إشمعنى سعادتك يعنى؟ ..... (منع من النشر)

إشمعنى سعادتك يعنى؟ ..... (منع من النشر)


09-13-2009, 07:00 AM


  » http://sudaneseonline.com/cgi-bin/sdb/2bb.cgi?seq=msg&board=240&msg=1252821640&rn=17


Post: #1
Title: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-13-2009, 07:00 AM
Parent: #0

(من المفترض) : عدد اليوم الأحد 13 سبتمبر 2009م
صحيفة الرأى العام


موقع الكاتب : www.alfatihgabra.net


بصراحة، لم نعد بحاجة إلى الكتابة وتنوير المسئولين عن مكامن السلبيات املا فى إصلاح الحال إذ من الواضح أن لا حياة لمن تنادى وأن القافلة تسير دون أن تلتفت إلى (نباحنا) المتكرر لتلافى أوجه النقص والقصور ، نعم .. يلزمنا سلم طويل إلى السماء؛ لعل الله يقبل دعاء هذا الشعب المحتار و(يحنن) قلوب (حكامه) عليه ويقيه شر الفتن والكوارث وتصريحات المسؤولين التى أصبحت (تحرق الدم) وتصيب المواطن (بالغبينة)
سيل من البلايا والرزايا والكوارث والمحن عاشها المواطن ولا يزال فقدت فيها الكثير من الأسر أرواحها وممتلكاتها ولم نر فى كل هذه المآسى من يستقيل أو يعتذر، ولم نجد من يحاسب أو يقيل ، أصبحت القصة بالنسبة للمسئولين حاجه (عادية) حتى (أخد المواطن) على كده ! وأعتقد بأن مساءلة المسئولين عما يرتكبوه من أخطاء هو نوع من (السفالة) وقلة الحياء !
هل أتاكم أعزائى القراء حديث السيد حسن عبد اللّه فضل المولى وزير البنى التحتية بالولاية في التقرير الذى قَدّمَه أمام مجلس تشريعي الولاية (المنكوبة) وذلك عن آثار السيول والفيضانات التي شهدتها الولاية أخيراً؟ إنه تقرير (تحفة) بكل المقاييس مكانه اللائق أن ينضم إلى (عجائب الدنيا السبع) أو أن تبعث منه نسخة إلى دار الوثائق المركزية ليتم الإحتفاظ بها حتى يتعرف أحفادنا فى مستقبل الأيام على (فن الزوغان) و(التنصل من المسئولية) و(عدم الإعتراف بالتقصير) الذى يمارسه وزراء هذا الزمان الغابر ، لمن فاتهم الإستماع نقول لقد حمل الوزير (الدولة) – يعنى ما وزارتو- مسؤولية الإخفاقات التي حدثت في خريف العَام الحَالي بالولاية وذلك (والكلام ليهو) لعدم تعاملها بمسؤولية مع آثار السيول والأمطار التي اجتاحت الولاية أخيراً ! وهكذا وبهذه البساطة نجد أن الرجل قد (أخرج نفسه) من المسألة (ذى الشعرة من العجين) وألقى اللوم والمسئولية على جسم هلامى (هو جزء منه) لا يعرف له المواطن (مكاناً) أو (عنواناً) يسمى (الدولة) ! وعلى كده يكون العزاء قد إنتهى بمراسم الدفن وعلى المتضررين الذين فقدو أرواحهم وممتلكاتهم وفلزات أكبادهم اللجوء إلى (الدولة) بعد التأكد من (عنوانها) ومكان (إقامتها) !
ولم يكتف السيد الوزير بذلك بل أشار (سيادته) لعدم كفاءة المهندسين الذين تمّ (اختيارهم) لرصف الطرق والشوارع ! وقال: تم اختيار (240) مهندساً لهذا الغرض، إلاّ أنّ الأكفاء منهم لا يتعدون الـ (25) يعنى الأكفاء فيهم 10% (أيه الهنا ده كلو؟) ! وحتى لا تسأل – عزيزى المواطن (الغبيان) سؤالك (البايخ) العاوز تسألو ده أقول ليك طبعن الذى قام بإختيار هؤلاء المهندسين (المضروبين) ... هى (أكيد الدولة) وأن السيد الوزير لا علاقه له بهذا الأمر لا من بعيد أو من قريب !!
ولم يكتف السيد الوزير بذلك بل أَكّدَ بأنّ منْ أهم أسباب عدم تمكن وزارته من السيطرة على سيول وفيضانات خريف هذا العام وجود نسبة (50%) من أراضي الولاية غير مُخططة ، مما أعاق عمليّة تصريف (مياهها) خلال الأمطار الأخيرة، (طيب والـ50% التانية ذى ناس السوق العربى ونفق عفراء والموقف الجديد والأحياء المخططة الما عشوائية) – وكمان هاكم دى : وانتقد الوزير إنشاء الدولة للعديد من الطرق العشوائية بالولاية دون إجراء أيّة دراسات مُسبقة مما تسبّب ذلك في مفاقمة حجم كوارث الأمطار بالولاية ( الظاهر وزارة البنى التحتية ما عندها علاقة بالطرق الفوقانية) !!وشوفو معاى دى : وقد راهن السيد الوزير على استمرارية كوارث الأمطار بالولاية في ما تبقى من الخريف الحالي في ظل الغياب التام من قِبل الدولة وعدم اهتمامها بالأمر (الله يطمئن سعادتك) !!! (وشوفو كمان دى) : ووَصَفَ الوزير جهاز الدولة بالكسيح، وقال إنّه غير فعّال خاصةً في التعامل مع ظهور الأزمات .


ما يستفاد من (حديث) الوزير :
- الدولة لا تتمتع بقدر من المسئولية
- يجب أن تتم مساءلة الدولة وليست الوزارة (دى حاجه ودى حاجه) !
- وزارة البنى (التحتية) ما عندها علاقة بالطرق (الفوقانية) التى أنشأتها (الدولة)
بصورة عشوائية بالولاية دون إجراء أيّة دراسات مُسبقة مما أدى لهذه الكوارث
- المهندسون المناط بهم العمل 10% منهم مهندسين والباقى (فاقد تربوى)
- وسط الخرطوم ذى السوق العربى ونفق عفراء ومطار الخرطوم و(مستنقعات) الطائف
والمعمورة والمنشية وقاردن سيتى هى توجد فى مناطق عشوائية
- هنالك غياب من الدولة وعدم إهتمام بهذا الأمر
- جهاز الدولة كسيح (عديل كده) وغير فعال فى التعامل عند ظهور الأزمات
- المسألة دى مفيش أمل إنها تتحلا
- أن السيد الوزير يراهن على استمرارية كوارث الأمطار بالولاية في ما تبقى من الخريف
الحالي
- (والأهم من ده كلو) إنو الوزير (رغم رهانو ده) قاعد فى محلو (لتصريف) مهام
وزارته !!

كسرة :
ياخى أقعد فى (بكانك) مافى مشكلة ... الناس العملت كوارث دى كووولها ما أهو قاعدة .. إشمعنى (سعادتك) يعنى !

Post: #2
Title: Re: إشمعنى سعادتك يعنى؟ ..... (منع من النشر)
Author: مؤيد شريف
Date: 09-13-2009, 07:58 AM
Parent: #1

استاذ الفاتح

كل عام وانتم بخير



http://mahzoorat.blogspot.com/2009/09/blog-post.html


تحاياي

Post: #3
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-13-2009, 02:15 PM
Parent: #2

شكرأً أستاذ مؤيد ... والله الواحد بطنو طمت من الكتابه .. !!

Post: #4
Title: Re: إشمعنى سعادتك يعنى؟ ..... (منع من النشر)
Author: الفاتح شلبي
Date: 09-13-2009, 02:33 PM
Parent: #3

الأستاذ الفاتح يوسف جبرا

فعلاً ما فرقت ما كلهم قاعدين فى بكانهم ... قوية ومعبرة والله


قلت ليك كتاباتك بتعبر عن شريحة كبيرة من السودانيين السودانيين

Post: #5
Title: Re: إشمعنى سعادتك يعنى؟ ..... (منع من النشر)
Author: عمار محمد ادم
Date: 09-13-2009, 02:55 PM
Parent: #4

بقينا فى منع من النشر انا زمان قلت ليك شنو..دخول الحمام ليس كالخروج منه!!

Post: #6
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-13-2009, 03:12 PM
Parent: #5

Quote: قلت ليك كتاباتك بتعبر عن شريحة كبيرة من السودانيين السودانيين


بإستثناء الذين يقومون بهذا المنع !!!

Post: #7
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-13-2009, 03:16 PM
Parent: #5

Quote: بقينا فى منع من النشر انا زمان قلت ليك شنو..دخول الحمام ليس كالخروج منه!!

الحبيب عمار؟ وين إنتا يا راجل؟
(المنع من النشر يطال كل الصحف وأنت خير العارفين !!!)

Post: #8
Title: Re: إشمعنى سعادتك يعنى؟ ..... (منع من النشر)
Author: مؤيد شريف
Date: 09-13-2009, 03:27 PM
Parent: #7

