Post: #1 Title: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: قيقراوي Date: 08-28-2009, 11:28 PM
دي مساحة محجوزة بإسم الحب لهترشات ما بجمعا اي رابط غير انها متساوية في الهترشة ، لكن ما بضمن ليكم الاتجاهات و عكسها و عِكاسها . . . حسب الهواء و الهوى
كدي اول حاجة رمضان كريم تصوموا و تفطروا على خير حبايبي الاون لايناب
يا بعضكم. . . شوقي يفيض بحر - انتوا قال ليكم السيول في شوارع الخرطوم دي مطر ؟! لا ياخ دا الشوق فاض و سال سيل لي بي هناك ياخ !! لووووووووول@ فتح الرحمن ابو نواس قيقراوي دوت كم . . . ؟! هولب لب كم في الخط ؟
( محجوزة ) ما بتعني التزام مني بأي حاجة - برانا طالعين بكفالة للمهة دي ياخ ! - ما تبقوا لي في رقبتي
تعرف زي قصة اغاني جاكسون ديك الكان اخوك بغنيها متواطئ مع ذاكرتو السماعية نحن ياما اشترينا لناس الحركة الـ " نجدة " و بأغالى سمن ( ثمن ) كمان . . . تقريباً بشكل يومي في الطابور الصباحي و الاعياد الوطنية الرسمية و الاعياد الما وطنية لكن كانت الرسمية ساي - بتاعة نميري ديك - القاطعا من سفنجاتو ديك ! لكن انقر طمرت في ناس المرور ديل ؟
عشان كدا اهلنا قالوا :
شارعن ما عندك فيهو عربة ما تشتري نجداتو ساي ياخ !
رحاب خليفة كل سنة و انت اروع كبرتي و ليك تسعطاشر سنة ؟
نادية عثمان عندك مسدس ؟
للضمان كدا اشتري واحد .
دينا خالد
تأجري بيت نمل ؟
ناصية و الله
Post: #3 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: Rihab Khalifa Date: 09-09-2009, 09:06 AM Parent: #2
لا لا لا البوست ده كان وين؟
والله اول مره اشوفه
انت عارف بمناسبه الهترشه دي يا فتحي، مره قريت لي تمبس حركه كده، كان بيوصي زول انه يعملها، و هي حكايه انه يفتش اسمه مره مره في المواضيع باستخدام الباحث طبعا اختك دائما حاسه بالذنب، لانها ما متابعه، لدرجه اني بتعب نفسيا لمن افتح بوست و ما اقدر اتابع، فمره مره بفتش بوستاتي و ردودي للناس بان افتش اسمي، لكن بقوم القي حاجات سمحه زي الكلام ده
لوح ارتوازي ( اردوازي في سافلات الأرض و صعيدها) كان جنبي‘ غمدت و فتحت لقيت الحدية شالتو‘ قالو وين؟؟ الحق في كوستي‘ يا ديني النبي العربي من باص لى باص ‘ مناقل مناقل ماقل‘ لمن وصلنا اب قوتة‘ قالو السمن رخيس‘ قلنا نشيل فسيخ بالمرة أها دوس الأبنص و لا تبالي
Quote: تزوجت (فناء الدار) سنة سقوط النجمة، و غيرها حلت مقعدها على لوحة السماء، عاد إلي شغفي بمراقبة ضوءها البهيج، و نأيها عن طلب الطالب، تحفة عسيرة المنال لا تدركها الأفئدة، ثم يعاودني الاكتئاب عند ذكرى الحجر، كانت ( فناء الدار) تصنع جمالا من الطين في أوقات فراغها و تغني للأطفال، و كنت اعلم أن بائع البن يشتهيها فتغمرني سعادة امتلاكها فأتحسس قضيب الحديد الذي ورثته عن أبى، و غنيت ( الزمان زمانك) في أوقات خلوتي بها، قربانا و تزلفا، عشنا و ( فناء الدار) دهرا التحفت فيه خواطري مثل أغنيات الأمهرة حبلى بحيوية مقدسة، و في خدر الرعب و المباغتة، كنت امتص منها الحليب و أصيح بالشحاذ من مرقدي و هو منتظر على أبوابي..( الله يفتح علينا و عليك).
تحياتي لك يا قيقراوي و بقية المهترشين الشهر انقسم‘ و سنو تمانية و الفين مشت يا ريتا كان ترجع.
