الضراعة ... ود الزين ... خضر خليل...

الضراعة في الشمالية تعني (المساحة) والضّراع هو المساح وعادة يكون رجل ملم بنسب أهل المنطقة وأرضهم التي توارثوها ومن يرث من وللضراعة العديد من الأسماء الخاصة بها...

حيث يتم تقسيم الساقية الى

24 قيراط
والقيراط الى 12 سهم على ما أعتقد
وبعد ذلك السهم الي كذا عضم ...
وأول ما يختلف جيران في الحدود بيناتم بقومو يجيبو الضراع ويجي يقيس بعد يمرق (المضارات) وهي عبارة عن زقاقات أو ديداب لا يتجاوز عرضه مترين وعادة الزول البمشي يجيب الضراع هو البكون ماكل حق الناس ويطلع هو الغلطان وحينها حسب جارو يا أصر يأخد حقو يا عفاهو لي ...

أها هسه إنتو شن شورتكم جاركم داك مشى جاب الضراع وطلع هو الماكل حقكم تخلو واللا دايرين حقكم...

ود الزين باقي إنت حجِتك قايمة مع الجيران كلهم عشان ما يجي أي واحد فيهم يعتبر روحو المقصود

انا قاصد جاركم الناصية الفاتح ع الميدان.....

يا بشري
ازيك انت الحصل شنو
البوست سما واطه ما لميت فيهو




غايتو حليل صبرك يا ايوب

Quote: يا بشري ازيك انت الحصل شنو البوست سما واطه ما لميت فيهو غايتو حليل صبرك يا ايوب

يا قصة جاركم مشى جاب الضّراع وجا..

يا خضر الحسين زولك قال دايرنا في الميدان
متحري الغلب وما بيركز ركوز شجعان
محجوب العقل ما بيفرز الكيمان
وشاحدين الكريم صبرا مع المصران

يا ود الزين زولك ده قال الروب
وكل ما دخل ميدان طوالي هو المغلوب
عارف للغلط لكنو مابي يتوب
شاحدين الكريم صبرا مع أيوب

Quote: انا قاصد جاركم الناصية الفاتح ع الميدان.....

يا بشرى
الفاتح ع الميدان
ما عرفتو
لكن (زولنا) الفاتح ناصية ع السودان
أكل حقنا وجابلو ضراع يعرفو براه
وطلعنا نحن ماكلين حقو
هسع في زول جاب سيرة الجنائية!!

Quote: يا بشرى الفاتح ع الميدان ما عرفتو لكن (زولنا) الفاتح ناصية ع السودان أكل حقنا وجابلو ضراع يعرفو براه وطلعنا نحن ماكلين حقو هسع في زول جاب سيرة الجنائية!!

ابن عمي كيفنك والقضروف والحالة عموم....

وما مشيت بعيد أصلهم ناس الغلاط ظاهرين وطوالي جارين علي الضّراع
زولنا ده حقو ما تامي سهم لا لا سهم شنو عضم ما تامي وكان جيت للحق حقو بكون كسِر وفي رأس الساقي يعني في الجرف ما بيكون عندو شئ وبعد ده داير يعمل فيها صمد الساقي ... الله في...

ود الطيب ... سلامات يا بشري

يآخي والله اول مرة اشوف لي زول يحدد الميس ويكون اول زولاً يجري منه ...
ويمشي يتضرع لسيد الحلة حقتنا ...
ماقال البرة خلوهم تعالوا لينا نحن الجوة ..

غايتو سعال يا بشري انت الضراعة دي هي مقصود شيخ العرب في قوله :


ان مال الشجر ما بتكسرن فرّاعو
وقمحان للطلب لما بجيبو ضراعو
ليه يا اخوانا البيناتنا ما بتراعو
القال راسى موجعنى يربطولو كراعو

وقت حتي الضراعة تكون خايبة ..

غايتو شكيناك على الله يا هادي الميدان الماقدروا لا يقيسوك لا يضرعوك قالوا احسن نعملو مكب زبالة ...

