الدعوه عامه هي محاوله للخروج من كواليس الغربه والغرب او بلدان المهجره مجتمعه او اخراج اهل الحضر مره من سخب المدنيه وضوضائها لدنيا الريف البسيط حلتنا هي واحده من قراي اواسط السودان كيف الوصول لها نشرح ليكم بعد الموافقه علي الدعوه الاكل شنو الشراب كيف برضو لمن نضمن مرافقين اها منتظركم
نسهل ليكم الطريق عشان الحناكيش ما يخافو من فطور الخلاء دا الجاي من الشرق ينزل الفاو الجاي من الشمال ينزل لينا مدين او الحاج عبدالله الجاي من الغرب او الجنوب الغربي ينزل لينا سنار والجاي من الجنوب الشرقي ممكن نجيهو في الدندر ولا السوكي اها قولكم شنو ؟
شكلكم خايفين من الخلاء و ال...... بس الفطور دا مافيهو دفع صدقوني ممكن تكون فيهو مشاق للحناكيش بس الغبش زي عبدالله وداعه واسياء ربيع بتحملو كدي بيضو النيه
Post: #4 Title: Re: ممكن تتفضلو معاي فطور في حلتنا ؟؟(( فطور الخلاء )) Author: سيف الدولة كامل Date: 09-04-2009, 10:55 PM Parent: #3
الرشيد ,, والله نحن بعيدين ,,, لكن ما بنزعلك بنقبل الدعوة
سيف الدوله رمضان مبارك عليك حصل في انسان قال ليك انو ابستامتك دي مريحه جدا ماشاء الله عليكي يكفيني ابتسامتك والبعيد الود بقربو اها انا فطوري قائم ملح ومصر عليهو مودتي
انا متاكد فطوري دا فيهو اشياء واحداث ما بتكون طافة باخيلة الكثيرين من عمالقة البورد او حتي القراء من الخارج المهم تحذير مافي شوربه ومافي شبس ( بومسه دا بالالماني طبعا ) الشبس دا لحدي الليله ما شقا حلتنا كيس منو تب الشوربه ما بنسويها الا لزول عندو تايفويت ولا ملاريا قرر ليك الدكتوري علاج كيماوي المرجو مراعات الفوارق المطبخيه
يعني نعتمد سيف الدوله والخال عبدالله وداعه وستهن اسياء ربيع المهم في الامر انو الابري نبلو قدر شنو والوبا العدسي للبليله كمان يكون كم وديل اهم عنصرين في الفطور عشان الناس ما تنخدع تقطع المسافات للخراف المحشيه وتلقي الحال تاني لكن هناك مفاجات تنتظركم
Post: #8 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-05-2009, 00:19 AM Parent: #7
خلاص مدام ناس البورد متعالين نعتمد 10 من القراء بكون كده عدد الضيف مشرف يعني الخبر لما يعم البلد يكون في شي ما في الفاضي
Post: #9 Title: Re: ممكن تتفضلو معاي فطور في حلتنا ؟؟(( فطور الخلاء )) Author: سيف الدولة كامل Date: 09-05-2009, 04:20 AM Parent: #8
تسلم ياالرشيد من طيب اخلاقك
Post: #10 Title: Re: ممكن تتفضلو معاي فطور في حلتنا ؟؟(( فطور الخلاء )) Author: Ahmed Abdallah Date: 09-05-2009, 05:06 AM Parent: #9
والله الواحد كان بودو يجامل وكده لكن ما باليد حيله لكن ما بنزعلك رسل لينا دلفري حبة رمله من خلاكم وحبة بليلة وكل سنة وانت طيب ورمضان كريم
Post: #13 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-06-2009, 00:55 AM Parent: #11
وجن ان وقفت عديل ان مشت بحرافه وجن ان جلست معاك زمنك بروح في هيافه العيون كهارب وسنون كشافه وجن ما بتحمل شمش ومن القمر خوافه