الدافنة الليلة برضو ؟ اطالب بإعلان الهلال منظمة ارهابية و ادراج الاتية اسماءهم بقائمة الارهاب : 1. دمبا 2. عمر بخيت 3. سادمبا الاسباب : انهم اعداء للديمقراطية ، ياخ ديل بشوتو شوتات غير قابلة لأي تفاوض ! دا ما ارهاب اسي ؟ اسي دا ما بفاقم ذاكرة الوجع ؟ . . . 11 سبتمبر . . . امريكان في كل مكان
احب البلابل انا ياخ !
باي باي خلاس . . .
حمام الوالي يا راحل من الافريقية مع الدفنة الهلالية !!!
ينتهي العزاء بنهاية مراسم الدفن الزمان : 11 سبتمبر الساعة اطناشر شوكة بمواعيد الوجع . . . اووووبس اقصد السودان المكان : المقبرة
بنرجع لدافنة مايكل جاكسون بعدين خلونا نتم شماتتنا دي ياخ !
Post: #9 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: اباذر النضيف Date: 09-12-2009, 00:35 AM Parent: #8
عارف يا فتحي انا اصلي ما كنت محظوظ في يوم . زمان كان كل ابناء جيلي في نوري عندهم (جبادة) للذين لا يعرفونها خيط طويل من ثلاتة او اربعة متر فيها سنانير لصيد السمك المهم كنت كل يوم برمي جبادتي وانشلها الصباح ما القي فيها ولا قرقور ومرت السنوات واقسمت انو ما اسعي جبادة تاني المهم زي ما جليت من صيد السمك .. جليت من مايكل جاكسون فانا من مواليد 30/8 ومايكل جاكسون يوم 29/8 يعني بي بونت جليت اسه ده ما حظ عاثر .. كانا اتصلبتنا ساكت تحيات رمضان يا مكتف
Post: #10 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: قيقراوي Date: 09-12-2009, 01:23 AM Parent: #9
Quote: جليت من مايكل جاكسون فانا من مواليد 30/8 ومايكل جاكسون يوم 29/8 يعني بي بونت جليت اسه ده ما حظ عاثر .. كانا اتصلبتنا ساكت تحيات رمضان يا مكتف
ابو ذر يا نضيف كيفك يا صديقي بالميلاد . . . دا قبل حكاية النسب الدخلونا فيها العيال دي ايييييييييه يا عمك كبرنا يا فردة لكن مبسوط اني اكبر منك بيوم - نفس الشهر و نفس السنة - لا تبع رخيصاً يا فردة . . . سمح ؟ الواعي ما بوصوهو . . . الا اكبر منك بيوم يعني افهم منك بسنة و العهدة على المقولة الشايعة !! وين يا عمك ؟! نحنا بتوع الاتوبيس ياخ . . . 29 اغسطس ؤ كدا !!! لكن دحين ميتة جاكسون دي ما ورطتني كدا ؟ كدا ضهري انكشف و بقيت اشهر زول مولود يوم 29 اغسطس . . . الا كان يظهر لي متصلبط آخر ؟! لي و كتها ردد معاي : يا حليلك يا مايكل يا ود عيد ميلادي . . . يا حليلك يا نجم البوب ياالكتير محبوب يا غطاناالفات خلّانا للهبوب يا مليان الجيوب . . . يا خاتي العيوب * * قديماً قيل الراجل ما يعيبوا الا جيبو ! - اها من الناحية دي ارقد قفا و الله ما قصروا معاك آل جاكسون وداع ساي مكلف شي و شويات . . . و من الدولارات شولات و شولات !!
