Post: #1
Title: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 08:44 PM
1- خالد عنان عمر
2- ............
علينا جاي
|
Post: #2
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: معاوية عوض الكريم
Date: 09-06-2009, 08:52 PM
Parent: #1
اساسي
شوف البعدو
|
Post: #3
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 08:55 PM
Parent: #2
ما دل الرجالة
هيييييييييع
3- منو .......
|
Post: #4
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: معاوية عوض الكريم
Date: 09-06-2009, 08:57 PM
Parent: #3
بالله يا ودعنان شوف بكرى دا خليهو يثبّت القصة دى فوق 
|
Post: #5
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: Alshafea Ibrahim
Date: 09-06-2009, 09:00 PM
Parent: #4
الشفيع إبراهيم
احب وافطارهم واسمارهم واموت في ديارهم
|
Post: #8
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 09:19 PM
Parent: #5
Quote: الشفيع إبراهيم
احب وافطارهم واسمارهم واموت في ديارهم |
الشفيع ابراهيم
ايها الاصيل
احضاننا مفتوحة
واشواقنا مفضوحة
حبابك آلاااااف
|
Post: #6
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 09:05 PM
Parent: #4
| Quote: بالله يا ودعنان شوف بكرى دا خليهو يثبّت القصة دى فوق |
والله يا ود الاستاذ شايف الاعلانات بتاعة الافطارات دى كلها مثبتة فوق
يعنى يا ريت بكرى يثبت الاعلان دا وما فيش حد احسن من حد
ولا شنو يا سيد الحوش الكبير
_______________________
غايتو لو بكرى ما ثبتو دا معناها تهميش
وين اهل العوض ؟؟
هيا .........
|
Post: #7
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: معاوية عوض الكريم
Date: 09-06-2009, 09:12 PM
Parent: #6
يحتوى الافطار على عتود بروست جاااهز
وحمل بِج 
|
Post: #9
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 09:31 PM
Parent: #7
|
Post: #10
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 09:39 PM
Parent: #9
تعريف اهل العوض
حتى لا يتلخبش الاختساس
من هم اهل العوض ....
|
Post: #11
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 10:09 PM
Parent: #10
أهل العوض تسمية شائعة وشهيرة
وعرفت على نطاق واسع بعد اطلاق
محمد موسي (فرقة تيراب) للنكتة
الشهيرة التى تحكى عن بعض اهل
المدينة الذين ضلوا فى احد المناطق
الريفية -- وهناك قابلوا العوض
الذى عزمهم على البيت وبدات المعرفة
بين القوم المتمدنين والعوض منذ ذاك
الحين -- ذهب القوم الى اهلهم بعد ان
وصفوا للعوض مكان بيتهم فى الخرتوم
-- ولكنهم ما ان وصلوا واستقروا حتى
لحق بهم العوض الى المدينة ومكث معهم
ما شاء الله له -- ولكن الامر لم يتوقف على
العوض -- فما ان يمر يومان حتى يطرق الباب طارق
لا يعرفونه وعند سؤاله من هو : انا ما من اهل العوض .......
_________________________________________
وهكذا اصبح المصلح واسع الشيوع
وهو فى العموم يطلق على اولئك القوم البسطاء
اهل الله القادمين من الارياف البعيدة الى كرش الفيل
(الخرتوم) -- وهم ناس مميزون تعرفهم بسيماهم
عليهم طيبة الناس واصالتهم الفجة التى لا يهضمها
اهل المدينه (المتفلهمين) فى نظر اهل العوض
(المتخلفين) بنظر اهل المدن .انتهى التعريف
_______________________________________
|
Post: #12
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 10:14 PM
Parent: #11
الان :
ولعلمى الكبير ان كما مهولا من اهل هذا البورد
من اهل العوض فانى قد فتحت هذا البوست
املا ان نجد هنا بعض ناسنا اهل الريف البسطاء
الناس الجاية من قلع النحل وحجر العسل
ومن شلعوها الخوالدة ومن الشكينيبة ومن عد الفرسان
ومن كاب الجداد والعفاض وام صفقا عراض ومن اللعوتة
واب جداد والبنكارى وود حامد وام كدادة وام قرع
وكل اهل العوض المحترمين
|
Post: #13
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 10:16 PM
Parent: #12
معقولة
اهل العوض فى البورد دا تلاتة بس
يا اخوانا
------------
|
Post: #14
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: بشير حسـن بشـير
Date: 09-06-2009, 10:23 PM
Parent: #13
.
.
الأخ / خالد....... كل عام وأنت وأهل العوض بخير
عموما أنا برضه حأسجل مع أهل العوض
.
.
.
وبهدى ليك ولأهل العوض رد شاعر البطانه / يوسف الشوبلى
على محمد موسى ،
رسالة بليغة من أهل العوض مخصوصة
للإبن الظريف ود المدن ود موسي
بدور رد السؤال لو باللغة المهموسة
فينا نقيصة ولا الصورة جات معكوسة ؟
جبتا الفتنة تعلن حرب بى جاسوسة
والسبب الفنيلةالقلت في الوسخ مدسوسة
نحن نفوسنا في بحور العفاف مغموسة
مية غمسة لاعار لا دنس لا سوسة
نحنا أهل العوض والعزة ما بنكوسا
أصحاب سمته وأصحاب فرسةً
نحنا أنعامنا بتعاف ترتع المعفوسة
ونحن جدودنا عادي بطيعوا الجاموسة
إيانا أهل العوض أهل النحاس أب رنّة
أهل البَدر ة والمهيوب وأهل الشنّة
أهل عزة وأهل سمتة وعروض ومحنة
ناس البادية ناساً عشرتن تتمنى
نحن أهل العوض حافظين عهود ما خناّ
وللجار و العشير بالشينه ما تعجلنا
بيوتنا مسيد ضيوف زمن العدم ما بخلنا
وما بصح الوليد في أعرافنا يجاهلنا
ونحنا أهل العوض والله لاتقينا ولا تبدلنا
واثبين كالأسود من واجبة ما اتماهنا
في البر في البحرتلقانا وين ما كنّا
في قمم الرجال كذب البمِس لى حصونّا
ونحنا أهل العوض في الحالي و الفات كنا
قج شرك الكلا م في مشينا ما بعطلنا
بس بوعيك أكان دقس في أصولنا ومتجاهلنا
نحسب في الجدود ستين ومن غير إنََّ
ونحنا ربّونا الشياب فوق ماما ماتعجنا
حافظين لسان حافظين كرامة أهلنا
أشبال من أسود في ضبعة ما تهجنا
سايرين سير كرام لامن نلاقي اجلنا
ونحنا ذاتنا يا ود موسي ما بواخذونا بي بنولـِّد
و الـما عندو رأي حقو يتبع ويقلد
لو ما مخـّك المخمود وحسك المتبلد
جامعة موسكو ما جابت دكاترة تولد ! ؟
ما راعيت شعور الناس شعورك فاترة
بتسيء للعزار أهل السيوف الباترة
أَمَانةً تَدخنك شطة ودموعك قاطرة
ما سمعت بالولادة أتخصصولا دكاترة !؟
نحن والله عرب وأولاد عرب لينا الشرف والعز
بنسرح بالرزق نحلب نصـُر ونجز
ويوم الحارة والعركة السلاح برز
ثابتين كالجبال الشامخة ما بنفز
المخسوفة والمرقوعة ياها لباسنا
المجلوبة والمقنية من ميراثنا
الجار والعشير من الكتف لى راسنا
في المال والعروض تخشى الملوك من باسنا
ليه يا ود موسى بتذم الرجال بالعايلة
ما بعشّوا الضيوف تحت السحابة الشايلة ؟
ما سمعت في أم همج كاكوم عقيد الزايلة ؟
ما سمعت بالنمر حرق الخديوي القايلة ؟
لكن لسانك فك يا إبني أصلو مابتستامن
تشحن في النفوس من الغبينة مُداماً
بس سمة المن مثالك في البحر بترامن
العربي إن رقص ألبل قرونن قامن
دحين ياخي رغم الغطرسة بالتمثيل وحبة كاشك
تلقى أصفارنا أكبر من مساحة داشك
شبعانين طحين من الفطير ودراشك
أخير تبعد بخاف من شوكنا يخرب شاشك
ومهما زعمت من عزة ونفخ فشفاشك
أعلم طينّا أنصح من تراب خشخاشك
شوف ليك ناس رخاس تاخد عليهم فاشك
أول غلطة كان تنيتا بنعل خاشك
دحين ياخي اولاد عرب والغير عرب كلهم أخوانك
إحذر واكترث شكل قوافي لسانك
والرمي فوق الجماعة بالتعابير خانك
في نص البحر بتدور تقج صيوانك ! ؟
نحنا نضافنا يا ود موسي مو صابون
نحنا نضافنا فى عروض وشرف مصيون
نحنا نضاف ضراع بالدكري المسنون
طيبين عُشرة ولكن للخصيم طاعون
نحنا سماحنا يا ود موسي مو كريمات ولمعة لون
نحنا ولدنا عاشميق عكس للعرجون
نحنا ناس لينا أعراض بيحكما القانون
سماحة الزول يفرّج كربة الممحون
نحنا دفعنا يا ودموسي ما جركان
ونحنا ما بندفع الجبنة وحليب الكان
ونحنا دفعنا فى النوق أمات سناماً بان
نحنا ضربنا للعوق انفجار بركان
وكان كلمنا يا ود موسي بنقول الكلام حقاني
وكان غنينا بنخت الشعر فى معاني
عزيزين فى النسب من ذلة مابنعاني
نحسب فى الجدود ستين ومن غير عاني
دحين يا غبار الكبرياء المن المعالم حاجب
أحذر منّوا لا ينسيك حقوق الواجب
ومن أمثال تراثنا الفي العرف والواجب
مهما العين تطول مابتعلى فوق الحاجب
وعشان ما نغلط معاك ونشيل النقط من شينك
أوعى تعضعض الناس البوضحوا شينك
هسع وقعت في الحلة ووجب تكشينك
شن ودّاك لشعراء البطانة تشينك
دحين ياخي الطامع في كثيرة الغير قليلتو تضيع
وسيد بيت القزاز ما ببدأ بالجديع
بولاد الحديد القاسي في القطيع
العربي إن حرن وسط المحاص مابطيع
نحن والله لا بنخاف لا بنعاف ولا بنتهدد
لا بنكل ولا بنمل ولا بنتردد
كمان للزول البخون عُشرتنا ما بنتودد
نبقالو البلا في كل فِجَة مَمَدَّد
|
Post: #15
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: البشير دفع الله
Date: 09-06-2009, 10:44 PM
Parent: #14
مرحبتين الاخ خالد
يا دووووووب لقيت ناسي
سجل ياخ سجل
|
Post: #18
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 11:04 PM
Parent: #15
والله يا البشير العوض يشوف كرفتتك ونظارتك
دى يجرى لامن نفسو ينقطع .......
