Post: #1
Title: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-26-2009, 11:24 PM
Parent: #0
ورد في كُتُب أجدادنا القدماء الخبيرين بأحوال النساء: أنّ هناك حاجتان خفيفتان.
في المواصلات متعبتان. قيّل ما هما؟.
قالوا: المراة
والبطيخة...
|
Post: #2
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-26-2009, 11:26 PM
Parent: #1
تزوج إعرابي إمراة صغيرة, فعاتبه الناس في ذلك...
فردَّ عليهم قئلاً: المراة شر, والشر كلما قللت منه كان أفضل...
|
Post: #3
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-26-2009, 11:27 PM
Parent: #2
واحد بلدياتنا, ما شات معاهو نِسوان النوع السُمان شديد, يجدعن
في الشارع يااااالله, ولمان الواحدة تكون دايرة تتكلم تقيف وتغزز
يدينها في في نصها حتى تتكلم. صاحبنا زهجان منهن شديد, الواطه
سخانة والموقف لايحتمل. في هذه الأثناء ظهر القطر. واحدة وقفت
عاينت للقطر وقالت: قااااادر الله, عاد يا أخواتي الراجل السايق
القطر ده شديد جِنس شدّة!!!
فردّعليها صاحبنا وهو في حالة زهج شديد: والله شديد أنا, شديد
أنا السايقكن إنتن ديل...
|
Post: #4
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-26-2009, 11:28 PM
Parent: #3
واحد صاحبي قال لي عندو جماعة أصحابو بيطلقو على نسوانهن
إسم ( العدو). واحد منهم يوم إتصل على صاحبو, وبيسالو: يا أخي
إنتَ وين؟
قال ليهو: أنا هسّع فوق كُبري شمبات معاي العدو, وقاطعين الكُبري
كداري.
صاحبو طوالي قال ليهو: بسسسس دي فرصة عظيمة, طوالي أجدعها
في البحر.
بسرعة اآخر قال ليهو: والله أجدعها في البحر إلآ التمساح في دقائق
يجيبها لي رآجعة...
ملحوظة, كنتَ عايز أقول ليهو: والله أكان جدعها في البحر كان
طفّحت. يا زول ديل ما بيغرقن...
|
Post: #5
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-26-2009, 11:30 PM
Parent: #4
حلفاوي مرتو ماتت. الجماعة بسرعة شديدة جداً غسلوها, وكفنوها
وقاموا جاريين جري شديد جداً على المقابر. في أثناء ما هم مسرعين
ضربوا عمود الكهرباء, العمود وقع, وأسلاك الكهرباء وقعن فوق الجنازة
المراة فنترب قامت على حيلها. تاأأأني عاشت مع أخونا الحلفاوي وبعد
ثلاث سنين ماتت. الجماعة جو برضو بسرعة شديدة جداً غسلوها وكفنوها
وقاموا طايرين طيران على المقابر, وأخونا الحلفاوي جاري من الناحية
الفيها العواميد وشابكُن ليك: إإملو هسابكم من الأمود يا جماعة, إإملوا
هسابكم من الأمود يا جماعة...
|
Post: #6
Title: Re: ونـسـة دُقآقـــة... ممنوع دخول النســـوانـ ...
Author: محمد الطيب يوسف
Date: 08-26-2009, 11:37 PM
Parent: #5
Quote: وشابكُن ليك: إإملو هسابكم من الأمود يا جماعة, إإملوا
هسابكم من الأمود يا جماعة... |
|
Post: #7
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-26-2009, 11:47 PM
Parent: #6
تشكر على الطلة يا محمد الطيب يوسف, وهاك دي كمان:
واحدة سودانية قالو ليها: أبو حنيفة مرتو
ماتت الصباح, وعقد على الزوجة الجديدة بعد
العصُر, ودخل عليها بعد صلاة العشاء!!
قامت قالت: أجِي!! أريتو أبو حنيفة ضيق
السواد العليهو...
|
Post: #8
Title: Re: ونـسـة دُقآقـــة... ممنوع دخول النســـوانـ ...
Author: osman righeem
Date: 08-27-2009, 09:29 AM
Parent: #7
ود المدير
سلامات و رمضان كريم
غايتو اللهم إني صائم
كدي بجيك بعد السحور
عاين
بمناسبة مرض حامد بتاعك داك
مافي مصل أو حبوب وقاية
مغرود فيهن ضروري
|
Post: #9
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 11:00 AM
Parent: #8
Quote: ود المدير
سلامات و رمضان كريم
غايتو اللهم إني صائم
كدي بجيك بعد السحور
عاين
بمناسبة مرض حامد بتاعك داك
مافي مصل أو حبوب وقاية
مغرود فيهن ضروري |
الله أكرم يا رغيم. تصوم وتفطر على خير...
هاك الحبة دي تاخدها بعد السحور بساعة, عشان إنت صايم.
الشايقية جابولا خبر راجلها قالوا ليها: راجلك مات.
قالت: هي بِس, اول هو موت الليلي...
يا أخي أنا ملخبت بينك إنت والقرضابي
عليك الله سلّم لي على صاحبي بشير حسن يوسف شديد...
|
Post: #10
Title: Re: ونـسـة دُقآقـــة... ممنوع دخول النســـوانـ ...
Author: وجن
Date: 08-27-2009, 12:06 PM
Parent: #9
والله بالغت عديل
بس انت شكلك من أنصار النساء وكده
قبل يومين قريت العبارة دي موقع بيها أحدهم
وعجبتني شديد
عندما يخطئ رجل يقولون ياله من رجل غبي
وحين تخطئ امراءة يقولون يالغباء النساء
المرأة مظلومة رفقاً بالقوارير بالله
|
Post: #11
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 12:19 PM
Parent: #10
Quote: والله بالغت عديل
بس انت شكلك من أنصار النساء وكده
قبل يومين قريت العبارة دي موقع بيها أحدهم
وعجبتني شديد
عندما يخطئ رجل يقولون ياله من رجل غبي
وحين تخطئ امراءة يقولون يالغباء النساء
المرأة مظلومة رفقاً بالقوارير بالله |
يا وجن ما قلنا ما تجن.
لكن وكت أصلك جيتي, وحات الشهر العظيم ده ما أخليك
تمشي ساكت. هاك دي:
الولد قال لى أُمو: يا ماما, إنتِ سهير الشغالة بتطير؟
أُمو قالت ليهو: يا ولدي كيف تطير؟ الإنسان بيمشي ما بيطير.
لكن إنت سالتني السؤال الغريب ده ليه؟
قال ليها: لأني سمعتَ بابا في الصباح وهو طالع قال لى سهير:
صباح الخير يا فراشة!.
الأم قالت ليهو: زمان ما بتطير, لكن الليلة وحاتك يا ولدي
إياها الطايرة...
قلت لي رفقاً بمنو...؟
|
Post: #12
Title: Re: ونـسـة دُقآقـــة... ممنوع دخول النســـوانـ ...
Author: Siddig A. Omer
Date: 08-27-2009, 12:43 PM
Parent: #11
و احد زهجان قال لصحبو: و الله النسوان كان قالو الدوا منهم من غير ما تعرسوهم كان عملوا فينا فائدة.
|
Post: #14
Title: Re: ونـسـة دُقآقـــة... ممنوع دخول النســـوانـ ...
Author: Siddig A. Omer
Date: 08-27-2009, 12:57 PM
Parent: #12
مسطول مشي يخطب بت ..
قدمو ليه كباية شاي فيها (كيس لبتون)
قال لي صاحبو : أها من قولة تيت ساوين لينا عمل!!
|
Post: #13
Title: Re: ونـسـة دُقآقـــة... ممنوع دخول النســـوانـ ...
Author: وجن
Date: 08-27-2009, 12:47 PM
Parent: #11
كيف ما نجي
آمال أنت قائل المتين زائر ديل منو ما نحن زاتنا
المهم
أكيد عندك نكتة في القوارير زاتن بس براحة ما نتكسر
صوم صومك يا زول
|
Post: #15
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 12:58 PM
Parent: #13
| Quote: و احد زهجان قال لصحبو: و الله النسوان كان قالو الدوا منهم من غير ما تعرسوهم كان عملوا فينا فائدة. |
رمضان كريم يا صديق...
واحد قال لصاحبو: حسن الترابي أفتى إنو ما في حور
عين يوم القيامة, وإنو زوجتك في الدنيا بعدين تتحول
لحورية وتتزوجها.
صاحبنا زوجتو كانت شيّنة طوالي قال ليهو: يا أبو الشباب,
الله يكضّب الشينة...
|
Post: #16
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 01:01 PM
Parent: #15
Quote: كيف ما نجي
آمال أنت قائل المتين زائر ديل منو ما نحن زاتنا
المهم
أكيد عندك نكتة في القوارير زاتن بس براحة ما نتكسر
صوم صومك يا زول |
غايتو جِنِس لياااااقة!!!
|
Post: #17
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-27-2009, 01:13 PM
Parent: #16
معاويه يا عمك
الاخبار وكيف رمضان معاكم؟ وتصوم وتفطر علي خير
بعدين الليله موجه علي الجماعه مالك ياخ
رفقا بالقوارير.