حبابك الف رفيقه بت اصول في مشواري دا بعد دا الرحله ح تبداء والبجي متاخر بنجيهو في البحر ونسوقو الحله اترقبو بداية الرحله والاستعداد لفطور الخلاء
Post: #12 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-06-2009, 00:47 AM Parent: #10
احمد ميزان الدهب بحر الدميره الهاج كرب لضيوفو قام كبه كب احمد قدامي في الراي لي سبب
حبابك الف انت سيد بيت وسيد بلد سندته ضهري تب يا ود عمي اها العدد زاد
Post: #14 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-06-2009, 02:20 AM Parent: #12
الان نحاول الاختصار في شرح طريقة الوصول الي قريتنا سيكون في اتجاهين علي حسب اتجاهات المدعوين الاغلبيه ستاتي من العاصمه او من بلاد المهجر الطريق الاول بعد عبور كبري حنتوب يسلك الركب طريق ترابي تجه جنوبا ويميل الي الشرق قليل يمر عبر الشبارقه متجا الي منطقه دوبه ومنها يمر علي مجموعه صغيره من القري حتي يصل قريتي 44 وداونسه الطريق الثاني يخرج في اتجاه الجنوب من قلب الجزيره مدني حتي يصل مدينة الحاج عبدالله ومن هناك عبرو النيل الازرق بواسطه بانطون المحليه بعد الخروج من البانطون تمر المسيره عبر قريت ابوريش , كانديك ,العيدابي ,العمارات و 44 وداونسه اما عن طريق سنار فهو طويل وشاق وعندنا بص واحد بطلع الثالثه بعد الظهر من مكوار لو فاتك الا تبيت
في بعض الاحيان عندما يكون الجو جميل تتجمع النساء بعد الفراغ من صلاة العشاءاما بيت ناس عمتي السيده ويتابدلن الاخبار ما دار اليوم ؟ ومنو الفاطر معاكم امس والليله وبكره ظ ام الرشيد يا فاطمه يابتي بكره ما تجيبي لي راس حطب راس حطب يا اهل الخيال ما تتوسعو شديد ما راس شيتنا تاني
انتي يا فائزه تعالي عوسي لي جردل كسره الصفاء وهي دائما تمثل السر قدور في هذه القاءت اجي يا ام الرشيد الداير يعرس ليكي منو في رمضان لا لا الرشيد عازم ناس الربرباب قال جاينو فيهم ناسا من امريكا والسعوديه ولندن يا امي حرام عليكي مش الربرباب البورتاب اسكتي انتي فلهمتك الجبتيها لينا من الجامعه الليلت الخرطوم دي ماني دايراها امشي امسكي كاتبك وما بندور رايك تب بس كده خطاء يا ماما ماما ماما كمان انجما التبلعك ويضخكن قبل الفراق مع موافقت فاطمه وفائزه علي المعوانه
نواصل الليله كان الله هون بفطركم تب في حلتنا
طبعا راس الحطب عشان الكسره بعوسها في الدوحك او الصاج والحطب هو الوقود
الرشيد ياولدي ما عيب عليك نايم الواضطه ضحت (( اي وقت الضحي دخل )) ات لسه نائم ات ما قلت جاينك ضيوف وضيوفا كتار قوم اولدي شوفلك عجل ثمين اضبحو ياابوي اولا الناس ديل بجو فطور ولسه عندنا زمن تاني شي عجل شنو يا ابوي ديل اصحاب عبر الاسير يعني بكره لو كتبته حاجه ما عجبتم في المكان البنلتقي فيهو دا سودانيزاونلاين بتسمع ما لا يرضيك انا كلامك الفات دا فيهو شي ما فهمت الا ما مشكله قوم شوفلك عجل يا ابوي لو عندكم خروف عيان ولا مكسور خلونا النضبحو وخلاص افو افو انا ابوك اا وداد كيفن بضبح المكسوره لي ضيوفي افو اتلوته او لدي
