احنا بنتجوز ليه,,,,, دعوة للنقاش,,,,للافادة والاستفادة

عنوان في مجلة مصرية تعنى بمشاكل وهموم وطموحات الشباب


هل في مقدورنا الرد,,,,بصراحة او بنص صراحة,,,,او حتى ربع انشاالله



هل يجوز نكون نسينا( بمرور الزمن وضغوطات الحياة المختلفة) اسباب زواجنا !!!



الدعوة للنقاش مفتوحة وبصدر رحب ,,,,تقبل لكل الاراء ,,,المبنية علي تجربة او اللى حتى مجرد امنيات


نعتبرا محطة لتقييم المضي والاستعداد للاتى,,,نقطة عبور للحاجات الكويسة فينا,,,,عشان تواصل معانا مشوار


حياتنا,,, نحاكى فيها بعض في الحاجات السمحة ونبعد من الحاجات الشينة,,,والشينة منكورة



دامت لكم الصحة

د:سلافا العاقب

انا عن نفسي لما حسيت بامان وسكينة وطموح في بكرة افضل,,, قررت انو دا شخصي المناسب


ما في شبه لا في قبيلة ولا منطقة ولاسكن,,,, لكن في شبه(وليس تطابق) داخلى,,, نوع من


الولف الغريب,,, احساس بيختلف من زولين لزولين,,,

تزوجت يعقوب لأننا كنا أصدقاء،كنت أقول له بأريحية ما أخجل أن أردده حتى بيني وبين نفسي(1)وأحببته (2)واقتنعت انه الشخص الوحيد الذي س(أتحمل)رؤيته والعيش معه تحت سقف واحد 24 ساعة في 24ساعة(3)..
تعرفي يا سلافة قبل يعقوب يفاتحني في الموضوع كنت بدعي ربنا في كل صلاة إنو يكون من نصيبي وكانت صيغة الدعاء(زواج ياالله...ما ارتباط وبس)(:(:(:كنت حاسة أنني لو مأتزوجت هذا الشخص ممكن تحصل لي حاجة..أتذكر أن محمد عمر نور الدائم صديقي وصديق يعقوب كان ماشي عمرة فقال لي:"أجيب ليك معاي شنويا لنا؟قلتا ليهو أدعي لي ربنا يحقق مرادي"...وقتها لم يكن سوى رب العالمين يعلم الفي مرادي والحمد لله على النعمةوتحقق المراد(سلافة الكلام دة كلو كتبته هنا بحبر سري)):):
سلافة البوست دة حيكون رهيب
رمضان كريم ومحبتي يا الغالية

الاخت العزيزة لنا مهدي
تحياتي ورمضان كريم

انت عارفه عائش نفس مشاعرك الزمان عندي زوله ما بتخيل تكون في انسانه غيرها ابداً ممكن اعيش معها باقي عمري ده لانوا وجدته فيها كل المواصفات الكنت بفتش فيها من زمن بالرغم من انوا زميلة دراسة ولفترة قصيرة بس البينا بين يوم وليلة كبر وفات حد التصور عشان كده انا بعمل بنتجربتك يا اختي وكل صلاة بدعو البت بتكون من نصيبي

مع خالص شكري

د. سلافا

رمضان كريم و تحياتي

تعرفي السؤال دة ذكرني بجزء من سيناريو في فيلم أجنبي :
حيث سأل القاضي الزوج : هل أنت متزوج ؟
فقال الزوج : Sometimes

بعض الزيجات ينطبق عليها رد هذا الزوج ... لأن بعض الرجال يعتقدون أن الزواج معناه سد حاجة الجنس ثم وجود إمرأة تقوم بمقام الأم التي كانت تطبخ و تنظف و إلخ ...

هناك من يعتقد أننا أتينا لنخلف آبائنا و أمهاتنا لنأتي بذرية تخلفنا و هلم خلافة ...
و البعض يعتقد أنها رسالة ذرية آدم لعمارة الكون ..

في إعتقادي الشخصي بأن الزواج أمر محتوم حتى بعدم وجود ذرية ...
فالشراكة في هذه الحياة أمر حتمي بين ذكر و أنثى ... و هي تنبع من حكمة المولى عز و جل الذي إسْتل حواء من ضلع آدم الأيسر .. و هو ضلع ذي أعوجاج مستقيم .. بمعنى أنه قابل للتمدد و الإنقباض مما يفسر طبيعة حواء و بناتها في إذكاء حياة الرجل بهذه العواطف التي تماثل مد البحر و جذره مما يجعل للحياة لذة و طعم و يعطي الرجل سببا ليعود لبيته و يشتاق إن غاب أو غابت ...

عذرا للإطالة

دمتم

معليش يا دكتورة

في سؤال هام لا بد أن يواكب سؤالك :

هل ما بين الزوج و الزوجة : حب ؟ أم مودة و رحمة ؟

كررررررررررررررررررررر

مما شفته اسمك يا سلافا، جريت كرسيني وجيت قعدته اسمع...

لنوية... دميعاتي جرن

,,,,,,,,,,,,,,,,,لنا مهدى,,,,,,,,,,,,,,


والله شرفتى بوستى وانا قايلة روحى براي المساهرة,,,,بالضبط يا لنا دا ارأس (من رئيسي) سبب يخلينا نتزوج,,,, الحاجات اللى


كنتا بتخيلا كل ما خطرت فكرة الزواج في راسي,,,انو هل ممكن اتحملو ويتحملنى العمر كلللللو بدون ما ازهج (مرات كدا انا زهيجة)


يعني اكون داخلة ومارقة قدامو كدا علي الطبيعة(يحتمل هذا التعليق اي منظر),,,بدون تحسس ,,,يكون صاحبي وعندى معاهو شمارات


مرة قلتا لابوي ردا علي طلبي عريس ليدي,,,والله ياابوى انا ما بحبو ولا دا الزول العايزة اعيش معاهو باقي عمري,,,,رد علي رد لايمكن


انساهو ماحييت,,,, قال لي لو بقي اخر راجل في الدنيا ما حاعرسو ليك.