بوست هوا .
|
Post: #18
Title: Re: ونـسـة دُقآقـــة... ممنوع دخول النســـوانـ ...
Author: صديق الموج
Date: 08-27-2009, 01:18 PM
Parent: #16
ونسة الضكير للضكير اخير منها جبنة فى ضل العصير...
مثل صينى....
خليهن يجن جاهن الــ.......
هن كان بجن ويفوتن اطعم منهن مافى
لكن المشكلة قعادن طواااااااااااااااااااااالى ده...
شافع قال لابوه:
يابا الثعبان دخل غرفة امى
الاب: غلطان هو الوداه غرفة امك شنو؟؟؟
|
Post: #19
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 01:30 PM
Parent: #18
Quote: معاويه يا عمك
الاخبار وكيف رمضان معاكم؟ وتصوم وتفطر علي خير
بعدين الليله موجه علي الجماعه مالك ياخ
رفقا بالقوارير.
بوست هوا . |
الكباشي يا حبيب. رمضان كـريمـ ..
واحده جات لراجلها قالت ليهو: أديني جنيه لاحقة
النسوان في الحافلة ما شات بيت البكا.
قال ليها: يا ولية على الطلاق ما أديك, فوتي من قدام وشي ده.
بعد شوية الولد جاء لى أبوهو قال ليهو: يا بابا حافلة
البكا إتقلبت والنسوان كلهن ماتن.
أبوهو قال ليهو: يا ولد أُمّك ما لقت ليها زول دينها...؟
قلت لي بوست هوا. يعني جاري هوا زي نمرك ده والا شنو؟
|
Post: #20
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 01:40 PM
Parent: #19
Quote: ونسة الضكير للضكير اخير منها جبنة فى ضل العصير...
مثل صينى....
خليهن يجن جاهن الــ.......
هن كان بجن ويفوتن اطعم منهن مافى
لكن المشكلة قعادن طواااااااااااااااااااااالى ده...
شافع قال لابوه:
يابا الثعبان دخل غرفة امى
الاب: غلطان هو الوداه غرفة امك شنو؟؟؟ |
يا صديق الموج مالك داير تجيبهن لينا, يجن يوقفن حالنا كمان.
واحد بعد إتخرّج جا قال لى أبوهو: يا أبوي أنا عاوز إتزوّج.
أبوهو قال ليهو: طوالي يا ولدي بت عمّك جاهزة.
الولد قال ليهو: لكن يا أبوي, بت عمي دي أنا ما عايزها.
قال ليهو: أها مالا؟ عيبها لي.
الولد قال ليهو: يا أبوي ما فيها عيب. لكن أنا ما بحبها.
أبوهو قال ليهو: يا ولد أوّل أنا أُ مّك الزي العقرب دي,
أنا كنتَ قاعد أحبها!!!
رمضان كـــريمــ ...
|
Post: #21
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-27-2009, 01:59 PM
Parent: #20
اعمل حساب الامم المتحده يا مدير.
|
Post: #22
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-27-2009, 02:05 PM
Parent: #21
|
Post: #23
Title: Re: ونـسـة دُقآقـــة... ممنوع دخول النســـوانـ ...
Author: almogira alemam
Date: 08-27-2009, 02:14 PM
Parent: #20
ديل !!!!!!!!!!!!!!!!!1
|
Post: #24
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-27-2009, 02:19 PM
Parent: #23
|
Post: #25
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 02:25 PM
Parent: #24
| Quote: اعمل حساب الامم المتحده يا مدير. |
إن شاء الله يا الكباشي يجن ما يخلن لك
صفحة ترقد عليها.
غايتو أنا برررررة...
|
Post: #26
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 02:29 PM
Parent: #25
| Quote: ديل !!!!!!!!!!!!!!!!!1 |
وضّح, أبِن, أفصِح يا المغيرة.
ما قُلتو نُوُّبة!!!
رمضان كــــريمــ ...
|
Post: #27
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-27-2009, 02:29 PM
Parent: #25
وتقول لي برا يا معاويه..
|
Post: #28
Title: Re: ونـسـة دُقآقـــة... ممنوع دخول النســـوانـ ...
Author: الرفاعي عبدالعاطي حجر
Date: 08-27-2009, 03:01 PM
Parent: #27
معاوية المدير
رمضاااان كريم
قلت معاوية دا ممنوع دخول القوارير , فأكيد البوست مزدحم بنون النسوة
فلقيت العكس وقلت ياريت ود المدير كتب ممنوع دخول الرجال !!!
المهم في زول شهير كدا متزوج اربعة حريم ثلاثة ماتن ... جارنا بيجئ من السفر
في اجازته السنوية يقولوا ليهو فلان دا مرتو ماتت امشي شيل معاهو الفاتحة ..
يعزي ويرجع لي غربتو وفي زيارة تكررت القصة في التالتة مشى ليهو ولم يعزيه
قال ليهو تعال انت بتلقى النسوان البموتن ديل وين ؟
............. بدون توقيع وحقوق الملكية لصاحبنا محفوظة .
|
Post: #29
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 03:28 PM
Parent: #28
| Quote: قلت معاوية دا ممنوع دخول القوارير , فأكيد البوست مزدحم بنون النسوة |
البوست يا الرفاعي عامل 365 إذا قلنا 65 ناس خشنين.
الـ 300 البيتاوقو ديل يبقو منوووو؟؟؟
رمضان كريم. خلني أخد لي نومة وأجيك...
|
Post: #30
Title: Re: ونـسـة دُقآقـــة... ممنوع دخول النســـوانـ ...
Author: وجن
Date: 08-27-2009, 05:54 PM
Parent: #29
متاوقة ومتابعة ومشاركة
لآيوووووووووووووقة
غايتو قبيل مسكني منك الشديد القوي
وماتقول اليومين ديل جنس ويكه
بوست لذيذ
|
Post: #31
Title: Re: ونـسـة دُقآقـــة... ممنوع دخول النســـوانـ ...
Author: Osman Musa
Date: 08-27-2009, 06:12 PM
Parent: #30
عزيزنا المدير
سلامات
ورمضان كريم
عارف يا صاحبى عايز أكتب وخايف ..
تحياتى
|
Post: #32
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 11:13 PM
Parent: #31
| Quote: قال ليهو تعال انت بتلقى النسوان البموتن ديل وين ؟ |
الرفاعي صباح الخير...
ماتت إمراة فإشترى لها زوجها كفناً قصير.
فقالت له الغاسلة: الكفن قصير!
فقال لها: البسيها خُفيها..
النوع ده يا الرفاعي هو البيخلينا نتضامن مع الجماعة..
ســــؤال: مولانا حجر, كان بيدرسنا التربية الإسلامية في
مدرسة القومية عطبرة. هل هو قريبك؟
|
Post: #33
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 11:17 PM
Parent: #32
Quote: متاوقة ومتابعة ومشاركة
لآيوووووووووووووقة
غايتو قبيل مسكني منك الشديد القوي
وماتقول اليومين ديل جنس ويكه
بوست لذيذ |
لي هسّع حايمة براكِ بجاي, والجماعة يتاوقو؟
البوست ده نختليهو حجر, والله شنو يعني؟؟
|
Post: #34
Title: Re: ونـسـة دُقآقـــة... ممنوع دخول النســـوانـ ...
Author: نوفل عبد الرحيم حسن
Date: 08-27-2009, 11:42 PM
Parent: #33
Quote: إإملو هسابكم من الأمود يا جماعة, إإملوا
هسابكم من الأمود يا جماعة... |
ههههههه
| Quote: ممنوع دخول النســـوانـ |
غايتو الليله شد حيلك
وان شاءالله تجيك عزاز اول واحده من مافي
معاوية رمضان كريم وتصوموا وتفطروا علي خير
|
Post: #35
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-27-2009, 11:54 PM
Parent: #34
Quote: عزيزنا المدير
سلامات
ورمضان كريم
عارف يا صاحبى عايز أكتب وخايف ..
تحياتى |
الله أكــرم يا عثمان...
يأخوي أنا هسع قاعد إتركض واكتب, والبوست
أصلوا إتعمل ومافي طريقة يرجع, دحين يا زول
تعال أبهل كلامك, وزي ما تجي تجي.
بالمناسبة دي هاك دي:
واحده جاااارة توبها بالتراب وماشية على البحر
الجماعة قالو ليها: يا زولة التوب ده ما ترفعيهو!!
قالت ليهن: أصلي ماشة أغسلو...
|
Post: #36
Title: Re: ونـسـة دُقآقـــة... ممنوع دخول النســـوانـ ...
Author: SHIBKA
Date: 08-27-2009, 11:56 PM
Parent: #35
معاوية
ابو حنيفة ما براهو الضايق
الرجال ديل معظمهم الواحد من مرتو تموت يفكر في التانية
|
Post: #37
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-28-2009, 00:08 AM
Parent: #35
Quote: غايتو الليله شد حيلك
وان شاءالله تجيك عزاز اول واحده من مافي
معاوية رمضان كريم وتصوموا وتفطروا علي خير |
الله أكــرم يا نوفل, وأنتم كذلك...
إتحداك يا نوفل, وإتحدى المـ.......كـ...
شلة كده من النوع البيتلمن يشربن جبنة النهار ويدورن قطيعة ديّك.