اها سلام جاك يا بشري
الضراع وعرفناهو وخبرنا
ميدانو الشتت منو
اها زولك ده كدي دخلو لي
في جملة مفيدة من ضمنها
كلمة (أبو ضراع) مع شرح
كامل ومستوفي للكلمة .

وانشاءالله واطاتكم سالمة
وكاملة وما نجيكم في ضراعة.

Quote: ود الطيب ... سلامات يا بشري يآخي والله اول مرة اشوف لي زول يحدد الميس ويكون اول زولاً يجري منه ... ويمشي يتضرع لسيد الحلة حقتنا ... ماقال البرة خلوهم تعالوا لينا نحن الجوة .. غايتو سعال يا بشري انت الضراعة دي هي مقصود شيخ العرب في قوله : ان مال الشجر ما بتكسرن فرّاعو وقمحان للطلب لما بجيبو ضراعو ليه يا اخوانا البيناتنا ما بتراعو القال راسى موجعنى يربطولو كراعو وقت حتي الضراعة تكون خايبة .. غايتو شكيناك على الله يا هادي الميدان الماقدروا لا يقيسوك لا يضرعوك قالوا احسن نعملو مكب زبالة ...

ود الزين حبابك ....
وكلامك عن الميس ده متل الشافع البكون ما بيعرف يلعب مع الشفع لكن بتكون الكورة حقتو أول من يعرف إنو ماشي يتغلب بشيل كورتو ويجري البيت أها ده زولك ده ... جنو خرخرة وهو كمان مشحود عليها ما جايبا من البدافع عنهم ....

ويا قصة الضراعة الكاسا الزويل ده طوالي بجري يكوسا ماها أول مرة ليهو والغريبة طوالي هو الخسران..
آل ميدان آل

عارف يا بشري قصة الكورة دي ذكرتني ود جيرانا اسمو بكري ..

ابوهو كان مغترب وجاء في الاجازة جاب ليهو كورة ( زماان اسمها موزة ) المهم سمحة خلاص لناس طموحهم يلعبو بكورة البتتنفخ بالخشم ديك ..

اها بكوري دا علاقتو بالكورة زي علاقتك انت باللغة الهيروغليفية ياخي قون ما نافع فبنجي في ( الميدان) وكل زول بيعزل اللاعبين اول شئ والباقيين تمامة عدد - ما عدا بكري دا
كان اول واحد بينعزل وكمان مرات بيبقي الكبتن هو والا بيشيل كورتو ويشتت .. شايف كيف ؟!

ولدنا ( سيد الضراعة الماعندو صبر ايوب ) وقت ما عندو القدرة التحدي ليهو شنو ؟!
وسيد الحوش نفسو قصتو معاهو شنو كل مرة يقشقش في طراشو ويمسح الواطة بعدو ..
وانا زول نضم قال بغم بيكتم ليهو باقي الكلمة في خشمو ...


والغريبة واغرب شئ قصة ( هكوري ) ماتجي سيرتها الا وجب يبلعوا البوست ..
والله اتنا ملاحظ الامر دا ومستغرب وراها شنو الحكاية دي !!!

انت من زمن الكورة الموزة يا حيدر !!!!
وقصة بكري دي مكررة في أي حلة ودايما بكون لبيس (شورت ... كدارة ...فاول... إنكل اسبورت) طبعا ما زمنكم ما كان في شنكار !!!!!

أما زولك بتاع التحدي ده فهو أصلا ليهو زمن مافي ويومو الجا قال ياود أنا لازم اتجدع على الوهم ديل
وقايلنا بننسى سواتو الكان بسوي فيها هنا قبل يغيب جا لقانا صارنو ليهو لي متل اليوم ده طوالي زولك قام جاري ريالتو سايلة ويكورك ماداير معاكم مام مام ممممم اها جو ناس البيت شالو الكورة دخلوها جوة وقال ما في لعب ... وطبعا سيد البيت ذاتو غلطان لكن نسوي شنو نحترمو عمر ساكت...

اما سيرة هاكوري دي بتبوظ القصة كلها وقد تكشف عن خيوط ما مفروض تطلع لي عموم خلق الله ما كمان البيوت أسرار عشان كدي اها الخمسة فوق الإتنين ... إلا يا أخوي زولك ده يكون منسق معاهو أصلو يومو داك كان بيرقدلو وهاكوري يطفر...