يا احمد ادخل الزريبه جيب ليك عجل ياحاج اسكت يا ولد
Post: #17 Title: Re: ممكن تتفضلو معاي فطور في حلتنا ؟؟(( فطور الخلاء )) Author: فيصل محمد خليل Date: 09-06-2009, 05:19 PM Parent: #16
لا اريد ان احول مجري الحلم ولكن دخول فيصل ايغظ في زكريات طفوله بديعه حيث اصدقاء الطفوله من الحلفاوين الذين ساهمو في قيام ونجاح مشروع السوكي الزراعي وازكر هنا صديقين من ابناء حلفا زكره ضعيفه ابراهيم عبدالله ابرهيم احمد عبدالله ابراهيم كما ازكر ايضا المحس اصدقاء الطفوله ايضا نذار عبدالعزيز محمد نور حقار واسرته الكريم وهؤلا هم من اهل جزيرة بدين جميعهم جاء الي المنطقه في مطلع السبعينيات حينما اقام الشيوعين مشروع السوكي الزراعي الذي خطط بيارته وقنوات ريه المبدع المرحوم المهندس مرتضي احمد ابراهيم ذلك شيوعي الفارس القوي الشخصيه والذي يزكره اهل المنطقه حتي اليوم لك ودي اخ فيصل وكل ما خطر ببالي صديق طفوله من جهتكم ساورد اسمه حتي اذا سمح الظروف القاه بعد اكثر من 30 عاما
كاك كاك كاك طاخ طراخ يا شفع الحاصل شنو جارين ؟؟ مالكم جارين دايرين ؟ نقبض جدادة الصفاء( دجاجه ) قالت دايره تضبحه للضيف والله كتر خيره بس هي عندها تاني جداد لا والله عنده بس الجداده الحمراء دي ياولد محمد تعال افتح الدكان دايرين لينا دقيق محمد علي جارنا كمان باع كلتين عيش عشان يشتري ليهو دقيق وزيت وسكر داير يعمل مدور للضيف ان شاء الله بس هم يعرفو المودور دا شنو
نتواصل
Post: #22 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-07-2009, 01:45 AM Parent: #21
يكون صحن بليلة (لوبة عفن) بالملح بس وبدون زيت ياخي انت شكلك ممكون شديييييييييييييد طبعاالوبه العفن هنا في الغرب موجود بتفننو في تعليبو لكن ناسي الوافقو علي الفطور ديل كان قرو كلامك دا اياهن الغيرو رايهم مودتي يا حنين
Post: #27 Title: Re: ممكن تتفضلو معاي فطور في حلتنا ؟؟(( فطور الخلاء )) Author: جلال عثمان Date: 09-08-2009, 00:02 AM Parent: #26
Quote: حتي يصل قريتي 44 وداونسه
44 ودتكتوك - 12 سالمة - 18 مهلة - 44 ود اونسة هي تفاتيش مشروع السوكي الزراعي وتعتبر ود تكتوك هي عاصمة المشروع او التفتيش الاول ... ياسلام يالرشيد ياخ رجعتني غايتو زي 30 سنة لي وراء حيث كنا نسكن 12 سالمة واحدة من اجمل واروع مناطق البساتين في السودان في ذلك الوقت - وكنا بالطبع ندرس في (ود تكتوك) حيث مجمعات المدارس - والمستشفي - ورئاسة المشروع على العموم جايك تب للفطور وذكرى تلك الايام الخوالي
يازول ... زاد الحبان ليهو بكان
Post: #28 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-08-2009, 00:11 AM Parent: #27
لن اقول ان مرورك اسعدني لن اقول ان مرورك سرني ولكن اقول لك دخلتني نشوه كما دخلت في روح ذلك الجميل الذي تضع صورته في البروفايل لا دري ماذا اقول لك انت بن بيت ولا حوجه للحليفه عليك بس كل الدايرو منك افرد شراعك واسبح بينا في تلك الايام الخوالي وفي تلك البقاع الجميله سابقا لك مودتي
