شاهد أهداف الهلال في الوصيف سابقاً الطيش حالياً

1- باري ديمبا

2-عمر بخيت

3- إيفوسا

_
و خالص العزاء للوصيفاب

الف مبرووك يا فيصل و فعلا الليلة يوم جميل جدا

الهدف الاول و التالت ما شغالين ياخى...

التجاهل
التجاهل
التجاهل

سيد البلد ..... سيد البلد

وقف مشاهدك يازمن .. راجع دفاترك يامحال
فى السكه موج ازرق هدر ... تاريخ ندر ...
اسمه الـهــــــــــــــــــــــــــــــــــــــلال


الملعب الاخضر سكوت ... سامن الخطوط من هيبتو
كل المساطب من قديم ... عرفت جلاله وعزتو
حتى المقاعد والسياج .... ادوا السلام لى روعتو
اهو ده الهلال طيبه ومثال .. تاريخ عظيم فى فكرتو
سيد البـــــــــــــــــــــــــــــــــــــــــــلـد سيد البلد

حيوا الفريق العالمى .. حيوا الهلال رمز الفخار
فرسانو قلب بيدق وفاء .. ويتفانوا فى حب الشعار
جمهوروا فى التشجيع ابان .. فى كل حوبه وانتصار
شمس الرياضه الضاويه نور ... عزم الصمود القلبو حار


يابصمة الدم فى العروق ... ازرق مع ابيض بيحوق
يامارد افريقيا الصعب .. بين العرب زاهى الشروق
كل ماتواجه تنتصر .. لى نصر تانى بجينا شوق
مااصلوا قمنا على الشعار .... بنقولو ديمه
هـــــــــــــــلالـــــنــافــــــــــــــــــــوق
سيد البـــــــــــــــــــــــــــــلـد

_
الأغنية دي إهداء لشاعرتنا أسماء الجنيد الهلالية الأصيلة.

طلوح
يا صديقي تجاهلكـ الثلاثي هو ما تحدثنا عنه قبيل المباراة بدقائق ..
أهداني صديقي أحمر آخر رسالة مفادها ( دي هدية مننا ليكم )
و هنا أجيبه ( هل فرحة المريخاب بهدف التعادل و سجودهم يدل علي الهدية ) ؟
بحثت عن عمود صاحبنا اليوم و للأسف لم أوفق في إيجاده .. دعنا ننتظر عمود الغد ..
بالمناسبة : وارقو كيف ؟


_
طلوح
شكراً لروحكـ الطيبة و نلتقي العام القادم .. الممتاز إتحسم و الأبطال للأبطال.

محمد عثمان
الف مبروكـ يا حبيب
و الثلاثة أهدافة تعمل عليكـ بالانتظار لثواني فقط للتحميل..

_
و رفرف الهلال عالياً في مكانه المعتاد

يا فيصل يا نوبي ... انت زول ما عندك رحمة ... نحن بنعزي في الناس دي ... تجي انت تجيب مناظر رصاصات الرحمة الموغلة في الوحشية


لكن بيني و بينك اهداف عمر بخيت و ايفوسا ما تتعوض

مبروووووووووووووووووك يا فيصل وعقبال الكاس

سيف الدولة
و تحية عظيمة للبرنس و أخوانه بحجم هديتهم لنا في ليلة الحادي عشر من سبتمبر




_
صاحبكـ أساسي قال الكورة دي هدية منهم

الفاروق
ليست واحدة ولا إثنتين بل ثلاثية ..

ديمبا - عمر - إيفوسا

_
مبروكـ لكل عشاق الموج لأزرق.

صادق العزاء وواجبه للأخوّة الصفوّة..
____
ومن لم يمت بصاروخ حمودة، مات بأرض جو إيفوسا، تتعدّد الأسباب والرش من خارج خط "الطمنطاشّر"..

الاهداف

http://www.justin.tv/clip/e9c41d0d22d4fc65

http://www.justin.tv/clip/a43f4f54ed00dc47

http://www.justin.tv/clip/0893bfea6a6201f0

هدف المريخ

http://www.justin.tv/clip/a43f4f54ed00dc47

طرد الباشا

http://www.justin.tv/clip/d2c49a3aaaad716b

مبروك للاهلة

Quote: مبروووووووووووووووووك يا فيصل وعقبال الكاس

الجميل فيصل نوبي
معها اسف بحجم انتصار الهلال
ياغالي نتقابل دايما في اجمل لحظات
ممكن الناس تختلف ولكن تبقى اشياء اكبر .