Quote: (من المفترض) : عدد اليوم الأحد 13 سبتمبر 2009م
صحيفة الرأى العام


موقع الكاتب : www.alfatihgabra.net


بصراحة، لم نعد بحاجة إلى الكتابة وتنوير المسئولين عن مكامن السلبيات املا فى إصلاح الحال إذ من الواضح أن لا حياة لمن تنادى وأن القافلة تسير دون أن تلتفت إلى (نباحنا) المتكرر لتلافى أوجه النقص والقصور ، نعم .. يلزمنا سلم طويل إلى السماء؛ لعل الله يقبل دعاء هذا الشعب المحتار و(يحنن) قلوب (حكامه) عليه ويقيه شر الفتن والكوارث وتصريحات المسؤولين التى أصبحت (تحرق الدم) وتصيب المواطن (بالغبينة)
سيل من البلايا والرزايا والكوارث والمحن عاشها المواطن ولا يزال فقدت فيها الكثير من الأسر أرواحها وممتلكاتها ولم نر فى كل هذه المآسى من يستقيل أو يعتذر، ولم نجد من يحاسب أو يقيل ، أصبحت القصة بالنسبة للمسئولين حاجه (عادية) حتى (أخد المواطن) على كده ! وأعتقد بأن مساءلة المسئولين عما يرتكبوه من أخطاء هو نوع من (السفالة) وقلة الحياء !
هل أتاكم أعزائى القراء حديث السيد حسن عبد اللّه فضل المولى وزير البنى التحتية بالولاية في التقرير الذى قَدّمَه أمام مجلس تشريعي الولاية (المنكوبة) وذلك عن آثار السيول والفيضانات التي شهدتها الولاية أخيراً؟ إنه تقرير (تحفة) بكل المقاييس مكانه اللائق أن ينضم إلى (عجائب الدنيا السبع) أو أن تبعث منه نسخة إلى دار الوثائق المركزية ليتم الإحتفاظ بها حتى يتعرف أحفادنا فى مستقبل الأيام على (فن الزوغان) و(التنصل من المسئولية) و(عدم الإعتراف بالتقصير) الذى يمارسه وزراء هذا الزمان الغابر ، لمن فاتهم الإستماع نقول لقد حمل الوزير (الدولة) – يعنى ما وزارتو- مسؤولية الإخفاقات التي حدثت في خريف العَام الحَالي بالولاية وذلك (والكلام ليهو) لعدم تعاملها بمسؤولية مع آثار السيول والأمطار التي اجتاحت الولاية أخيراً ! وهكذا وبهذه البساطة نجد أن الرجل قد (أخرج نفسه) من المسألة (ذى الشعرة من العجين) وألقى اللوم والمسئولية على جسم هلامى (هو جزء منه) لا يعرف له المواطن (مكاناً) أو (عنواناً) يسمى (الدولة) ! وعلى كده يكون العزاء قد إنتهى بمراسم الدفن وعلى المتضررين الذين فقدو أرواحهم وممتلكاتهم وفلزات أكبادهم اللجوء إلى (الدولة) بعد التأكد من (عنوانها) ومكان (إقامتها) !
ولم يكتف السيد الوزير بذلك بل أشار (سيادته) لعدم كفاءة المهندسين الذين تمّ (اختيارهم) لرصف الطرق والشوارع ! وقال: تم اختيار (240) مهندساً لهذا الغرض، إلاّ أنّ الأكفاء منهم لا يتعدون الـ (25) يعنى الأكفاء فيهم 10% (أيه الهنا ده كلو؟) ! وحتى لا تسأل – عزيزى المواطن (الغبيان) سؤالك (البايخ) العاوز تسألو ده أقول ليك طبعن الذى قام بإختيار هؤلاء المهندسين (المضروبين) ... هى (أكيد الدولة) وأن السيد الوزير لا علاقه له بهذا الأمر لا من بعيد أو من قريب !!
ولم يكتف السيد الوزير بذلك بل أَكّدَ بأنّ منْ أهم أسباب عدم تمكن وزارته من السيطرة على سيول وفيضانات خريف هذا العام وجود نسبة (50%) من أراضي الولاية غير مُخططة ، مما أعاق عمليّة تصريف (مياهها) خلال الأمطار الأخيرة، (طيب والـ50% التانية ذى ناس السوق العربى ونفق عفراء والموقف الجديد والأحياء المخططة الما عشوائية) – وكمان هاكم دى : وانتقد الوزير إنشاء الدولة للعديد من الطرق العشوائية بالولاية دون إجراء أيّة دراسات مُسبقة مما تسبّب ذلك في مفاقمة حجم كوارث الأمطار بالولاية ( الظاهر وزارة البنى التحتية ما عندها علاقة بالطرق الفوقانية) !!وشوفو معاى دى : وقد راهن السيد الوزير على استمرارية كوارث الأمطار بالولاية في ما تبقى من الخريف الحالي في ظل الغياب التام من قِبل الدولة وعدم اهتمامها بالأمر (الله يطمئن سعادتك) !!! (وشوفو كمان دى) : ووَصَفَ الوزير جهاز الدولة بالكسيح، وقال إنّه غير فعّال خاصةً في التعامل مع ظهور الأزمات .


ما يستفاد من (حديث) الوزير :
- الدولة لا تتمتع بقدر من المسئولية
- يجب أن تتم مساءلة الدولة وليست الوزارة (دى حاجه ودى حاجه) !
- وزارة البنى (التحتية) ما عندها علاقة بالطرق (الفوقانية) التى أنشأتها (الدولة)
بصورة عشوائية بالولاية دون إجراء أيّة دراسات مُسبقة مما أدى لهذه الكوارث
- المهندسون المناط بهم العمل 10% منهم مهندسين والباقى (فاقد تربوى)
- وسط الخرطوم ذى السوق العربى ونفق عفراء ومطار الخرطوم و(مستنقعات) الطائف
والمعمورة والمنشية وقاردن سيتى هى توجد فى مناطق عشوائية
- هنالك غياب من الدولة وعدم إهتمام بهذا الأمر
- جهاز الدولة كسيح (عديل كده) وغير فعال فى التعامل عند ظهور الأزمات
- المسألة دى مفيش أمل إنها تتحلا
- أن السيد الوزير يراهن على استمرارية كوارث الأمطار بالولاية في ما تبقى من الخريف
الحالي
- (والأهم من ده كلو) إنو الوزير (رغم رهانو ده) قاعد فى محلو (لتصريف) مهام
وزارته !!

كسرة :
ياخى أقعد فى (بكانك) مافى مشكلة ... الناس العملت كوارث دى كووولها ما أهو قاعدة .. إشمعنى (سعادتك) يعنى !



شكرا أستاذنا على العودة بالمقال الى هنا ...

فلست أنت بالذى يكتب ما يهدد "الامن القومي" أو يضر بـ"السلامة العامة" أو يثير "نعرات كامنة"

وليواجهوا (الافعال ) و (الفاعلين) التى تُحدث هذا الذى يصفوه ..

ومقالكم هذا يدلل بالقطع على أن المبررات التى تساق وتصاغ ، ويعلق عليها فعل الرقابة لا معقولية فيها ولا منطق يلفها !

تحاياي


Post: #9
Title: Re: إشمعنى سعادتك يعنى؟ ..... (منع من النشر)
Author: abubakr
Date: 09-13-2009, 05:07 PM
Parent: #8

يالفاتح قبل اربعيين سنة لو انا قابلت المتوازر دة والقال انو مهندس ما كنت عذبت روحي وقريت هندسة وقضيت عمر شغال مهندس ...انا استمعت اليه بعد الامطار في احدي الفضائيات وهو يزيدكم من الشعر بيتين حيث قال وهو زعلان انو المواطنيين هم الغرقو الخرطوم لانهم استولو علي ممرات الخدمات ..وينا ممرات الخدمات بشان المواطنيين ديلك ببنو يها ومنو الرخص ليهم بالبنا ؟؟وكت هو عارف انو 25 بس من 240 طلعو مهندسيين والباقيين مسطحيين ساي كان وين هو طالما عرف الحقيقة دي لازم كان قريب منهم ومن اتخاذ القرار ؟؟ هذا عينة اسبيشل وفلته زمانو

Post: #10
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-13-2009, 10:45 PM
Parent: #9



Post: #11
Title: Re: إشمعنى سعادتك يعنى؟ ..... (منع من النشر)
Author: عمران حسن صالح
Date: 09-13-2009, 10:54 PM
Parent: #10

Quote: والله الواحد بطنو طمت من الكتابه .. !!

أوعكـ تقول كده يا أستاذ الفاتح !!!
ياهو ده متنفسنا الباقي ..
وياها دي راحتنا البنلقاها كل ما ورمت المرارة ..
إنو لسه في البقولو ويقولو ويقولو لامن تصل ..
متين ؟؟
بعدين ، حسي ، يوم القيامة .. حا تصل بس قول وما تقيف ..

Post: #12
Title: Re: إشمعنى سعادتك يعنى؟ ..... (منع من النشر)
Author: ياسر عبدالكريم محمد
Date: 09-14-2009, 00:27 AM
Parent: #11

السيد الفاتح جبرا

الدولة تمثل الشعب

وبالتالى هذا إخفاق الشعب


يعنى انا وإنت والمتضررين

لا حول ولاقوة الا بالله

Post: #13
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 00:32 AM
Parent: #11

Quote: ومقالكم هذا يدلل بالقطع على أن المبررات التى تساق وتصاغ ، ويعلق عليها فعل الرقابة لا معقولية فيها ولا منطق يلفها !


تعرف يا مؤيد أنا الصباح لمن مشيت إشتريت الجريده ولقيت المقال (ما نزل) تيقنت تماماً إنو المسألة دى ما ح تتصلح وإنو فعلا يلزمنا (سلم إلى السماء) !!

Post: #14
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 00:57 AM
Parent: #13

Quote: أوعكـ تقول كده يا أستاذ الفاتح !!!
ياهو ده متنفسنا الباقي ..
وياها دي راحتنا البنلقاها كل ما ورمت المرارة ..
إنو لسه في البقولو ويقولو ويقولو لامن تصل ..
متين ؟؟
بعدين ، حسي ، يوم القيامة .. حا تصل بس قول وما تقيف ..


عزيزى عمران :

هذا الذى يحدث يصيبنى بحالة من الكآبة والإحساس بأنو (مافيش فايده) !!!

Post: #15
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 01:04 AM
Parent: #14

Quote: يالفاتح قبل اربعيين سنة لو انا قابلت المتوازر دة والقال انو مهندس ما كنت عذبت روحي وقريت هندسة وقضيت عمر شغال مهندس ...انا استمعت اليه بعد الامطار في احدي الفضائيات وهو يزيدكم من الشعر بيتين حيث قال وهو زعلان انو المواطنيين هم الغرقو الخرطوم لانهم استولو علي ممرات الخدمات ..وينا ممرات الخدمات بشان المواطنيين ديلك ببنو يها ومنو الرخص ليهم بالبنا ؟؟وكت هو عارف انو 25 بس من 240 طلعو مهندسيين والباقيين مسطحيين ساي كان وين هو طالما عرف الحقيقة دي لازم كان قريب منهم ومن اتخاذ القرار ؟؟ هذا عينة اسبيشل وفلته زمانو

عزيزى أبوبكر
يا أخى إن النقاط التى ذكرها هذا الوزير فى تقريره أمام المجلس تصلح أن تكون أسبابا موضوعية لإقالته ... ياخى ده قال لو الخريف إستمر ح يحصل نفس الشئ الحصل من كوارث .. إتخيل !!! طيب قاعد ليه !!؟؟

Post: #16
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 01:06 AM
Parent: #15

Quote: لا حول ولاقوة الا بالله


نعم ياسر ... لا حول ولا قوة إلا بالله العلى العظيم

Post: #17
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 01:07 AM
Parent: #16

الحبيب أسعد

(الوزير) الفى الكراكاتير ده باقى ليك مش نسى يخت الكربون !!

Post: #18
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-14-2009, 05:47 AM

و فى ذات اسياق نلفت كريم عنايتكم الى ما كتبه الاستاذ الطاهر ساتى فى عموده
اليكم لى صفحات جريدة الصحافة العدد رقم: 2259 بتاريخ 2009-09-13

لهذا تغرق العاصمة كل عام ..!!
http://www.alsahafa.sd/Raay_view.aspx?id=76976
Quote: تلك رسالة المستشار محمد يحى بابكر ، واحتفظ باسم شركته الاستشارية كما طلب سيادته .. والرسالة ، كما تعلمون ، لاتحمل تظلما بسبب مطالبات مالية فحسب ، بل تكشف العقلية التي يدار بها الشأن الهندسي بعاصمة البلد ، تأمل مثل هذا الحديث : شاءت الاقدار ان تتصل بنا وزارتكم - أو وزاراتيكما بتقسيم اليوم - وطلبت منا ان نقوم باعداد شأن فني يخص مصارف الامطار والسيول .. هكذا .. فمن الاتصال يبدأ عملهم العشوائي ، بحيث يجب ألا يكون هناك اتصال مباشر من قبل الوزارة بأية شركة خاصة فى عمل عام ، حيث اللوائح تنص على طرح هذه الأعمال في عطاء عام تتنافس فيه الشركات وفق ضوابط وشروط العمل التى توثقها العقود .. ولكن سادة الوزارة ابتدروا انشاء مصارفهم بتجاوز نص المنافسة والشفافية .. ولأن البدايات الخاطئة لاتؤدي الي خواتيم صحيحة ، حدث ماحدث .. لا لبيت الخبرة هذا ، بل لكل بيوت الخرطوم وشوارعها .. فبالقانون أو بالأجاويد تسترد مطالبك المالية من تلك الوزارة يا عزيزي المستشار ، ولكن كيف لعامة الناس أن تسترد أثمان هذه العشوائية التي تهدر المال العام ..؟.. هكذا جوهر رسالتك ، ليس تظلما خاصا فحسب ، بل يكشف ظلما عاما ........وشكرا ................. ساتي

Post: #19
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-14-2009, 06:23 AM
Parent: #18

Quote: ضمن رؤية المؤتمر الوطني للمرحلة القادمة الانضباط العام ومحاربة الفساد وتطوير الخدمة المدنية
الخرطوم في 12/9(سونا)كشف المؤتمرالوطني أن رؤية الحزب في الفترة القادمة هي ان تتطلع قطاعات التوجيه والارشاد والتعبئة والانضباط بحماية الحرية من الفوضى وسوء الاستغلال وتوجيه الطاقات نحو البناء الجاد إلى جانب محاربة الفساد في كل صوره الاخلاقي والمالي والاداري والسياسي وتطوير الخدمة المدنية ورفع كفاءة الاداء وتحقيق العدالة الناجزة
وقال الدكتور محمد المهدي مندور في ورقة العمل التي قدمها اليوم بقاعة الصداقة ضمن فعاليات مؤتمر القطاع السياسي قال ان سياسة الانفتاح وبسط الحريات تستوجب الحماية من سوءالاستغلال والتردي في الفوضى والتسيب والانحلال
Quote: وأن الفساد الاخلاقي هو المسبب الأساسي للفساد المالي والإداري والاجتماعي
.