Post: #29 Title: Re: ممكن تتفضلو معاي فطور في حلتنا ؟؟(( فطور الخلاء )) Author: جلال عثمان Date: 09-08-2009, 00:35 AM Parent: #28
شكرا الرشيد اخوي على الترحيب والمعاني الساميات ويالها من أيام تلك التى قضيناها في تلك الرحاب الطيبة هي ثلاث سنوات لازالت عالقة بالذاكرة في اواخر السبعينات وكنت حينها في الصف الرابع الابتدائي، تصور وحيث اصاب الذاكرة الآن ما اصابها لكن لازلت اذكر جيدا الكنار (القنطرة) واللندروفر يعلوها ونحن في طريقنا بصحبة الوالد في طريقنا الى ود اونسة ومنها لمكان بقرب النيل الازرق حيث نصطاد الحباري ولازلت اذكر البساتين واشجار الرمان حيث كانت المرة الاولي التى اعرف ان هنالك فاكهة اسمها الرمان. ولن انسى ماحييت مشروع زراعة البصل في سالمة ذلك المشروع الرائد حينها ولن انسى ماحييت (ولفة الطير) و (التلال حق الشبكة) الرشيد انت يا اخوي بتعرف تشرك للطير وكثير من الجمال كان يكسو تلك المناطق ... ولكن آآآهه كل ذلك اصبح فقط ذكري وبس ادعى معاي يالرشيد الله يجازي الكان السبب في الخراب الحاصل الآن
ياخوي ماشي اتسحر على خفيف ... دحين الفطور مو بكرة
تخريمة: الفي البروفايل ده ولدي محمد وقال ليك هاي عمو الرشيد شفت شفع الزمن ديل
Post: #30 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-08-2009, 00:57 AM Parent: #29
ابداء بمحمد هاي وتاني هاي يا محمد يا جميل شكرا جلال ياخي انا نسيت موضوعي زاتو اول مره يقابلني شخص بيعرف منطقتي ويعرف انو في سبعيتيات القرن الماضي كنا نجني الرمان من بساتين وداونسه وسالمه ومهله مدام كان في رمان ممكن يكون في اي نوع من الفواكه التانيه علي سبيل المثال للاسف والعبره اعترت حلقي الان ان اطفال وداونسه في العام 2001 وفي شهر يوليو اعلن التيم الطبي الذي يزور المنطقه من جامعة سنار اعلن ان 80 % منهم مصابين بالعمي اليلي ودا بجي نتيجة جوع
نواصل يا ابو محمد والله الحزن اعمي عيوني
Post: #31 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-10-2009, 00:42 AM Parent: #30
ابو محمد لبس الفارس دا عارقي ولابس طويل وتعالو مارقين علي الديوان
Post: #32 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-10-2009, 00:52 AM Parent: #31
العلاله الرابطه قدام الزريبه دي شنو يا محمود ديل البنيات بقشن ( بكنسن ) في الفسحه اليلت الديوان سمح انت اا خالي الرشيد في علالة الديوان العلاله الرابطه فوق الترعه دي شنو بشوف لي عربات جايات علينا ايوه ديل الضيوف اجري اجري فرش الديون اشحد ليك ملايات من عمتك بتول وفرشو السباتات قدام الديوان امرق الكرسي اب كرعان مكسوره دا باقي فيصل نوبي دا عندو كمراء وبفتش للصور الاثريه
لي صباح الليله
Post: #33 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-10-2009, 01:10 AM Parent: #32