الاغنية مهداة للعزيزة اميرة الشيخ وللطماطم في عزلتهم التي احسبها ستطول ..

وكاااااااااااااااااك تاني


والاهداف في هذا البوست مهداة للعزيز اساسي في المنطقة الغربية ..

وكااااااااااااااااااااااااااااااااااك..
واللهم لاتواخذهم بما فعل الطماطم..

مبروكـ يا فيصل ..
ومعليش نزلت الأهداف في بوست آخر .. وحدث التكرار غصب عني ..
أو أقول ليكـ :
خليهم يفقعوا مرارة صديقنا ..

يا نوبي الضرب على الميت حرام ..

التلاتة حلاتة ..

مبروك مبروك يا صديقي ..

معتصم
يا صاحب الاف التبريكات و سبتمبر شهر الفرحة
قصدكـ الميت ده




_
قول لي تمبس شوف الـ 500 عندو رسالة هناكـ

عمران
ولا يهمكـ يا صاحب و هنا و هناكـ واحد
تلاتة تلاتة ما فارقة معاهم .. إتعودو عليها مع إبن المريخ البار


_
وين عمر الفاروق ياخ ..

ديكو
ياخ إتصل تلفونياً علي أساسي و إن رد عليكـ قول ليهو :
"و صدقت توقعات مزمل أبو القاسم "




_
مبروكـ يا صديقي ..

وليد عبد اللطيف
لا تتحسس يا صاحب ما دايرين نقول يا برلوم تقوم تحنبكـ تاني
ياخ المنبر ده حدنا معاهو الشاشة دي
لامن تقفلها بيكون بالكـ صافي تجاه الجميع ..
و العفو لله و الرسول ..
و هاردلكـ يا حبيب..

_
هلالاب و نحمد الله.

حيدرنا

_
ثلاثية مع الرأفة.

معاوية
إنت يا معاوية الزول اللي نزل في الاخر و بديل للعجب ده مش ياهو (كلاتشي) ؟
الزول ده كان لاعب من متين ولعب كم دقيقة ؟
توقع بكره عمود مزمل يحدثنا بأن هيثم مصطفي خان العهد و لم يلعب في مباراة الفريق القومي و لعب 98 دقيقة في مباراة الأمس



_
العجب ده ما بيقدر يلعب أكتر من 10 دقائق ؟
الليلة برضو غلطان لامن جابو ليهو الكورة في خط 18 ما وقع و عمل ضربة جزاء ليه ؟

أب تفة
تمنيت اليوم هدف من صواريخ مهند ليتبعه بالهوبة و لكن لم يجد المتسع مع صواريخ عمر بخيت و إيفوسا



_
عجبتني حركة (كامبوس) وهو يُعزي المريخاب تحت مظلتهم

مبروك للهلال ولكن الأهم بطولة الأمم الأفريقية

تلاتة كفاكم
طيرو براكم

يا عمر يا قردابي
انت اللابس نمرة (ماذدا ) ده منو ؟





_
وصعدنا برانا ..

يا نوبى مبروك
يا خى ما بتلقى لينا اعلامى شاطر يعمل لينا كليب زى بتاع عمرو اديب يوم دفنا الاهلى

انا حافتش كليب اديب وحأرفعو ليك بكرة انشاء الله

أسوء ما فى المبارة هو مخرج المبارة فضيحه عديل فلا إعادة صحيحة وتصوير تسئ.
سؤال لناس المريخ هل لا يوجد مدرب فى السودان أو خارجه غير مازدا؟

نبيل

Quote: أسوء ما فى المبارة هو مخرج المبارة فضيحه عديل فلا إعادة صحيحة وتصوير تسئ. سؤال لناس المريخ هل لا يوجد مدرب فى السودان أو خارجه غير مازدا؟

و ده تسميهو شنو ؟



_
قصة المدرب دي عشان تكون الشماعة ياخ ... يوجد ... يوجد ..

يا أخوانا مازدا دا بقى ركشة ؟؟؟
ما بعرف يمشي إلا بي تلاتة !!!!