واحدة فيهن راجلها قاعد يدقها بعروق الملوخية( يعني عامل فيها حنين
وكده) وهي دائماً بتشتكي لصحاباتها. ودائماً بيقولن لها: أمشي النقطة
إشتكيهو(نظام تحريشات). هي عايزة تشتكي لكن خااااايفة. يوم يا زول
نفخنها ليك نفخ شديد, قامت لبست توبها, ومشت على النقطة.
الفراودة قاعدات يشفطن في الجبنة, ومنتظراتنها. دخلتها عليهن قالن
لها: أها, إشتكيتيهو؟
قالت ليهن: لا!!
قالن لها: لييييييه!!!
قالت ليهن: مشيت لقيت النقطة قافلة!!!
|
Post: #38
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-28-2009, 00:14 AM
Parent: #37
Quote: معاوية
ابو حنيفة ما براهو الضايق
الرجال ديل معظمهم الواحد من مرتو تموت يفكر في التانية |
رمضان كــريم يا شبكة...
في نوع كمان ما داير, وعندو فلسفتو للموضوع.
زي واحد بلدياتناكان مقرطها شويّة. قالوا ليهو:
يا زول ما تعرّس!!
قال ليهن: مالي بفك البلاء من أهلو, وادرعوا في
رقبتي؟؟؟
|
Post: #39
Title: Re: ونـسـة دُقآقـــة... ممنوع دخول النســـوانـ ...
Author: GamarBoBa
Date: 08-28-2009, 00:21 AM
Parent: #35
شايف حكاية (أأملو حسابكم من الامود) عاجباكم شديد
تشيلوا وتكوتوا
عموما النوبة ديل لياقتهم تعبانة في رمضان لكن لو اديتهم صفارة واتلموا في البوست ده تاني الا تطلعوا انتو في العمود فخدوا راحتكم و(كوتوا) قدر ما تكوتوا..انشاء بعد ضحكم ده غربتكم تتفرج وسدودكم تنور وبيوتكم ما تقع من الامطار وكان عربيكم عاجبكم ابقوا اقيفوا بيه في وش القنوات العربية الشغالة فينا (آآآآي) ويا زول و(قت ليك) وشغالة استهزاء بالسوداني والمايشتري يتفرج.
حتي عربي السودان ده طلع ما عربي ما شفنا الخليجين...
في دعاية الايام دي شغالة عن حجر بطارية بلهجة قبيلة من غرب السودان...شغلة برضو تعل البني الآدم
يلقوها من الجنجويد ولا من ضحالة تفكير ناس الخرطوم البضحكوا بقلب الحرف من عين الي الف ولا حاء الي هاء
هسة امانة عليكم وفي ذمتكم قول انا قلبت حرف الضاء دال...يعني شنو عوض ولا اود؟؟؟بتفرق شنو
قول ضحكتو شديد يعني شنو؟؟؟كدة الامور فرجت والمآسي جبرت؟؟
تسلموا ورمضان كريم ولا شيء شخصي
|
Post: #40
Title: Re: ونـسـة دُقآقـــة... ممنوع دخول النســـوانـ ...
Author: طارق جبريل
Date: 08-28-2009, 00:33 AM
Parent: #39
انا ما قلتلك انت مقطوع طاري
ابيت تصدقني
|
Post: #118
Title: Re: ونـسـة دُقآقـــة... ممنوع دخول النســـوانـ ...
Author: حماد الطاهر عبدالله
Date: 09-03-2009, 01:22 PM
Parent: #40
يا سبحان الله
ورمضان كريم.
تصور يا طارق جبريل وأنا بقرأ في البوست العجيب دا وبضحك وبقول في نفسي:
مقطوع الطاري دا جا من وين؟؟؟؟؟؟؟؟؟
|
Post: #41
Title: Re: ونـسـة دُقآقـــة... ممنوع دخول النســـوانـ ...
Author: الامين موسى البشاري
Date: 08-28-2009, 00:41 AM
Parent: #39
الاخ معاوية المدير
ســــــلامات ...... مالك علينا يا زول في رمضان ده...
اللهم أجعل كلامنا خفيف عليهن بس
وردني عبر الايميل :
سألوا خبير في الشؤون السياسية عن أنواع النساء فقال :
المرأه من عمر 14 الى 18 ...متل ماليزيا.... كل شي فيها حلو ....
ومن عمر 18 الى 25 ...مثل لوس انجلس... مثيره ومتوحشه وغامضه...
ومن عمر 25 الى 35 ...مثل دبي... متطوره ورائعه ...
ومن عمر 35 الى 45 ...مثل جده... رطبه وحاره ولاتزال جذابه....
ومن عمر 45 الى 50 ...مثل القاهره... خسرت الحرب ولم تخسر الامل ...
ومن عمر 50 الى 55 ...مثل الرياض... متوثبه وراقيه ولكن لا احد يريدها ...
ومن عمر 55 الى 65 ...مثل قطر... بتموت بالمشاكل...
ومن عمر 65 الى 75 ...مثل دمشق ماضي عريق... ولكن بدون مستقبل .......
_________
منقــــــــول
|
Post: #42
Title: Re: ونـسـة دُقآقـــة... ممنوع دخول النســـوانـ ...
Author: محمد الطيب يوسف
Date: 08-28-2009, 01:27 AM
Parent: #41
Quote: عندما يخطئ رجل يقولون ياله من رجل غبي
وحين تخطئ امراءة يقولون يالغباء النساء |
وجن شكلك أساسية عندنا في بيت السودانيين
ده توقيعي هناك
|
Post: #43
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-28-2009, 02:10 AM
Parent: #42
فوق لمزيد من الهوا لمعاويه المدير .
|
Post: #44
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-28-2009, 05:17 AM
Parent: #43
Quote: شايف حكاية (أأملو حسابكم من الامود) عاجباكم شديد
تشيلوا وتكوتوا
عموما النوبة ديل لياقتهم تعبانة في رمضان لكن لو اديتهم صفارة واتلموا في البوست ده تاني الا تطلعوا انتو في العمود فخدوا راحتكم و(كوتوا) قدر ما تكوتوا..انشاء بعد ضحكم ده غربتكم تتفرج وسدودكم تنور وبيوتكم ما تقع من الامطار وكان عربيكم عاجبكم ابقوا اقيفوا بيه في وش القنوات العربية الشغالة فينا (آآآآي) ويا زول و(قت ليك) وشغالة استهزاء بالسوداني والمايشتري يتفرج.
حتي عربي السودان ده طلع ما عربي ما شفنا الخليجين...
في دعاية الايام دي شغالة عن حجر بطارية بلهجة قبيلة من غرب السودان...شغلة برضو تعل البني الآدم
يلقوها من الجنجويد ولا من ضحالة تفكير ناس الخرطوم البضحكوا بقلب الحرف من عين الي الف ولا حاء الي هاء
هسة امانة عليكم وفي ذمتكم قول انا قلبت حرف الضاء دال...يعني شنو عوض ولا اود؟؟؟بتفرق شنو
قول ضحكتو شديد يعني شنو؟؟؟كدة الامور فرجت والمآسي جبرت؟؟
تسلموا ورمضان كريم ولا شيء شخصي |
تسلم يا قمر بوبا. الله أكــرم...
طيب عشان ما تطرّم شديد نغير ليك الموجة...
قال ليك نسوان لامات الشفع في الشارع, وشاداتلهن
بليلة, الشُفع يدقوا في الصفايح ويكوركو. جا واحد شايقي
فايت قالهن: مالكِن في شينو؟
قالن ليو: القمرا خسفت يا سيد أحمد!!!
قالهن: ما من عمايِلكِن السودي.
واحدة قالت لو: عمايلنا السودا شنو كمان؟
قال لهن: بتزيدِن المريسي مويِ!!!
|
Post: #45
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-28-2009, 05:27 AM
Parent: #44
Quote: انا ما قلتلك انت مقطوع طاري
ابيت تصدقني |
يا ود جبرين, إنت الجابك بجاي شنو؟
البوست ده كان قامت فيهو كعّة بتقدر تستحملها؟
نديك واحدة حسب موقعك من الكرة الأرضية:
كان رجل كثير المخاصمة لإمراته, وله جار يعاتبه على ذلك.
فلما كان في بعض الليالي خاصمها خصومة شديدة وضربها, فإطلع
عليه جاره فقال: يا هذا, إعمل معها كما قال الله تعالى: إما
إمساك أيش إسمو, أو تسريح ما أدري إيش؟؟؟
|
Post: #46
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-28-2009, 05:36 AM
Parent: #45
Quote:
الاخ معاوية المدير
ســــــلامات ...... مالك علينا يا زول في رمضان ده...
اللهم أجعل كلامنا خفيف عليهن بس
وردني عبر الايميل :
سألوا خبير في الشؤون السياسية عن أنواع النساء فقال :
المرأه من عمر 14 الى 18 ...متل ماليزيا.... كل شي فيها حلو ....
ومن عمر 18 الى 25 ...مثل لوس انجلس... مثيره ومتوحشه وغامضه...
ومن عمر 25 الى 35 ...مثل دبي... متطوره ورائعه ...
ومن عمر 35 الى 45 ...مثل جده... رطبه وحاره ولاتزال جذابه....