الخبر ده من سونا !

Post: #20
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 06:24 AM
Parent: #18

Quote: بل تكشف العقلية التي يدار بها الشأن الهندسي بعاصمة البلد

حليل البلد يا اسعد ياخوى !!

Post: #21
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-14-2009, 06:29 AM
Parent: #20

خايفك تقول
بلدا هيلى انا !

Post: #32
Title: Re: إشمعنى سعادتك يعنى؟ ..... (منع من النشر)
Author: مزمل خيرى
Date: 09-14-2009, 09:08 PM
Parent: #3

Quote: والله الواحد بطنو طمت من الكتابه .. !!

يادااااب .؟!!

Post: #22
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-14-2009, 07:46 AM
Parent: #1

د. الخضر يوجّه بصرف إعانات ماليّة لأُسر ضحايا الأمطار قبل عيد الفطر
وجّه والي الخرطوم «د. عبد الرحمن الخضر» الجهات المعنيّة بالاجتهاد لصرف الدعم المادي لأسر ضحايا السيول والأمطار في الولاية قبل عيد الفطر المبارك، ليتسنى للمتضررين الاستفادة منه، مشيراً إلى أنها ليست تعويضات وإنما معونات لتجاوز الأثر النفسي.
اخر لحظة: العدد رقم: 1117 2009-09-13

Quote: - (والأهم من ده كلو) إنو الوزير (رغم رهانو ده) قاعد فى محلو (لتصريف) مهام وزارته !!

Post: #23
Title: Re: إشمعنى سعادتك يعنى؟ ..... (منع من النشر)
Author: يوسف محمد يوسف
Date: 09-14-2009, 08:55 AM
Parent: #22

Quote: مشيراً إلى أنها ليست تعويضات وإنما معونات لتجاوز الأثر النفسي.


و السؤال اخوى الفاتح :

من سيدفع لباقى الـ 38 مليون سودانى لتجاوز الاثر النفسى للعشرين سنة الماضية !!

اكتب اخى الفاتح و لا تتوقف .. فهذا اضعف الايمان

لك ودى

Post: #24
Title: Re: إشمعنى سعادتك يعنى؟ ..... (منع من النشر)
Author: معتصم عبدالرحيم
Date: 09-14-2009, 09:48 AM
Parent: #23

حبيبنا الفاتح جبرا

زكرني رمي المسؤليات وكل الاخفاقات علي كاهل الدولة

زكرني بذلك الحمار الحمار الخشبي والذى كان موجود في كل بيت
والذي لايكل ولايمل ولايجروء علي الشكوي
فكل من هب ودب يرمي باثقاله عليه الصغير والكبير
ومن كل صوب وحدب


اها الناس قدرت وبدلت الحمير - الخشبية
الب بدل العلينا شنو



كبي بورد البورد

Post: #25
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 10:50 AM
Parent: #24

Quote: من سيدفع لباقى الـ 38 مليون سودانى لتجاوز الاثر النفسى للعشرين سنة الماضية !!


الحبيب يوسف :
والله نحنا ما عندنا مانع نبدأ من هنا ولى قدام ونحاول بأى صورة نصلح ما تهدم ونصحح مسار الأشياء مش لى شئ بس عشان الأجيال الجاية لكن (حتى دى) الناس ما رضيانه بيها !!! تخيل ؟؟

Post: #26
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 10:54 AM
Parent: #25

Quote: الب بدل العلينا شنو


الحبيب معتصم :
بى جنس الحاله الشايفنها دى .. (للأسف الشديد) سيبقى الحال كما هو عليه !!

Post: #27
Title: Re: إشمعنى سعادتك يعنى؟ ..... (منع من النشر)
Author: محمد ابراهيم قرض
Date: 09-14-2009, 11:32 AM
Parent: #26

الاستاذ الفاتح ..
تأكد أن حرية الرأي تكفلها الدولة بجدارة و الدليل على ذلك
إنه مقالاتك الغير مرضي عنها بتصلنا عبر الانترنت !!!
على الأقل الدولة فاتحة ليك النت عشان تتنفس !!!

بس أحسن حاجة يعملوها إنهم يستوزروك ..
تقوم و حياتك كده ترطب و تنسى النضمي بتاعك ده كلو !!!!

Post: #28
Title: Re: إشمعنى سعادتك يعنى؟ ..... (منع من النشر)
Author: عبدالكريم أحمد الامين
Date: 09-14-2009, 12:04 PM
Parent: #27

** البروف ابو ناجى..
** مساءك خير..
### مُش فى مقوله بتقول :- البلد دى يايحكُما نــبــى أو غـــبــــى ...

*** اهو ربك عالم بالحال ماأدانا من الصنف الاول بس كتر لينا فى محلبية الصنف الثانى ..
*** تعرف ياابو ناجى :- البلد دى ماشه بالبركه ,, ونحمد الله انو الكوارث البتضرب فى العالم دى... لو جات واحده منها فى بلادنا بتلحقا أُمات طه..

(نتمنى أن يظل هذا اليراع هو متنفسنا لرؤية مناطق الخلل)
(ابو محمد فؤاد - دبى)

Post: #29
Title: Re: إشمعنى سعادتك يعنى؟ ..... (منع من النشر)
Author: عبدالكريم أحمد الامين
Date: 09-14-2009, 04:58 PM
Parent: #28

Quote: إشمعنى سعادتك يعنى؟ ..... (منع من النشر)

** ياسيد الحوش ود ابوبكر..
** إبداع البروف دا مابيستاهل يكون معلق فى العناوين الفوق ؟؟
*** نتمنى ذلك...........
(ابو محمد فؤاد - دبى)

Post: #31
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 08:31 PM
Parent: #28

Quote: اهو ربك عالم بالحال ماأدانا من الصنف الاول بس كتر لينا فى محلبية الصنف الثانى ..
*** تعرف ياابو ناجى :- البلد دى ماشه بالبركه ,, ونحمد الله انو الكوارث البتضرب فى العالم دى... لو جات واحده منها فى بلادنا بتلحقا أُمات طه..


فى القضية التى نظرتها المحكمة الدستورية مؤخراً جاء فى الحيثيات بان منع النشر يشمل المواد التى :

تنطوي على مساس بالنظام.
تنطوي على مساس بالسلامة.
تنطوي على مساس بالأخلاق العامة.

أنا ما عارف يا أبومحمد مقالى ده بينطوى تحت ياتو (إنطواء ) من الإنطواءآت الفوق دى !!

Post: #30
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-14-2009, 08:24 PM
Parent: #27

Quote:
بس أحسن حاجة يعملوها إنهم يستوزروك ..
تقوم و حياتك كده ترطب و تنسى النضمي بتاعك ده كلو !!!!


هو يا (قرض) ما رطيب حبيبك .. !!

Post: #33
Title: Re: إشمعنى سعادتك يعنى؟ ..... (منع من النشر)
Author: عبدالكريم أحمد الامين
Date: 09-15-2009, 00:04 AM
Parent: #30

Quote: فى القضية التى نظرتها المحكمة الدستورية مؤخراً جاء فى الحيثيات بان منع النشر يشمل المواد التى :
*** تنطوي على مساس بالنظام.
*** تنطوي على مساس بالسلامة.
*** تنطوي على مساس بالأخلاق العامة.
أنا ما عارف يا أبومحمد مقالى ده بينطوى تحت ياتو (إنطواء ) من الإنطواءآت الفوق دى !![/B
]
** ابو ناجى..
** صباحك خير..
*** للاسف عند طباعة الحُكم سقطت الفقره الرابعه وهى التى ينطوى عليها هذا المقال:-
*** تنطوى على مساس الاساس والصحه العامه..
*** مُش الصحافيين بيحاكموهم بمواد الصحه العامه الخاصه بالمطاعم...
### هذا زمانك يامهازل فامرحى فى بلد التوجه الذى ينطوى :- قال إيه حضارى وانا شايفو حُمارى..
(ودام الود بيننا)
(ابو محمد فؤاد - دبى)

Post: #34
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-15-2009, 00:17 AM
Parent: #33

Quote: قال إيه حضارى وانا شايفو حُمارى..


هو موش (حمارك) أوى !

Post: #35
Title: Re: إشمعنى سعادتك يعنى؟ ..... (منع من النشر)
Author: محمد ابراهيم قرض
Date: 09-15-2009, 02:48 PM
Parent: #34

Quote: هو يا (قرض) ما رطيب حبيبك .. !!


أستاذ الفاتح ....

لعله بوضعكم للقب عائلتنا بين قوسين ، وهي المرة الأولى في تاريخ عائلتنا
المضئ التي بزنق فيها هذا اللقب تلكم الزنقة العجيبة .. لعل ذلك لم يكن مرده
"حسن النية" .. بل لأنكم وددتم الاستفراد به للتمعن و التفحص فيه مليا علكم
تسبرون غور المصدر الذي اشتق منه ..

ولعل خيالكم الواسع قد نسب هذا اللقب لنبات القرض المعروف
كدواء ناجع لنزلات البرد و الانفلونزا و التهاب الخلجات البينية !!!

أم أنكم قد ظننتم أن لقبنا هذا له علاقة بقرض الشعر الذي اشتهر به نفر كريم
وكبير من افراد عائلتنا القرضية ، حماها الله من الانغراض ...

بالطبع نستبعد أن تكون قد جمحتم و شطحتكم ليصل بكم الأمر الى
فصيلة القوارض لا سمح الله ...

لذلك حري بنا أن نطمئنكم-والبلاد تمر بهذا المنعطف الخطير-أن لا علاقة
للقب عائلتنا الكريمة بكل ما ذهبتم اليه ... ذلك لأن لقبنا هذا مشتق من
القرض الحسن ... ولكم الشكر و العاقبة عندكم في المسرات !!!!

Post: #36
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-15-2009, 07:46 PM
Parent: #35

Quote: لعله بوضعكم للقب عائلتنا بين قوسين ، وهي المرة الأولى في تاريخ عائلتنا
المضئ التي بزنق فيها هذا اللقب تلكم الزنقة العجيبة .. لعل ذلك لم يكن مرده
"حسن النية" .. بل لأنكم وددتم الاستفراد به للتمعن و التفحص فيه مليا علكم
تسبرون غور المصدر الذي اشتق منه ..

ولعل خيالكم الواسع قد نسب هذا اللقب لنبات القرض المعروف
كدواء ناجع لنزلات البرد و الانفلونزا و التهاب الخلجات البينية !!!

أم أنكم قد ظننتم أن لقبنا هذا له علاقة بقرض الشعر الذي اشتهر به نفر كريم
وكبير من افراد عائلتنا القرضية ، حماها الله من الانغراض ...