السرير دا امرقو جنزيرو مقطوع لا ياخي دا كويس خلاص طارق جاب ليهو سريرين من ديوان ناس صالح اجري انت ياعمر نادي ابوك السماني وابوك النزير قول ليهم الضيف علالتم ظهرت وجيب ليك ابرقين تلاته من ديوان اولاد الزبير البت دي بتتلب جوه مالا امرقي علي النسوان الضيافت ديل دخليهم علي الاوضه الطرف دي يابت ان شاء الله جبتي ملايت ومخدات من بيت رحمه ملايتي الحمره ما تفرشيها مدقه العجل( اكلها العجل ) ارميها في السحاره ما يشونهن الضيفات انت الرشيد اخوي قلت لي النسوان مني ومني بكسر الياء يابت قنا ليك الاستاذه اسياء ربيع و البنيه وجن واحتمال العدد يزيد فصيل قال بجيب حلفاء باقي الحلفاوين ديل ناس نضاف وبنياتم سمحات نعاين ساي في خلق الله دي الليله
الحمد لله الضيوف وصلو يالرشيد ياولدي ايوه ياعمي امشي اقعد معاهم انا واقف مع البنات ديل عشان نمرق الفطور خير لا الجنا الاسمو فيصل دا ظنيتو مرتاح عربيتو سمحه وبشوف قدام بيتكم كمان عربات ايوه ديل النسوان كمان اسياء وجن وكم حلفاويه كده مع فبصل كلهن راكبات عربات تبارك الله الله يوسع ويبارك امين ياعمي نادي ابوك جعفر وابوك محمد نور وخالك احمد وخالك العاقب سريع يا ولد مرحب حبابكم والله مرحب يا حاج وكيفكم انتو سيف بكل خفت دم بلدكم بعيده ياحاج دا فيصا بكل غلظه الفريق انقسم في الطريق ناس جو عن طريق ادكبري حنتوب مرورا بالشبارقه دوبا دشين وداونسه والتيم التاني عن طريق الحاج عبدالله مرورا بقرية ابوريش ؛كانديك العيدابي العمارات بفتح العين حرم حبابك مليون
الرشيد ... حبابك مليون ياخ معليش ياخ والله اللوري (وحلبنا في دوبا) جنس وحلة هي خليها سكت يازول خريف السنة دي والله ما شاءالله تبارك الله السعية السنة دي عوجة تب مابتجيها ... أها عراريق الشفع ديل بلتن المطرة خلهن الينشفن وبنجيك تب
Post: #46 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-13-2009, 00:00 AM Parent: #45
حباب محمد وابو محمد حرم الوري دا ان وحل في المحيط الا نمرقو مدام عليهو ناسا علينا عزاز صيح يا جنا للرفيع يدور البابور ويلحق الوري دا في مزلقان دوبا السواق المطرطش دا رماهو في (( الفرنقاقه )) عليك الله يا جلال حسي كلمة الفرنقاقه دي الناس ديل بعرفوها لي ؟ والله شرفتنا يا جلال وداونسة كلها في استقبالك لكن الرجعه ما بخليك تمشي بدرب دوبا تب جاتنا ضيفه جديده واظنه راكبه حديده قوي نجاة بت محمود اها بعد دا النمرق الفطور
نواصل
Post: #47 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-13-2009, 00:27 AM Parent: #46
ياولد جيب الاباريق جمع ابريق ياخال جيب جرادل الابري وزعه علي الناس الضيوف ديل ادوهم اليمون طبعا اليمون دا شراب عزيز عندنا سمح يا عمي خليل خت صينيتك دا قدام الصيوف لكن نحن قنا نخت ليهم القدح دا ايوه يا سيف انت اقعد قريب من ابوي شايف باشر عليك شكلو عجبتو صلعتك دي فيصل ياخي انزل علي السباته مالك متعنقل فوق مصدع والله يا الرشيد وبطني طامه افو شفتو الحفاوين ظهرو ناسا ملس وحناكيش انزل انزل املا ضلعك في القمه دي (( العصيده )) حرم كان عندك ضغط يفك جيب ياولد جردل الملاح دا هنا الله يا الرشيد ياولدي دا شنو دا ...