ومن عمر 45 الى 50 ...مثل القاهره... خسرت الحرب ولم تخسر الامل ...
ومن عمر 50 الى 55 ...مثل الرياض... متوثبه وراقيه ولكن لا احد يريدها ...
ومن عمر 55 الى 65 ...مثل قطر... بتموت بالمشاكل...
ومن عمر 65 الى 75 ...مثل دمشق ماضي عريق... ولكن بدون مستقبل .......
_________
منقــــــــول |
يا البشير, رمضان كــريمـ ...
بمناسبة الأعمار...
قال ليك واحدة إتقدم ليها راجل كبيييييير ووافقت...
قامن صاحباتها يعاتبن فيها.
قالن ليها يأخ بالغت لكن, ما للدرجة دي.
قالت ليهن: ياخ هو كده أنا رضيانة...
واحدة قالت ليها: مبااالغة لكن. يا زولة ده ضهرو زاااتو
محني عدددديل كده.
قالت ليها: محني, محني. أنا دايره أسطّر بيهو...
|
Post: #48
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-28-2009, 05:39 AM
Parent: #46
| Quote: فوق لمزيد من الهوا لمعاويه المدير . |
الكباشي يا جبان. والله كراكتيراتك الفوق دي,
إلا تموصها وتشرب مويتها زي ما قال واحد
أخونا كــده...
|
Post: #47
Title: Re: ونـسـة دُقآقـــة... ممنوع دخول النســـوانـ ...
Author: وجن
Date: 08-28-2009, 05:39 AM
Parent: #45
وجن شكلك أساسية عندنا في بيت السودانيين
أبداً والله أنا ما بتصفح موقع سوداني غير بيتي دا بس بالصدفة لما قلت لي
عاوز بيت الشعر داك اللي طلع بعد داك أغنية لود الريح
قوقلت البيت طلعت لي انت بهناك
توقيعك جميل
معاوية أنا نادوني ماجيت ضهبانة المرة دي
بعد الحجارة الختيته لي لملمت توبي ومرقت
بوستك زاتو شين
|
Post: #49
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-28-2009, 10:39 AM
Parent: #47
Quote: معاوية أنا نادوني ماجيت ضهبانة المرة دي
بعد الحجارة الختيته لي لملمت توبي ومرقت
بوستك زاتو شين |
بعد شبكة جات بقيتن إتنين
الطوبة بيختوها للواحدة
خاسةً لمان تكون في البرينسة...
ما قلنا ممنوع الدخول!!!
|
Post: #50
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-28-2009, 04:19 PM
Parent: #49
اعمل حساب الامود يا معاويه
|
Post: #51
Title: Re: ونـسـة دُقآقـــة... ممنوع دخول النســـوانـ ...
Author: munswor almophtah
Date: 08-28-2009, 04:33 PM
Parent: #50
معاويه الجنا عليه الرحمه زمان لمن يشملو زول بسل سكينو وبقولو أنا خابر
رويحتك كركرت والله القريمانه دى إلا تشبع فيك فليخ دحين يا جر واطى يا
رويحتك مكركره.
رمضان كريم
منصور
|
Post: #52
Title: Re: ونـسـة دُقآقـــة... ممنوع دخول النســـوانـ ...
Author: عبد الحكيم نصر
Date: 08-28-2009, 04:34 PM
Parent: #50
امود شنو يا باشاوات انتو ما بتحترمو التعدد؟
في واحدة اشترت شريحة جديدة وحبت تعمل مفاجاة لراجلها
قامت ضربت ليهو من المطبخ وهو في الصالون:ازيك يا حبيبي؟
قال:اقفلي هسه الحيوانة دي موجودة بتصل بيكي بعدين...
|
Post: #53
Title: Re: ونـسـة دُقآقـــة... ممنوع دخول النســـوانـ ...
Author: MOHAMMED ELSHEIKH
Date: 08-28-2009, 06:05 PM
Parent: #52
آخر شمار من ابها
سيدة سعودية تدخل طليقها مستشفى الأمراض العقلية
بعد زواجه عليها
تمكنت سيدة سعودية من أن توجه ضربة قاضية لزوجها السابق وتدخله مستشفى الأمراض النفسية بعد أن 'خان العشرة' وأحضر لها ' ضرة' ناسيا سنوات كفاحها معه في رحلة العمر.
وبحسب صحيفة 'اليوم' السعودية فقد شهدت مدينة أبها في جنوب البلاد أغرب قصة لانتقام زوجة من زوجها بعد أن تزوج عليها، حيث قام الزوج بالاشتراك مع زوجته ببناء منزل (العمر) وبعد أن انتهى من بناء طابق أرضي ودور مرتفع فوقه قرر الزواج على شريكته في البناء والحياة الزوجية ولم يكتف بذلك بل أسكن زوجته الجديدة في الدور العلوي وأمر زوجته الأولي بالبقاء في الدور الأرضي.
وقد أوغرت أفعال الزوج صدر الزوجة الأولى ضد زوجها وتظاهرت بموافقتها على ما قام به زوجها وأقنعته بأن يكتب الدور الأول باسمها بالنظر إلى أنها شاركته في البناء، وبعد أن تسلمت صك ملكية الدور الأول من المحكمة فاجأت الزوجة زوجها بطلب الطلاق كما طلبت منه أن يتولى حضانة الأطفال.
وأشارت الصحيفة إلى أن محاولات الأقارب للإصلاح بين الطرفين قد باءت بالفشل فاضطر الزوج لطلاقها وبعد أن أتمت الزوجة شهور العدة أقدمت على الخطوة الأخيرة من انتقامها بأن تزوجت من شخص آخر وأسكنته معها في الدور الأرضي بنفس البيت الذي يسكن فيه زوجها،
مما أدى إلى أن يصاب الزوج بحالة سيئة دخل على أثرها مستشفى الأمراض النفسية ولا يزال تحت العلاج.
|
Post: #54
Title: Re: ونـسـة دُقآقـــة... ممنوع دخول النســـوانـ ...
Author: سيف الدولة كامل
Date: 08-28-2009, 06:06 PM
Parent: #52
خليجي سمع مصري بيغازل في زوجته
المصري لزوجته: شايفه القمر يا حبيبتي
الزوجة : ااه والله منظره حلو وجميل
الزوج : بس انتي احلي واجمل
الخليجي عاوز يطبق النظرية مع زوجتة:
الخليجي لزوجتة: شايفه القمر يا حبيبتي
الزوجة : علامي ما شايفه عميه متل امك
رمضان كريم يا ود المدير
|
Post: #55
Title: Re: ونـسـة دُقآقـــة... ممنوع دخول النســـوانـ ...
Author: محاسن أحمد محمد
Date: 08-28-2009, 07:26 PM
Parent: #54
العنوان الزى ده بنتاوق ليه براحه من راس الحيطه
معليش شايفاكم فكيتو غلبكم فينا ما فى مشكله الظاهر رمضان غلبكم
بقت عليكم حكاية
لا بريدك ولا بحمل بلاك
بس الله ما وراكم راينا فيكم
وهسى كان لاقتكم وحدى بس فيها حبة ظرافه شويه
او لو جات وحدى ماشه ساكت كلكم
تتكبكبو وتكوبو الجرسه
وحبوبتى فى مناسبه قالت وكانو البنات والنسوان قاعدين
اتونسوا واقطعو فى الرجال بعد ما سمت الكلام كل قالت
يا بناتى عرسو والدو ولادتكم بتنفعكم لكن الرجال ديل.........
والله بس ما بنقدر نمشــى حفيانين
تصوموا وتفطروا عل خير
ومعذره لو رفعته الكلفه
البوست لطيف جدا
|
Post: #56
Title: Re: ونـسـة دُقآقـــة... ممنوع دخول النســـوانـ ...
Author: الامين موسى البشاري
Date: 08-28-2009, 09:10 PM
Parent: #55
في واحدة قالوا ليها تعرسي ولا تمشــــــي الحج تجحي؟
قالت: بس ... هي الكعبة دي طايرة
______
أي كــــــلام هنا على مســــؤولية صاحب البوست.
|
Post: #57
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-29-2009, 01:03 AM
Parent: #50
الكباشي أخوي, أرقد وآطة مع النمر
بتاعك ده, شايف الجماعة بدو يظهروا
شوية شوية...
أعصابك يا عمك...
|
Post: #58
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-29-2009, 03:36 AM
Quote: معاويه الجنا عليه الرحمه زمان لمن يشملو زول بسل سكينو وبقولو أنا خابر
رويحتك كركرت والله القريمانه دى إلا تشبع فيك فليخ دحين يا جر واطى يا
رويحتك مكركره.
رمضان كريم
منصور |
أفوووو يا المنصور!!!
أنا عربياً ما بخاف ولا بعرف الخوف
إن كشكش كديس تلقاني قايم صوووف...
ملحوظة: الكديس ممكن نستفيد من جلدو نعملوا مركوب
عشان كده ما تسلموهو الجماعة...
رمضان كريم. بديك سلك...
|
Post: #59
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-29-2009, 03:43 AM
Parent: #58
Quote: امود شنو يا باشاوات انتو ما بتحترمو التعدد؟
في واحدة اشترت شريحة جديدة وحبت تعمل مفاجاة لراجلها
قامت ضربت ليهو من المطبخ وهو في الصالون:ازيك يا حبيبي؟
قال:اقفلي هسه الحيوانة دي موجودة بتصل بيكي بعدين... |
يا عبد الحكيم رمضان كــريم...