بالطبع نستبعد أن تكون قد جمحتم و شطحتكم ليصل بكم الأمر الى
فصيلة القوارض لا سمح الله ...

لذلك حري بنا أن نطمئنكم-والبلاد تمر بهذا المنعطف الخطير-أن لا علاقة
للقب عائلتنا الكريمة بكل ما ذهبتم اليه ... ذلك لأن لقبنا هذا مشتق من
القرض الحسن ... ولكم الشكر و العاقبة عندكم في المسرات !!!!


والله يا (قرض) ضحكت حتى بانت (نواجذى) !! على كده إنتو تكونوا أقرباء ناس (عوض مرابحات) !

Post: #37
Title: Re: إشمعنى سعادتك يعنى؟ ..... (منع من النشر)
Author: ASHRAF MUSTAFA
Date: 09-15-2009, 09:04 PM
Parent: #36

سلامات استاذ الفاتح

انا كمان عندي عدة مقالات منعت من النشر في جريدتكم وغيرها بسبب انها حادة

ساقوم بنشرها تباعا

خالص الود والاحترام

Post: #40
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-16-2009, 07:49 PM
Parent: #37

Quote: انا كمان عندي عدة مقالات منعت من النشر في جريدتكم وغيرها بسبب انها حادة


عزيزى أشرف

فى هذا الأسفير متسع لقول الحق !! تحياتى

Post: #38
Title: Re: إشمعنى سعادتك يعنى؟ ..... (منع من النشر)
Author: Alshafea Ibrahim
Date: 09-15-2009, 09:04 PM
Parent: #36

الاستاذ الفاتح
رمضان كريم
القوانين وكثرتها وتعدد جهات إصدارها ، والجربندية(مقص الرقيب) ، والمواثيق والصفقات التي تتم بين حين وآخر بين الأمن وغيره والصحفيين ، ورغم الأحكام الصادرة من المحكمة الدستورية والتي تشكل سوابق قضائية فضفاضة هشة لضعاف النفوس رجال العدالة المفقودة في بلادي ... ستظل أصواتا وطنية و جرئية وقوية وشريفة تهتف للظلم لا ومليون لا ... وهي صيحات مدوية نافذة تخرس آذنهم وتلاحقهم اينما ذهبوا وتواروا ... وعجبي من وزير يتواجد في وزارة لا يوجد بها مؤهلين لتنفيذ شارع على أرض مسطحة داخل الخرطوم عاصمة المشروع اللا حضاري ناهيك عن جبال الشرق أو رمال الشمال .... عليه نقول أكتب عن أي ظلم أو فساد أو خراب تراه عينكم أو تسمعه اذنكم ... ولا يمنعكم كبير او حقير .. إرضاء وراحة للضمير ... تحياتي ثانية
الشفيع إبراهيم

Post: #39
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-16-2009, 03:12 PM
Parent: #38

Quote: المالية تدعو للشفافية في طرح المشروعات
الخرطوم: عبد الرؤوف عوض -الرا العام الأربعاء 16 سبتمبر 2009م، 27 رمضان 1430هـ 42102
أصْدَرت وزارة المالية والاقتصاد الوطني منشور إعداد مقترحات الموازنة المقبلة وتم تعميمه على الوحدات الحكومية كافة في المركز والولايات، حيث شدّد المنشور في مجال الإيرادات العامة بوقف الجبايات غير القانونية وعَدم فَرض أي رسوم والتأكيد من تناسب رسوم تقديم الخدمات مع التكلفة الحقيقية لها ومنع المنشور الصرف من المنبع خصماً على الإيرادات المحصلة، وفي مجال المصروفات طالب المنشور بمُراعاة الدقة والواقعية في إعداد مقترحات الأجور والمرتبات وفق الهياكل الفعلية ورصد التكاليف المتوقعة كافة في العام 2010م مع تقديم مقترحات شراء السلع والخدمات وتحديد مُقترحات التنمية وفقاً للاسبقيات التي حدّدتها الخُطة الخُمسية لخلق التوازن بين قطاعات المجتمع وتحديد التكلفة التقديرية
Quote: وإضفاء روح الشفافية في طرح المشروعات في مناقصات عامة مقدمة،
وركّز المنشور على الخدمات الاجتماعية ومُحاربة الفقر. وأشار إلى العمل على تعديل وإصلاح بعض القوانين كقانون الشركات للعام 1925م، وأسماء الأعمال لتأثيرها السالب على القطاع الخاص وحركة الاقتصاد. ووجّه المنشور الوزارات والوحدات بإعداد المقترحات وفق سُقوفات تخصيص الموارد، وألزم الوزارات والوحدات الالتزام بقرار ترشيد الاتفاق العام وقرارات مجلس الوزراء فيما يلي سفر الوفود الرسمية.


______________
أها يا الفاتح جبرا ، أكتر من كده يعملو شنو يعنى ..
الوزارة ما قصرت معاكم .. يقصر الملح و بإذن الله حيحاربو الفقر ..جنس محاربة و براك حتشوف.
و بمناسبة رمضان و شفافيتو نهنئ الوزارة و الوزارات التانية و الولائية و المركزية بالعشر الاواخر
و نبارك لهم عمرة رمضان

Post: #41
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-16-2009, 07:56 PM
Parent: #38

Quote: عليه نقول أكتب عن أي ظلم أو فساد أو خراب تراه عينكم أو تسمعه اذنكم ... ولا يمنعكم كبير او حقير .. إرضاء وراحة للضمير


عزيزى الشفيع

يقول السيد المسيح عليه السلام (بماذا ينتفع الإنسان إذا ربح العالم وخسر نفسه) ... إن أبشع أنواع خسارة النفس هو السكوت عن قول الحق يا أخى (خليكا من ربحان العالم !) .. لك خالص ودى وعظيم تقديرى وسلامى

Post: #42
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-16-2009, 08:00 PM
Parent: #41

Quote: أها يا الفاتح جبرا ، أكتر من كده يعملو شنو يعنى ..


وبرضو فى دعوة لمحاربة الفـ ســـــــــــــاد ! أيه الهنا النحنا فيهو ده يا أسعد !

Post: #43
Title: Re: إشمعنى سعادتك يعنى؟ ..... (منع من النشر)
Author: هلال زاهر الساداتي
Date: 09-16-2009, 09:34 PM
Parent: #1

لقد وضعت اصبعك علي الجرح النازف كأمطار وسيول العاصمة لأناس لا يستمعون ولا يرون ولكن يتكلمون منكرا من القول وزورا يحاولون به عبثاً تغطية سوءاتهم ومداراة خيباتهم وتعمية قصورهم وتقصيرهم .
شاهدت كاميرا قناة الشروق تتجول ناقلة لنا مشاهد الكارثة التي حاقت بمنازل المواطنين والمدارس والمستشفيات والطرق جراء الامطار الغزيرة التي أحالت اليابسة الي بحيرة واسعة المدي , ثم نقل لنا مندوب القناة حواره مع وزير البني التحتية بالولاية , وكان من أغرب ما استمعت اليه من حديثه هو ان العاصمة مسطحة ولا يمكن ان ينزح عنها الماء وسيتكرر هذا الامر في المستقبل , وأقول له ( فأل الله ولا فألك ) وفعلا هذا كشف خطير ومثير في نظر الوزير وهو تسطيح تربة العاصمة مما يقف أمامه العلم والتكنولوجيا والعقول عاجزة - علي الاقل لدينا في السودان - بينما ارتاد الانسان أجواء الفضاء الخارجي ونزل علي سطح القمر , وانطلقت سفن فضائه الي كوكب المريخ !
وأخال هذا الوزير سعيد بأكتشافه المثير الخطير , وسيظل ( متحكر ) في وزارته في ظل حكومته ويجعل الاقدار تفعل ما تشاء بالعاصمة وأهلها وحيوانها ونباتها ومبانيها !
أقترح علي مؤسسة جينيس للأرقام القياسية في كل مجال ان تنشئ رقما قياسيا جديدا ولنطلق عليه ( الذكاء الغير ذكي ) ونرشح الوزير العبقري لنيل هذه المرتبة .
استاذ جبرا , لك التحية والود والتقدير

Post: #44
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-17-2009, 05:35 AM
Parent: #43

Quote: وكان من أغرب ما استمعت اليه من حديثه هو ان العاصمة مسطحة ولا يمكن ان ينزح عنها الماء


الأستاذ الفاضل ... هلال

لعل السؤال الذى يطرح نفسو هو : طيب إذا سعادة الوزير بيقول إنو لو الأمطار جات مستقبلاً ح يحصل (للعاصمة المـ سطحة) نفس الشئ ... طيب سعادتو قاعد علشان (يهبب) أيه !! غايتو يا أستاذ بس ربنا يلزمنا الصبر ويلطف على هذا الشعب الطيب .... هذا مع تقديرى وإحترامى

Post: #45
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-17-2009, 08:21 AM
Parent: #44

الاستاذ الاخ العزيز الفاتح جبرا
Quote: سعادتو قاعد علشان (يهبب) أيه !!

ما كنت اتصور و رغم انك من المرابطين تسئ الظن بجماعات المهببين ..
يا استاذى العزيز ، فى علوم الفيزوطين .. يمكن للمهبب ان يؤثر على مستوى الانزلاق لجزء الاكسجين المندمج مع الهايدروجين مكونا رياح شمالية شرقية تتسبب فى تبخير البقع و المستنقعات و تحويلها لاراضى استثمارية درجة اولى و كلها ناصية..
و كلوا "ان شاء الله" يصب فى مصلحة المواطن .
عرفت المهببين قاعدين ليه..

Post: #46
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-17-2009, 08:42 AM
Parent: #45

أما السبب الاخر فقد ورد فى احد الصحف السيارة ..
Quote: ولاية الخرطوم تحقق أعلى معدل في الصرف على التنمية
Thursday, 03 September 2009
أجاز مجلس وزراء حكومة ولاية الخرطوم في اجتماعه الدوري أمس تقرير الأداء المالي للولاية للنصف الأول من العام 2009م حيث بلغت الايرادات 830,775 مليون جنيه بنسبة أداء 94%
بينما بلغت المصروفات 807,151 مليون جنيه موزعة على النحو التالي: الفصل الأول 226,854 مليون جنيه بنسبة 28% من موارد الولاية، والفصل الثاني 162,384 مليون جنيه بنسبة 20% من الموارد، الفصل الثالث 6,318 مليون جنيه بنسبة 0,8%. أما التنمية فقد بلغ الصرف عليها مبلغ 404,572 مليون جنيه بما يساوي 50% من موارد الولاية كأعلى معدل للتنمية.

Post: #47
Title: Re: إشمعنى سعادتك يعنى؟ ..... (منع من النشر)
Author: ismeil abbas
Date: 09-17-2009, 09:22 AM
Parent: #46

أستاذ الفاتح...السلام عليكم..وكل عام وانت بخير..

Quote: والله الواحد بطنو طمت من الكتابه .. !!



يا اخى اكتب..وأستعمل ليك ليمون..ما تقيف عشان تططم بطون ناس كثيرة..نحن نعشق كتاباتك...تسلم............إسماعيل محمد أحمد عباس...

Post: #48
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-17-2009, 10:21 AM
Parent: #47

الحبيب اسعد
سلام

Quote: و كلها ناصية..


دى لكن بالغت فيها .. لكن قالو ليكا ما بسووها .. بيت وشارع ... بيت وشارع ... بيت وشارع .. وكووولهم يكونو نواصى وSingle كمااان !!