الوداع الاخير و ادافنة : الخميس 10 سبتمبر 2009 جاكسونز . . . اسي القفازات ساي بتكون كلفت كم يا ربي ؟ يا حليلكم يا الايتمتوا و لحقتوا قيقراوي بي غادي . . . دا الوفاء لزول جميل باي باي جاكسون *
------------ ليست واحدة و ليست اثنان بل ثلاثة . . . الليلة الوجع كلو تلاتة تلاتة !!! مازدا ؟؟ برضو تلاتة . . . ركشة بس
Post: #11 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: طارق جبريل Date: 09-12-2009, 02:38 AM Parent: #10
قيقا عندي مزاج اتصلبت في البوست دة
Post: #12 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: قيقراوي Date: 09-12-2009, 02:58 AM Parent: #11
Quote: قيقا عندي مزاج اتصلبت في البوست دة
ود جبريل مشتاقين بزاف بزاف
و الله ما درناها ليكم . . . الا تقول شنو ؟
يا حبيب زارتنا البركة ياخ هو انا لاقيك وين ياخ ؟ حبابك حبيبي عازمنك هترشة . . . انداح ساي
---------- اها و دي آخر مرة نجيب سيرة التلاتة و البلابل ذاتم ما بنسمعن تاني
Post: #13 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: طارق جبريل Date: 09-12-2009, 03:05 AM Parent: #12
هاك الهترشة بتاعتي انا وحبوبتي دي
انت يا حبوبتي دحين قبل دة ما سكرتي مع بت عريبي - نفيسي: نان يا ولدي هو داك يوم بيتنسي - باقيلي طشمتن كله كله - وحاتك يا ولدي رقدنا خل - اصلكن لقيتنو وين - مشينا يا ولدي لي عرس بت واحدي سرنا من البركل لي مروي انا وحبوبتك بت عريبي - اها شن سويتن - لقينا النصيبة اليقولولا صابرات شادي العرقي للعرس - اي هي كانت دي شغلتها في الاعراس - اي يا ولدي عندها عرقي كافر خلاص - نان انتن اصلكن لقيتن الجر (الزير) أليل العرقي ووقعتن فيهو - والله يا ولدي انا السويت النصيبي - كيفن - قلت لي بت عريبي ونحن طالعات علي نضوق عرقي الخرابة دي قبل نمشي علي بيوتنا - اها - اهايا ولدي قعدنا جنبها وبقت تديني كوري وراء كوري ونحن نشرب ونتمطق - اصلها ما قلتلكن كفاكن - آآآبتقدر عارفاني لساني علي الحبل أليل البير - اها - وحاتك يا طارق يا ولدي وكتين اشوف في بت عريبي تشرب في الكوريي وتنزل عرقي الجن دة في حلقها وتكرمش وشها علي كروق الدوم وكتين يقدم - ههههههههههههه الله لا تكسبك كتلتيها - اها يا ولدي هي تجغم وانا اجغم .. وكتين شفنا راسنا سكرنا وبقينا نلغلغ - شن سويتن - قلتلا يا بت عريبي قوماك نمشي انا راجلي يصلي بالناس في خلوة القرونة - راجلك امام وانت تطشممي - نان يا ولدي هو كان عارفني دايري امشي اطشم في العرس هههههه - اها - قلتلك قلت لي بت عريبي نمشي من تالا التمُر لامن نصل قصاد بيوتنا ونطلع جري ننوم - اها - يا ولدي بقينا ماشين ماشين لامن رحنا - الله يقلعكن اها - قامت بت عريبي قالتلي: انت يا نفيسي نحن وين وانا قمت قلتلا: انت في نحن وين ولا نحن ذاتنا منن (من نحن)
Quote: وانا قمت قلتلا: انت في نحن وين ولا نحن ذاتنا منن (من نحن) Ttarig
ههههههههههههها
والله يا طارق هترشة مكربة و حبوبتك عافية منها، شوف الجندرة دي كيف بالله، و نجي احنا يا المتشوبرات اسي دايرين نعمل فيها ستات الشي زاتو، شي سفر وشي حكي واااضح الله يرحمها و يرحمنا يا رب
انت في ده، ولا قيقا داير يعمل يبرلم صاحبنا الجديد النضيف :)
شوف الزمن ده بيجري كيف يا قيقا، السنه الفاتت دي، نفس المواعيد تقريبا، كنت بتهترش، تقول الفين و تمانيه ترجع تاني يا الملك؟
Post: #15 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: قيقراوي Date: 09-13-2009, 01:59 AM Parent: #14
Quote: انت في ده، ولا قيقا داير يبرلم صاحبنا الجديد النضيف
لوووووووووول ابو ذر ما جديد !!!! . . . هو واحد من الناس الجابونا مضاربكم دي . . . كان " النديف " ساي علّا بالانقليزي لعلةٍ ما هنا اظنو ؟ لكن سيد الفنايل جابو ليهو وشاية عنو قالو كلام ما سمعتو منّو ؟!!!
دا ابو النسب ياخ !!!!. . . في قصة اسمها ( فادي قيقراوي و رزاز النضيف ) فادي صرّح تحت تأثير ( الدرب ) انو بحب ( البيك ) و رُزّة ؟!!! دا FFK ياخ ؟ " البيك " والعليك دا اسم سلسلة مطاعم مشهور في جدة
طوالي طالبنا المستشفى - بتاعة الارباب صلاح ادريس بالمناسبة يا طارق - انو بكل شفافية و علمية يكشفوا لينا عن محتويات الدرب ؟! لووووووووووووووولز كميات ياخ !!!!!!!!!!! صراحة انا شاكي من بسطة التمرجية الفلبينية !!!!!!!!! . . . مبسوطة ليك جنس بسطة ؟ تغني ساااااااااي و هي بتركب في الابرة في يد الود الكملانة من لحم الدنيا ؟؟! . . . اظنها الياها هناية " يني " ديك بي ذاتا البتخلي التمرجية تتظارف وتغني ! . . . شواسمك حبيبي * ؟ فادي ؟ . . . فادي يعني Empty ؟ و فاقعاها ليك ضحكة ورقية من النوع ابو كديس داك !! و بالفلبيني كمان !!