لكن اهل العوض ما اتطوروا يا البشير
ولا شنو
ياخ حبابك والله يا البشير ولينا الشرف
وابقى لا داخل وترا نحن بقينا جماااااااااااعة
آآأ ناس هوى وحرم بعد دا مانا ساعلين لنا فى زول
ابشر آآآآآآ البشير
|
Post: #25
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: البشير دفع الله
Date: 09-07-2009, 01:10 AM
Parent: #18
Quote: والله يا البشير العوض يشوف كرفتتك ونظارتك
دى يجرى لامن نفسو ينقطع |
الكرفته والنضارة ديل عدة الشغل
بتسجل ولا عندك كلام ؟
|
Post: #19
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: emad altaib
Date: 09-06-2009, 11:06 PM
Parent: #15
ــــ
يا الله ,,,
يأخي خليتني أحسب فيها أربعة عشر رمضان لم أفطر مع أهلي أهل العوض أربع داخلية وعشرة خارجية
وكم أنا أشتاق لصوت أمي وقت السحور آآآآخ
سجل بالعريض عندك ..
|
Post: #23
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 00:39 AM
Parent: #19
Quote: يا الله ,,,
يأخي خليتني أحسب فيها أربعة عشر رمضان لم أفطر مع أهلي أهل العوض أربع داخلية وعشرة خارجية
وكم أنا أشتاق لصوت أمي وقت السحور آآآآخ
سجل بالعريض عندك .. |
عماد الطيب :
ياخ اربعطاشر سنة !
يا زول انت مطوفش وين ومخلى الحلاوة الهنا دى
ياخ عليك امك السنة الجاية دى اكان ما جيت صمت
مع امك يا عماد واكلت عصيدتا الناااااعمة ديك
وقراصتا بي ملاح التقلية المو خمج ومعاها جك
حلو مر وابرى ابيض وقونقوليس -- يا زول هسع عليك
الله وعدك بي ملاح السبروق متين
الف تحية يا عماد
ونتمنى لك عودا حميدا الى ديارك ومراتع الصبا
مع العوضية اهل الله
|
Post: #16
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 10:50 PM
Parent: #14
Quote: الأخ / خالد....... كل عام وأنت وأهل العوض بخير
عموما أنا برضه حأسجل مع أهل العوض |
الاخ بشير تحياتى النواضر لك ورمضان كريم
والف اهلا بيك بين رحاب اهلك اهل العوض
الذين نتشرف دوما بالانتماء اليهم
وشكرا على القصيدة الجميلة والمعبرة
للشاعر الكبير الشوبلى -----------
والشوبلى هنا رد على محمد موسي الكوميديست
المشهور باعتبار انه اساء لاهل العوض ونسي
الشاعر تان محمد موسي نفسه هو من اكبر اهل
العوض فى السودان لان جذوره تعود الى قرية
العوض ذاتا !!!!!!!!!!!!
وواضح جدا من سياق قصة العوض ذاتا انو محمد موسي
عايش القصة دى وهى بنت بيئته ولذا اجاد فى تصويرها
ويمكن ان تلاحظ انتماء محمد موسي لاهل العوض من خلال
لهجته (العوضية) المميزة وهذا لا يخفى على اى صاحب
فراسة.
__________________
اشكرك جدا يا بشير -- والبوست لا علاقة له بافطار
او الذى منو لكن قلنا نضحك شوية ونفرق ونستغرق
شوية فى المفهوم العام والمغازى والدلالات للكلمة
ونتناولها بقليل من الدراسة والتعمق -- حيث ولطالما
تهرب منها الكثيرين باعتبار ان اهل العوض هم مثال
للناس الغجر او المتخلفين دون النظر الى النصف
الاخر من الكوب او تسعة اعشار الكوب حسب وجهة نظرى
الممتلئة بقيم ومثل وموروثات نادرة كندرة الماس
والدر والالماس موجودة وتميز هؤلاء القوم البسطاء
_______________________________________________
ونحن هنا لنعرف من يقر بانتمائه لاصوله ممن ينكص
على عقبيه -- وانا عارف اهل العوض هنا لكن اخير
يجوا براهن -- انا قايل
ورمضان كريم
|
Post: #17
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: منال
Date: 09-06-2009, 11:01 PM
Parent: #1
سجلونى معاكم
انا ما منهم لكن عندى فيهم عزيز (وش فرحاااان )
|
Post: #20
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: الصادق ضرار
Date: 09-06-2009, 11:13 PM
Parent: #17
سجل
نطالب بكري بتعليق البوست
وين الصور ؟!
|
Post: #24
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 01:04 AM
Parent: #20
Quote: سجل
نطالب بكري بتعليق البوست
وين الصور ؟! |
الصادق ضرار
الف تحية
الصور جاياك
يا اخا العوض
طول لنا بالك بس
قوسيبة موداتى
|
Post: #21
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-06-2009, 11:14 PM
Parent: #17
Quote: سجلونى معاكم
انا ما منهم لكن عندى فيهم عزيز (وش فرحاااان ) |
اهلا بيك يا منال
وعمك العوض بسلم عليك
وحالف طلاق بالتلاتة الا يضبحلك بكرة
لانو قال دى اول بت بت رجال تدخل حوشنا
وحالف الا تاكلى كبدة البكرة براك
الف تحية لمنال وقواسيب مودة
|
Post: #22
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: جعفر محي الدين
Date: 09-06-2009, 11:49 PM
Parent: #21
أهلا يا خالد عنان
العوض دا خالي لزم
ياخي كرش الفيل كان قالوا لأهل العوض امرقوا لا تالا الصعيد ولا السافل ما يفضل فيها نفر ضمة
وحتى ناس أم درمان السمحين ديل فيهن صفات أهل العوض السمحة كلها
|
Post: #26
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: فاروق أبوحوه
Date: 09-07-2009, 01:14 AM
Parent: #22
أصلو السمحه منكوره يا حبوب
سجل يا خالد
رمضان كريم ياااخ
والبروش والبليله أهم زول
|
Post: #28
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 01:23 AM
Parent: #26
Quote: أصلو السمحه منكوره يا حبوب
سجل يا خالد
رمضان كريم ياااخ
والبروش والبليله أهم زول |
فاروق
حبيبنا الشاعر الشفيف الرقيق
ازيك ياخ ومشتاقين ومنورين
ونحن لما نلقى زى ناس فاروق فى
راكوبة العوض الضليلة تانى
شن كايسين
ياخ والله سعيد جدا بيك يا فاروق يا اصيل
ونلتقى انشاء الله
|
Post: #27
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 01:14 AM
Parent: #22
الحبيب جعفر
ياخ والله انت قلت الحقيقة كل الحقيقة
Quote: أهلا يا خالد عنان
العوض دا خالي لزم
ياخي كرش الفيل كان قالوا لأهل العوض امرقوا لا تالا الصعيد ولا السافل ما يفضل فيها نفر ضمة
وحتى ناس أم درمان السمحين ديل فيهن صفات أهل العوض السمحة كلها |
والله نمرق اهل العوض من خرتوم سيدى دا الا تعدم طافى النار !!!!
اهلا بيك يا جعفر
ونتمنى تكون عضو فاعل فى الرابطة الشامخة
|
Post: #29
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: doma
Date: 09-07-2009, 04:05 AM
Parent: #27
سجلوا حبوبتكم دومه من اهل العوض
حبوبين الغبش ابان مسوحا مي
|
Post: #30
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: الطيب بشير
Date: 09-07-2009, 05:21 AM
Parent: #29
.
