Post: #1
Title: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-13-2009, 10:42 AM
أصابت الهلالاب هيستريا غريبه
بوستات بالكوم .. رسائل .. أى قناة سودانيه تلقى الشريط من تحت ملان هلال هلال
من ما قمنا المريخ بغلب الهلال والهلال بغلب المريخ .. الجديد شنو ؟؟
الجديد أن الهلالاب يحسون بضعف فريقهم من فتره
والفارق الكبير بينهم وبين ومنافسهم
لذا كانت الفرحه هستيريه
ومازالو غير مصدقين.... كحالنا نحن
هذه الهيستريا تؤكد لنا بإعتراف ضمنى أنهم فازوا على فريق عظيم لم يكن فى حساباتهم الفوز عليه قريباً
..........
كلو منك يا مازدا ؟؟
................
ومبروك للأخوه الهلالاب الفرحه الكبرى
وعقبال كاس البطوله يارب
..............
فقط أردت أن أذكرهم من هذا البوست أن هزيمة أحد الفريقين لأخيه مسأله عادية تنتهى بإنتهاء اليوم الذى يلى المباراه
على أكثر تقدير
وهذه الفرحه الهستيريه لا تؤكد إلا شيئاً واحداً
مااااااااااااااا مصدقين ...............
مبروك تانى وتالت ورابع
|
Post: #2
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-13-2009, 09:28 PM
Parent: #1
ولا رأيكم شنو ؟؟؟؟؟؟
|
Post: #3
Title: Re: هيستريا الفرح الهلالى .. ماذا تعنى ؟؟؟
Author: عبدالوهاب علي الحاج
Date: 09-13-2009, 09:41 PM
Parent: #2
| Quote: ولا رأيكم شنو ؟؟؟؟؟؟ |
اخ اسامة
تحياتي
رأينا انو الفرحة فعلا ما عادية لانو المباراة دي بتختلف وطبعا زي ما عارف سيادتك انو المباراة دي مؤهلة للمربع الذهبي والانتصار فيها يعني الشئ الكثير لجماهير الهلال .... وطبعا زي دا انتو لا شفتو ولا بتعرفو بنعرفو براااااانا .. التأهل للمربع الذهبي في كبرى البطولات الافريقية شي مفرح شديد ...
وبعدين داير اذكرك بخلفية المباراة والعمايل العملها مزمل ابو القاسم من شكاوي وتحريض الفرق الاخرى على التقدم بالشكاوي يعني الفرح المرة دي مضاعف وكدا وزايد فوق حلاوتو حلا ... انتو بس استحملونا اليومين دي واكيد حنرشكم في الممتاز وحتلاحظ ساعتها انو الفرحة ستختفي بعد 30 دقيقة بالكتير..
والى ذلك الحين كونوا معنا متعوا انفسكم بالاداء الرفيع ...وبس
|
Post: #4
Title: Re: هيستريا الفرح الهلالى .. ماذا تعنى ؟؟؟
Author: عمران حسن صالح
Date: 09-13-2009, 09:43 PM
Parent: #2
| Quote: ولا رأيكم شنو ؟؟؟؟؟؟ |
انت خليت لينا راي تاني يا أسامة ؟؟ 
Quote: الجديد أن الهلالاب يحسون بضعف فريقهم من فتره
|
| Quote: والفارق الكبير بينهم وبين ومنافسهم |
| Quote: لذا كانت الفرحه هستيريه |
| Quote: ومازالو غير مصدقين... |
| Quote: كلو منك يا مازدا ؟؟ |
Quote: وهذه الفرحه الهستيريه لا تؤكد إلا شيئاً واحداً
مااااااااااااااا مصدقين . |
|
Post: #5
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-13-2009, 09:51 PM
Parent: #4
الأخ عبدالوهاب
مبروك والله
| Quote: رأينا انو الفرحة فعلا ما عادية لانو المباراة دي بتختلف وطبعا زي ما عارف سيادتك انو المباراة دي مؤهلة للمربع الذهبي |
إتأهلتوا قبل كده كم مره ؟؟
أها الحصل شنو ؟؟
وزى ما إنت عارف
كل أتيام الهلال الإتأهلت قبل كده أقوى من التيم الحالى بى كتير ( وبدون غلاط )
غايتو كان ماجبتو الكأس السنه دى .. دايرين زمن طويل عشان تجيبوهو
يارب تجيبوهو ( عشان العُقده تتحلَ )
ونفرح معاكم والله
|
Post: #7
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-13-2009, 09:55 PM
Parent: #5
الأخ عمران
رمضان كريم
وربنا يديك العافيه
تقول شنو ؟؟؟
مافى زول يصحيهم من الهيستريا دى ؟؟؟
ويقول ليهم كفايه .. الكوره إنتهت ؟؟؟
|
Post: #6
Title: Re: هيستريا الفرح الهلالى .. ماذا تعنى ؟؟؟
Author: محمد عثمان
Date: 09-13-2009, 09:53 PM
Parent: #4
الاخ اسامة...