,,ابو جهينة,,,

مسا الخير,,,ابتسمت لكلمةsometimes وتانى ضحكتا عديل ,,,بالجد انا بعرف نماذج كتيرة جدا متزوجين قدام المجتمع بدوام كامل


لكن الواحد بينو وبين روحو يقرب يسال نفسو لما يجي داخل البيت ياربي دى منو


ما في اي اطالة بالعكس انا سعدت جدا برائك الشخصي و,,,, زورونا علي الدوام

والله يامريم انا ماعارفة اقول ليك شنو بس الله يكمل عرفتنا دى بالشوفة,,,,

مرات بحس انو احنا (السودانيين) رجال ونسوان اتربينا علي عدم التعبير عن المشاعر ,,,بالذاااات الكويسة منها,,,, يعني ليه لنا


تكتب كلام رايع زى دا بالحبر السري,,,ليه اتخلع انا لما اضبط نفسي يوم برد علي (سيدي سيد) وهو بينادى ومعانا اولاد اخوانو,,,


اى حبيبي,,,,ليه الزول (الراجل اعنى) لما اعصابو تنضغط لاي سبب وينهار نقول ليهو ماتبكي الرجال ماببكو,,,(تخريمة),,,, البكا


دا ياخوانا من انبل المشاعر الانسانية


نرجع لموضوعنا الاساسي,,,,,


الحاصل انى سالت سيد قبل خطوبتنا بشهر تقريبا,,,, انتا عايز تتزوجنى ليه!!!

احنا بنتجوز ليه ؟!
ما عارف و الله السبب
بس قبل ما اتجوز كنت بقول : يا ربي ساعدني اتجوز و بس , اي حاجه تانية انا متنازل منها المال و ملحقاته .
اليوم و بعد سنين من خوض التجربة تختلف النظره طبعاً .
اكتشفت ان الشق الثاني ( المال و ملحقاته ) مهم . لذلك وردت الاية المال و البنون لارتباطهما و ان كل مكمل للاخر .
مرات بقعد بقول الظاهر انو ربنا استجاب دعائي ههههه

المهم الاجابة صعبة و لكن اقول حاجة الزواج رغبة المخلوق لنصفه الثاني كامر طبيعي بدءاً و الله اعلم .

الأخت: سلافة
تحية طيبة

طرحت هذا السؤال على نفسي أكثر من مرّة وجاءت الإجابة عليها كالآتي:


الخيار الأول: الاستقرار
الخيار الثاني: الإنجاب
الخيار الثالث: البحث عن الذات
الخيار الرابع: التخلّص من الذات
الخبار الخامس: الاستثمار
الخيار السادس: حب الامتلاك
الخيار السابع: الخوف من الوحدة أو المستقبل


تختلف هذه الخيارات بين القرب والبعد حسب الشخصيات بكل تأكيد
ولكن تظل هذه الإجابات مجرّد تهويمات كبيرة في مجال البحث عن إجابة
صادقة وحقيقية. أنا أعتقد أننا نلجأ

تزوجت بداف الحب ولا زال هذا السبب قائما لاستمرارية الزواج

قال لي رد كل ما يزعجنى شي من زوايل الدنيا وهموما ,,,بتزكرو,,,كل ما ازعل منو لاي سبب,,,استرجعو


قال لى ,,,عشان انا بحبك وعايزك تكونى معاي طوالي وما عايز يكون زمنا محسوب باننا نتلاقي في المستشفي ولا القاعة ,,,


وعشان في حاجات كتيرة نفسي انا اللي احققا ليك ما اى زول تانى,,,عشان انا عايزك تكونى ام اولادى



والله النصيحة انا ماااا كنتا متوقعة اجابة قدر دى



وكبرت كراعي من الفرح ,,,,نص في الارض ونص في النعال,,,على قول الجميل الحلو الدوش

في واحد من الافلام الاجنبية (حاكم انا اعز الافلام دي خالص)... اعتقد انه shall we dance ... واحدة اتكلمت عن الزواج بصورة جميلة .. قالت انه الزواج انك تختار زول، يكون شاهد على أحداث حياتك الباقية.. يعني بالجملة التقليدية الدايما بتتقال، يفرح لفرحك ويحزن لحزنك.. ويخصه كل حالة من الحالات دي.. حالة تحقيق احلامك.. وحالة خيباتك.. واخفاقاتك.. زول يشهد ده كله معاك.. ويكون هو الوحيد الممكن يحكي قصتك من طقطق للسلام عليكم...

انا جاية تاني.. بس اتذكرته الكلام ده، قلت اكتبه

هدي جبتها بي ضبانتها....

Quote: We need a witness to our lives. There's a billion people on the planet... I mean, what does any one life really mean? But in a marriage, you're promising to care about everything--the good things, the bad things, the terrible things, the mundane things--all of it, all the time, every day. You're saying, 'Your life will not go unnoticed because I will notice it. Your life will not go un-witnessed because I will be your witness

الصادق ضرار,,,

اجابتك عااااايمة,,,,وما اديتنا صورة واضحة ,,,كدى تعال تاني



هشام ادم,,,عجبتنى خياراتك وعجبني ترتيبا,,,بالنسبة لحب الامتلاك دى ما اى زول بيعترف بيها,,وبالعكس انا بقول لنفسي


دايما اساس الحب هو الامتلاك,,,يعني لو ما حبيت زول لدرجة الرغبة الكاملة في انو يكون حقي براي ,,,يبقي ما حبيت,,,وعشان


كدا استغرب جدا لزوجة تتقبل وباريحية تامة زوجة اخرى عليها لمجرد انها من مجتمع يتقبل ذلك(من دون اعتراض منى علي حكم الشرع)



ابو غفران ,,,اهلا بيك,,,ودا السبب الوحيد اللي بيخلي اي زواج قائم بينما تنهار بقية الاسباب,,,,ودامت محبتكم



طبعا يا بت الحسين(مدام نادر) وانا,,,بل احنا في رجاك

ابو جهينة سال ,,,هل بين الزوجين حب ,,,ولا مودة ورحمة !!!