في شنو ياعمي ؟؟ لا لا بس نحن مسوين لينا حلة ام بقبق ما عارف ضيوقك ديل ياكلوها لي ولا لا لا يا عمي انت داير تجيب لينا جريمه ام بق بق شنو ياعمي ديل لو اكلو ليك الويكه دي خير الله يستر انا بليك لي جردل جردقه قنا نحتاط ليهم الشقله بتجيب ليها مقص بعض الفطور الناس دي مصارينا حساسه يا عمي ياولد كب البليله دي خت صحن قدام كل ضيف بليله عدسي وبليله لوبه عفن انت شيل جرادل الابري حسي من قدام الضيوف خليهم ياكلو اول حاضر يا خال قوم يا محمد هارون متمدد كدي انت قايل نفسك في نجيله دي سباته ممكن تطلع ليك عقرب في اي لحظه الاذان باقي ليهو كم ياولد دقيقتين يا خال
ام بق بق ملاح يصنع من الويكه الفرش الطازجه ويشابه ملاح الباميه المفروكه لحد كبير لوبه هفن هو عباره عن صنف بوقليات تشابه حبته حبة الفول المصري لونا وحجما
يا ولد جر القدح دا في النص ارفع التبروقه دي ياخي حرم يقعد معاي انت اخير مني بشنو ياجعرف عندك كلام الصديق مالك ياخي بتكورك مع زمن الفطور ومعانا ضيف عمك دا عامل فيها ارجل مني داير يقعد الضيف كلهم جنبو انا مالي صينيتي فاضيه حرم تقرب من ضيفي ديل الا اخافك خلاص يا عمي عوجه مافي اهو جبنا ليك سيف اب صلعه دا يعقد جنبك وياكل من فطورك الله اكبر الله اكبر ................. لا اله الا الله اتفضلو يا جماعه عمر جيب النشاه دي لخالك عبدالله وداعه دا خلي يفك عطشتو الله مالك يا جلال رفعته يدك من الكسره الرشيد ياخي البتاعه دي قويه افو افو يا ابو محمد طبعا القمه حقتنا لونه احمر داكن يعني ما زي عصيتة ناس البندر يعني لازم يكون عندك اضافرين حادات عشان تقدر تتواصل معانا المهم الجعان بياكل نسوي ليكم شنو قلنا ليكم خلو الحنكشه اخ يالرشيد مالك ياخال يدي ياخي
افو افو يا خال عبدالله الكلام دا ما يسمعو ناس الحله
نواصل
القدح هو انا يصنح من الخشب وعلي الغالب من صنف شجره الهجليج التي تنتج اللوب التبروقه وهي فرشه تصنع من السعف تستخدم لصلاة اللوب دا بتعرفو ولا نشرحو
Post: #50 Title: Re: ممكن تتفضلو معاي فطور في حلتنا ؟؟(( فطور الخلاء )) Author: فيصل محمد خليل Date: 09-13-2009, 06:34 PM Parent: #49
نشاة محبا لدوبيت اعانتني بئتي علي التعرف عليه بتوسع لذلك ابحث في هذا المجال الدوبيت احفظ منه الكثير كتبت واكتب له وعنه ما سبق في الماده التي انزلها اخي سامي العتباني وما انزلت اليوم يعتبر محاوله مني للنم والنم هو اداء الدوبيت في طريقة انشاد هي اولي محاولاتي كانت عباره عن سي دي سجل في يناير من العام الماضي وفيه 13 قصيده وهنا اشكر الاستاذ عبدالله شمو الذي قام بتسجيل في استديوهاته لكل من يرغب من الداخل او الخارج في امتلاك هذا السي دي يسعدني ذلك لمحبي شعر الدوبيت وللراغبين اسعد جدا بارسال له لهم عبر البريد الاكتروني للراغبين فقط ارسال عناوينهم عبر الماسنجر
مرحبتين حبابك جعفر اهلي وعشيرتي فخورين بمقدمكم الميمون فعلا الحزن جاورنا منذ ان نضب الزرع و زجف الضرع في مشروع السوكي الزراعي الذي يضم في حنايها قريتي اشهد الله وهنا شاهد عين بين المتداخلين انني يوما ما كنت اقطف ثمار الفراوله من علي بعد امتار من بيتنا وان ابي قد انتج من فدان القطن في العام 1976 حوالي 12 قنطار قطن وفي هذا العام توج المشروع الاول علي نطاق افريقيا في انتاج القطن والشاهد علي ذلك منظمة الفاو العالميه اليوم يسافر الغلابه الي مشروع الرهد لجلب سيقان القطن ليعمر بها بعضهم بيته سبحان الله هل ذهبت البركه بسبب قلت العطاء منا كمزارعين ام ذهبت البركه ببعدنا عن ربنا لمشاغنلنا بالحياه ام ذهبت البركه بفضل الحاكم الظالم سنعيدها سيرتها الاوله ما حيينا باذن الواحد الاحد
الولد هسه بجي وبجيب فطورنا وبيني وبينك كنت معزوم في رمضان دا عيد ميلاد في بحري ويا زول جابولنا شيء ماعرفناهو اها قلتا اجي اتم فطوري عندكم فطور ما فيهو نعيمية وملاح روب ما فطور جهزوا لينا المويات والاباريق
Post: #59 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-14-2009, 00:36 AM Parent: #57
جميل انك تحب الناس تشيلوم جوه في عينيك اجمل تكون مشتاق شوقووم شايلو باين فيك اجمل تكون مشتاق وكل الناس تفتش فيك وتشتاق ليك
حقيقه كنت مشتاق ليك يا ياخال شوقي
محبتي
Post: #58 Title: Re: ممكن تتفضلو معاي فطور في حلتنا ؟؟(( فطور الخلاء )) Author: عبد المنعم سيد احمد Date: 09-14-2009, 00:33 AM Parent: #56
يازول نحن ناس قراصة ساكت انبقت..ماها فى نص ..الصينية ادونا خاتركم ساى رمضان كريم..وتصوم وتفطر على خير ولقراءك الكرام..كل سنة وانتم بالف خير. ادامها الله عليكم نعمة.