سـجــّـــل أنا "عـربـي"
الطيب بشير (طابت)
.
|
Post: #31
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: هويدا شرف الدين
Date: 09-07-2009, 06:50 AM
Parent: #30
والله نحن ما من اهل العوض لكن ناسبنا اهل العوض اهل العوض بي بساطتهم وشهامتهم وكرمهم واي حاجه حلوه فيهم عندهم حاجات تغيظ تغيظ بي معني الكلمه حسب بساطتهم بياخدو الامور بي بساطه لدرجة الغيظ غايتو مافي داعي نكتر الكلام بس يجلونا معاكم في الفطور
البشير دفع الله دا ما يغش عليكم لا من اهل العوض لا حاجه.
|
Post: #32
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: يوسف الخضر
Date: 09-07-2009, 07:34 AM
Parent: #31
سجل يا خوي..
سجل بالبوند العريض..
يوسف الخضر / الجزيرة
|
Post: #33
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: معاوية عوض الكريم
Date: 09-07-2009, 10:15 AM
Parent: #32
والله آ ناس اتاريهو الخير باسط تب
يلا يا جماعة وين عقابكم
|
Post: #34
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: معاوية عوض الكريم
Date: 09-07-2009, 10:17 AM
Parent: #32
والله آ ناس اتاريهو الخير باسط تب
يلا يا جماعة وين عقابكم
|
Post: #35
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: فيصل محمد خليل
Date: 09-07-2009, 10:42 AM
Parent: #34
انا العوض ذاتو
ابو الزفت
سجل سجل أنحنا الغضب الواعي
|
Post: #44
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 09:39 PM
Parent: #35
Quote: انا العوض ذاتو
ابو الزفت
سجل سجل أنحنا الغضب الواعي |
ابو الزفت تانى يا فيصل
ايوا
نحن دايرين ناس زى فيصل دا
يدق سدرو وفى نص الناس يطير فوووووووووق ويتب
لمن يتور العلالة -- دا الكلام وديل الرجالة
انا اديتك منصب رفيع فى الراكوبة دى يا فيصل
انت اختار بس -- اى حاجة غير الرئيس ....
حبابك االاف يا فيصل
|
Post: #42
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 09:17 PM
Parent: #32
Quote: سجل يا خوي..
سجل بالبوند العريض..
يوسف الخضر / الجزيرة |
هلا هلا
ناس الجزيرة ديل اهل العوض الجد جد
يعنى ماركة اصلية عالمية ومطابقة
لمواصفات العوض إيزو awad ISO
مرحب يوسف الخضر
وحباب كل ناس الجزيرة الخضراء الحبوبين
|
Post: #41
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 09:06 PM
Parent: #31
| Quote: والله نحن ما من اهل العوض لكن ناسبنا اهل العوض اهل العوض بي بساطتهم وشهامتهم وكرمهم واي حاجه حلوه فيهم عندهم حاجات تغيظ تغيظ بي معني الكلمه حسب بساطتهم بياخدو الامور بي بساطه لدرجة الغيظ غايتو مافي داعي نكتر الكلام بس يجلونا معاكم في الفطور |
العزيزة هويدا اهلا بيك
ولو انتى منهم ولا لا نحن سجلناك
بعدين الناس ديل انتى ما دام عارفة حاجاتهم الحلوة الفيهم دي كلها
باقى حاجاتهم البتغيظك دى هينة وبتتحلحل لانهم ناس بسمعوا الكلام
وما بعديهم العيب -- وانتى بس شايفاهم من بعيد كدى قربي منهم شوية
والله تانى ما تفارقيهم
| Quote: البشير دفع الله دا ما يغش عليكم لا من اهل العوض لا حاجه. |
انا ذاتى قلتا كدى لكن هو دايرنا يا جماعة نحن نقولو لا
انت ما عربشن ؟؟
هويدا اهلا بيك ومتشرفين كتير والله
|
Post: #59
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: البشير دفع الله
Date: 09-09-2009, 09:09 AM
Parent: #31
| Quote: البشير دفع الله دا ما يغش عليكم لا من اهل العوض لا حاجه. |
ولله لقيتوها يأ أهل العوض
الناس بقوا يتلصقوا فيكم تلصق وانتو ما دايرين
هلا هلا
هويدا شرف الدين
رمضان كريم ياخ
|
Post: #37
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 08:53 PM
Parent: #30
Quote: سـجــّـــل أنا "عـربـي"
الطيب بشير (طابت) |
حباب عرب طابت
اهل اللوح والدواية
الطيب حبابك والله فى تايتنا
وراكوبة العوض منورة
حباب الطيب
وكلم لنا باقى عربك
تسلم وتسلم طابت الجابتك
|
Post: #36
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 08:43 PM
Parent: #29
Quote: سجلوا حبوبتكم دومه من اهل العوض
حبوبين الغبش ابان مسوحا مي |
بووووووب حلالى
الحبيبة الحبوبة دوما
متشرفين بيك يا امنا
وبيك زادت حلاوتنا وغلاوتنا
الاف التحايا لك
|
Post: #38
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: نورالدين بابكر بدري
Date: 09-07-2009, 08:56 PM
Parent: #36
Quote: نحنا أهل العوض والعزة ما بنكوسا
أصحاب سمته وأصحاب فرسةً
نحنا أنعامنا بتعاف ترتع المعفوسة
ونحن جدودنا عادي بطيعوا الجاموسة |
سجل -- سجل آآ اللخو
ود البدري
كن أهلك ناس مر الجواب
|
Post: #46
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 11:00 PM
Parent: #38
Quote: سجل -- سجل آآ اللخو
ود البدري
كن أهلك ناس مر الجواب |
حباب ود البدرى
وحباب ناس مر الجواب
لكن مر الجواب دى وين ما عرفتها
عربي جزيرة
ولا عربي خرتوم
تحياتى النواضر يا ود البدرى
|
Post: #39
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: emad altaib
Date: 09-07-2009, 08:58 PM
Parent: #36
Quote: عماد الطيب :
ياخ اربعطاشر سنة !
يا زول انت مطوفش وين ومخلى الحلاوة الهنا دى
ياخ عليك امك السنة الجاية دى اكان ما جيت صمت
مع امك يا عماد واكلت عصيدتا الناااااعمة ديك
وقراصتا بي ملاح التقلية المو خمج ومعاها جك
حلو مر وابرى ابيض وقونقوليس -- يا زول هسع عليك
الله وعدك بي ملاح السبروق متين
الف تحية يا عماد
ونتمنى لك عودا حميدا الى ديارك ومراتع الصبا
مع العوضية اهل الله |
قاعد جمنب النبي المابنبي , والأبري وصل والقراصة والعصيدة اليوم فطوري بجوار سور الحرم المدني بس كاتلني الشوق ليّ أمي ,
يا هويدا شرف الدين يا المناسبين أهل العوض الغياظين هههههه مش تحاملتي عليهم كثير ؟!
ياختي رمضان كريم وحمداً علي السلامة , فتحت ليكِ بوست عريض طويل إفتقاد وكدا , وشلاقة أهل العوض ههههه
|
Post: #40
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: emad altaib
Date: 09-07-2009, 09:03 PM
Parent: #39
ــــ
نسيت أكتب :
ودنـعـمــان بـــلــدي .
|
Post: #43
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: عبدالله ود البوش
Date: 09-07-2009, 09:35 PM
Parent: #40
اولا بالتبادي الفطور يكون قدام حيران بهائم ود عبكون
ومادايرين تب زول اتكلف تخم القدام مرتك وتجي بيهو
ابري احمر بتفلو تشرب وتفتف وابري ابيض تقيــل
حتلوبو يابس كرج ما مهم المهم تشرب وتقــرش
والكسرة ان شاء الله بهرتا تجيب الضهبان
رموها ليك بالعواسة من الطش وكمان فوق رويسا الشيط
هييييييع علي الطلاق الا تعصر علي الضراع وتغرق للقمة
واقوم عمك حاج بابكر بسنونو المكسرة ديك اكورك
الصلاة الصلاة يا ناس
واقبل ليك عليهو ود ابريم ات آ حاج بابكر دابنك شفقان
علي الجنة دي كدي شن عندك فيها .. قصيرا بدور تكدو
ولا عندك ليهو سنون ... ما موزة وبتضرعا ساي
...
...
...