سارة قالت لي : غايتو الفلبينية مفرّقة الغربة على نفسها !!!
-------------
* حبيبي ؟! هوييي يا ها !! . . . لوووووووول عديل كدا . . . الودالمطلوب غير " فادي " حالياً . . . وكت ما بتفهمي عربي اها نقولا ليك بالانقليزي : قيقا الصغير ما " فادي " رايت ناو متكلمين عليهو !!! شوفي ليك شغلة تانية و لا اكسبي زمنك و احذري الرزاز
Post: #16 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: قيقراوي Date: 09-13-2009, 03:21 AM Parent: #15
Quote: شوف الزمن ده بيجري كيف يا قيقا، السنه الفاتت دي، نفس المواعيد تقريبا، كنت بتهترش، تقول الفين و تمانيه ترجع تاني يا الملك؟
ابو ذر يا رحاب نبي ، و العهدة على خالد عباس الطاهر . . . في اهداؤه ليهم في شريط مرسلوا من السودان " الى صديقيّ ناصر عز الدين و ابو ذر النضيف من خالد عباس الطاهر في بلد تطرد انبياءها في القرن العشرين "
يا ملك خالد عباس دا زولكم تب تشكيلي و قاص و شاعر و مهترش نمرة واحد شوف عناوينو ساي : سباق الحمير مع التحية لفخامة الرئيس الدلكة دميرة هذا العام دندورمة بروح سعاد عظمة سمك كبيرة . . . غنائية لسواكن بكائية . . . فجاعية . . . . . . . .
و بالمناسبة " دق المطر دق " ، البغنيها عاطف انيس دي جزء من نص لخالد مونيكا . . . و بالمناسبة - دي مناسبة تانية غير الفي اول السطر - خالد مونيكا دا اسم لخالد عباس الطاهر برضو لكن مونيكا ما ليونيسكي . . . لا دي مونيكا حقتنا . . . من قبيلة الباريا
ابو ذر المايك معاك يا حبة . . . ما تهترش لينا بهترشات خالد مونيكا هنا ياخ ؟
Quote: من باص لى باص ‘ مناقل مناقل ماقل‘ لمن وصلنا اب قوتة‘ قالو السمن رخيس‘ قلنا نشيل فسيخ بالمرة
تعرف رخسة السمن دي المحيراني . !!!!!!! و المحيرني اكتر انو الناس بتاكل بالزيت برضو !!!!!!!!!!!! مع انو السمن رااااااااااقد في الاسواق و بنفس السعر ! . . . . دا كان ما ارخس !
Quote: و قد كنت قد استمعت قبل يومين، و لأول مرة في حياتي لأغنية، يقول مطلعها، ( سرحت مايكل جاكسون، و رقصت ليك بريك)، صدفة محضة ساقتني وقذفت بشريط ( التي دي كي) ابوفصدة في طريقي، شيء مثل ( الديجا فو)، خاصة وان مايكل مايكسون يملا برحيله الدنيا و الكواكب السيارة، و قد اعجبتني الأغنية لبساطتها و تواضعها، و تمنيت في قرارة نفسي لو ان السيد ( جاكسون) استمع اليها قبل رحيله المبكر، فلربما انشرح قلبه الطفل، و لعلم ساعة لا مندم، ان من بين البني كجة من يعرفه و يحبه، اثارت الأغنية في نفسي عواصفا من المشاعر المختلطة، فقد هيأ لى عقلي المستريح الى خواطر الحزن و الأسى، أن الأغنية رغما عن بساطتها، تشف بصورة ما ، عن وفاء و عرفان عظيمين لأنسان عظيم، نذر كل حياته لأمتاع الناس ، متجاوزا حدود أعمارهم، الوانهم، أعراقهم و جنادرهم، فاصبح طيفا اليفا يصحبهم في سني عمرهم، حتى فوجئوا بنفاذ عمره، فصعب عليهم التصديق. لا اميل كثيرا الى القول ، بأن جزءا من حياتي قد انهدم، أو ان شرخا اصاب حائط طفولتي و شبابي، ففي ذلك انانية بائنة، فمن العدل أن يستريح الرجل الى سكون سلام ابدي، و ما أعظمه من أرث خلفه، لا تقدر على الأتيان به قبائل من ذوي الهمم الأبداعية الهائلة.