Post: #50
Title: Re: إشمعنى سعادتك يعنى؟ ..... (منع من النشر)
Author: صديق الموج
Date: 09-17-2009, 10:32 AM
Parent: #48

الفاتح يا صديقى كيفك

طيب الكلام الكتبوا الزول ده ما استقالة مقنعة
ناس الدولة ديل تطير عيشتهم ما يتصرفوا
يا يصرفوا الموية يا يصرفوا الزول ده؟؟

Post: #55
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-17-2009, 09:41 PM
Parent: #50

(عم) صديق الموج.. ياخى والله مشتاقين ... خبارك ما بترد على المسنجر؟
Quote: الفاتح يا صديقى كيفك

طيب الكلام الكتبوا الزول ده ما استقالة مقنعة
ناس الدولة ديل تطير عيشتهم ما يتصرفوا
يا يصرفوا الموية يا يصرفوا الزول ده؟؟

عليك الله يا ودالموج دى ما مهازل ساااكت ... !! الله غايتو يصبر الجميع !!

Post: #49
Title: Re: إشمعنى سعادتك يعنى؟ ..... (منع من النشر)
Author: mohmmed said ahmed
Date: 09-17-2009, 10:23 AM
Parent: #47

استاذ الفاتح

يازول مقالك ينطوى
على اخطر حاجة

((الحقيقة))


الما دايرنها
تظهر

ولاتتقال

ولا
تتكتب

Post: #51
Title: Re: إشمعنى سعادتك يعنى؟ ..... (منع من النشر)
Author: أسامه الكرور
Date: 09-17-2009, 11:23 AM
Parent: #49

أستاذ الفاتح

تحياتى وكل عام وأنتم والأسره بخير

يا أخى والله الوزير دا أحسن زول على الأقل قال الحقيقه وما كضب

وبعدين حكايه إستقاله دى حاره شويه .. يعنى هو مش كتر خيروا قَبِل التكليف

وبعدين يستقيل يقول لى مرتو شنو ؟؟

ومرتو تقول لى صاحباتها شنو ؟؟

خلو عندكم رحمه

Post: #52
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-17-2009, 12:07 PM
Parent: #51

شفت كيف
إشمعنى سعادتك يعنى؟ وش السعد عليهو ..
و كيتتن فى الحسادو على رؤوس الاشهاد
Quote: حكومة الخرطوم تزيد اعتمادات التنمية للصرف على الطرق والجسور
الخرطوم 16/9 (سونا) قرر مجلس وزراء حكومة ولاية الخرطوم فى اجتماعه الدورى اليوم برئاسة د.عبد الرحمن الخضر والى ولاية الخرطوم بزيادة اعتمادات البرنامج التنموى من 400 الى 500مليون جنيه لمقابلة الصرف على بنيات الطرق والجسور ووجه المجلس عقب اجازته اليوم لتقرير أداء وزارة البنى التحتية للنصف الأول من العام الحالى باستعجال تنفيذ الطرق المؤدية للجسور الجديدة خاصة وأن جسر ( الحلفايا ـ الحتانة ) سيكتمل بنهاية هذا العام ,كما وجه المجلس الوزارة باسراع تنفيذ خطة معالجة الزحام المرورى كما وجه المجلس وزارة البنى التحتية بإنشاء إدارات هندسية فاعلة على مستوى المحليات للقيام بواجبات الوزارة كما وجه المجلس بعمل معالجات جذرية وسريعة لشارع الستين بالخرطوم

Post: #53
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-17-2009, 05:26 PM
Parent: #52

Quote: رجال اعمال نيجيريين يبدون الرغبة فى تمويل مشروعات بالولاية
الخرطوم 17/9 (سونا) إلتقى د. عبدالرحمن الخضر والي ولاية الخرطوم بمكتبه اليوم بحضور مهندس حسن عبدالله فضل المولي وزير البنى التحتية بمجموعة من رجال الأعمال من دولة نيجيريا. وبحث اللقاء رغبة المجموعة النيجيرية الدخول فى تمويل وتنفيذ مشاريع البنيات التحتية فى السكن والمياه. وعرض الوالي على االمجموعة مشروع محطة مياه سوبا والتى تعمل بطاقة تصميمية وإنتاجية قدرها 400 ألف متر مكعب فى اليوم كأكبر محطة لإنتاج مياه الشرب بالبلاد
هذا وقد تم الإتفاق أن تجلس المجموعة النيجيرية مع هيئة مياه الخرطوم للتفاكر حول مشروع محطة مياه أبوسعد

__________________________

حنتهنا( من الهنا و السرور) .. على خطى التعافى ..مشيناها ، الله يطراهو بالخير جاب قربة النيجيرى للبصات و الان على شاشة الولاية و حصريا أكبر محطة لإنتاج مياه الشرب بالبلاد
( بنية تحتية نيجيرية)
و غدا بمصاحبة ابوجافلهارمونى باند " الشريف بيريد مويتى"
قال بنية تحتية قال !!

Post: #54
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-17-2009, 09:36 PM
Parent: #53

Quote: يا اخى اكتب..وأستعمل ليك ليمون..ما تقيف عشان تططم بطون ناس كثيرة..نحن نعشق كتاباتك...تسلم...............

الحبيب إسماعيل محمد أحمد عباس .... ليمون الهين ده ؟ ياخى والله اندروس ما يعمل حاجه فى البنشوفو ده ... تحيااااتى

Post: #56
Title: Re: إشمعنى سعادتك يعنى؟ ..... (منع من النشر)
Author: ثروت همت
Date: 09-17-2009, 09:47 PM
Parent: #54

عمي الغالي: الفاتح.
سلام يغشاك محل ماتقبل،
تغيب، وتغيب وترجع محمل بهموم الوطن.
والوطن همومو كل مايوم ماشة زايدة.
**
سلامي للوليدات ولأمهم.
ورمضانكم كريم، وعيدكم مبارك.
تحياتي وتقديري.

Post: #59
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-17-2009, 09:55 PM
Parent: #56

الإبنة الغالية جداً (ثروت)
عاملة كيف؟ إن شاء الله تكونى بخير ... وكل سنة وإنتى طيبة
Quote: عمي الغالي: الفاتح.
سلام يغشاك محل ماتقبل،
تغيب، وتغيب وترجع محمل بهموم الوطن.
والوطن همومو كل مايوم ماشة زايدة.

نحنا أكان ما همينا بهموم البلد دى نهم بشنو؟ نحنا عاوزين لمن ناس نشوى وناجى ديل يكبرو يلاقو ليهم وطن إسمو السودان !!

ألف تحية ليكى وسلاااام

Post: #58
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-17-2009, 09:51 PM
Parent: #51

Quote: ومرتو تقول لى صاحباتها شنو ؟؟


التقول ليهن يا أسامة : (إستراحة محارب) وكده !!

Post: #57
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-17-2009, 09:48 PM
Parent: #49

Quote: يازول مقالك ينطوى
على اخطر حاجة

((الحقيقة))


عزيزى محمد سيدأحمد
الحقيقة يا محمد إنو البلد ماشه لى حته لا يعلم بيها إلا الله ... اللهم نسألك اللطف !

Post: #60
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-17-2009, 09:58 PM
Parent: #57

Quote: رجال الأعمال من دولة نيجيريا


قلتا ليا يا أسعد بعد ده الشعب الفضل كلو ح يغنى : الشريف مبسوط منى؟

Post: #61
Title: Re: إشمعنى سعادتك يعنى؟ ..... (منع من النشر)
Author: د.السيد قنات
Date: 09-17-2009, 10:17 PM
Parent: #57

سلامات أستاذ الفاتح ،


معليش بطنك طمت،

والعلاج بالليمون ،

والليمونة الواحدة بقت بي 500 جنيه ،

وال500 جنيه كانت في ذلك الزمن مرتب طبيب لمدة عام كامل ،


ولو ما نحنا جينا كان الدولار بقي بي 20 جنيه ( تصوروا)،


ومالوا يالفاتح إستراحة المحارب عيب ولا حرام

ما بعدا طوالي بتجي الترقيات والترفيعات والدرجات العليا ،

ولا كمان أحسن خلوها مستورة،

وإمكن كمان بدل خلوها مستورة :: شكيناهو علي ألله !!!!!!!!!

مش أحسن،

ودقي يا مزيكة


يديكم دوام الصحة والعافية

Post: #62
Title: Re: إشمعنى سعادتك يعنى؟ ..... (منع من النشر)
Author: د.السيد قنات
Date: 09-17-2009, 10:35 PM
Parent: #61

الموضوع أدناه نقلا عن الأيام 12/9/2009(الجزء الثاني)


ولكن مازالت الساقية مدورة ،

وقد أنتهي عام ألفين وتسعة ،

ولكن هل نفس الملامح والشبه هي في المسرح ؟؟

كلا وألف كلا ،

لقد غادر الدكتور المتعافي إلي وزارة الزراعة الإتحادية وخلفه دكتور عبد الرحمن الخضر واليا

للخرطوم!


فماذا ترك له من إنجازات وإيجابيات وتنمية في جميع مناحي الحياة داخل ولاية الخرطوم

والتي صارت في عهده ريفا كبيرا بدلا من مدينة حضارية وعاصمة قومية يشار لها بالبنان،


نعم تركها يشار لها بالبنان بمجرد هطول مطرة واحدة ،


فأختلط حابلها بنابلها

ونالت جميع الأحياء نصيبها من الدمار ،

وإن كان مانالته الأحياء الطرفية يفوق حد الوصف؟؟


لماذا حدث هذا؟؟

ومن المسئول؟

ومن يحاسب من؟


هل لنا أن نرجع القهقري لننظر بعين فاحصة وبصيرة نافذة وضمير حي ،

لا لنعدد الدمار والخراب ما بين المنازل والمدارس والمراكز الصحية والأنفاق وشوارع الأسفلت ومحطة

مياه سوبا ،

وفوق ذلك كم من الأنفس والثمرات ذهبت في غمضة عين،،!!؟؟


نعم الخريف هو نعمة وخير وبركة والواحد الأحد يقول( وجعلنا من الماء كل شيء حي) صدق الله العظيم.



ولكن هل السيد دكتور المتعافي والي الخرطوم السابق هل كان يدرك تلك الحقيقة ؟

وهل خطط لها ليكون الخريف نعمة وخير وبركة لسكان ولايته وهم يمثلون 1/3 سكان السودان؟

كيف كانت النتيجة وماهي المحصلة؟


نعم فشل المتعافي فشلا ذريعا في توفير الأمن والطمانينة والعيش الكريم لسكان ولايته وهم في حدود 8

مليون مواطن(فليؤمنوا برب هذا البيت الذي أطعمهم من جوع وآمنهم من خوف) صدق الله العظيم


نعم ،

مواطني ولاية الخرطوم قد كفروا بالسيد د. المتعافي أبان ولايته ،

فلم يذوقوا طعما للأمان ولا العيش الكريم ولا البطون المليانة،

ومع ذلك تم تكريمه بنجمة الإنجاز ،

واليوم يظهر ذلك التكريم والإنجاز في الدمار الذي خلفته الأمطار ولم يسلم منه بيت واحد في الولاية

بطريقة مباشرة أو غيرها.


نعم الوالي الحالي د.عبد الرحمن الخضر ليس له ناقة ولا جمل في ما حصل لولاية الخرطوم من جراء خريف

هذا العام والذي ربما جاء فجأة في قاموس دكتور المتعافي،!!