سجل عنك آ جنا ..... عبدالله العربي
وسجل معاي عمي خالد ود الفضل
التعديل لتصحيح كلمة آبري كتابتا صعبة خلاس
|
Post: #45
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: يازولyazoalيازول
Date: 09-07-2009, 10:10 PM
Parent: #43
يازولة والله نحن بنجى دافرين ساى
لا بنسجل لا حاجة
شفتى ليك أهل عوض سجل
ديل إلا يسجلوا فى كشف العمرة ويملوا لينا باب شريف بالعراربق
لووووووووووووووووول
ويا بشير حسن بشير متعتنا والله بالقصيدة الرائعة المليانة شهامة وأخلاق وكرم أهل العوض
رغم أمدرمانيتى إلا أنى أعتز وأفتخر بأهلى أهل العوض حتى ظننت أننى العوض
وتحية خاصة لصاحبة البوست الذى يرد الروح فى شهر الروح
وكل سنة تامين لامين أهل عوض على أهل حضارة والعولمة شطبت حاجات كتيرة ويابخت أهل العوض المتعولمين
عمكم
هشام شيخ الدين
قولو آمين
|
Post: #47
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: عمر صديق
Date: 09-07-2009, 11:24 PM
Parent: #45
دكتور كومريت
رمضان كريم
نسجل للفطور ولي اهل العوض
|
Post: #51
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-08-2009, 07:18 PM
Parent: #47
Quote: دكتور كومريت
رمضان كريم
نسجل للفطور ولي اهل العوض |
الاستاذ عمر
انت يا خوى صورتك الرمزية دى
جواز مرور الى كل مجمعات اهل
العوض ورواكيبهم وتاياتهم
ما داير تسجيل
جيب (بتاغتك) معاك بس
|
Post: #49
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: سمية الحسن طلحة
Date: 09-07-2009, 11:50 PM
Parent: #45
سلام ياخالد
مابقول ليك سجل نعم إننا نحن أهل الجلد والراس ونحن البنسجل الناس
هاك أولاد الشلهمة ديل :
تِيرابــَـك طِيـنـُـــو عزيــز ماهـو مبَنقِر
وَد نَاسَــاً رتـوت مَاهُـن عَـويـِت بَازنقِر
ياأب ِرســوَة العَلي ضَهَر المِرَادفَة مصَنقِر
ماخَتـّيت خَجـِلـتاً سِـيــدهَا يمشِـي مدنقِر
***
نحنا جـدودنا يـا ( خالد ) قِبيـل دِيــدَان
وأولاد ريشَة نَحَسِـب لاالحسين فرسان
مانا عِـريـــب بننـقـَـاد للدُنا وننهــان
وصقـّـار مِيتـَرا وافلـَـح من الغربــان
|
Post: #50
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-08-2009, 07:04 PM
Parent: #45
Quote: رغم أمدرمانيتى إلا أنى أعتز وأفتخر بأهلى أهل العوض حتى ظننت أننى العوض
وتحية خاصة لصاحبة البوست الذى يرد الروح فى شهر الروح
وكل سنة تامين لامين أهل عوض على أهل حضارة والعولمة شطبت حاجات كتيرة ويابخت أهل العوض المتعولمين |
الزول يا زوووول
والله انت من اسمك دا هيلنا كان ساكن ام درمان ولا جدك ليبرمان
وبالله قلت لى الناس اتعولمت -- والله لو شفت هسي انا بكتب من وين
تحتار الله يخليلنا العولمة والتعولم من اجل عوض متعولم
ودى خطتنا العشرية الحضارية القادمة تحت شعار لاب توب ودى اس ال
لكل عوض .
يا زول يا زول يا زول
انت الزول
مودتى تغشاك اينما حللت وارتحلت
|
Post: #48
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-07-2009, 11:39 PM
Parent: #43
Quote: اولا بالتبادي الفطور يكون قدام حيران بهائم ود عبكون
ومادايرين تب زول اتكلف تخم القدام مرتك وتجي بيهو
ابري احمر بتفلو تشرب وتفتف وابري ابيض تقيــل
حتلوبو يابس كرج ما مهم المهم تشرب وتقــرش
والكسرة ان شاء الله بهرتا تجيب الضهبان
رموها ليك بالعواسة من الطش وكمان فوق رويسا الشيط
هييييييع علي الطلاق الا تعصر علي الضراع وتغرق للقمة
واقوم عمك حاج بابكر بسنونو المكسرة ديك اكورك
الصلاة الصلاة يا ناس
واقبل ليك عليهو ود ابريم ات آ حاج بابكر دابنك شفقان
علي الجنة دي كدي شن عندك فيها .. قصيرا بدور تكدو
ولا عندك ليهو سنون ... ما موزة وبتضرعا ساي
...
...
...
سجل عنك آ جنا ..... عبدالله العربي
وسجل معاي عمي خالد ود الفضل |
يا اخوانا والله الما شاف اهل العوض ضم ولا سمع نضمهم السمح داك
يجى دحين ويقرا كلام ود البوش دا --
ديل اهلى
البهز فى الدارة وسط الدارة واتحزم واقول للدنيا
دييل أهـــلى
ود البوش والله وصفك دا وحديثك الحلو دا سكرنى وجلدى قام
صوفة صوفةوحرم شدة ما هشت دنيت اقلع الكيبورد القدامى
دا -- ها ناس هوى :
وتقولوا لى اهل العوض ديل منو وشنو
نحن اكان معانا ناس ود البوش
تانى ساعلين فى منو
|
Post: #52
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-08-2009, 08:00 PM
Parent: #48
الليلة البلد نارت بي ست السجايا السمحة
العالية سمية بت الحسن ود طلحــــــــة
بت عز القبايل اهل الدواى والسبحــــة
عزك من قديم تيلاد وماهو المنحـــــــة
_____________________________________
عندما جاء عمدة حجر العسل بن عمنا يوسف العوض ود بليلو من احدى اسفاره
مارا باحد عمد البطاحيتن فى منطقة الزاكياب بشرق النيل -- اعترضه عمدة
البطاحين وحلف الا يمضوا معهم باقى يومهم ذاك معه وكان العمدة ودبليلو
ومعه نفر قليل لا يتعدى عددهم الخمس رجال -- فوجئ العمدة ود بليلو ان
القوم قد ذبحوا له ما يقا رب الثلاث ثيران رباعا -- وهاش ود بليلو
واعجبه الكرم الفياض الذى غمره به اهله البطاحين -- فاقسم ود بليلو
انه عازم جميع عموديات البطاحين وعلى راسهم الناظر خالد محمد صديق
طلحة وحضرت جميع عموديات البطاحين وشيوخ عربا فى موكب مهيب منيف
على مائة عربة او تزيد وقد استقبلهم اهالى حجر العسل من مكان بعيد
وشهدت حجر العسل تظاهرة ما شهدنا مثلها فى ذلك اليوم -- يقال ان
العمدة ود بليلو قد نحر من الابل والبقر والغنم ما يقارب المائة
كان هذا فى العام 2002 على ما اذكر و قد قال شاعرنا ابو لكيلك
مخاطبا الناظر خالد ود طلحة وموثقا لهذا الحدث الكبير :
ود طلحة القبيل الريسة علا بنودا
جبل قيلى ساقية البتدوى رعودا
مرحبتين حبابك فى حجر العسل وبلودا
برضو قبايلو فى الجود والكرم معدودة
فيهو شوايقة فى الخلا والبحر موجودة
فيهو كواهلة حسانية عارفا حدودا
فيهو اولاد جعل اهل النحاس الدودا
وفيهو اولاد عجيب الدولتن مشهودة
وفيهو مسلمية قبيلة سابلة عروضا
وفيهو صواردة فوق النيل مخدر عودا
خيلان ود حسونة البرقع المقدودة
والقصيدة طويلة .......
___________________
وقد اصبحت علاقتنا بالبطاحين وبالعمدة ود طلحة
علاقة مميزة ولا ننقطع عنهم فى صغيرة او كبيرة
___________________
العالية الملكة بت ود طلحة
والله انا سعيد ايما سعادة بمرور جنابك من ناحيتنا
وتحايانا الباذخة لك وتغشي عبرك كل اهلنا عيال
بطحان ..
وقواسيب مودتى
|
Post: #53
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-08-2009, 09:26 PM
Parent: #52
التسجيل وصل 15 راجل و3 نساء
شجاعات مقدامات هن
بنات الرجال اهل الكرم والجود
الناس الفى الرجالة المتلهم معدود
ولسة فيكم الخير يا اهل الخير
يا جماعة دايرين نعرف ناسنا
ديل حاتلين -- هيا هيا -- فيكم الخير
يا اهل الخير
|
Post: #54
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-08-2009, 10:39 PM
Parent: #53
الناس الخجلانين يقولوا نحن اهل العوض
خجلانين ليه والبخجل شنو وبالعكس كمان
يا جماعة انا واحد من الناس لو خيرونى
الان من اكون ما اخترت الا ما الذى انا
عليه ولا ارى ان ثمة ناس او قوم مهما
بلغوا هم اعلى منى شانا او شاوا
مهما تطاولت اموالهم او طال بهم
بنيان او عمران -- وهذا لب الموضوع
يا جماعة هل نحن راضون بما نحن عليه
ام اننا قد ضعنا فى وهج وبريق الحياة
الزائفة اللاهثة القصييرة الحقيرة؟؟؟
نواصل
|
Post: #55
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: Elawad
Date: 09-08-2009, 10:50 PM
Parent: #54
العوض شخصيا ما أظنه محتاج تسجيل... ولا شنو يا خالد؟
بسيرة حجر العسل تأكدت من أنك شقيق ابن الدفعة الأخ المهندس السر عنان... تحياتي و سلامي الحار له أين ما كان.
|
Post: #56
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-09-2009, 00:42 AM
Parent: #55
Quote: العوض شخصيا ما أظنه محتاج تسجيل... ولا شنو يا خالد؟
بسيرة حجر العسل تأكدت من أنك شقيق ابن الدفعة الأخ المهندس السر عنان... تحياتي و سلامي الحار له أين ما كان. |
العوض بي جلالة قدرو .......