تحاايا
ياخى مش انتو قلتو ما بنطير برانا..؟؟
عشان كدا من حقنا نفرح لانو كلاامكم ذهب مع الريح
و زى ما قال صلاح ادريس من حقر حفرة لاخيه وقع فيها...
|
Post: #8
Title: Re: هيستريا الفرح الهلالى .. ماذا تعنى ؟؟؟
Author: الامين عباس احمد
Date: 09-13-2009, 10:05 PM
Parent: #6
كلامك صحيح وما مفترض نفرح لأنو هزيمة الوصيف متوقعة للاسباب :
البطولة حقت الكبار ..
الملعب المقبرة ..
التحكيم أجنبي ..
المذيع الشوالي ..
مدرب الوصيف مازدا ..
الحارس يا حافظ يا اكرم يا محمد كمال ...
الاحتياطي وبعض الاساسيين مشاطيبنا ...
نحن فرحنا للتأهل يا حبوب ... 700 الف دولار قابلة للزيادة ....
|
Post: #9
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-13-2009, 10:10 PM
Parent: #8
| Quote: نحن فرحنا للتأهل يا حبوب ... 700 الف دولار قابلة للزيادة |
الأمين
رمضان كريم
سبب وجيه جداً
بس الغريبه الهلالاب الفرحانيين ديل كلهم مافى واحد جاب سيرة الدولارات دى
يكونوا نسوها يارب ؟؟؟
|
Post: #10
Title: Re: هيستريا الفرح الهلالى .. ماذا تعنى ؟؟؟
Author: keiga2000
Date: 09-13-2009, 10:24 PM
Parent: #9
مستجدين نعمـه لا غيـر ياجنابـو
المسكين لما يلقى الخبـزه الناشفه مش بفرح لما ينطط
ابومصطفى
|
Post: #46
Title: Re: هيستريا الفرح الهلالى .. ماذا تعنى ؟؟؟
Author: abas
Date: 09-17-2009, 11:30 AM
Parent: #10
مستجدين نعمـه لا غيـر ياجنابـو
كيقا يا حبيب
قلت لي شنو
انتو متين اتاهلتو عشان سيد البلد يكون مستجد نعمه
واسامه ده والله بالجد كرور
لانو بقارن الوصيف ديمه بسيد البلد الكل الاعالم بعرفو
والله جنس كرور
|
Post: #11
Title: Re: هيستريا الفرح الهلالى .. ماذا تعنى ؟؟؟
Author: Dr.Elsadig Abdalla
Date: 09-13-2009, 10:29 PM
Parent: #9
يا سلام عليك يا اسامه ...أجمل بوست يحكي التحليل السليم لهذه الهستريا ...ياخ ديل مامصدقين فعلا كانو حلم ...
ياخ أنت مفروض تغير اسمك ده ...أصل مامكن واحد يكتب تحليل زي ده يكون كرور ..
أما المربع الذهبي أو حتي النهائي زاتو ..مامشيتو قبل كده ..حصل شنو يعني؟؟ياريت لو ما مشيتوا...
عمركم ما حا تفوزوا ببطوله خارجيه ...ونحنا وانتو قاعدين جوه الكمبيوتر ده ..
قال أيه..قال كاس قال ..والله ياهو الفضل ..
|
Post: #12
Title: Re: هيستريا الفرح الهلالى .. ماذا تعنى ؟؟؟
Author: الامين عباس احمد
Date: 09-13-2009, 10:33 PM
Parent: #11
بعدين يا اسامة في سبب تاني ...