حسن سنوسي
دي هدية من أخونا و حبيبنا حاتم إبراهيم الفنان ..
أتمني أن تكون كما توقعت ..




_
مبروكـ الفوز يا حبيب.

فكوا دربنا

وجعتوا قلبنا





مع الإعتذار لمظاهرات ناس لبنى

نبيل
سلامات يا حبيب
و مبروكـ لسيد البلد و أخوان البرنس ..
و كده أول فريق متأهل هو الزعيم



_
تحياتي يا حبيب.

يا عمكـ
غياتو أساسي لو تلفونو تلاتين عشرة بكون كضم هسي
طبعا أساسي كاضم خلقة

مبروك مبروك

ود الصايم
اساسي بيكون قاعد يفتش في (الكيلو التالت ) لماذدا




_
قال كان في الصناعية قال

فيصل

رمضان كريم وتصوم وتفطر علي خبر

مبروك مبروك مبروك

كلمة المريخ فيها كم نقطة. مش اكثر من نقاط المريخ؟؟!!!!

فيصل ممكن تخت الاهداف بطريقة

ٍSave @ PC

الف مبرووووووك لكل اسياد البلد ... وياهو ده الهلال

افرح كل الشعب السودانى الا من ابى ... وحب الوصافه

قالوا مابنطير برانا .....

صحى كلامكم والله ....


بنطيركم نحن .. كيفن تطيروا براكم ونحن قاعدين


نحن بنطيركم تطيروا براكم ليه ؟؟

نوبى ياخى اصلكم شلتو الكاس
لووووووووووووووووووول

يازول بتكتل ليك زول


المريخاب ديل لو فيهم خير يهزمو لينا كانو فى ديارهم
ممكن نتزعم المجموعة

ملاحظة

ترتيب المجموعة دى من اول جولة للخامسة
ما تغير ,,,مش بالله

كمل كمل يا مزمل

Quote: * خسر المريخ وغادر ربع النهائي مبكراً وتذيل مجموعته لانه لم يحترم منطق المنافسة وفرط في نقاط عزيزة في ملعبه بالتعادل مع الهلال والخسارة امام زيسكو قبل ان يختم مسيرته بخسارة قاسية امام نده بثلاثية موجعة * أهدر المريخ شوطاً كاملا في لقاء الأمس بأداء رتيب أمام فريق يمتلك مدربا يعرف قدرات لاعبيه جيداً ويدرك مطلبه الواقعي من المباراة بدليل انه لعب بمهاجم واحد وركز علي امتلاك منطقة المناورة بستة لاعبين * قسوة الحكم علي المريخ لن تمنعنا بالاعتراف بأفضلية الهلال في المباراة وجدارة فوزه بالنتيجة علي الرغم من تحفظنا علي اداء الحكم الذي قسا علي المريخ وأثر مردوده حتي بعد ان استيقظ متأخراً ونجح في ادراك التعادل بهدف قلق. * ولو نجح كليتشي في تسجيل الفرصة الذهبية التي سنحت له عقب هدف قلق لاختلفت المحصلة بالتأكيد *وعدم تأهل المريخ للنهائي لن يعمي عيوننا عن النتائج الجيدة التي حققها في الادوارالأولي عندما نجح في التاهل الي ربع النهائي بلا هزيمة * لكن مسيرته في دور المجموعات شهدت تعثراً كبيراً عقب تفريطه في المدرب الذي قاده للتأهل بلا هزيمة. *انتهي مشوار وابتدأ آخر وكرة القدم لاتعرف الدوام علي حال آخر الحقائق * مطلوب من كل اهل المريخ الالتفاف حول ناديهم.. ومؤازرته في وقت الشدة *الهياج وتبادل الاتهامات والاساءة للاعبين والجهاز الفني ستفاقم الوضع سوءاً * الحالة التي طرد فيها الحكم الجنوب افريقي دامون جيرومي الباشا لا تستحق الطرد *الكرة لم تكن مخالفة في الاصل. * لعب مدافع المريخ علي الكرة و حصل عليها دون ان يعيق لاعب الهلال. * كما ان الباشا قصد الاحتجاج علي القرار وليس الاعتداء علي سادومبا * كل الحالات المشكوك فيها احتسبت لصالح الهلال. * مرة أخري نقول ان مباريات دوري الأبطال لا تلعب داخل الملعب وحده. * ومجلس المريخ لايجيد اساليب اللعب خارج المستطيل الاخضر. * لم تتوقف قسوة الحكم علي المريخ في طرده الباشا فحسب.. بل انه أفقده خدمات دامر والشغيل والدافي بالانذارات في المباراة المقبلة امام كانوبيلارز. * فوز كانو بيلارز علي المريخ قد يفقد الهلال صدارة المجموعة ويفرض عليه ملاقاة مازمبي المرعب. * وخسارة المريخ للقاء المقبل واردة في ظل النقص الكبير وتدهور معنويات اللاعبين والجمهور. * ناهيك عن ان المواعيد المحددة للقاء تصعب مهمة المريخ أصلاً. *مبروك للهلال... وسننتظر منه تأكيد جدارته بالحصول علي اول لقب قاري في تاريخه. * فهل ينجح في مبتغاه؟