والله انت يا العوض حقو نسويك الرئيس
بس دا فى الدورة القادمة لانو دى حاجزا
اخوك لى طقوقو دا --
العزيز العوض -- نعم صدقت
اخوك هو شقيق زميلكم باشمهندس السر
والغريبة كان معى قبل دقائق وهو من
المتابعين لهذا البوست وكان كل يوم
يطلع عليه -- تحاياك وسلامك الحار
تبلغه باذن الله ويا ريت لو عرفتنا
بيك اكتر لانو العوض براها شوية
مش كدة --- سعدت بك قبيلة العوض
ودمت فى نعمة ربي وعافيته وامنه.
|
Post: #57
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: الطيب بشير
Date: 09-09-2009, 07:30 AM
Parent: #43
.
| Quote: ابري احمر بتفلو تشرب وتفتف |
بلدينا عبد الله ودّ البوش
أشهد أنـّـك قد وصفت حالة مزاجية بمنتهى دقـّـة و روعة السـّــرد
اللهم ارض عن هذا العريبي الذي وهبنالـذّة فقدناها لزمان ليس بالهيـّـن
.
|
Post: #58
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: عبدالله ود البوش
Date: 09-09-2009, 08:53 AM
Parent: #57
Quote: : ابري احمر بتفلو تشرب وتفتف
بلدينا عبد الله ودّ البوش
أشهد أنـّـك قد وصفت حالة مزاجية بمنتهى دقـّـة و روعة السـّــرد
اللهم ارض عن هذا العريبي الذي وهبنالـذّة فقدناها لزمان ليس بالهيـّـن |
يابوليس
والله نحن ناس العتامنة ديل جننا وجن بوليس طابت عشان بكتل علينا كلابنا
كتلو لي جابنو واولادا الخمسة والكلب الضكر والله تكرفست جابنو من ضربة البندق
لاسع بشوفا قدامي ولاقالت بغم بس كرفسة وموتة
ادن جاي انكلمك ويومن اللجو لكتل الكلاب خدم اللنداية بخافن ساي
جزارتي يوما داك بتبور على الطلاق كان امشي بيها انداية قوز الرهيد
وديك كمان قالوا فيها شيتا على ذمة ميتة ود جرمة قال لمن امرق من انداية
قوز الرهيد وامش لخالو امحد احمد ود اللطرش كان لاقتو العنز في الشارع
اقوليها زيك يا خالتي .
جنابو الطيب
تحياتي واشواقي
اخوك عبدالله محمد عبدالله ود البوش
من حنتوب وافترقنا في 1982 انتو الدفعة الورانا ( داخلية ضيف الله )
|
Post: #60
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: العوض المسلمي
Date: 09-09-2009, 09:14 AM
Parent: #58
معليش للتاخير
سجلوني طوالي في اول اللسته دي ,,
|
Post: #61
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-09-2009, 06:30 PM
Parent: #60
Quote: معليش للتاخير
سجلوني طوالي في اول اللسته دي ,, |
العوض ود المسلمى
سجلناك وسرنا معاك
سؤال :
هل انت ابن المسلمى الكباشي
ام اسم على اسم
الف تحية يا مسلمى
|
Post: #62
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: سمية الحسن طلحة
Date: 09-09-2009, 09:14 PM
Parent: #61
مرحب ناس العمدة ود بليلو
Quote: الليلة البلد نارت بي ست السجايا السمحة
العالية سمية بت الحسن ود طلحــــــــة
بت عز القبايل اهل الدواى والسبحــــة
عزك من قديم تيلاد وماهو المنحـــــــة |
منور بيكم ياالنوركم بروق متقدحة
قضايين غرود في أقلّ من اللمحة
الحالوكم تملي على وجوهم فرحة
و للكازوكم حجّرتوا درب السرحة
...
خالد يازول كان كدي أنا حبوبتك عديل
نعمن أنا عمة الناظر خالد محمد صديق طلحة
إن شاء تدوم تلك العلائق المتميزة
ومادام في فرسان زيكم الأمل ممدود
بي سلبة عشميق متلت ماها حبال رِمتة
تجدني أكثر سعادة بمروري بمضاربكم العفيّة .
|
Post: #63
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: عمر صديق
Date: 09-09-2009, 09:36 PM
Parent: #62
| Quote: تجدني أكثر سعادة بمروري بمضاربكم العفيّة . |
رمضان كريم
يالملكة سمية واتشاء الله فوق كل المراتب تسمي
بل مضاربنا هي التي تسعد بمرورك
|
Post: #66
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: سمية الحسن طلحة
Date: 09-09-2009, 09:52 PM
Parent: #63
الله أكرم
عمر صديق
الله يرحب بيك يالكريم
لعلك وكل الأهل بخير
لكم أطيب التحايا
...
صورة بروفايلك دي بالحيل بتِِّور علينا الحسس .
|
Post: #64
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: محمد عمر الفكي
Date: 09-09-2009, 09:39 PM
Parent: #62
Quote: عندما جاء عمدة حجر العسل بن عمنا يوسف العوض ود بليلو من احدى اسفاره
مارا باحد عمد البطاحيتن فى منطقة الزاكياب بشرق النيل -- اعترضه عمدة
البطاحين وحلف الا يمضوا معهم باقى يومهم ذاك معه وكان العمدة ودبليلو
ومعه نفر قليل لا يتعدى عددهم الخمس رجال -- فوجئ العمدة ود بليلو ان
القوم قد ذبحوا له ما يقا رب الثلاث ثيران رباعا -- وهاش ود بليلو
واعجبه الكرم الفياض الذى غمره به اهله البطاحين -- فاقسم ود بليلو
انه عازم جميع عموديات البطاحين وعلى راسهم الناظر خالد محمد صديق
طلحة وحضرت جميع عموديات البطاحين وشيوخ عربا فى موكب مهيب منيف
على مائة عربة او تزيد وقد استقبلهم اهالى حجر العسل من مكان بعيد
وشهدت حجر العسل تظاهرة ما شهدنا مثلها فى ذلك اليوم -- يقال ان
العمدة ود بليلو قد نحر من الابل والبقر والغنم ما يقارب المائة
كان هذا فى العام 2002 على ما اذكر و قد قال شاعرنا ابو لكيلك
مخاطبا الناظر خالد ود طلحة وموثقا لهذا الحدث الكبير :
ود طلحة القبيل الريسة علا بنودا
جبل قيلى ساقية البتدوى رعودا
مرحبتين حبابك فى حجر العسل وبلودا
برضو قبايلو فى الجود والكرم معدودة
فيهو شوايقة فى الخلا والبحر موجودة
فيهو كواهلة حسانية عارفا حدودا
فيهو اولاد جعل اهل النحاس الدودا
وفيهو اولاد عجيب الدولتن مشهودة
وفيهو مسلمية قبيلة سابلة عروضا
وفيهو صواردة فوق النيل مخدر عودا
خيلان ود حسونة البرقع المقدودة
والقصيدة طويلة .......
___________________
وقد اصبحت علاقتنا بالبطاحين وبالعمدة ود طلحة
علاقة مميزة ولا ننقطع عنهم فى صغيرة او كبيرة
___________________
العالية الملكة بت ود طلحة
والله انا سعيد ايما سعادة بمرور جنابك من ناحيتنا
وتحايانا الباذخة لك وتغشي عبرك كل اهلنا عيال
بطحان ..
وقواسيب مودتى |
الاخ العزيز خالد
العمدة يوسف بليلو نزل في ديار اولاد حاج حميد (جدي لوالدي) في منزل عمنا طه محمد الفكي (طه حاج حميد) بس بالغت عملتها عمودية عديل يا خالد!!! نحن بطاحين لم ولن تكون لنا عمودية فنحن اخوال نظار القبيلة والخال والد كما يقال لكن كلمتنا في القبيلة مسموعة ونرفض العموديات ونحب المركزية في القبيلة ممثلة بشيخها ليقضي امره بالتشاور مع اعيانها.
تصدق انا كنت موجود في المناسبتين في الزاكياب وحجر العسل لكن بالجد كرم العمدة ود بليلو فايت الحد. وكرم اهلكم والله خجلنا من الترحيب للبشاشة للتكريم للوداع.
الله يخليكم ويخلي اهل العوض.
تحياتي لك ومن خلالك للاخت سمية الحسن طلحة وكل اهل العوض المروا من هنا.
والله من بدري عايزين نخش بس خفنا من جنس كلامك القلته للبشير.
|
Post: #72
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 12:26 PM
Parent: #64
Quote: الاخ العزيز خالد
العمدة يوسف بليلو نزل في ديار اولاد حاج حميد (جدي لوالدي) في منزل عمنا طه محمد الفكي (طه حاج حميد) بس بالغت عملتها عمودية عديل يا خالد!!! نحن بطاحين لم ولن تكون لنا عمودية فنحن اخوال نظار القبيلة والخال والد كما يقال لكن كلمتنا في القبيلة مسموعة ونرفض العموديات ونحب المركزية في القبيلة ممثلة بشيخها ليقضي امره بالتشاور مع اعيانها. |
الاخ الكريم محمد عمر الفكى
تحياتى النواضر ورمضان كريم
وشكرا على الهذه المعلومات القيمة
والتى كنت انا فى حاجة لها منذان
بدات اكتب فى بداية هذا البوست
والغريبة اننى سالت ابن العمدة نفسه
عن من هو الرجل الذى عزم العمدة فى الزاكياب
ولكنى لم اجد اجابة -- الحمد لله انا وجدناك انت هنا
والحقيقة ان كل الذى تم من امر العزومة والعلاقة الكبيرة
التى نشات بيننا والبطاحين كان سببا فيها هؤلاء الرجال العظام من
منطقة الزاكياب اعمامك وابواتك اولاد حاج حميد -- فهم كانوا السبب
فى العلاقة كلها وكرمهم الفياض كان ملهما وكان السبب المباشر لعزومة ود بليلو
لناظر البطاحين ود طلحة وعموم مشايخ البطاحين فى ذلك الزمان الجميل :
شكرا محمد عمر
والتحايا عبرك لاهلنا الكرام كلهم بالزاكياب
ونخص منهم اولاد حاج حميد والعم طه حاج حميد
وسلام الله وامنه يغشاك وكل اهلنا الكرام بنواحى بالزاكياب والسرحة وكل عيال بطحان.