Post: #61 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-14-2009, 01:30 AM Parent: #58
عبدالمنعم حرم الا تتفضل القراصه بنسويها ليك عوجه تب مافي حرم ان درته زول نطبخو ليك ات ضيفنا تشرفت عزيزي بمرورك الكريم
الاخ الكريم /الرشيد كتر خيرك وعفيت منك تب فى شهر رمضان الكريم دا نحن مادارين عزومة جايين ليك تب ومعانا السمك والبصل الاخضر الطماطم الموز الجوافة المنقة الليمون قصب السكر الجرجير الرجلة الخدرا البامبى ومعانا حطب الحريق للكسرة وكمان البيض ومعاه الجداد الاصلى دا كلو كوم وماتنسى البطيخ والشمام . البوكس مليان تب عشان ناس البندر ديل مايرجعوا اياديهم فاضية ولازم اى واحد ياخذ معه كرتونتين تلاتة من الفواكة بتاعة ناس اهلك فى السوكى وتريرات و رونقا وشاشينا والبساطة وقلاديمةوود العيس ومينا والجزاير. بس يااخوى البوكس وحل فى الطين وكسر عامود نص والله يجازى الكان السبب ! وقول لناس البندر ديل يكلموا الرئيس والحكومة لما يرجعوا الخرتوم هناك فى ناس ماقادرين يوصلوا المريض الى مستشفيات الخرتوم وكمان يحكوا ليه حكاية بوكس الفواكه الوحلان دا . وناس الرماش والشلال بكاسيهم مليانة تب بس ماقادرين يقطعوا البحر عشان بنطون السوكى تعيش انت ! قالوا ليك اعتزر ليهم بالانابة عن كل ناس النيل الازرق وجايين ليك بعد الخريف .
