أفتقدناهم فجأة .. ودون سابق إنذار الاخوة محمد عبدالقادر وبخارى بشير ( الرأى العام )

الاخوة والاخوات

الاخوين العزيزين ( محمد عبدالقادر ) مدير التحرير
لصحيفة الرأى العام و( بخارى بشير ) سكرتير التحرير
لنفس الصحيفة .. فجأة أختفيا من هذا المنبر دون
سابق إنذار ..

وهم وكما يعلم الجميع كانوا أضافة حقيقية لهذا
المنبر بقفشاتهم الراقية كرقى روحهم الطيبه فتعالوا
نبحث عنهم لاننا فعلا فى حوجه ماسة لهم ولانستطيع
تحمل غيابهم فهم أحباء وأعزاء ولهم فى القلب
محبة .. ومحبة .. وكل عام والجميع بخير ..

تاج السر

الحبيب تاج السر
رمضان كريم ينعاد عليك وعلى كل من تحب بالصحة والعافية
انت رجل راقي ياخ وربنا يديك طولة العمر ياخ
كل الشكر والتقدير نيابة عن المدعويين اعلاه .

Quote: الحبيب تاج السر رمضان كريم ينعاد عليك وعلى كل من تحب بالصحة والعافية انت رجل راقي ياخ وربنا يديك طولة العمر ياخ كل الشكر والتقدير نيابة عن المدعويين اعلاه .

لك حبى وتقديرى وأحترامى أستاذى طلحة
وكل عام وأنت بخير ورمضان كريم .

تاج

وانا لمنتظرون .. أخوتى ..

تاج

راقي يا تاج السر
رمضان كريم وينعاد عليك والاهل جميعا تحيــــــــــاتي
ازهري

Quote: الاخوين العزيزين

الاخوان العزيزان

Quote: راقي يا تاج السر رمضان كريم وينعاد عليك والاهل جميعا تحيــــــــــاتي ازهري Quote: الاخوين العزيزين الاخوان العزيزان

بدون تعليق ..

وبرضو أحترم مداخلتك ياغالى

تاج

الأخوين العزيزين محمد وبخارى .. لازلنا
فى أنتظار أخباركم .. فهل من مجيب ؟

تاج السر

سلامات يا تاج
غايتو المدعو بخاري دا ما عارفو لابد وين وكيف ولشنو
لكن أبو البنية المعروف هنا بمحمد عبد القادر امس
كان بتلبد بي جاي .
للرفع .

الأخ طلحة لك التحايا،،
لا أدري شيئاَ عن ظروف الأخ محمد عبد القادر ولكني أعلم أن الأخ بخاري بشير يستغرقه العمل وأعلم أنه يحب الدوبيت ويقوله وأأمل أن يعود إلى المنبر بعد أن يطلع على مربع الطيب ود ضحوية الذي يقول فيه:

يوماً بالعتامير ويوماً فوق ضَهر عَنافي
ويوماً حـامل أَب جِقـره التقيل كَتافي
الخـلاني أَشيل الحـره والليل حَـافي
خايف اللينه تَطلب شي وأقولها مـافي ..!

مع تحياتي لك أخي طلحة مرة أخرى وللأخوين محمد وبخاري.

سلام يا اسعد العباسي
رمضان كريم
صدقني وعن تجربة ومعرفة ليست المشغوليات
هي التى حجبت عزيزنا بخاري بل :
وكأني أري بخبخ وقد ادي ثلت الطعام حقو
ومر علي ثلت الشراب فشيلو حقو
ثم وبنزعة عدائية متأصلة فيهو (عارفا أنا )
تعدي على ثلث النفس غير مبالي بتداعيات
شره ما قبل الفطور حتي اذا ما وقع المحظور
تأوه وتفرجخ فرجخة الممكون وبينما الجماعة
حولو في ضحك ومجون هو من العليهو في تعب وسكون
فأني له القدرة على ملاواة الأسافير
المهم وطالما انت قلت نشركلو بالدوبيت
فعندي في هذا المقام نمة شوراني دي :
غاب نجم النطح والحر علينا اشتد
ضيقنا وقصر ليلو ونهارو امتد
نظرة المنو للقانون بقيت اتحدي
فتحت عندي منطقة العنا الانسد

معقول ياطلحه أخوى بعد كل الأشياء الجميلة ده
يظل الأخ بخارى الشاعر المرهف فى صمته .. أما
الأخ محمد وكما ذكرت أخى طلحه أو كما عرفت بأنه
ولله الحمد موجودا فالحمد لله لوجودهما بالسلامه الباقى
هين وبسيط ..