الحاجة جلكُونية شدييييد, أولاد بنات
بنتها قالوا ليها: يا حبوبة أخيرليك
العرس, والا الرُز باللبن؟
قالت ليهن: يا ولادي أنا الرُز باللبن
عندي ليهو سنون!!!
|
Post: #60
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 08-29-2009, 03:59 AM
Parent: #59
Quote: سيدة سعودية تدخل طليقها مستشفى الأمراض العقلية
بعد زواجه عليها |
إنّ كيدهُنَّ عظيييييييم يا ود الشيخ.
الله لا وقعك تحت إيدهن...
رمضان كـــريمــ ...
|
Post: #61
Title: Re: ونـسـة دُقآقـــة... ممنوع دخول النســـوانـ ...
Author: وجن
Date: 08-29-2009, 04:24 AM
Parent: #60
في واحد مشي لصاحبو في البيت لقاهو بنادي علي زوجتو
وبقوليها يا روحي ويا عمري
قام قاليهو ماشاء الله بعد 25 سنة لسة بتدلع مرتك كدة
قاليهو اسكت بس والله ما متذكر اسمه
والله السعودية دي كيفتني كيف
إنّ كيدهُنَّ عظيييييييم يا ود الشيخ.
يعني إنت شفت كيده وما شفت غدر راجله
غايتو جنس رجال الله يدينا خيركم
|
Post: #62
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-29-2009, 05:30 AM
Parent: #61
نقلا عن صحيفةالرائد
|
Post: #63
Title: Re: ونـسـة دُقآقـــة... ممنوع دخول النســـوانـ ...
Author: عبدالله ابوشواب
Date: 08-29-2009, 05:41 AM
Parent: #61
واحدة بايركس مشت للشيخ قالت ليهو يا شيخنا ما تشوف لي موضوع العرس دا
الشيخ صنقع ودنقر وجر السبحة وقال ليها انتي بعرسوك قريب دا
البت بقت تضحك ضحك شديد
الشيخ جر السبحة تاني وقال ليها وكمان العريس مغترب في السعودية
البت قعدت تبكي الشيخ قعد يسكت فيها يابتي مالك انتي ما كنتي كويسة
قبل شوية مالك ؟ البت قالت ليهو: والله يا شيخنا انا هميت من ولادة الغربة
|
Post: #64
Title: Re: ونـسـة دُقآقـــة... ممنوع دخول النســـوانـ ...
Author: الرفاعي عبدالعاطي حجر
Date: 08-29-2009, 10:08 AM
Parent: #63
Quote: ســــؤال: مولانا حجر, كان بيدرسنا التربية الإسلامية في
مدرسة القومية عطبرة. هل هو قريبك؟ |
عطبرة دي كلها أقربائي من امبكول وإنت ماشي داخلة حصاية سكة حديد
الامتدادات والان المطار ... محي الدين حجر شمسون عمي واكيد مولانا
حجر لو من جلاس قريبي ... بعض احلى ايام حياتي قضيتها في عطبرة
وأتوق لها دوماً .
..................................................حجر.
|
Post: #65
Title: Re: ونـسـة دُقآقـــة... ممنوع دخول النســـوانـ ...
Author: عبد الحكيم نصر
Date: 08-29-2009, 12:31 PM
Parent: #64
بمناسبة الفقرا والبايركس
ديل طبعا جنهم فقرا...
واحدة عمرها اربعة واربعين سنة
ما اتقدم ليها زول
مشت لي فكي قام كتب ليها حجاب وقال
بس شهر وتعرسي
شهر اتنين ....سنة ....سنتين
عشرة ....زهجت وفتحت الحجاب لقت
المكتوب فيهو(ياتوك رجالا وعلي كل ضامر ياتين من كل فج عميق)
|
Post: #66
Title: Re: ونـسـة دُقآقـــة... ممنوع دخول النســـوانـ ...
Author: Siddig A. Omer
Date: 08-30-2009, 00:25 AM
Parent: #65
ياخى الواحد وين يلقى فرصة اتنفس.....
ياخى اتنفسوأ هواءاً اسفيرياً "على الاقل"
بس عليك الله يا معاوية البوست دها اعمل ليهو "باسورد" عشان ما يقرؤهو "الجماعة" ياخى عليك الله.
واحد "جرسة"
|
Post: #67
Title: Re: ونـسـة دُقآقـــة... ممنوع دخول النســـوانـ ...
Author: عبدالله ابوشوارب
Date: 08-30-2009, 05:59 AM
Parent: #66
واحدة بايركس وسمينة اتقدم ليها واحد مسطول
بعد مشوارات كدة امها قالت ما عندها مانع لكن
لازم المهر يكون عشرة مليون
المسطول قال ليها: ليه انتي حسبتي لي الكيلو بي كم؟
|
Post: #68
Title: Re: ونـسـة دُقآقـــة... ممنوع دخول النســـوانـ ...
Author: abdalla BABIKER
Date: 08-30-2009, 06:56 AM
Parent: #67
Quote: وقعن فوق الجنازة
المراة فنترب قامت على حيلها |
احلى تعبير
واصل متابعين
|
Post: #69
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-30-2009, 07:38 AM
Parent: #68
لحين عودة الهارب معاويه المدير ..
|
Post: #70
Title: Re: ونـسـة دُقآقـــة... ممنوع دخول النســـوانـ ...
Author: الصادق صديق سلمان
Date: 08-30-2009, 10:43 AM
Parent: #69
يا مَدير معاوية
بوستك بس كستبلي يعني جميل شديد زي الكستليته في رمضان
|
Post: #71
Title: Re: ونـسـة دُقآقـــة... ممنوع دخول النســـوانـ ...
Author: عبد الحكيم نصر
Date: 08-30-2009, 01:35 PM
Parent: #70
واحد بلدياتي عندو مرتو نقة
مرة بعد فاصل من النقة ..وزولي ساكت
ما بيرد ..بعد ان غادرت الزوجة قال لي:
والله يا ولدي الحريم ديل المفروض زي العقارب
يلدو وطوالي يموتو)
|
Post: #72
Title: Re: ونـسـة دُقآقـــة... ممنوع دخول النســـوانـ ...
Author: Muna Khugali
Date: 08-30-2009, 02:09 PM
Parent: #71
معاوية رمضان كريم وزوارك..
كل مره اقرا العنوان واقول خلاص ما بدخلزز
اللي غلبني!
وكنت ناويه اعمل ما دخلت بعد قريت البوست..
لكن من شد ما اتكيفت غلبني ما أظهر الشماته ..
Quote: وأشارت الصحيفة إلى أن محاولات الأقارب للإصلاح بين الطرفين قد باءت بالفشل فاضطر الزوج لطلاقها وبعد أن أتمت الزوجة شهور العدة أقدمت على الخطوة الأخيرة من انتقامها بأن تزوجت من شخص آخر وأسكنته معها في الدور الأرضي بنفس البيت الذي يسكن فيه زوجها،
مما أدى إلى أن يصاب الزوج بحالة سيئة دخل على أثرها مستشفى الأمراض النفسية ولا يزال تحت العلاج.
|
عفيت عنها الفالحة..
|
Post: #73
Title: Re: ونـسـة دُقآقـــة... ممنوع دخول النســـوانـ ...
Author: عبد الحكيم نصر
Date: 08-30-2009, 02:23 PM
Parent: #72
عجوز بتستحم في حوض سباحة
جاها برق..قالت :خلاص يا شباب
بديتو تصورو...
|
Post: #74
Title: Re: ونـسـة دُقآقـــة... ممنوع دخول النســـوانـ ...
Author: عبد الحكيم نصر
Date: 08-30-2009, 02:34 PM
Parent: #3
اثنين اتزوجوا من عشرين سنه قرروا يصيفوا ع البحر بنفس الفندق اللى قضوا فيه شهر العسل زمان لكن الزوجة كانت مشغولة فاتفقت مع زوجها إنه يسافر لوحده وهي تلحقه بعد يومين وصل الزوج الفندق ودخل الغرفة حصل كمبيوتر بالغرفة وموصل بالانترنت فقال: ارسل ايميل لزوجتي اطمنها على أحوالي. بعد ماكتب الرسالة وهو بيكتب عنوان البريد الالكترونى لزوجته أخطأ فى كتابة حرف فى العنوان وبالطبع راح الايميل لشخص ثانى تصادف إنه كان لأرملة توها راجعة من مراسم دفن زوجها اللى توفاه الله بنفس اليوم .. الأرملة فتحت كمبيوترها عشان تقرأ ايميلات التعازي وطاحت على الأرض مغمي عليها بلحظة دخول ولدها اللي حاول يسعفها بكل الطرق وما قدر نظر الابن إلى كمبيوتر أمه وقرأ الرسالة التالية : زوجتى العزيزة .. وصلت بخير .. ويمكن تتفاجئين لأنك تعرفين أخباري عن طريق الانترنت ، لأنه الان صار فيه كمبيوتر عندهم ويقدر الواحد يرسل أخباره لأهله وأحبابه يوم بيوم .. أنا لي ساعة واصل وتأكدت إنهم جهزوا المكان وكل شىء .. وما باقى غير وصولك عندي هنا بعد يومين .. إشتقت لك كثير ومشتاق أشوفك واتمنى تكون رحلة سريعة زي رحلتي .. ملاحظة : ما ضروري تجيبي ملابس كثيرة معاك لأن هنا الحر شديد خالص يعنى جهنم إن شاء الله ما تتأخري علي ياعمري..!!!
|
Post: #75
Title: Re: ونـسـة دُقآقـــة... ممنوع دخول النســـوانـ ...