|
Post: #65
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: Elkalakla_sanga3at
Date: 09-09-2009, 09:43 PM
Parent: #62
ما دايرينكممممممممممممم
وبندركم بخيت وسعيد عليكم
فطورنا فوق طهر الشارع
انا اسمي مكتوب من السديرة
وناس فريق وراء
ورمضان كريم
|
Post: #67
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: سيف الدولة كامل
Date: 09-09-2009, 10:32 PM
Parent: #65
السودان كله اهل العوض ,, الخجله فوق شنو
اهل الجود والكرم, طيبة وسماحة اخلاق,,
فاطرين معاكم
|
Post: #75
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 12:50 PM
Parent: #67
Quote: السودان كله اهل العوض ,, الخجله فوق شنو
اهل الجود والكرم, طيبة وسماحة اخلاق,,
فاطرين معاكم |
تمام يا سيف الدولة -- دا الكلام الصاح 100 %
الناس الاطلقوا التسمية بالمناسبة هم اهل العوض ذاتم
والحقيقة التسمية والقصة ست الاسم بتاعة العوض فيها
تشويه وظلم كبيرلهذه القبيلة من الناس -- ناس محمد
موسي ديل من قلب هذا الواقع بتاع العوض والذى منو
وانا فى الحقيقة بعتبرعم ناس مصابين بنوع من الفصام
اللا حضارى -- لانهم دايرين يعيشوا فى حالة انكار لى
واقعهم الحقيقى والنكتة وما صاحبها كان بمثابة كارثة
تحمل فى طياتها قدرا لا يستهان به من اللا اخلاق وظلمت
الى حد كبير اناس كثيرين من غير وجه حق .
شكرا سيف الدولة
ودمت فى نعمة وعافية
|
Post: #73
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 12:37 PM
Parent: #65
Quote: ما دايرينكممممممممممممم
وبندركم بخيت وسعيد عليكم
فطورنا فوق طهر الشارع
انا اسمي مكتوب من السديرة
وناس فريق وراء
ورمضان كريم |
انت معانا ولا مع الخيانة هسي ؟؟
انا ما عرفت اسجلك ولا لا ولا الحكاية عندك شنو
ما فهمنا حاجة يا ناس السديرة الغربية يا زول
نحن اهل العوض ما ناس بندر كدى تعال لنا تانى
نحن راجينك بي فطورنا وحرم ان ما جيت لا الدغش
ما نفطر .
|
Post: #68
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 10:37 AM
Parent: #62
Quote: خالد يازول كان كدي أنا حبوبتك عديل
|
انت حبوبتى ونص وخمسة
والشرف العظيم لى ان اكون فى هذا المقام
الغالية بت ود طلحة
ستدوم العلاقة بيننا انشاء الله
وهى علاقة متينة واقوى من العشميق المتلت
علاقة بناها اباءنا واعمامنا ونحن على اثارهم مهتدون
انشاء الله .
وغشيتك عافية من ربي اينما حللت وارتحلت
|
Post: #69
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: abdalla osman
Date: 09-10-2009, 11:44 AM
Parent: #68
Quote: تِيرابــَـك طِيـنـُـــو عزيــز ماهـو مبَنقِر
وَد نَاسَــاً رتـوت مَاهُـن عَـويـِت بَازنقِر
ياأب ِرســوَة العَلي ضَهَر المِرَادفَة مصَنقِر
ماخَتـّيت خَجـِلـتاً سِـيــدهَا يمشِـي مدنقِر
*** |
كفاهم حلاوة جنس الكلام الطاعم ده ..
|
Post: #70
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: الطيب عبد الرحيم خلف الله
Date: 09-10-2009, 12:14 PM
Parent: #69
ها اللخو بارك الله فيك على لمة الناس دي أو حرم ما تقول شي فوق الشير دا
وسجلني وأهل بيتي حداي
الشير
التعديل/ محاولة إدارج الشير
|
Post: #71
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: الطيب عبد الرحيم خلف الله
Date: 09-10-2009, 12:22 PM
Parent: #70
شكراً
التعديل / الشير خجلان أن قليل أو نتلاقى معاكم في الفطور
تحياتي
|
Post: #74
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: Ibrahim Sayed
Date: 09-10-2009, 12:41 PM
Parent: #71
الرجاء تسجيلى ايضا لعلى انال من الود جانب
|
Post: #82
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 02:18 PM
Parent: #78
الحبيب ود قاسم
تحياتى تغشاك وتغشي العوض
ذلكم المسكين من منطقة الهامش
الذى لا يسمع له صوت ومتهم بجنحة ما هو من مقترفيها
ولا يكاد يسمع له صوت انه العوض المسكين المظلوم
شكرا ود قاسم
...............................................
Quote: الحكومة – رغما عنها - تعترف بالظلم الواقع على كثير من مناطق السودان ، واعترافها هذا يعتبر مدخلا لحلّ مشكلات هذه المناطق . وقد استنت الحركة الشعبية سنّة لا أعلم حتى الآن هل هي حميدة أم سيئة ، وهي قسمة السلطة والثروة على أسس جهوية ... والمناطق الأخرى التي تحمل السلاح ، أو تعلن بصورة ما عن عدم رضاها بنصيبها من التنمية ، كلها ستسهتدي بهدي الحركة الشعبية لتنال نصيبها من الثروة والسلطة ،،، وكل هذه المناطق ، الجنوب ، الغرب ، الشرق ، جبال النوبة ، النيل الأزرق ، كلها تري أن المركز استأثر بما لا يستحقه وبالتالي فهي تنازعه وتنادي بإعادة التقسيم وعدالته ،،،، لكن أليس من حقّ العوض ( مواطن من قريتنا بالنيل الأبيض ) ، أليس من حقه أن يقول أنه لا ينتمي للمركز ؟ لماذا تكون القرى التي لا تصلها أي خدمات - ماء ، علاج ، تعليم ، كهرباء ، طرق - ولا يستمتع أهلها بأ ي مشاريع تنموية ، ولم يعرف أبناءها التعليم إلا مؤخرا، ولا يتوفر فيها أمن إلا أمن الله ، ،، لماذا تعتبر هذه القرى جزءا من المركز الظالم ؟؟؟ وما هو حقها في الاقتسام الجديد للثروة والسلطة ؟؟ لماذا تعامل هذه القرى باعتبارات جغرافية لقربها من المركز وكأنها جزء من المركز وشريكة فيما استولى عليه ؟؟؟
ترى لماذا يكون العوض بهذا الشكل ، وبهذه البساطة ، وبهذه السذاجة إن كان المركز قد منحه حقوقه ؟ لماذا ننظر إلى العوض هكذا ونعتبره جزءا من المركز الظالم ، وهو مظلوم حتى سلب لحمه ؟
العوض مسكين ، ومسكين لآخر حد ... فلا أحد يعترف بظلامته ، ولا المركز يعطيه حقه ...
والسؤال :
هل سيضطر العوض لرفع السلاح في وجه الظالم ، والمتجاهلين لظلمه ؟
آمل أن يتم إنصاف العوض حتى لا يضطر إلى ذلك ... |
|
Post: #84
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 03:02 PM
Parent: #74
| Quote: الرجاء تسجيلى ايضا لعلى انال من الود جانب |
ابراهيم سيد
حبابك الدار اتنورت بك دارك
وتكى معاى يا ابو السيد وتعال نستمع برواقة :
http://www.youtube.com/watch?v=XR3MkB5xvj8
|
Post: #80
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 01:46 PM
Parent: #70
Quote: ها اللخو بارك الله فيك على لمة الناس دي أو حرم ما تقول شي فوق الشير دا
وسجلني وأهل بيتي حداي
|
الطيب وكمان هاك الهدية دى من العربي ود بادى
بلحيل اجنى اى والله :
http://www.youtube.com/watch?v=Y7m-j6PaTlg
شوف النعمة السالت فوق قيزان الرملة
ناس البندر لبن الشاى بالعملة
سمح الخمج الفوق اسيادو
سمح العز المن اجدادو
بلحيل آجنى اى والله
|
Post: #91
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: الطيب عبد الرحيم خلف الله
Date: 09-12-2009, 08:01 AM
Parent: #70
شكراً
|
Post: #76
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 12:59 PM
Parent: #69
| Quote: كفاهم حلاوة جنس الكلام الطاعم ده .. |
شكرا عبد الله عثمان
http://www.youtube.com/watch?v=ECpj0nCP8r8
|
Post: #79
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: أبوعبيدة محمد الأمين
Date: 09-10-2009, 01:39 PM
Parent: #77
هاناس علكم طيبين
أكتبوني معاكم أنا منكم وليكم
وشوفوا حبيبنا هشام شيخ الدين( يازول) شن قال عن حلتنا
له ولكم الشكر والتقدير
البويضاء
وربنا يطرح الخير والبركة
|
Post: #81
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: عمر عبد الله فضل المولى
Date: 09-10-2009, 01:51 PM
Parent: #79
تحياتي واحترامي
|
Post: #85
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 03:13 PM
Parent: #81
الغالى عمر عبد الله
حياك الغمام وتنزلت عليك البركات والغيث العميم
فى هذا الشهؤر الكريم وسائر الشهور والايام والدهور
واهديك هذه الاغنية النوبية الجميلة
تقوم تطلع لنا جعلى D:
http://www.youtube.com/watch?v=r6OERd05V5w
|
Post: #83
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 02:45 PM
Parent: #79
Quote: هاناس علكم طيبين
أكتبوني معاكم أنا منكم وليكم |
حبابك يا ابو عبيدة
وصقرية البطاحين عشانك انت دا
http://www.youtube.com/watch?v=kJDm4wFedXQ
|
Post: #86
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 03:31 PM
Parent: #83
اها وشوفو الدواس دا والبشيرة جاد السيد
آآآآ ناس البنادر شن قدركن عليهو
يا سلام يا الانقتيرة
وشب فى الرمان صديرا
حبك كتل يا سميرة
وسكونا فى مدنى الجزيرة
هييييييييع
http://www.youtube.com/watch?v=fXVwEvhbLJ4
|
Post: #87
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 03:45 PM
Parent: #86
وين ناس دارفور وكردفان والنيل الازرق
والجنوب ناس دينق وزكريا جوزيف وبلاير ...