الحب هو المودة والرحمة ,,,ولو ما في مودة ورحمة مافي حب,,,, قبل ما القي نصي (الحلو),,كنتا دايما بقول لصحباتى لو


ما اتزوجتا راجل بحترمو و بحبو حاتزوج راجل بحترمو عشان الحب قلب الاحترام احيانا,,, لكن الاحترام قبل الحب دايما,,,


الحب دا ياهو زاتو اللي كانو حبوباتنا زمان مابعرفو اسمو وان عاشوهو كلهم,,,, عاشوهو في طيب المعاملة وحسن المعاشرة


والكلمة الطيبة حتى لو السلام عليكم لما نجى من الشغل ولا صباح الخير لما نقوم من النوم,,,الحب دا انك ترجع البيت بدري


شوية من النادى عشان انتا عارفا بتخاف من الضلام,,,, انك تحن عليها وتدخل المراتب الصباح قبل ما تمشي الشغل (حتى لو هي ماشغالة)





عشان حياة زى دى ومشاعر حميمة كدا انا اتزوجتا

ازيك يا د/ سلافة قمت بإنزال موضوع قبل قليل والحقيقة لم ارى موضوعك من قبل والا كنت سأكتفي بإدارجه هنا

الأزواج السعداء

موضوعك جميل وبإذن الله بجيك برواقه

د. سلافا

Quote: الحب هو المودة والرحمة ,,,ولو ما في مودة ورحمة مافي حب

أيضا في إعتقادي شبه الجازم و الله أعلم :

الحب مشاعر موروثة يورثها الخالق مع أولى نبضات القلب و نحن أجنة في أحشاء أمهاتنا ...
بمعنى أن الحب علاقة ترتبط بهذا الحبل السري الذي يظل يربط بين أفراد الأسرة الواحدة.

المودة و الرحمة لون واحد من ألوان الحب الذي يمتلك ألوان أكثر من ألوان الطيف ...
لأن الحب بين أفراد الأسرة يدخل في باب الإمتلاك الذي يجعل أفراده أحرارا و لكن مقيدين بقيود وشيجة الدم.

أما اللون الوحيد من ألوان الحب الذي يدخل في حوش المودة و الرحمة التي بين الزوجين فهو حب غير قابل للإمتلاك ..


هل الحب إمتلاك ؟ و هذا موضوع آخر أرجو أن تتناوليه لاحقا

دمتم

اعتقد انه لماذا نتزوج هذا شأن عام .. لكن من نتزوج هذا هو الشأن الخاص ... فالغرض من وجود نوعين في الثديات هو التكاثر والمحافظة على النوع .. ومن ضمنها الانسان .. لكن من نتزوج فهي مسألة شخصية تختلف بين الافراد واحتياجاتهم وطرق تفكيرهم .. والاسباب الخاصة لخصها المصطفى في الثروة والجمال والمكانة الاجتماعية والدين ( الاخلاق ) ..

المحبة بصورتها الصارخة لدرجة الامتلاك قد تكون من اسباب فشل الزواج .. فالانسان يحتاج احيانا لخصوصية حتى من الاقربين اليه واحيانا يحتاج الى الانعتاق والتحرر مؤقتا من كل شي ومن ضمن ذلك الاقربين اليه ..الموده هي الاجدي في علاقة تشاركية والرحمة تاتي لتغفر فالبشر بطبعهم خطاؤون فان لم تكن بينهم رحمة لتوقفت الحياة عند اول واصغر خطأ او خطيئة ..

مساكم ورد ...

دكتوره سلافه .. صحبتي ...

مساكي عنبر ...


انا ما متزوجه ... ممكن اجي اسمعكم بس ؟؟؟

عليكم الله قولوا كلام حلو و مشجع , عشان نستفيد وكده ( وش غامز) ..

دلوش.. شفتي اقعدي لسلافه ولنا دي.. حتتحيري زاتو في حلاوة الكلام، كنافة بس..

العبد لله
كان من رافضي الزواج جملة وتفصيلا

ولا بجيب سيرته

تنقلت في العمل في السودان
وعملت بمدينة كسلا
وهي كانت طالبة بالاحفاد

ادوني ليها خطاب وانا نازل امدرمان

مشيت ليها في الداخلية
جاتني ( وفجعة سالت نفسي هل معقول دي تكون زوجتي )
اديتها الجواب ومشيت منها
وشاءت الظروف انو ينقلوني الخرطوم
وعملت في الخرطوم في التدريس الجامعي ونسيت حنانها مع الطالبات الاحلى من عسل النحل
وضاقت بي سبل العيش
96
مشيت الرياض السعودية

التقيت بخالها وبقينا اصحاب
ومن قبل والدها كان صديق لي
اتصلت على ابوها
عايز يتونس معاي
قلت ليه يا حاج روق دقيقة عايزك في موضوع
قال لي شنو
قلت ليه عايز بتك فلانة
قال لي مبروك
وعقدنا
هي هناك وانا هنا
بعد العقد اتصلت عليها
قلت ليها
يا بت الناس انا رجل فقير الى الله تعالي الا مما وهبني ايها من بعض المواهب وقوة الدافع
وليس عندي ما اعطيه سوى اني (اطمح في تكوين اسرة متوازنة)

والحمدلله الذي رزقني بثلاثة زهرات اساله ان يديم نعمته علي بان يحفظهن ويوفقهنا
ويحفظ لي زوجي
آآآآآآآآآميييييييييييييين

الزواج إكمال لمقتضيات قيام أو إستمرار علاقة بين الزوجين


وهو أيضاً إنتحار ثنائي يستهلك فيه الطرفين نفسهما

--
أهم حاجة في الزواج بعد الحاجات الكبيرة هي الحاجات الصغيرة ومرات بتفوت أهميتها الحاجات الكبيرة


كثير من الناس لا يستطعوا التفرقة بين الحاجة إلى الحنان والحاجة إلى الحب والحاجة إلى الجنس والحاجة إلى الزواج على طريقة كله محصل بعضه لذا فكثير من النتائج سالب

المجتمع الطبقي مدمر للزواج بالإستهلاك والفردية والتشييئ



أهم حاجة للحب و للزواج هي الجمال في المواقف وفي المظاهر ول طرف عاوز في الثاني حاجتين يكون زي الزول البيحبه في البيت (أم ، أب ، حبوبة) وزي الزول البيحبه في الأفلام والسينما والتلفزيون
---------------------------------------------------