الله في

Quote: اها سلام جاك يا بشري الضراع وعرفناهو وخبرنا ميدانو الشتت منو اها زولك ده كدي دخلو لي في جملة مفيدة من ضمنها كلمة (أبو ضراع) مع شرح كامل ومستوفي للكلمة . وانشاءالله واطاتكم سالمة وكاملة وما نجيكم في ضراعة

صديقي الذي في الفيافي سفيان كيفنك يا صديق...
ياخي حبابك وين انت قاطع خبرك خليتنا نجري نلاحق في السفارة قبال ناخد خبر البندر الشوق يسبقنا ونسأل عنك ( على قول أهلنا) سألنا عنك قربما فدخل بي حمد ومرق بي خوجلي وسألنا منك بكري يوسف لكن (النعلات) شاغلهو ومخلاهو ما مركز ... وكمان جا عليها رمضان لكن أظنو في منقويا ما عندو قدرة على السخانة دي...

اما زولنا بتاع الضراعة ده ...
هاك الجملة المفيدة دي...
يا ود الزين زولك ده قال الروب
وكل ما دخل ميدان طوالي هو المغلوب
عارف للغلط لكنو مابي يتوب
شاحدين الكريم صبرا مع أيوب

أها شيل المقصود هنا وخت معاهو اسم قائد العدل والمساواة ...

اها بعد ده إلا أقولك بيقول باع وعندو صوف وبيضبحو في العيد وليهو 4 كرعين..

أوعك تقولي السمك...

Quote: بيقول باع وعندو صوف وبيضبحو في العيد وليهو 4 كرعين.. أوعك تقولي السمك...

سمك شنو ياخ
ده التمرهندي

والله اسم بكري دا مصيبتو مصيبة ...

مرة بكري جارنا ودالناس المغتربين ومرة بكري حسن صالح .. وبكري الما يجيبو اسمو ..

الا هو مالو ؟؟!

حريص عليهو كدة لييييه !!

جعفر خضر كمان جابتلها تمر هندي ..

لكن تعرف مع زول اللغاويس ده أي شئ ممكن

Quote: والله اسم بكري دا مصيبتو مصيبة ... مرة بكري جارنا ودالناس المغتربين ومرة بكري حسن صالح .. وبكري الما يجيبو اسمو .. الا هو مالو ؟؟! حريص عليهو كدة لييييه !!

والله فعلا شئ عجيب ...
لكن بس ما تستغرب أي عاجة ممكن تحصل هنا..
اما الإسم فده قصة براهو

اووووو حبيبنا بشري ..

يضحك السمك البينطط فوق دا ..

عارف القصة بقت في جحا الدخلوهو قال دخلو حماري - رغم اني ما عارف الحمار هنا ياتو -

اها اغلب الحكي انه صابرين صبر ايوب .. وايوب طلع صاحب ملك كمان .. وممكن يقلع ارضك مش يحددها


هل وصلك ايميل الباشمهندس السماني احمد عماره ؟؟؟ اسلوب مختلف وجديد


اشعر بان ربة الشعر ستهبط على فأقول شعراص بعد قليل ... :)

وتجاوزتني ربة الشعر مُلقنة للجنوبي - امل دُنقل - فصاح قائلاً :






جاء طوفانُ نوحْ!

المدينةُ تغْرقُ شيئاً.. فشيئاً

تفرُّ العصافيرُ,

والماءُ يعلو.

على دَرَجاتِ البيوتِ

- الحوانيتِ -

- مَبْنى البريدِ -

- البنوكِ -

- التماثيلِ (أجدادِنا الخالدين) -

- المعابدِ -

- أجْوِلةِ القَمْح -

- مستشفياتِ الولادةِ -

- بوابةِ السِّجنِ -

- دارِ الولايةِ -

أروقةِ الثّكناتِ الحَصينهْ.

العصافيرُ تجلو..

رويداً..

رويدا..

ويطفو الإوز على الماء,

يطفو الأثاثُ..