هنا انصفت الزول الجميل دا ياخ . . . يديك الف عافية
-------------------- المقال جبتو من الراكوبة - قوات صديقة - هنا ما لاقيهو . . . و عمك قوقل بس شابكني منابر الجالية السودانية الامريكية
احكي انت صراحة كدا هو برج مخجل لينا نحن الرقالة ديل
قال ليها : دا كلام رجالة مع بعضينا . . . قالت ليهو : انت و بابا رقالة ؟ !! . . . قصدها انو ابوها باشا و هو خدام سفيه ساي قال ليها : انا واثق من نفسي غايتو
لوووول
كل سنة و انت طيبة. . . و محمد و ياسين طيبين كمان دا في حال ما لقيناهم في العيد
لك " وعد " نجي لـ " كلام رجال " - مع التحية للملهمة لبنى احمد حسين - عن الابراج و العذراء و الذي منو . . . و ليك فادي هوادة فوق البيعة شنو ليك ؟
--------------- تصدقي محطة بيتنا في كوستي برضو " مدرسة الدايات " !!
Post: #26 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: اميمة مصطفى سند Date: 09-17-2009, 00:45 AM Parent: #25
سلام يا عذراويين أو عذرائيين
أختاروا البتنفع معاكم وشايفنها صحيحة لغويا لأني ما قادرة أفكر
درجة الرطوبة عالية جدا ما عارفة يا قيقا شاعر بيها والا الهترشة قايمة بيك
---------------- عشان كدا قلنا نعمل تفريغ للرامات بتاعتنا دي هنا و نحفظها " سوفت كوبي " في فلاش ميموري و نستبق الزهايمر ببرنت آوت و عمل عدد واحد Delete . . بعد داك نفرز الذاكرة " هارد كوبي " النافع نافع و الما نافع نعملوا قراطيس تسالي او بالميت كدا نبلوا و نشرب مويتو
Post: #28 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: اميمة مصطفى سند Date: 09-17-2009, 08:20 AM Parent: #27
Quote: اتصلتي على زول تاني
والحمد لله ما رد علي لأني ضربت ليك الصباااااااح بدري
شنو يا زرزور ياخ !! و قام الليمون لحركاتو القديمة عشان بالغنا في ريدو ؟
انت كدا بتشكك في حكمة الشعب السوداني المعتم ضمن مقولاتو الكتيرة :
" اكبر منك بيوم يفهم اتر منك بي سنة " ياخ ما تضيّع لي يومي اوانطة ساكت ؟! مش قلت ليك استلم المايك و هترش بهترشات خالد مونيكا هنا ؟
اها برانا بنجيبا :
Quote:
للغزالة قرنان يشيران للخلف دوما بإتجاه العدو المطارد .. لكنها في الحصار تتشعب حتي تشير بكل الاتجاهات هي ذاكرة التيتل يا سيدي علي الربوة الطاعنة انها ذاكرة الابتلاءات.
كان يكبر استاذه بخمسة قرون لذا كان ينظر من النافذة .. اشار اليه .. عليه قليلاً من الانتباه .. وحينما قال استاذه ان صوت المزامير اعلي من صليل السيوف تحسس جرحاً نادباً بقفاه .. وعاد ينظر من النافذة
كنا صغار حينما فاجئتنا قذائفهم .. كنا صغار .. لم نستدر لنعلن المنجنيق .. او نخاصم زرقة الماء والموج نحتفل بالدخان .. وحالة ان لحظنا الدروع عليهم.. ارتدينا مشيماتنا في نكوص وبتنا نجابه الموت بالمرح الطفولي واسطورة ابن زياد بمركبة الورق..
خياطٌ يحيك بذةً للخليفة .. وآخر يحيك بذةً للمقاتل .. زاد الأول علي الوصف اصبعًا من الماس مكفتاً بالقطيفة ..فزاد الثاني علي والوصف كوةً للقذيفة..
Press Play to listen
Post: #30 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: الطيب عثمان يوسف Date: 09-18-2009, 07:00 PM Parent: #29
*** قيقا حمدا لله على السلامة ... قدرما حنسنا العسكرى يدخل ليك عمود الفطور يوم فطور
قلت ليها بتك دي شلوفة ساي ! قالت لي : نقد ليها اضانا . بعد تركيب الحلق . . . قالت لي : اها بقت كيف ؟ قلت ليها : بقت شلوفة مركبين ليها حلق !
