا عقب رقابة أمنية صارمة ..ولكن فجأة إنفض المتواثقون عن ميثاقهم عقب غزوة ذات الموز الشهيرة بأم درمان ، فعادت الرقابة..وها هي السلطات تجتمع للمرة الثانية وتناقش وتضع ميثاقا آخر ..الميثاق السابق كان بلا إسم ، ولكن لهذا إسم موسيقي رائع .. ميثاق الشرف الصحفي ...!!
** المتواثقون تواثقوا على إثنين وعشرين نصا ..على سبيل المثال لا الحصر تواثقوا على : .. إحترام حق الجمهور فى الحصول على المعلومات الصحيحة ، الإلتزام فى كل ما ينشر بمقتضيات الشرف والأمانة والصدق .. الإلتزام بعدم تشجيع العنف و الخروج على القانون .. الإلتزام بالتحرى بدقة فى توثيق المعلومات .. الإلتزام بعدم استخدام وسائل النشر الصحفى فى اتهام المواطنين بغير سند، وألا يلجأ الصحفى لإبتزاز الآخرين بأى شكل من الأشكال.. كل خطأ فى نشر المعلومات يلتزم ناشره بتصحيحه فور اطلاعه على الحقيقة ، وحق الرد والتصحيح مكفول لكل من يتناولهم الصحفى .. و..و..و..هكذا تتوالى النصوص التي هم فيها يتواثقون وبها يفرحون ..!!
** بكل صراحة لم يأت الميثاق بنص جديد ..وعليه ، ليس في الأمر جديد وانه ما قد كان .. فقط تفرحنا نظرية : تفسير الماء بعد الجهد بالماء ..فالنصوص أعلاها - وغيرها -هي ذات النصوص التي تتوسد مواد دستور الدولة الذي تواثقنا على إحترامه قبل خمس سنوات .. وكذلك هي ذات النصوص المحشوة في ثنايا قانون الصحافة ، القديم والجديد ..وكذلك هي ذات النصوص التي تزين مسودة ميثاق الشرف الصحفي التي نوقشت في إتحاد الصحفيين قبل عام ونصف ، ولاندري ماذا حدث لمصيرها بعد ذاك النقاش ..؟.. وكذلك النصوص أعلاها هي ذات المواد القانونية التي تحتكم بها وعليها نياباتنا ومحاكمنا .. وعليه ، نصوص ميثاق الشرف الصحفي الحالي ليست مدهشة لحد الإحتفاء .. ولكن المدهش هو ذاكرتنا التي لم تعد تنسى وتتناسى فحسب ، بل لم تعد تقرأ حتى دستور البلد وقانون الصحافة .. !!
** سادتي .. فلندع هذا الميثاق الاستثنائي جانبا ، فما هو إلا بجزء من الأصل الذي يجب أن نتواثق عليه ونحترمه..وأعني بالأصل دستور الدولة الذي رسم المسار الصحيح للصحف ، توضيحا لحقوقها وتبيانا لواجباتها ثم تفسيرا صريحا لكيفية محاسبتها على أخطائها بواسطة محاكمنا فقط لاغير ..هذا الدستورالذي هو يستحق أن نتواثق عليه ، وهو الكل الذي حين نحترمه لن نحتاج إلي مجالس جودية ولجان أجاويد تصيغ لنا مواثيق رزق اليوم باليوم وإتفاقيات باركوها ياجماعة ..محاكمنا هي التي يجب أن تكون مواثيقنا المحترمة جدا يا عالم ..حيث أمامها لافرق بين الصحفي و راعي الضأن من حيث المحاسبة والعقاب .. لماذا نرهق أنفسنا ونهدر أزمنتنا ونمارس اللف والدوران حول الصحف ، بيد أن قاعات محاكمنا لها من القوانين والقضاة ما تمكنها من تصحيح المسار دون أن تظلم جهة أو تهضم حقا ..؟.. وقل إن الصحف جميعا خالفت هذا الميثاق ، فهل هذا يعني إعادة الرقابة عليها ..؟.. إذا كانت الإجابة بنعم فتلك مصيبة ، أما إذا كانت الإجابة بلا مع التأكيد على تقديم الصحف المخالفة الي المحاكم ، فهذا ما يسعد دستورالبلد والصحف والعدالة .. وهذا ما نعنيه بالتواثق على الأصل و ليس الإستثناء ..!!

http://www.alsahafa.sd/Raay_view.aspx?id=77159
Post: #34
Title: Re: ميثاق شرف الصحفيين
Author: أمين محمد سليمان
Date: 09-17-2009, 01:00 AM
Parent: #33