ولُعبةُ طفل..

وشَهقةُ أمٍ حَزينه

الصَّبايا يُلوّحن فوقَ السُطوحْ!

جاءَ طوفانُ نوحْ.

هاهمُ "الحكماءُ" يفرّونَ نحوَ السَّفينهْ

المغنونَ- سائس خيل الأمير- المرابونَ- قاضى القضاةِ

(.. ومملوكُهُ!) -

حاملُ السيفُ - راقصةُ المعبدِ

(ابتهجَت عندما انتشلتْ شعرَها المُسْتعارْ)

- جباةُ الضرائبِ - مستوردو شَحناتِ السّلاحِ -

عشيقُ الأميرةِ في سمْتِه الأنثوي الصَّبوحْ!

جاءَ طوفان نوحْ.

ها همُ الجُبناءُ يفرّون نحو السَّفينهْ.

بينما كُنتُ..

كانَ شبابُ المدينةْ

يلجمونَ جوادَ المياه الجَمُوحْ

ينقلونَ المِياهَ على الكَتفين.

ويستبقونَ الزمنْ

يبتنونَ سُدود الحجارةِ

عَلَّهم يُنقذونَ مِهادَ الصِّبا والحضاره

علَّهم يُنقذونَ.. الوطنْ!

.. صاحَ بي سيدُ الفُلكِ - قبل حُلولِ

السَّكينهْ:

"انجِ من بلدٍ.. لمْ تعدْ فيهِ روحْ!"

قلتُ:

طوبى لمن طعِموا خُبزه..

في الزمانِ الحسنْ

وأداروا له الظَّهرَ

يوم المِحَن!

ولنا المجدُ - نحنُ الذينَ وقَفْنا

(وقد طَمسَ اللهُ أسماءنا!)

نتحدى الدَّمارَ..

ونأوي الى جبلٍِ لا يموت

(يسمونَه الشَّعب!)

نأبي الفرارَ..

ونأبي النُزوحْ!

كان قلبي الذي نَسجتْه الجروحْ

كان قَلبي الذي لَعنتْه الشُروحْ

يرقدُ - الآن - فوقَ بقايا المدينه

وردةً من عَطنْ

هادئاً..

بعد أن قالَ "لا" للسفينهْ

.. وأحب الوطن!

ود الزين ...

والله ده شئ عجيب زولك كمان عامل فيها ياهو سيد الوهمة كلها ..

وشايفو يهدد كمان ...
وموش مغالط بس لا ده كمان داير يقلع ...
وزولك ده ماهو عارف حجمو شنو ..
زول لا عندو مقدرة على النقاش لا على الكلام السمح لا عندو معرفة لا رأي زول أمفكو ساكت ..
الغريبة قرأ في شمبات ودي بالذات بتطلع الزول نجيض تب لكن زولك ده يكون من الخرقوا العادة .. يكف العين .. يا كمان يكون قضى مرحلة الجامعة في جناين المرسى ...

البوست دا :

Quote: هل وصلك ايميل الباشمهندس السماني احمد عماره ؟؟؟ اسلوب مختلف وجديد

جب واتلحس زي ما حصل اي شئ ..،،،

والله جنس ضراعة ..

قالوا الضراعة الشتت خزاعة ..:)

نسيت اخت وش مدردق في المداخلة الفوق .. فتقبلوا هذه على سبيل التضرع ..

Quote: زول لا عندو مقدرة على النقاش لا على الكلام السمح لا عندو معرفة لا رأي زول أمفكو ساكت ..

يا بشرى من قبيل ما تقول كدة
نافع الما نافع في زول بغباهو

ود الزين ...
صباحاتك بيض يا صاحبي ...

يعني في البورد ده ما نمرق ..... وين البوست بتاع هل وصلك شنو داك .... الجا أخانا بتاع جناين المرسى داك يهدد فيه بقربه من الضّراع...
الزول ده قولو الجري ما بيحلك وتجي تكاكي برضو ما بيحلك ... تعمل فيها أبوها ما بيحلك تعمل فيها بكري سيد الكورة الموزة ما بيحلك .. تعمل فيها بكري حسن صالح ما بيحلك....
عالم ما بتستحي ...