دي مباراة دولية يعني الشغلة فيها تصنيفات قارية وكدا ... دا اذا نسينا كلو كلو اسباب تانية زي هرطقات مزمل .. وبرضو كان في فصاحة كتيرة من عينة ما بنطير برانا .. وبنفرمل .. وبنسوي ...الخ
|
Post: #13
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-13-2009, 10:35 PM
Parent: #11
Keiga 2000
د. الصادق
تقولوا شنو ؟؟
غايتو حقو يعملوا ليهم تمثال لى مازدا
أها نحن قاعدين كان ربنا مدّ فى العمر
ونتمنى يشيلوا الكأس وباقى الدولارات
...................
ومشكورين على المرور
|
Post: #14
Title: Re: هيستريا الفرح الهلالى .. ماذا تعنى ؟؟؟
Author: عبدالوهاب علي الحاج
Date: 09-13-2009, 10:38 PM
Parent: #11
جففوا دموعكم ومناخيركم واستغفروا ياجماعة
وقوموا الى كأس السودان يرحمكم الله
|
Post: #15
Title: Re: هيستريا الفرح الهلالى .. ماذا تعنى ؟؟؟
Author: فيصل نوبي
Date: 09-13-2009, 10:57 PM
Parent: #11
| Quote: ياخ أنت مفروض تغير اسمك ده ...أصل مامكن واحد يكتب تحليل زي ده يكون كرور .. |
|
Post: #16
Title: Re: هيستريا الفرح الهلالى .. ماذا تعنى ؟؟؟
Author: سيف الدين عوض
Date: 09-13-2009, 11:58 PM
Parent: #15
هيبة النجمة ..
|
Post: #17
Title: Re: هيستريا الفرح الهلالى .. ماذا تعنى ؟؟؟
Author: ياسر عبدالكريم محمد
Date: 09-14-2009, 00:10 AM
Parent: #16
Quote: ولا رأيكم شنو ؟؟؟؟؟؟
راينا إنو المريخ اخد المرتب بتاعو
وبس
رمضان كريم
|
Post: #18
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-14-2009, 12:38 PM
Parent: #17
| Quote: جففوا دموعكم ومناخيركم واستغفروا ياجماعة |
وحاتك ياوهبه بالليل داك جففناها وأصبحنا نعاين للجديد
| Quote: راينا إنو المريخ اخد المرتب بتاعو |
سلامات ياسر وكل سنه وإنت والأسره طيبين
ياخى المرتب دا شىء الناس بتاخدو اكيد فى مواعيدو
لكن مرتبكم دا الفرحتو بيهو لما خُفنا عليكم دا ما مرتب
إنتو لى هسى ما مصدقين فريقكم الشايفنو دا يغلب المريخ
مبروك يا حبيب وإن شاءالله بس تجيبو مريسة تام زين
|
Post: #19
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-14-2009, 12:41 PM
Parent: #18
اخوان فيصل نوبى
وسيف الدين عوض
شكراً على المرور
وكل عام وأنتم بخير
|
Post: #20
Title: Re: هيستريا الفرح الهلالى .. ماذا تعنى ؟؟؟
Author: Mohamed Foto7li
Date: 09-14-2009, 02:03 PM
Parent: #19
| Quote: هزيمة أحد الفريقين لأخيه مسأله عادية |
انتوا قبل الكوره لسانكم طويل
وانتو كنتو ماملين تقلبوا
تاخدو المرتب بتاعكم وتقول فرحه
--------------------------------------------------------------------
نصيحه سيبو الهلال وصلحو فريق الحمام الميت
|
Post: #21
Title: Re: هيستريا الفرح الهلالى .. ماذا تعنى ؟؟؟
Author: صبري طه
Date: 09-14-2009, 02:36 PM
Parent: #20
لك التحية أخي أسامة ... ورمضان كريم ...
أنا فرحان عشان الآتي:-
1- تأهل الهلال للدور نصف النهائي بغض النظر على حساب منو.
2- فرصة الهلال كبيرة للفوز ببطولة هذا العام لغياب الأهلي المصري وتضاؤل أمل الصعود للنجم الساحلي (فرق شمال إفريقيا عقدة).