كل الناس اللذاذ هنا....
لمة ان شاء الله فى الحرم...
د.سلافة...انا كنت مصرة انى ما ح اتزوج...حتى امى كانت بتقول لى انو انا ما فى راجل بيستحملنى (هى كانت مستحملانى بالجلاله...تكون فرحت لما سبت ليها البيت)
لكن...لما لاقيت (اسم النبى صاينو و حارسوا) لقيت انو (عجلة الحياة ما بتمشى من غيرو) .....و ده التعبير اللى استعملتو الزمن داك عشان اوصف للناس انا عاوزه اتزوج الزول ده (بالذات)...
اها و من الزمن داك...و حتى الان ...عجلة الحياة ما زالت ماشه.
______________________________________
و بجيك راجعه .....ل احنا مختلفين قدر شنو

تحياتي دكتورة سلافة
و رمضان كريم
أعتقد أن هناك خلط في فهم السؤال : إحنا بنتجوز ليه ...
فالإختيار و الحب و المودة و الرحمة هي ليست الغاية من الزواج ... بل هي من مواصفات الزواج الناجح ..
نحن نتزوج لأننا مبرمجون علي ذلك ... programmed
فالزواج بمعناه الحرفي هو وثيقة معلنة للمجتمع من إثنين لبداية أسرة ..
هذه الوثيقة يمكن أن تكون وضعية أو سماوية ...
فليس الغرض من الزواج هو التكاثر ... ذلك يمكن أن يكون بدون زواج
و ليس الحب شرطه الزواج .. فذلك يمكن أن يكون بدونه ...
فهناك حب بلا زواج ... و زواج بلا حب ..
و هل كان آدم قبل حواء يعرف الحب ؟
و البرمجة بدأت منذ أن تحول ذلك الضلع الي أول أنثي ..
و للإستمرار .. كان لابد من زواج الأشقاء الأوائل بالشقيقات الأوائل ..
و مع الزواج الأول عرف الإنسان لأول مرّة الإختلاف و الغيرة و القتال و القتل .. و كان قابيل و هابيل ....
و منذئذ يستبد بالإنسان عند بلوغه و بلوغها عمرا بعينه رغبة جامحة في الزواج ....
لأنه (لأنها) مبرمج ليفعل ذلك .. و لتفعل ذلك ..
و لا يهم أي دين أو مذهب أو شريعة أو لا مذهب أو لادين .

الذين أعرفهم تزوجوا للأتي:
1/أكمال الدين(بنت ناس طيبة+ولد ناس مسئول) ..السعادة الزوجية:نص نص..أسوء ما فيه:التدبيل وارد
2/أكمال الدنيا(اثنين بحبوا بعض) ..السعادة بالكيمان,,,أسوء ما فيه:الاعتماد علي المشاعر والأحاسيس.
3/أرضاء للأسرة(صلة الدم)...السعادة الزوجية:جزئية....أسوء ما فيه:التظاهر بالرضي والسعادة والتحامل علي النفس
4/المصلحة سوء كان المادة او الهجرة(واحد كداب والثانية عبيطة او العكس)...السعادة الزوجية:وقتية ....أسوء ما فيه:الطلاق السريع+الخيانة الزوجية
5/خوفآ من كلام الناس(بنت بايرة او قربت+راجل بعيوب)...السعادة:ما ضرورية...أسوء ما فيه:كثرة المشاكل .
6/العيال (اي أثنين لا يفهمان المعني الحقيقي للزواج ) ...السعادة الزوجية:يحددهم عدد العيال أسوء ما فيها:لا طعم له.
حكمة اليوم
وان اختلف الاسباب فالزواج واحد

Quote: احنا بنتجوز ليه

القبلنا ما كلمونا .. وإتغاتتنا على البعدنا..

د. سلافة موضوع مهم طرقه .. مع العلم الزواج عندنا كان بنسبة 99% قسمة ونصيب .. و1% إكمال نصف الدين .. ده فى زمنا وزمن القبالنا طبعاً .. المفهوم ده جعل فرقة إجتماعية بين الزوجين .. ولكن لم يؤدى الى الطلاق .. كما هو الحال الآن .. لمفهوم مؤسس بأن الزواج "مصيبر" لا مفر منه .. ولكنه ولّد وجود "العشيقة" أو الزوجة الثانية.. "سراً أو علناً"

ده كان نقاش فى ندوة عامة عن مفهوم الزواج لدى الشباب فى جيل سابق عندما كنا "شباب" تغلبنا الجدية فى التغيير الى الأفضل ..

بالفعل هو سؤال متجدد يحتاج له كل الأجيال .. خاصة فى هذا الوقت .. خاصة بعد كل هذا الإنجاز النسوى القوى .. مقابل الصوت المتشدد بهستيرية بالمطالبة للرجوع لبيت الحريم .. وربطه بالفضيلة ..

ما أسرح بعيد من موضوع البوست .. ولكن أجده سؤال مهم .. وموحه بالدرجة الأولى الى النساء .. "هل المرأة سلعة أم إنسان" ..

تحياتى

سلافة

ازيكـ انت وضيوفكـ

شايفة المتداخلون اغلبهم من العيلة المتزوجةـ وحقيقة هم اصحاب الشئ ورايهم هو الاهم لانو عن تجربة - ماعلينا

خليني اشعب سؤال البوست الي سؤالين::

لماذا يتزوج الرجل؟؟

لماذا تتزوج المرأة؟؟

اكيد في اختلاف كبير في الاسباب لكل نوع فالاسباب اللي بتزوج من اجلها الرجل لا تنطبق على المرأة الي حد كبير

ففي رايي ان دوافع الرجل تتمثل في مع مراعاة الاولويات في الترتيب:

- الاشباع الجنسي
- الاستقرار الحياتي والانجاب
قد يكون في دافع حب او غيرو

اما المرأة ففي تقديري:
- شكل اجتماعي بدرجة كبيرة جدا ،المراة تهتم بشكلها الاجتماعي في مسالة الزواج بصورة تجعلها قد تخسر اشياء كثيرة(يعني فلانة تزوجت انا اتزوج)
- دوافع حب وعاطفة ، او بحث عنهما ثم اشباع رغبات ذات علاقة
- احيانا كثيرة من باب
- بحث عن الاحساس الطبيعي باهمية وجود رجل في حياتها

بوستى الحبيب,,,,,,,,,,,,,,,,,,,,,,,,,,,,,,,, رجعنالك

فطرة الله...سكن.ومودة..ورحمة..وديمومة الحياة....