جنابو يا اتا ؟ . . يا الشلت من قلبي حتة . . كميات اشواق . . . و متقريفين لي قهوة و شاي مغربية . . و مشتهين طربقة معاك ياخ ؟ اليشوف الوقفة في بروفايلك يقول بكرة العيد . . , بي الميت كدا يقول جدك " ود شحم البل " ?? وين يااااااااا ? . . . حافظين ليك صورة هنا - و اشار الى حيث القلب -
[/IMG][/IMG]
اما بعد . . . قول للمدام نسيتو اصحابكم ؟ بلغ سلامي لصحابي محمد و ترتيل و آمنة و سلام خاص جدا لسارة - ما عارف الاسم دا ليه آسرني كدا ؟. . . و لحقهم قبلات " وعد "
Quote: البوست ده النبي كان ما شلتو الربع التاني يا قيقا، كان ما شايل معاك حاجه تانيه
لوول بي عنوانو دا ؟
اولو " رمضان " . . و اوسطه " هترشة " و آخره " اللهم اني صائم " ؟!
انت قايلاني الصائم ديمة و لا شنو ؟
تعرفي يا صديقة بنتشابه غير في المحاسبة ، العذراء و الهترشة ، حتى في البوستات . . . نفس الطريقة في حكاية البوست " الربع سنوي دا " . . . بس انا فايتك في الهترشة بس . . و دا اختلاف مقدار ما نوع . . . و " نوع " هنا ما عندها علاقة بأي جندرة . . انا ما بقدر التزم بوحدة الموضوع و الانساق و الاتساق و الما بعرفو شنو داك ؟ . . وبقية اللغاويس و الكلام الكبار كبار دا لكن نمى الى سمعنا - حلوة قصة النمو دي مش ؟ شدرة بس ؟ - كمان جابت ليها " ما بعد حداسة " . . . اها الفكرة نظام ما بعد حداسة و كدي يعني . . . و الله يكفينا شر الحداسة البتعمل قطيعة مع التراث دي ياخ
قلتي لي " بنيوية " يعني شنو ؟ و بعملوها كيف ؟ و الدخل الجندر في المحاسبة شنو ؟ ياخ ما عاوزة ترسلي لي الدراسة ليه ؟
جاري دراسة الطلب . . . ينظر و يفاد طيه . . . شفتي البيروقراطية دي كيف ؟ برضو قمر بوبا يجي يقول لينا الطيارة فيها بوري ؟
لي وكتها كل سنة و كلكم طيبين و لامين بس بحسد نفسي عليكم صحابي . . . ان شاء الله تكون عيني باردة بس
و
الحلوين منو ؟ افرزي الصور قيقراوية جانبوية طيبية ؤ كدا
Post: #40 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: عبدالوهاب علي الحاج Date: 09-18-2009, 10:56 PM Parent: #39
ياسلام يا تاج ياخ الله يديك الف عافية في الفيديو التاني دا والمهدى للاخت رحاب فيهو لقطة جيمس براون وهو بيدخل في الحالة الهستيرية دي لحدي ما يقع في الارض ويتم تغطيته برداء ابيض (حسب المتاح من الالوان في الوكت داك ) انا كنت اتكلمت عن الحكاية دي في البوست بتاعك هسه لما شفت الفيديو دا اتذكرت الحاجات كلها ... طبعا ما كنا بنفرز الكلام الوكت داك ... ياتاج دي نافذة جميلة خليتنا نطل من جديد على ذكريات جميلة وحبيبة للنفس ... شكرا مرة تانية
___ رحـاب والله انا بتعامل معاك على اساس انك تونتي او فوق حبة كدا تجي تطلعي لي ثيرتي زينا انا وتاجو
نظرت الى جسد ( مس جارفس) ، عيناها مثبتتان فى سماء الغرفة ترقب دنو الساعة الأخيرة فى نهاية القرون الأربعة ، بجانبها زوجها ( جو) يحن لسماع صوتها يخرج من بين شفتيها و لو لمرة واحدة يتيمة ، الصوت الذى سمعه مرارا دون ان يحفل به سوى سنوات العشق الأولى ، مختلطا بصوت الحاكى العتيق الذى تدور فيه اغنيات ( جيمس براون) دون ملل او انقطاع ، حدثتنى ذات يوم ، انها التقت ( جو) و هى غارقة فى اغنية ،(please please please)