Author: almogira alemam
Date: 08-30-2009, 03:00 PM
Parent: #74
الله يديك العافية يا حبيب شغال تفتح لينا فى نيران جهنم سااااااى
|
Post: #76
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 08-31-2009, 12:24 PM
Parent: #75
فوق....
|
Post: #77
Title: Re: ونـسـة دُقآقـــة... ممنوع دخول النســـوانـ ...
Author: عبد الحكيم نصر
Date: 08-31-2009, 06:29 PM
Parent: #76
يا سادة وين صاحب البوست
هناك انباء تواترت بان مجموعة
من اياهن شوهدن في العليفون
نرجو القيام بعمل مضاد...
واحد متزوج مرة رغاية خالص
تتكلم في التلفون اقل حاجة تلاتة
ساعات....
مرة اتصلت واتكلمت نص ساعة
الزوج سالها(مالك يا حبيبتي
مكالمتك كانت قصيرة كده؟)
فردت(اصلو النمرة غلط)...
|
Post: #78
Title: Re: ونـسـة دُقآقـــة... ممنوع دخول النســـوانـ ...
Author: عبد الحكيم نصر
Date: 08-31-2009, 09:23 PM
Parent: #2
ملكة جمال العجائز
|
Post: #79
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 01:47 AM
Parent: #78
| Quote: لحين عودة الهارب معاويه المدير . |
لاحول ولا قوة إلا بالله العلي العظيم...
والله النسوان التقول عمان لي عمل. من يوم فتحتَ البوست ده
كمبيوتري ما قال أحيّ يالعافية, وأخيراً حتي الشبكة زاااتها طشّت...
يا الكباشي يا سجامان, أغيب وأجي القى البوست إتملأ نسوان!!
طلعتَ ما فيك فايدة...
|
Post: #80
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 01:49 AM
Parent: #78
| Quote: لحين عودة الهارب معاويه المدير . |
لاحول ولا قوة إلا بالله العلي العظيم...
والله النسوان التقول عمان لي عمل. من يوم فتحتَ البوست ده
كمبيوتري ما قال أحيّ يالعافية, وأخيراً حتي الشبكة زاااتها طشّت...
يا الكباشي يا سجامان, أغيب وأجي القى البوست إتملأ نسوان!!
طلعتَ ما فيك فايدة...
|
Post: #81
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 05:32 AM
Parent: #80
Quote:
خليجي سمع مصري بيغازل في زوجته
المصري لزوجته: شايفه القمر يا حبيبتي
الزوجة : ااه والله منظره حلو وجميل
الزوج : بس انتي احلي واجمل
الخليجي عاوز يطبق النظرية مع زوجتة:
الخليجي لزوجتة: شايفه القمر يا حبيبتي
الزوجة : علامي ما شايفه عميه متل امك
رمضان كريم يا ود المدي |
الله أكـــرم يا نديدي...
تعال شوف الشفوت بتاعين الجاهلية البقعدو تحت ضل السدرة, مُش
تحت لمبة العمود. قال ليك الجماعة متلمين جات مجموعة بتاعت جكس
من بني حنظلة, وبني دارم ماشات. واحد شِفِت قال ليهن:
إنّ النساء شواطيناً خلقنَ لنا نعوذ بالله من شرّ الشواطينا
ردّتَ عليهو واحدة أشّفت منو قالت:
إنّ النساء رياحيناً خلقن لكم وكلكم يشتهي شمّ الرياحينا
أحياناً بيتجلن يالسيف أخوي...
|
Post: #82
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 09-01-2009, 07:30 AM
Parent: #81
معاويه دي مراقتك كمبيوتر شنو ياخي انتا زي ما قال المفتاح رويحتك مكركره
|
Post: #83
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 08:08 AM
Parent: #82
Quote: تصوموا وتفطروا عل خير
ومعذره لو رفعته الكلفه
البوست لطيف جد |
تصومي وتفطري على خير يا محاسن, ورمضان كـــريم...
قلنا ممنوع الدخول. إنت جايانا رافعة الكُلفة كمان؟؟؟
غايتو أصلكن ما بتخلن محنكن...
على العموم يا زولة وكت الخبار جابك ما بنمرقك ساكت, وهاك دي:
بتاعات جبنة نُصّت نهار البيريدن القطيعة زي عيونهن ديك. قال ليك مرّة قاليك مرّة
ظابتات الجبنة وقاعدات بمزاج, وواحدة مدوراليك في مراة من نسوان الحِلّة قطيعة
من العيار التقيل. والمراة الشادنها من النوع الشرير جداً, وصاحبتنا دي تشيل وتسلخ
فيها. أكان المراة جات دآخلة وقفت وراها, وزولتنا تشيل وتمعط فيها ما جايبة خبر,
وصحباتها البغمز بعينها, والبتلوي في خشُمها, والبتعضعض في شلاليفها, وديك مآخدة
راحتها بالكامل. أكان إتلفتت لقتها وراها, إتبهطت, وإتخلعت, ودون ما تشعر قالت
لها: أها, جنيّت, وقُلتَ, السمح بيقولوهو, والكعب بيقولوهو...
شكراً على المرور يا أُخُت محاسن...
|
Post: #84
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 08:22 AM
Parent: #83
| Quote: أي كــــــلام هنا على مســــؤولية صاحب البوست |
| Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل |
عاد ده كــــــــــــــلام يا جماعة؟؟؟ أريت الرجالة تطير...
|
Post: #85
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 08:35 AM
Parent: #84
Quote: واحدة بايركس مشت للشيخ قالت ليهو يا شيخنا ما تشوف لي موضوع العرس دا
الشيخ صنقع ودنقر وجر السبحة وقال ليها انتي بعرسوك قريب دا
البت بقت تضحك ضحك شديد
الشيخ جر السبحة تاني وقال ليها وكمان العريس مغترب في السعودية
البت قعدت تبكي الشيخ قعد يسكت فيها يابتي مالك انتي ما كنتي كويسة
قبل شوية مالك ؟ البت قالت ليهو: والله يا شيخنا انا هميت من ولادة الغرب |
رمضان كــــريم يا أبو شوارب. مرات كده في جماعة بيعرسو ضربة حظـ سااااكت...
جماعة صاحبهن عرّس. قالوا يمشو يباركو ليهو, مشو لقوليك العروس
شينة شنا مباااااالغة. يا زول إتبهطو, وراحو داقين فرامل طوالي, وبدو
يتفاكرو يقولوا ليهو شنو؟؟. واحد قال ليهن: أنا بخارجكن من الموقف ده.
طواااالي مشاليك للعريس, سلّم عليهو, وقال ليهو: أسمع يا أبو الشباب,
الجماعة معاي, وبيقولوا ليك الجاتك في مالك ســـــــــامحتكـــ ...
|
Post: #86
Title: Re: ونـسـة دُقآقـــة... ممنوع دخول النســـوانـ ...
Author: محمد عبدالله مختار
Date: 09-01-2009, 08:56 AM
Parent: #85
Quote: مسطول مشي يخطب بت ..
قدمو ليه كباية شاي فيها (كيس لبتون)
قال لي صاحبو : أها من قولة تيت ساوين لينا عمل!! |
بوست خفيف وظريف ، بس بننبه الناس بعدم الخوض في أي نكات تمس الدين وان كانت للضحك فالله عز وجل لا يقبل بذلك .
يا جماعة رفقاً بالقوارير ، والله أنا شخصياً لمن اغيب من زوجتي يوم واحد بحس بي انو حياتي خاوية على عروشها.
تقبلوا تحياتي
|
Post: #95
Title: Re: ونـسـة دُقآقـــة... ممنوع دخول النســـوانـ ...
Author: طارق عبد اللطيف نقد
Date: 09-01-2009, 09:55 AM
Parent: #86
سلام يا شباب ورمضان كريم
وتصوموا وتفطروا على خير
وربنا يطلعكم من البوست ده بالسلامة
مرة مع المسنوح صديق الموج ده
وكنا معزومين فطور في رمضان في استراحة
بعد الفطور الونسه اقترحت عليهم نمشي البيت
نشرب لينا حجر شيشه مع جبنه كاااااربه00
وافقوا وذهبنا للبيت انا فتحت باب الشقة ودخلت توووووش للمطبخ
ولعت البوتجاز0000عشان الموية للجبنه والفحم للشيشة0000
جيت راجع لقيت ليك الموج واقف بتململ عند الباب وما دخل
وكان مزنوق 00وداير الحمام000
-مالك ما دخلته000
- يا خ ما حركات البلد دي تخش وتقفل باب النص وتستازن من الاولاد 00وكده
-ياخ ادخل ما في زول
-ليه الاولاد وين
-فاطرين مع ناس خالتهم
الموج- ياسلالالالالالالالالالالالالام ياخ ايوه كده الواحد ياخد راحته
والله كمان لو ربنا وفقك وطلقتهم0000تكون احسن زول في الدنيا!!!
|
Post: #88
Title: Re: ونـسـة دُقآقـــة... ممنوع دخول النســـوانـ ...