أخى أسعد العباسى ..
تحياتى .. ورمضان كيم

تاج السر ( ود الشيخ) الكبير

ود القبايل / تاج السر
تحياتي و كل عام وانت بخير
وكذلك كل المتداخلين لكم تحياتي

بالتاكيد محمد عبد القادر وبخاري بشير زملاء وأصدقاء كرام كل الظن أن مساحة الرأي العام أرحب من المنبر أقول لهم نحن في المنبر أهل وأصدقاء عل للغياب سبب ؟1

Quote: ود القبايل / تاج السر تحياتي و كل عام وانت بخير وكذلك كل المتداخلين لكم تحياتي بالتاكيد محمد عبد القادر وبخاري بشير زملاء وأصدقاء كرام كل الظن أن مساحة الرأي العام أرحب من المنبر أقول لهم نحن في المنبر أهل وأصدقاء عل للغياب سبب ؟1

لك تحياتى أخى واستاذى الفاضل زهير
وكل عام وأنت والجميع بألف خير ورمضان كريم

أسعدنى وأفرحنى مرورك الغالى .. وسؤالك
عن الاخوين العزيزين .. فهم قامه كما أنت
أيضا .. فغيابهم يؤلمنا وعدم ردهم يذبحنا
من الوريد الى الوريد .. لك تحياتى مرة اخرى
أخى زهير ..

تاج السر

لازال البحث مستمرا .. أحبتى ...

تاج

الحبيب جدا تاج السر او كما يحلو للاخ بخاري (التاج)
ان شاء الله ما تفقد عزيز يا غالي
والله ما ان علمت بسؤالك عنا حتى هرعت الى الكيبورد
لطمانتك اولا ... وللاحتفاء بنبل اصلك وكريم معدنك ثانيا..
مهام التحرير الانت عارفا يا التاج حالت بيننا والتواصل
مع الاخوة فى هذا الفضاء الاسفيري الجميل...........
فلك التحية على سؤالك المقدر..
وادامك الله ذخرا لاخوانك سائلا ومواصلا.. مع اننا مقصرين..
وطبعا من نفحات هذا البوست ان عاد لنا بالعزيز جدا
طلوح الذى افتقدته كثيرا... حبابك عشرة يا ابو محمد ووالله مشتاقين..

صديقنا بخاري شيخ العرب قبل شوية معاي بنمشي فى الصفحات
قال جاييكم بالتقيل...

بعدين انا قلقلتو وجدعت ليهو:


عُودِكْ حَكَّمُو البَاري الجَمِيلة صِنعْتُو
خَتّهَ ورَسَمَا بيْ قالباً عَدِيله شَمِعَتُوا
عُنقاً زيْ حَرَاريبْ البُطَانَة فَدَعتُو
بصْبُرْ عَاشقُو كَيفْ مَا دَام جَهَنَمْ تِحتُْو...

التحية ليك يا اخ اسعد العباسي
من بين رهق الصفحات خرجنا لرد تحيتكم
باحسن منها...
سلمت

الاخ زهير لك التحية
سائلين منك...



شكرا على مرورك من بوابة الشوق الينا

طلوح الجميل رايك شنو فى دي

زَوزي ونَسَّفِي الفَوقْ المَتَاقِيلْ ندا
وما يَهمِكْ فَزع نَاساً كُتالُم هّدَّا
بِعجبك نَبَانَا وكْتينْ الضُراعْ يتمدا
تِمي الَرقصة وعُقبان السَّما اللِّنْهَدَّا

العزيز التاج
النمة دي كان ما جابت بخاري.. تاني ما بجي


كَمْ شَقيتْ فَوَافي وهَافي قَالِبْ لَوني
ببعِدْ ردِي مِنْ نَاسْ سَاحِتي لا يْلُومُوني
كمْ بَارَيتَ جَنيناً في الخَلا بشوروني
كُراعي تَقيلَه بَحَرِتْ كفي إن فَزَعَونِي

هلا والله بابي الامورة محمد ولد عبد القادر
رمضان كريم عليك وعلي كل الاسرة والاحباء هناك
كل الاشواق ليك ولي بخاري وجميع الاوغاد خاصتنا

اخوي التاج انا مارق بعد دة- الدنيا ليلت
وعقابنا اعوج... دنيا ليل غربة ومطر..
خليك مع النمة دي...