حصل ما حصل وإختلطت مياه الأمطار بمياه الصرف الصحي ومياه الشرب والتي هي أصلا معدومة والنيل العظيم

والأزرق والأبيض علي مرمي حجر من أي منزل في الولاية(ماذا حصل لمحطة مياه سوبا؟؟)،

ومازالت زخات الأمطار تتواصل فالخريف في بداياته والبنية التحتية أصلا غير موجودة ،

ونحن ولاة أمرنا قد إمتلكوا المسدسات للدفاع عن أنفسهم وأسرهم ،

وبنوا سدا منيعا خلف العاصمة الوطنية لحمايتها من هجمة محتملة للعدل والمساواة ،

ونسوا أن تحصين الدولة لايتم بالحصون والسجون ولكن العدل هو الحصن المنيع ،

وهذا العدل يشمل جميع مناحي الحياة من مأكل ومشرب وملبس ووظيفة وأمن وطمانينة وعلاج ومواصلات

ومدارس وفكر وحرية رأي وتحرك وممارسة للمعتقدات ،

فهل أوفي المسئول بذلك ؟.


كلا وألف كلا ،

مجرد نظرة لخريف هذا العام ومطرة واحدة بالعاصمة القومية كشفت عورة ولاية الخرطوم وأبانت

المستور من سوء التحضيرات والتخطيط والعشوائية وإهدار أموال الشعب،

نعم نحن علي أبواب كارثة يتحمل مسئوليتها كاملة السيد د. المتعافي الوالي السابق ،

وزير الزراعة الإتحادي الحالي!

نعم نكرر القول ،

هل سيصير خريف هذا العام كارثة علي سكان ولاية الخرطوم؟؟

نعم بكل تأكيد الخطر قادم ما بين المياه الراكدة في جميع ساحات وميادين الولاية،

وتوالد الذباب والبعوض ،

وغير ذلك من إنعدام الماء الصالح للشرب،

ثم فوق ذلك دمار عم كل أطراف العاصمة للمراحيض البلدية وهذا سيقود إلي ما لايحمد عقباه ،

فهل نحن جاهزون للتعامل مع هكذا كارثة محدقة بالعاصمة القومية؟؟


نعم الأمطار أنست المواطنين رمضان الشهر العظيم المبارك وقد إنقضي ثلث الرحمة منه

ولن يقنط الإنسان من رحمة الله ،

ولكن هل يفكر المسئول والمواطن قد فقد كل ما يملك من مجرد أن يرحمه وهو يملك السلطة في توفير

جميع إحتياجات رمضان بسعر مدعوم؟

إن كان لايملك تلك السلطة في هذه الظروف الكارثة،

وليس في أدبياته هموم المواطن وهو ما بين العراء والخريف ولهيب الشمس وظلام الليل ومياه راكدة

وبعوض يلسع وذباب يشارك في السراء والضراء ومدارس مغلقة ومراكز صحية تهدمت فحري به أن يذهب غير

مأسوف عليه ،

فمن لايرحم لايُرحم .


نعم الخريف هو نعمة وبركة وخير لبلد يعتمد علي الزراعة والثروة الحيوانية ،

ولكن وبفضل سياسة قادتنا في ولاية الخرطوم صار نغمة ،

وغدا غير بعيد في الأفق هنالك كارثة قد ألقت بظلالها علي ولاية الخرطوم،

ولكن هل يدركها المسئول ؟

كيف المخرج؟

ماهو العلاج الشافي الآني؟

ثم هل هنالك خطة طويلة الأمد لتلافي مثل هذا القصور والإستهتار بأرواح المواطنين،

فالخريف لايأتي فجأة إلا في السودان ؟؟


وفوق ذلك دون أن تكون هنالك محاسبة لكل من إقترف جرما أو تقصيرا أو إهمالا في حق هذه الولاية

بغض النظر عن درجته،

ودون محاباة أو مجاملة ،

فعلي السودان السلام ،

وعلي مواطني الخرطوم أن يقيموا سرادقا للعزاء لذهاب الضمير ومواته ،

وعندما يموت الضمير فإن الجته تتعفن وتتنتن ،

وهل يقترب منها من يملك قلبا سليما وعقلا راجحا وبصيرة نافذة ؟


هل يدركون قوله صلعم

(..... لو سرقت فاطمة بنت محمد ، لقطع محمد يدها )

( ، لاتوجد حصانة، أليس كذلك ؟؟)

حتي في دولة إسرائيل رفعت الحصانة عن رئيس الوزراء للتحقيق معه ،

وكلنتون أمريكا العظمي،

ووزير الصحة الصيني ،

والوزير الفرنسي

وحتي الرئيس تامو أمبيكي لم يسلم من المحاسبة ،

ولكن عندنا المسئول فوق المحاسبة والشبهات

بل هم في إستراحة محارب

ما بين كرسي منصب وآخر أعلي درجة ،

والمواطن وهمومه ليس من أولوياته .


إن المسئولية أمانة ويوم القيامة خزي وندامة

إلا الذي أخذها بحقها وأدي ما عليها ،

ولكن هل يدرك هؤلاء المسئولون ذلك اليوم ،

يوم لاينفع مال ولا بنون إلا من أتي الله بقلب سليم ،

أيها المسئول إن وعد الله حق فلاتغرنك الحياة الدنيا ولا يغرنكم بالله الغرور.

إن لنا أسوة حسنة وقدوة راسخة

في الإمام العادل عمر إبن الخطاب وقولته المشهورة

(لو عثرت بغلة بالعراق لكان عمرا مسئولا عنها لم لم يسوي لها الطريق) ،

وبغلة ذات كبد رطب يسأل عنها عمر خليفة رسول الله ،

ولكن نحن آلاف المنازل صارت أثرا بعد عين

وتشرد أهلها ملتحفين السماء

ومفترشين أرضا رطبة

ليس بسبب الكندشة

ولكن خريفا فاجأ المسئول

وهو في أعالي برجه العاجي

تأتيه التقارير عبر الجزيرة والبي بي سي،

ولايدرك ذلك الإنسان الذي كرمه الله ومأساته،

والخليفة العادل يدرك مسئوليته تجاه البغلة

فيوءمن لها الطريق حتي لاتتعثر ،

ولكن مسئولنا لم يقم بإتقان عمله كما أمرنا المصطفي عليه أفضل الصلاة والتسليم ،

فحدثت الكارثة وأي كارثة هي؟؟

إنها تسونامي خريف الخرطوم .


فقط أرفعوا الحصانة عن كل مسئول له علاقة بهذه الكارثة وليكن الحساب والجزاء عدلا تمشي به

الركبان ،


هل نحلم بذلك ،

مجرد حلم ،

دعونا نحلم ،

أليس لنا هذا الحق ،


ولكن الما بعرف ،

ما تديهو الكاس يغرف ،

يغرف ،

يكسر الكاس ،

ويحير الناس ،

والآن مواطني ولاية الخرطوم في حيرة من أمرهم

والكارثة علي أعتاب حطامهم ،


هلا رفعنا أكف الضراعة للواحد الأحد ::


، أللهم أرفع مقتك وغضبك عنا

ولا تسلط علينا بذنوبنا

من لايخافك ولا يرحمنا


أللهم آمين ببركة هذا الشهر العظيم

Post: #63
Title: Re: إشمعنى سعادتك يعنى؟ ..... (منع من النشر)
Author: rosemen osman
Date: 09-17-2009, 11:00 PM
Parent: #62

Quote: - (والأهم من ده كلو) إنو الوزير (رغم رهانو ده) قاعد فى محلو (لتصريف) مهام
وزارته !!


تصريف من تصريف يفرق
واحد من والثاني الى

كل سنة وأنت طيب

Post: #65
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-18-2009, 06:47 AM
Parent: #63

بتنا العزيزة روزمين
كل سنة وإنتى طيبة :
Quote: تصريف من تصريف يفرق
واحد من والثاني الى


تصريف مـ ــياه
تصريف مـ ـهـام


!!!!!!!!!!!

Post: #64
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-18-2009, 06:44 AM
Parent: #62

الأخ الكريم الدكتور السيد قنات
السلام عليكم ورمضان كريم وكل سنة وإنت طيب

والله يا اخى أنا ما عارف لو الناس ديل مرجعيتهم كانت ما (الإسلام) كانوا عملو شنو؟؟ غايتو ربنا يتولى البلد دى ويلطف بيها رغم هذا المستقبل المظلم الذى ينتظرها .. تقبل تحياتى وإحترامى وتقديرى ،،،

Post: #66
Title: Re: إشمعنى سعادتك يعنى؟ ..... (منع من النشر)
Author: د.السيد قنات
Date: 09-18-2009, 02:04 PM
Parent: #64

سلامات أستاذ الفاتح


الجماعة ديل إحصائيا لايساوون فرطاقة ،

وحسب الإحصاءات الرسمية

أكثر من 95% من الشعب السوداني تحت خط الفقر ،

كمان علي ديل نضيف ليهم كل من يملك ضميرا حيا وقلبا نابضا ووطنية صادقة ،


أها بعد دا كلو ما بنقدر نزحهم من متاريسم دي؟؟؟

وإذا كانت الإجابة ما بنقدر،،

لازم نقعد في الواطا دي ونشوف السبب،

هل يغلبنا مثل هذا؟؟؟؟


يديكم دوام الصحة والعافية

Post: #67
Title: Re: إشمعنى سعادتك يعنى؟ ..... (منع من النشر)
Author: مهيرة
Date: 09-18-2009, 03:36 PM
Parent: #66

Quote: عزيزى أبوبكر
يا أخى إن النقاط التى ذكرها هذا الوزير فى تقريره أمام المجلس تصلح أن تكون أسبابا موضوعية لإقالته ... ياخى ده قال لو الخريف إستمر ح يحصل نفس الشئ الحصل من كوارث .. إتخيل !!! طيب قاعد ليه !!؟؟


ودة كلام دة يا الفاتح اخوى ؟!!!!!!!!!!

الزول قاعد مستنى الترقية!!!!!!!!!!!!

العيد مبارك عليكم

تحياتى

Post: #68
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-18-2009, 07:29 PM
Parent: #66

Quote: الجماعة ديل إحصائيا لايساوون فرطاقة ،وحسب الإحصاءات الرسمية
أكثر من 95% من الشعب السوداني تحت خط الفقر ،كمان علي ديل نضيف ليهم كل من يملك ضميرا حيا وقلبا نابضا ووطنية صادقة ،
أها بعد دا كلو ما بنقدر نزحهم من متاريسم دي؟؟؟وإذا كانت الإجابة ما بنقدر، لازم نقعد في الواطا دي ونشوف السبب، هل يغلبنا مثل هذا؟؟؟؟


عزيزى دكتور قنات
أعتقد أن مشكلة البلد قد أصبحت أكثر تعقيداً مما يتصور أحد .. المشكلة الآن لم تعد ذهاب هؤلاء أو بقاء أولئك المشكلة هى أن حجم الخراب قد أصبح غير مقدور عليه خاصة خراب الذمم والنفوس .. لم يعد أحد يهمه الوطن بقدر ما تهمه مصالحه الخاصة (اسرته ، حزبه ، قبيلته ... إلخ) .. نحن يا اخى أصبحنا فى حوجة إلى معجزة إلهية !! كل سنة وإنت طيب !!