شكرآ أخت/سلافة بوست جميل......إسماعيل محمد احمد عباس...

..
.
ووين يا فردة
ليك مده ما بنت ..

اسمعنى والله انحنا بقينا واقعين بين مطرقة
العزاب سندان المتزوجين ..

تقول عايز اتزوج يقولو ليك مالك ومال الهم والغم دا
مشاكل وتلتله .. الخ

يجيب واحد يقول ليك والله اليوم التتزوج فيهو تندم على اى
دقيقة ولحظة ضيعتها فى صرمحتك وجريك الساااى دا

_________

والله حيرونا ..
الواحد بقى ما بعرف صليحو من عدوه

***

ام لمار,,,,,,,,,, شرفنى مرورك واسعدنى تعليقك ومنتظرين جياتك


***

ابوجهينة,,,,,,,,,,, بيقولو اى حاجة لو قسموها على اتنين بتنقص ,,,,,,,,,,, الا الحب,,,لو قسموهو علي اتنين بزيد


***

شكرا يامريم يا عسل علي ثقتك ,,,وكل حسب تجربته,,,ودامت عليكى سعادتك


***


داليا الكباشى يااختى الصغيرة وصحبتي الجديدة,,,,,,, انتى مامتزوجة لكن حاتتزوجى باذن الله,,,راجل راجل زى ما انا بقول عن

سيدي سيد,,,راجل يستاهل عقلك الكبير وقلبك الاكبر,,,نورينا برضو باحلامك

وليد محمد المبارك,,,,,,,,,,,,, شكرا علي مرورك وكمان مداخلتك



د.محمد حسن,,,, طيب ليه الناس بيقرو روايات عبير ويوسف السباعي واحسان عبدالقدوس ؟؟ مااهو احنا عندنا قصص حب رايعة عديل كدا

والله تجربتك من الروعة بمكان انها تستحق الفخر بها,,, الزولة والتجربة

المنصور جعفر,,,,, ياخي رمضان كريم وين انتا منور ومنورة اراءك



اميييييييييييييين يا سمارت,,,,و تعرفي هو دا التعبير الحاصل بالضبط,,,,, الحياة مابتمشي من غيرو ,,,,, ولو مشت بتحسي انها


ماشة عرجة.




بليييييييير,,,,, شرفتا وgood shoot خليك معانا ادعمنا,,,,,,وانتقدنا المهم الناس تتواصل واختلاف الرأى بالجد ما بفسد الود


الحقيقي

رافت ميلاد يا غتيت,,,وش مبتسم شرير

جمييييل تعبيرك الاخير,,,,, هل المراة سلعة ام انسان



محمد سليمان,,,,,

يمكن كلامك بالنسبة لى فيهو شئ من الفلسفة,,,لكن حتة مبرمجين دى صعبة شوية



شمايل النور,,,,,,,,,,,,,,

اختلاف الاسباب في زواج الرجل وزواج المراة يزول لما يبقي الرجل دا مسمى باسمو وهى باسمها ,,,يعنى لما فلان يجى يقرر يتزوج


فلانة فغالبا الاسباب لو ما بقت واحدة,,,,,,بتكون قريبة من بعض

اسماعيل عباس,,,,,, شكرا علي مرورك وثناءك ,,, دامت لك مودتك ورحمتك وسكينتك

تبلدينا,,,,


انتا كدى عرس


عشان تكون جربتا الاتنين ومافى زول يستعرض فيك تجاربو ,,,, وغالبا (حاتتغاتت) على البعدك على قول رافت ميلاد( وش شرير مبتسم)

تزوجنا في 7 مايو 1989م وفجأة رحلت عني 3 مارس 2009
والله باقي الونسة ما كملت رحلت
والله يا سلافة باقي الضحكة في الخشيم رحلت بيها
ما اقصر الحياة بالايام الحلوة

والله يا عبدالله كملتا كلامى ,,,بس الله يصبرك وتتلاقو في الجنة يارب,,,,


مافى اى كلمات عزا ممكن تواسيك,,,,, انا فقدتا طفلتى البكر وعمرها بس عشرة يوم


انا هسي بكتب ودموعى عليها في عيونى وخدودى,,, كيف يكون الحال مع فقد زول كبير ومالي المكان والزمان والقلب,,,,


بس الله يصبرك

فطرة

كما الإيمان بالله قائم على الحوجة إليه

فالزواج قأئم على الحوجه إلى شخص ثم kids ثم .....إلخ

إذا انتفت الحوجة في أمر فليس هناك ما يجعلنا نرغب فيه

ولا حتى الإيمان بالله سبحانه و تعالى نفسه

***

عمر عثمان ,,,,,,, برضو وجهة نظر

***

مالك الجاك,,,, هى فلسفة الوجود اذا ,,, فالحوجة لشخص بكل ما فيه من عيوب ومميزات,,, الحوجة لاشياء نحبها لانها فيه وليس لانها


تستحق الحب,,,,كأن احب رائحة السجائر,,,, لمجرد ان من احبه يدخن,,,وزى ما قال نزار,,,ان سألوك لماذا قصصت شعرك الحريرا,, قولى


لهم لان من احبه يحبه,,,قصيرا

..
.

Quote: عشان تكون جربتا الاتنين ومافى زول يستعرض فيك تجاربو

والله زى الصرمحة الانا عايشها حسي
من مسرح عبود لى مسرح الفنون الشعبية
لبيت الفنون للنادى الامريكى ..
كن عرست ما بلقاها.. الشافنى مكوع
راجى فنجان القهوة واستمع لونسه مكررة ومملله..
ما بكون كدب ..


_________

الحرية لا تباع ولا تشترى
بوجه حسن يكلف ملايين

غايتو مودة ورحمه والفه
وذرية صالحة وصينة اكل قدامك
دى يجيى يوضحها غيرى..