الدَرِبْ إنْشَحطْ واللُّوسْ جِبالُو اتْنَاطَنْ
والبَنْدَّرْ فَوانيسُو ال بيَوقدَّتْ مَاتَنْ
يا فَرُوجْ هَضَالِيمْ الخَلا ال بنِجَاطَبْ
اَّسِرعْ قَوبِعْ أَمسيتْ والمواعيدْ فَاتَنْ

Quote: الحبيب جدا تاج السر او كما يحلو للاخ بخاري (التاج) ان شاء الله ما تفقد عزيز يا غالي والله ما ان علمت بسؤالك عنا حتى هرعت الى الكيبورد لطمانتك اولا ... وللاحتفاء بنبل اصلك وكريم معدنك ثانيا.. مهام التحرير الانت عارفا يا التاج حالت بيننا والتواصل مع الاخوة فى هذا الفضاء الاسفيري الجميل........... فلك التحية على سؤالك المقدر.. وادامك الله ذخرا لاخوانك سائلا ومواصلا.. مع اننا مقصرين.. وطبعا من نفحات هذا البوست ان عاد لنا بالعزيز جدا طلوح الذى افتقدته كثيرا... حبابك عشرة يا ابو محمد ووالله مشتاقين..

نحمد الله كثيرا لظهور الأخوين العزيزين ( محمد وبخارى)

وأشكرك كثيرا ورغم متاعب العمل والارهاق اليومى بين
الاوراق وتشتت الافكار فلم تبخل علينا بالرد والاطمئنان
على صحتكم الغاليه لنا وللجميع .

وسنظل منتظرين مشاركاتكم القيمه رغم مشغولياتكم فلاتبخلوا
علينا بذلك .. وكل عام وأنتم بألف خير .. ورمضان كريم

تاج السر ( ودالشيخ ) الكبير

الاخ تاج السر فى انتظارك

يا طلحة ديك كان ما جابت بخاري دي بتجيبو:

جَافِيتْ الغِمِيد لَيْلِي ونَهارِي خَتْمتُو
ونَوْح الشَوقْ البِوَدِرْ في فُؤَادِي كَتمْتُو
عَاد يَا عَقْلِي كَان سِيد المَحَاسِنْ لُمْتُو
بَعاتْبِكْ قَلْبِي لِيه ظَبْيَّ البَرَارِي ظَلَمْتُو

سلامات يا اسعد
بخاري زول جميل وحبوب ارجو ان يشرف البوست
اهدي ليهو دي :
ريح الصبا الجاياني من ابوسالف
كيف حال خيلا سيدها عابد وكالف
دا الخلاني فوق لي نار جهنم خالف
حار فراق الزول بعد مايوالف

Quote: بخاري زول جميل وحبوب ارجو ان يشرف البوست اهدي ليهو دي : ريح الصبا الجاياني من ابوسالف كيف حال خيلا سيدها عابد وكالف دا الخلاني فوق لي نار جهنم خالف حار فراق الزول بعد مايوالف

طلحه أخوى .. بخارى المجادعات الشعرية
مابتجيبوا طالع ..

دحين ياطلحه أخوى صبوا ليه ( المويه) فى
( الجحر) بتاعوا خليهوا يجى ( مارق) لى
بره !!!!!!!!!!

ود الشيخ ( الكبير)

ود الشيخ الكبير ازيك

دي بتجيب بخاري- لومك على

حباب الزعيم البلفا ساعة العسرة
حباب جبل الضرا وري نهار الخترة
لمن تعطي ايدك تترا
زي صفق الاراك الشمة ريحة النترا

مرحبتين حباب التاج قمرنا الضاوي
ومرحبتين حباب العندو لينا حكاوي
ما ناسين وحاتكم،، للظروف بنلاوي
وعقبن جينا للمحبوب مرضنا يداوي

الأحباب المتداخلين، سلام وأشواق تبلل العروق في هذا الشهر الكريم، والله حبيبنا التاج (تاج روسينا كلنا)، دايما سباق في السوؤال عنا،، ونحن والله (لوم شديد)، لأن الذي بيننا صحبة ومعرفة وامتداد تواصل لا تهده الأيام...
تحيتي للتاج الذي جمع لنا في هذا البوست أقمارا نيرة عاشرناهم زمنا حلوا، الحبيب ابو الطلوح من غربته في الامارات، والرائع دوما زهير، والمتألق شاعرنا الفحل وشيخ العرب أسعد العباسي، الذي عشقنا مفرداته الرائعة وهو يتلفع توبه على بعير عنافي ويتحفنا بالمسادير..
لكم جميعا حبي وطبعا ابوحباب له ودي ورفقتي

في هذه الأيام الممطرة أهديكم مقولة شاعر البادية الفحل:
سماكي زرقتو زي الطاجن الممسوح
واتكّل سحابك زي سطور اللوح
اتحليتي بي نسمن عبيرا يوح
وفيك ريحة دعاشاتن ترد الروح

وهو يصف سماء البطانة المرعد في خريف عامر كخريف هذه الأيام
سماك يساوق ام برد البيرمي سقطّا
وجبالك جبد كجر التعول واتغطى