Quote: (قراند كونكورس)..تردد صوت معلن متعب، عبر سماعات سقف قطار الأنفاق، و فوق سماء الصحراء، قبيل مغادرته اليها، تدافعت اقدام و اجساد صعدا و نزولا بمهارة و دقة ، و انسحب القطار مثل همس المؤتمرين على القضبان ووسائد من هواء برائحة الحبر الفاسد ، داخل ثقب يلتف مثل افعوان أو تنين أعمى ، لا يهتز العسل الأسودداخل الزجاجة، و لكنه ينزلق على سطحها ببطء و تثاقل مثل مرثية عاشق. اختبأ الضوء فى حذائى ، و هى قبالتى تتفرس فى زجاج النافذة وراء ظهرى ، و فى العيون تلويحة متعبة و بقايا سهد و رذاذ خوف، سرت عدوى توتر سطحى اليها ، فلامست سطحها، نقرت على مقعدها بأصابع من رصاص فأعتدلت زجاجة العسل مستقيمة ، وقفت مقام الدهشة طفل يافغ ، اتلصص رؤيتها، و الدخان مقام الرداء يكسو جسدها العارى يتبذل فى حضرة ابليس و شبقه الذى لا يرتوى ، و اصوات نسوة يصدحن بتمجيده ، سهوت و الكلمات فى غمرة التلصص ، فانبجس ضياء الشمس فى قوام العسل الأسود و حريق السكر ، امسكت بطرف الدخان من رعب فى غفلة من عيون النساء الصادحات، جذبته فتخثر و تدفقت حموضته على لسانى ، فسكن روعى. نفذ القطار مثل السهم خارجا من التفق ، و اتى الصوت المتعب اشد حيوية مما مضى ، ( قنهيل رود)، ، انفتحت ابواب و انسدت ، انتصبت قامات و سكنت الى قعود هياكل من رهق، و تواتر نقر اصابع الرصاص على حافة المقعد ، همهمت المركبات و تعالت ضحكات و تداخات الوان لوحات الغرافيتى فى عجلة و صمت. شددت عزمى على الحروف ( الحاء) ، و حذرى من مؤامرتها يتصاعد، و حروف عدة تراودنى عن نفسها ، تمددن و تهالكن و احتويننى ، و الدخان يصوغ زوايا المكان بعطر زائف ،و الأضاءة خافتة الا من ضوء حذائى ، و خلف نافذتى ، تسفر ( البرونكس) عن ابتذالها ، تلهث بالحيوية ، تقترض من معدن عظامى سررا تشيد عليها اضواء النيون و اللافتات المتأرجحة ، التقت عيناى و عيناها برهة ، ثم اتصلت الرحلة الى قبو مظلم فى نزل عتيق ، تسربت الكلمات عبر منافذ تلفظ هواءا رطبا و غبار دقيق يعلق بأستار المعصية. طرق الباب سائق القطار يود تغيير ملابسه ، يهم بالسقوط من اثر السهد و التعب ، فتصايح النمل حذر الهلاك ، نمل من الرصاص تحلق حول زجاجة العسل السود، لم تخطىء اذنى صوت ( تينا تيرنر)يضىء فوق الصوت المتعب لسائق القطار ، تغنى a fool in love على ايقاعه تلصصت رغبتى الطفلةعلى سوق من دخان توب توب توب...توب نظرت الى كتابى و قالت..ما هذه الأحاجى؟؟؟
Post: #44 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: عبدالوهاب علي الحاج Date: 09-18-2009, 11:41 PM Parent: #42
Quote: سول ميوزيك من لغاليغو
دا اسمو دق بالحتة الفيها الحديدة يا تاج دي المرحلة التانية الاعقبت فترة ناس جيمس براون والفيس بريسلي غنا جماعي وحركة رقص منتظمة كانت بتكيفنا شديد وبنطلع بنرددها (اشكال الكلمات) ودي المرحلة الظهر فيها (الواوات) بتاعة الجيتارات والتقنيات الموسيقية الجديدة والادهشتنا حد الادهاش وانزواء الات النفخ الى حد ما جا بعد كدا الشغل المؤسس بتاع البوني ام وفرقة الآبا و High ..High I'm abird in the sky شعار برنامج سينما سينما تتذكر الكلام دا ... ايام جميلة وزمن طيب حقو اصرف ليك الف شكر مع بعض كدا عشان ما كل مرة اقول ليك شكرا يا تاج
اييييييييييييه ياعمك ايامكم ساكوبيس ياخ ، انت و الملك رجعتونا لـ " عالم السلما" و سلما سلما ؟
حليل السلما و حليل كوستي ذاتا
سيمنا كوستي كان السمبر بحدد حررة الفلم فيها من تشوف السمبر دا هايج فوق للشاشة ؟ اعرف انو الفلم قوي . . دقشمان فوق في السماء يا هندي ، البطل شاشي كابور و الخاين جبار سنغ ؟ . . . يا كمان كابوي و ديجانقو و شنو كدا ما بعرفو ؟ . . . و ديجانقو لا يرحم زي ما انت عارف !