يقولون ان اجمل الحب هو الذي نجده عندما نكون نبحث عن اشياء اخرى,,,فقد وجدت حبي يطل براسه,,,ليس فجاة ,,ولكن ,,بهدؤ


حيث كنت ابحث عن التميز الدراسي,,,كان ود قراى ,,يجي الجامعة من الدغش,,, بدينا نذاكر سوا,,,لم يخطر ببالي لحظة ان


هذه المذاكره يمكن ان تتحول لشي اخر,,,تسلل في دواخلنا حين اكتشفنا اننا وجهين لعملة واحدة,,, هو الوجه الهادئ الرزين


وانا وجه الضوضاء الدائم,,, اكتشفتا انو (حنين) بكسر الحاء,,, حنية برجولة,,, كان ولا زال بيديني احساس بالحماية من اي


شي وكل شي من قبل حتى ما احس بالخوف,,,, احس بفخر الانتماء لهذا الرجل


كل يوم بعرف انا اتزوجت ليه ,,,والانسان دا تحديدا ليه

ليه يا تبلدينا,,, ليه تتخيل الحياة التقليدية بتاعة جدى وجدك,,,, الجبنة وصينية الغدا,,,ما بقول حياة ابوى وابوك ,,,عشان انا


اتربيت في بيت فيهو ورد انجليزي مزروع في حوش الصالون بيبدا يزهر من شهر 11,,, وابوى كل ماتنور وردتين يجيب الكبيرة لامي ,,,عشان


ابوى وامى عرفو معرض الكتاب والزهور والخرطوم الدولى وسينما النيل الازرق قبل ما يعرفو يشترو ليهم عربية,,, باختصار انا اتربيت


في بيت ناسو بيعرفو يعبرو عن الحب كويس


ليه ما تسوقا معاك النادي الامريكي وتتفسحو في شارع الجمهورية كانكم مخطوبين بعد 5 سنوات زواج,,,ليه ما تمشو بيت الفنون وتشاهدو


المسرح سوا,,,ليه ما نحلم بحياة يسهل تطبيقا كواقع,,, انا وزوجى عندنا مقولة,,,لما الجو يكون سمح بنقول دا جو كبري,,,الكبري


المعنى هو كبري شمبات ,,, كنا اطبا امتياز في م.بحري في فصل الخريف,,, كل ما سنحت فرصة وظهرت غيوم وجو حلو نهرب للكبري نستنشق


هواء امنيات صبحت حقيقة,,,ولحدى الليلة ولحدى بكرة وبولدنا دا لو سنحت اى فرصة جو حلو ,,,,بنمشي الكبري,,,انا بحس بمتعة وكانى


في دمشق او القاهرة(القصد انو اللحظة هى اللى بتصنع المكان وليس العكس)

سلافا ياخ انا زعلانه منك.. وما تسأليني ليه

سأل أحدهم: ما هو الزواج؟؟؟

رد الاخر: الزواج هوعبارة عن ميز....واحد بيدفع والتاني ما بيدفع...






سلافة...كل سنة وإنتي طيبة

على سبيل التحية

يخسيييييييي عليك يامريم انا والله اسفة جدا جدا اذا ازعجتك باى حاجة ومن غير ما اعرف هى شنو وتاكدى انى ما بكون قاصدة,,,,,



ولو اختلاف في الراى تاكدى انو ما حايفسد ودنا




د.ياسر,,,,المصري بيقول احنا بعد الزواج واحد ,,,لكن المهم منو حايكون الواحد دا,,,,عجبتنى فكرة الميز دى,,,وانت طيب



تسلم يا طارق ياخى,,,,,,, لكن يعنى ما عندك لينا وجهة نظر(وش مبتسم شرير)

د. سلافة:


كل أمنيات المرأة هي فقط زوج.....وعندما تجده تطلب منه كل شيئ

(مثل لبناني)

نواصل بعد العيد...أصلو رمضان دخل العضم زي ماقالت غادة عبدالعزيز

لا لا يادكتور والله بالغتا يعني انتا عايز تتدسي من هسي لحدى بعد العيد,,,ليه ياخ انتا عروس(هئهئهئ)


ولايكون عندك واحدة بتطلب منك كل شييييي

ماااااافهمنا حاجة

بالله يا د. سلافة إنتي من زمن العروسه البتدسي قبل العرس


هسي العريس هو البيتدسي



اخر حفلة حضرتها...العروس اتأخرت....قالوا طلعت مشوار وجاية


وواحد صاحبي حضر حفلة ...العروس كانت هي الفنان

د. سلافة
كل عام وأنتم بخير

يا حليل زمن الزوجة فى السودان ما بتذكر إسم زوجها
هسة إنت و الأستاذة لنا كابين الحنان العلنى لزوجيكما...
طبعاً متمسكين فى رمضان بقولة الحق ..
ربنا يزيدكما حسنات .. و محبة .. و حياة زوجية سعيدة

فى ظروف السودان فى رأيى أحسن طريقة للإختيار للطرف الآخر المتوافق
هو زمالة الدراسة أو العمل .. حيث تكون هنالك فرصة طيبة للتعرف على الطرف
الآخر فى محيط عادى .. تشاهد تفاعله مع الناس و معك والأحداث .. و يبدأ
التوافق .. والإعجاب .. والقناعة فى الإختيار .. ولعل زمالة العمل تكون أكثر نضجاً
حيث زمالة الدراسة قد تنمو فيها علاقات جكيس وقتى .. تقف أمامها عقبة
متى يمكن أن يتم الزواج، و الطرفان لم تبدأ حياتهما العملية.. والماديات .. ووو
خير مثال لنجاح تجربة زواج زمالة العمل .. تجربتى سلافة و لنا .. بس ما قالو ا لينا
هل إعتمدتا 100 % على أن يخطو الرجل الخطوة الأولى مخاطراً بتلقى الشاكوش
أم أن هنالك إشارات مشجعة للرجل صدرت منهن .. (و إن حبهن عظيم).. وهذه نقطة هامة
لتستفيد منها أخواتهن من أجل زواج سعيد! و بمعنى آخر هل يمكن أن تخطب المرأة الرجل؟

وإن كنت أظن الأنجح منه لا يمكن تطبيقه فى السودان بحكم الدين والتقاليد الإجتماعية
و هو طريقة الغربين فى أن يعيش الطرفان تحت سقف واحد فيتفاعلان فى حياتهما دون تكلف
ثم تتوج العلاقة بالزواج ..

