Post: #1
Title: شعراء من الباديه السودانيه (وصلتني بالايميل لكن روعة ما بين العولمة والبادية السودانية )
Author: انس التوم احمد
Date: 09-01-2009, 03:29 AM
شعراء من الباديه السودانيه
طه الضرير والطيب ود ضحوية كانا في طريقهما إلى أبو دليق وكان طه يبحث في اللاب توب في الإنترنيت بال Wireless . ، عن رد من محبوبته. فوجد رداً قصيراً. فأنشد قائلاً:
شديت ال Pentium واصبح يبرطع جايط
وال Internet دقش قلبتو صايت صايت
على ام شعراً حلال ما طولو وسائط
وعطشان الغرام ما برودو 2 K.Bite
فرد عليه الطيب قائلاً:
الفيك يا طه Virus والله الكريم الشافي
وما بفيدك طبيب حتى ان بقيت Mc Kafi
غير لخلوخة الهرفة أم قليباً جافي
وأركز للتجيك يا طه Options مافي
استسلم طه وأنشد:
إيميلك وصل زود علي الهم
والفكر انشغل ال Ram عليك وال ROM
يا الله أنا والحبيب نتلم
ويا الله ينصلح الرام ونتصفح ال dot com
الليلة ام شلوخ لاقيتا عند ال Chat
وال Virus ضرب قلبي ومحى الفايلات
يوم شافني البنظم الجاتات
قال Defrag ما بفيد أحسن Reformat ال
بعد ما كت بزبط Word و Excel
دقشتني أم رشوم خلت درايفي إختل
Mother Board القلب الكان زمان Intel
بقى Chipset رخيص كل ما ربطتو أنحل
الخبر الأكيد الليلة جابو ال Yahoo
وقال ست البنات إيميلنا مي طارياهو
ست القوام Hardware نظامو براهو
غرامك Virus الهجعة البقرض الجاهو
|
|