Post: #69
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-18-2009, 07:33 PM
Parent: #68

Quote: ودة كلام دة يا الفاتح اخوى ؟!!!!!!!!!!
الزول قاعد مستنى الترقية!!!!!!!!!!!!
العيد مبارك عليكم

الأخت الفاضلة مهيرة
ترقيه بدون (إستراحة محارب) ؟ كيفن الكلام ده يا مهيره؟؟


....... علينا وعليكى يتبارك

Post: #70
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-19-2009, 10:26 AM
Parent: #69



Post: #71
Title: Re: إشمعنى سعادتك يعنى؟ ..... (منع من النشر)
Author: احمد خليل
Date: 09-19-2009, 03:26 PM
Parent: #70

كل عام وانتم بخير
الوزير ده بيؤدى شغلو زى الفل!!! ما هى الدوله ( بتمرمط) فى الشعب وهو جزء من النظام!!!وما كذب لمان يرجع كل حاجه (للدوله)!!! وبعدين (تصريف) وما (نصريف) شنو !!!الناس دى جايه من (ادنبره)!!!ما كلهم جايين من (الصقيعة)!!!
خلو الوزير ده فى حالو (يصرف) شئون اسرتو الصغيره !!ويصرف على اسرتو الكبيره فى التنظيم!!!

Post: #72
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-20-2009, 08:09 PM
Parent: #71

عزيزى أحمد خليل
كل سنة وإنت طيب

Quote: الوزير ده بيؤدى شغلو زى الفل!!!

مافيش فل أكتر من كده يا أبوخليل !!

Post: #73
Title: Re: إشمعنى سعادتك يعنى؟ ..... (منع من النشر)
Author: الطيب شيقوق
Date: 09-20-2009, 08:57 PM
Parent: #72

استاذنا ود جبرا

كل عام وانت والاسرة بالف خير
اعاده الله عليكم خيرا ويمنا وبركة

Post: #74
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-21-2009, 07:26 PM
Parent: #73

Quote: استاذنا ود جبرا

كل عام وانت والاسرة بالف خير
اعاده الله عليكم خيرا ويمنا وبركة


الحبيب ودشيقوق .. ياخى كل سنة وإنتا طيب .. والله مشتاقين .. وين الحى بيك .. زمن !!

Post: #75
Title: Re: إشمعنى سعادتك يعنى؟ ..... (منع من النشر)
Author: فيصل الباقر
Date: 09-21-2009, 08:53 PM
Parent: #74

الأستاذ الفاتح جبرا و بقية المتداخلين و المتداخلات
كل عام و صحافتنا و شعبنا و وطنا و إنتو بخير

بطنك لا تطم من الكتابة.. خلها طامة من عينة المسئولين ديل ، و المهندسين ديك و " كبير أخوانو " ... و خليها طامة من الجماعة اللى بيمنعوا النشر و كمان قرروا يوقعوا ( ميثاق الشرف الصحفى - وثيقة رؤساء التحرير ) مع رؤساء التحرير ..يا أخى ما يعملوا ليهم واحد براهم و يسموهوا ( ميثاق - أى حاجة - الأمنى )، و ممكن يوقع معاهم، من يرضى من الصحفيين و كمان قضاة الدستورية بالرقابة الأمنية..
غايتو حكاية توقيع مندوب الأمن على ميثاق الشرف الصحفى ، حتدخل موسوعة جينس ، و برضو حتكون واحدة من عجائب الدنيا " المادوامة "..
أرجو أن تستمر تكتب لشعبك و قرائك و أكيد " عما قريب الهمبريب يفتح شبابيك الحبيب و الحال يطيب " ....شد الضراع .. و بالمناسبة ( الجاتك فى مقالك سامحتك ).. مش أحسن من
حكاية" تقطيع الأوصال ........ و هلما جرا ؟؟!!!.
فلنواجه الرقابة بالمزيد من الكتابة ..

Post: #76
Title: Re: إشمعنى سعادتك يعنى؟ ..... (منع من النشر)
Author: فيصل أحمد سحنون
Date: 09-21-2009, 09:09 PM
Parent: #75

الأستاذ الفاتح
ربنا يديك الصحة والعافية لتمتعنا
كل سنة انت والأسرة بخير.
تحياتي

Post: #78
Title: Re: إشمعنى سعادتك يعنى؟ ..... (منع من النشر)
Author: الطيب شيقوق
Date: 09-21-2009, 09:48 PM
Parent: #76

Quote: الحبيب ودشيقوق .. ياخى كل سنة وإنتا طيب .. والله مشتاقين .. وين الحى بيك .. زمن !! [/QUOTE

حرم انت بقيت زى عمنا حاج سليمان ود شيقوق زولا ونيس بالحيل نلتم في راكوبتو كل مغربية - يقوم يصلح القعدة ويحكي لينا بدوره كسكرتير للجمعية التعاونية ايام زمان وبعلاقته مع الشريف حسين هندي وزيارته لحسن عوض الله ونحن ساكتين نسمع سااااى ونتفرج في الحديث المقعد لكن وحاة والله بعد فصاحتو دى كلها اكان الجنازة جات بارية راكوبتو للدفن يعاين للشيالين ويدمدم ينوم


يا اخي العفو قلنا نعيد ليك بس ونقبل

Post: #81
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-23-2009, 07:48 PM
Parent: #78

Quote: يا اخي العفو قلنا نعيد ليك بس ونقبل


والله يا الطيب ياخوى مشتاقين .. ياحليل ايام بوستاتنا الجميلة .. يا حليلا .. وذى ما بيقول واحد من أولادنا هنا








المهم !!

Post: #80
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-23-2009, 07:43 PM
Parent: #76

Quote: الأستاذ الفاتح
ربنا يديك الصحة والعافية لتمتعنا
كل سنة انت والأسرة بخير.
تحياتي


عزيزى فيصل سحنون
كل سنة وإنت كمان طيب وأفراد الأسرة الكريمة .. لك ودى وخالص تحياتى
،،،

Post: #77
Title: Re: إشمعنى سعادتك يعنى؟ ..... (منع من النشر)
Author: عبدالرحيم حامد
Date: 09-21-2009, 09:46 PM
Parent: #75


Post: #79
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-23-2009, 07:41 PM
Parent: #77

الأخ العزيز الأستاذ فيصل
لك منى كل التقدير والإحترام وأنت تقف فى ذات الخندق .. خندق الحق .. خندق القلب على الوطن (وبس) !! أسعدنى وشرفنى كثيراً مرورك الكريم .. لقد أصابنا (الطمام) يا أخى مما نسمع ونشاهد من تصريحات المسئولين وآخرها هذا الذى يبرر إنقطاع المياه عن المنازل بإنخغاض منسوب النيل الأزرق .. تعال يا أخى نتبنى مشروع (ليمونة لكل مواطن) عشان تفك الطمام ده !! دمت بخير
!!

Post: #82
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-23-2009, 07:53 PM
Parent: #79

Quote:

(عدل بواسطة عبدالرحيم حامد on 23-09-2009, 01:27 م)


لكن ما بالغتا يا دكتور ... عرفناك عدلتا لكن الشئ العدلتو ذاااتو وينو؟

كسرة:

شنو ياخ العيد الجاب الناس لينا ما جابك ؟ .... كل سنة وإنتا طيب

Post: #83
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-24-2009, 01:01 PM
Parent: #82

قال الشاعر العربى
ما لنفسه غثت بالطمام تيقنا بانه ما لجرح بميت ايلام
نراه بالمكاتيب أكتوى و غيره هام بالعطاءات هيام
ليته تولى وزارة أو سار به الزمان لمنصب و لو فى ولاية الانعام
حينها ، لما عشق الليمون مرارة و لا شاف الشريف فنى
___
نعتذر لعدم وزن الشعر حاليا "الميزان" عطلان مؤقتا
______________________________________________________
الصورة التحت دى بمناسبة قطع الريسين الحايم اليومين ديل



Post: #84
Title: Re: إشمعنى سعادتك يعنى؟ ..... (منع من النشر)
Author: فيصل الباقر
Date: 09-24-2009, 01:42 PM
Parent: #83

الأخ العزيز الأستاذ الفاتح
مقترحك معقول ، و يسعدنى و يشرفنى كثيراً الدخول معك فى تبنى مثل هذه المشاريع، التى تهدف- بلا شك -لتقليل معاناة شعبنا " الفضل". و أكيد " إيد على إيد تجدع بعيد" و " نصف رأيك عند أخيك" . بس خايف نتبنى مثل هذا المشروع يقوموا الجماعة يسمسروا فيهو ، و الليمون ما يصل أصحاب الوجعة .. إنت عارف الجماعة ديل " جحمانين " و ما بيلعبوا فى حكاية " الكسب و التمكين الإقتصادى " .. و برضو فى إحتمال تانى،يقوموا الجماعة " التانين" يعملوا فيهو زى ما عملوا فى مقترح " ميثاق الشرف الصحفى - وثيقة رؤساء التحرير "... يبدو ما عندنا خيار احسن من " مقاومة الرقابة ، بالصمود و المزيد من الكتابة" .. دمت و دام فضلك ، و دام قلمك " سنين و أمين " .. و لك التحية و التقدير..و معاً فى الطريق الذى إخترناه ، طريق الكتابة و مواجهة الرقابة .. و دمت

Post: #85
Title: Re: إشمعنى سعادتك يعنى؟ ..... (منع من النشر)
Author: حامد الناظر
Date: 09-24-2009, 06:47 PM
Parent: #84

استاذ الفاتح سلامات
وكل عام وانت وقلمك بالف خير ،، اتابع دائماما تكتب ومعجب جدا بطريقتك وقاموسك الخاص في الكتابة وانت تكتب الى الشارع السوداني بابسط المفردات التي يفهمها ويجيدها وذلك سر النجاح الذي تتمتع به والحب في قلوب الناس ..
خارج النص
لا زلت اذكر ايامي معك في المعهد القابع امام منزل الزعيم الازهري بامدرمان حيث كنت احد تلاميذك ،، اتمنى ان تكون لا زلت تتذكرني ..
تحياتي لك وللمدام الموقرة ..

Post: #86
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-24-2009, 07:26 PM
Parent: #83

Quote: نعتذر لعدم وزن الشعر حاليا "الميزان" عطلان مؤقتا


أوعا يكون شالوهو منك ناس المحلية رهينة وكده يا أسعد !!

Post: #87
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-24-2009, 07:30 PM
Parent: #86

Quote: معاً فى الطريق الذى إخترناه ، طريق الكتابة و مواجهة الرقابة ..


هو ذلك يا فيصل ،،،

Post: #88
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-24-2009, 07:35 PM
Parent: #87

Quote: لا زلت اذكر ايامي معك في المعهد القابع امام منزل الزعيم الازهري بامدرمان حيث كنت احد تلاميذك ،، اتمنى ان تكون لا زلت تتذكرني ..


عزيزى حامد .. كل سنة وإنت طيب .. الزهايمر حاصل يا حامد لكن أعتقد إنو إنتا كان ليك علاقة بالإذاعة كان ما أخاف الكضب ! .. كان إسمها (أكاديمية دراسات الكمبيوتر) ... تحياتى

Post: #90
Title: Re: إشمعنى سعادتك يعنى؟ ..... (منع من النشر)
Author: حامد الناظر
Date: 09-24-2009, 08:08 PM
Parent: #88

كنت في الاذاعة
العزيز الاستاذ الفاتح
تحية من جديد
هو ذاك .. بالضبط .. سلامتك من الالزهايمر .. الاكاديمية لا اعتقد انها موجودة الآن .. مررت بالموقع اكثر من مرة ولم ارى اللافتة
تحياتي

Post: #89
Title: Re: إشمعنى سعادتك يعنى؟ ..... (منع من النشر)
Author: Hani Arabi Mohamed
Date: 09-24-2009, 07:41 PM
Parent: #86

Quote: الفاتح يوسف جبرا


سعادة/ الفاتح يوسف جبرا

تحية طيبة وأنت تهدينا دائماً الجميل والمفيد من كتاباتك الثرة المرحة القوية

في هذا الوطن الخرافي غير محدد الحدود ولا السيادة

في هذا الوطن الذي لا يعرف المواطن هل هو مواطن أو مجرد (.....) مسلوب الحقوق مقيد بالواجبات

في هذا الوطن الذي لن يصلح حاله أحد ولن يقدر عليه أحد


تحية طيبة محترمة مباركة

Post: #91
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-26-2009, 01:30 PM
Parent: #89

عزيزى هانى
أشكرك جزيل الشكر على كلماتك الجميلات .. ربنا يقدرنا نكتب الجيد المفيد .. سلامى وتحياتى القلبية

Post: #92
Title: Re: إشمعنى سعادتك يعنى؟ ..... (منع من النشر)
Author: Hisham Ibrahim
Date: 09-26-2009, 02:05 PM
Parent: #91

اخونا الفاتح جبرا

عيدك سعيد

مقال في السلك وزي ما قال الشاعر

وأترجم الآلام !!