3- نجاح محترفي الهلال بشكل ملحوظ (ديمبا - إمبيلي - سادومبا) مع إحراز إيفوسا لهدفه الأول رغم دخوله في الجزء الأخير من المباراة.
4- نجاح المدرب الهلالي في صنع فريق قوي مع دكة بدلاء قوية.
والتحية لمزمل ولمازدا ...
غياتو حرف الميم والزاي واللام اجتمعوا في اسمي مزمل ومازدا ...
ولك ودي ،،،
|
Post: #22
Title: Re: هيستريا الفرح الهلالى .. ماذا تعنى ؟؟؟
Author: خضر حسين خليل
Date: 09-14-2009, 02:55 PM
Parent: #21
Quote: هيستريا الفرح الهلالى .. ماذا تعنى ؟؟؟
|
تعني انو المريخ اتهزم من سيد البلد بثلاثية
ــــ
يار فريد لسع حي يرزق بعدالنتيجة دي يا اسامة
والله مشتاقين يا سعادتك
|
Post: #23
Title: Re: هيستريا الفرح الهلالى .. ماذا تعنى ؟؟؟
Author: omer osman
Date: 09-14-2009, 02:59 PM
Parent: #22
| Quote: هيستريا الفرح الهلالى .. ماذا تعنى ؟؟؟ |
تعني انهم انتصروا على زعيم
|
Post: #24
Title: Re: هيستريا الفرح الهلالى .. ماذا تعنى ؟؟؟
Author: عبدالوهاب علي الحاج
Date: 09-14-2009, 06:48 PM
Parent: #23
| Quote: وقوموا الى كأس السودان يرحمكم الله |
ساووا الصفوف
وسدوا الفرج (بضم الفاء وفتح الراء)
___
وموفقين في الكونفيدالية
|
Post: #25
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-14-2009, 08:15 PM
Parent: #24
Quote: انتوا قبل الكوره لسانكم طويل
وانتو كنتو ماملين تقلبوا
تاخدو المرتب بتاعكم وتقول فرحه
|
والله يا محمد يا أخوى ما كنا مؤملين .. نحنا كنا متأكدين .. بس الله يجازى الكان السبب
صراحه إنتو الكنتو متأكدين من الهزيمه
عشان كده فرحتكم كانت فرحة زول ما مصدق
|
Post: #26
Title: Re: هيستريا الفرح الهلالى .. ماذا تعنى ؟؟؟
Author: khaleel
Date: 09-14-2009, 08:17 PM
Parent: #25
يا اسامة كيف يعني
نفوز علي المريخ
نمشي دور الاربعة
نقبض سبعمائة الف دولار
وما عائزنا نفرح
|
Post: #27
Title: Re: هيستريا الفرح الهلالى .. ماذا تعنى ؟؟؟
Author: معتصم مصطفي الجبلابي
Date: 09-14-2009, 08:28 PM
Parent: #26
هناك عدة عوامل ادت الي هذه الفرحة الهستيريا كما اطلقت عليها
زكر الاخوان بعضها ..وأضيف ليها انه الفرحة بتكمن في انه نحن
غلبنكم ومرقناكم وطيشناكم ..
إضافة لي طول لسان المريخاب قبل المباراة وحتى بعدها..