فيصل مبروك


انقر هناهدددددددف بخارى حرد وطفا النور

يعني هو كلاتشي كان لاعب ؟

فيض الخاطر - عمود ياسر المنا - موسم لا مكان له غير النسيان-- كلمة مؤثرة وعذاء لأهلنا المريخاب

موسم لا مكان له غير النسيان
السبت, 12 سبتمبر 2009 09:06
صحيفة المريخ
.طبيعي ان يخسر المريخ المقصوص والمفكك امام فريق منظم ويلعب نجومه بروح لم يتركوا لهم شيئا ولكنهم لم يستفيدوا وقادوا الزعيم لاصعب امتحان في تاريخه
ليس ثمة خيار امام الصفوة غير التسيلم بقضاء الله وحكمته رأفة بالمريخ صاحب التاريخ
نهاية محزنة وموجعة لا تقبل الهروب والاستسلام فالزعيم يبقى زعيما في كل الاحوال
يابى الفرح ان ياتي وتفرض الكرة احكامها القاسية على الصفوة في هذا الموسم .
انتظر الجميع عودة الفرقة الحمراء ووضع حدا للاخفاقات والخروج من دوائر الالم والاحزان .
انتظرت الصفوة بقلوب تتمنى النصر وترقب فيه بشدة حتي تبدل معطيات الفشل والنتائج السلبية .
ان كان الامر بيدها لما حدث ما حدث ولناضلت بشجاعة وماتت في سبيل الدفاع عن شعارها .
انتظرت الصفوة نهائيات سعيدة لمشوار فريقها يحدوها الامل في نجومها بان يشعروا لو مرة باهمية العطاء والتركيز والقتال .
كان يوما طويلا على جماهير المريخ وصعبا وهي تتحرق شوقا لرؤية فريقها منتصرا ويضع حدا للاستفزازات والسخرية .
وعندما حانت الساعة لم يكن نجوم المريخ حضورا بذات الالق والتالق المنتظر وغابت الهوية والاستراتجية خاصة الهجومية .
لا نعرف كيف نبرر ما حدث فقد ملت الصفوة التبريرات والانتقاد وتحميل المسئولية لفلان او علان .
لم تجد غير ان تندب حظها وتعلن احكام المستديرة التي رفضت ان تطاوع وتجامل لو مرة واحدة .
هل هو قدر ام حكمة يعلمها الله بان تضيع كل الحظوظ وتدور على الزعيم الدوائر وترفض الكرة ان تبتسم وتطاوع .
اه من هذا التاريخ وهذه الايام وهذه الحظوظ والاقدار التي كتبت على المريخ وكتب على جماهيره ان يتجرع كؤوس حنظلها.
لا يستحق الصفوة مثل هذه الاحزان ولا يستحقون المرارة التي ظلت باقية في حلقوهم منذ ضياع بطولة سيكافا امام اعينهم .
تضرعت الصفوة وحضرت بحشود كبيرة ولم تترك امرا يحقق النصر ويهز اركان المقبرة من دون ان تفعله ولكنها لم تحصد غير الخيبة .
خيبة نجوم لم يقدروا المسئولية ويلعبوا من دون روح قتالية او تركيز فيعقوا في الاخطاء القاتلة التي تكلف الفريق دائما الكثير وتضعهم في واد غير وادي المريخ ولا يستحق بعضهم شرف الانتماء له .
كان الفارق واسعا وكبيرا وشاسعا بين الفريقين في الاداء والتكتيك والاسلوب وفي الاداء القوي والرجولي ليستحق نجوم الهلال ومدربهم الشاطر النتيجة فقد عملوا لها منذ البداية وخططوا لها بفكر فني كبير .
هذا موسم للنسيان ففيه غاب المريخ وملأ قلوب جماهيره بالحسرات من دون حد ومن دون اي رأفة بهم .
من نلوم ومن نقول انه سبب البلاوي التي جاءت للزعيم من غير موعد ووضعته في مثل هذا الموقف الذي لا نحسد عليه ولا يحسد عليه اي من انصاره .
تفاءل الصفوة بالاسماء الكبيرة والنجوم الساطعة والصفقات الكبيرة وترقبوا النجاح وللاسف الشديد لم ينجح احد وكان الفشل القاسم المشترك .
انها نهاية لا تليق بوصفها اي عبارات وحروف الالم والوجع ولكن يجب ان نعترف باننا قدنا انفسنا لهذا المصير الحزين بسبب الاخطاء التي تمت في التغييرات التي طالت الاجهزة الفنية .