Author: بابكر عثمان مكي
Date: 09-01-2009, 09:09 AM
Parent: #85
السلام عليكم اخي معاوية المدير ورمضان كريم
اتنين مساطيل عطال واحد فيهم حبيبتو خطبوها
جاتو حمي و حرارة شديدة خلاص في خشمو من الصدمة
صاحبو المسطول الثاني قاليهو
انت كنت بتحب واحدة
ولا بتحب معجون ابوصفقة
هههههه
|
Post: #89
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 09:11 AM
Parent: #85
Quote:
احلى تعبير
واصل متابعين |
رمضان كـــــريم يا عبدالله بابكر...
عمّك الجاحظ قال: ما أخجلني قط إلا إمراة مرّت بي إلى صائغ فقلت له: أعمل
مثل هذا, فبقيت مبهوتاً, ثمّ سالت الصائغ, فقال: هذه المراةأرادت أن أعمل
صورة شيطان, فقلت: لا أدري كيف أصوره, فأتت بِكَ إليَّ لاصوره على صورتك...
شوفته الحقارة كمان يا عبد الله
غايتو الله يلزمنا الصبر...
|
Post: #87
Title: Re: ونـسـة دُقآقـــة... ممنوع دخول النســـوانـ ...
Author: Abdlaziz Eisa
Date: 09-01-2009, 09:05 AM
Parent: #83
الأخ/ معاوية
سلامات
بوستك عينة وقصر لينا نهار رمضان.. وحأجيك بصينيتي علشان ما تقول بنملح!!
Quote:
ردّتَ عليهو واحدة أشّفت منو قالت:
إنّ النساء رياحيناً خلقن لكم وكلكم يشتهي شمّ الرياحينا
أحياناً بيتجلن يالسيف أخوي... |
كنت ماشي كويس..
أها قمت تكسر في التلج..
تحياتي
عبدالعزيز
|
Post: #90
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 09:30 AM
Parent: #87
Quote: يا مَدير معاوية
بوستك بس كستبلي يعني جميل شديد زي الكستليته في رمضان |
رمضان كــــــريم يا الصادق ود الصديق...
زمان في (الحُجا). قالوا: الفار معرّس الخنفُسانة, ومريحها ليك رآحة شدددديدة,
ومنغنها نغنغة في السلك, ومانعها تطلع من البيت بحيث إنها ما محتاجة لحاجة.
يا زول يوم هفّت ليها قالت تمشي ترِد موية من البحر, عايزة تملأ القُلتة الموجة
لفحتها ليك. أها جا راجل يتوضأ فوق البحر, قامت كوركت ليهو: هووووووي يا طويل
الرقبة, قول لى طويل الضنبا ست النساء في غلبة.
الراجل راح في الدُكان مستغرب يحكي للجماعة قال ليهم: في حاجة في البحر
قالت لي هووووي يا طويل الرقبة قول لى طويل الضنبة ست النساء في غلبة.
الفار قاعد تحت البنك سمع الكلام قال: نحن اليسوانا, والما يسوانا يتحدث في
قفانا!!!.
مشى طوالي البحر مرقها, ودقاها, وطلقها...
شُفّته عدم سماع الكلام يا الصادق بيسوي في النسوان شنو!!!...
|
Post: #91
Title: Re: ونـسـة دُقآقـــة... ممنوع دخول النســـوانـ ...
Author: Abdlaziz Eisa
Date: 09-01-2009, 09:38 AM
Parent: #90
واحد مرتو شينة جدا جيرانهم عزابة
,
قالت ليهو لازم تعلى الحيطة دى من العزابة
,
قال ليها شافوووك
قالت ليهو لالا
قال ليها خلاص لما يشوفوك
براهم بيعلوهااااااااااااااااااااااااااا
|
Post: #92
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 09:41 AM
Parent: #90
Quote:
واحد بلدياتي عندو مرتو نقة
مرة بعد فاصل من النقة ..وزولي ساكت
ما بيرد ..بعد ان غادرت الزوجة قال لي:
والله يا ولدي الحريم ديل المفروض زي العقارب
يلدو وطوالي يموتو) |
هاك الهدية دي يا ود نصــــر...
عندنا صا حبنا نسيبو ظريف جداً. يوم صاحبنا ده داير يعمل حريف راح
قال لى نسيبو: أسمع أنا داير أعرّس فوق بنتك...
نسيبو قال ليهو: والله بقت عليك حكاية الراجل الشيلوهو النعجة ظرت,
قال أنا متعود على شيل التيران....
|
Post: #93
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 09:48 AM
Parent: #92
Quote: كل مره اقرا العنوان واقول خلاص ما بدخلزز
اللي غلبني! |
بتقدري يا مُنى لكن؟ والله ما بتقدري..
قالوا الخبار كتلو مراة!!!
رمضان كــــــــــــريمـ ...
واحدة جبوا ليها خبر, قالوا ليها: راجلك عـــــرّس فوقك!
قالت ليهم: بعد زبّل لي الأولاد, وطهّر لي الحيط, اليعرِس
أكان داير يعرّس!!!
|
Post: #94
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 09:53 AM
Parent: #93
Quote: نظر الابن إلى كمبيوتر أمه وقرأ الرسالة التالية : زوجتى العزيزة .. وصلت بخير .. ويمكن تتفاجئين لأنك تعرفين أخباري عن طريق الانترنت ، لأنه الان صار فيه كمبيوتر عندهم ويقدر الواحد يرسل أخباره لأهله وأحبابه يوم بيوم .. أنا لي ساعة واصل وتأكدت إنهم جهزوا المكان وكل شىء .. وما باقى غير وصولك عندي هنا بعد يومين .. إشتقت لك كثير ومشتاق أشوفك واتمنى تكون رحلة سريعة زي رحلتي .. ملاحظة : ما ضروري تجيبي ملابس كثيرة معاك لأن هنا الحر شديد خالص يعنى جهنم إن شاء الله ما تتأخري علي ياعمري..!
------------------------------------------------------------------------------
 لكن النصيحة ليك يا الله في ناس عرسوا نسوان بي سببهن شافوا النجوم بالنهار ، بطيخة مقفولة يا عمك انت وحظك
|
Post: #103
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 11:11 AM
Parent: #102
Quote: السلام عليكم اخي معاوية المدير ورمضان كريم
اتنين مساطيل عطال واحد فيهم حبيبتو خطبوها
جاتو حمي و حرارة شديدة خلاص في خشمو من الصدمة
صاحبو المسطول الثاني قاليهو
انت كنت بتحب واحدة
ولا بتحب معجون ابوصفقة |
رمضان كـــــــــــــــــر يمــ يا أبو صفقة...
واحد نخرتو كبيرة, خطب واحدة. قام قال ليها: طبعاً إنتِ عآرفة
أنا زول عُشرتي كويسة, وبستحمل الأذى.
قالت ليهو: ما عندي شك إنك بتتحمل الأذى وإنت شايل
النخرة الكبيرة دي عُمرك ده كُلو...
شُفتَ القطامة يا با بكر!!!
|
Post: #104
Title: Re: ونـسـة دُقآقـــة... ممنوع دخول النســـوانـ ...
Author: صلاح أبودية
Date: 09-01-2009, 11:21 AM
Parent: #103
بوست يخلى الزول يعمل دخول !
إتنين مساطيل بتونسوا ..
الأول : قالوا حسن داير يعرس !
الثانى : يستاهل العفن!
|
Post: #107
Title: Re: ونـسـة دُقآقـــة... ممنوع دخول النســـوانـ ...
Author: Abdlaziz Eisa
Date: 09-01-2009, 11:43 AM
Parent: #104
في واحد اتصل بمراته من الشغل وقال ليها أنا جاى على البيت سخني المويه بسرعة وقفل
التليفون .............. سمعه زميله وقال له هأدى الرجالة و لا بلاش
رد عليه وقال له طبعا". يعنى عايزنى امسح البلاط بمية باردة ؟
|
Post: #105
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 11:22 AM
Parent: #103
| Quote: لكن النصيحة ليك يا الله في ناس عرسوا نسوان بي سببهن شافوا النجوم بالنهار ، بطيخة مقفولة يا عمك انت وحظك |
روي أنّ رجل أتى رسول الله (ص), فقال: يا رسول الله إني أُريد أن أتزوج،
فادعُ الله أن يرزقني زوجة صالحة. فقال:(لو دعا لك جبريل وميكائيل وأنا
معهما ما تزوجت إلا المراة التي كتب الله لك، فإنه ينادي في السماء ألا
إنّ إمرأة فلان بن فلان فلانة بنت فلانة)...
|
Post: #106
Title: Re: ونـسـة دُقآقـــة... ممنوع دخول النســـوانـ ...