نفرح ونغنى ونرقص مين يمنعنى اغنى لهلالي إذا لوعنى
أسأل مزمل ابو القاسم وتعرف سر الهستريا
|
Post: #28
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-14-2009, 08:29 PM
Parent: #25
| Quote: لك التحية أخي أسامة ... ورمضان كريم |
رمضان كريم ياصبرى وكل عام وأنتم بخير
| Quote: أنا فرحان عشان الآتي:- |
| Quote: 1- تأهل الهلال للدور نصف النهائي بغض النظر على حساب منو. |
صاح إنت فرحان عشان التأهل .. لكن الهيستريا دى عشان ما مصدق تغلب فى المباره دى بالذات
| Quote: 2- فرصة الهلال كبيرة للفوز ببطولة هذا العام لغياب الأهلي المصري وتضاؤل أمل الصعود للنجم الساحلي (فرق شمال إفريقيا عقدة). |
يعنى إعتراف صريح إنتو ما بتشيلو بطوله إلا إذا كان الفرق المنافسه ضعيفه
| Quote: 3- نجاح محترفي الهلال بشكل ملحوظ (ديمبا - إمبيلي - سادومبا) مع إحراز إيفوسا لهدفه الأول رغم دخوله في الجزء الأخير من المباراة |
نجاح شنو يا حبيب البقيسوهو بى مباره واحده .. ولو قون واحد بنجح كان نجح عندكم الماسوره افيانى
| Quote: 4- نجاح المدرب الهلالي في صنع فريق قوي مع دكة بدلاء قوية |
المدرب نجح فى التكتيك وليس صنع فريق ونجح بفشل الآخرين .. وحكاية فريق قوى مع دكة بدلاء قويه دى واسعه شويه
وأرجع لى نمره 2 تعرف الهلال وصل هنا كيف ؟؟
| Quote: والتحية لمزمل ولمازدا ... |
تحيه بس
مازدا بالذات حقو تعملوا ليهو تمثال
ونتمى معك الكأس فى غياب التماسيح
وكل سنه وإنت طيب
|
Post: #29
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-14-2009, 08:33 PM
Parent: #28
خدر سلامات
Quote: تعني انو المريخ اتهزم من سيد البلد بثلاثية
|
دى ما أول مره .. بس المره دى مااااااااااااا مصدقين
| Quote: يار فريد لسع حي يرزق بعدالنتيجة دي يا اسامة |
ياسر فريد بخير بس وزنو نقص 50 كيلو .... يكون من الصيام ياربى ؟؟؟
| Quote: والله مشتاقين يا سعادتك |
ونحن بالأكتر والله
ومعيدين فى السودان بإذن الله
|
Post: #30
Title: Re: هيستريا الفرح الهلالى .. ماذا تعنى ؟؟؟
Author: DKEEN
Date: 09-14-2009, 08:37 PM
Parent: #29
اسامة ازيك
بغض النظر عن موضوعك ياخي اسمك جميل
|
Post: #31
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-14-2009, 08:37 PM
Parent: #29
حمدلله على السلامه يا عمر
وبكه الجيت
وكل سنه واانت والأولاد بخير
| Quote: تعني انهم انتصروا على زعيم |
بالضبط دا الحاصل
والصدمه فى الجهتين
هم ما مصدقين
ونحن كمان ما مصدقين
لكن تقول شنو ؟؟؟؟ مجنونه
|
Post: #32
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-14-2009, 08:40 PM
Parent: #24
| Quote: وموفقين في الكونفيدالية |
الكوندفراليه إتوفقنا فيها قبل كده
الله يوفقكم إنتو ويفك عقدتكم بى بركة الشهر الكريم
|
Post: #33
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-14-2009, 09:22 PM
Parent: #32
خليل
سلامات وكل عام وانتم بخير
Quote: يا اسامة كيف يعني
نفوز علي المريخ
نمشي دور الاربعة
نقبض سبعمائة الف دولار
وما عائزنا نفرح |
ماعدا الأولى .. والله أنا فرحان معاكم
بس ما إتكلمت عن الفرح ... إتكلمت عن الهيستريا
وربنا يزيد أفراحكم بالكأس
|
Post: #34
Title: Re: هيستريا الفرح الهلالى .. ماذا تعنى ؟؟؟
Author: عبد الرحيم محمد عبد الرحيم
Date: 09-15-2009, 04:01 PM
Parent: #9
Quote: بس الغريبه الهلالاب الفرحانيين ديل كلهم مافى واحد جاب سيرة الدولارات دى
يكونوا نسوها يارب |
فرحانين - ومامصدقين - لكن حلاقة نمرة ثلاثه دى يااسامة الكرور- تعجب
ياخى
دولار شنو - ده اسال منو ناس الموتمر الوطنى الذين صرفوا عليكم من مال الشعب السودانى -
عشان كده قال هشام هبانى سبب هذه الهزائم
الله يكون فى العون
والنجمة حلاته
ولك الود
عبدالرحيم
|
Post: #35
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-15-2009, 05:02 PM
Parent: #34
الاخ اسامة...
تحاايا
ياخى مش انتو قلتو ما بنطير برانا..؟؟
عشان كدا من حقنا نفرح لانو كلاامكم ذهب مع الريح
و زى ما قال صلاح ادريس من حقر حفرة لاخيه وقع فيها...