واصبح نجوم المريخ يشعرون بانهم كبار يقدرون على ترويض الكرة في اي وقت واي زمان فغابت الجماعية وضاع التركيز وسقط الكل في الامتحان .
لم نشاهد مثل هذا التكاسل والتراخي والاخطاء القاتلة دون حساب لضمير او تركيز لواجب ينتظر النضال والشجاعة والفداء .
ماذا نقول والخيبة تحاصر الزعيم من كل صوب وحدب فنشعر تجاهه بالالم ونجده يستحق الاعتذار من كل من ساهم في هذه المهازل المتتالية .
تاريخ المريخ وحاضره الحالي ما كانا يستحقان مثل ما يحدث اليوم ولا يستحقان ابدا مهازل تاتي وتطبق على انفاسه وتظهره ضيفا ومجالا للسخرية والتهكم والشماتة .
الذي حدث لن يكون نهاية المطاف باي حال من الاحوال ليس لشئ غير هذا الاسم الكبير والكيان العظيم الذي بنى له نفسه الكثير من الامجاد والانجازات .
من اجل الزعيم فقط يجب ان يتقبل كل منتمى ومحب وعاشق ما حدث حتي لا تنتهي الاسطورة ويصبح الزعيم اسما فقط ويسقط في الهاوية ولا يعود مرة اخرى.
لم يكن بالامس فريقا نعرفه ولا شعار اضفى عليه اللاعبون الهيبة فالنحس باق وعلى اكتاف الذي لا حظ لهم ياتي ولا مفر منه فتبقى هي حكمة الله وارادته التي لا رد لها ولا مجال غير ان نحمد الله كثيرا ونتقبل امره مهما كان صعبا على النفوس والقلوب ان تتقبله .
لم يتركوا لهم شيئا
للامانة والتاريخ كنت شاهدا على كثير من التفاصيل التي تبين ان الجهود التي بذلت من اجل دعم الفريق وتقديم كل عون له ليحقق الفوز ويدافع عن كرامة المريخ فقد كانت الساعات الاولى من فجر الجمعة تمثل مجالا للنصح والارشاد والمساندة من خلال تواجد اداري كبير في مقر معسكر الفرقة الحمراء بقيادة الاخ رئيس النادي جمال الوالي والسكرتير العام قريش ونائبه متوكل وطارق تفاحة وحسن يوسف بجانب الاخوة صديق ومصطفى ودحية وعدد من الاقطاب بقيادة الدكتور هاشم الدقير بجانب مدير الكرة عادل ابوجريشة والجهاز الفني .
تناول الجميع العشاء مع اللاعبين وانتهزوا هذه الفرصة في شحذ هممهم ورفع معنوياتهم ومطالبتهم بالهدوء والتركيز وكان اللقاء الذي جمع الاخ رئيس النادي بنجوم الفريق بحضور قريش والجهازين الفني والاداري قد شهد جملة من النصائح والحوافز ولم يترك الوالي صغيرة او كبيرة من دون ان يتطرق لها بغرض اشعال الحماس في نفوس اللاعبين وحثهم لرد الوفاء للجماهير .
كان ذلك التجمع اشبه بعملية الدفع المعنوي التي تتطلبها مثل هذه المباريات المهمة ويمكن القول ان الجلسة حققت غرضها تماما في تهيئة اللاعبين ورفع معدلات الروح القتالية في نفوسهم وقلوبهم .
وكان ابلغ تعبير دار في الاجتماع الذي تم بين الاخ الرئيس واللاعبين هو يذكرهم بان تاريخ المباراة يصادف حدثا عالميا مهما يتمثل في انهيار اعلى برجين في الولايات المتحدة الامريكية وبغض النظر عن تصنيف العمل واختلاف الناس حوله الا انه يجسد حالة ايمان وقناعة دفعت الشباب الذين فجروا البرجين لتقديم حياتهم ثمنا لما آمنوا به وكان يمثل هدفا راسخا لم يتنازلوا عنه وان كانت حياتهم هي الثمن مشيرا الى ان كل ما يرجوه هو ان يؤمن نجوم المريخ بالنصر وانه لا يطالبهم بالموت ولكن بتقديم كل ما يحقق لهم النصر حتى يصالحوا جماهيرهم ويعيدوا لهم الافراح التي غابت عنهم وعن ديارهم طويلا .
ولم يكتفي الاخ رئيس المريخ بهذا الحديث بل قدم لهم حافزا مغريا وبالعملة الصعبة وسلمه لكابتن الفريق فيصل العجب لينالوه كاملا وربما مع زيادة في حال نجحوا وحققوا الفوز واهدوا الصفوة نصرا مستحقا وجعلوا العيد عيدين عندها .