Author: سلمى الشيخ سلامة
Date: 09-01-2009, 11:26 AM
Parent: #105
معاوية
ازيك ود امى
شايفه البوست من اولو
لكين قلت امكن الله يهديك
وكت ما هداك جيتك
انت قايل المطفشنا منكم شنو ؟
ماياهو جنس دا
على النعمة فى رجال يسلو العافيةويقعدو محلها
وحات امى صحى
لكن الله غالب
تصوم وتفطر على خير
|
Post: #108
Title: Re: ونـسـة دُقآقـــة... ممنوع دخول النســـوانـ ...
Author: الكباشى البكرى
Date: 09-01-2009, 01:35 PM
Parent: #106
تقدم ملحوظ...
|
Post: #109
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 10:59 PM
Parent: #108
Quote:
بوست يخلى الزول يعمل دخول !
إتنين مساطيل بتونسوا ..
الأول : قالوا حسن داير يعرس !
الثانى : يستاهل العفن! |
رمضان كـــــــــــــــــــــريمــ يا صلاح...
واحد جعلي سكاهو كلب عِكليت جداً, والجعلي رفع عصاتو في
الهواء وطلق كرعيهو للريح. مجموعة نسوان بيردن فوق البير شافن
الجعلي فاكي البيرق، واحدة قالت لرفاقتها: زغردن للجعلي، عشان
يقيف يكسر الكلب بعصاتو الرافعها في الهواء دي. النسوان فكّن زغروده
كبيييييرة، الجعلي راح لافي عليهن والكلب وراهو، لامن وصل جنبهن
لووووح عصاتو في الهواء، وقال ليهن: أبشرن والله أكان يجري لحولو
ما يلحقني...
شُفت الحسادة، دايرات يدخلن الجعلي في معركة لا إيدو، لا كراعو،
لكن طلع نجيض وتفتيحة...
|
Post: #110
Title: Re: ونـسـة دُقآقـــة... ممنوع دخول النســـوانـ ...
Author: سيف الدولة كامل
Date: 09-01-2009, 11:58 PM
Parent: #109
المديدة الحارة,,وششششششششششششش
|
Post: #111
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-01-2009, 11:59 PM
Parent: #109
Quote: معاوية
ازيك ود امى
شايفه البوست من اولو
لكين قلت امكن الله يهديك
وكت ما هداك جيتك
انت قايل المطفشنا منكم شنو ؟
ماياهو جنس دا |
سلمى بت الشيخ...
رمضان كـــــــــــــــــــــــــريمــ ...
البِنيّة جات من المدرسة لجدها الشايقي تبكي.
قال لها: تعالي يا البنيوني، مالك بتتنخجي؟
قالت لو: يا جدي المدرسة قالت، البيشرب العرقي ربنا
بيوديهو النار، وإنتَ قاعد تشربو!
قال لها: هاااي مدرستك دي ماها خابرِي شي ساكت.
أقعدي أوقع لك الكلام عشان تمشي ترُصي ليها. قوليلا
جدي قالك: البيشرب عرقي (الجاو) ويمشي يهز فوق
النسوان في الحفلات، ده مكروه، والبيشرب عرقي (البركاوي)
ويتوسد عصاتو ينوم، أها عاد ده ما فيهو شي...
Quote: على النعمة فى رجال يسلو العافيةويقعدو محلها
وحات امى صحى
لكن الله غالب |
الظلم ظلمات يا سلمى، والنار دركات(من يفعل الخير لايعدم جوازيه لايذهب العرف بين الله والناس)
معذتي ليكِ قدر الجنّة...
|
Post: #112
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-02-2009, 01:26 PM
Parent: #111
| Quote: المديدة الحارة,,وششششششششششششش |
أتبقي الفتنة في هذا الشهر
المبارك يا أخ العرب؟!!!
|
Post: #113
Title: Re: ونـسـة دُقآقـــة... ممنوع دخول النســـوانـ ...
Author: وجن
Date: 09-02-2009, 02:09 PM
Parent: #112
ممكن أطلب طلب أخير
تلفون أو إيميل المدام
|
Post: #114
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-02-2009, 02:29 PM
Parent: #113
Quote: ممكن أطلب طلب أخير
تلفون أو إيميل المدام |
هذا الرقم لايمكن الوصول إليه حالياً..
الرجاء معاودة الإتصال مرة أخرى، وبس...
|
Post: #115
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-02-2009, 11:31 PM
Parent: #114
Quote: بس عليك الله يا معاوية البوست دها اعمل ليهو "باسورد" عشان ما يقرؤهو "الجماعة" ياخى عليك الله.
واحد "جرسة" |
والله يا صديق لو تبلعوا في بطنك يحصلوهوا،
أركز معانا وبطّل الجرسة. وعاين التِحِت دي
هرشوها كيف!!!
علّية بنت المهدي، قالوا أكانت مكسّرة في غلام إسمو طل،
قام عمك الرشيد حلف ما تنضم معاهو، أو تجيب سيرتو في
شِعرها، يوم عمك الرشيد جاء داخل عليها وهي بتقراء في
آخر سورة البقرة، قرات: فإن لم يصبها وابل، لقت الراجل
جنبها قالت: فللذي نهى عنه أمير المؤمنين...
أنفُخ يا صديق وأهرش يمكن تجيب فايدة
ونصيحتي ليك تبطل الجرسة...
واحد ما خايف ولا بيخاف...
|
Post: #116
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-03-2009, 11:32 AM
Parent: #115
Quote: كنت ماشي كويس..
أها قمت تكسر في التلج.. |
يا عبد العزيز إنت شفته كسير تلج!!!
كدي تعال نوريك عمك الدارمي عمل شنو...
واحد جايب ليهو خِمارات من العراق، يا زول الجماعة ختفوليك
لون الهلال، والمريخ، ولون زينب، وكل الألوان الطالعة موضة،
بس اللون الأسود موضة قديمة أبنو تب. صاحبنا مشى للدارمي
لقاهو ليك عامل فيها كوز قاعد في خلوة وضارب طناش من
الجكس. قال ليهو: يا عمك تعال صرّف لينا البضاعة دي. عمك
الدارمي راح مكسر تلج ببيتين شِعِر قال:
قل للمليحة في الخمار الأسود ماذا فعلت بزاهدٍ متعبد
قد كان شمّر للصلاة إزاره حتى قعدت له بباب المسجد
بس تعال شوف الخبر إنطلق في البلد إنو عمّك الدارمي بطّل
الكوزنة وكيّس ليهو واحدة خمارها أسود، بس الجكس إنطلق
في الخمارات عدموها نفاخة النار. كان بعد يومين يلقو ليك
عمك الدارمي رجع المؤتمر الوطني...
شُفتَ عمك دعايتو خطيرة كيف! تقول لي دعاية البيبسي؟؟؟...
|
Post: #117
Title: Re: ونـسـة دُقآقـــة... ممنوع دخول النســـوانـ ...
Author: محمد عبدالله مختار
Date: 09-03-2009, 01:04 PM
Parent: #116
Quote: Quote: Quote: ممكن أطلب طلب أخير
تلفون أو إيميل المدام |
هذا الرقم لايمكن الوصول إليه حالياً..
الرجاء معاودة الإتصال مرة أخرى، وبس... |
|
Post: #119
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-03-2009, 02:17 PM
Parent: #117
Quote: يا سبحان الله
ورمضان كريم.
تصور يا طارق جبريل وأنا بقرأ في البوست العجيب دا وبضحك وبقول في نفسي:
مقطوع الطاري دا جا من وين؟؟؟؟؟؟؟؟؟ |
رمضان كـــــــــــــــــريم يا حماد...
أسمع والله الشايقي ده تقعد تباري لي هوايلو ديل
يغتس حجرك...
المهم، عمك الشعبي قالوا، كان قاعد مع شريح القاضي.
يا زول كان جات واحدة داخلة عيونها وارمات من البكاء وتشيل
وتشكي من راجلها، ومن النخجي بس دايرة تطق عديييل كده.
أها عمك الشعبي ما حنين، قال لى شريح: يا زول المراة دي
خلي بالك الراجل ظالمها ظلم شديد.
شريح قال ليهو: عِرِفتَ كيفن إنو ظالمها؟
الشعبي قال ليهو: يا زول المراة دايرة تنفقع من النخجي
الحكاية ظاهرة من بكاها ده.
شريح ما مقرّم، قال ليهو: هوووووي يالشعبي أعمل حسابك،
أنّ إخوة يوسف جاءوا أباهم عِشاءً يبكون وهم له ظالمون...
شايف يا حماد، لو ما عمك شريح تفتيحة، والله كان ركّبت
الراجل الظلط في رقشة عدييييييل كده...
|
Post: #120
Title: Re: ونـسـة دُقآقـــة... ممنوع دخول النســـوانـ ...
Author: معاوية المدير
Date: 09-04-2009, 10:47 AM
Parent: #119
| Quote: الله يديك العافية يا حبيب شغال تفتح لينا فى نيران جهنم سااااااى |
واحد طواااالي يشتكي من مراتو لأصحابو،
واحد منهم، قال ليهو: يأخي أسمع إنت
المراة دي ما تطلقها.
قال ليهو: أنا لاقي زمن عشان أطلقها، مالنهار
كلوووو في الحواشة وبالليل معاكم في المريسة...
|
|
|