سلامات يامحمد عثمان
وكل عام وأنتم بخير
يا أخى فى فريق بصرح قبل المباراه إنو حينهزم ؟؟؟
التصريحات من الفريقين قبل المباراه عاديه
( تتذكر تصريحات صلاح إدريس السنه الفاتت قبل مباراة طمبلكو الشهيره)
الفرحه عاديه
الماعادى الهيستريا!!!!!!!!!!!
|
Post: #36
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-15-2009, 05:06 PM
Parent: #35
Quote: بعدين يا اسامة في سبب تاني ...
دي مباراة دولية يعني الشغلة فيها تصنيفات قارية وكدا |
سلامات محمد الأمين
إنتو ليكم سنتسن بتقولوا التصنيفات دى كلام فارغ .. هسى فرحانين عشانها ؟؟؟
وبعدين حسب علمى لسه تصنيفكم ورانا
يا حبيب دا ما تبرير مقنع للهيستريا دى .. شوف حاجه تانيه
|
Post: #37
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-15-2009, 05:09 PM
Parent: #36
Quote: اسامة ازيك
بغض النظر عن موضوعك ياخي اسمك جميل |
شكراً يا دكين
وكل سنه وإنت طيب
ومالك غاضى النظر عن الموضوع ؟؟؟؟؟؟
|
Post: #38
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-15-2009, 05:13 PM
Parent: #37
Quote: ياخى
دولار شنو - ده اسال منو ناس الموتمر الوطنى الذين صرفوا عليكم من مال الشعب السودانى -
عشان كده قال هشام هبانى سبب هذه الهزائم |
ياود برى
كان قعدنا نبحت فى مصادر القروش البتنصرف على الهلال وحوافز الأقطاب إنت أدرى من هشام هبانى
وزى ما قال على الحاج خلو الطابق مستور
|
Post: #39
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-16-2009, 11:35 AM
Parent: #38
| Quote: فرحانين - ومامصدقين - |
أنا يا سعادتك قلت كلام غير دا ؟؟؟؟
|
Post: #40
Title: Re: هيستريا الفرح الهلالى .. ماذا تعنى ؟؟؟
Author: عبد الرحيم محمد عبد الرحيم
Date: 09-16-2009, 12:45 PM
Parent: #39
Quote: لكن حلاقة نمرة ثلاثه دى يااسامة الكرور- تعجب [/QUOTE]
لاتاخذ شطرا وتترك شطرة
وبضوا عاجبانى الحلاقة
وبرضوا مشينا برانا
والى الملتقى
|
Post: #41
Title: Re: هيستريا الفرح الهلالى .. ماذا تعنى ؟؟؟
Author: Hisham Mansour
Date: 09-16-2009, 01:10 PM
Parent: #40
عارف يا أسامة ....
أول حاجة رمضان كريم.. وكل سنة وإنت طيب...
تاني حاجة عنوان البوست (هستريا الفرح الهلالي.. ماذا تعني؟؟؟)
كلامك دة كلام زول محرووووووووووووق من الغلب وبيني وبينك التلاتة حارة وخاصة لما تكون تلاتة من الهلال تحديداً وبنتأهل بيها وعن طريقك إنت مش كدة وبس دي طيرتك إنت (وبراك) لاحظ في الحتة دي هنا نحن ما معاك وبعدين الغلب دة معناهو شنو تاني (إنتو الطيش) ركّز معاي شوية في دي يا أسامة.
البخلي الهلالاب يفرحو وبي هستريا زي دي إنو إنتو يا المريخاب وصلتو لي مرحلة في قمة الإفتراء الهلال كان غلب معناها الحكم معانا وكان المريخ اتغلب صلاح إدريس دافع للحكم وهاك يا شكاوي بي أي طريقة عايزين تلقو فرقة تطلعو بيها في راسنا.