طالما في قلم بترجم زي البلاء والداء دا

أكيد أكيد ناس نشوى وأخوها وأولادنا - بلقوا وطن أسمو السودان انشاء الله تعالى !



مودتي


هشام

Post: #93
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-26-2009, 08:25 PM
Parent: #92

عزيزى الفاتح جبرا
كلما اسمع و اقرا الاخبار أشعر بأنك وش خير .. على الزول البالى بالك ، مفروض تأخد نسبة و تتذكر أخوك ..
________________________________________________

(30) مليون دولار لتوسعة شارع النيل وخطط ولائية للخدمات
الخرطوم : يحيى كشه
كشفت وزارة البنى التحتية بولاية الخرطوم عن خطة لمعالجة قضايا الولاية الخدمية خاصة في مجالات الصرف الصحي، المياه، المصارف وتنظيم النقل والمرور بالولاية.
وقال حسن فضل المولى وزير البنى التحتية بالولاية، إنّ وزارته تعكف على وضع الخطط اللازمة لمعالجة الخدمات التي تقدم للمواطن، وأضاف: المشاريع التي نفّذت من قبل أشبه بالتقليدية، فضلاً عن القصور في تطبيق القوانين الملزمة للمواطنين خاصة في مجال المباني.
وأضاف فضل المولى أمس في «مؤتمر اذاعي» أن خطط وزارته تتمثل في توصيل شبكات الصرف الصحي بالعاصمة القومية، وقال إن الصرف الصحي الذي يعمل حالياً يغطي (6%) فقط بالمدن الثلاث، وكشف عن مبلغ (9.500) مليون دولار لتأهيل الصرف الصحي القديم، وأكّد أنّ وزارته شكلت لجنة منفصلة للأمر، وانها تعاقدت الآن بـ (6.500) جنيه لتوصيل شبكة مناطق أم درمان القديمة، بجانب إنشاء الكباري والأنفاق لحل أزمة المرور عبر إدخال البصات بدلاً عن الحافلات التي قال إنها تسهم في ازدحام المرور بالعاصمة القومية، وقال إن معظمها غير ملتزم بالضوابط المرورية، وأضاف أن (42%) منها في ولاية الخرطوم غير مرخصة.
وجدّد فضل المولى عزم وزارته في توسعة الشوارع الرئيسية، التي قال إنّها ستسهم في حل أزمة المرور في المدن الثلاث، وكشف عن ميزانية لتوسعة شارع النيل بمبلغ (30) مليون دولار من بنك قطر، وأكّد أنّ العمل سيبدأ فور مصادقة بنك السودان المركزي لتكتمل الخطة خلال عامين. وأوضح أنّ التوسعة تأتي عبر إنشاء كوبرٍي موازٍ للنيل بين جسري توتي والمك نمر، وأشار الوزير إلى أنّ المؤسسات التي بالشارع سوف ينظر في نقلها إلى منطقة طرفية في شكل تجمعات وزارية، وقال إن وزارته تعمل الآن من حي المجاهدين.
من ناحية ثانية أعلن الوزير عن تواصل العمل في عَدَدٍ من الجسور بالولاية وأخرى مقترحة في مناطق توتي - أم درمان، توتي - بحري، الحلفايا - الحتانة، الدباسين، أبو حراز وسوبا، وقال إنّ تعويضات أصحاب المِلِك في منطقة إقامة الجسر تمثل إشكالاً لإنشاء الجسور، وإنها أحياناً تساوي قيمة الجسر نفسه.
في سياق مختلف كشف وزير البنى التحتية عن عمل وزارته لخريطة هيكليّة كنتوريّة للعاصمة القومية لأخذ تصور عام للتمدن العمراني بالولاية بتكلفة (2400) دولار لتسهم في مجالات تحديد ومُعالجة المجاري المائية بالولاية وآلية تنظيم الطرق، وأكد فضل المولى اكتمال الخطة، وقال إنّها تسهم في وضع خطة شاملة لكيفية معالجة مصارف المياه.

Post: #94
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-26-2009, 09:17 PM
Parent: #92

عزيزى هشام
كل سنة وإنت طيب .. والله هدفنا كله هو أن يعى ولاة أمرنا أن يعملوا من أجل أطفال اليوم ليجدوا بلادا تحتويه ووطناً يستظلون تحته فى مستقبل الأيام ... !! شكراً جزيلاً على المداخلة ألف شكر

Post: #95
Title: Re: إشمعنى سعادتك يعنى؟ ..... (منع من النشر)
Author: الفاتح يوسف جبرا
Date: 09-26-2009, 09:29 PM
Parent: #94

(30) مليون دولار لتوسعة شارع النيل وخطط ولائية للخدمات
أهو ده الكلام يا أسعد ... الكاش البيقلل النقاش وصل .. لكن شنو حكايت إنو (قرض) من بنك (قطر) دى ؟؟ قروشنا نحنا وين؟؟ الخزنة فاضية؟؟

Post: #96
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-26-2009, 11:55 PM
Parent: #95

Quote: قروشنا نحنا وين؟؟

universal commercial bank
Federal Islamic Republic of the Comoros
و ممكن تسأل العنبة ، برضو

_____

مودتى

Post: #97
Title: Re: إشمعنى سعادتك يعنى؟ ..... (منع من النشر)
Author: اسعد الريفى
Date: 09-29-2009, 05:48 PM
Parent: #96

Quote: الاهمال يضرب الخرطوم
محمد سعيد محمد الحسن
يجب التعامل مع وباء انفلونزا الخنازير بكثير من الحذر والجدية والمثابرة والمتابعة، فالتقارير العلمية والصحيحة اكدت على أنه ينتشر ويتمدد في كل الاتجاهات ويصل إلى كل الاصقاع، وانه لم يعد مرض انفلونزا يقتصر على الرشح وارتفاع الحمى، وانهاك الجسد إلى حد الذبول، وانما اخذ يتجه مباشرة إلى الرئتين، ويمضى إلى الكلى ويهزم كل مقاومة في الجسد ليصرعه في نهاية الأمر وفي أيام أو ساعات معدودة، وقالت التقارير ان بلادا كالولايات المتحدة، وبريطانيا، وبعض دول آسيا سيصاب فيها الملايين، واستطاعت الولايات المتحدة عبر جهود علمية وطبية كثيفة الوصول إلى عقار فعال ونافذ لمقاومة ومواجهة خطر الانفلونزا الخبيثة - أي انفلونزا الخنازير- واخذت في طرحه على المستشفيات ومراكز طبية والصيدليات، انها تسابق خطر المرض، لأن الإنسان الامريكي يستحق الوقاية والحماية وهو همها الأول، وربما ترسل فائض العقار الواقي، ولقاحات انفلونزا الخنازير إلى دول أخرى خاصة الفقيرة التي تفتقر للوعي الصحي، وللعلاج والغذاء، وحتى اشعار آخر، فإن مرض انفلونزا الخنازير تحول إلى خطر حقيقي مهدد للبشر في كل انحاء العالم وبوجه خاص الدول المتخلفة، والكسولة التي تظن انها بعيدة، أو انها بمنأى عن خطره، ولقد تابعت في القاهرة حملة التوعية الذكية للاجهزة الوقائية والعلاجية والاعلامية عبر كافة الوسائل، الاذاعة والتلفزيون والملصقات والمساجد للتنبيه والتحذير، فهي - أي مصر - لم تكتف باعدام الخنازير في مصر فور إبلاغها بظهور مرض انفلونزا الخنازير، وانما ركزت ببراعة على التوعية والتبصير، ووضع المعلومات والحقائق، وتبيان الفارق بين الانفلونزا العادية، وبين انفلونزا الخنازير، وعبر الصور ولقطات مباشرة في المراكز العلاجية والمستشفيات، والتشديد على النظافة والابتعاد عن الزحام، والاكتفاء بالمصافحة، وليس الاحضان أو القبلات، واغلقت المدارس، والجامعات ودور حضانة الأطفال، لان المرض ينتشر بسرعة في البيئة الملوثة والمزدحمة، وادرك المصريون من خلال حملة التوعية الواسعة والتي شملت الخطب في المساجد، ان الوقاية والحيطة والحذر اجدى وافضل من الوقوع في الانفلونزا الخبيثة القاتلة إذا نفذت إلى الرئتين ولذلك أصبح الكثيرون يضعون الكمامات ولاغراء الاطفال بوضع الكمامات الملونة مصحوبة بالعاب ملونة في تجمعات وزيارات عيد الفطر المبارك، واصبحت «الكمامات» مظهراً حضارياً ودلالة على وعي ومعرفة بخطورة الوباء الخبيث، والحملة الاعلامية الكثيفة الواسعة والذكية تطلب من كل أسرة، وفرد فيها بضرورة الاتصال بالخط الساخن المباشر «105» للحصول على المعلومة الصحيحة بالنسبة لكل حالة، وارسال الاسعاف المزود بطاقم طبي لمباشرة العلاج الفوري. الاجهزة العلاجية والطبية والوقائية والاعلامية تتحسب تماماً وباقتدار ومسؤولية لمواجهة خطر او انتشار الانفلونزا الخبيثة.
ماذا فعلت أو تفعل الاجهزة الوقائية والطبية والعلاجية والاعلامية في السودان، للتعامل مع الانفلونزا الخبيثة القاتلة خاصة في بيئة صحية متردية إلى أقصى مدى، وكأننا نعيش في القرون الوسطى، في بدائية وتخلف،
Quote: فمن يصدق انه بعد شهر كامل من مطلع اغسطس 2009م إلى 25سبتمبر 2009وبعد هطول امطار وسيول غزيرة خلفت مستنقعات، ومصارف تحولت المياه الراكدة فيها إلى خضراء وصفراء، وقالت التقارير ان البعوض والناموس والذباب يتضاعف ويتكاثر ليس يوماً بعد يوم وانما ساعة بعد ساعة في الخرطوم العاصمة، وقال نائب والي الخرطوم وكذلك الناطق الرسمي باسم حكومة ولاية الخرطوم يوم الثلاثاء 22/9/2009ان طائرات رش الباعوض والناموس قد بدأت حملات رش في العاصمة أي بعد شهر كامل من الكارثة الفادحة، وأهل الخرطوم «العاصمة الحضارية» يعانون ويتعذبون من تداعيات الكارثة،
من الذباب والناموس، وانواع جديدة من الحشرات، وحمى جديدة تشبه الملاريا، اطلق عليها الحمى الآسيوية»؟ في مثل هذا النموذج من الأهمال والتردي المريع واللا مبالاة من جانب حكومة ولاية الخرطوم هل يجوز التنبيه للخطر القادم، الانفلونزا الخبيثة؟
الراى العام التاريخ: الثلاثاء 29 سبتمبر 2009م، 10 شوال 1430هـ 42111