يعنى هم ما عندهم (أواد) لكن بكون فى اسم
زيو زى ملوال ولا منقو يخيل لى ممكن ..
يا اخوانا العوض دا ما زول ولا اسم
العوض دا هو السودان
هو الانسان السودانى زى ما قال اخونا
سيف الدولة كامل
العوض هو كل السودان حتى اولئك الذين
بتنعمون فى قلب المدن او فى المهاجر
هم ناسنااو كانوا الى عهد قريب
ونحن ذاتنا حبينا فى البلاط زى ما قالت
واحدة اختنا قبل كدة --
المهم
عاوزين الناس تسجل حضورا هنا زى
ما قلت عشان نعرف (حاجة) !!
هاكم شوفو العوض الجنوبي دا :
http://www.youtube.com/watch?v=GWTdIqWe97Y
|
Post: #88
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-10-2009, 08:34 PM
Parent: #87
مساء الورد
|
Post: #89
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: سمية الحسن طلحة
Date: 09-11-2009, 05:08 PM
Parent: #88
محمد عمر الفكي
فرخ أب سنقر الفي البيضة بنقر
خليت ليك مكان الزاكياب دي مخصوص عشان تجي ترد عليها لآنك أحق بها
رغم إني معاي الحكاية كاملة ياأخوال الجبل الأشم جبل الحدبد أبشام
سلامك وصل تسلم من كل سوى يارب ورمضانك كريم ياود الكرام .
عمر صديق
تحية وإحترام
عبرك تحايا رمضانية خاصة للشاعر البلولة حاج علي
خالد عنان عمر
يسعد مساك
|
Post: #90
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: شول اشوانق دينق
Date: 09-11-2009, 06:59 PM
Parent: #89
سجل عندك يا ود عنان لسببين:
1- أخوى الكبير درس فى شيخ لطفى
2- شول بيعنى عوض
إن شاء الله كفاية السببين ديل
رمضان كريم وكل سنة والجميع بخير
|
Post: #92
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: محي الدين جبريل
Date: 09-12-2009, 08:42 AM
Parent: #90
سجل ياخالد
مع إنى جيت متأخر
لكت قيد اول زول
وماقلتوا المواعيد متين
0912209577
ودجبرين
|
Post: #93
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: SAIF MUstafa
Date: 09-12-2009, 01:20 PM
Parent: #92
الأخ ود عنان
سلامات .. و رمضان كريم
وربنا يزيد ويبارك
دعوتك دى شفناها وفاتت إضنيننا...
بس كنا عشمانين ترسل لنا الوليدات.. .فيشان قلنا المتل أولا د عمك خبارو بعزموه بالكروت وجرايد بكرى...
وهسع خفنا رمضان يكمل.. وشايفين ضيوفك كتار وفيهم أكابر.... أها قلنا نصلكم فى بكانكم نكرم ضيوفكم معاكم ونلومك لى كبارك..
وعندنا طلب برضو... نحن جايين من بعيد ومعانا ضيوف... الزول الفى الصورة دا عمدتنا هنا .. نغشاكم نفطر معاكم وبعدين نسوقك أنت وضيوفك و نواصل لا سافل..
تحياتنا لكل أهل حجر العسل وكان ما خايفين من نتلوم ننسى زول كان ذكرنا أسامى صغاركم وكباركم..
تحياتى للجميع
وأنشا الله عامرين
سيف
|
Post: #101
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-13-2009, 06:39 PM
Parent: #93
Quote: دعوتك دى شفناها وفاتت إضنيننا...
بس كنا عشمانين ترسل لنا الوليدات |
حبيبنا سيف مصطفى
مساك سعيد ورمضان كريم
والله كان حارين الوليدات بقدرو يصلوك ما بنقصر
اصلهم الوليدات من امس حمارتن وقعت فى عيش ود البصير
وساقوها المسانيح ودوها سوكرة القريقريب وقالوا الا
عشرة جنيه غرامتا -- ولا هسي نحن نحنس فى الغفير عشان
يخليهن خمسة-- دحين امسحا لينا فى وشينا يا اخوى.
Quote: . الزول الفى الصورة دا عمدتنا هنا .. نغشاكم نفطر معاكم وبعدين نسوقك أنت وضيوفك و نواصل لا سافل..
|
يا اخوى تعال بي عمدتك وحرم كان ما ضوقنا كبدة البل
ما يفوتنا بس خايفين ضيفك يضوق كرامتنا تانى يابا القومة
وتروح علينا السفرة ...
| Quote: تحياتنا لكل أهل حجر العسل وكان ما خايفين من نتلوم ننسى زول كان ذكرنا أسامى صغاركم وكباركم.. |
يا ريت يا سيف تذكر ناس لو بتعرف من ناس حجر العسل
ودمت فى نعمة ربي وعافيته
|
Post: #98
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-13-2009, 03:20 PM
Parent: #92
Quote:
سجل ياخالد
مع إنى جيت متأخر
لكت قيد اول زول
وماقلتوا المواعيد متين |
ازيك يا ود جبرين
ومنورين يا الارباب
الحقيقة انو الموضوع ما افطار بقدر ما هو طرق على الموضوع
بصورة فيها نوع من النقاش المباشر لمسالة العوض ومسالة الظلم
والعدوان اللفظى التم فى النكتة بتاعة محمد موسي -- نحن هنا يا
يا ود جبرين دايرين نقول انو محمد موسي كان غلطان وجانب الحقيقة
والصواب بتعميمه المخل وانو الوضع دا اضر بي ناس كتيرين جدا واساء
اليهم اساءات كبيرة -- فى حين انو بتلقى الناس ديل نفسهم والذين تاتيهم
المذمة من ناس محمد موسي -- تجدهم يعتبرون ناس المدن اى كلام -- تجد الواحد
منهم يقول لك : هه دا ود مدينة ساكت !!
دا هو كل الموضوع يا ود جبرين
وليس موضوع فطور او خلافه
ورضان كريم
|
Post: #96
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-13-2009, 01:43 AM
Parent: #90
Quote: سجل عندك يا ود عنان لسببين:
1- أخوى الكبير درس فى شيخ لطفى
2- شول بيعنى عوض
|
حبيبنا شول
العوض الجنوبي
ياخ والله انا اسعد ما اكون اليوم
بمداخلتك التى ادخلت على من السرور
ما لا يمكن وصفه -- وسعدت اكثر بالتعرف
على ثقافة الاسماء ومعانيها عند الجنوبيين
ويا ريت يا شول تقوم تجيب لينا امثلة تانى
للاسماء الجنوبية ومعانيها لانو دا رصيد معرفى
نحن فى اشد الحوجه ليهو .
شكرا شول وسعدنا بك جدا فى شدرة العوض الضليلة
وتغشاك مودتى وفائق تقديري
|
Post: #97
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: يوسف الخضر
Date: 09-13-2009, 02:40 PM
Parent: #96
أها ياخوانا...........
الفطور متين ووين؟؟؟؟؟؟؟
رمضان انتهي وانتوا لسة بتسجلو!!!!!!!!!!!