كان جينا للنصيحة الهلال بدا الموسم تعبان ومشى كويس والإدارة ما قصرت وريحو اللعيبة تمام وجابو المدرب البفهم وجابو المحترفين (ناس سادومبا صاروخ) والفريق ماشي متطور ودة البعجب مش يخلي في هستريا الفرح الهلالي زي ما بتقول وبس .. دة يخلي الناس تموت فرح ... دة الهلال آخوي أسامة
وبعدين تعالو هنا منو القال الغلب دة عادي ؟؟؟؟ عادي كيف إذا كان دة اول غلب في تاريخ البطولة الأفريقية بين الهلال والمريخ ودي براها كفاية وللتاريخ كمان؟
هلالنا كبير وكان قلتو فرحنا هستيري ولا غيرو فرحانييييييييييييييييييييييييييييييييييييييييييييييييييييييييييييين مش طرتو وجيتو الطيش وروقتو في علبكم ... بس خلاص
تعريجة أخيرة كدة:
أسامة رايك شنو في قون النسابة بتاع هيثم وعمر بخيت دة؟ ما بفرح؟؟ وفرح هستيري كمان؟؟؟
|
Post: #42
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-16-2009, 10:05 PM
Parent: #41
الأخ هشام
كل عام وأنتم بخير
يا أخى ما قلنا حاجه مبروووووووووووووووك
بس خايفين عليكم من الهستريا والإحباط
وربنا يكمل فرحتكم ويفك عقدتكم وتجيبوا ليكم حاجه تشرف البلد شويه زى ما عمل أخوكم الكبير
ومنتظرين معاكم
ودعواتنا بى فوزكم بالبطوله
|
Post: #43
Title: Re: هيستريا الفرح الهلالى .. ماذا تعنى ؟؟؟
Author: إسماعيل التاج
Date: 09-17-2009, 08:01 AM
Parent: #42
الانتصار بالنسبة للهلال في مباراة 11 سبتمبر أهم لديهم من احراز أوَّل لقب قاري لهم.
ودا بيت القصيـد.
عموماً أمنياتي المريخابية للهلال بالحصول على الكأس لأنو يمثل السودان،
وعندها سيكون فرح القبيلة الحمراء هيستيرياً لأنو دا نصر للسودان.
تحياتي سعادتك وكل عام وانت والأسرة بخير.
عرفت من (العريس) إنك جاي للعيد.
|
Post: #44
Title: Re: هيستريا الفرح الهلالى .. ماذا تعنى ؟؟؟
Author: nadus2000
Date: 09-17-2009, 08:57 AM
Parent: #43
| Quote: وعندها سيكون فرح القبيلة الحمراء هيستيرياً لأنو دا نصر للسودان |
أي عند فوز الهلال بالكأس
انت متأكد من الكلام دا يا التاج أخوي!!!!!!!!
|
Post: #45
Title: Re: هيستريا الفرح الهلالى .. ماذا تعنى ؟؟؟
Author: إسماعيل التاج
Date: 09-17-2009, 09:39 AM
Parent: #44
Quote: أي عند فوز الهلال بالكأس
انت متأكد من الكلام دا يا التاج أخوي!!!!!!!! |
صدقني يا نادوس دا حيحصل.
حتشوف الأعلام الحمراء جنباً إلى جنب الزرقاء.
أنا شخصياً عايز الهلال يتحصل على الكأس عشان يخرج من دائرة الدونية الكروية العايش فيها بعدم حصولو على أي كأس قارية.
ودا سبب المشكلة من أساسو في عداء الهلال للمريخ العظيم.
|
Post: #47
Title: Re: هيستريا الفرح الهلالى .. ماذا تعنى ؟؟؟
Author: أسامه الكرور
Date: 09-17-2009, 11:33 AM
Parent: #45
مولانا إسماعيل التاج
سلامات ورمضان كريم وكل عام وانتم بخير
بإذن الله عيدنا معكم السنه دى
Quote: أنا شخصياً عايز الهلال يتحصل على الكأس عشان يخرج من دائرة الدونية الكروية العايش فيها بعدم حصولو على أي كأس قارية.
|
والله يا مولانا أنا بتمنى معاك كمان عشان العقده دى تتحلا ونرتاح من الهيستريا دى ..
وقريباً من هذا الموضوع
ومسألة التطرف والتعصب من مشجعى الفريقين والتعصب القبلى والحزبى وعدم قبول الآخر وتمنى زواله دى مشكله كبيره
بقت فى السودلن وعايزه علاج
|
|
|