هنالك الزواج التقليدى بإختيار أسرى .. وهذا نجاحه شختك بختك

وهنالك زواج المغتربين .. و هو مبنى فى معظم الأحيان على جمال المرأة (برضو شختك بختك)
و لا حظت كثير من الشباب المغترب .. وعينهم مليانة و شايفة الجمال يمين شمال
همهم الأول عروس بالغة الجمال .. و طبعاً داخل فيها جما ل الوجه و الجسم ..
وفى إعتقادى هذا منظور خاطئ ..

اما لماذا نتزوج .. من ناحية بيولوجية و طبيعية هكذا تحيا المخلوقات و من ضمنها الإنسان
الإنجذاب .. و العاطفة .. و المشاعر .. و الحب ... و الدين والتقاليد توجب الزواج لعلاقة الرجل والمرأة
الظروف المادية للمراة التى تعتمد على عائل لها .. و من ناحية إجتماعية للسودانيين فالأسرة أمر هام
و فى بعض المجتماعات و خاصة الزراعية والرعوية تكوين الأسرة والتكاثر بعدد كبير للأبناء أمر ضرورى

و الإستمرارية فى الزواج تحكمها عوامل عديدة .. منها التوافق و تنازل كل من الطرفين من بعض خصوصياتهم
الظروف المادية .. الإرتباط بالأطفال .. و الولف الكتال ..
و صعوبة الحياة و تسارع مجرياتها قد يعجل أو يؤدى فى أى وقت فى نسف الإرتباطات المتعثرة

مع تحياتى و تقديرى

د.سلافة
رمضان كريم

انا حقيقتا ابحث عن الحب والراحة النفسيةلهدا انا افكر في الزواج

وللاسف بعدي عن الوطن زاد من تعقيد موضوع الزواج

ودايما الفترة القصيرة والخاطفة للوطن ماتكون عير كافية

كل خوفي من الزواج محصور في عدم التفاهم

فقد تجد المهدبة...الجميلة...بنت الحسب والنسب(كما يقال)

ولكن قد لاتكونوا متفاهمين ومن هنا يبدي النكد

جربت الحب ولكن الظروف كانت اقوي مني ومنها وضاع حلمنا معا

ومن يومها وانا مسكون بالهواجس من الفشل بعد الزواج

الاختيار وحدة لايكفي وخصوصا في وضعي فانا ممكن اختار وممكن اجد القبول والموافقة بكل سهولة

وقد لمست دلك من خلال اجازاتي التي اقضيها في السودان

انا اخاف ان اظلم من اتزوجها عن طريق الاختيار لان الحياة هنا مختلفة عن السودان في كل شيئ

وللاسف الفرص هنا ضيقة جدا بحكم صغر الجالية السودانية

انها ضريبة الغربة ولازم ندفعها ولكنها فاتورة عالية التكاليف

نريد الزواج ولكن نخاف من الحنين للماضي ان اتممناها

ولك الود

والله يا دكتور ياسر انت عسل ,,,بتجيب الكلام دا من وين



نادر الفضلي************* انتا حاسد ولابغران ولاطرفك من طبعو نعسان(هئهئهئهئهئ)



معاك جدا في انو زمالة العمل او الدراسة(انا اتلمو لي الاتنين شفتا كيف)بتديك فرصة زمنية اكبر للاختيار الصح وبتخليك


تشوف تفاصيل صغيرة لكن مهمة وممكن تشكل حياتنا في مابعد,,, ودا مابتتوفر في زواج الصالونات(بتاع امى واخواتى خطبو لي)


انا لى صديقة عزيزة جدا اتزوجت بالطريقة دي من زول رائع,,,بس للاسف كل واحد فيهم كانت روعتو في اتجاه وللاسف الاكتر انتهت


حياتهم بالانفصال ماعشان هو كعب ولاعشان هى سيئة بس كل الحاصل انهم اكتشفو انو كيميا اى واحد فيهم ما بتتفق مع التانى ,,,,


طبعا دا للناس اللي عايزة تتزوج بحثا عن الحب والسكينة مش بحثا عن الخضرة والماء والوجه الحسن

بدرالدين كاجورى*****


الله اكرم عساكم من عواده وتصوم وتفطر علي الف خير يارب,,,مقدرة جدا للوضع اللي وصفتو عشان عندي زول معرفة في امريكا بيعانى من نفس


الاشكال,,,,بالجد انا ماعندى رؤية محددة للحل لكن اتمنى انك ما تقع في فخ سؤ الاختيار ايا كانت الطريقة لانك حاتفضل تدفع في التمن


طول عمرك,,,وفي اخر كلامى بدعي ليك من جواى ,,,ربنا يديك زى ما ادانا

الزواج حالة من حالات الانتحار الجميل!!

فرق كبير جدا بين إنك تكون عايز تتزوج وتبحث عن الزول المناسب عشان يملا الخانة دي
وبين إنك تتزوج زول لأن الزواج هو الوسيلة الوحيدة البتوصلك ليهو !!





الزواج ما عارف ليه بذكرني بالمقابر .. لا الناس الجوة قادرة تطلع ولا الناس البرة عارفة جوة في شنو ..
تحياتي لصاحبة البوست وكل المتداخلين ..

سلام يا دكتور

أذكر عند عودتى من شهر العسل أنا وصديق لى كنا قد تزوجنا فى نفس الفترة
قمنا بزيارة أحد أقرباء صديقى طاعن فى السن
وبعد العشاء طلب منا الاستماع الى وصية منه
عمك عاين لينا الاتنين وقال اسمعوا يا أولادى:
(الزواح ده زى شخص مريض فسد قلبه ويتتطلب اجراء عملية تركيب قلب صناعى
حيث استسلم هذا الشخص لاجراء العملية كى تستمر حياته ، وبعد اجراء العملية بنجاح لم يستطع
النوم فى اسبوعه الأول حيث كان مشقول بهذا القلب وهل سيعمل بنجاح أم لا – وبعد مرور الايام صار كل همه
هذا القلب الجديد وكيف سوف يكون حاله فى حالة التعب وبذل أى مجهود اضافى – ومرت الشهور وصاحبكم بدأ يتعامل مع القلب الصناعى بنوع من القبول والتعود – ومرت السنوات وبدأ صاحبكم مرحلة النسيان أن لديه قلب صناعى وقل ما يتذكر أى شئ عن ذلك القلب ومارس حياته بكل حلوها ومرها وروتينها بدون متاعب وصار القلب الصناعى جزء منه كسائر الأعضاء – وقال هكذا الزواج ، هذا الانسان الجديد فى حياتك يشبه ذلك القلب لابد من أن تعطوه الزمن الكافى حتى تتعودوا عليه لكى يعمل بصورة طبيعية .