يا التاج والله متلومين بلحيل، لكنك تعلم ما في نفوسنا من شوق وتوق لرؤياكم، وانت ماك هين ، كيف حالك وحال الأسرة الكريمة؟ ان شاء الله الجميع بخير لكم مودتي.. خاصة وأن أقدارنا هذا العام باعدت بيننا وزيارة الحبي المصطفى ، كما كنا نفعل ونلتقيكم في دياركم العامرة...
تحياتي للجميع ..
واتمنى أن يكون هذا البوست حلقة تواصل مع جميع الأحباب..
وفي انتظار الجميع: طلحة وزهير وتاج روسينا ود الشيخ الكبير، واستاذنا أسعد العباسي، وابو حباب حبابو، وكل الحلوين

هلا بتمساح الدميرة الكسرو ما بتجبر
هلا بالبلا الحرق الشجر بعد ما خضر
او كما قالوا
وبعد
العزيز خالص بخاري لك الشوق مدرارا ومددا يا حبيب
ولك حلو المشاعر وطيب الاحساس واجمل الامنيات
بركة الطلة يا طل
هاك دي على السريع كدا :
الــــــزول السمح حلو النغم في كلامو
مزيون بالجمال لابس العفاف هندامو
من نور القمر شايل جمال أبسامـــــو
من شوفتــــو العيون لاصحو لانامـــو

ودي لابي حباب حودة

انا التوب العشاري الباهي زيقو
وانا الدابي إن كمــن للزول يعيقو
وأنا فراج الرجال وكتين يضيــــــقو
وانا المأمون على نســوان فريقو

بخاري
ومحمد
منورين ..
.
.
.
ومشتاقين

عفيت منك يا طلوح
ابشر بالخير............
العالم البشاري..
مشتاقين كتير والله
اخبارك....

اسعد العباسي تحياتي وهاك دي....
قج السادرة فى الوادي ام نعاما دكك
وضايق سوقا قبال الضمير يتمكك
انا اخو النايرة ان خرب الحديث واتلكك
وات قدامي ماك وراني مقطوع شكك

انتو تاج السر وين
ابحثوا معنا عن صاحب البوست
تاج السر

Quote: انتو تاج السر وين ابحثوا معنا عن صاحب البوست تاج السر

تاج السر موجود وبكثرة .. لكن ماقادر
يجارى تلك الكلمات الراقية والنقية نقاوة
أصحابها الأمجاد .. لكم التحية والتقدير
والاحترام والتشكرات ..

وبينى وبينك يامحمد أكاد لاأصدق بخارى
معانا فى المنبر .. وخلانى أقول وأقول
(جيتا جيت )

وراجع ليكم ..

تاج السر ود الشيخ

أبوحباب حمداً لله على السلامة .. ورمضان كريم..

ويا تاج السر لك الشكر على احضار هذا الشخص الى هنا

أنا جيت جارى لمن نفسى أنقطع .. وأنت
عارف يامحمد الجرى فى رمضان بعنى شنو!!


أخى المناضل بخارى ،،

التحيات والتشكرات .. والفرح بوصولك لنا
بالسلامه ياقريبى قربنا نمشى نقطة البوليس
للسؤال عنك ، لكن الحمدلله وجدناك بعد تعب ..

وإنت براك شايف الناس كلها تسأل عنكم لذلك
ماتطولوا الغيبه ..

على فكرة أخوى محمد أين ذهب ذاك الطرح الجميل
والذى طرحته عبر هذا المنبر .. أرجو أن تعاود
الكره مره أخرى عسى ولعلا يجد هذه المره الأذن
الصاغية !! أقول عسى ولعلا ..

ونحن جالسين فى كنبة الانتظار ..

تاج السر/ ودالشيخ

الاخ- تاج السر
مشتاقين


الاقتراح قائم
منتظرين مبادرتكم

العزيز- معتصم
كيفنك ابوي
مشتاقين- اخبارك والاولاد....
والدوحة...


بعدك الايام حزينة
رمضان كريم...

Quote: الاخ- تاج السر مشتاقين الاقتراح قائم منتظرين مبادرتكم

بادرنا وقولنا قولناه .. فقط بنحتاج للدفره
أخوى محمد .. دحين أبقى دافر ..

تاج

خلاص ياود الشيخ ندفربعد العيد
الموضوع داير شراب موية





المشوار طويل

ؤايك شنو

Quote: خلاص ياود الشيخ ندفربعد العيد الموضوع داير شراب موية المشوار طويل ؤايك شنو

بالعزم والمثابرة وكمان معها الدفريبه كل شئ يهون
وكل عام وأنت بخير أخى واستاذى محمد عبدالقادر

يامحمد أخوى صاحبنا بخارى شغال فى البوست ده بنظام
القطاره !!

أظهر عليك الامان يابخارى ..

تاج