Post: #1
Title: الخبرالطنشوه ناس المنبر هنا: الوكالة الدولية تجيز المفاعل النووي السوداني والتصنيع يبدأ قريباً
Author: ghariba
Date: 09-06-2009, 03:34 PM
Quote: المفاعل النووي السوداني
--------------------------------------------------------------------------------
الوكالة الدولية تجيز المفاعل النووي السوداني والتصنيع يبدأ قريباً
أجازت الوكالة الدولية للطاقة الذرية تصنيع المفاعل النووي السوداني وأكدت الهيئة العامة للطاقة الذرية التوصل لاتفاق مع المعهد الصيني لتصنيع المفاعل النووي قريباً وكشف مدير عام هيئة الطاقة الذرية بروفيسور محمد أحمد حسن الطيب في تصريحات صحفية عقب مراسم توقيع مذكرة تفاهم مشترك بين الطاقة الذرية ومجمع صافات للطيران عن بدء تجميع المصادر الإشعاعية وحفظها بصورة آمنة بالتعاون مع الوكالة الدولية للطاقة الذرية وشركة التقنيات الذرية بجنوب أفريقيا وأكد المدير العام أن المذكرة نصت على تقديم خدمة الاختبارات غير الاتلافية واستخدام تقنية الكشف الاتلافي لكشف التشوهات وتجنب التلف ومعالجته تفادياً لحدوث أعطال أثناء رحلات الطيران واتفق الطرفان على تكوين آلية متخصصة لانفاذ بنود المذكرة وتكوين مركز تدريب ومبان لرئاسة الطاقة الذرية ووقع المذكرة من جانب الهيئة المدير العام بروفيسور محمد أحمد حسن الطيب ومن مجمع صافات المدير العام اللواء ميرغني إدريس سليمان. وأكد نائب مدير مجمع صافات محمد إبراهيم أن الغرض من المذكرة تسهيل التعاون بين هيئة الطـاقة الذرية والمجمـع وأكد أهـمية خدمات الفحـص والتفتيـش بالتـأكد من جودة الطائرات خـلال مراحـل الصيانة والتصنيـع التزاماً بالمعـايـير والمقايـيس، وقال إن تقنية الكشف اللا اتلافي تستخدم في الطيران وخطوط البترول والمباني والطرق والكـباري واصفاً المجال بالسودان بالمتقدم وأكد السعي لنقل التجربة للدول المجاورة.
|
|
Post: #2
Title: Re: الخبرالطنشوه ناس المنبر هنا: الوكالة الدولية تجيز المفاعل النووي السوداني والتصنيع يبدأ قري
Author: jini
Date: 09-06-2009, 03:38 PM
Parent: #1
طيب انتوا وكت رجالا بتسووا المفاعلات النووية لزوم السدود شنو وتوليد الطاقة الكهربائية باساليب متخلفة عفا عليه الدهر!
المفاعل النووى دا طعم لو بلعتوهو الا تطلعوهو فى المقابر!!
جنى
|
Post: #3
Title: Re: الخبرالطنشوه ناس المنبر هنا: الوكالة الدولية تجيز المفاعل النووي السوداني والتصنيع يبدأ قري
Author: Abuzar Omer
Date: 09-06-2009, 03:51 PM
Parent: #2
| Quote: لزوم السدود شنو وتوليد الطاقة الكهربائية باساليب متخلفة عفا عليه الدهر! |
ياخ أستغفر!!!
فى زول عندو توليد مائى، مشى عمل مفاعل؟؟
و الكلام ده لاآآ غريبة برضو
بس عشان شنو؟؟؟ تكلفة، المخاطر، سهولة التشغيل، البيئة، ...
ورينى مميزات التوليد النووى بالنسبة لآآ عالم عندها المصادر التقليدية و المتجددة؟؟؟
تصرفوا أموال الشعب المبتلى بدون أى فهم...
|
Post: #4
Title: Re: الخبرالطنشوه ناس المنبر هنا: الوكالة الدولية تجيز المفاعل النووي السوداني والتصنيع يبدأ قري
Author: حمور زيادة
Date: 09-06-2009, 04:01 PM
Parent: #3
يا جني ..
سؤال عاجل ..
الوكالة الدولية دي مش تبع المجتمع الدولي المعادينا و مستهدف مقدراتنا و رمز سيادتنا و نحن بنرد عليو بالتنمية ؟
وله الوكالة دي تابعه لحتى تانية ؟
اشرحوا لي يا ناس ..
يعني مشينا للمجتمع الدولي العدو العمل لينا اوكامبو و محكمتو الباطلة نستأذن منهم نعمل مفاعل نووي و خلونا ؟
يا الناس ديل كويسين .. يا المفاعل ده حاجة كعبة.
ـــــــــــــ
المهندس صلاح غريبة - اخبار نووية.
الخبر ده نزل بيو بوستين قبل ايام. و حقك ده التالت.
|
Post: #5
Title: Re: الخبرالطنشوه ناس المنبر هنا: الوكالة الدولية تجيز المفاعل النووي السوداني والتصنيع يبدأ قري
Author: ALazhary2
Date: 09-06-2009, 05:01 PM
Parent: #4
.
.
الأخ الكريم صلاح غريبة
كل عام وانتم بخير
ياريت قبال المفاعل النووي ،الحكومة تتفاعل مع مرضى الكلي المساكين وغيرهم من أصحاب الأمراض المزمنة.
دعواتي للجميع بالصحة والعافية .
نداء إستغاثة عاجل لحكومة الخرطوم :مرضى زراعة الأعضاء لا...هم أمانة في أعناقكم
تحياتي وتقديري
.
.
|
Post: #6
Title: Re: الخبرالطنشوه ناس المنبر هنا: الوكالة الدولية تجيز المفاعل النووي السوداني والتصنيع يبدأ قري
Author: هشام مدنى
Date: 09-06-2009, 06:25 PM
Parent: #1
والله ما طنشوه لكن الأمطار كانت شديدة وشديدة جد
تصوم وتفطر على خير يا أستاذ غريبة
التعديل نووي
|
Post: #7
Title: Re: الخبرالطنشوه ناس المنبر هنا: الوكالة الدولية تجيز المفاعل النووي السوداني والتصنيع يبدأ قري
Author: khalid abuahmed
Date: 09-06-2009, 06:45 PM
Parent: #6
حقو يسموك ..بائع القريبة..!!.
|
Post: #9
Title: Re: الخبرالطنشوه ناس المنبر هنا: الوكالة الدولية تجيز المفاعل النووي السوداني والتصنيع يبدأ قري
Author: Abuzar Omer
Date: 09-07-2009, 05:34 PM
Parent: #8
البوسط الطنشوه أسياده
ما وريتنا المفاعل النووى بلد زى السودان ده داير بيه شنو؟؟؟
ولاا زى البكور و خلافه واحد نام بالخيرة و صحى قال يا جماعه سوهو لينا!!
و بعد داك خلا الموضوع للناس البتلفح ساى..
أمانة عليك ياغريبة ما تجى تدينا محاضرة قيمة فى الموضوع ده!!
|
|