أها وعشان الكلام يكون عديل ...
أيوب خليل أنت أخطأت في حق الكثيرين هنا وكونك كل ما تفتح بوست ونجيك فيهو تقوم تطالب بي سحبو وده شين في حقك وخصوصا إنو آخر بوست ليك كان عن الشجاعة وإنو الناس تركز في الميدان وجيناك هناك وقعدت تسكلب وسحب البوست أها بدل نقعد نباريك كدي من محل لي محل تعال قِر بي غلطك وأعرف مقدارك وألزمو ولا تتشوبر عشان ما تقع علي رقبتك....

جعفر خضر ياصديق سلامات...

الناس ديل القالب حقهم واحد من أكبر زول كان البشير كان نافع ولحدي أجهل واحد فيهم وهو أيوب خليل الحايم هنا ده.

Quote: أيوب خليل أنت أخطأت في حق الكثيرين هنا وكونك كل ما تفتح بوست ونجيك فيهو تقوم تطالب بي سحبو وده شين في حقك وخصوصا إنو آخر بوست ليك كان عن الشجاعة وإنو الناس تركز في الميدان وجيناك هناك وقعدت تسكلب وسحب البوست أها بدل نقعد نباريك كدي من محل لي محل تعال قِر بي غلطك وأعرف مقدارك وألزمو ولا تتشوبر عشان ما تقع علي رقبتك....

شجاعة ؟؟؟؟!

شجاعة شنو للديك الاعرج يا بشري الطيب كمان !!

احسن نركز علي السكلبة ونعرف ليه ود المغتربين وقت يسكلبو ليهو بيشيل الكورة ويقوم جاري ..!


عيد سعيد ومبارك ..
وباقي ل برجع ليك نصيحتك نبعد من اشطر الميت وقت تمرو كلع بقي سيس ...

مشاطات أون لاين

في حريم كلامهم في الصميم ، عشان كده مستحيل نصنف كلامهم كلام مشاطات ..




وبالعكس في رجال كلامهم لا يسمن ولا يغني من جوع وبالتأكيد كلامهم كلام مشاطات ..

يا عجل ...

المشاطة بتشتغل وتجيب حقها باصبعينها ...

اها البينكسر للرجال ويكوس نصرتهم يفتش الحجازة ويا فلان الحقني الرجالة حقروني يقولوا عليهو شنو ؟!

محتاج شرح باقي لك !!!

Quote: مشاطات أون لاين في حريم كلامهم في الصميم ، عشان كده مستحيل نصنف كلامهم كلام مشاطات .. وبالعكس في رجال كلامهم لا يسمن ولا يغني من جوع وبالتأكيد كلامهم كلام مشاطات ..

بجيك راجع بي مهلة ... بس أوعك تجري تكورك يا بكري ألحقني وفكني من الناس ديل ...

ولي الوقت داك أعرف إنك :

1- زول قرعة لا تملك ما يؤهلك لأن تقول بِغم في كثير من المواضيع ومع ذلك تتصدى لها وحينها تفضح جهلك.
2- إنك زول رجافة كل ما تتعصر تجر لي حذف البوست.

4- تدعو للإساءة لأعضاء المنبر ..
5- أكتر زول بتكاكي في المنبر ( من قولك كااااااااااااااك) وما بتعرف بلاها.

بعدين يا أرنب المشاطة زي ما قالك ود الزين ما بتجري تكوس الرجال يجيبولا حقها بتأخد حقها تالت ومتلت...
انت بتين تركز وتخلي الجقلبة البتسوي فيها دي...

شلووت الترزي ...

الغريبة البوست دا قاعد لي هسع ؟؟!

الضراعة ما ظبطت المرة دي والا سيد الكورة ملّ من كترة الجرسة وانفناسة الرجالة !!!

الضّراع نفسو إتقطع يا ود الزين زولك ده كلو مرة مغالِط زول في الحق والواطة ...



من الصباح النت قاطع عندنا عشان كده زولك ده ما أديناهو المعلوم ...
وفي الباقي لي كفاهو ...