وكل دورا اذا متم ينقلب
Post: #62 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-14-2009, 01:36 AM Parent: #60
حباب المك ميزان الدهب حباب المك بحر الدميره الهاج كرب حباب المك لضيوفو قام كبه كب حباب المك قدامي في الراي لي سبب
اهلنا العزاز الفونجاب والله انو البراكم سودا وحرم البانطون دا لي بكره ان صلحو صلحو وان ما صلحو حرم ننزله سفينه ليكم ابشر انا اخو السمحه وغبشه
مودتي يا عزيزي
Post: #63 Title: Re: ممكن تتفضلو معاي فطور في حلتنا ؟؟(( فطور الخلاء )) Author: الرشيد ابراهيم احمد Date: 09-14-2009, 02:23 AM Parent: #62
انت يا خالي التاي مهمتك الناس ديل ياكلو وما يقومو تب بتصويني اا ولدي الحرم البعاند لللقومه جدوتي دي الا تاباهو لا لا يا خال الناس ضيفك كيف بتلجدهم احلف عليهم بس قلت كدي خير ااا ولدي يا زول صلي علي النبي تاكل يا جنا صلي علي النبي تاكل الضيف صلي علي الرسول تاكل ما اكلته ياخي قاصد سيف طبعا عبدالله ود وداعه حرم تاكل حرم ما تقوم لا نخرط الصحن دا سوه حرم ما تقوم اها خير قوم غسل وخليني النجيبلك القهوه كب اجنا امل الفنجان لخالك ودوداعه دا يا عمي التاي بكسر الياء يا جماعه اانت ليه كل الناس دي حلفتها بالرسول عشان تاكل انا لما جيت اقوم حلفته علي حرام عبدالله ود وداعه بدور النصيحه انا البريدو بحلف علي حرام وما بدورو بحلفو بالرسول عارفو ما بعز الرسول والرسو بسود خطوتو
ذكرتنى أياماً خلت ومأساة قطع الخزان أيام الصيانة ودخول الونش ... وتذكرت الطريق المبارى ترعة مكتب كساب التى يتفرع بعدها لطريقين
الاستاذ الكريم ابو بكر حبابك الف مقدمك العزيز اكرمني فانت شاهد عيان اخر علي منطقتي وما كانت عليه ولا اظنك ملم بما جري ليها ياسيدي كل البساتين الاربعه سالمه مهله ودتكتوك ودانسه جميعها اصبحت مزارع للدخن والبصل ويمتلكها اعضاء اتحاد المزراعين الذي هيمن وسيطر علي المشروع منذ العام 1999 وحتي يومنا هذا وقد هدم كل جميل وشريف وبدل كل اخضر بجاف لنا الله انا سعيد بمرورك استاذ ابو بكر
يا سلام على امك واختك عصرني عصرة السرور غايتو آسيا ما قصرت فكتني منهن بالعافيه ههههههه والله ما قصرن تب الله يديهن الفي مرادن وشكرا ليك كتير اتوصيت فينا بالشوربه دي شديد وانا مع فلان غايتو عصيدة اليدين دي ما معانا كفانا القراصه والله لمه حلوه ياخ واهلك والجنيات البجاروا ديل ماقصروا والله عافيه منك تب مرقت من اللوم اها عاوزين نكمل فطورنا دا ونشتت على اهلنا كل شي ولا العقارب ديل انا بخاف منهن موت وامي زاته قالت لي ما تبطئ اها العفو والعافيه ياالرشيد
Post: #67 Title: Re: ممكن تتفضلو معاي فطور في حلتنا ؟؟(( فطور الخلاء )) Author: محي الدين جبريل Date: 09-15-2009, 10:42 AM Parent: #66
الرشيد أخوى كل سنة وإنت طيب
ياااخ معليش جينا متأخرين شوية لكن أهو متكربين نحصلكم ...
نحن هسى فى بنطون أبوسقرة ... أو زى ما قلت إنت بنطون الجاج عبدالله ...
محي الدين لقد ارتجفت يدي وابتعدت اناملي عن الكيبورت وتحجر فكري عندما شاهدة هذه الصوره البديعه لكل النتداخلين والقراء الكرام هذا مدخلكم لقريتي هؤلا الغبش هم اهلي وعشيرتي لقد تمنية ان اكون هناك في اعلاء القيفه وبالاخص تحت الشجر والتي تجلس تحتها دوما ست الشاي مدينه علي ما ازكر اجمل شي تمنيته بصدق ان اجلس واطلب كوبا من الشاي وفي منتص الكوبا وانا اشرفه تجينا كتاحه ولحظتها ليس هناك خوفا من الغبار علي الجسد او الملابس او العيون كل الخوف يكون علي الكبايه اقفل الكبايه بيدي وخلي التراب يدخل العيون ما اجملك لحظات شقاه هناك
لا تغترب عن وطن ..واحذر تصاريف النوى أما ترى الغصن إذا ....ما فارق الأصل ذوى؟!
وجن حبابك الاف انتي ما لاحظتي انا لسه ما دخلت عليكم بهناك انتو التحليه بعدين انتي ماشفتي حاجه لسه تمشي وين انتي ما عارفه العرب ديل ضيفم مابودوهو ساكت من غير هديه اصبري شويه راجع ليكي تاني يا بت الاصول