يا دكين
وهبه ده صحبي و أقرب زول لي في المنبر ده كلو ، عشان كده ما غريب يقول لي كان ترسل لي في الماسنجر ، و أظنك الكلام ده عارفو .
علي العموم الحاصل ده لا يسر عدو أو صديق ، فبالله عليكم يا وهبه و يا دكين مافي زول فيكم يوجه كلام للتاني ، مشو البوست ده في موضوعو ، و مداخلتي دي ذاتها بالله ما تردو عليها !
Post: #35
Title: Re: ميثاق شرف الصحفيين
Author: DKEEN
Date: 09-17-2009, 06:27 AM
Parent: #34

Quote: يا دكين
وهبه ده صحبي و أقرب زول لي في المنبر ده كلو ، عشان كده ما غريب يقول لي كان ترسل لي في الماسنجر ، و أظنك الكلام ده عارفو .
علي العموم الحاصل ده لا يسر عدو أو صديق ، فبالله عليكم يا وهبه و يا دكين مافي زول فيكم يوجه كلام للتاني ، مشو البوست ده في موضوعو ، و مداخلتي دي ذاتها بالله ما تردو عليها


يا امين

هل تراني اتيت بسيرة (صحبك واقرب زول ليك في المنبر ده كلو) ابتداءاً..
وهبة جايني ممكون من بوست قديم (اعلن على ملا العاملين) قتا ليهو فيهو (إنتا لاتصلح لمجرد الاطلاع على ونسة بيني وبين اصحابي)..
ماقدر يستوعب هذا الرفض العلني فتداعت الاشياء بعدها..
وصار مهجساً بدكين..

انا اشفق على صديقك من ماهو فيه وهو لايشفق علي نفسه..
(اقرب زول ليك في البورد كلو) هاباش ووماعندو شي ومع ذلك يبحث عن فارغة ولفاويس..


Quote: و أظنك الكلام ده عارفو

ابدا وحاتك ماعارفو..
بس لو عرفتو ما كان تغير في الامر شيئا.. ليس تقليلا من احترامك ولكن لانو وهبة وذلك طبعو ( ورسل لي ورسلتا ليهو وقال لي وقتا ليهو واضرب لي تلفون هسي دي) هذه عبارات اعتادها (صديقك واقرب زول ليك في المنبر ده كلو) ودونك البوستات حتلقى هذه العبارات اكبر من كوم عمتو ..


كلنا يا امين عندنا ابتلاءات في دنيانا... فاصبر على صحبك واحسن إليه وعظم الله اجرك ..





ــــــــــــــــــ
مداخلتك كانت موجهة لي وهبة لذا لم ارى داعي لحشر نفسي بينك وبين (صديقك واقرب زول ليك في المنبر ده كلو)
ولك الشكر عليها كونك تسعى لنصحه ونصحي..




التعديل لتوضيح ماتحت الخط اعلاه
Post: #36
Title: Re: ميثاق شرف الصحفيين
Author: walid taha
Date: 09-17-2009, 12:29 PM
Parent: #23

Quote: بعدين انا ماجاني منك اي شي قريب..

أكيد ال sent items بتاعى ده ما أصلي :)
أها..
Post: #37
Title: Re: ميثاق شرف الصحفيين
Author: DKEEN
Date: 09-17-2009, 02:33 PM
Parent: #36

يابو رغد كل سنة وانتا والاولاد طيبين

ياخوي انا اصدق السنت ايتم بتاعتك ولااصدق الجيب حقي؟؟
:)



حارسل ليك كل الورق اتاش في ميلك وانتا اسماعيل اصطفلو
عندك 10% لومرقتها..

دمتا رايق وكن في خير
Post: #38
Title: Re: ميثاق شرف الصحفيين
Author: DKEEN
Date: 09-17-2009, 02:33 PM
Parent: #36

يابو رغد كل سنة وانتا والاولاد طيبين

ياخوي انا اصدق السنت ايتم بتاعتك ولااصدق الجيب حقي؟؟
:)



حارسل ليك كل الورق اتاش في ميلك وانتا اسماعيل اصطفلو
عندك 10% لومرقتها..

دمتا رايق وكن في خير
Post: #39
Title: Re: ميثاق شرف الصحفيين
Author: حمد فتح الرحمن
Date: 09-17-2009, 03:48 PM
Parent: #38

Quote: حارسل ليك كل الورق اتاش في ميلك وانتا اسماعيل اصطفلو
عندك 10% لومرقتها..

هي كلها كم ؟ عشان نفكر في الموضوع دا
Post: #40
Title: Re: ميثاق شرف الصحفيين
Author: DKEEN
Date: 09-17-2009, 07:30 PM
Parent: #39

ياحمد انتا امرقا من العربي بتاع الدباب داك وليك 50%..

:)