ولكن كل هذا ضاع هباءا منثورا ولم نرى الدوافع او الحوافز ولا نقول غير ان الله غالب .
الى الصفوة
نعرف مدى الاحزان والاوجاع التي قتلت فيكم كل جميل واضاعت هيبة فريقكم وستجعلكم تنظرون للارض لا تقدرون على مواجهة احد فقد كانت المباراة تاكيد على جدارة منافسكم وتاكيد على ان مصيبتكم كبيرة وان الله ابتلاكم بمحن لا تقدر على حملها الجبال .
فماذا ستفعلون غير الصبر الذي كتب عليكم ولا خيار امامكم سوى الانحناء امام العاصفة عسى ولعل ان تمر ويعود الزعيم ماردا كما كان فما حدث يجب ان يكون درسا للجميع اول حصصه لا للهروب ولا لاسقاط الرايات الحمراء فهي لا تستحق ابدا ان تضع في الارض مهما كانت المصيبة وكانت المحنة وكان الالم وكانت السخرية وكانت الشماتة .
انها ارادة الله وحكمته وانها امتحان عسير وصعب فلن يقدر عليه الا الشجعان فان خذل اللاعبون الشعار والكيان فلا تخذلوه .. لا تخذلوه .. لا تخذلوه

Quote: يعني هو كلاتشي كان لاعب ؟

ههههههه

صدق انا الزول دا ما شفته الا و هو متخارج !!

حمد

Quote: صدق انا الزول دا ما شفته الا و هو متخارج !!

والله يا حمد نحن قاعدين تلاته بنحضر في الكورة
نفس حالتكـ دي .. يكون يا قول شمائل النور (نجمه أفل)



_
العجب ده ما عمل ليهو ضربة جزاء أمس ليه ؟ غلطاااااااااااااان

ممكن تشتكوا في حجاب عمر دا..

يا نجلاء سلامات
قيل أن ندي القلعة كانت تشجع أحد الفريقين




_
و الدليل بالصورة خير دليل.

نوبي

والله تلاتة فشل اعظم شياطين الانس والجن في التنبؤ بها

ولكن اذا عدنا للتاريخ القريب والحديث نجد ان هناك علاقة بين المريخ والتلاتة


شبيبة القبائل تلاتة واحد

دولفين تلاتة صفر

زيسكو تلاتة اتنين

كانو تلاتة واحد

الزعيم تلاتة واحد

ياخي احب الخرطوم تلاتة زاتو

[ أبو قوتة
سلامات و مبروكـ التأهل للمربع الذهبي ..

Quote: المريخاب ديل لو فيهم خير يهزمو لينا كانو فى ديارهم ممكن نتزعم المجموعة

و تاني قامو بدلو


_
ما فضل الا يشيلو الوالي ...

برير
هن كم واحد يا برير




_
دي قون ؟