تخريمة الى تبلدينا
اصحابك الاثنين صاح
كدى وووووب وكدى ووووووب ولا بديل من خوض التجربة

أما الأطفال هم عالم آخر وحياة بذاتها

حتى نلتقى للجميع مودتى – أبوعلى - برلوم

منكم نستفيد لكن انتو يعني قاصدين ما نتزوج إلا عن حب؟؟؟؟؟ أفيدونا

لاحظت أنّ أهلنا قديماً ولاسيّما في الريف كانوا يتزوجون من بنات أعمامهم أو من الأقارب عموماً وربما تزوج الرجل من إحدى بنات المنطقة ولمّا يراهاإلا يوم الزفاف ، وغالباً تؤدّي هذا الزيجات التي لم تسبقها علاقة حب إلى حياة مستقرة قائمة على المودة والرحمة ،حتى إذا انتقلنا إلى هذا العصر وجدنا كثرة الخلافات الزوجيّة التي غالبا ما تؤدي إلى الطلاق رغم أنّ هذه الزيجات تمّت بعد علاقة حب سابقة للزواج ، وإذا انتقلنا إلى العالم الغربي نجد أن الزواج لا يتم إلا بعد علاقة حب تتعدى الرومانسيات إلى التجربة الجنسيّة ، وربما استولد الرجل المرأة قبل أن يتزوجها رسميا ولكن رغم ذلك قلّ أن يستمر زواج أكثرمن عامين ، فهل نستسلم إلى انّ الزواج قسمة ونصيب ولا داعي للتدقيق أم أننا نحتاج إلى أن نغالب القدر بقدر مثله ونبحث عمّا يجعل الحياة الزوجيّة مستقرة ولا نعتمد على الحب فحسب فليس بالحب وحده تقوم الحياة؟!

بلة محمد الفاضل****

رايك غريب لكن معتمد عند بعض الجهات ,,,اهلا بيك


محمد عمر جبريل****


زى المقابر دى ظريفة والله قريب من راى رافت ميلاد في نص البوست كدا,,,لكن شكلك عندك كلام تانى



عفراء عمر***


انت شايفة شنو؟؟؟؟؟؟؟؟؟؟؟ مااحنا اصلا عايزين كل الاراء عشان انتى اللى حاتتزوجى ما احنا

حسن حماد محمد****

والله عمكم دا طلع اشفت منكم انتو الاتنين واكيد هو سعيد جدا في حياتو الزوجية,,,وصحي البعيش بشوف




هاشم الامام*****


الحب هو المودة والرحمة وقد كان نبينا وحبيبناصلي الله عليه وسلم يحب زوجاته وهواللي قال ,,,(اللهم هذا قسمي) الى اخر ما قاله


وما اي حب بيقود للخطيئة يا مولانا,,,, وفي فرق كبييييير بين حياة مستقرة ,,,وحياة مستقرة وسعيدة

أنا شايفة حكاية عدم الحب دي ما مهضومة لكن برضو قلنا نسمع آراء تانية يمكن.......
قالو أسأل مجرب

(انا حقيقتا ابحث عن الحب والراحة النفسيةلهدا انا افكر في الزواجا)
انته يا زول بى صحك فى الكلام ده - ابحث عن الحب فى الزواج دى ممكن تلقاه وممكن لا
اقترح عليك أن تبدأ بالحب وبعدها ممكن تفكر فى الزواج

لكن الصحة النفسية دى ما عارف اقول ليك شنو

لزواج ما عارف ليه بذكرني بالمقابر .. لا الناس الجوة قادرة تطلع ولا الناس البرة عارفة جوة في شنو .

قديماً قالو القفص الذهبى - دخلنا وجدنا القفص وما زلنا نبحث عن الذهب




ياشباب الدنيا رمضان ما تضكحونا اكتر من كده

لكن يا دكتورة - عنوان البوست هو لماذا نتزوج - هسع عليك الله الجاب الحب هنا شنو؟

مودتى

up

د. سلافة
تحية طيبة
--------------------------------------

Quote: هل يجوز نكون نسينا( بمرور الزمن وضغوطات الحياة المختلفة) اسباب زواجنا !!!

وهل ممكن وتحت أى ظرف الناس تنسي أول صدفة وأول كلام أتقال وأول وأول وأول
بتخيل لى مستحيل دي حاجات معزته كل ما مرة الزمن بين الناس.... بتزيد



ومن ضمنهاأكيد أتزوجوا ليه ؟؟؟؟
ده غير أنها قصة بتحتاج تستحضرة بكل تفاصيلة في كل ( عكه ) كبيرة تحصل بينكم
عشان الناس تتذكر أنو بينا ( البستحق ) فعلا يحافظوا على زي عيونهم


تقديري

.. ..

عشان حاجات كتيرة ولمه تعرس بتكتشف انك ضيعت حاجات اكتر.. ..

up and I will return

قال الشيخ العمروس في كتابه
لماذا تزف العروس

تنكح المرأة للاتي :

1- عريس مقندل وعروس مقندلة وشراكة متلتلة
\2- عريس شين ومقندل وعروس جميلة ( تبادل مصالح)
3- عريس مغترب وعروس ضاربة الركشات ( هروب من الواقع جدا)
4- عريس فلسان وعروس افلس ( اخير منو اغتراب في ليبيا )
5- عريس كبير في السن وعروس صغيرة في السن ( القحة ولا صمة الخشم)
6- عريس متزوج وعنده عيال وعروس لنج( زي المستحضر النباتي قد لا ينفع ولكنه حتما غير مضر)
7-عريس صغيييير وعروس كبييرة وعندها تيلة ( لن اعيش في حلاب الكرامة)
8- عريس بيحب عروسو ( محل الرهيفة تنقد)
9- عريس زي حالتي وعروس زي مرتي ( صلاة النبي ، دقر يا عين )