الغنيةالجابتاجو دي " شعار البرنامج " الجماعة كان بطلبوها في الحفلات . . . و اي حفلة بتنتهي بيها
Post: #50 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: Tagelsir Elmelik Date: 09-19-2009, 01:52 AM Parent: #49
تعال زهجني تاني امشي انكت ليك ويلسون بيكيت Land of 1000 dances
Post: #51 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: قيقراوي Date: 09-19-2009, 02:01 AM Parent: #41
Quote: قيقراوي
رمضان كريم و كل سنة و إنت و الأسرة بألف خير
مرور على سبيل التحية و الإستمتاع بهترشات رمضان
دمتم
ابو جهينة
الدوام لله . . ما دوامة
قريت مداخلتك و انا في "الدوام " و ما قدرت رديت الشوق كتيييييييييييير
كل سنة و انت طيب ياخ و الله اتحوشناك و مشتاقين كتير كتير
Post: #52 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: قيقراوي Date: 09-19-2009, 02:57 AM Parent: #37
Quote: دايرين ال plz plz plz
لو سمحت DJ
لوووووووووول
هترشة . . هترشة !
قلبتوهو ما يطلبه الثيرتيون ؟ ثرتيون زي ناس وهبة و تاجو كدا ؟!
طيب نحن السوغار ديل نمش وين ؟ و ناس الفورتي و الفورتي فور يقعوا البحر ؟ هي ؟ هي بالمناسبة الفورة كم ؟
و الله يا وهبة لمن حفلات زمان كان تنتهي - الشمس حيّة - و الساعة الفنان يخت ليك المايك في سطح الاورقن و موسيقت عالم السلما دي تترى كدا . . . لا إله الا الله !! . . هازول ما تُر كدا و لّا كدا من قدامي ؟ جيركي . . و تويست و ديسكو و جاز و عرضة اهل عوضية كدا كلو كدا مع بعضو . . كبار و سغار و متوسطين و ناس جاية الحفلة بلا واسطة و لا في زول عازمم ذاتو ! و النصيحة ما في زول بغطي دقنو ؟ مغطنوا لشنو ؟ و الشمس كابة شووووووووو كدا ؟!!!
------------- اسي الناس امسخت ساي ! . . في حفلة من حيث انها حفلة تنتهي الساعة حداشر ياخ ؟ الليلة وووب !!! . . . الشواطين فكوها ولّأ شنو ؟ دحين الشهر انتهى ؟
Post: #53 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: بابكر عثمان مكي Date: 09-19-2009, 10:06 AM Parent: #52
Quote: رحـاب والله انا بتعامل معاك على اساس انك تونتي او فوق حبة كدا Abdelwahab
عبد الوهاب عشرين الكتيييرة دي؟ عارف، انا كان نفسي و مني عيني اكون حاضرة السبعينات دي و انا في العشرينات كده، يا سلااااااام، احب لبسهم و احب موسيقاهم و احب الوانهم كانت حقبه جميله
------- مشكور يا تاج السر علي الاغنية
-------
قيقراوي، والله المزاج كان عال العال و الهترشة قاب قوسين او ادني، بس ما بين ياسين و الجامعة يا قلبي لا تحزن، يا ربي نمسكها لي رمضان الجاي كان الله حيانا؟
---------- اميمة مالك وقفتي؟ :)
Post: #56 Title: Re: رمضان ، اغسطس ، بت الخليفة ، تاجو انا و جاكسون . . . هترشات . . . اللهم اني صائم Author: عبدالوهاب علي الحاج Date: 09-26-2009, 07:44 PM Parent: #55
يا جماعة البوست دا خلوهو يغطس بيعطشني بصراحة كدا دايرين نطلع من جو العصيدة وسلطة الروب تحياتي للجميع
و العهدة على المقولة الشايعة !!
. . . 
دا FFK ياخ ؟
السمن رخيس‘ قلنا نشيل فسيخ بالمرة
[/IMG][/IMG]