ولا ده بوست حكي بس؟؟؟؟؟؟؟
|
Post: #99
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: عزام حسن فرح
Date: 09-13-2009, 03:28 PM
Parent: #97
خالد عنان عمر ...
| Quote: وقراصتا بي ملاح التقلية المو خمج |
جابتليها صلبطه كمان يا خوي ... قُراصه شنو
البعرِفوها <أهل العَوض> علشان جِنِس صلبطتكُم
دي فوق الشي الماهو هيلكُم الواحِد بِتْجنبكُم
القمِح أكان عِرفو <أهل العَوض> بِسوهو نِقيمات
صباح العيد ، تاني شوقُم ليهو ... فيكُم كرم
وفيكُم مُروة عِلا القُراصه خلها دي حقتنا تب
|
Post: #100
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: نورالدين بابكر بدري
Date: 09-13-2009, 06:28 PM
Parent: #99
Quote: لكن مر الجواب دى وين ما عرفتها
عربي جزيرة
ولا عربي خرتوم |
أخوي خالد عنان
ليك مني ألف سلام
قرية الزبيرات ريفي طابت الشيخ عبد المحمود
وكانت تسمى فيما سبق بمر الجواب
وتحول الاسم إلى الزبيرات ( منسوبة للزبير باشا
- وهي تقع غرب طابت بحوالي 5 كيومتر
بعدين عرب جزية نزحنا للخرطوم بحثا عن سبل الخدمات
التي أصبحت حصرية على العاصمة فقط
ما تقول لي طابت دي وين؟
كن بألف عافية
ود البدري
|
Post: #106
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-13-2009, 08:44 PM
Parent: #100
Quote: أخوي خالد عنان
ليك مني ألف سلام
قرية الزبيرات ريفي طابت الشيخ عبد المحمود
وكانت تسمى فيما سبق بمر الجواب
وتحول الاسم إلى الزبيرات ( منسوبة للزبير باشا
- وهي تقع غرب طابت بحوالي 5 كيومتر
بعدين عرب جزية نزحنا للخرطوم بحثا عن سبل الخدمات
التي أصبحت حصرية على العاصمة فقط
ما تقول لي طابت دي وين؟
كن بألف عافية
ود البدري |
الاخ نور الدين تحياتى وسلامى العاطر
يغشاكم وجميع اهلى فى الزبيرات وطابت
بلد شيوخنا العركيين اهل اللوح والدواية
اعرف تلكم المضارب وقد زرت طابت من قبل
وتجولت فى الجزيرة الخضراء رغما عن انى
من نواحى شندى ((منطقة حجر العسل))
واسكن الان بالمدينة الخرطوم واعمل تقنيا
طبيا ومن يرانى يعتقد انى احد حناكيش
الخرتوم المدللين الحبو فى البلاط!!!!! ولكنى
كما تعلم منحاز لكل اهلنا الجميلين فى ريف
السودان الممتد من حلفا الى نمولى .
ولك تحياتى النواضر
|
Post: #104
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-13-2009, 07:32 PM
Parent: #99
Quote: جابتليها صلبطه كمان يا خوي ... قُراصه شنو
البعرِفوها <أهل العَوض> علشان جِنِس صلبطتكُم
دي فوق الشي الماهو هيلكُم الواحِد بِتْجنبكُم
القمِح أكان عِرفو <أهل العَوض> بِسوهو نِقيمات
صباح العيد ، تاني شوقُم ليهو ... فيكُم كرم
وفيكُم مُروة عِلا القُراصه خلها دي حقتنا تب
|
الله الله الله
يا عزام يا اخوى قلتو وقلتو وقلتو
وغالتونا فى اسامينا كمان جايين
تغالطونا فى القراصة ؟؟؟ آآآآآءء
هسع انت بي طاقيتك وعراقيك وسديريك
دا فرقك من العوض شنو يا اخوى
بعدين القراصة دى وحدا مى حقة زول
فى مروى تلقاها وفى الحصاحيصا تلقاها
وفى الدمازين تلقاها وانا لقيتا فى جوبا
كمان اها رايك شنو ..
والله انا شايف بدل غلاتك دا
اخير تتلم علينا وتجى تحضر فطورنا دا
عشان نعرف قراصتك فرقا من قراصة العوض شنو
تسلم الحبيب عزام
|
Post: #112
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: Nasruddin Al Basheer
Date: 09-16-2009, 11:25 AM
Parent: #99
سجلني يا ود عنان
أنا من أعوض الناس في المنبر ده..
|
Post: #103
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-13-2009, 07:02 PM
Parent: #97
Quote: أها ياخوانا...........
الفطور متين ووين؟؟؟؟؟؟؟
رمضان انتهي وانتوا لسة بتسجلو!!!!!!!!!!!
ولا ده بوست حكي بس؟؟؟؟؟؟؟ |
يوسف الخضر
مافى فطور يا زول الموضوع ما ونسة بس
زى ما انت متخيل لكن هو تناول لموضوع
العوض المظلوم بي طريقة فيها نوع من
العدوان على الناس ديل المشار اليهم
والمموز اليهم باهل العوض نحن دايرين
نقول انو الرمزية المسيئة دى ما صحيحة
وما فى محلها ونفرد مساحات من النقاش
حولها بصورة حوارية خفيفة بعيدة من
التشنج والعصبية وبدون ما نسيئ لى زول
تحياتنا لك يوسف ومودتنا
|
Post: #111
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: يوسف الخضر
Date: 09-16-2009, 11:09 AM
Parent: #103
Quote: يوسف الخضر
مافى فطور يا زول الموضوع ما ونسة بس
زى ما انت متخيل لكن هو تناول لموضوع
العوض المظلوم بي طريقة فيها نوع من
العدوان على الناس ديل المشار اليهم
والمموز اليهم باهل العوض نحن دايرين
نقول انو الرمزية المسيئة دى ما صحيحة
وما فى محلها ونفرد مساحات من النقاش
حولها بصورة حوارية خفيفة بعيدة من
التشنج والعصبية وبدون ما نسيئ لى زول
تحياتنا لك يوسف ومودتنا |
والله أمانة مابالغت ياخالد!!!!!!!!!
هسة أنا أجهز في نفسياتي الاقي اهل العوض السريين ناسي الفي المنبر،،
وتجي تقول لي ماعارف شنو رمزية وشنو ماعارف؟؟؟
صعبتها يا خالد!!!!!!!!!!!!
|
Post: #102
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-13-2009, 06:50 PM
Parent: #89
Quote: خالد عنان عمر
يسعد مساك |
الغالية بت ود طلحة
ممتنون لك دوما بحضورك البهى
ومرورك العاطر مرارا بمضاربنا...
نعمة ربي تغشاك وعافيته
|
Post: #105
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: SAIF MUstafa
Date: 09-13-2009, 08:24 PM
Parent: #102
الأخ خالد
سلامات
تعرف أنا ما عارفك وين.... لكين عشان نقرب ليك المسافة .. أسأل منى دكتور عادل فضل الكريم ولا ود العشاى ..
شفت جيل ألأتنين ديل كلهم بعرفهم..
يازول بى أختصار كدى أى زول درس فى ألأهلية شندى فى أول الثمانينات أو فى جامعة الخرطوم بعد داك بعرفه وبعرف أهله..
وقريبكم شيخ بابكر محمد الحسن الشايقى وأخوانه نحن أقرباهم النفيعاب ... وقع ليك؟؟؟- وش مبتسم- .آيوة أهلهم النافعاب الفى بالك ديلاك برضو أهلنا...
وكمان برضوا فى أول التسعينات كنا بنمشى هناك... الوكت داك كنت بشتغل فى البنك الأسلامى السودانى وكنا مسؤولين من تمويل المشاريع الزراعية...
تحياتى لكل للجميع
بالمناسبة الزول الفى الصورة دى عمدة واشنطون.. .. باقيلك بنقدر نخلى بى ورانا؟؟؟
تسلم
سيف
|
Post: #107
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: othman mohmmadien
Date: 09-13-2009, 09:43 PM
Parent: #105
طيب سجلنا ماأشتغلتوا بينا يعني نسحب مداخلتنا...
|
Post: #108
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: خالد عنان عمر
Date: 09-15-2009, 03:28 PM
Parent: #107
| Quote: ماأشتغلتوا بينا يعني نسحب مداخلتنا... |
ياسلام يا عثمان
والله مداخلتك من اقيم المداخلات المرت على البوست
لكن المشكلة انو النت عندنا هنا تعبان اليومين ديل
لدرجة انى للان ما قدرت اكمل اقرا البوست بتاعك القديم
القيم فى ذات الموضوع -- بعدين لو قمت انت انسحبت البجينا
منو يا عثمان اخوى
انا جاييك تانى
|
Post: #109
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: مصطفى احمد الضو
Date: 09-16-2009, 02:32 AM
Parent: #108
الأخ ود عنان
والله ما قصرت مع ناس أهل العوض..
ولكن مسعووووووووول من الخير.... نحن ناس قريعتي راحت،، فطورنا متين؟؟
*****
سلام كتير
|
Post: #110
Title: Re: الإفطار السنوى لأهل العوض بالبورد -- أسرع سجل -- لا يوجد خجل
Author: عادل نجيلة
Date: 09-16-2009, 03:05 AM
Parent: #109
Quote: جلس السفير الصيني بالخرطوم القرفصاء مع عدد من سكان قرية النوبة، جنوب الخرطوم نحو «52 كيلو متر» وتناول مساء أمس الأول إفطار رمضان بعد أن أوقف عدد من رجال وشباب النوبة السفير، كما هو حالهم مع سائر العربات التي تعبر طريق مدني وقت إفطار رمضان..!
كان السفير الصيني ووفده عائداً من منطقة الدمازين، حيث افتتح هناك مستشفىً صينياً. قد تبادل السفير الذي يجيد اللغة العربية الأحاديث الودية مع مضيفيه بمنطقة النوبة، كما قام بعد الأفطار بتفقد مستشفى النوبة ووعد بدعمه. يذكر أن للصين دوراً كبيراً في تعبيد ورصف شارع الخرطوم مدني بورتسودان منذ عدة عقود.
الوطن |
أها يا جماعة شن قولكم .. سفير أقوى دولة في العالم حاليا يتناول إفطار رمضان مع أهل العوض ..
|
|